Majma uz Zawaid Wa Manba ul Fawaid

6357 - عَنِ ابْنِ عُمَرَ قَالَ: «نَهَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَنِ الشِّغَارِ، وَعَنْ بَيْعِ الْمَجَرِ، وَعَنْ بَيْعِ الْغَرَرِ، وَعَنْ بَيْعِ كَالِئٍ بِكَالِئٍ، وَعَنْ بَيْعِ آجِلٍ بِعَاجِلٍ». قَالَ: وَالْمَجَرُ مَا فِي الْأَرْحَامِ. وَالْغَرَرُ: أَنْ تَبِيعَ مَا لَيْسَ عِنْدَكَ. وَكَالِئٌ بِكَالِئٍ: دَيْنٌ بِدَيْنٍ. وَالْآجِلُ بِعَاجِلٍ: أَنْ يَكُونَ لَكَ عَلَى الرَّجُلِ أَلْفُ دِرْهَمٍ فَيَقُولَ الرَّجُلُ: أُعَجِّلُ لَكَ خَمْسَمِائَةٍ وَدَعِ الْبَقِيَّةَ. وَالشِّغَارُ: أَنْ يُنْكِحَ الْمَرْأَةَ بِالْمَرْأَةِ لَيْسَ بَيْنَهُمَا صَدَاقٌ. قُلْتُ: فِي الصَّحِيحِ طَرَفٌ مِنْهُ. رَوَاهُ الْبَزَّارُ، وَفِيهِ مُوسَى بْنُ عُبَيْدَةَ، وَهُوَ ضَعِيفٌ.

حضرت عبداللہ بن عمر رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے شغار سے ‘مجرفروخت کر نے سے‘ دھو کے کے سودے سے‘ کالی کےسودے سے‘اور ادھار کے بدلے میں نقد سودے سے منع کیا ہے۔راوی بیان کرتے ہیں : مجر سے مراد وہ چیز ہے‘ جو ( جانور کے) پیٹ میں موجود ہو۔ دھو کے کے سودے سے مراد یہ ہے کہ آپ ایسی چیز فروخت کر د یں جو آپ کے پاس ہے ہی نہیں۔ کالی کے عوض میں کالی سے مراد یہ ہے کہ ادھار کے بدلے میں ادھار کا سودا کیا جائے ۔تاخیرکے بدلے میں جلدی کا سودا یہ ہے کہ آپ نے کسی شخص سے ایک ہزار درہم لینے ہیں اور وہ شخص یہ کہے کہ میں آپ کو پانچ سو درہم جلدی ادا کر دیتا ہوں آپ باقی رقم چھوڑ دیں۔ شغار یہ ہے کہ عورت کے عوض میں عورت کے ساتھ نکاح کر لیا جائے اور ان دونوں کا کوئی مہر نہ ہو۔(علامہ ہیثمی فرماتے ہیں:)میں یہ کہتا ہوں:’’صحیح‘‘میں اس روایت کا ایک حصہ منقول ہے۔یہ روایت امام بزار نے نقل کی ہے اس کی سند میں ایک راوی موسیٰ بن عبیدہ ہے اور وہ ضعیف ہے۔

بَيْعِ آجِلٍ بِعَاجِلٍ». ← بَيْعِ كَالِئٍ بِكَالِئٍ، ← بَيْعِ الْغَرَرِ» ← بيع الْمَجْر ← الشِّغَارِ ← «نَهَى رَسُولُ اللَّهِ ← ابْنِ عُمَرَ

6358 - وَعَنْ أَنَسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «لَا تَنَاجَشُوا، وَلَا تَلَامَسُوا، وَلَا تَبَايَعُوا الْغَرَرَ، وَلَا يَبِعْ حَاضِرٌ لِبَادٍ وَمَنِ اشْتَرَى شَاةً مُحَفَّلَةً فَلْيَحْلِبْهَا ثَلَاثَةَ أَيَّامٍ، فَإِنْ رَدَّهَا فَلْيَرُدَّهَا بِصَاعٍ مِنْ تَمْرٍ» ". رَوَاهُ أَبُو يَعْلَى، وَفِيهِ إِسْمَاعِيلُ بْنُ مُسْلِمٍ الْمَكِّيُّ، وَهُوَ ضَعِيفٌ.

حضرت انس رضی اللہ عنہ روایت کرتے ہیں: نبی اکرم صلی اللہ علیہ وآلہ وسلم نے ارشادفرمایا: ’’ آپس میں مصنوعی بولی نہ لگاؤبیع ملامسہ نہ کرو دھو کے کا سودا نہ کر وشہری شخص دیہاتی کے لئے کوئی چیز فروخت نہ کر وائےاور جو شخص کوئی محفلہ بکری خرید لیتا ہے‘ تو وہ تین دن تک اس کا دودھ دوہے گا پھر اگر وہ چاہے تو کھجور کےایک صاع کے ہمراہ اسے واپس کر دے‘‘۔یہ روایت امام ابویعلیٰ نے نقل کی ہے اس کی سند میں ایک راوی اسماعیل بن مسلم مکی ہے اور وہ ضعیف ہے۔

أَنَسٍ،

6359 - وَعَنْ زَامِلِ بْنِ عَمْرٍو، عَنْ أَبِيهِ، عَنْ جَدِّهِ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - خَرَجَ يَوْمَ الْفِطْرِ إِلَى الْعِيدِ عَنْ يَمِينِهِ أُبَيُّ بْنُ كَعْبٍ، وَعَنْ يَسَارِهِ عُمَرُ - أَوْ قَالَ: ابْنُ عُمَرَ - فَلَمَّا فَرَغَ مَرَّ عَلَى بَابِ أَبِي كَثِيرٍ - أَوْ كَبِيرٍ - وَاللَّحَّامُونَ بِفِنَائِهَا وَالنَّاسُ حَدِيثُو عَهْدٍ بِجَاهِلِيَّةٍ فَقَالَ: " كَيْفَ تَبِيعُونَ؟ ". قَالُوا: كَذَا وَكَذَا. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " بِيعُوا كَيْفَ شِئْتُمْ، وَلَا تَخْلِطُوا مَيْتَةً بِمَذْبُوحَةٍ عَلَى النَّاسِ. أَيُّهَا النَّاسُ احْفَظُوا: لَا تَحْتَكِرُوا، وَلَا تَنَاجَشُوا، وَلَا تُلْقُوا السِّلَعَ، وَلَا يَبِعْ حَاضِرٌ لِبَادٍ، وَلَا يَبِعِ الرَّجُلُ عَلَى بَيْعِ أَخِيهِ، وَلَا يَخْطُبْ عَلَى خِطْبَةِ أَخِيهِ حَتَّى يَأْذَنَ لَهُ، وَلَا تَسْأَلِ الْمَرْأَةُ طَلَاقَ الْأُخْرَى لِتَكْتَفِئَ إِنَاءَهَا وَلِتُنْكَحَ، فَإِنَّ رِزْقَهَا عَلَى اللَّهِ تَعَالَى» ". رَوَاهُ الطَّبَرَانِيُّ فِي الْكَبِيرِ، وَفِيهِ عُمَرُ بْنُ صَهْبَانَ، وَهُوَ مَتْرُوكٌ.

زامل بن عمرو نے اپنے والد کے حوالے سے اپنے دادا کے حوالے سے یہ بات نقل کی ہے : عید الفطر کے دن نبی اکرم صلی اللہ علیہ وآلہ وسلم عید گاہ کی طرف تشریف لے گئے آپ کے دائیں طرف حضرت اُبی بن کعب رضی اللہ عنہ تھے اور بائیں طرف حضرت عمر رضی اللہ عنہ تھے ( راوی کوشک ہے شاید یہ الفاظ ہیں: ) حضرت عبداللہ بن عمر رضی اللہ عنہ تھے جب آپ فارغ ہوئے تو آپ کا گزر باب ابوکثیر ( راوی کو شک ہے شاید یہ الفاظ ہیں : ) باب ابوکبیر کے پاس سے ہوا جس کے باہر گوشت فروخت کرنے والے لوگ موجود تھے لوگ اس وقت زمانہ جاہلیت کے قریب تھے نبی اکرم صلی اللہ علیہ وآلہ وسلم نے دریافت کیا: تم کیسے فروخت کر رہے ہو؟ انہوں نے عرض کی: اتنے ‘اتنے کے عوض میں ‘نبی اکرم صلی اللہ علیہ وآلہ وسلم نے ارشادفر ما یا تم جیسے چاہو ویسے فروخت کرولیکن لوگوں کے لئے ذبح شدہ جانور کے ساتھ مردارکونہ ملا دینا اے لوگو! حفاظت کروتم ذخیرہ اندوزی نہ کروتم مصنوعی بولی نہ لگاؤ تم (منڈی سے باہر ) سامان ( کے قافلے) سے نہ ملو شہری شخص دیہاتی کے لئے کوئی چیز فروخت نہ کرے کوئی شخص اپنے بھائی کے سودے پر سودا نہ کرے کوئی شخص اپنے بھائی کے پیغام نکاح پر پیغام نہ بھیجے جب تک وہ بھائی اسے اجازت نہیں دے دیتا اور کوئی عورت دوسری عورت کی طلاق کا مطالبہ نہ کرے تا کہ اس کے حصے کے برتن کوخود حاصل کر لے اور اس کے ساتھ نکاح کر لیا جائے کیونکہ اس عورت کا رزق اللہ تعالیٰ کا ذمہ ہے‘‘۔ یہ روایت امام طبرانی نے معجم کبیر میں نقل کی ہے اس کی سند میں ایک راوی عمر بن صہبان ہے اور وہ متروک ہے۔

جَدِّهِ، ← أَبِيهِ ← وَعَنْ زَامِلِ بْنِ عَمْرٍو،

6360 - وَعَنْ أَبِي الدَّرْدَاءِ قَالَ: «صَلَّى رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَوْمَ فِطْرٍ أَوْ أَضْحَى، ثُمَّ أَدْبَرَ فَاتَّبَعَهُ أُبَيٌّ، وَعَبْدُ الرَّحْمَنِ بْنُ عَوْفٍ، وَعَبْدُ اللَّهِ بْنُ عَمْرٍو، وَاتَّبَعْتُهُمْ حَتَّى انْتَهَيْنَا إِلَى اللَّحَّامِينَ عِنْدَ دَارِ أَبِي كَثِيرٍ فَقَالَ لَهُمْ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " لَا تَسْلَخُوا ذَبِيحَتَكُمْ حَتَّى تَمُوتَ، وَلَا يَبِعْ بَعْضُكُمْ عَلَى بَيْعِ بَعْضٍ، وَلَا تَنَاجَشُوا، وَلَا تَلَقَّوُا السِّلَعَ، وَلَا تَحْتَكِرُوا» ". رَوَاهُ الطَّبَرَانِيُّ فِي الْكَبِيرِ، وَفِيهِ عَمْرُو بْنُ صَهْبَانَ أَيْضًا، وَهُوَ مَتْرُوكٌ.

حضرت ابو درداء رضی اللہ عنہ بیان کرتے ہیں: عیدالفطر یا شایدعیدالاضحیٰ کے دن نبی اکرم صلی اللہ علیہ وآلہ وسلم نے نماز ادا کی پھر آپ واپس تشریف لائےحضرت ابی بن کعب رضی اللہ عنہ حضرت عبدالرحمن بن عوف رضی اللہ عنہ اور حضرت عبداللہ بن عمر رضی اللہ عنہ آپ کے پیچھے تھے ان حضرات کے پیچھے میں بھی تھا یہاں تک کہ ہم دارا بوکثیر کے پاس گوشت فروخت کر نے والوں تک پہنچ گئے نبی اکرم صلی اللہ علیہ وآلہ وسلم نے ان سے فرمایا تم اپنے ذبیحہ کی کھال اس وقت تک نہ اتارو جب تک وہ مر نہیں جاتا اورکوئی شخص کسی دوسرے کے سودے پر سودا نہ کرے اور تم آپس میں مصنوعی بولی نہ لگاؤ اورتم ( منڈی تک پہنچنے سے پہلے) سامان سے نہ ملواورتم ذخیرہ اندوزی نہ کرو‘‘۔یہ روایت امام طبرانی نے معجم کبیر میں نقل کی ہے اس کی سند میں ایک راوی عمرو بن صہبان ہے اور وہ متروک ہے۔

أَبِي الدَّرْدَاءِ،

6361 - وَعَنْ أَبِي أُمَامَةَ الْبَاهِلِيِّ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - «قَالَ: " أَهْلُ الْمَدَايِنِ الْحُبَسَاءُ فِي سَبِيلِ اللَّهِ رِدْءُ الْمُسْلِمِينَ وَثَغْرُهُمْ فَلَا تَغْلُوا عَلَيْهِمْ، وَلَا تَحْتَكِرُوا، وَلَا يَبِعْ حَاضِرٌ لِبَادٍ، وَلَا يَسِمِ الرَّجُلُ عَلَى سَوْمِ أَخِيهِ، وَلَا يَخْطُبْ عَلَى خِطْبَتِهِ، وَلَا تَكْتَفِئِ الْمَرْأَةُ إِنَاءَ أُخْتِهَا، وَكُلٌّ رِزْقُهُ عَلَى اللَّهِ عَزَّ وَجَلَّ» ". رَوَاهُ الطَّبَرَانِيُّ فِي الْكَبِيرِ، وَفِيهِ حَمَّادُ بْنُ عَبْدِ الرَّحْمَنِ، وَهُوَ مُنْكَرُ الْحَدِيثِ مَجْهُولٌ.

حضرت ابوامامہ بابلی رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ’’شہروں کے لوگ اللہ کی راہ میں پابند ہوتے ہیں، توتم ان کے خلاف چیز یں مہنگی نہ کرو اور تم ذخیرہ اندوزی نہ کرواور شہری شخص دیہاتی کے لئے کوئی چیز فروخت نہ کرے اور کوئی شخص اپنے بھائی کی بولی پر بولی نہ لگائے اور اس کی شادی کے پیغام پر شادی کا پیغام نہ بھیجے اور کوئی عورت اپنی بہن کے برتن کو خود حاصل نہ کر لے ہر ایک کا رزق الله تعالیٰ کے ذمہ ہے‘‘۔ یہ روایت امام طبرانی نے معجم کبیر میں نقل کی ہے اس کی سند میں ایک راوی حماد بن عبدالرحمن ہے اور وہ منکر الحدیث ہےاور مجہول ہے۔

النَّبِيِّ ← أَبِي أُمَامَةَ الْبَاهِلِيِّ،

6362 - وَعَنْ عَبْدِ اللَّهِ بْنِ عَمْرٍو أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «لَا يَحِلُّ أَنْ تُنْكَحَ الْمَرْأَةُ بِطَلَاقِ أُخْرَى، وَلَا يَحِلُّ لِرَجُلٍ أَنْ يَبِيعَ عَلَى بَيْعِ صَاحِبِهِ حَتَّى يَذَرَهُ، وَلَا يَحِلُّ لِثَلَاثَةِ نَفَرٍ يَكُونُونَ بِأَرْضِ فَلَاةٍ إِلَّا أَمَّرُوا عَلَيْهِمْ أَحَدَهُمْ وَلَا يَحِلُّ لِثَلَاثَةِ نَفَرٍ يَكُونُونَ بِأَرْضِ فَلَاةٍ يَتَنَاجَى اثْنَانِ دُونَ صَاحِبِهِمَا» ". رَوَاهُ أَحْمَدُ، وَالطَّبَرَانِيُّ، وَفِيهِ ابْنُ لَهِيعَةَ، وَحَدِيثُهُ حَسَنٌ، وَبَقِيَّةُ رِجَالِ أَحْمَدَ رِجَالُ الصَّحِيحِ.

حضرت عبداللہ بن عمر و رضی اللہ عنہ نبی اکرم صلی اللہ علیہ وآلہ وسلم کایہ فرمان نقل کرتے ہیں: ’’یہ بات حلال نہیں ہے کہ کسی عورت کے ساتھ دوسری عورت کی طلاق( کی شرط) کے ہمراہ نکاح کیا جائے گااور آدمی کے لئے یہ بات حلال نہیں ہے کہ وہ اپنے ساتھی کےسودے پر سودا کرے جب تک وہ دوسرا شخص اس کو چھوڑ نہیں دیتا اور تین افراد کے لئے یہ بات حلال نہیں ہے کہ جب وہ کسی ویرانے میں موجود ہوں تو انہوں نے کسی کو امیرنہ بنایا ہو اور تین افراد کے یہ بات حلال نہیں ہے کہ جب وہ تنہا موجود ہوں تو ان میں سے دوافرادایک کو چھوڑ کر آپس میں سرگوشی میں بات چیت کر یں‘‘۔یہ روایت امام احمد نے اور امام طبرانی نے نقل کی ہے اس کی سند میں ایک راوی ابن لہیعہ ہے اور اس کی نقل کردہ حدیث حسن ہے امام احمد کے بقیہ ر جال صحیح کے رجال ہیں۔

عَبْدِ اللہِ بْنِ عَمْرٍو

6363 - وَعَنْ عِمْرَانَ بْنِ حُصَيْنٍ قَالَ: «نَهَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَنِ الْجَلَبِ وَالْجَنَبِ، وَنَهَى عَنِ اللَّمْسِ، وَالنَّجْشِ مَعَ الْبَيْعِ، وَنَهَى أَنْ يَبْتَاعَ الرَّجُلُ عَلَى بَيْعِ أَخِيهِ، أَوْ يَخْطُبَ عَلَى خِطْبَةِ أَخِيهِ». قُلْتُ: رَوَى أَبُو دَاوُدَ، وَغَيْرُهُ مِنْهُ: " «لَا جَلَبَ، وَلَا جَنَبَ» ". وَرِجَالُهُ رِجَالُ الصَّحِيحِ.

حضرت عمران بن حصین رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے ’’جلب‘‘اور’’جنب‘‘ سے منع کیا ہے‘ آپ نے بیع ملامسہ سے منع کیا ہے اور آپ نے سودے کے ہمراہ مصنوعی بولی لگانے سے منع کیا ہے اور اس بات سے منع کیا ہے کہ کوئی شخص اپنےبھائی کے سودے پر کوئی سودا کرے یا اپنے بھائی کی شادی کے پیغام پرا پناشادی کا پیغام بھیج دے۔ ( علامہ ہیثمی فرماتے ہیں: )میں یہ کہتا ہوں : امام ابوداؤ داور دیگر حضرات نے اس میں سے یہ حصہ نقل کیا ہے: ’’جلب اورجنب نہیں ہوگا‘‘۔اس روایت کے رجال صحیح کے رجال ہیں۔

الجلب والجنب ونهى ← «نَهَى رَسُولُ اللَّهِ ← عِمْرَانَ بْنِ حُصَيْنٍ

6364 - وَعَنِ ابْنِ عُمَرَ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «لَا يَبِعْ حَاضِرٌ لِبَادٍ، وَلَا تَسْتَقْبِلُوا الْجَلَبَ، وَلَا تَنَاجَشُوا، وَلَا يَخْطُبْ أَحَدُكُمْ عَلَى خِطْبَةِ أَخِيهِ، وَلَا تَسْأَلِ الْمَرْأَةُ طَلَاقَ أُخْتِهَا لِتَكْتَفِئَ مَا فِي صُحْفَتِهَا، فَإِنَّمَا لَهَا مَا كُتِبَ، وَلَا تُصَرُّوا الْإِبِلَ، وَالْغَنَمَ لِلْبَيْعِ فَمَنِ اشْتَرَى شَاةً مُصَرَّاةً، فَإِنَّهُ بِأَحَدِ النَّظَرَيْنِ إِنْ رَدَّهَا رَدَّهَا بِصَاعٍ مِنْ تَمْرٍ» ". قُلْتُ: لِابْنِ عُمَرَ فِي الصَّحِيحِ: النَّهْيُ عَنِ النَّجْشِ، وَالتَّلَقِّي. وَلَهُ عِنْدَ أَبِي دَاوُدَ، وَابْنِ مَاجَهْ حَدِيثٌ فِي الْمُصَرَّاةِ إِلَّا أَنَّهُ قَالَ فِيهِ: " «رَدَّ مِثْلِي أَوْ مِثْلَ لَبَنِهَا قَمْحًا» " بَدَلَ التَّمْرِ. رَوَاهُ الطَّبَرَانِيُّ فِي الْكَبِيرِ، وَفِيهِ لَيْثُ ابْنُ أَبِي سُلَيْمٍ، وَهُوَ ثِقَةٌ، وَلَكِنَّهُ مُدَلِّسٌ، وَبَقِيَّةُ رِجَالِهِ رِجَالُ الصَّحِيحِ.

حضرت عبداللہ بن عمر رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ”شہری شخص دیہاتی کی چیز فروخت نہیں کروائے گاتم(منڈی تک پہنچنے سے پہلے)سوداگروں سے نہ ملو اور تم مصنوعی بولی نہ لگاؤ اور تم میں سے کوئی ایک شخص اپنے بھائی کے شادی کے پیغام پر اپنی شادی کا پیغام نہ بھیجے اور کوئی عورت اپنی بہن کی طلاق کا مطالبہ نہ کرے تا کہ اس کے پیالے میں موجود چیز کوخود حاصل کر لے اس عورت کو وہ چیزملے گی جو اس کے نصیب میں ہوگی اور تم اونٹنیوں یا بکریوں کا انہیں فروخت کرنے کے لئے تصر یہ نہ کرو جوشخص کوئی تصر یہ والی بکری خریدتا ہے ‘تو اسے دو میں سے ایک بات کا اختیار ہوگا ( یا تو وہ اس کو رکھ لے یا پھر) اگر وہ چاہے ‘تو اسے واپس کردے اور اس کے ہمراہ کھجور کا ایک صاع واپس کرے‘‘۔ ( علامہ ہیثمی فرماتے ہیں: )میں یہ کہتا ہوں : حضرت عبداللہ بن عمر رضی اللہ عنہ سے منقول حدیث’’صحیح‘‘ میں مذکور ہے ‘جو بولی لگانے اور ( منڈی سے باہرسوداگروں سے )ملنے کی ممانعت کے بارے میں ان کے حوالے سے امام ابوداؤ داور امام ابن ماجہ نے ایک حدیث نقل کی ہے‘ جو تصر یہ والے جانور کے بارے میں ہے تا ہم انہوں نے اس میں یہ الفاظ نقل کیے ہیں : ’’وہ اس کے دودھ کی دومثل ‘( راوی کو شک ہے یا شاید یہ الفاظ ہیں: )ایک مثل ‘جتنی گندم واپس کرے گا‘‘ یعنی ۔انہوں نےکھجور کی جگہ گندم کا لفظ استعمال کیا ہے۔ یہ روایت امام طبرانی نے معجم کبیر میں نقل کی ہے اس کی سند میں ایک راوی لیث بن ابوسلیم ہے اور وہ ثقہ ہے لیکن وہ تدلیس کرنے والا ہے اس روایت کے بقیہ رجال صحیح کے رجال ہیں۔

ابْنِ عُمَرَ