Majma uz Zawaid Wa Manba ul Fawaid

1123 - عَنْ أَبِي أُمَامَةَ الْبَاهِلِيِّ قَالَ: قَالَ رَسُولُ اللَّهِ صَلَّى عَلَيْهِ وَسَلَّمَ: " «إِذَا تَمَضْمَضَ أَحَدُكُمْ حُطَّ مَا أَصَابَ بِفِيهِ، وَإِذَا غَسَلَ وَجْهَهُ حُطَّ مَا أَصَابَ بِوَجْهِهِ، وَإِذَا غَسَلَ يَدَيْهِ حُطَّ مَا أَصَابَ بِيَدَيْهِ، وَإِذَا مَسَحَ بِرَأْسِهِ تَنَاثَرَتْ خَطَايَاهُ مِنْ أُصُولِ الشَّعْرِ، وَإِذَا غَسَلَ قَدَمَيْهِ حُطَّ مَا أَصَابَ بِرِجْلَيْهِ» ". رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ. قُلْتُ: وَيَأْتِي حَدِيثُ عُثْمَانَ فِي بَابِ مَا جَاءَ فِي الْوُضُوءِ.

حضرت ابو امامہ باہلی رضی اللہ تعالیٰ عنہ روایت کرتے ہیں: نبی اکرمﷺ نے ارشا دفرمایا ہے:"جب کوئی شخص کلی کرتا ہے' تو اسکےمنہ کے گناہ ختم ہو جاتے ہیں ' جب وہ اپنا چہرہدھوتا ہے' تو اسکے وہ گناہ ختم ہو جاتے ہیں' جو اس کے اپنے چہرے کے حوالے سے کئے تھے' جب وہ اپنے باز و دھوتاہے' تو اسکے وہ گناہ ختم ہو جاتے ہیں' جواس کے اپنے ہاتھوں کے ذریعے کئے تھے 'جب وہ اپنے سر کامسح کرتا ہے' تو اس کے بالوں کی جڑوں سے اس کی خطائیں گرجاتی ہیں' اور جب وہ اپنے دونوں پاؤں دھوتا ہے ' تواس کے وہ گناہ ختم ہو جاتےہیں ' جن کا ارتکاب اس نے اپنے پاؤں کے ذریعے کیاتھا۔ یہ روایت امام طبرانی نے معجم اوسط میں نقل کی ہے اور اس کے رجال "صحیح" کے رجال ہیں۔ علامہ ہیثمی بیان کرتے ہیں میں یہ کہتا ہوں:حضرت عثمان رضی اللہ تعالیٰ عنہ سے منقول حدیث " وضو کے بارے میں جو کچھ منقول ہے" والے باب میں آئے گی۔

أَبِي أُمَامَةَ الْبَاهِلِيِّ،

1124 - وَعَنْ شَهْرِ بْنِ حَوْشَبٍ قَالَ: حَدَّثَنِي أَبُو أُمَامَةَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «أَيُّمَا رَجُلٍ قَامَ إِلَى وُضُوئِهِ يُرِيدُ الصَّلَاةَ، ثُمَّ غَسَلَ كَفَّيْهِ نَزَلَتْ كُلُّ خَطِيئَةٍ مِنْ كَفَّيْهِ مَعَ أَوَّلِ قَطْرَةٍ، فَإِذَا مَضْمَضَ وَاسْتَنْشَقَ وَاسْتَنْثَرَ نَزَلَتْ كُلُّ خَطِيئَةٍ مِنْ لِسَانِهِ وَشَفَتَيْهِ مَعَ أَوَّلِ قَطْرَةٍ، فَإِذَا غَسَلَ وَجْهَهُ نَزَلَتْ كُلُّ خَطِيئَةٍ مِنْ سَمْعِهِ وَبَصَرِهُ مَعَ أَوَّلِ قَطْرَةٍ، فَإِذَا غَسَلَ يَدَيْهِ إِلَى الْمَرْفِقَيْنِ وَرَجِلْيَهِ إِلَى الْكَعْبَيْنِ سَلِمَ مِنْ كُلِّ ذَنْبٍ كَهَيْأَتِهِ يَوْمَ وَلَدَتْهُ أُمُّهُ ". قَالَ: " فَإِذَا قَامَ إِلَى الصَّلَاةِ رَفَعَ اللَّهُ دَرَجَتَهُ، وَإِنْ قَعَدَ قَعَدَ سَالِمًا». رَوَاهُ أَحْمَدُ وَالطَّبَرَانِيُّ فِي الْكَبِيرِ وَالْأَوْسَطِ، وَفِي إِسْنَادِ أَحْمَدَ عَبْدُ الْحَمِيدِ بْنُ بَهْرَامَ عَنْ شَهْرٍ، وَاخْتُلِفَ فِي الِاحْتِجَاجِ بِهِمَا، وَالصَّحِيحُ أَنَّهُمَا ثِقَتَانِ، وَلَا يَقْدَحُ الْكَلَامُ فِيهِمَا.

شہر بن حوشب بیان کرتے ہیں :حضرت ابو امامہ رضی اللہ تعالیٰ عنہ نے مجھے یہ بات بتائی: نبی اکرم صلی اللہ علیہ وآلہ وسلم نے ارشاد فرمایا: "جو شخص وضو کرنے کے لیے اٹھتا ہے اور وہ نماز ادا کرنے کا ارادہ رکھتا ہے ' پھر وہ اپنی ہتھیلیاں دھوتا ہے ' تو پہلے قطرے کے ساتھ اس کی ہتھیلیوں میں سے ہر گناہ (نازل ہوجاتا 'یعنی) نکل جاتا ہے'جب وہ کلی کرتا ہے اور ناک میں پانی ڈالتا ہے اور ناک صاف کرتا ہے ' تو پہلے قطرےکے ساتھ اس کی زبان اور ہونٹوں سے ہرگناہ نکل جاتا ہے ' جب وہ اپنا چہرہ دھوتا ہے ' تو پہلے قطرے کے ساتھ اس کی سماعت اور بصارت سے ہر گناہ نکل جاتا ہے ' جب وہ کہنیوں تک اپنے دونوں بازو اور ٹخنوں تک 'اپنے دونوں پاؤں دھوتا ہے تو وہ ہر گناہ سے یوں پاک ہو جاتا ہے ' جیسے اس دن تھا' جب اس کی والدہ نے اسے جنم دیا تھا' پھر جب وہ نمازادا کرنے کے لیے کھڑا ہوتا ہے ' تو اللہ تعالیٰ اس کے درجے کوبلند کرتا ہے ' اور اگر وہ بیٹھا رہتا ہے (یعنی اگر وہ نماز ادا نہیں بھی کرتا) تووہ ایسی حالت میں بیٹھا ہوتا ہے' کہ وہ سالم (یعنی گناہوں سےپاک ) ہوتا ہے۔ یہ روایت امام احمدنے اورامام طبرانی نے معجم کبیر اورمعجم اوسط میں نقل کی ہے ' امام احمد کی سند میں یہ مذکور ہے: اسے عبدالحمید بن بہرام نے شہرسے نقل کیا ہے 'اور ان دونوں سے استدلال کرنے کے بارے میں اختلاف کیا گیا ہے ' صحیح یہ ہے کہ یہ دونوں ثقہ ہیں اور ان دونوں کے بارے میں کیاجانے والا کلام'قدح کا باعث نہیں ہے۔

أَبُو أُمَامَةَ ← وَعَنْ شَهْرِ بْنِ حَوْشَبٍ،

1125 - وَعَنْ أَبِي مُسْلِمٍ قَالَ: دَخَلْتُ عَلَى أَبِي أُمَامَةَ وَهُوَ يَتَفَلَّى فِي الْمَسْجِدِ وَيَدْفِنُ الْقَمْلَ فِي الْحَصَى، فَقُلْتُ: يَا أَبَا أُمَامَةَ، إِنَّ رَجُلًا حَدَّثَنِي عَنْكَ أَنَّكَ قُلْتَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «مَنْ تَوَضَّأَ فَأَسْبَغَ الْوُضُوءَ؛ غَسَلَ يَدَيْهِ وَوَجْهَهُ وَمَسَحَ عَلَى رَأْسِهِ وَأُذُنَيْهِ، ثُمَّ قَامَ إِلَى الصَّلَاةِ الْمَفْرُوضَةِ - غَفَرَ اللَّهُ لَهُ فِي ذَلِكَ الْيَوْمِ مَا مَشَتْ رِجْلَاهُ، وَقَبَضَتْ عَلَيْهِ يَدَاهُ، وَسَمِعَتْ إِلَيْهِ أُذُنَاهُ، وَنَظَرَتْ إِلَيْهِ عَيْنَاهُ، وَحَدَّثَ بِهِ نَفْسَهُ مِنْ سُوءٍ ". قَالَ: وَاللَّهِ لَقَدْ سَمِعْتُهُ مِنْ نَبِيِّ اللَّهِ - صَلَّى اللَّهُ عَلَيْهِ وَسَلَّمَ - مَا لَا أُحْصِيهِ». رَوَاهُ أَحْمَدُ وَالطَّبَرَانِيُّ بِنَحْوِهِ فِي الْكَبِيرِ، وَفِيهِ أَبُو مُسْلِمٍ، وَلَمْ أَجِدْ مَنْ تَرْجَمَهُ بِثِقَةٍ وَلَا جَرْحٍ، غَيْرَ أَنَّ الْحَاكِمَ ذَكَرَهُ فِي الْكُنَى، وَقَالَ: رَوَى عَنْهُ أَبُو حَازِمٍ. وَهُنَا رَوَى عَنْهُ أَبَانُ بْنُ عَبْدِ اللَّهِ. وَكَذَلِكَ ذَكَرَهُ ابْنُ أَبِي حَاتِمٍ.

ابو مسلم بیان کرتے ہیں: میں حضرت ابو امامہ رضی اللہ تعالیٰ عنہ کے پاس آیا' وہ اس وقت مسجد میں بیٹھے ہوئے جوئیں نکال رہے تھے اور جوؤں کو کنکریوں میں دفن کردیتے تھے ' میں نے کہا:اے حضرت ابو امامہ ! ایک شخص نے مجھے آپ کے حوالے سے یہ حدیث بیان کی ہے کہ آپ رضی اللہ تعالیٰ عنہ نے یہ کہا ہے :میں نے نبی اکرم صلی اللہ علیہ وآلہ وسلم کو یہ ارشادفرماتے ہوئےسنا ہے: " جوشخص وضو کرتے ہوئے ' اچھی طرح وضو کرے ' اپنے دونوں بازوؤں اور چہرے کو دھوئے ' اپنے سر اور کانوں پر مسح کرے پھر فرض نماز کی ادائیگی کے لیے کھڑا ہو جائے 'تواللہ تعالیٰ اس شخص کے اس دن کے ان گناہوں کی مغفرت کردیتا ہے ' جن کے لیے وہ اپنے قدموں پر چل کرگیا'جنہیں اس نے اپنے ہاتھ کے ذریعے کیا'جنہیں اس کے کانوں نے سنا 'یا جنہیں اس کی آنکھوں نے دیکھا'یاجو اس نے برا سوچا (اسکے اس دن کے ' ایسے تمام گناہوں کی مغفرت ہو جاتی ہے)۔ حضرت ابو امامہ رضی اللہ تعالیٰ عنہ نے بتایا: میں نے یہ بات اللہ کے نبی کی زبانی اتنی مرتبہ سنی ہے' جسے میں شمار نہیں کر سکتا۔ یہ روایت امام احمد نے نقل کی ہے' امام طبرانی نے معجم کبیرمیں اس کی مانند روایت نقل کی ہے ' اس کی سند میں ایک راوی ابو مسلم ہے ' میں نے کسی کو اس راوی کے حالات توثیق یاجرح کے ہمراہ ذکر کرتے ہوئے نہیں دیکھا ہے ' البتہ امام حاکم نے اس کا ذکر کنیت سے متعلق باب میں کیا ہے اوریہ بات بیان کی ہے: ابو حازم نے اس سے روایت نقل کی ہے ' جبکہ یہاں جو روایت مذکور ہے ' وہ ابان بن عبداللہ نے اس سے نقل کی ہے' ابن ابو حاتم نے بھی اسی طرح اس کا ذکر کیا ہے۔

يَدْفِنُ الْقَمْلَ فِي الْحَصَى، فَقُلْتُ: يَا أَبَا أُمَامَةَ، ← دَخَلْتُ عَلَى أَبِي أُمَامَةَ وَهُوَ يَتَفَلَّى فِي الْمَسْجِدِ ← اَبِیْ مُسْلِمٍ

1126 - وَعَنْ أَبِي غَالِبٍ أَنَّهُ لَقِيَ أَبَا أُمَامَةَ بِحِمْصَ فَسَأَلَهُ عَنْ أَشْيَاءَ، حَدَّثَهُمْ أَنَّهُ سَمِعَ النَّبِيَّ - صَلَّى اللَّهُ عَلَيْهِ وَسَلَّمَ - وَهُوَ يَقُولُ: " «مَا مِنْ عَبْدٍ مُسْلِمٍ يَسْمَعُ أَذَانَ صَلَاةٍ، فَقَامَ إِلَى وُضُوئِهِ - إِلَّا غُفِرَ لَهُ بِأَوَّلِ قَطْرَةٍ تُصِيبُ كَفَّهُ مِنْ ذَلِكَ الْمَاءِ، فَبِعَدَدِ ذَلِكَ الْقَطْرِ، حَتَّى يَفْرَغَ مِنْ وُضُوئِهِ - إِلَّا غُفِرَ لَهُ مَا سَلَفَ مِنْ ذُنُوبِهِ، وَقَامَ إِلَى صِلَاتِهِ وَهِيَ نَافِلَةٌ ". قَالَ أَبُو غَالِبٍ: قُلْتُ لِأَبِي أُمَامَةَ: أَنْتَ سَمِعْتَ هَذَا مِنَ النَّبِيِّ - صَلَّى اللَّهُ عَلَيْهِ وَسَلَّمَ -؟ قَالَ: أَيْ وَالَّذِي بَعَثَهُ بِالْحَقِّ بَشِيرًا وَنَذِيرًا، غَيْرَ مَرَّةٍ، وَلَا مَرَّتَيْنِ، وَلَا ثَلَاثٍ، وَلَا أَرْبَعٍ، وَلَا خَمْسٍ، وَلَا سِتٍّ، وَلَا سَبْعٍ، وَلَا ثَمَانٍ، وَلَا تِسْعٍ، وَلَا عَشْرٍ وَعَشْرٍ وَصَفَّقَ بِيَدَيْهِ». رَوَاهُ أَحْمَدُ وَالطَّبَرَانِيُّ فِي الْكَبِيرِ.

ابو غالب بیان کرتے ہیں: " حمص" میں ان کی ملاقات حضرت ابو امامہ رضی اللہ تعالیٰ عنہ سے ہوئی ' انہوں نے حضرت ابو امامہ رضی اللہ تعالیٰ عنہ سے کچھ چیزوں کے بارے میں سوال کیا' تو حضرت ابو امامہ رضی اللہ تعالیٰ عنہ نے ان لوگوں کو بتایا کہ انہوں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے: " جو مسلمان بندہ نماز کے لئے اذان سن کر وضو کرنے کے لیے اٹھتا ہے تو اس پانی سے اس کی ہتھیلی کو جو پہلا قطرہ لگتا ہے اس کے ہمراہ اس شخص کی مغفرت ہو جاتی ہے اور ان قطروں کے حساب سے ( اس کی مغفرت ہوتی ہے) یہاں تک کہ جب وہ وضو سے فارغ ہوتا ہے ' تو اس کے گزشتہ تمام گناہوں کی مغفرت ہو چکی ہوتی ہے ' اور جب وہ نماز کے لئے کھڑا ہوتا ہے ' تو وہ اس کے لیے اضافی (اجر و ثواب کے حصول کا باعث ) ہوتی ہے"۔ ابو غالب بیان کرتے ہیں: میں نے حضرت ابو امامہ رضی اللہ تعالیٰ عنہ سے دریافت کیا: کیا آپ نے خود نبی اکرم صلی اللہ علیہ وآلہ وسلم کی زبانی یہ بات سنی ہے؟ انہوں نے جواب دیا : جی ہاں! ایک مرتبہ نہیں 'دو مرتبہ نہیں ' تین مرتبہ نہیں ' چار مرتبہ نہیں ' پانچ مرتبہ نہیں ' چھ مرتبہ نہیں ' سات مرتبہ نہیں ' آٹھ مرتبہ نہیں نو مرتبہ نہیں ' دس مرتبہ نہیں' (مزید) مرتبہ (نہیں 'یعنی اس سے بھی زیادہ مرتبہ ' میں نے خود نبی اکرم صلی اللہ علیہ وآلہ وسلم کی زبانی یہ بات سنی ہے) انہوں نے اپنے دونوں ہاتھ ملا کر یہ بات کہی تھی۔ یہ روایت امام احمد اور امام طبرانی نے معجم کبیرمیں نقل کی ہے۔

أَبِي غَالِبٍ

1127 - وَلَهُ فِي الصَّغِيرِ عَنْهُ أَيْضًا قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِذَا تَوَضَّأَ الْمُسْلِمُ فَغَسَلَ يَدَيْهِ كَفَّرْتُ بِهِ مَا عَمِلَتْ يَدَاهُ، فَإِذَا غَسَلَ وَجْهَهُ كَفَّرْتُ عَنْهُ مَا نَظَرَتْ إِلَيْهِ عَيْنَاهُ، وَإِذَا مَسَحَ بِرَأْسِهِ كَفَّرَ بِهِ مَا سَمِعَتْ أُذُنَاهُ، فَإِذَا غَسَلَ رِجْلَيْهِ كَفَّرْتُ عَنْهُ مَا مَشَتْ إِلَيْهِ قَدَمَاهُ، ثُمَّ يَقُومُ إِلَى الصَّلَاةِ فَهِيَ فَضِيلَةٌ» ". وَأَبُو غَالِبٍ مُخْتَلَفٌ فِي الِاحْتِجَاجِ بِهِ، وَبَقِيَّةُ رِجَالِهِ ثِقَاتٌ، وَقَدْ حَسَّنَ التِّرْمِذِيُّ لِأَبِي غَالِبٍ وَصَحَّحَ لَهُ أَيْضًا. وَرَوَاهُ أَحْمَدُ مِنْ طَرِيقٍ صَحِيحَةٍ، وَزَادَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " الْوُضُوءُ يُكَفِّرُ مَا قَبْلَهُ ثُمَّ تَصِيرُ الصَّلَاةُ نَافِلَةً "، وَرَوَاهُ أَيْضًا مِنْ طَرِيقٍ صَحِيحَةٍ، وَزَادَ: " إِذَا تَوَضَّأَ كَمَا أُمِرَ ".

ان(صحابی یعنی حضرت ابو امامہ رضی اللہ تعالیٰ عنہ ) کے حوالے سے " معجم صغیر" میں یہ روایت منقول ہے: نبی اکرم صلی اللہ علیہ وآلہ وسلم نے ارشاد فرمایا: " جب مسلمان وضو کرتے ہوئے اپنے ہاتھ دھوتا ہے' تویہ چیز اس کے (گناہوں)کا کفارہ بن جاتی ہے' جو عمل اس کے ہاتھ نے کیا تھا' اور جب وہ اپنا چہرہ دھوتا ہے تو یہ چیز ان امور کا کفارہ بن جاتی ہے ' جس کی طرف اس کی آنکھوں نے دیکھا تھا' جب وہ اپنے سرکامسح کرتا ہے ' تو یہ چیز اس کے ان امور کاکفارہ بن جاتی ہے 'جس کو اس کےکانوں نےسنا تھا اور جب وہ اپنے پاؤں دھوتا ہے ' تو یہ چیز اس شخص کے ان گناہوں کا کفارہ بن جاتی ہے ' جن کی طرف وہ اپنے قدموں کے ذریعے چل کر گیا تھا' پھر جب وہ نماز کے لیے کھڑا ہوتا ہے ' تو وہ (یعنی نماز) اس کے لیے فضیلت کاباعث ہوتی ہے۔ ابو غالب سے استدلال کرنے کے بارے میں اختلاف کیا گیا ہے ' اس روایت کے بقیہ رجال ثقہ ہیں' امام ترمذی نے ابو غالب کے حوالے سے منقول روایت کو حسن قراردیا ہے ' انہوں نے اسکے حوالے سے منقول ایک روایت کو "صحیح" بھی قرار دیا ہے۔ یہ روایت امام احمد نے ایک "صحیح" سند کے ساتھ نقل کی ہے اور انہوں نے یہ الفاظ زائد نقل کیے ہیں: نبی اکرم صلی اللہ علیہ وآلہ وسلم نے ارشادفرمایا: "وضو اس کے پہلے گناہوں کا کفارہ بن جاتا ہے اور پھرنماز اس کے لیے نفل (یعنی اضافی اجر و ثواب کے حصول کا باعث) ہوتی ہے" انہوں نے یہی روایت ایک اور "صحیح" سند کے ساتھ بھی نقل کی ہے' اور یہ الفاظ نقل کیے ہیں: " جب وہ اس طرح وضو کرے' جس طرح اسے حکم دیا گیا ہے"۔۔۔۔۔

وَلَهُ فِي الصَّغِيرِ عَنْهُ أَيْضًا

1128 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِذَا تَوَضَّأَ الرَّجُلُ الْمُسْلِمُ خَرَجَتْ ذُنُوبُهُ مِنْ سَمْعِهِ وَبَصَرِهِ وَيَدَيْهِ وَرِجْلَيْهِ، فَإِنْ قَعَدَ قَعَدَ مَغْفُورًا لَهُ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ بِنَحْوِهِ، وَإِسْنَادُهُ حَسَنٌ.

حضرت ابو امامہ رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا ہے: " جب مسلمان شخص وضو کرتا ہے ' تو اس کی سماعت ' بصارت ' دونوں ہاتھوں اور دونوں پاؤں سے اس کے گناہ نکل جاتے ہیں اور اگر وہ بیٹھا رہے (یعنی وضو کرنے کے بعد 'نماز ادا نہ بھی کرے) تو وہ ایسی حالت میں بیٹھتا ہے کہ اس کی مغفرت ہو چکی ہوتی ہے"۔ یہ روایت امام احمد نے نقل کی ہے' امام طبرانی نے معجم کبیر میں اس کی مانند روایت نقل کی ہے ' اس کی سند حسن ہے۔

اَبِیْ اُمَامَۃَ،

1129 - وَعَنْ أَبِي أُمَامَةَ فِي حَدِيثٍ رَفَعَهُ إِلَى النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَا مِنْ مُسْلِمٍ يَتَوَضَّأُ، فَيَغْسِلُ يَدَيْهِ، وَيُمَضْمِضُ فَاهُ، وَيَتَوَضَّأُ كَمَا أُمِرَ - إِلَّا حَطَّ اللَّهُ عَنْهُ مَا أَصَابَ يَوْمَئِذٍ مَا نَطَقَ بِهِ فَمُهُ، وَمَا مَسَّ بِيَدِهِ، وَمَا مَشَى إِلَيْهِ، حَتَّى إِنَّ الْخَطَايَا لَتَحَادَرُ مِنْ أَطْرَافِهِ، ثُمَّ هُوَ إِذَا مَشَى إِلَى الْمَسْجِدِ فَرِجْلٌ تَكْتُبُ حَسَنَةً وَأُخْرَى تُمْحِي سَيِّئَةً» ". رَوَاهُ الطَّبَرَانِيُّ فِي الْكَبِيرِ، وَفِيهِ لَقِيطٌ أَبُو الْمُشَاوِرِ، رَوَى عَنْ أَبِي أُمَامَةَ، وَرَوَى عَنْهُ الْجَرِيرِيُّ وَقُرَّةُ بْنُ خَالِدٍ، وَقَدْ ذَكَرَهُ ابْنُ حِبَّانَ فِي الثِّقَاتِ وَقَالَ: يُخْطِئُ وَيُخَالَفُ.

حضرت ابو امامہ رضی اللہ تعالیٰ عنہ نبی اکرم صلی اللہ علیہ وآلہ وسلم تک "مرفوع" حدیث کے طور پر ' یہ بات نقل کرتے ہیں: آپ صلی اللہ علیہ وآلہ وسلم نے ارشاد فرمایا ہے: " جب کوئی مسلمان وضو کرتا ہے اور اپنے ہاتھ دھوتا ہے اور منہ میں کلی کرتا ہے اور اس طرح وضو کرتا ہے جس طرح اسے حکم دیا گیا ہے ' تو اللہ تعالیٰ اس کے ان تمام گناہوں کو ختم کر دیتاہے ' جس کا ارتکاب اس نے اس دن میں کیا تھا ' جسے وہ منہ کے ذریعے بولا تھا' یہ جو اس نے ہاتھ کے ذریعے مس کیا تھا' یا جس کی طرف وہ چل کے گیا تھا' یہاں تک کہ اس کے اطراف کے گناہ گر جاتے ہیں' اور پھر جب وہ پیدل چل کر ' مسجد کی طرف جاتا ہے' تو ایک قدم نیکی نوٹ کرواتا ہے ' اور دوسرا گناہ مٹا دیتا ہے "۔ یہ روایت امام طبرانی نے معجم کبیر میں نقل کی ہے ' اس کی سند میں ایک راوی لقیط ابو مشاور ہے ' جس نے حضرت ابو امامہ رضی اللہ تعالیٰ عنہ سے روایت نقل کی ہے ' اور اس سے جریری اور قرہ بن خالد نے روایت نقل کی ہے ' ابن حبان نے اس کا تذکرہ کتاب " الثقافت" میں کیا ہے اور یہ بات بیان کی ہے : یہ غلطی کر جاتا ہے ' اور اس کے برخلاف روایات نقل کی گئی ہیں۔

أَبِي أُمَامَةَ فِي حَدِيثٍ رَفَعَهُ إِلَى النَّبِيِّ

1130 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِذَا تَوَضَّأَ الْمُسْلِمُ ذَهَبَ الْإِثْمُ مِنْ سَمْعِهِ وَبَصَرِهِ وَيَدَيْهِ وَرَجِلَيْهِ " قَالَ: فَجَاءَ أَبُو طَيْبَةَ وَهُوَ يُحَدِّثُنَا هَذَا، فَقَالَ: مَا يُحَدِّثُكُمْ؟ فَذَكَرْنَا لَهُ الَّذِي حَدَّثَنَا، فَقَالَ رَجُلٌ: سَمِعْتُ عَمْرَو بْنَ عَبَسَةَ يَذْكُرُ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَزَادَ فِيهِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مَا مِنْ مُسْلِمٍ يَبِيتُ عَلَى طُهْرٍ، ثُمَّ يَتَعَارُّ مِنَ اللَّيْلِ، فَيَذْكُرُ اللَّهَ، وَيَسْأَلُ اللَّهَ خَيْرًا مِنْ خَيْرِ الدُّنْيَا وَالْآخِرَةِ - إِلَّا آتَاهُ اللَّهُ إِيَّاهُ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ وَالْأَوْسَطِ بِنَحْوِهِ، وَقَالَ فِيهِ: " مَنْ بَاتَ طَاهِرًا عَلَى ذِكْرِ اللَّهِ "، وَإِسْنَادُهُ حَسَنٌ. قُلْتُ: وَيَأْتِي حَدِيثُ ابْنِ عُمَرَ فِيمَنْ يَبِيتُ عَلَى طَهَارَةٍ بَعْدَ هَذَا.

حضرت ابو امامہ رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا ہے: " جب مسلمان وضو کرتا ہے ' تو اس کی سماعت اس کی بصارت ' اس کے دونوں ہاتھوں اور اس کے دونوں پاؤں سےگناہ رخصت ہو جاتے ہیں"۔ راوی بیان کرتے ہیں: ایک مکتبہ ابو طیبہ آئے ' جو ہمیں یہ حدیث بیان کیا کرتے تھے ' تو انہوں نے دریافت کیا: یہ تمہیں کیا حدیث بیان کر رہے ہیں؟ تو ہم نے انہیں اس حدیث کے بارے میں بتایا' جو انہوں نے ہمیں بیان کی تھی' تو ایک شخص نے یہ کہا: میں نے حضرت عمرو بن عبسہ رضی اللہ تعالیٰ عنہ کو نبی اکرم صلی اللہ علیہ وآلہ وسلم کےحوالے سے یہ بات ذکر کرتے ہوئے سنا ہے' انہوں نے اس میں یہ چیز زائد نقل کی ہے: نبی اکرم صلی اللہ علیہ وآلہ وسلم نے ارشاد فرمایا ہے: " جو شخص باوضو حالت میں رات بسر کرتا ہے ' اور پھر رات کےدوران کسی وقت بیدار ہو کر ' اللہ کا ذکر کرتا ہے ' تو وہ اللہ تعالیٰ سے دنیا اور آخرت کی جس بھی بھلائی کو مانگتا ہے ' اللہ تعالیٰ وہ (بھلائی) اس شخص کو عطا کر دیتا ہے"۔ یہ روایت امام احمد نے نقل کی ہے امام طبرانی نے معجم کبیر اور معجم اوسط میں اس کی مانند روایت نقل کی ہے انہوں نے اس میں یہ الفاظ نقل کیے ہیں: " جو شخص باوضو حالت میں' اللہ کا ذکر کرتے ہوئے رات بسر کرتا ہے"………۔ اس کی سند حسن ہے۔ (علامہ ہیثمی فرماتے ہیں:) میں یہ کہتا ہوں: حضرت عبداللہ بن عمر رضی اللہ تعالیٰ عنہ سے منقول حدیث ' اس کے بعد آرہی ہے ' جو اس شخص کے بارے میں ہے' جو باوضو حالت میں رات گزارتا ہے۔

اَبِیْ اُمَامَۃَ،

1131 - وَعَنْ أَبِي أُمَامَةَ قَالَ: إِذَا وَضَعْتَ الطَّهُورَ مَوَاضِعَهُ قَعَدْتَ مَغْفُورًا لَكَ (فَإِنْ كُنْتَ تُصَلِّي كَانَتْ لَكَ فَضِيلَةٌ). فَقَالَ الرَّجُلُ: يَا أَبَا أُمَامَةَ، أَرَأَيْتَ إِنْ قَامَ يُصَلِّي تَكُونُ لَهُ نَافِلَةٌ؟ قَالَ: لَا، إِنَّمَا النَّافِلَةُ لِلنَّبِيِّ - صَلَّى اللَّهُ عَلَيْهِ وَسَلَّمَ - كَيْفَ تَكُونُ لَهُ نَافِلَةٌ وَهُوَ يَسْعَى فِي الذُّنُوبِ وَالْخَطَايَا؟ كَيْفَ تَكُونُ لَهُ فَضِيلَةٌ وَأَجْرٌ؟. رَوَاهُ الطَّبَرَانِيُّ، وَرِجَالُهُ مُوَثَّقُونَ. وَلَهُ طَرِيقٌ رَوَاهَا أَحْمَدُ، ذَكَرْتُهَا فِي الْخَصَائِصِ فِي عَلَامَاتِ النُّبُوَّةِ.

حضرت ابو امامہ رضی اللہ تعالیٰ عنہ نے فرمایا: (یا انہوں نے یہ روایت بیان کی:) جب تم صحیح طرح وضو کرتے ہو' تو تم ایسی حالت میں ہو جاتے ہو' کہ تمہاری مغفرت ہو چکی ہوتی ہے' اور اگر تم نماز ادا کرتے ہو' تو یہ تمہارے لئے فضیلت (یعنی اضافی اجر و ثواب کے حصول کا باعث ) ہو گی۔ ایک شخص بولا: اے حضرت ابو امامہ ! اس بارے میں آپ کی کیا رائے ہے؟ اگر وہ شخص کھڑا ہو کر نماز ادا کرتا ہے' تو کیا یہ اس کے لیے نفل ہو گی(یعنی اس کو نفل کہا جا سکتا ہے؟) ؟ انہوں نے جواب دیا : جی نہیں! یہ نفل نبی اکرم صلی اللہ علیہ وآلہ وسلم کے لئے تھی ' یہ آدمی کے لئے نفل کیسے ہو سکتی ہے؟ جب کہ انسان گناہوں اور خطاؤں کا ارتکاب کرتا رہتا ہے ' یہ اس کے لئے کیسے فضیلت اور اجر ہو سکتی ہے؟ یہ روایت امام طبرانی نے نقل کی ہے' اس کے رجال کی توثیق کی گئی ہے ' یہ ایک اور سند کےساتھ بھی منقول ہے ' جسے امام احمد نے نقل کیا ہے ' میں نے وہ روایت " نبوت کی علامات سے متعلق خصوصیات " والے باب میں ذکر کی ہے۔

اَبِیْ اُمَامَۃَ،

1132 - «وَعَنْ رَجُلٍ مِنْ أَهْلِ الْمَدِينَةِ أَنَّ الْمُؤَذِّنَ أَذَّنَ بِصَلَاةِ الْعَصْرِ. قَالَ: فَدَعَا عُثْمَانُ بِطَهُورٍ فَتَطَهَّرَ ثُمَّ قَالَ: سَمِعْتُ النَّبِيَّ - صَلَّى اللَّهُ عَلَيْهِ وَسَلَّمَ - يَقُولُ: " مَنْ تَوَضَّأَ كَمَا أُمِرَ، وَصَلَّى كَمَا أُمِرَ - كُفِّرْتُ عَنْهُ ذُنُوبُهُ " فَاسْتَشْهَدَ عَلَى ذَلِكَ أَرْبَعَةً مِنْ أَصْحَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَشَهِدُوا لَهُ بِذَلِكَ عَلَى النَّبِيِّ - صَلَّى اللَّهُ عَلَيْهِ وَسَلَّمَ» -. رَوَاهُ أَحْمَدُ - وَحَدِيثُ عُثْمَانَ فِي الصَّحِيحِ نَحْوُهُ وَمَعْنَاهُ، وَفِيهِ رَجُلٌ لَمْ يُسَمَّ.

اہل مدینہ سے تعلق رکھنے والے ایک صاحب بیان کرتے ہیں: مؤذن نے عصر کی نماز کے لئے اذان دی' راوی بیان کرتے ہیں: حضرت عثمان غنی رضی اللہ تعالیٰ عنہ نے وضو کے لیے پانی منگوا کر وضو کیا' اور پھر یہ بات بیان کی: میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے: " جو شخص اسی طرح وضو کرے ' جس طرح اسے حکم دیا گیا' اور اسی طرح نماز ادا کرے' جس طرح اسے حکم دیا گیا ہے ' تو اس شخص کے گناہ ختم ہو جاتے ہیں:۔ پھر حضرت عثمان غنی رضی اللہ تعالیٰ عنہ نے اس حدیث کے حوالے سے چار صحابہ کرام رضی اللہ تعالیٰ عنہ سے گواہی طلب کی'تو انہوں نے نبی اکرم صلی اللہ علیہ وآلہ وسلم کے حوالے سے اس بات کی گواہی دی( کہ آپ صلی اللہ علیہ وآلہ وسلم نے یہ بات ارشاد فرمائی ہے)۔

النَّبِيِّ ← فَدَعَا عُثْمَانُ بِطَهُورٍ فَتَطَهَّرَ ثُمَّ ← رَجُلٍ مِنْ أَهْلِ الْمَدِينَةِ أَنَّ الْمُؤَذِّنَ أَذَّنَ بِصَلَاةِ الْعَصْرِ.

1133 - «وَعَنْ عُثْمَانَ بْنِ عَفَّانَ أَنَّهُ دَعَا بِمَاءٍ، فَتَمَضْمَضَ وَاسْتَنْشَقَ، ثُمَّ غَسَلَ وَجْهَهُ ثَلَاثًا، وَذِرَاعَيْهِ ثَلَاثًا، وَمَسَحَ بِرَأْسِهِ وَظَهَرِ قَدَمَيْهِ ثُمَّ ضَحِكَ فَقَالَ لِأَصْحَابِهِ: أَلَا تَسْأَلُونِي مَا أَضْحَكَنِي؟ فَقَالُوا: مَا أَضْحَكَكَ يَا أَمِيرَ الْمُؤْمِنِينَ؟ قَالَ: رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - تَوَضَّأَ كَمَا تَوَضَّأْتُ، ثُمَّ ضَحِكَ فَقَالَ: " أَلَا تَسْأَلُونِي مَا أَضْحَكَنِي ". فَقَالُوا: مَا أَضْحَكَكَ يَا رَسُولَ اللَّهِ؟ فَقَالَ: " إِنَّ الْعَبْدَ إِذَا دَعَا بِوُضُوءٍ، فَغَسَلَ وَجْهَهُ حَطَّ اللَّهُ عَنْهُ كُلَّ خَطِيئَةٍ أَصَابَهَا بِوَجْهِهِ، فَإِذَا غَسَلَ ذِرَاعَيْهِ كَانَ كَذَلِكَ، (وَإِنْ مَسَحَ بِرَأْسِهِ كَانَ كَذَلِكَ) وَإِذَا طَهَّرَ قَدَمَيْهِ كَانَ كَذَلِكَ». قُلْتُ: هُوَ فِي الصَّحِيحِ بِاخْتِصَارٍ، وَقَدْ رَوَاهُ أَحْمَدُ وَأَبُو يَعْلَى، وَرِجَالُهُ ثِقَاتٌ.

حضرت عثان غنی رضی اللہ تعالیٰ عنہ کے بارے میں یہ بات منقول ہے : انہوں نے پانی منگوا کر کلی کی' ناک میں پانی ڈالا ' اپنے چہرے کو تین مرتبہ دھویا' دونوں بازوؤں کو تین مرتبہ دھویا' اپنے سر اور پاؤں کے اوپر والے حصے کا مسح کیا ( شاید انہوں نے اس وقت موزے پہنے ہوئے تھے) پھر وہ ہنس پڑے' انہوں نے اپنے ساتھیوں سے فرمایا: کیا تم لوگ مجھ سے یہ نہیں پوچھو گے؟ کہ میں کیوں ہنسا ہوں؟ ساتھیوں نے دریافت کیا: اے امیر المومنین! آپ کس بات پر ہنسے ہیں؟ حضرت عثمان غنی رضی اللہ تعالیٰ عنہ نے فرمایا: (ایک مرتبہ ) میں نے نبی اکرم صلی اللہ علیہ وآلہ وسلم کو دیکھا' کہ آپ صلی اللہ علیہ وآلہ وسلم نے اسی طرح وضو کیا ' جس طرح میں نےکیا ہے' پھر آپ صلی اللہ علیہ وآلہ وسلم ہنس پڑے' آپ صلی اللہ علیہ وآلہ وسلم نے ارشاد فرمایا: کیا تم لوگ مجھ سے یہ نہیں پوچھو گے؟ کہ میں کس وجہ سے ہنسا ہوں؟ لوگوں نے عرض کی: یا رسول اللہ! آپ کس وجہ سے ہنسے ہیں؟ آپ صلی اللہ علیہ وآلہ وسلم نے فرمایا: " جب کوئی بندہ وضو کے لیے پانی منگوا تا ہے ' اور پھر اپنا چہرا دھوتا ہے' تو اللہ تعالیٰ اس کی وہ تمام خطائیں ختم کر دیتا ہے جن کا تعلق اس کے چہرے سے ہو' جب وہ اپنے بازو دھوتا ہے ' تو بھی اسی طرح ہوتا ہے ' جب وہ اپنے سر کا مسح کرتا ہے تو بھی اسی طرح ہوتا ہے' جب وہ اپنے پاؤں دھوتا ہے ' تو بھی اسی طرح ہوتا ہے "۔ علامہ ہیثمی بیان کرتے ہیں میں یہ کہتا ہوں: یہ روایت "صحیح" میں اختصار کے ساتھ منقول ہے' یہ روایت امام احمد اور اما م ابو یعلیٰ نے نقل کی ہے ' اور اس کے رجال ثقہ ہیں۔

ما أضحكك ← أَلَا تَسْأَلُونِي مَا أَضْحَكَنِي

1134 - وَعَنْ ثَعْلَبَةَ بْنِ عَبَّادٍ، عَنْ أَبِيهِ قَالَ: مَا أَدْرِي كَمْ حَدَّثَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَزْوَاجًا وَأَفْرَادًا، قَالَ: " «مَا مِنْ عَبْدٍ يَتَوَضَّأُ، فَيُحْسِنُ الْوُضُوءَ، فَيَغْسِلُ بِوَجْهِهِ حَتَّى يَسِيلَ الْمَاءُ عَلَى ذَقْنِهِ، ثُمَّ غَسَلَ ذِرَاعَيْهِ حَتَّى يَسِيلَ الْمَاءُ عَلَى مِرْفَقَيْهِ، ثُمَّ غَسَلَ رِجْلَيْهِ حَتَّى يَسِيلَ الْمَاءُ مِنْ كَعْبَيْهِ، ثُمَّ يَقُومُ فَيُصَلِّي - إِلَّا غَفَرَ لَهُ اللَّهُ مَا سَلَفَ مِنْ ذَنْبِهِ» ". رَوَاهُ الطَّبَرَانِيُّ فِي الْكَبِيرِ، وَرَوَاهُ بِإِسْنَادٍ آخَرَ فَقَالَ: عَنْ ثَعْلَبَةَ بْنِ عِمَارَةَ، وَقَالَ: هَكَذَا رَوَاهُ إِسْحَاقُ الدَّبَرِيُّ عَنْ عَبْدِ الرَّزَّاقِ. وَوَهِمَ فِي اسْمِهِ، وَالصَّوَابُ ثَعْلَبَةُ بْنُ عَبَّادٍ. وَرِجَالُهُ مُوَثَّقُونَ.

ثعلبہ بن عباد 'اپنے والد کے حوالے سے یہ بات نقل کرتے ہیں: وہ بیان کرتے ہیں: مجھے نہیں معلوم ' نبی اکرم صلی اللہ علیہ وآلہ وسلم نے کتنی مرتبہ یہ بات ارشادفرمائی ہے؟ طاق تعداد میں ' یا جفت تعداد میں؟ آپ صلی اللہ علیہ وآلہ وسلم نے یہ ارشادفرمایا ہے: " جب کوئی بندہ وضو کرتے ہوئے " اچھی طرح وضو کرے اور اپنے چہرے کو دھوئے 'یہاں تک کہ پانی اس کی ٹھوڑی پر بہہ جائے' پھر وہ دونوں بازو دھوئے ' یہاں تک کہ پانی اس کی کہنیوں پر بہہ جائے ' پھر و ہ اپنے پاؤں دھوئے ' یہاں تک کہ پانی اس کے ٹخنوں پر بہہ جائے ' پھر وہ کھڑا ہو کر نماز ادا کرے'تو اللہ تعالیٰ اس کے گزشتہ گناہوں کی مغفرت کر دیتا ہے" ۔ یہ روایت امام طبرانی نے معجم کبیر میں نقل کی ہے' انہوں نے اس روایت کو ایک اور سند کے حوالے سے نقل کیا ہے ' اور یہ فرمایا ہے: یہ ثعلبہ بن عمارہ سےمنقول ہے ' وہ فرماتے ہیں: اسحاق دبری نے اسے اسی طرح امام عبدالرزاق کےحوالے سے نقل کیا ہے اور راوی کے نام کے بارے میں انہیں وہم ہوا ہے ' کیونکہ درست نام " ثعلبہ بن عباد ہے ' اس روایت کے رجال کی توثیق کی گئی ہے۔

أَبِيهِ ← ثَعْلَبَةَ بْنِ عَبَّادٍ