Majma uz Zawaid Wa Manba ul Fawaid

3595 - عَنْ عَلِيِّ بْنِ أَبِي طَالِبٍ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - نَهَى أَنْ يَرْفَعَ الرَّجُلُ صَوْتَهُ بِالْقُرْآنِ قَبْلَ الْعِشَاءِ وَبَعْدَهَا يُغَلِّطُ أَصْحَابَهُ وَهُمْ يُصَلُّونَ». رَوَاهُ أَحْمَدُ وَأَبُو يَعْلَى وَفِيهِ الْحَارِثُ وَهُوَ ضَعِيفٌ.

حضرت علی بن ابوطالب رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم نے اس بات سے منع کیا ہے کہ آدمی عشاء سے پہلے یا اس کے بعد بلند آواز میں قرآت کرے کہ اس کے جو ساتھ نماز ادا کر رہے ہوں وہ انہیں غلطی کا شکار کر دے۔یہ روایت امام احمد اور امام ابویعلی نے نقل کی ہے اس کی سند میں ایک راوی حارث ہے اور وہ ضعیف ہے۔

عَلِيِّ بْنِ أَبِي طَالِبٍ

3596 - وَعَنِ ابْنِ عُمَرَ قَالَ: «اعْتَكَفَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فِي الْعَشْرِ الْأَوَاخِرِ قَالَ: فَبُنِيَ لَهُ بَيْتٌ مِنْ سَعَفٍ قَالَ: فَأَخْرَجَ رَأْسَهُ مِنْهُ ذَاتَ لَيْلَةٍ فَقَالَ: " أَيُّهَا النَّاسُ إِنَّ الْمُصَلِّيَ إِذَا صَلَّى فَإِنَّمَا يُنَاجِي رَبَّهُ تَبَارَكَ وَتَعَالَى فَلْيَنْظُرْ بِمَا يُنَاجِيهِ، وَلَا يَجْهَرْ بَعْضُكُمْ عَلَى بَعْضٍ». رَوَاهُ أَحْمَدُ وَالْبَزَّارُ وَالْطَبَرَانِيُّ فِي الْكَبِيرِ، وَفِيهِ مُحَمَّدُ بْنُ أَبِي لَيْلَى وَفِيهِ كَلَامٌ. قُلْتُ: وَفِي الصَّحِيحِ مِنْهُ الِاعْتِكَافُ.

حضرت عبداللہ بن عمر رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم نے آخری عشرے میں اعتکاف کیا آپ صلی اللہ علیہ و آلہ و سلم کے لئے کھجور کے پتوں کا گھر (یعنی حجرہ نما )بنا دیا گیا ایک رات نبی اکرم صلی اللہ علیہ و آلہ و سلم نے اس میں سے سر باہر نکالا اور ارشاد فر مایا:اے لوگو! بے شک نمازی شخص جب نماز ادا کر رہا ہوتا ہے تو وہ اپنے پروردگار کی بارگاہ میں مناجات کر رہا ہوتا ہے تو اسے اس بات کا جائزہ لینا چاہیے کہ وہ مناجات میں کیا پڑھ رہا ہے؟ اور تم ایک دوسرے کے مقابلے میں آواز بلند نہ کرو!یہ روایت امام احمد نے اور امام بزارنے اور امام طبرانی نےمعجم کبیر میں نقل کی ہے اس کی سند میں ایک راوی محمد بن ابولیلیٰ ہے جس کے بارے میں کلام کیا گیا ہے۔میں یہ کہتا ہوں : اس حدیث میں سے صرف اعتکاف کا ذکر ہے۔

فَأَخْرَجَ رَأْسَهُ مِنْهُ ذَاتَ لَيْلَةٍ ← فَبُنِيَ لَهُ بَيْتٌ مِنْ سَعَفٍ ← اعْتَكَفَ رَسُولُ اللَّهِ فِي الْعَشْرِ الْأَوَاخِرِ ← ابْنِ عُمَرَ

3597 - وَعَنِ الْبَيَاضِيِّ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - خَرَجَ عَلَى النَّاسِ وَهُمْ يُصَلُّونَ وَقَدْ عَلَتْ أَصْوَاتُهُمْ بِالْقِرَاءَةِ فَقَالَ: " إِنَّ الْمُصَلِّيَ يُنَاجِي رَبَّهُ - عَزَّ وَجَلَّ - فَلْيَنْظُرْ بِمَا يُنَاجِيهِ، وَلَا يَجْهَرْ بَعْضُكُمْ عَلَى بَعْضٍ بِالْقُرْآنِ» ". رَوَاهُ أَحْمَدُ، وَرِجَالُهُ رِجَالُ الصَّحِيحِ.

حضرت بیاضی رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم لوگوں کے پاس تشریف لائے لوگ اس وقت نماز ادا کررہے تھے قرآت کرتے ہوئے ان کی آوازیں بلند ہو چکی تھیں نبی اکرم صلی اللہ علیہ و آلہ و سلم نے ارشاد فرمایا:نمازی اپنے پروردگار کی بارگاہ میں مناجات کررہا ہوتا ہے تو اسے اس بات کا جائزہ لینا چاہیے کہ وہ کیسے مناجات کر رہا ہے؟ اور تم لوگ قرآن پڑھتے ہوئے ایک دوسرے کے مقابلے میں آواز بلندہ کرو؟‘‘۔ یہ روایت امام احمد نے نقل کی ہے اور اس کے رجال"صحیح" کے رجال ہیں۔

البياضي

3598 - وَعَنْ أَبِي هُرَيْرَةَ «أَنَّ عَبْدَ اللَّهِ بْنَ حُذَافَةَ قَامَ يُصَلِّي فَجَهَرَ بِصَلَاتِهِ فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -: " يَا ابْنَ حُذَافَةَ لَا تُسْمِعْنِي وَسَمِّعْ رَبَّكَ». رَوَاهُ أَحْمَدُ وَالْبَزَّارُ وَالْطَبَرَانِيُّ فِي الْكَبِيرِ إِلَّا أَنَّهُ قَالَ: عَنْ أَبِي سَلَمَةَ أَنَّ عَبْدَ اللَّهِ بْنَ حُذَافَةَ وَرِجَالُ أَحْمَدَ رِجَالُ الصَّحِيحِ.

حضرت ابوہریرہ رضی اللہ عنہ بیان کرتے ہیں: حضرت عبداللہ بن حذافہ رضی اللہ عنہ کھڑے ہو کر نماز ادا کرنے لگے انہوں نے بلند آواز میں تلاوت شروع کی تو نبی اکرم صلی اللہ علیہ و آلہ و سلم نے ارشادفرمایا: اے ابن حذافہ اتم مجھے نہ سناؤ تم اپنے پروردگار کو سناؤ؟‘‘۔یہ روایت امام احمد امام بزار اور امام طبرانی نے معجم کبیر میں نقل کی ہے تاہم انہوں نے یہ کہا ہے: ابوسلمہ سے منقول ہے:وہ بیان کرتے ہیں: حضرت عبد اللہ بن حذافہ رضی اللہ عنہ ....... امام احمد کے رجال"صحیح" کے رجال ہیں۔

رَبَّكَ». رَوَاهُ أَحْمَدُ وَالْبَزَّارُ وَالْطَبَرَانِيُّ فِي الْكَبِيرِ إِلَّا أَنَّهُ ← النَّبِيُّ يَا ابْنَ حُذَافَةَ لَا تُسْمِعْنِي ← أَبِي هُرَيْرَةَ «أَنَّ عَبْدَ اللَّهِ بْنَ حُذَافَةَ قَامَ يُصَلِّي فَجَهَرَ بِصَلَاتِهِ

3599 - وَعَنْ عَلِيٍّ قَالَ: «كَانَ أَبُو بَكْرٍ يُخَافِتُ بِصَوْتِهِ إِذَا قَرَأَ، وَكَانَ عُمَرُ يَجْهَرُ بِقِرَاءَتِهِ وَكَانَ عَمَّارٌ إِذَا قَرَأَ يَأْخُذُ مِنْ هَذِهِ السُّورَةِ وَهَذِهِ السُّورَةِ فَذُكِرَ ذَلِكَ لِلنَّبِيِّ - صَلَّى اللَّهُ عَلَيْهِ وَسَلَّمَ - فَقَالَ لِأَبِي بَكْرٍ: " لِمَ تُخَافِتُ؟ " قَالَ: إِنِّي لَأُسْمِعُ مَنْ أُنَاجِي وَقَالَ لِعُمَرَ: " لِمَ تَجْهَرُ بِقِرَاءَتِكَ؟ " قَالَ: أُفْزِعُ الشَّيْطَانَ وَأُوقِظُ الْوَسْنَانَ وَقَالَ لِعَمَّارٍ: " لِمَ تَأْخُذُ مِنْ هَذِهِ السُّورَةِ وَهَذِهِ السُّورَةِ؟ " قَالَ: أَتَسْمَعُنِي أَخْلِطُ بِهِ مَا لَيْسَ مِنْهُ؟ قَالَ: " لَا " قَالَ: فَكُلُّهُ طَيِّبٌ». رَوَاهُ أَحْمَدُ، وَرِجَالُهُ ثِقَاتٌ.

حضرت علی رضی اللہ عنہ بیان کرتے ہیں: حضرت ابو بکر رضی اللہ عنہ جب تلاوت کرتے تھے تو آواز کو پست رکھتے تھے اور حضرت عمر رضی اللہ عنہ بلند آواز میں تلاوت کیا کرتے تھے حضرت عمار رضی اللہ عنہ جب تلاوت کرتے تھے تو وہ ایک سورت کا کچھ حصہ پڑھ لیتے تھے پھر دوسری سورت پڑھ لیتے تھے اس بات کا ذکر نبی اکرم صلی اللہ علیہ و آلہ و سلم کے سامنے کیا گیا تو آپ صلی اللہ علیہ و آلہ و سلم نے حضرت ابوبکر رضی اللہ عنہ سے دریافت کیا تم پست آواز میں تلاوت کیوں کرتے ہو؟ انہوں نے عرض کی : میں اس ذات تک آواز پہنچا دیتا ہوں جس کی بارگاہ میں، میں مناجات کر رہا ہوتا ہوں۔ نبی اکرم صلی اللہ علیہ و آلہ و سلم نے حضرت عمر رضی اللہ عنہ سے دریافت کیا :تم بلند آواز میں قرأت کیوں کرتے ہو؟ انہوں نے عرض کی : میں شیطان کو بھگا تا ہوں اور سوئے ہوئے کو بیدار کرتا ہوں ۔ نبی اکرم صلی اللہ علیہ و آلہ و سلم نے حضرت عمار رضی اللہ عنہ سے دریافت کیا: تم ایک سورت اور پھر دوسری سورت کیوں پڑھتے ہو؟ انہوں نے عرض کی : کیا آپ نے کبھی مجھے سنا کہ جو الفاظ اس کا حصہ نہ ہوں میں نے وہ شامل کر دیے ہوں؟ نبی اکرم صلی اللہ علیہ و آلہ و سلم نے ارشادفرمایا: جی نہیں! انہوں نے عرض کی : پھر یہ سب (سورتیں) پا کیزہ ہیں۔یہ روایت امام احمد نے نقل کی ہے اور اس کے رجال ثقہ ہیں۔

عَلِيٍّ،

3600 - وَعَنْ عَمَّارِ بْنِ يَاسِرٍ قَالَ: قِيلَ لِأَبِي بَكْرٍ: لِمَ تُخَافِتُ فِي قِرَاءَتِكَ؟ قَالَ: إِنِّي أُسْمِعُ مَنْ أُنَاجِي وَقِيلَ لِعُمَرَ: لِمَ تَجْهَرُ بِقِرَاءَتِكَ؟ قَالَ: أُوقِظُ الْوَسْنَانَ، وَقِيلَ لِرَجُلٍ آخَرَ: لِمَ تَخْلِطُ فِي قِرَاءَتِكَ؟ قَالَ: تَسْمَعُنِي أَزِيدُ فِيهِ مَا لَيْسَ فِيهِ؟ قَالَ: لَا قَالَ: فَإِنَّهُ طَيِّبٌ أَخْلِطُ بَعْضَهُ بِبَعْضٍ. رَوَاهُ الطَّبَرَانِيُّ فِي الْكَبِيرِ، وَفِيهِ أَيُّوبُ بْنُ جَابِرٍ وَثَّقَهُ أَحْمَدُ، وَعَمْرُو بْنُ عَلِيٍّ وَضَعَّفَهُ ابْنُ الْمَدِينِيِّ وَابْنُ مَعِينٍ.

حضرت عمار بن یاسر رضی اللہ عنہ بیان کرتے ہیں: حضرت ابوبکر رضی اللہ عنہ سے دریافت کیا گیا: آپ پست آواز میں تلاوت کیوں کرتے ہیں؟ انہوں نے جواب دیا: میں اس ذات کو سنا دیتا ہوں جس سے میں مناجات کررہا ہوتا ہوں حضرت عمر رضی اللہ عنہ سے دریافت کیا گیا: آپ بلند آواز میں تلاوت کیوں کرتے ہیں؟ انہوں نے فرمایا: میں سوئے ہوئے کو بیدار کرتا ہوں ایک اور صاحب سے دریافت کیا گیا: آپ اپنی تلاوت میں مختلف سورتوں کو ملا کیوں دیتے ہیں؟ انہوں نے فرمایا : کیا آپ صلی اللہ علیہ و آلہ و سلم نے مجھے سنا ہے؟ کہ میں نے اس میں کوئی ایسا اضافہ کیا ہو؟ جو اس میں نہ ہو؟ تو انہوں نے جواب دیا: جی نہیں تو انہوں نے جواب دیا: یہ پاکیزہ چیزیں ہیں جنہیں میں ایک دوسرے میں ملا دیتا ہوں۔ . یہ روایت امام طبرانی نے معجم کبیر میں نقل کی ہے اس کی سند میں ایک راوی ایوب ہے جسے امام احمد نے ثقہ قرار دیا ہے اور عمرو بن علی کو علی بن مدینی اور بیٹی بن معین نے ثقہ قرار دیا ہے۔

لَا۔ ← تَسْمَعُنِي أَزِيدُ فِيهِ مَا لَيْسَ فِيهِ؟ ← أُوقِظُ الْوَسْنَانَ، وَقِيلَ لِرَجُلٍ آخَرَ: لِمَ تَخْلِطُ فِي قِرَاءَتِكَ؟ ← إِنِّي أُسْمِعُ مَنْ أُنَاجِي وَقِيلَ لِعُمَرَ: لِمَ تَجْهَرُ بِقِرَاءَتِكَ؟ ← قِيلَ لِأَبِي بَكْرٍ: لِمَ تُخَافِتُ فِي قِرَاءَتِكَ؟ ← عَمَّارِ بْنِ يَاسِرٍ

3601 - وَعَنْ أَبِي هُرَيْرَةَ وَعَائِشَةَ «عَنِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ اطَّلَعَ فِي بَيْتٍ وَالنَّاسُ يُصَلُّونَ يَجْهَرُونَ بِالْقِرَاءَةِ فَقَالَ: " إِنَّ الْمُصَلِّيَ يُنَاجِي رَبَّهُ فَلْيَنْظُرْ بِمَا يُنَاجِيهِ، وَلَا يَجْهَرْ بَعْضُكُمْ عَلَى بَعْضٍ بِالْقُرْآنِ». رَوَاهُ الطَّبَرَانِيُّ فِي الْأَوْسَطِ، وَفِيهِ مُحَمَّدُ بْنُ عَمْرٍو وَفِيهِ كَلَامٌ مِنْ سُوءِ حِفْظِهِ.

حضرت ابو ہریرہ رضی اللہ عنہ اور سیدہ عائشہ صدیقہ رضی اللہ عنہ نبی اکرم صلی اللہ علیہ و آلہ و سلم کے بارے میں یہ بات نقل کرتے ہیں: نبی اکرم صلی اللہ علیہ و آلہ و سلم نے گھر میں سے جھانک کر دیکھا لوگ بلند آواز میں تلاوت کررہے تھے آپ صلی اللہ علیہ و آلہ و سلم نے ارشادفرمایا: نمازی اپنےپروردگار کی بارگاہ میں مناجات کر رہا ہوتا ہے تو اسے اس بات کا جائزہ لینا چاہیے کہ وہ کیسے مناجات کر رہا ہے؟ تم میں سے کوئی ایک دوسرے کے مقابلے میں بلند آواز میں تلاوت کرے۔یہ روایت امام طبرانی نےمعجم اوسط میں نقل کی ہے اس کی سند میں ایک راوی عمر بن عمرو ہے اس کے حافظے کی خرابی کی وجہ اس کے بارے میں کلام کیا گیا ہے۔

النَّبِيِّ أَنَّهُ اطَّلَعَ فِي بَيْتٍ وَالنَّاسُ يُصَلُّونَ يَجْهَرُونَ بِالْقِرَاءَةِ ← أبي هريرة وعائشة

3602 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ الَّذِي يَجْهَرُ بِالْقُرْآنِ كَالَّذِي يَجْهَرُ بِالصَّدَقَةِ، وَإِنَّ الَّذِي يُسِرُّ بِالْقُرْآنِ كَالَّذِي يُسِرُّ بِالصَّدَقَةِ» ". رَوَاهُ الطَّبَرَانِيُّ فِي الْكَبِيرِ مِنْ طَرِيقَيْنِ فِي إِحْدَاهُمَا: بَشِيرُ بْنُ نُمَيْرٍ وَهُوَ مَتْرُوكٌ، وَفِي الْأُخْرَى: إِسْحَاقُ بْنُ مَالِكٍ ضَعَّفَهُ الْأَزْدِيُّ.

حضرت ابوامامہ رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشادفرمایا ہے: جوشخص بلند آواز میں قرآن پڑھتا ہے وہ گویا ظاہر کر کے صدقہ دیتا ہے اور جوش پست آواز میں قرآن پڑھتاہے وہ گو یا پوشیدہ طور پر صدقہ دیتا ہے۔یہ روایت امام طبرانی نےمعجم کبیر میں دوحوالوں سے نقل کیا ہے جن میں سے ایک سند میں ایک راوی بشیر بن نمیر ہے اور وہ متروک ہے دوسری سند میں ایک راوی اسحاق بن مالک ہے جسے ازدی نے ضعیف قرار دیا ہے۔

اَبِیْ اُمَامَۃَ،

3603 - وَعَنْ مُعَاذِ بْنِ جَبَلٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ صَلَّى مِنْكُمْ بِاللَّيْلِ فَلْيَجْهَرْ بِقِرَاءَتِهِ فَإِنَّ الْمَلَائِكَةَ تُصَلِّي بِصَلَاتِهِ وَتَسْمَعُ لِقِرَاءَتِهِ، وَإِنَّ مُؤْمِنِي الْجِنِّ الَّذِينَ يَكُونُونَ فِي الْهَوَاءِ وَجِيرَانَهُ مَعَهُ فِي مَسْكَنِهِ يُصَلُّونَ بِصَلَاتِهِ وَيَسْتَمِعُونَ قِرَاءَتَهُ وَإِنَّهُ يَطْرُدُ بِجَهْرِهِ بِقِرَاءَتِهِ عَنْ دَارِهِ وَعَنِ الدُّورِ الَّتِي حَوْلَهُ فُسَّاقَ الْجِنِّ وَمَرَدَةَ الشَّيَاطِينِ» ". فَذَكَرَ الْحَدِيثَ، وَقَدْ تَقَدَّمَ بِطُولِهِ فِي بَابٍ فِي صَلَاةِ اللَّيْلِ وَالْكَلَامِ عَلَيْهِ.

حضرت معاذ بن جبل رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشادفرمایا ہے: تم میں سے جوشخص رات کے وقت (نفل) نماز ادا کرےاسے بلند آواز میں تلاوت کرنی چاہئے کیونکہ فرشتے اس کی پیروی میں نماز ادا کرتے ہیں اور اس کی قرأت کو سنتے ہیں اور جنات سے تعلق رکھنے والے مؤمنین جوکھلی جگہ پر رہتے ہیں اور اس شخص کے گھر میں اس کے ساتھ پڑوسی کے طور پر رہتے ہیں وہ بھی اس شخص کی نماز کی اقتداء میں نماز ادا کرتے ہیں اور اس کی تلاوت کو سنتے ہیں ایساشخص بلند آواز میں قرآت کر کے اپنے گھر سے اور اپنے آس پاس موجودگھروں سے فاسق جنوں اور مردود شیاطین کو دور کر دیتا ہے اس کے بعد راوی نے پوری حدیث ذکر کی ہے یہ حدیث اس سے پہلے طویل روایت کے طور پر رات کے وقت نماز ادا کرنے سے متعلق باب میں گزرچکی ہے اور وہاں اس پر کلام بھی گزر چکا ہے۔

مُّعَاذِ بْنِ جَبَلِ

3604 - وَعَنْ أَبِي بَكْرَةَ قَالَ: «كَانَتْ قِرَاءَةُ النَّبِيِّ - صَلَّى اللَّهُ عَلَيْهِ وَسَلَّمَ - الْمَدَّ، لَيْسَ فِيهَا تَرْجِيعٌ». رَوَاهُ الطَّبَرَانِيُّ فِي الْكَبِيرِ، وَفِيهِ عَمْرُو بْنُ وَجِيهٍ وَهُوَ ضَعِيفٌ.

حضرت ابوبکرہ رضی اللہ عنہ بیان کرتے ہیں:نبی اکرم صلی اللہ علیہ و آلہ و سلم کی قرات لمبی ہوتی تھی اس میں ترجیع نہیں ہوتی تھی۔ یہ روایت امام طبرانی نے معجم کبیر میں نقل کی ہے اس کی سند میں ایک راوی عمرو بن و جیہ ہے اور وہ ضعیف‘‘ ہے۔

فِيهِ عَمْرُو بْنُ وَجِيهٍ وَهُوَ ضَعِيفٌ. ← «كَانَتْ قِرَاءَةُ النَّبِيِّ الْمَدَّ، لَيْسَ فِيهَا تَرْجِيعٌ». رَوَاهُ الطَّبَرَانِيُّ فِي الْكَبِيرِ، ← أَبِي بَكْرَةَ

3605 - وَعَنْ عَلْقَمَةَ بْنِ قَيْسٍ قَالَ: بِتُّ مَعَ عَبْدِ اللَّهِ بْنِ مَسْعُودٍ لَيْلَةً فَقَامَ أَوَّلَ اللَّيْلِ ثُمَّ قَامَ يُصَلِّي فَكَانَ يَقْرَأُ قِرَاءَةَ الْإِمَامِ فِي مَسْجِدِ حَيِّهِ، يُرَتِّلُ وَلَا يُرَجِّعُ يُسْمِعُ مَنْ حَوْلَهُ وَلَا يُرَجِّعُ صَوْتَهُ، حَتَّى لَمْ يَبْقَ مِنَ الْغَلَسِ إِلَّا كَمَا بَيْنَ أَذَانِ الْمَغْرِبِ إِلَى الِانْصِرَافِ مِنْهَا ثُمَّ أَوْتَرَ. رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

علقمہ بن قیس بیان کرتے ہیں: ایک رات میں نے حضرت عبد اللہ رضی اللہ عنہ کے ساتھ گزاری وہ رات کے ابتدائی حصے میں کھڑے ہوئے اور کھڑے ہو کر نماز ادا کرنے لگے وہ اپنے محلے کی مسجد کے امام کی تلاوت کی پیروی کررہے تھے وہ ترتیل کے ساتھ قرآن پڑھ رہے تھے ترجیح کے ساتھ نہیں پڑھ رہے تھے اپنے آس پاس موجود افراد تک ان کی آواز جارہی تھی اور وہ اپنی آواز میں ترجیح نہیں کرتے تھے یہاں تک کہ جب صبح ہونے میں اتنی دیر رہ گئی جتنا مغرب کی اذان سے لے کے نماز سے فارغ ہونے کے درمیان کا وقت ہوتا ہے تو انہوں نے وتر ادا کر لیے۔یہ روایت امام طبرانی نے معجم کبیر میں نقل کی ہے اور اس کے رجال "صحیح " کے رجال ہیں۔

عَلْقَمَةَ بْنِ قَيْسٍ

3606 - وَعَنْ عَبْدِ اللَّهِ بْنِ مَسْعُودٍ قَالَ: لَمْ يُخَافِتْ مَنْ أَسْمَعَ أُذُنَيْهِ. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

حضرت عبداللہ بن مسعود رضی اللہ عنہ فرماتے ہیں: جوشخص اپنے کانوں کو سناتا ہے وہ پست آواز میں تلاوت کرنے والانہیں ہوتا ہے۔ یہ روایت امام طبرانی نقل کی ہے اور اس کے رجال"صحیح " کے رجال ہیں۔

لَمْ يُخَافِتْ مَنْ أَسْمَعَ أُذُنَيْهِ. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ. ← وَعَنْ عَبْدِ اللَّهِ بْنِ مَسْعُودٍ،