Majma uz Zawaid Wa Manba ul Fawaid

303 - عَنْ عَمْرِو بْنِ الْجَمُوحِ أَنَّهُ سَمِعَ النَّبِيَّ - صَلَّى اللَّهُ عَلَيْهِ وَسَلَّمَ - يَقُولُ: " «لَا يَحِقُّ الْعَبْدُ صَرِيحَ الْإِيمَانِ حَتَّى يُحِبَّ لِلَّهِ وَيُبْغِضَ لِلَّهِ، فَإِذَا أَحَبَّ لِلَّهِ - تَبَارَكَ وَتَعَالَى - وَأَبْغَضَ لِلَّهِ فَقَدِ اسْتَحَقَّ الْوِلَايَةَ مِنَ اللَّهِ، إِنَّ أَوْلِيَائِي مِنْ عِبَادِي وَأَحِبَّائِي مِنْ خَلْقِي الَّذِينَ يُذْكَرُونَ بِذِكْرِي، وَأُذْكَرُ بِذِكْرِهِمْ» ". رَوَاهُ أَحْمَدُ، وَفِيهِ رِشْدِينُ بْنُ سَعْدٍ، وَهُوَ مُنْقَطِعٌ ضَعِيفٌ.

حضرت عمرو بن جموح رضی اللہ عنہ بیان کرتے ہیں: انہوں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سان ہے: " بندہ صریح ایمان کا حقدار اس وقت تک نہیں ہوتا ، جب تک وہ اللہ تعالیٰ کے لیے کسی سے محبت نہیں رکھتا ، اور اللہ تعالیٰ کے لیے کسی سے بغض نہیں رکھتا ، جب وہ اللہ تعالیٰ کے لیے کسی سے محبت رکھتا ہے اور اللہ تعالیٰ کے لیے کسی سے بغض رکھتا ہے ، تو وہ اللہ تعالیٰ کی ولایت کا مستحق ہو جاتا ہے ( اور حدیث قدسی میں ، اللہ تعالیٰ فرماتا ہے : ) " میرے بندوں میں سے میرے اولیاء اور میری مخلوق میں سے میرے محبوب بندے وہ ہیں کہ میرے ذکر کے ہمراہ ان کا ذکر کیا جاتا ہے، اور ان کے ذکر کے ہمراہ میرا ذکر کیا جاتا ہے"۔ یہ روایت امام احمد نے نقل کی ہے، اس کی سند میں ایک راوی کی رشدین بن سعد ہے، اور وہ منقطع اور ضعیف ہے۔

النَّبِيِّ ← عمرو بن الجموح: أنه

304 - وَعَنْ عَمْرِو بْنِ الْحَمِقِ أَنَّهُ سَمِعَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «لَا يَجِدُ الْعَبْدُ صَرِيحَ الْإِيمَانِ حَتَّى يُحِبَّ لِلَّهِ وَيُبْغِضَ لِلَّهِ، فَإِذَا أَحَبَّ لِلَّهِ وَأَبْغَضَ لِلَّهِ فَقَدِ اسْتَحَقَّ الْوِلَايَةَ، وَإِنَّ أَوْلِيَائِي مِنْ عِبَادِي وَأَحِبَّائِي مِنْ خَلْقِي الَّذِينَ يُذْكَرُونَ بِذِكْرِي، وَأُذْكَرُ بِذِكْرِهِمْ» ". رَوَاهُ الطَّبَرَانِيُّ فِي الْكَبِيرِ، وَفِيهِ رِشْدِينُ، وَهُوَ ضَعِيفٌ.

حضرت عمرو بن حمق رضی اللہ عنہ بیان کرتے ہیں : انہوں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے: " آدمی صریح ایمان کو اس وقت تک نہیں پا سکتا ، جب تک وہ اللہ تعالیٰ کے لیے کسی کے ساتھ محبت نہیں رکھتا ، اور اللہ تعالیٰ کے لیے کسی کے ساتھ بغض نہیں رکھتا ، جب وہ اللہ تعالیٰ کے لیے محبت رکھتا ہے، اور اللہ تعالیٰ کے لیے بغض رکھتا ہے، تو وہ ولایت کا مستحق ہو جاتا ہے ( حدیث میں ، اللہ تعالیٰ نے یہ ارشاد فرمایا ہے: ) " میرے بندوں میں سے میرے اولیاء اور میری مخلوق میں سے میرے محبوب بندے ، وہ ہیں کہ میرے ذکر کے ساتھ ان کا ذکر کیا جاتا ہے ، اور ان کے ذکر کے ساتھ میرا ذکر کیا جاتا ہے"۔ یہ روایت امام طبرانی نے معجم کبیر میں نقل کی ہے اور اس کی سند میں ایک راوی رشدین ہے اور وہ ضعیف ہے۔

رَسُولِ اللَّهِ ← عمرو بن الحمق أنه

305 - وَعَنْ مُعَاذِ بْنِ أَنَسٍ أَنَّهُ «سَأَلَ النَّبِيَّ - صَلَّى اللَّهُ عَلَيْهِ وَسَلَّمَ - عَنْ أَفْضَلِ الْإِيمَانِ، قَالَ: " أَنْ تُحِبَّ لِلَّهِ، وَتُبْغِضَ لِلَّهِ، وَتُعْمِلَ لِسَانَكَ فِي ذِكْرِ اللَّهِ ". قَالَ: وَمَاذَا يَا رَسُولَ اللَّهِ؟ قَالَ: " وَأَنْ تُحِبَّ لِلنَّاسِ مَا تُحِبُّ لِنَفْسِكَ، وَتَكْرَهَ لَهُمْ مَا تَكْرَهُ لِنَفْسِكَ "، وَزَادَ فِي رِوَايَةٍ أُخْرَى: " وَأَنْ تَقُولَ خَيْرًا أَوْ تَصْمُتَ» ". وَفِي الْأُولَى رِشْدِينُ بْنُ سَعْدٍ، وَفِي الثَّانِيةِ ابْنُ لَهِيعَةَ، وَكِلَاهُمَا ضَعِيفٌ. رَوَاهُمَا أَحْمَدُ.

حضرت معاذ بن انس رضی اللہ عنہ کے بارے میں یہ بات منقول ہے: انہوں نے نبی اکرم صلی اللہ علیہ وآلہ وسلم سے افضل ایمان کے بارے میں سوال کیا، تو آپ صلی اللہ علیہ وآلہ وسلم نے ارشاد فرمایا: یہ کہ تم اللہ تعالیٰ کے لیے محبت رکھو، اللہ تعالیٰ کے لیے بغض رکھو، اور اپنی زبان کو اللہ کے ذکر کے لیے استعمال کرو! حضرت معاذ بن انس رضی اللہ عنہ نے دریافت کیا: یا رسول اللہ صلی اللہ علیہ وآلہ وسلم ! وہ کیسے ؟ نبی اکرم صلی اللہ علیہ وآلہ وسلم نے ارشاد فرمایا: " یوں کہ تم لوگوں کے لیے وہی چیز پسند کرو، جو تم اپنے لیے پسند کرتے ہو، اور تم لوگوں کے لیے وہی چیز نا پسند کرو، جو تم اپنے لیے ناپسند کرتے ہو "۔ ایک اور روایت میں یہ الفاظ آئے ہیں : " اور یہ کہ تم بھلائی کی بات کہو یا پھر خاموش رہو"۔ پہلی روایت میں رشد ین بن سعد ہے ، اور دوسری روایت میں ابن لہیعہ ہے، اور یہ دونوں راوی ضعیف ہیں، یہ دونوں روایا ت امام احمد نے نقل کی ہیں ۔

وماذا ← اللہُ ← "أنْ تُحبَّ لله، وتُبْغِضَ لله، وتَعْمَلَ لسانَك في ← أفْضَلِ الإيمانِ؟ ← وَعَنْ مُعَاذِ بْنِ أَنَسٍ أَنَّهُ «سَأَلَ النَّبِيَّ

306 - وَعَنِ الْبَرَاءِ بْنِ عَازِبٍ قَالَ: «كُنَّا جُلُوسًا عِنْدَ النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ: " أَيُّ عُرَى الْإِسْلَامِ أَوْثَقُ؟ ". فَقَالُوا: الصَّلَاةُ. قَالَ: " حَسَنَةٌ، وَمَا هِيَ بِهَا؟ " قَالُوا: صِيَامُ رَمَضَانَ. قَالَ: " حَسَنٌ، وَمَا هُوَ بِهِ؟ " قَالُوا: الْجِهَادُ. قَالَ: " حَسَنٌ، وَمَا هُوَ بِهِ؟ " قَالَ: " إِنَّ أَوْثَقَ عُرَى الْإِيمَانِ أَنْ تُحِبَّ لِلَّهِ وَتُبْغِضَ فِي اللَّهِ» ". رَوَاهُ أَحْمَدُ، وَفِيهِ لَيْثُ بْنُ أَبِي سُلَيْمٍ، وَضَعَّفَهُ الْأَكْثَرُ.

حضرت براء بن عازب رضی اللہ عنہ بیان کرتے ہیں : ہم لوگ نبی اکرم کے پاس بیٹھے ہوئے تھے، آپ نے دریافت کیا: اسلام کی کون سی رسی زیادہ مضبوط ہے؟ لوگوں نے عرض کی : نماز ، نبی اکرم صلی اللہ علیہ وآلہ وسلم : وہ اچھی ہے، لیکن یہ مراد نہیں ہے، لوگوں نے عرض کی: رمضان کے روزے ، آپ نے فرمایا: یہ بھی اچھے ہیں لیکن یہ مراد نہیں ہے، لوگوں نے عرض کی : جہا د کرنا آپ نے فرمایا: یہ بھی اچھا ہے، لیکن یہ مراد نہیں ہے، پھر آپ صلی اللہ علیہ وآلہ وسلم نے فرمایا : اسلام کی سب سے مضبوط رسی یہ ہے کہ تم اللہ تعالیٰ کے لیے محبت رکھو اور اللہ کے لیے بغض رکھو۔ یہ روایت امام احمد نقل کی ہے، اس کی سند میں ایک راوی لیث بن ابو سلیم ہے، جسے اکثر حضرات نے ضعیف قرار دیا ہے۔

حَسَنٌ وَمَا هُوَ بِهِ ← الْجِهَادُ ← حَسَنٌ وَمَا هُوَ بِهِ ← صِيَامُ رَمَضَانَ ← حَسَنَةٌ وَمَا هِيَ بِهَا ← الصَّلَاةِ ← أَيُّ عُرَى الْإِسْلَامِ أَوْثَقُ؟ ← كُنَّا جُلُوسًا عِنْدَ النَّبِيِّ ← الْبَرَاءِ بْنِ عَازِبٍ

307 - وَعَنْ أَبِي ذَرٍّ قَالَ: «خَرَجَ إِلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " أَتَدْرُونَ أَيُّ الْأَعْمَالِ أَحَبُّ إِلَى اللَّهِ؟ " قَالَ قَائِلٌ: الصَّلَاةُ وَالزَّكَاةُ، وَقَالَ قَائِلٌ: الْجِهَادُ. قَالَ: " إِنَّ أَحَبَّ الْأَعْمَالِ إِلَى اللَّهِ - عَزَّ وَجَلَّ - الْحُبُّ لِلَّهِ، وَالْبُغْضُ لِلَّهِ» ". قُلْتُ: عِنْدَ أَبِي دَاوُدَ طَرَفٌ مِنْهُ. رَوَاهُ أَحْمَدُ، وَفِيهِ رَجُلٌ لَمْ يُسَمَّ.

حضرت ابو ذر غفاری رضی اللہ عنہ بیان کرتے ہیں : ایک مرتبہ نبی اکرم صلی اللہ علیہ وآلہ وسلم ہمارے پاس تشریف لائے ، تو آپ نے ارشاد فرمایا: کیا تم لوگ جانتے ہوں؟ کو ن سا عمل ، اللہ تعالیٰ کے نزدیک سب سے زیادہ پسند یدہ ہے؟ کسی نے کہا : نماز اور زکوٰۃ کسی نے کہا : جہاد نبی اکرم صلی اللہ علیہ وآلہ وسلم نے ارشاد فرمایا: اللہ تعالیٰ کے نزدیک سب سے زیادہ پسند یدہ عمل یہ ہے کہ اللہ تعالیٰ کی خاطر کسی سے محبت رکھی جائے اور اللہ تعالیٰ کی خاطر کسی سے بغض رکھا جائے ، ( علامہ ہیثمی فرماتے ہیں : ) میں یہ کہتا ہوں : امام ابو داؤد نے اس روایت کا ایک حصہ نقل کی ہے۔ یہ روایت امام احمد نے نقل کی ہے اور اس کی سند میں ایک ایسا شخص ہے ، جس کا نام بیان نہیں کیا گیا ہے۔

قَائِلٌ الْجِهَادُ ← قَائِلٌ الصَّلَاةُ وَالزَّكَاةُ ← أَتَدْرُونَ أَيُّ الْأَعْمَالِ أَحَبُّ إِلَى اللَّهِ؟ ← خَرَجَ إِلَيْنَا رَسُولُ اللَّهِ ← اَبِیْ ذَرٍّ

308 - وَعَنْ أَبِي هُرَيْرَةَ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ قَالَ: " «مَنْ أَحَبَّ لِلَّهِ - وَقَالَ هَاشِمٌ -: مَنْ سَرَّهُ أَنْ يَجِدَ طَعْمَ الْإِيمَانِ فَلْيُحِبَّ الْمَرْءَ لَا يُحِبُّهُ إِلَّا لِلَّهِ - عَزَّ وَجَلَّ» - ". رَوَاهُ أَحْمَدُ وَالْبَزَّارُ، وَرِجَالُهُ ثِقَاتٌ.

حضرت ابو ہریرہ رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں : " جو شخص اللہ تعالیٰ کی خاطر محبت رکھے ۔ یہاں ہاشم نامی راوی نے یہ الفاظ نقل کئے ہیں:۔ جس شخص کو یہ بات پسند ہو کہ وہ ایمان کا ایمان کا ذائقہ چکھ لے ، اسے کسی ایسے شخص کے ساتھ محبت رکھنی چاہیے ، جس کے ساتھ وہ صرف اللہ تعالیٰ کی خاطر محبت رکھے"۔ یہ روایت امام احمد اور امام بزار نے نقل کی ہے اور اس کے رجال ثقہ ہیں۔

«مَنْ أَحَبَّ لِلَّهِ ← النَّبِیِّ اَنَّہٗ ← أَبِي هُرَيْرَةَ،

309 - وَعَنِ ابْنِ مَسْعُودٍ - رَضِيَ اللَّهُ عَنْهُ - قَالَ: «دَخَلْتُ عَلَى النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ: " يَابْنَ مَسْعُودٍ، أَيُّ عُرَى الْإِيمَانِ أَوْثَقُ؟ " قُلْتُ: اللَّهُ وَرَسُولُهُ أَعْلَمُ. قَالَ: " أَوْثَقُ عُرَى الْإِسْلَامِ: الْوِلَايَةُ فِي اللَّهِ، وَالْحُبُّ فِي اللَّهِ، وَالْبُغْضُ فِي اللَّهِ» " فَذَكَرَ الْحَدِيثَ، وَهُوَ بِتَمَامِهِ فِي الْعِلْمِ. رَوَاهُ الطَّبَرَانِيُّ فِي الصَّغِيرِ، وَفِيهِ عَقِيلُ بْنُ الْجَعْدِ، قَالَ الْبُخَارِيُّ: مُنْكَرُ الْحَدِيثِ.

حضرت عبداللہ بن مسعود رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم کی خدمت میں حاضر ہوا، تو آپ صلی اللہ علیہ وآلہ وسلم نے ارشاد فرمایا: اے ابن مسعود ! ایمان کی کون سی رسی سب سے زیادہ مضبوط ہے؟ میں نے عرض کی: اللہ اور اس کا رسول بہتر جانتے ہیں، آپ صلی اللہ علیہ وآلہ وسلم نے ارشاد فرمایا: اسلام کی سب سے مضبوط رسی اللہ تعالیٰ کے لیے دوستی رکھنا ہے ، اللہ تعالی کے لیے محبت رکھنا ہے، اور اللہ تعالیٰ کے لیے بغض رکھنا ہے۔۔۔ اس کے بعد راوی نے پوری حدیث ذکر کی ہے، یہ مکمل روایت علم سے متعلق باب میں آئے گی۔ یہ روایت امام طبرانی نے معجم صغیر میں نقل کی ہے ، اس کی سند میں ایک راوی عقیل بن جعد ہے، امام بخاری فرماتے ہیں : منکر الحدیث ہے۔

ابْنِ مَسْعُودٍ،

310 - وَعَنْ أَبِي أُمَامَةَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «مَنْ أَحَبَّ لِلَّهِ وَأَبْغَضَ لِلَّهِ، وَأَعْطَى لِلَّهِ وَمَنَعَ لِلَّهِ ; فَقَدِ اسْتَكْمَلَ الْإِيمَانَ» ". رَوَاهُ الطَّبَرَانِيُّ فِي الْأَوْسَطِ، وَفِيهِ صَدَقَةُ بْنُ عَبْدِ اللَّهِ السَّمِينُ، ضَعَّفَهُ الْبُخَارِيُّ وَأَحْمَدُ وَغَيْرُهُمَا، وَقَالَ أَبُو حَاتِمٍ: مَحَلُّهُ الصِّدْقُ.

حضرت ابو امامہ رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں : " جو شخص اللہ تعالیٰ کے لیے کسی سے محبت رکھتا ہے، اللہ تعالیٰ کے لیے بغض رکھتا ہے، اللہ تعالیٰ کے لیے ( کسی کو کچھ ) دیتا ہے، اللہ تعالیٰ کے لیے روک لیتا ( یعنی نہیں دیتا ) ہے ، وہ ایمان کو مکمل کر لیتا ہے"۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی صدقہ بن عبداللہ سمین ہے، جسے امام بخاری ، امام احمد اور دیگر حضرات نے ضعیف قرار دیا ہے، امام ابو حاتم فرماتے ہیں : اس کا محل صدق ہے۔

اَبِیْ اُمَامَۃَ،

311 - وَعَنِ ابْنِ مَسْعُودٍ قَالَ: إِنَّ مِنَ الْإِيمَانِ أَنْ يُحِبَّ الرَّجُلُ أَخَاهُ لَا يُحِبُّهُ إِلَّا لِلَّهِ. رَوَاهُ الطَّبَرَانِيُّ فِي الْكَبِيرِ، وَفِي إِسْنَادِهِ إِسْحَاقُ الدَّبَرِيُّ، وَهُوَ مُنْقَطِعٌ بَيْنَ عَبْدِ الرَّزَّاقِ وَأَبِي إِسْحَاقَ.

حضرت عبداللہ بن مسعود رضی اللہ عنہ ارشاد فرماتے ہیں : ایمان میں یہ بات بھی شامل ہے کہ آدمی اپنے بھائی کے ساتھ یوں محبت رکھے کہ وہ اس کے ساتھ صرف اللہ تعالیٰ کی خاطر محبت رکھے۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی اسحاق طبری ہے ، اور یہ روایت "منقطع " ہے اور یہ " انقطاع " عبدالرزاق نامی راوی اور ابو اسحٰق نامی راوی کے درمیان ہے۔

ابْنِ مَسْعُودٍ،

312 - وَعَنْ مُجَاهِدٍ، عَنِ ابْنِ عُمَرَ قَالَ: قَالَ لِي: أَحِبَّ فِي اللَّهِ، وَأَبْغِضْ فِي اللَّهِ، وَوَالِ فِي اللَّهِ، وَعَادِ فِي اللَّهِ ; فَإِنَّهُ لَا تُنَالُ وِلَايَةُ اللَّهِ إِلَّا بِذَلِكَ، وَلَا يَجِدُ رَجُلٌ طَعْمَ الْإِيمَانِ - وَإِنْ كَثُرَتْ صَلَاتُهُ وَصِيَامُهُ - حَتَّى يَكُونَ كَذَلِكَ، وَصَارَتْ مُؤَاخَاةُ النَّاسِ فِي أَمْرِ الدُّنْيَا. رَوَاهُ الطَّبَرَانِيُّ فِي الْكَبِيرِ، وَفِيهِ لَيْثُ بْنُ أَبِي سُلَيْمٍ، وَالْأَكْثَرُ عَلَى ضَعْفِهِ. وَقَدْ تَقَدَّمَ حَدِيثُ عَمْرِو بْنِ الْحَمِقِ فِيمَنْ يَغْضَبُ لِلَّهِ وَيَرْضَى لِلَّهِ.

مجاہد ، نے حضرت عبداللہ بن عمر رضی اللہ عنہ کے بارے میں یہ بات نقل کی ہے: انہوں نے مجھے سے فرمایا : اللہ تعالیٰ کی خاطر محبت رکھو! اللہ تعالیٰ کی خاطر بغض رکھو، اللہ تعالیٰ کی خاطر دوستی رکھو ، اللہ تعالیٰ کی خاطر دشمنی رکھو ، اللہ تعالیٰ کی ولایت تک صرف اس ( عمل ) کے ذریعے ہی پہنچا جا سکتا ہے، اور آدمی نے خواہ کتنی ہی نمازیں پڑھی ہوں اور روزے رکھے ہوں ، وہ ایمان کا ذائقہ اس وقت تک نہیں پا سکتا ، جب تک وہ ایسا نہیں ہو جاتا، لوگوں کا بھائی چارہ ، تو دنیاوی معاملے کے حوالے سے ہوتا ہے۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی لیث بن ابو سلیم ہے، اکثر حضرات نے اسے ضعیف قرار دیا ہے، اس سے پہلے حضرت عمرو بن حمق رضی اللہ عنہ کے حوالے سے حدیث گزر چکی ہے، جو اس شخص کے بارے میں ہے ، جو اللہ تعالیٰ کی خاطر غضبناک ہوتا ہے، اور اللہ تعالیٰ کی خاطر راضی ہوتا ہے۔

ابْنِ عُمَرَ ← مُجَاهِدٍ