Majma uz Zawaid Wa Manba ul Fawaid

908 - وَعَنْ عَوْفِ بْنِ مَالِكٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «لَا يَقُصُّ إِلَّا أَمِيرٌ، أَوْ مَأْمُورٌ، أَوَمُتَكَلِّفٌ». قُلْتُ: رَوَاهُ أَبُو دَاوُدَ غَيْرَ قَوْلِهِ: " أَوْ مُتَكَلِّفٌ ". رَوَاهُ الطَّبَرَانِيُّ فِي الْأَوْسَطِ، وَفِيهِ زِيرَكٌ أَبُو الْعَبَّاسِ الرَّازِيُّ، وَلَمْ أَرَ مَنْ تَرْجَمَهُ.

حضرت عوف بن مالک رضی اللہ عنہ بیان کرتے ہیں :میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے :صرف امیر یا مامور، یا تکلف کرنے والا شخص قصہ بیان کریں گے ۔(علامہ ہیثمی فرماتے ہیں ) میں یہ کہتا ہوں : یہ روایت امام ابو داؤد نے نقل کی ہے تاہم انہوں نے یہ الفاظ نقل نہیں کیے ہیں : یا تکلف کرنے والا ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی زیرک ابو عباس رازی ہے ، میں نے کسی کو اس کے حالات ذکر کرتے ہوئے نہیں دیکھا ۔

رَسُولِ اللَّهِ ← عَوْفِ بْنِ مَالِكٍ،

909 - وَعَنْ كَعْبِ بْنِ عِيَاضٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «الْقُصَّاصُ ثَلَاثَةٌ: أَمِيرٌ، أَوْ مَأْمُورٌ، أَوْ مُخْتَالٌ». رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ اللَّهِ بْنُ يَحْيَى الْإِسْكَنْدَرَانِيُّ، وَلَمْ أَرَ مَنْ تَرْجَمَهُ.

حضرت کعب بن عیاض رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں :"قصہ بیان کرنے والے تین افراد ہوں گے امیر یا مامور یا متکب شخص"۔یہ روایت امام طبرانی نے معجم کبیر میں نقل کی ہےاس کی سند میں ایک راوی عبداللہ بن یحیی اسکندرانی ہے میں نے کسی کو اس کے حالات ذکر کرتے ہوئے نہیں دیکھا ۔

النَّبِيِّ ← كَعْبِ بْنِ عِيَاضٍ،

910 - وَعَنْ عُبَادَةَ بْنِ الصَّامِتِ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «لَا يَقُصُّ إِلَّا أَمِيرٌ، أَوْ مَأْمُورٌ، أَوْ مُتَكَلِّفٌ». رَوَاهُ الطَّبَرَانِيُّ فِي الْكَبِيرِ، وَإِسْنَادُهُ حَسَنٌ.

حضرت عبادہ بن صامت رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں "صرف امیر یا مامور ، یا تکلف کرنے والا شخص قصہ بیان کرے گا "۔یہ روایت امام طبرانی نے معجم کبیر میں نقل کی ہے اس کی سند حسن ہے۔

النَّبِيِّ ← عُبَادَةَ بْنِ الصَّامِتِ

911 - وَعَنْ أَبِي أُمَامَةَ قَالَ: «خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى قَاصٍّ يَقُصُّ فَأَمْسَكَ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " قُصَّ، فَلَأَنْ أَقْعُدَ غَدْوَةً إِلَى أَنْ تُشْرِقَ الشَّمْسُ أَحَبُّ إِلَيَّ مِنْ أَنْ أَعْتِقَ أَرْبَعَ رِقَابٍ، وَبَعْدَ الْعَصْرِ حَتَّى تَغْرُبَ الشَّمْسُ أَحَبُّ إِلَيَّ مِنْ أَنْ أَعْتِقَ أَرْبَعَ رِقَابٍ». رَوَاهُ أَحْمَدُ وَالطَّبَرَانِيُّ فِي الْكَبِيرِ، إِلَّا أَنَّ لَفْظَ الطَّبَرَانِيِّ: «أَقُصُّ، فَلَأَنْ أَقْعُدَ هَذَا الْمُقْعَدَ مِنْ حِينِ تُصَلِّي الْغَدَاةَ إِلَى أَنْ تُشْرِقَ الشَّمْسُ» - فَذَكَرَ الْحَدِيثَ، وَرِجَالُهُ مُوَثَّقُونَ إِلَّا أَنَّ فِيهِ أَبَا الْجَعْدِ عَنْ أَبِي أُمَامَةَ ; فَإِنْ كَانَ هُوَ الْغَطْفَانِيَّ، فَهُوَ مِنْ رِجَالِ الصَّحِيحِ، وَإِنْ كَانَ غَيْرَهُ فَلَمْ أَعْرِفْهُ.

حضرت ابو امامہ رضی اللہ عنہ بیان کرتے ہیں : ایک دن نبی اکرم صلی اللہ علیہ و آلہ وسلم ایک قصہ بیان کرنے والے شخص کے پاس تشریف لائے جو کچھ بیان کر رہا تھا (نبی اکرم صلی اللہ علیہ و آلہ وسلم کو دیکھ کر ) وہ شخص رک گیا ، تو نبی اکرم صلی اللہ علیہ و آلہ وسلم نے ارشاد فرمایا: تم قصہ بیان کرو !صبح سے لے کر سورج نکلنے تک میں بیٹھا رہوں ، یہ میرے نزدیک اس سے زیادہ محبوب ہے کہ میں چار غلام آزاد کر دوں اور عصر کے بعد سے لے سورج غروب ہونے تک بیٹھا رہوں یہ میرے نزدیک اس سے زیادہ محبوب ہے کہ میں چار غلام آزاد کر دوں یہ روایت امام احمد نے ( اپنی "مسند "میں) اور امام طبرانی نے معجم کبیر میں نقل کی ہے البتہ امام طبرانی کی روایت کے الفاظ یہ ہیں ۔"تم قصہ بیان کرو ! میں یہاں بیٹھ جاؤں ، اس وقت سے جب تم صبح کی نماز ادا کرتے ہو، اس وقت سے لے کر سورج کے چمکنے تک ( بیٹھا رہوں ) "۔۔۔۔ اس کے بعد انہوں نے پوری حدیث ذکر کی ہے ۔ اس کے رجال کی توثیق کی گئی ہے تاہم اس کی سند میں یہ مذکور ہے: اسے ابو الجعد نے حضرت ابو امامہ رضی اللہ عنہ سے نقل کیا ہے اگر تو یہ غطفانی ہے ، تو پھر یہ صحیح کے رجال میں سے ایک ہے اور اگر یہ اس کے علاوہ کوئی اور ہے ، تو پھر اس سے واقف نہیں ہوں ۔

الْحَدِيثَ، وَرِجَالُهُ مُوَثَّقُونَ إِلَّا أَنَّ فِيهِ أَبَا الْجَعْدِ ← خَرَجَ رَسُولُ اللَّهِ عَلَى قَاصٍّ يَقُصُّ فَأَمْسَكَ ← اَبِیْ اُمَامَۃَ،

912 - وَعَنْ رَجُلٍ مِنْ أَهْلِ بَدْرٍ أَنَّهُ سَمِعَ النَّبِيَّ - صَلَّى اللَّهُ عَلَيْهِ وَسَلَّمَ - يَقُولُ: «لَأَنْ أَقْعُدَ فِي مِثْلِ هَذَا الْمَجْلِسِ أَحَبُّ إِلَيَّ مِنْ أَنْ أُعْتِقَ أَرْبَعَ رِقَابٍ». قَالَ شُعْبَةُ: فَقُلْتُ: أَيَّ مَجْلِسٍ يَعْنِي؟ قَالَ: كَانَ قَاصًّا. رَوَاهُ أَحْمَدُ، وَفِيهِ كُرْدُوسُ بْنُ قَيْسٍ، وَثَّقَهُ ابْنُ حِبَّانَ، وَبَقِيَّةُ رِجَالِهِ رِجَالُ الصَّحِيحِ.

اہل بدر سے تعلق رکھنے والے ایک صحابی رضی اللہ عنہ کے حوالے سے یہ بات منقول ہے : انہوں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے :"اس طرح کی محفل میں میرا بیٹھ جانا ، میرے نزدیک چار غلام آزاد کرنے سے زیادہ پسند یدہ ہے "۔شعبہ نامی راوی بیان کرتے ہیں: میں نے کیا :نبی اکرم صلی اللہ علیہ و آلہ وسلم کی مراد کون سی محفل تھی ؟توانہوں نے جواب دیا : قصہ بیان کرنے (یعنی وعظ کرنے کی محفل تھی )۔یہ روایت امام احمد نقل کی ہے اوراس کی سند میں ایک راوی کردوس بن قیس ہے جسے ابن حبان نے ثقہ قرار دیا ہے اور اس کے بقیہ رجال صحیح کے رجال ہیں ۔

ثَّقَهُ ابْنُ حِبَّانَ، وَبَقِيَّةُ رِجَالِهِ رِجَالُ الصَّحِيحِ. ← كَانَ قَاصًّا. رَوَاهُ أَحْمَدُ، وَفِيهِ كُرْدُوسُ بْنُ قَيْسٍ،

913 - وَعَنْ كُرْدُوسِ بْنِ عَمْرٍو قَالَ: سَمِعْتُ رَجُلًا مِنْ أَهْلِ بَدْرٍ - قَالَ شُعْبَةُ: أَرَاهُ عَلِيَّ بْنَ أَبِي طَالِبٍ -: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «لَأَنْ نُفَصِّلَ الْمُفَصَّلَ أَحَبُّ إِلَيَّ مِنْ كَذَا بَابًا». قَالَ شُعْبَةُ: فَقُلْتُ لِعَبْدِ الْمَلِكِ: أَيُّ مُفَصَّلٍ؟ قَالَ: الْقَصَصُ. رَوَاهُ الْبَزَّارُ. وَكُرْدُوسٌ وَثَّقَهُ ابْنُ حِبَّانَ، وَقَالَ أَبُو حَاتِمٍ: فِيهِ نَظَرٌ. وَبَقِيَّةُ رِجَالِهِ رِجَالُ الصَّحِيحِ.

کردوس بن عمر و بیان کرتے ہیں : میں نے اہل بدر سے تعلق رکھنے والے ایک صحابی کو یہ بیان کرتے ہوئے سنا ، شعبی نامی راوی کہتے ہیں: میرا خیال ہے ، وہ صحابی حضرت علی بن ابو طالب رضی اللہ عنہ ہو ں گے ، وہ بیان کرتے ہیں :نبی اکرم صلی اللہ علیہ و آلہ وسلم نے ارشاد فرمایا :" میں مفصل کو وضاحت کے ساتھ بیان کروں ، یہ میرے نزدیک اتنی چیزوں سے زیادہ پسندیدہ ہے"۔شعبہ کہتے ہیں : میں نے(اپنے استاد) عبدالملک سے دریافت کیا :کون سی مفصل ؟ انہوں نے جواب دیا : قصے ۔یہ روایت امام بزار نے نقل کی ہے ، کردوس نامی راوی کو ابن حبان نے ثقہ قرار دیا ہے ابو حاتم کہتے ہیں : اس میں غور و فکر کی گنجائش ہے اس روایت کے بقیہ رجال صحیح کے رجال ہیں ۔

شُعْبَةُ: أُرَاهُ عَلِيُّ بْنُ أَبِي طَالِبٍ ← رَجُلًا، مِنْ أَهْلِ بَدْرٍ ← وَعَنْ كُرْدُوسِ بْنِ عَمْرٍو

914 - وَعَنِ الْعَبَادِلَةِ: عَبْدِ اللَّهِ بْنِ عُمَرَ، وَعَبْدِ اللَّهِ بْنِ الْعَبَّاسِ، وَعَبْدِ اللَّهِ بْنِ الزُّبَيْرِ، وَعَبْدِ اللَّهِ بْنِ عَمْرٍو، قَالُوا: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «الْقَاصُّ يَنْتَظِرُ الْمَقْتَ، وَالْمُسْتَمِعُ يَنْتَظِرُ الرَّحْمَةَ، وَالتَّاجِرُ يَنْتَظِرُ الرِّزْقَ، وَالْمُحْتَكِرُ يَنْتَظِرُ اللَّعْنَةَ، وَالنَّائِحَةُ وَمَنْ حَوْلِهَا مِنِ امْرَأَةٍ عَلَيْهِمْ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَ». رَوَاهُ الطَّبَرَانِيُّ فِي الْكَبِيرِ، وَفِيهِ بِشْرُ بْنُ عَبْدِ الرَّحْمَنِ الْأَنْصَارِيُّ عَنْ عَبْدِ اللَّهِ بْنِ مُجَاهِدِ بْنِ جَبْرٍ، وَلَمْ أَرَ مَنْ ذَكَرَهُمَا.

حضرات عبادلہ ، یعنی حضرت عبداللہ بن عمر ، حضرت عبداللہ بن عباس ، حضرت عبداللہ بن زبیر اور حضرت عبداللہ بن عمرو رضی اللہ عنہم یہ حضرات روایت کرتے ہیں :نبی اکرم صلی اللہ علیہ و آلہ وسلم نے ارشاد فرمایا ہے : "قصہ بیان کرنے والا ناراضگی کا منتظر ہو تا ہے، سننے والا رحمت کا منتظر ہو تا ہے ، تاجر رزق کا منتظر ہوتا ہے ، ذخیرہ اندوزی کرنے والا لعنت کا منتظر ہوتا ہے ، نوحہ کرنے والی عورت اور اس کے ارد گرد جتنی عورتیں موجود ہو تی ہیں، ان پر اللہ تعالی ، فرشتوں اور انسانوں سب کی لعنت ہو تی ہے "۔یہ روایت امام طبرانی نے معجم کبیر میں نقل کی ہے اس کی سند میں ایک راوی بشر بن عبدالرحمان انصاری ہے اس نے عبداللہ بن مجاہد بن جبر کے حوالے سے یہ روایت نقل کی ہے میں نے کسی کو ان دونوں کا ذکر کرتے ہوئے نہیں دیکھا ہے ۔

915 - وَعَنِ الشَّعْبِيِّ قَالَ: «قَالَتْ عَائِشَةُ لِابْنِ أَبِي السَّائِبِ قَاصِّ أَهْلِ الْمَدِينَةِ ثَلَاثًا، لَتُتَابِعَنِّي عَلَيْهِنَّ أَوْ لَأُنَاجِزَنَّكَ، قَالَ: وَمَا هُنَّ؟ بَلْ أُتَابِعُكَ أَنَا يَا أُمَّ الْمُؤْمِنِينَ، قَالَتْ: اجْتَنِبِ السَّجْعَ فِي الدُّعَاءِ ; فَإِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - وَأَصْحَابَهُ كَانُوا لَا يَفْعَلُونَ ذَلِكَ، وَقُصَّ عَلَى النَّاسِ فِي كُلِّ جُمُعَةٍ مَرَّةً، فَإِنْ أَبَيْتَ فَثِنْتَيْنِ، فَإِنْ أَبَيْتَ فَثَلَاثًا، وَلَا تُلْحِنِ النَّاسَ هَذَا الْكِتَابَ، وَلَا أَلْفَيَنَّكَ تَأْتِي الْقَوْمَ وَهُمْ فِي حَدِيثِهِمْ فَتَقْطَعَ عَلَيْهِمْ حَدِيثَهُمْ، وَلَكِنِ اتْرُكْهُمْ، فَإِذَا حَدَوْكَ عَلَيْهِ وَأَمَرُوكَ بِهِ فَحَدِّثْهُمْ». رَوَاهُ أَحْمَدُ، وَرِجَالُهُ رِجَالُ الصَّحِيحِ، وَرَوَاهُ أَبُو يَعْلَى بِنَحْوِهِ.

امام شعبی بیان کرتے ہیں : سیدہ عائشہ صدیقہ رضی اللہ عنہا نے اہل مدینہ کے واعظ ابن ابو سائب سے تین مرتبہ یہ فرمایا تھا : یا تو تم ان چیزوں کے حوالے سے میری فرمانبرداری کرو یا میں تمہیں سزا دوں گی تو اس نے کہا : وہ چیزیں کیا ہیں؟ اے ام المؤمنین ! میں آپ کی پیروی کروں گا ، سہدی عائشہ رضی اللہ عنہا نے فرمایا : تم دعا مانگتے ہوئے مسجع الفاظ سے اجتناب کرو!کیونکہ نبی اکرم صلی اللہ علیہ و آلہ وسلم اورآپ کے اصحاب ایسا نہیں کرتےتھے ، لوگوں کے سامنے ہفتے میں ایک مرتبہ وعظ کرو ، اگر نہیں مانتے تو دو مرتبہ کر لو ، اگر یہ بھی نہیں مانتے تو تین مرتبہ کر لو اور لوگوں کو یہ کتاب لحن کے ساتھ نہ سناؤ اور میں تمہیں ایسی حالت میں نہ پاؤں کہ تم لوگوں کے پاس آؤ ، وہ آپس میں بات چیت کر رہے ہوں اور تم ان کی بات چیت ختم کروا دو ، بلکہ انہیں ایسے ہی رہنے دو ، جب وہ تمہیں اس بارے میں کہیں اور تمہیں اس کا حکم دیں تو ان سے گفتگو شروع کرو ۔ یہ روایت امام احمد نے نقل کی ہے اس کے رجال صحیح کے رجال ہیں ، امام ابو یعلی نے روایت اس کی مانند نقل کی ہے ۔

الشَّعْبِيِّ،

916 - وَعَنِ الْمِقْدَامِ بْنِ مَعْدِي كَرِبَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «إِذَا حَدَّثْتُمُ النَّاسَ فَلَا تُحَدِّثُوهُمْ بِمَا يُفْزِعُهُمْ وَيَشُقُّ عَلَيْهِمْ». رَوَاهُ الطَّبَرَانِيُّ فِي الْأَوْسَطِ، وَفِيهِ الْوَلِيدُ بْنُ كَامِلٍ، قَالَ الْبُخَارِيُّ: عِنْدَهُ عَجَائِبُ، وَثَّقَهُ ابْنُ حِبَّانَ وَأَبُو حَاتِمٍ.

حضرت مقدام بن معد یکرب رضی اللہ عنہ روایت کرتے ہیں :نبی اکرم صلی اللہ علیہ و آلہ وسلم نے ارشاد فرمایا ہے : " جب تم لوگوں کے ساتھ گفتگو کرو ، تو ان کے ساتھ ایسی گفتگو نہ کرو جو انہیں پریشان کر دے اور ان پر گراں گزرے "۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی ولید بن کامل ہے، امام بخاری فرماتے ہیں : اس نے عجیب و غریب روایات نقل کی ہیں ابن حبان اور ابو حاتم نے اسے ثقہ قرار دیا ہے ۔

الْمِقْدَامِ بْنِ مَعْدِي كَرِبَ،

917 - وَعَنِ الْأَعْمَشِ أَنَّ ابْنَ مَسْعُودٍ مَرَّ بِرَجُلٍ يُذَكِّرُ قَوْمًا فَقَالَ: يَا مُذَكِّرُ، لَا تُقَنِّطِ النَّاسَ. رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ، وَلَكِنَّ الْأَعْمَشَ لَمْ يُدْرِكِ ابْنَ مَسْعُودٍ.

اعمش بیان کرتے ہیں: حضرت عبداللہ بن مسعود رضی اللہ عنہ کا گزر ایک شخص کے پاس سے ہوا ، جو ایک قوم کو وعظ ونصیحت کر رہا تھا ، تو حضرت عبداللہ رضی اللہ عنہ نے فرمایا : اے نصیحت کرنے والے شخص ! تم لوگوں کو مایوسی کا شکار نہ کرنا! یہ روایت امام طبرانی نے معجم کبیر میں نقل کی ہےاس کے رجال صحیح کے رجال ہیں البتہ اعمش نے حضرت عبداللہ بن مسعود رضی اللہ عنہ کا زمانہ نہیں پایا ہے ۔

رِجَالُهُ رِجَالُ الصَّحِيحِ، وَلَكِنَّ الْأَعْمَشَ لَمْ يُدْرِكِ ابْنَ مَسْعُودٍ. ← يَا مُذَكِّرُ، لَا تُقَنِّطِ النَّاسَ. رَوَاهُ الطَّبَرَانِيُّ فِي الْكَبِيرِ، ← الأَعمَشِ، أَنَّ ابْنَ مَسْعُودٍ مَرَّ بِرَجُلٍ يُذَكِّرُ قَوْمًا

918 - وَعَنِ ابْنِ مَسْعُودٍ قَالَ: لَا تَمَلُّوا النَّاسَ، فَيَمَلُّوا الذِّكْرَ. رَوَاهُ الطَّبَرَانِيُّ فِي الْكَبِيرِ، وَإِسْنَادُهُ صَحِيحٌ.

حضرت عبداللہ بن مسعود رضی اللہ عنہ فرماتے ہیں : تم لوگوں کو اکتاہٹ کا شکا ر نہ کرو !ورنہ وہ نصیحت سے اکتا جائیں گے ۔ یہ روایت امام طبرانی نے معجم کبیر میں نقل کی ہےاس کی سند صحیح ہے ۔

لَا تَمَلُّوا النَّاسَ، فَيَمَلُّوا الذِّكْرَ. رَوَاهُ الطَّبَرَانِيُّ فِي الْكَبِيرِ، وَإِسْنَادُهُ صَحِيحٌ. ← وعن ابن مسعود

919 - عَنْ جَابِرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «حَدِّثُوا عَنْ بَنِي إِسْرَائِيلَ ; فَإِنَّهُ كَانَ فِيهِمُ الْعَجَائِبُ». رَوَاهُ الْبَزَّارُ عَنْ شَيْخِهِ جَعْفَرِ بْنِ مُحَمَّدِ بْنِ أَبِي وَكِيعٍ، عَنْ أَبِيهِ، وَلَمْ أَعْرِفْهُمَا، وَبَقِيَّةُ رِجَالِهِ ثِقَاتٌ.

حضرت جابر رضی اللہ عنہ روایت کرتے ہیں :نبی اکرم صلی اللہ علیہ و آلہ وسلم نے ارشاد فرمایا ہے :" بنی اسرائیل کے حوالے سے بات بیان کر دو !کیونکہ ان میں حیران کن چیزیں ہیں ۔ یہ روایت امام بزار نے اپنے استاد جعفر بن محمد بن ابو وکیع کے حوالے سے ان کے والد سے نقل کی ہے میں ان دونوں سے واقف نہیں ہوں اس روایت کے بقیہ رجال ثقہ ہیں ۔

جَابِرٍ