Majma uz Zawaid Wa Manba ul Fawaid

1675 - عَنْ رَجُلٍ مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «سُئِلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: أَيُّ الْأَعْمَالِ أَفْضَلُ؟ قَالَ شُعْبَةُ: قَالَ: " أَفْضَلُ الْعَمَلِ الصَّلَاةُ لِوَقْتِهَا، وَبِرُّ الْوَالِدَيْنِ، وَالْجِهَادُ» ". رَوَاهُ أَحْمَدُ، وَرِجَالُهُ رِجَالُ الصَّحِيحِ.

نبی اکرم صلی اللہ علیہ وآلہ وسلم کے ایک صحابی کے حوالے سے یہ بات منقول ہے : وہ بیان کرتے ہیں : نبی اکرم صلی اللہ علیہ وآلہ وسلم سے سوال کیا گیا: کون ساعمل زیادہ فضیلت رکھتا ہے ؟ شعبہ نامی راوی بیان کرتے ہیں : نبی اکرم صلی اللہ علیہ وآلہ وسلم نے ارشاد فرمایا: " سب سے زیادہ فضیلت عمل ، نماز کو اس کے وقت پر ادا کرنا ، والدین کے ساتھ اچھا سلوک کرنا ، اور جہاد کرنا ہے" یہ روایت امام احمد نے نقل کی ہے، اور اس کے رجال " صحیح " کے رجال ہیں۔

أَفْضَلُ الْعَمَلِ الصَّلَاةُ لِوَقْتِهَا، وَبِرُّ الْوَالِدَيْنِ، وَالْجِهَادُ» رَوَاهُ أَحْمَدُ، وَرِجَالُهُ رِجَالُ الصَّحِيحِ. ← شُعْبَةُ، ← سُئِلَ رَسُولُ اللَّهِ أَيُّ الْأَعْمَالِ أَفْضَلُ ← رَجُلٍ مِنْ أَصْحَابِ النَّبِيِّ

1676 - عَنْ أَبِي هُرَيْرَةَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «يَا عَائِشَةُ، اهْجُرِي الْمَعَاصِيَ ; فَإِنَّهَا خَيْرُ الْهِجْرَةِ، وَحَافِظِي عَلَى الصَّلَوَاتِ ; فَإِنَّهَا أَفْضَلُ الْبِرِّ» ". رَوَاهُ الطَّبَرَانِيُّ فِي الْأَوْسَطِ، وَفِيهِ مُحَمَّدُ بْنُ يَحْيَى بْنِ يَسَارٍ، وَهُوَ ضَعِيفٌ.

حضرت ابو ہریرہ رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم نے ارشاد فرمایا: " اے عائشہ ! گناہوں سے لاتعلق رہنا ، کیونکہ یہ سب سے بہتر لا تعلقی ہے ،ا ور نما کی حفاظ کرنا ، کیوں کہ یہ سب سے زیادہ فضیلت والی نیکی ہے " ۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی محمد بن یحییٰ بن یسار ہے، اور وہ " ضعیف " ہے۔

أَبِي هُرَيْرَةَ،

1677 - وَعَنْ أَنَسِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ صَلَّى الصَّلَوَاتِ لِوَقْتِهَا، وَأَسْبَغَ لَهَا وُضُوءَهَا، وَأَتَمَّ لَهَا قِيَامَهَا وَخُشُوعَهَا وَرُكُوعَهَا وَسُجُودَهَا - خَرَجَتْ وَهِيَ بَيْضَاءُ مُسْفِرَةٌ تَقُولُ: حَفِظَكَ اللَّهُ كَمَا حَفِظْتَنِي. وَمَنْ صَلَّى لِغَيْرِ وَقْتِهَا، وَلَمْ يُسْبِغْ لَهَا وُضُوءَهَا، وَلَمْ يُتِمَّ لَهَا خُشُوعَهَا وَلَا رُكُوعَهَا وَلَا سُجُودَهَا - خَرَجَتْ وَهِيَ سَوْدَاءُ مُظْلِمَةٌ تَقُولُ: ضَيَّعَكَ اللَّهُ كَمَا ضَيَّعَتْنِي. حَتَّى إِذَا كَانَتْ حَيْثُ شَاءَ اللَّهُ لُفَّتْ كَمَا يُلَفُّ الثَّوْبُ الْخَلَقُ، ثُمَّ ضُرِبَ بِهَا وَجْهُهُ» ". رَوَاهُ الطَّبَرَانِيُّ فِي الْأَوْسَطِ، وَفِيهِ عَبَّادُ بْنُ كَثِيرٍ، وَقَدْ أَجْمَعُوا عَلَى ضَعْفِهِ. قُلْتُ: وَيَأْتِي حَدِيثُ عُبَادَةَ بِنَحْوِ هَذَا فِي بَابِ مَنْ لَا يُتِمُّ صَلَاتَهُ وَيُسِيءُ رُكُوعَهَا.

حضرت انس بن مالک رضی اللہ عنہ روایت کرتےہیں : نبی اکرم صلی اللہ علیہ وآلہ وسلم نے ارشاد فرمایا ہے: " جو شخص پانچ نمازیں ، ان کے مخصوص وقت میں ادا کرتا ہے، اور ان کے لیے اچھی طرح وضو کرتا ہے، ان کے قیام ، ان کے خشوع ،ان کے رکوع ، اور ان کے سجود مکمل کرتا ہے، تو جب وہ نماز نکلتی ہے ، تو وہ سفید اور روشن ہوتی ہے، اور یہ کہہ رہی ہوتی ہے: اللہ تعالیٰ تمہاری حفاظت کرے ، جس طرح تم نے میری حفاظت کی ہے، اور جو شخص نماز کو اس کے وقت کے علاوہ ادا کرتا ہے، اس کے لیے اچھی طرح وضو نہیں کرتا ہے، اس کے خشوع ، اس کے رکوع ، اس کے سجود کو مکمل نہیں کرتا ہے، تو جب وہ نماز نکلتی ، تو وہ سیاہ اور تاریک ہوتی ہے، اور یہ کہتی ہے: اللہ تعالیٰ تمہیں بھی اسی طرح ضائع کرے ، جس طرح تم نے مجھے ضائع کیا ہے، یہاں تک کے جب وہ اس مقام پر پہنچتی ہے ، جہاں اللہ کو منظور ہوتا ہے، تو اسے یوں لپیٹ دیا جاتا ہے، جس طرح پرانے کپڑے کو لپیٹ دیا جاتا ہے پھر ( اس نماز کو ) اس شخص کے منہ پر مار دیا جاتا ہے" ۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی عباد بن کثیر ہے، جس کے ضعیف ہونے پر محدیثین کا اتفاق ہے۔ ( علامہ ہیثمی فرماتے ہیں : ) میں یہ کہتا ہوں : حضرت عبداہ رضی اللہ عنہ سے منقول حدیث جو اس کی مانند ہے، وہ اس باب میں آئے گی، جس میں اس شخص کا بیان ہے، جو نماز مکمل ادا نہیں کرتا اور اس کا رکوع ٹھیک طرح سے نہیں کرتا ہے۔

اَنَسِ بْنِ مَالِکٍ،

1678 - وَعَنْ كَعْبِ بْنِ عُجْرَةَ قَالَ: «خَرَجَ عَلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَنَحْنُ سَبْعَةُ نَفَرٍ - أَرْبَعَةٌ مِنْ مَوَالِينَا، وَثَلَاثَةٌ مِنْ عَرَبِنَا - مُسْنِدِي ظُهُورِنَا إِلَى مَسْجِدِهِ فَقَالَ: " مَا أَجْلَسَكُمْ؟ " قُلْنَا: جَلَسْنَا نَنْتَظِرُ الصَّلَاةَ. قَالَ: فَأَرَمَّ قَلِيلًا ثُمَّ أَقْبَلَ عَلَيْنَا فَقَالَ: " هَلْ تَدْرُونَ مَا يَقُولُ رَبُّكُمْ؟ " قُلْنَا: لَا. قَالَ: " فَإِنَّ رَبَّكُمْ يَقُولُ: مَنْ صَلَّى الصَّلَوَاتِ الْخَمْسَ لِوَقْتِهَا، وَحَافَظَ عَلَيْهَا وَلَمْ يُضَيِّعْهَا اسْتِخْفَافًا لَحِقَهَا؛ فَلَهُ عَلَيَّ عَهْدٌ أَنْ أُدْخِلَهُ الْجَنَّةَ، وَمَنْ لَمْ يَصَلِّهَا لِوَقْتِهَا، وَلَمْ يُحَافِظْ عَلَيْهَا، وَضَيَّعَهَا اسْتِخْفَافًا بِحَقِّهَا - فَلَا عَهْدَ لَهُ عَلَيَّ، إِنْ شِئْتُ عَذَّبْتُهُ، وَإِنْ شِئْتُ غَفَرْتُ لَهُ» ". رَوَاهُ الطَّبَرَانِيُّ فِي الْأَوْسَطِ وَالْكَبِيرِ، وَرَوَاهُ أَحْمَدُ إِلَّا أَنَّهُ قَالَ: «بَيْنَا أَنَا جَالِسٌ فِي مَسْجِدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - مُسْنِدِي ظُهُورِنَا إِلَى قِبْلَةِ مَسْجِدِهِ إِذْ خَرَجَ إِلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - صَلَاةَ الظُّهْرِ، فَقَالَ: فَذَكَرَ نَحْوَهُ». وَفِيهِ عِيسَى بْنُ الْمُسَيَّبِ الْبَجَلِيُّ، وَهُوَ ضَعِيفٌ.

حضرت کعب بن عجرہ رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم صلی اللہ علیہ وآلہ وسلم ہمارے پاس تشریف لائے ، ہم اس وقت سات افراد تھے ، جن میں سے چار کا تعلق موالی سے تھا اور تین کا تعلق عربوں سے تھا، ہم نے آپ صلی اللہ علیہ وآلہ وسلم کی مسجد کے ساتھ ٹیک لگائی ہوئی تھی، آپ صلی اللہ علیہ وآلہ وسلم نے دریافت کیا: تم لوگ کیوں بیٹھے ہوئے ہو؟ ہم نے عرض کی : ہم نماز کے انتظار میں بیٹھے ہوئے ہیں ، راوی کہتے ہیں : نبی اکرم صلی اللہ علیہ وآلہ وسلم تھوڑی دیر ٹھہرے رہے، پھر آپ ہماری طرف متوجہ ہوئے اور ارشاد فرمایا : کیا تم لوگ یہ بات جانتے ہو کہ تمہارا پروردگار کیا فرماتا ہے؟ ہم نے عرض کی : جی نہیں ! نبی اکرم صلی اللہ علیہ وآلہ وسلم نے فرمایا: تمہارا پروردگار یہ فرماتا ہے: جو شخص پانچ نمازوں کے ان کے وقت پر ادا کرتے گا، ان کو باقاعدگی سے ادا کرے گا، اور ان کے حق کو کمتر سمجھتے ہوئے انہیں ضائع نہیں کرے گا، تو اس شخس کے لیے میرے ذمے یہ عہد ہے کہ میں اسے جنت میں داخل کروں گا، اور جو شخص نماز کو اس کے مخصوص وقت پر ادا نہیں کرے گا، اس کی حفاظت نہیں کرے گا،اس کے حق کو کم سمجھتے ہوئے اسے ضائع کر دے گا، تو اس شخص کے لیے میرے ذمہ کوئی عہد نہیں ہوگا، اگر میں چاہوں گا، تو اسے عذاب دوں گا، اور اگر چاہوں گا، تو اس کی مغفرت کردوں گا"۔ یہ روایت امام طبرانی نے معجم اوسط اور معجم کبیر میں نقل کی ہے، یہ روایت امام احمد نے بھی نقل کی ہے، تاہم انہوں نے یہ الفاظ نقل کیے ہیں: " ایک مرتبہ ہم اللہ کے رسول صلی اللہ علیہ وآلہ وسلم کی مسجد میں بیٹھے ہوئے تھے، ہم نے اپنی پشت مسجد کی قبلہ والی دیوار کے ساتھ لگائی ہوئی تھی، اسی دوران نبی اکرم صلی اللہ علیہ وآلہ وسلم ظہر کی نماز کی ادائیگی کے لئے ہمارے پاس تشریف لائے اور آپ صلی اللہ علیہ وآلہ وسلم نے ارشاد فرمایا : ۔۔۔۔ اس کے بعد راوی نے حسب سابق حدیث ذکر کی ہے"۔ اس روایت کی سند میں ایک راوی عیسیٰ بن مسیب بجلی ہے ، اور وہ " ضعیف " ہے۔

کَعْبِ بْنِ عُجْرَۃَ

1679 - وَعَنْ عَبْدِ اللَّهِ بْنِ مَسْعُودٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - مَرَّ عَلَى أَصْحَابِهِ يَوْمًا فَقَالَ لَهُمْ: " هَلْ تَدْرُونَ مَا يَقُولُ رَبُّكُمْ - تَبَارَكَ وَتَعَالَى؟ " قَالُوا: اللَّهُ وَرَسُولُهُ أَعْلَمُ. قَالَهَا ثَلَاثًا. قَالَ: " وَعِزَّتِي وَجَلَالِي لَا يُصَلِّيهَا لِوَقْتِهَا إِلَّا أَدْخَلْتُهُ الْجَنَّةَ، وَمَنْ صَلَّاهَا لِغَيْرِ وَقْتِهَا إِنْ شِئْتُ رَحِمْتُهُ وَإِنْ شِئْتُ عَذَّبْتُهُ» ". رَوَاهُ الطَّبَرَانِيُّ فِي الْكَبِيرِ، وَفِيهِ يَزِيدُ بْنُ قُتَيْبَةَ ذَكَرَهُ ابْنُ أَبِي حَاتِمٍ، وَذُكِرَ لَهُ رَاوٍ وَاحِدٌ، وَلَمْ يُوَثِّقْهُ وَلَمْ يَجْرَحْهُ.

حضرت عبداللہ بن مسعود رضی اللہ عنہ بیان کرتے ہیں : ایک دن نبی اکرم صلی اللہ علیہ و آلہ وسلم کا گزر ، اپنے صحابہ کے پاس سے ہو، آپ نے ان سے دریافت کیا: کیا تم لوگ یہ بات جانتے ہو کہ تمہارا پروردگار تبارک و تعالیٰ کیا فرما تا ہے؟ ان لوگوں نے عرض کی: اللہ اور اس کا رسول زیادہ بہتر جانتے ہیں ، نبی اکرم صلی اللہ علیہ و آلہ وسلم نے یہ بات تین مرتبہ دہرائی ، پھر ارشاد فرمایا: تمہارا پروردگار فرماتا ہے : میری عزت اور میرے جلال کی قسم ہے، جو شخص اس نماز کو اس کے مخصوص وقت پر ادا کرے گا، تو اسے جنت میں داخل کروں گا، اور جو شخص اس نماز کو اس کے مخصوص وقت کے علاوہ ادا کرتے ، تو اگر چاہوں گا، و اس پر رحم کر دوں گا، اور اگر چاہوں گا، تو اسے عذاب دوں گا"۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی یزید بن قتیبہ ہے، جس کا ذکر ابو حاتم نے کیا ہے، اس شخص کے حوالے سے ایک راوی کا ذکر کیا گیا ہے، لیکن کسی نے نہ تو اس راوی کی توثیق کی ہے ، اور نہ ہی اس پر جرح کی ہے۔

عَبْدِ اللهِ بْنِ مَسْعُودٍ