Majma uz Zawaid Wa Manba ul Fawaid

4852 - عَنْ عَلِيِّ بْنِ أَبِي طَالِبٍ قَالَ: «دَخَلَ عَلْقَمَةُ بْنُ عُلَاثَةَ عَلَى النَّبِيِّ صَلَّى اللَّهُ عَلَيْهِ وَسَلَّمَ فَدَعَا لَهُ بِرَأْسٍ، وَجَعَلَ يَأْكُلُ مَعَهُ فَجَاءَ بِلَالٌ فَدَعَا إِلَى الصَّلَاةِ، فَلَمْ يُجَبْ فَرَجَعَ، فَمَكَثَ فِي الْمَسْجِدِ مَا شَاءَ اللَّهُ ثُمَّ رَجَعَ، فَقَالَ: الصَّلَاةَ يَا رَسُولَ اللَّهِ، قَدْ وَاللَّهِ أَصْبَحْتَ! فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " رَحِمَ اللَّهُ بِلَالًا ; لَوْلَا بِلَالٌ لَرَجَوْنَا أَنْ يُؤَخَّرَ لَنَا مَا بَيْنَنَا وَبَيْنَ طُلُوعِ الشَّمْسِ ". فَقَالَ عَلِيٌّ: لَوْلَا أَنَّ بِلَالًا حَلَفَ لَأَكَلَ رَسُولُ اللَّهِ صَلَّى اللَّهُ عَلَيْهِ وَسَلَّمَ حَتَّى يَقُولَ لَهُ جِبْرِيلُ صَلَّى اللَّهُ عَلَيْهِ وَسَلَّمَ: ارْفَعْ يَدَكَ». رَوَاهُ الْبَزَّارُ، وَفِيهِ سَوَّارُ بْنُ مُصْعَبٍ، وَهُوَ ضَعِيفٌ.

حضرت علی بن ابوطالب رضی اللہ عنہ بیان کرتے ہیں: علقمہ بن علاثہ نبی اکرم صلى الله عليہ وسلم کی خدمت میں حاضر ہوا نبی اکرم صلی اللہ علیہ وسلم نے اس کے لئے کھانا منگوایا اس نے نبی اکرم صلی اللہ علیہ وسلم کے ساتھ کھانا کھانا شروع کیا اسی دوران بلال آئے اور اس نے نبی اکرم صلی اللہ علیہ وسلم کو نماز کے لئے بلایا نبی اکرم صلی اللہ علیہ وسلم نے اسے کوئی جواب نہیں دیا تو وہ واپس چلا گیا وہ مسجد میں اتنی دیر ٹھہرارہا جتنی دیر اللہ کومنظور تھا پھر وہ واپس آیا اور عرض کیا: یا رسول اللہ! نماز کا وقت ہو گیا ہے اللہ کی قسم صبح ہوچکی ہے نبی اکرم صلی اللہ علیہ وسلم نے ارشادفرمایا: اللہ تعالیٰ بلال پر رحم کرے اگر بلال نہ ہوتا تو ہمیں یہ توقع تھی کہ ہمارے لئے اتنی تاخیر ہو جاتی جو ہمارے اس وقت اور سورج طلوع ہونے کے درمیان ہوتی ہے‘‘۔ حضرت علی رضی اللہ عنہ نے فرمایا: اگر بلال نے حلف نہ اٹھایا ہوتا تو نبی اکرم صلی اللہ علیہ وسلم کھانا کھاتے رہتے یہاں تک کہ حضرت جبرائیل علیہ السلام آپ سے یہ کہتے کہ آپ ہاتھ اٹھالیں۔ یہ روایت امام بزارنے نقل کی ہے۔ اس کی سند میں ایک راوی سوار بن مصعب ہے، اور وہ ضعیف ہے۔

عَلِيِّ بْنِ أَبِي طَالِبٍ

4853 - وَعَنْ عَلْقَمَةَ بْنِ سُهَيْلٍ الثَّقَفِيِّ قَالَ: «كُنْتُ فِي الْوَفْدِ الَّذِينَ قَدِمُوا عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَضَرَبَ لَنَا قُبَّةً عِنْدَ دَارِ الْمُغِيرَةِ بْنِ شُعْبَةَ، فَكَانَ بِلَالٌ يَأْتِينَا يُفْطِرُنَا وَنَحْنُ مُسْفِرُونَ، حَتَّى وَاللَّهِ مَا نَحْسَبُ [إِلَّا] أَنَّ ذَلِكَ شَيْئًا بَيْنَنَا، فَنَقُولُ: يَا بِلَالُ، أَفَطَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ؟ فَيَقُولُ: نَعَمْ وَالَّذِي نَفْسِي بِيَدِهِ، مَا جِئْتُكُمْ حَتَّى أَفْطَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ. قَالَ: وَكَانَ بِلَالٌ يَأْتِينَا بِسَحُورِنَا وَإِنَّا لَمُسْتَدْفِئُونَ، فَنَكْشِفُ سِجْفَ الْقُبَّةِ فَيَسْتَنِيرُ لَنَا طَعَامُنَا». رَوَاهُ الْبَزَّارُ، وَالطَّبَرَانِيُّ فِي الْأَوْسَطِ وَالْكَبِيرِ بِنَحْوِهِ إِلَّا أَنَّهُ قَالَ: عَلْقَمَةَ بْنِ سُفْيَانَ، عَنْ عَبْدِ الْكَرِيمِ، عَنْ عَلْقَمَةَ ; وَلَمْ أَجِدْ مَنِ اسْمُهُ عَبْدُ الْكَرِيمِ، وَقَدْ سَمِعَ مِنْ صَحَابِيٍّ، وَبَقِيَّةُ رِجَالِهِ ثِقَاتٌ.

حضرت علقمہ بن سہیل ثقفی رضی اللہ عنہ بیان کرتے ہیں: میں اس وفد میں شامل تھا جب لوگ نبی اکرم صلی اللہ علیہ وسلم کی خدمت میں حاضر ہوئے تھے۔ آپ نے حضرت مغیرہ بن شعبہ رضی اللہ عنہ کے گھر کے پاس ہمارا خیمہ لگوایا حضرت بلال رضی اللہ عنہ ہمارے پاس آتے تھے، اور ہمیں کھانا دیتے تھے اس وقت روشنی باقی ہوتی تھی، اللہ کی قسم ہم یہی گمان کرتے تھے کہ یہ چیز ہمارے درمیان ہے، (یعنی ابھی افطاری کا وقت نہیں ہوا ہے) ہم نے کہا: اے بلال! کی اللہ کے رسول نے افطاری کرلی ہے؟ تو انہوں نے جواب دیا: جی ہاں ۔ اس ذات کی قسم جس کے دست قدرت میں میری جان ہے، میں آپ لوگوں کے پاس اس وقت آیا ہوں، جب اللہ کے رسول نے افطاری کر لی تھی۔ راوی بیان کرتے ہیں: حضرت بلال رضی اللہ عنہ ہمارے پاس سحری لے کر اس وقت آجاتے تھے، جب ہم گرمائش حاصل کرنا چاہ رہے ہوتے تھے ہم خیمے کا پردہ ہٹاتے تھے تو ہمارے لئے کھانا نمایاں ہو جاتا تھا (یعنی اتنی روشنی ہوتی تھی کہ وہ نظر آجاتا تھا)۔ یہ روایت امام بزارنے نقل کی ہے۔ امام طبرانی نے معجم کبیر اور معجم اوسط میں اس کی مانند روایت نقل کی ہے، تاہم انہوں نے یہ کہا ہے: علقمہ بن سفیان نے عبدالکریم کے حوالے سے حضرت علقمہ رضی اللہ عنہ سے یہ روایت نقل کی ہے۔ میں نے کسی ایسے راوی کو نہیں پایا ہے، جس کا نام عبدالکریم ہو، اور اس نے کسی صحابی سے سماع کیا ہو اس روایت کے بقیہ رجال ثقہ ہیں۔

عَلْقَمَةَ بْنِ سُهَيْلٍ الثَّقَفِيِّ

4854 - وَعَنْ بِلَالٍ قَالَ: «أَتَيْتُ النَّبِيَّ صَلَّى اللَّهُ عَلَيْهِ وَسَلَّمَ أُؤْذِنُهُ بِالصَّلَاةِ - قَالَ أَبُو أَحْمَدَ: وَهُوَ يُرِيدُ الصَّوْمَ - فَدَعَا بِقَدَحٍ فَشَرِبَ وَسَقَانِي، ثُمَّ خَرَجَ إِلَى الْمَسْجِدِ يُرِيدُ الصَّلَاةَ، فَقَامَ فَصَلَّى بِغَيْرِ وُضُوءٍ، يُرِيدُ الصَّوْمَ». قُلْتُ: هَكَذَا هُوَ فِي الْأَصْلِ، وَلَعَلَّهُ أَكَلَ شَيْئًا مِمَّا غَيَّرَتِ النَّارُ. رَوَاهُ أَحْمَدُ، وَالطَّبَرَانِيُّ فِي الْكَبِيرِ.

حضرت بلال رضی اللہ عنہ بیان کرتے ہیں: میں نبی اکرم صلی اللہ علیہ وسلم کی خدمت میں آپ کو نماز کے لئے بلانے کے لئے آیا ابو احمد نامی راوی نے یہ بات بیان کی ہے کہ نبی اکرم صلی اللہ علیہ وسلم کا روزہ رکھنے کا ارادہ تھا آپ سے پیالا منگوایا اس میں سے پیا اور مجھے بھی پلایا پھر آپ مسجد کی طرف تشریف لے گئے آپ کا ارادہ نماز ادا کرنے کا تھا آپ کھڑے ہوئے اور آپ ازسرِنو وضو کیے بغیر نماز ادا کر لی آپ کا ارادہ روزہ رکھنے کا تھا۔ (علامہ ہیثمی فرماتے ہیں:) میں یہ کہتا ہوں: اصل روایت اِن ہی الفاظ میں منقول ہے شاید ایسا ہوگا کہ آپ نے کوئی ایسی چیز کھائی ہوگی جو آگ پر پکی ہوگی۔ یہ روایت امام احمد نے اور امام طبرانی نے معجم کبیر میں نقل کی ہے۔

«أَتَيْتُ النَّبِيَّ أُؤْذِنُهُ بِالصَّلَاةِ ← بِلَالٍ

4855 - وَلَهُ عِنْدَ أَحْمَدَ فِي رِوَايَةٍ: «أَتَيْتُ النَّبِيَّ صَلَّى اللَّهُ عَلَيْهِ وَسَلَّمَ أُؤْذِنُهُ بِالصَّلَاةِ وَهُوَ يُرِيدُ الصِّيَامَ، فَشَرِبَ ثُمَّ نَاوَلَنِي، وَخَرَجَ إِلَى الصَّلَاةِ». وَرِجَالُهُمَا رِجَالُ الصَّحِيحِ.

ان کے حوالے سے امام احمد نے ایک روایت میں یہ الفاظ نقل کیے ہیں: میں نبی اکرم صلی اللہ علیہ وسلم کی خدمت میں حاضر ہوا تا کہ آپ کو نماز کے لئے بلاؤں آپ کا روزہ رکھنے کا ارادہ تھا آپ نے پانی پیا پھر آپ نے برتن میری طرف بڑھا دیا اور پھر آپ نماز کے لیے تشریف لے گئے۔ ان دونوں روایات کے رجال ’’صحیح‘‘ کے رجال ہیں۔

4856 - وَلَهُ عِنْدَهُ فِي رِوَايَةٍ: «جَاءَ إِلَى النَّبِيِّ صَلَّى اللَّهُ عَلَيْهِ وَسَلَّمَ يُؤْذِنُهُ بِالصَّلَاةِ، فَوَجَدَهُ يَتَسَحَّرُ فِي مَسْجِدِ بَيْتِهِ». وَشَدَّادُ مَوْلَى عِيَاضٍ لَمْ يُدْرِكْ بِلَالًا.

ان کے حوالے سے امام احمد نے ایک روایت میں یہ الفاظ نقل کیے ہیں: وہ (یعنی حضرت بلال رضی اللہ عنہ) نبی اکرم صلی اللہ علیہ وسلم کی خدمت میں آپ کو نماز کے لئے بلانے آئے، تو انہوں نے نبی اکرم صلی اللہ علیہ وسلم کو اپنے گھر میں نماز کے لئے اپنی خصوصی جگہ پر سحری کرتے ہوئے پایا۔عیاض کے غلام شداد نے حضرت بلال رضی اللہ عنہ کا زمانہ نہیں پایا ہے۔

4857 - وَعَنْ أَنَسٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «انْظُرْ مَنْ فِي الْمَسْجِدِ فَادْعُهُ ". فَدَخَلْتُ - يَعْنِي الْمَسْجِدَ - فَإِذَا أَبُو بَكْرٍ، وَعُمَرُ فَدَعَوْتُهُمَا، فَأَتَيْتُهُ بِشَيْءٍ فَوَضَعْتُهُ بَيْنَ يَدَيْهِ، فَأَكَلَ وَأَكَلُوا، ثُمَّ خَرَجُوا، فَصَلَّى بِهِمْ رَسُولُ اللَّهِ صَلَّى اللَّهُ عَلَيْهِ وَسَلَّمَ صَلَاةَ الْغَدَاةِ». رَوَاهُ الْبَزَّارُ، وَإِسْنَادُهُ حَسَنٌ.

حضرت انس رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: ’’تم دیکھو کہ مسجد میں جو موجود ہو اسے بلا کے لے آؤ میں مسجد میں داخل ہوا تو وہاں حضرت ابوبکر رضی اللہ عنہ اور حضرت عمر رضی اللہ عنہ موجود تھے میں نے ان دونوں کو بلا لیا پھر میں کوئی چیز لے کر آپ کے پاس آیا اور میں نے نبی اکرم صلی اللہ علیہ وسلم کے سامنے رکھی پھر وہ چیز نبی اکرم صلی اللہ علیہ وسلم نے بھی کھائی اور ان صاحبان نے بھی کھائی پھر وہ صاحبان نکلے اور نبی اکرم صلی اللہ علیہ وسلم نے انہیں صبح کی نماز پڑھائی‘‘۔ یہ روایت امام بزارنے نقل کی ہے، اور اس کی سند حسن ہے۔

أَنَسٍ،

4858 - وَعَنْ أَبِي الزُّبَيْرِ قَالَ: «سَأَلْتُ جَابِرًا عَنِ الرَّجُلِ يُرِيدُ الصِّيَامَ، وَالْإِنَاءُ عَلَى يَدِهِ يَشْرَبُ مِنْهُ فَيَسْمَعُ النِّدَاءَ؟ فَقَالَ جَابِرٌ: كُنَّا نَتَحَدَّثُ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: " يَشْرَبُ» ". رَوَاهُ أَحْمَدُ، وَإِسْنَادُهُ حَسَنٌ.

ابوزبیر بیان کرتے ہیں: میں نے حضرت جابر رضی اللہ عنہ سے ایسے شخص کے بارے میں دریافت کیا: جو روزہ رکھنے کا ارادہ کرتا ہے، اور برتن اس کے ہاتھ میں موجود ہوتا ہے، جس میں سے وہ پانی پینے لگتا ہے اسی دوران وہ اذان سن لیتا ہے ، تو حضرت جابر رضی اللہ عنہ فرمایا: ہم یہ بات چیت کیا کرتے تھے کہ نبی اکرم صلى الله عليہ وسلم نے ارشاد فرمایا ہے: (اس طرح کی صورت حال میں اس شخص کو) پی لینا چاہیے۔ یہ روایت امام احمد نے نقل کی ہے، اور اس کی سند حسن ہے۔

جَابِرٌ: كُنَّا نَتَحَدَّثُ ← الرَّجُلِ يُرِيدُ الصِّيَامَ، وَالْإِنَاءُ عَلَى يَدِهِ يَشْرَبُ مِنْهُ فَيَسْمَعُ النِّدَاءَ؟ ← سَأَلْتُ جَابِرًا ← أَبِي الزُّبَيْرِ