Majma uz Zawaid Wa Manba ul Fawaid

3278 - عَنْ أَبِي هُرَيْرَةَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «قَالَ رَبُّكُمْ - عَزَّ وَجَلَّ -: لَوْ أَنَّ عَبِيدِي أَطَاعُونِي لَأَسْقَيْتُهُمُ الْمَطَرَ بِاللَّيْلِ وَأَطْلَعْتُ عَلَيْهِمُ الشَّمْسَ بِالنَّهَارِ وَلَمَا أَسْمَعْتُهُمْ صَوْتَ الرَّعْدِ» ". رَوَاهُ أَحْمَدُ وَالْبَزَّارُ، وَزَادَ فِيهِ: وَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «جَدِّدُوا إِيمَانَكُمْ " قَالُوا: يَا رَسُولَ اللَّهِ فَكَيْفَ نُجَدِّدُ إِيمَانَنَا؟ قَالَ: " جَدِّدُوا إِيمَانَكُمْ بِقَوْلِ: لَا إِلَهَ إِلَّا اللَّهُ» ". وَقَالَ: لَا يُرْوَى عَنِ النَّبِيِّ - صَلَّى اللَّهُ عَلَيْهِ وَسَلَّمَ - إِلَّا بِهَذَا الْإِسْنَادِ، قُلْتُ: وَمَدَارُهُ عَلَى صَدَقَةَ بْنِ مُوسَى الدَّقِيقِيِّ ضَعَّفَهُ ابْنُ مَعِينٍ وَغَيْرُهُ وَقَالَ مُسْلِمُ بْنُ إِبْرَاهِيمَ: حَدَّثَنَا صَدَقَةُ الدَّقِيقِيُّ، وَكَانَ صَدُوقًا.

حضرت ابو ہریرہ رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: " پروردگار فرماتا ہے: اگر میرے بندے میری اطاعت کریں ' تو میں انہیں رات کے وقت بارش کے ذریعے سیراب کروں گا' اور دن کے وقت سورج کو طلوع کروں گا' اور میں انہیں بجلی کی کڑک نہیں سنواؤں گا"۔ یہ روایت امام احمد اور امام بزار نے نقل کی ہے' انہوں نے اس میں یہ الفاظ زائد نقل کیے ہیں: "نبی اکرم صلی اللہ علیہ وآلہ وسلم نے فرمایا: اپنے ایمان کی تجدید کرو! لوگوں نے عرض کی : یا رسول اللہ ! ہم اپنے ایمان کی تجدید کیسے کریں؟ نبی اکرم صلی اللہ علیہ وآلہ وسلم نے ارشاد فرمایا: لا الٰہ الا اللہ پڑھ کر اپنے ایمان کی تجدید کرو!"۔ وہ بیان کرتے ہیں: نبی اکرم صلی اللہ علیہ وآلہ وسلم کے حوالے سے یہ روایت صرف اسی سند کے ساتھ منقول ہے۔ (علامہ ہیثمی فرماتے ہیں: ) میں یہ کہتا ہوں: اس روایت کا مدار صدقہ بن موسیٰ دقیقی پر ہے ' جسے یحییٰ بن معین اور دیگر حضرات نے ضعیف قرار دیا ہے' مسلم بن ابراہیم کہتے ہیں: ہمیں صدقہ دقیقی نے حدیث بیان کی ہے' وہ صدوق ہیں۔

3279 - وَعَنْ أَنَسٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ إِذَا هَاجَتِ الرِّيحُ عُرِفَ ذَلِكَ فِي وَجْهِهِ». رَوَاهُ أَحْمَدُ وَرِجَالُهُ مُوَثَّقُونَ.

حضرت انس رضی اللہ تعالیٰ عنہ بیان کرتے ہیں: جب تیز ہوا چلتی تھی ' تو پریشانی کے آثار نبی اکرم صلی اللہ علیہ وآلہ وسلم کے چہرے پر پہچانے جاتے تھے۔ یہ روایت امام احمد نے نقل کی ہے' اور اس کے رجال کی توثیق کی گئی ہے۔

أَنَسٍ،

3280 - وَعَنْ مُعَاوِيَةَ اللَّيْثِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «يَكُونُ النَّاسُ مُجْدِبِينَ فَيُنْزِلُ اللَّهُ تَبَارَكَ وَتَعَالَى عَلَيْهِمْ رِزْقًا مِنْ رِزْقِهِ فَيُصْبِحُونَ مُشْرِكِينَ " فَقِيلَ لَهُ: وَكَيْفَ ذَاكَ يَا رَسُولَ اللَّهِ؟ قَالَ: " يَقُولُونَ مُطِرْنَا بِنَوْءِ كَذَا وَكَذَا» ". رَوَاهُ أَحْمَدُ وَالْبَزَّارُ وَالْطَبَرَانِيُّ فِي الْكَبِيرِ وَالْأَوْسَطِ وَرِجَالُهُ مُوَثَّقُونَ.

حضرت معاویہ لیثی رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا ہے: " لوگ قحط سالی کا شکار ہوں گے' تو اللہ تعالیٰ ان پر اپنے رزق میں سے رزق نازل کرے گا ' تو وہ لوگ مشرک ہو جائیں گے آپ کی خدمت میں عرض کی گئی :یا رسول اللہ ! یہ کیسے ہو گا؟ نبی اکرم صلی اللہ علیہ وآلہ وسلم نے فرمایا: وہ لوگ یہ کہیں گے : فلاں 'فلاں ستارے کیوجہ سے ہم پر بارش نازل ہوئی ہے"۔ یہ روایت امام احمد اما م بزار اور امام طبرانی نے معجم کبیر اورمعجم اوسط میں نقل کی ہے' اور اس کے رجال کی توثیق کی گئی ہے۔

مُعَاوِيَةَ اللَّيْثِيِّ،

3281 - وَعَنْ أَبِي الدَّرْدَاءِ قَالَ: «قَحَطَ الْمَطَرُ عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَسَأَلْنَا نَبِيَّ اللَّهِ - صَلَّى اللَّهُ عَلَيْهِ وَسَلَّمَ - أَنْ يَسْتَسْقِيَ لَنَا، فَاسْتَسْقَى، فَغَدَا نَبِيُّ اللَّهِ - صَلَّى اللَّهُ عَلَيْهِ وَسَلَّمَ - فَإِذَا هُوَ بِقَوْمٍ يَتَحَدَّثُونَ فَقَالُوا: سُقِينَا اللَّيْلَةَ بِنَوْءِ كَذَا وَكَذَا فَقَالَ نَبِيُّ اللَّهِ - صَلَّى اللَّهُ عَلَيْهِ وَسَلَّمَ -: " مَا أَنْعَمَ اللَّهُ عَلَى قَوْمٍ نِعْمَةً إِلَّا أَصْبَحُوا بِهَا كَافِرِينَ» ". رَوَاهُ الْبَزَّارُ وَالْطَبَرَانِيُّ فِي الْكَبِيرِ،، وَفِيهِ إِسْمَاعِيلُ بْنُ عَيَّاشٍ، وَفِيهِ كَلَامٌ.

حضرت ابو درداء رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کے زمانے میں بارش کا قحط ہو گیا ' ہم نے نبی اکرم صلی اللہ علیہ وآلہ وسلم سے درخواست کی کہ آپ ہمارے لیے بارش کے نزول کی دعا کریں ' نبی اکرم صلی اللہ علیہ وآلہ وسلم نے دعا کی اگلے دن نبی اکرم صلی اللہ علیہ وآلہ وسلم تشریف لائے ' تو کچھ لوگ آپس میں یہ بات چیت کررہے تھے' کہ گزشتہ رات فلاں ستارے کی وجہ سے ہم پر بارش ہوئی ہے' تو ہم نبی اکرم صلی اللہ علیہ وآلہ وسلم نے ارشادفرمایا: " جب بھی اللہ تعالیٰ کسی قوم کو نعمت عطا کرتا ہے' تو وہ اس (نعمت) کے حوالے سے کافر ہو جاتے ہیں"۔ یہ روایت امام بزار نے امام طبرانی نےمعجم کبیر میں نقل کی ہے' اس کی سند میں ایک راوی اسماعیل بن عیاش ہے اور اس کے بارے میں کلام کیا گیاہے۔

أَبِي الدَّرْدَاءِ،

3282 - وَعَنْ طَلْحَةَ بْنِ عَبْدِ اللَّهِ بْنِ عَوْفٍ قَالَ: «سَأَلْتُ ابْنَ عَبَّاسٍ عَنِ السُّنَّةِ فِي صَلَاةِ الِاسْتِسْقَاءِ فَقَالَ: السُّنَّةُ فِي صَلَاةِ الِاسْتِسْقَاءِ مِثْلُ السُّنَّةِ فِي صَلَاةِ الْعِيدِ، خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَسْتَسْقِي فَصَلَّى رَكْعَتَيْنِ وَقَرَأَ فِيهِمَا وَكَبَّرَ فِي الْأُولَى سَبْعَ تَكْبِيرَاتٍ وَفِي الثَّانِيَةِ خَمْسَ تَكْبِيرَاتٍ». قُلْتُ: هُوَ فِي السُّنَنِ مِنْ غَيْرِ بَيَانٍ لِلتَّكْبِيرِ. رَوَاهُ الْبَزَّارُ،، وَفِيهِ مُحَمَّدُ بْنُ عَبْدِ الْعَزِيزِ بْنِ عُمَرَ الزُّهْرِيُّ وَهُوَ مَتْرُوكٌ.

طلحہ بن عبداللہ بن عوف بیان کرتے ہیں: میں نے حضرت عبداللہ بن عباس رضی اللہ تعالیٰ عنہ سے نماز استسقاء کے سنت طریقے کے بارے میں دریافت کیا ' تو انہوں نے فرمایا: نماز استسقاء کاطریقہ وہی ہے' جونمازعید کا طریقہ ہے۔ نبی اکرم صلی اللہ علیہ وآلہ وسلم بارش کے نزول کے لئے (دعا کرنے کےلئے) تشریف لے گئے تھے' آپ صلی اللہ علیہ وآلہ وسلم نے دو رکعات ادا کی تھیں' ان دونوں میں قرات کی تھی 'پہلی رکعت میں سات تکبیریں کہی تھیں ' اوردوسری رکعت میں پانچ تکبیریں کہی تھیں۔ (علامہ ہیثمی فرماتے ہیں: ) میں یہ کہتا ہوں : یہ روایت " سنن" میں مذکور ہے' تاہم اس میں تکبیروں کا ذکر نہیں ہے۔ یہ روایت امام بزار نے نقل کی ہے'اس کی سند میں ایک راوی محمد بن عبدالعزیز بن عمر زہری ہے' اور وہ متروک ہے۔

السُّنَّةِ فِي صَلَاةِ الِاسْتِسْقَاءِ ← سَأَلْتُ ابْنَ عَبَّاسٍ ← طَلْحَةَ بْنِ عَبْدِ اللَّهِ بْنِ عَوْفٍ

3283 - وَعَنْ أَنَسِ بْنِ مَالِكٍ قَالَ: «أَمْحَلَ النَّاسُ عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَأَتَاهُ الْمُسْلِمُونَ فَقَالُوا: يَا رَسُولَ اللَّهِ قَحَطَ الْمَطَرُ وَيَبِسَ الشَّجَرُ (وَهَلَكَتِ الْمَوَاشِي) وَأَسِنَتِ النَّاسُ فَاسْتَسْقِ لَنَا رَبَّكَ، فَقَالَ: " إِذَا كَانَ يَوْمُ كَذَا وَكَذَا فَاخْرُجُوا وَاخْرُجُوا مَعَكُمْ بِصَدَقَاتٍ "، فَلَمَّا كَانَ ذَلِكَ الْيَوْمُ خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَالنَّاسُ، يَمْشِي وَيَمْشُونَ وَعَلَيْهِمُ السَّكِينَةُ وَالْوَقَارُ، حَتَّى أَتَى الْمُصَلَّى فَتَقَدَّمَ النَّبِيُّ - صَلَّى اللَّهُ عَلَيْهِ وَسَلَّمَ - فَصَلَّى بِهِمْ رَكْعَتَيْنِ يَجْهَرُ فِيهِمَا بِالْقِرَاءَةِ، وَكَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَقْرَأُ فِي الْعِيدَيْنِ وَالِاسْتِسْقَاءِ فِي الرَّكْعَةِ الْأَوْلَى بِفَاتِحَةِ الْكِتَابِ وَسَبِّحِ اسْمَ رَبِّكَ الْأَعْلَى، وَفِي الرَّكْعَةِ الثَّانِيَةِ بِفَاتِحَةِ الْكِتَابِ وَهَلْ أَتَاكَ حَدِيثُ الْغَاشِيَةِ فَلَمَّا قَضَى صَلَاتَهُ اسْتَقْبَلَ الْقَوْمَ بِوَجْهِهِ، وَقَلَبَ رِدَاءَهُ ثُمَّ جَثَا عَلَى رُكْبَتَيْهِ وَرَفَعَ يَدَيْهِ وَكَبَّرَ تَكْبِيرَةً قَبْلَ أَنْ يَسْتَسْقِيَ ثُمَّ قَالَ: " اللَّهُمَّ اسْقِنَا غَيْثًا مُغِيثًا رَحْبًا رَبِيعًا وَجَدًّا غَدَقًا طَبَقًا مُغْدِقًا هَنِيئًا مُرِيعًا مُرْبِعًا وَابِلًا شَامِلًا مُسْبِلًا نَجْلًا دَائِمًا دَرَرًا نَافِعًا غَيْرَ ضَارٍّ عَاجِلًا غَيْرَ رَائِثٍ، اللَّهُمَّ تُحْيِي بِهِ الْبِلَادَ وَتُغِيثُ بِهِ الْعِبَادَ وَتَجْعَلُهُ بَلَاغًا لِلْحَاضِرِ مِنَّا وَالْبَادِ، اللَّهُمَّ أَنْزِلْ عَلَيْنَا فِي أَرْضِنَا زِينَتَهَا وَأَنْزِلْ (عَلَيْنَا) فِي أَرْضِنَا سَكَنَهَا اللَّهُمَّ أَنْزِلْ عَلَيْنَا مِنَ السَّمَاءِ مَاءً طَهُورًا فَأَحْيِي بِهِ بَلْدَةً مَيْتَةً وَاسْقِهِ مَا خَلَقْتَ أَنْعَامًا وَأَنَاسِيَّ كَثِيرًا "، قَالَ: فَمَا بَرِحُوا حَتَّى أَقْبَلَ قَزَعٌ مِنَ السَّحَابِ فَالْتَأَمَ بَعْضُهُ إِلَى بَعْضٍ ثُمَّ مَطَرَتْ عَلَيْهِمْ سَبْعَةَ أَيَّامٍ وَلَيَالِيَهُنَّ لَا تُقْلِعُ عَنِ الْمَدِينَةِ». قُلْتُ: فَذَكَرَ الْحَدِيثَ بِنَحْوِ مَا فِي الصَّحِيحِ. رَوَاهُ الطَّبَرَانِيُّ فِي الْأَوْسَطِ، وَفِيهِ مُجَاشِعُ بْنُ عَمْرٍو قَالَ ابْنُ مَعِينٍ: قَدْ رَأَيْتُهُ أَحَدَ الْكَذَّابِينَ.

حضرت انس بن مالک رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کے زمانہ اقدس میں بارش نہیں ہوئی 'مسلمان آپ کی خدمت میں حاضر ہوئے' انہوں نے عرض کی: یارسول اللہ ! بارش کا قحط ہو گیا ہے' درخت خشک ہوگئے ہیں' مویشی ہلاکت کا شکار ہو رہے ہیں اور لوگ بیمار ہو رہے ہیں'آپ اپنے پروردگار سے ہمارے لیے بارش کی دعا کیجئے نبی اکرم صلی اللہ علیہ وآلہ وسلم نے ارشاد فرمایا: جب فلاں دن آئے گا' تو تم لوگ نکلنا اور تم لوگ اپنے ساتھ اپنے صدقات لےکے آنا' جب وہ مخصوص دن آیا تونبی اکرم صلی اللہ علیہ وآلہ وسلم اور لوگ نکلے 'نبی اکرم صلی اللہ علیہ وآلہ وسلم بھی پیدل چلتے ہوئے تشریف لے گئے اورلوگ بھی پیدل گئے 'ان سب لوگوں پر سکینت اور وقار تھا' یہاں تک کہ وہ لوگ عیدگاہ آئے نبی اکرم صلی اللہ علیہ وآلہ وسلم آگے بڑھے' آپ نے ان لوگوں کودو رکعات پڑھائیں'جن میں آپ نے بلند آواز میں قرات کی ' نبی اکرم صلی اللہ علیہ وآلہ وسلم عیدین کی نماز میں اور استسقاء کی نماز میں پہلی رکعت میں ' سورہ فاتحہ اور سورت الاعلیٰ پڑھتے تھے ' اور دوسری رکعت میں سورت فاتحہ اور سورت الغاشیہ پڑھتے تھے' جب آپ نے نماز مکمل کی ' تو آپ نے لوگوں کی طرف رخ کیا' اور اپنی چادر کو الٹا لیا' پھر آپ گھٹنوں کے بل جھک گئے ' دونوں ہاتھ بلند کر لئے اور بارش کے نزول کی دعا کرنے سے پہلے آپ نے تکبیر کہی' پھر آپ صلی اللہ علیہ وآلہ وسلم نے یہ دعا کی: " اے اللہ ! تو ہمیں ایسے بادل کے ذریعے سیراب فرما! جو برسنے والا ہو ' وسیع ہو' پیدا وار کرنے والا ہو' بھر پور ہو 'زیادہ بارش والا ہو 'تہوں والا ہو' سیراب کرنےوالا ہو 'عام ہو ' سرسبز و شاداب کر دے ' گھاس پھوس پیدا کرنے والا ہو' موسلا دھار ہو 'شامل ہو' لٹکانے ولا ہو ' تیزی سے چلنے والا ہو ' مستقل ہو' لبریز ہو'نفع بخش ہو' نقصان دہ نہ ہو 'جلدی ہوتاخیر سے نہ ہو ' اے اللہ ! تو اسکے ذریعے شہروں کوزندگی دیدے ' اور بندوں کی مدد کر دے ' تواسے ہم میں سے شہریوں اور باہر سے آنے والوں کےلئے سہولت کاباعث بنادے ' اے اللہ ! ہم پر ہماری زمین میںاس کی زینت نازل کردے ' اورہم پر ہماری زمین میں اس کی سکینت ناز ل کر دے 'اے اللہ !ہم پر آسمان سے پاک پانی نازل کر دے' اوراس کے ذریعے بنجر شہر کوزندگی دیدے' اور اسے سیراب کر دے ' اوراس کے ذریعے جانوروں کواور بہت سے لوگوں کوجنہیں تو نے پیدا کیا ہے' سیراب کر دے''۔ راوی بیان کرتے ہیں: ابھی وہ لوگ اسی حالت میں تھے کہ اسی دوران بادل کا ایک ٹکڑا آیا' پھر وہ ٹکڑے ایک دوسرے سے مل گئے ' پھر ان لوگوں پر مسلسل سات دن بارش ہوتی رہی' جو مدینہ منورہ میں رکی نہیں۔(علامہ ہیثمی فرماتے ہیں: ) میں یہ کہتا ہوں : اس کے بعد انہوں نے اس کی مانند حدیث ذکر کی ہے' جو "صحیح" میں منقول ہے۔ یہ روایت امام طبرانی نےمعجم اوسط میں نقل کی ہے' اس کی سند میں ایک راوی مجاشع بن عمرو ہے' یحییٰ بن معین کہتے ہیں: اس کے بارے میں میری یہ رائے ہے کہ وہ جھوٹے لوگوں میں سے ایک ہے۔

«أَمْحَلَ النَّاسُ عَلَى عَهْدِ رَسُولِ اللَّهِ فَأَتَاهُ الْمُسْلِمُونَ فَقَالُوا: ← وعن أنس بن مالك

3284 - وَعَنْ جَابِرِ بْنِ عَبْدِ اللَّهِ، وَأَنَسٍ قَالَا: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِذَا اسْتَسْقَى قَالَ: " اللَّهُمَّ اسْقِنَا سَقْيًا وَادِعَةً نَافِعَةً تُشْبِعُ بِهَا الْأَمْوَالَ وَالْأَنْفُسَ غَيْثًا (هَنِيئًا) مَرِيئًا طَبَقًا مُجَلَّلًا يَتَّسِعُ بِهِ بَادِينَا وَحَاضَرُنَا، تُنْزِلُ بِهِ مِنْ بَرَكَاتِ السَّمَاءِ وَتُخْرِجُ لَنَا (بِهِ) مِنْ بَرَكَاتِ الْأَرْضِ وَتَجْعَلُنَا - عِنْدَهُ مِنَ الشَّاكِرِينَ إِنَّكَ سَمِيعُ الدُّعَاءِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ مُوسَى بْنُ مُحَمَّدِ بْنِ إِبْرَاهِيمَ الْحَارِثُ التَّيْمِيُّ وَهُوَ ضَعِيفٌ.

حضرت جابر بن عبداللہ رضی اللہ تعالیٰ عنہ اور حضرت انس رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم جب بارش کے نزول کے لئے دعا مانگتے تھے ' تو یہ دعا کرتے تھے : " اے اللہ ! تو ہمیں ایسے طریقے سے سیراب کردے ' جواطمینان بخش ہو' جس کے ذریعے تو اموال ( یعنی جانوروں) اور نفوس (یعنی انسانوں) کوسیراب کردے' ایسا بادل ہو ' جو سیرکر دے ' پیاس ختم کردے ' تہہ دار ہو ' زمین میں نباتات پیدا کر دے ' جس کے ذریعے ہمارے دیہاتوں اور شہروں کے لوگوں کوسہولت حاصل ہو' اس کے ذریعے آسمان کی پیدا کر دے' جس کے ذریعے ہمارے لئے زمین کی برکتیں نکال دے اور اس وقت تو ہمیں شکرکرنے والوں میں سے بنا دینا' بے شک تو دعا کو سننے والا ہے"۔ یہ روایت امام طبرانی نے معجم اوسط میں نقل کی ہے' اس کی سند میں ایک راوی موسیٰ بن محمد بن ابراہیم حارث تیمی ہے' اوروہ "ضعیف" ہے۔

"كان رسول اللَّه إذا استسقى ← جَابِرِ بْنِ عَبْدِ اللَّهِ، وَأَنَسٍ

3285 - وَعَنْ عَبْدِ اللَّهِ بْنِ عَبَّاسٍ - رَضِيَ اللَّهُ عَنْهُمَا - «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - اسْتَسْقَى فَقَالَ: " اللَّهُمَّ اسْقِنَا غَيْثًا مُغِيثًا مَرِيعًا طَبَقًا عَاجِلًا غَيْرَ رَائِثٍ نَافِعًا غَيْرَ ضَارٍّ "، فَمَا لَبِثْنَا أَنْ مُطِرْنَا حَتَّى سَالَ كُلُّ شَيْءٍ حَتَّى أَتَوْهُ فَقَالُوا: قَدْ غَرِقْنَا، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " اللَّهُمَّ حَوَالَيْنَا وَلَا عَلَيْنَا» ". رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ أَبِي لَيْلَى، وَفِيهِ كَلَامٌ كَثِيرٌ.

حضرت عبداللہ بن عباس رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے بارش کے نزول کے دعا کرتے ہوئے یہ دعاکی: " اے اللہ ! تو ہمیں سیراب کرنے والے بادل سے سیراب کر دے ' جو سبزہ پیدا کرنےوالا ہو ' تہہ دار ہو' جلدی آئے ' تاخیر سے نہ آئے ' نفع بخش ہو' نقصان دہ نہ ہو"۔ (راوی بیان کرتے ہیں: ) اس کے بعد زیادہ دیر نہیں گزری تھی ' کہ ہم پر بارش نازل ہونے لگی' یہاں تک کہ ہر چیز بہنے لگی' یہاں تک کہ لوگ نبی اکرم صلی اللہ علیہ وآلہ وسلم کی خدمت میں حاضر ہوئے اور عرض کی: ہم ڈوب رہے ہیں' نبی اکرم صلی اللہ علیہ وآلہ وسلم نے ارشاد فرمایا: اے اللہ ! ہمارے آس پاس (بارش ہو) اور ہم پر نہ ہو!۔ یہ روایت امام طبرانی نے معجم کبیر میں نقل کی ہے' اس کی سند میں ایک راوی محمد بن ابو لیلیٰ ہے' جس کے بارے میں بہت زیادہ کلام کیا گیا ہے۔

عَبْدِ اللَّهِ بْنِ عَبَّاسٍ،

3286 - وَعَنْ أَبِي أُمَامَةَ - رَضِيَ اللَّهُ عَنْهُ - قَالَ: «قَامَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فِي الْمَسْجِدِ ضُحًى فَكَبَّرَ ثَلَاثَ تَكْبِيرَاتٍ ثُمَّ قَالَ: " اللَّهُمَّ اسْقِنَا - ثَلَاثًا - اللَّهُمَّ ارْزُقْنَا سَمْنًا وَلَبَنًا وَشَحْمًا وَلَحْمًا "، وَمَا نَرَى فِي السَّمَاءِ سَحَابًا، فَثَارَتْ رِيحٌ وَغُبْرَةٌ ثُمَّ اجْتَمَعَ سَحَابٌ فَصَبَّتِ السَّمَاءُ فَصَاحَ أَهْلُ الْأَسْوَاقِ وَثَارُوا إِلَى سَقَائِفِ الْمَسْجِدِ وَإِلَى بُيُوتِهِمْ وَرَسُولُ اللَّهِ - صَلَّى اللَّهُ عَلَيْهِ وَسَلَّمَ - قَائِمٌ فَسَالَتِ الطَّرِيقُ وَرَأَيْنَا ذَلِكَ الْمَطَرَ عَلَى أَطْرَافِ شَعْرِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَعَلَى كَتِفَيْهِ وَمَنْكِبَيْهِ كَأَنَّهُ الْجُمَانُ، فَانْصَرَفَ النَّبِيُّ - صَلَّى اللَّهُ عَلَيْهِ وَسَلَّمَ - وَانْصَرَفْتُ أَمْشِي عَلَى مَشْيِهِ وَهُوَ يَقُولُ: " هَذَا أَحْدَثُكُمْ بِرَبِّهِ " قَالَ أَبُو أُمَامَةَ: مَا رَأَيْتُ عَامًا قَطُّ أَكْثَرَ سَمْنًا وَلَبَنًا وَشَحْمًا وَلَحْمًا، إِنْ هُوَ إِلَّا فِي الطَّرِيقِ مَا يَكَادُ يَشْتَرِيهِ أَحَدٌ، ثُمَّ انْصَرَفَ نَحْوَ الرِّجَالِ فَوَعَظَهُمْ وَنَهَاهُمْ ثُمَّ انْصَرَفَ نَحْوَ النِّسَاءِ فَوَعَظَهُنَّ فَشَدَّدَ عَلَيْهِنَّ فِي الْحَرِيرِ وَالذَّهَبِ، فَأَقْبَلَ رَجُلٌ مِنْ بَنِي عَامِرٍ فَقَالَ: يَا رَسُولَ اللَّهِ بَلَغَنَا أَنَّكَ شَدَّدْتَ فِي لُبْسِ الْحَرِيرِ وَالذَّهَبِ، وَالَّذِي بَعَثَكَ بِالْحَقِّ إِنِّي لَأُحِبُّ الْجَمَالَ، حَتَّى مِنْ حُبِّي الْجَمَالَ جَعَلْتُ حِرَازَ سَوْطِي هَذَا مِنْ جِلْدِ نَمِرٍ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " إِنَّ اللَّهَ جَمِيلٌ يُحِبُّ الْجَمَالَ، وَإِنَّمَا الْكِبْرُ مَنْ جَهِلَ الْحَقَّ وَغَمَصَ النَّاسَ بِعَيْنَيْهِ» ". رَوَاهُ الطَّبَرَانِيُّ فِي الْكَبِيرِ، وَفِيهِ عُبَيْدُ اللَّهِ بْنُ زَحْرٍ عَنْ عَلِيِّ بْنِ يَزِيدَ وَكِلَاهُمَا ضَعِيفٌ.

حضرت ابو امامہ رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم چاشت کے وقت مسجد میں کھڑے ہوئے ' آپ نے تین تکبیریں کہیں' پھر آپ نے یہ دعا کی: " اے اللہ ! تو ہمیں سیراب کر دے (یہ کلمہ آپ نے تین مرتبہ فرمایا' اور پھر یہ کہا: ) اے اللہ! تو ہمیں گھی ' دودھ ' چربی اور گوشت نصیب فرما دے!"۔راوی بیان کرتے ہیں: ہمیں آسمان میں کوئی بادل دکھائی نہیں دے رہا تھا'پھر ہوا چلی' غبار اُڑا اور بادل اکٹھا ہو گیا اور بارش شروع ہوگئی ' یہاں تک کہ بازار کے لوگوں چیخ و پکارشروع کی اور مسجد کی چھت کے نیچے اور گھروں کی طرف لپکے ' نبی اکرم صلی اللہ علیہ وآلہ وسلم کھڑے ہوئےتھے ' اسی دوران راستوں میں پانی بہنے لگا' اور ہم نے اس بارش کونبی اکرم صلی اللہ علیہ وآلہ وسلم کے بالوں کے کناروں پر اورآپ کے کندھوں پر دیکھا کہ وہ بارش کے قطرے موتیوں کی طرح تھے' نبی اکرم صلی اللہ علیہ وآلہ وسلم واپس تشریف لے گئے ' میں بھی آپ کے ساتھ چلتا ہوا واپس آیا' آپ یہ کہہ رہے تھے : یہ تمہارے پروردگار کی بارگاہ سے آئی ہے۔ حضرت ابو امامہ رضی اللہ تعالیٰ عنہ بیان کرتے ہیں: میں نے ایسا کوئی سال نہیں دیکھا ' جس میں اس سال سے زیادہ لوگوں کی صحت ہوئی ہو ' زیادہ دودھ ' زیادہ چربی' زیادہ گوشت ( کی پیداوار ہوئی) ہو' یہ چیزیں راستے میں پڑی ہوتی تھیں' اور انہیں خریدنے والا کوئی نہیں ہوتا تھا' اس کے بعد نبی اکرم صلی اللہ علیہ وآلہ وسلم لوگوں کی طرف مڑے آپ نے انہیں وعظ و نصیحت کی' آپ نے انہیں منع کیا' پھر آپ خواتین کی طرف تشریف لے گئے' آپ نے انہیں وعظ کیا' اور آپ نے انہیں ریشم اور سونےکے حوالے سے شدید تاکید کی' بنوعامر سے تعلق رکھنے والا ایک شخص آگے آیا 'اس نے عرض کی: یا رسو ل اللہ ! ہم تک یہ روایت پہنچی ہے کہ آپ ریشم اور سونا پہننے کے بارے میں شدید تاکید کرتے ہیں ( کہ اس کونہیں پہننا) اس ذات کی قسم! جس ذات نے آپ کو حق کے ہمراہ مبعوث کیا ہے' میں جمال کو پسند کرتا ہوں' اور جمال کو پسند کرنےمیں یہ چیز بھی شامل ہے کہ میری اس چھڑی کا غلاف چیتے کی کھال کا ہو ' تو نبی اکرم صلی اللہ علیہ وآلہ وسلم نے ارشادفرمایا: '' اللہ تعالیٰ جمیل ہے' وہ جمال کو پسند کرتا ہے' تکبیر یہ ہے کہ کوئی شخص حق سے ناواقف رہے ' اور لوگوں کو اپنی نظر میں کم تر سمجھے ''۔ یہ روایت امام طبرانی نےمعجم کبیر میں نقل کی ہے' اس کی سند میں یہ مذکورہے ' اسے عبید اللہ بن زحر نے علی بن یزید سے روایت کیا ہے' اور یہ دونوں راوی ضعیف ہیں۔

اَبِیْ اُمَامَۃَ،

3287 - وَعَنْ عُمَرَ بْنِ خَارِجَةَ بْنِ سَعْدٍ عَنْ جَدِّهِ سَعْدٍ «أَنَّ قَوْمًا شَكَوْا إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَحْطَ الْمَطَرِ فَأَمَرَهُمْ أَنْ يَجْثُوا عَلَى الرُّكَبِ، فَجَثَوْا، قَالَ: " فَقُولُوا: يَا رَبِّ " فَفَعَلُوا، فَسُقُوا حَتَّى أَحَبُّوا أَنْ يَكْشِفَ عَنْهُمْ». هَذَا لَفْظُهُ عِنْدَ الْبَزَّارِ، وَقَالَ الطَّبَرَانِيُّ فِي الْأَوْسَطِ: عَامِرُ بْنُ خَارِجَةَ بْنِ سَعْدٍ عَنْ أَبِيهِ عَنْ جَدِّهِ سَعْدٍ «أَنَّ قَوْمًا شَكَوْا إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَحْطَ الْمَطَرِ فَقَالَ: " اجْثُوا عَلَى الرُّكَبِ وَقُولُوا: يَا رَبِّ يَا رَبِّ " وَرَفَعَ السَّبَّابَةَ إِلَى السَّمَاءِ، فَسَقَوْا حَتَّى أَحَبُّوا أَنْ يَكْشِفَ عَنْهُمْ». وَالصَّوَابُ رِوَايَةُ الطَّبَرَانِيِّ، وَقَوْلُهُ: عَامِرٌ كَذَلِكَ ذَكَرَهُ الذَّهَبِيُّ فِي تَرْجَمَةِ عَامِرِ بْنِ خَارِجَةَ وَضَعَّفَهُ.

عمر بن خارجہ بن سعد نے ' اپنے دادا حضرت سعد رضی اللہ تعالیٰ عنہ کے حوالے سے یہ بات منقول کی ہے: کچھ لوگوں نے نبی اکرم صلی اللہ علیہ وآلہ وسلم کی خدمت میں بارش نہ ہونے کی شکایت کی ' نبی اکرم صلی اللہ علیہ وآلہ وسلم نے انہیں یہ حکم دیا کہ وہ گھٹنوں کے بل کھڑے ہو جائیں' تو وہ لوگ گھٹنوں کے بل کھڑے ہو گئے ' تو نبی اکرم صلی اللہ علیہ وآلہ وسلم نے ارشاد فرمایا: تم لوگ یہ پڑھو: " اے ہمارے پروردگار!"۔ ان لوگوں نے ایسا ہی کیا' تو ان لوگوں پر بارش نازل ہوناشروع ہوئی' (اور اتنی دیر تک ہوتی رہی) یہاں تک کہ انہوں نے یہ خواہش کی: کہ کاش کہ یہ بارش ختم ہو جائے۔ روایت کے یہ الفاظ امام بزار کے نقل کردہ ہیں' اسے امام طبرانی نےمعجم اوسط میں نقل کیا ہے' عامر بن خارجہ بن سعد نے اپنے والد کے حوالے سے ' اپنےدادا حضرت سعد رضی اللہ تعالیٰ عنہ کے حوالے سے یہ روایت نقل کی ہے: "کچھ لوگوں نے نبی اکرم صلی اللہ علیہ وآلہ وسلم کی خدمت میں بارش نہ ہونے کی شکایت کی 'تو آپ صلی اللہ علیہ وآلہ وسلم نے ارشاد فرمایا: تم لوگ گھٹنوں کے بل جھک جاؤ اور یہ کہو: اے ہمارے پروردگار! اے ہمارے پروردگار! پھر نبی اکرم صلی اللہ علیہ وآلہ وسلم نے شہادت کی انگلی آسمان کی طرف بلند کی ' تو لوگوں پر بارش نازل ہونا شروع ہو گئی' ( اور اتنی دیر تک ہوتی رہی) یہاں تک کہ لوگوں نے یہ خواہش کی : کہ اب یہ بارش ختم ہو جائے"۔ امام طبرانی کی نقل کردہ روایت درست ہے' انہوں نے لفظ عامر نقل کیا ہے' وہ اسی طرح ہے' امام ذہبی نے عامر بن خارجہ کے حالات میں اس شخص کا ذکراسی طرح کیا ہے' اور اسے ضعیف قرار دیا ہے۔

جده سعد ← عُمَرَ بْنِ خَارِجَةَ بْنِ سَعْدٍ

3288 - وَعَنْ رَقِيقَةَ بِنْتِ أَبِي صَيْفِيِّ بْنِ هَاشِمٍ - وَكَانَتْ وَالِدَةَ عَبْدِ الْمُطَّلِبِ - قَالَتْ: تَتَابَعَتْ عَلَى قُرَيْشٍ سِنُونَ أَقْحَلَتِ الضَّرْعَ وَأَدَقَّتِ الْعَظْمَ، فَبَيْنَا أَنَا رَاقِدَةُ الْهَمِّ - أَوْ مَهْمُومَةٌ - إِذَا هَاتِفٌ يَصْرُخُ صَوْتُ صَحَلٍ يَقُولُ: يَا مَعْشَرَ قُرَيْشٍ إِنَّ هَذَا النَّبِيَّ مَبْعُوثٌ قَدْ أَظَلَّتْكُمْ أَيَّامُهُ وَهَذَا إِبَّانُ نُجُومِهِ فَحَيَّهَلَا بِالْحَيَاءِ وَالْخِصْبِ أَلَا فَانْظُرُوا رَجُلًا مِنْكُمْ وَسِيطًا عَظِيمًا جُسَامًا أَبْيَضَ وَضَّاءً أَوْطَفَ أَهْدَبَ سَهْلَ الْخَدَّيْنِ أَشَمَّ الْعِرْنِينِ لَهُ فَخْرٌ يَكْظِمُ عَلَيْهِ، وَسُنَّةٌ يَهْدِي إِلَيْهِ فَلْيُخَلِّصْ هُوَ وَوَلَدُهُ وَلْيَهْبِطْ إِلَيْهِ مِنْ كُلِّ بَطْنٍ رَجُلٌ فَلْيَشُنُّوا مِنَ الْمَاءِ وَلْيَمَسُّوا مِنَ الطِّيبِ وَلْيَسْتَلِمُوا الرُّكْنَ ثُمَّ لْيَرْقُوا أَبَا قُبَيْسٍ ثُمَّ لْيَدْعُ الرَّجُلُ وَلْيُؤُمِّنِ الْقَوْمُ فَغُثْتُمْ مَا شِئْتُمْ فَأَصْبَحْتُ - عَلِمَ اللَّهُ - فَاقْشَعَرَّ جِلْدِي وَوَلِهَ عَقْلِي وَاقْتَصَصْتُ رُؤْيَايَ وَنِمْتُ فِي شِعَابِ مَكَّةَ فَوَالْحُرْمَةِ وَالْحَرَمِ مَا بَقِيَ بِهَا أَبْطَحُ إِلَّا قَالَ: هَذَا شَيْبَةُ الْحَمْدِ وَتَنَاهَتْ إِلَيْهِ رِجَالَاتُ قُرَيْشٍ وَهَبَطَ إِلَيْهِ مِنْ كُلِّ بَطْنٍ رَجُلٌ فَشَنُّوا وَمَشَوْا وَاسْتَلَمُوا ثُمَّ ارْتَقَوْ أَبَا قُبَيْسٍ وَاصْطَفُّوا حَوْلَهُ مَا يَبْلُغُ سَعْيُهُمْ مَهْلَهُ حَتَّى إِذَا اسْتَوَوْا بِذُرْوَةِ الْجَبَلِ قَامَ عَبْدُ الْمُطَّلِبِ وَمَعَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - غُلَامٌ قَدْ أَيْفَعَ أَوْ كَرُبَ فَرَفَعَ يَدَيْهِ وَقَالَ: " اللَّهُمَّ سَادَّ الْخَلَّةَ كَاشِفَ الْكُرْبَةِ أَنْتَ مُعَلِّمٌ غَيْرُ مُعَلَّمٍ وَمَسْئُولٌ غَيْرُ مُبَخَّلٍ وَهَذِهِ عَبِيدُكَ وَإِمَاؤُكَ وَبِعَذَرَاتِ حُرَمِكَ يَشْكُونَ إِلَيْكَ سَنَتُهُمْ، أَذْهَبَ الْخُفَّ وَالظَّلَفَ، اللَّهُمَّ فَأَمْطِرْ عَلَيْنَا غَيْثًا مُغْدِقًا مُرِيعًا، فَوَرَبِّ الْكَعْبَةِ مَا رَامُوا حَتَّى تَفَجَّرَتِ السَّمَاءُ بِمَائِهَا وَاكْتَظَّ الْوَادِي بِثَجِيجِهِ فَسَمِعْتُ شِيخَانَ قُرَيْشٍ وَجِلَّتَهَا عَبْدَ اللَّهِ بْنَ جُدْعَانَ وَحَرْبَ بْنَ أُمَيَّةَ وَهِشَامَ بْنَ الْمُغِيرَةِ يَقُولُونَ لِعَبْدِ الْمُطَّلِبِ: هَنِيئًا لَكَ أَبَا الْبَطْحَاءِ وَفِي ذَلِكَ تَقُولُ رَقِيقَةُ بِنْتُ أَبِي صَيْفِيٍّ: لِشَيْبَةِ الْحَمْدِ أَسْقَى اللَّهُ بَلْدَتَنَا ... وَقَدْ فَقَدْنَا الْحَيَا وَاجْلَوَّذَ الْمَطَرُ فَجَادَ بِالْمَاءِ جُونِيٌّ لَهُ سُبُلُ ... سَحًّا فَعَاشَتْ بِهِ الْأَنْعَامُ وَالشَّجَرُ مَنًّا مِنَ اللَّهِ بِالْمَيْمُونِ طَائِرُهُ ... وَخَيْرُ مَنْ بُشِّرَتْ يَوْمًا بِهِ مُضَرُ مُبَارَكُ الْأَمْرِ يُسْتَسْقَى الْغَمَامُ بِهِ ... مَا فِي الْأَنَامِ لَهُ عَدْلٌ وَلَا خَطَرُ رَوَاهُ الطَّبَرَانِيُّ فِي الْكَبِيرِ، وَفِيهِ زَحْرُ بْنُ حِصْنٍ قَالَ الذَّهَبِيُّ: لَا يُعْرَفُ.

سیدہ رقیقہ رضی اللہ تعالیٰ عنہا بنت ابو صیفی بن ہاشم ' جو جناب عبدالمطلب کی والدہ ہیں' وہ بیان کرتی ہیں: " قریش پر یکے بعد دیگرے (قحط سالی کے) چند ایسے سال آئے ' جنہوں نے (جانوروں کے) تھن خشک کر دیے اور ہڈیاں کمزور کردیں' ایک مرتبہ میں پریشانی کے عالم میں سوئی ہوئی تھی ' (یہاں ایک لفظ کے بارے میں راوی کو شک ہے ) کہ اسی دوران کسی ہاتف نے گونج دارآواز میں یہ کہا: اے قریش کے گروہ ! یہ نبی مبعوث ہوگئے ہیں' ان کے زمانے نے تم پر سایہ کردیا ہے' اوران کے ستارے ظاہر ہونے لگے ہیں' تو سیرابی اورشادابی کی طر ف آ جاؤ تم لوگ اپنے میں سے کوئی ایسا شخص تلاش کرو' جو صحت مند اور مضبوط جسم ' اور سفید چمکدار رنگت کامالک ہو ' بلند حیثیت کا ہو' لمبی پلکوںوالا ' نرم رخساروں ' ستواں ناک والا ہو' اس میں ایسی چیز ہو کہ وہ غصہ پر قابو رکھتا ہو' اورایسی عمر رسیدگی ہو کہ اس کی طرف رجوع کیا جاتا ہو' وہ اور اس کی اولاد نکلیں اور (قبیلے کی) ہر شاخ میں سے ایک شخص نکلے ' وہ لوگ غسل کر لیں' خوشبو لگا لیں' رکن کا استلام کریں ' اور پھر جبل ابو قبیس پر چڑھ جائیں' پھر وہ شخص دعا کرے ( اور باقی لوگ)آمین کہیں ' تو تم جتنی چاہو گے ' بارش ہو جائے گی۔ ( سیدہ رقیقہ رضی اللہ تعالیٰ عنہا بیان کرتی ہیں: ) جب صبح ہوئی ' تو میں حیران و پریشان تھی ' میں نے اپنا خواب بیان کیا' میں مکہ میں مختلف جگہوں پر گئی 'تو ہرشخص نے یہی کہا: اس سے مراد " شیبۃ الحمد" (یعنی جناب عبدالمطلب) ہونگے ' قریش کے امور انہی کے پاس لائے جاتےتھے' تو (قبیلے کی) ہرایک شاخ کا ایک فرد ان کے پاس آیا ' انہوں نے غسل کیا اور پیدل چل کے جا کر ' حجر اسود کا استلام کیا ' پھر وہ لوگ جب ابو قبیس پر چڑھ گئے' دیگر لوگ جناب عبد المطلب کے ارد گرد اکٹھے ہو گئے ' جتنا بھی وہ بھلائی میں پیش رفت کر سکتے تھے' یہاں تک کہ جب پہاڑ کی چوٹی پر وہ سب لوگ پہنچ گئے ' تو جناب عبدالمطلب کھڑے ہوئے ' ان کے ساتھ نبی اکرم صلی اللہ علیہ وآلہ وسلم بھی تھے ' جو اس وقت نوجوان تھے' یا اس کے قریب کی عمر کے تھے' انہوں نے دونوں ہاتھ اٹھا کر یہ دعا کی: "اے اللہ ! مشکل کو بند کرنے والے ' پریشانی کو ختم کرنے والے! تو علم عطا کرنے والا ہے' تجھ کو معلومات نہیں دی جاتی ہیں' تجھ سے مانگا جاتا ہے' تو بخل والا نہیں ہے' یہ تیرے بندے اور تیری کنیزیں ہیں' اور یہ تیرے حرم کی حدود میں موجود ہیں' یہ تیری باگاہ میں قحط سالی کی شکایت کر رہے ہیں' (جانوروں کے) سینگ اور کھر رخصت ہو گئے ہیں(یعنی جانور قحط سالی کی وجہ سے مر رہے ہیں) ' اے اللہ ! تو ہم پر ایسی بارش نازل فرما! جو زیادہ اور بھر پور ہو اور سر سبز و شاداب کر دے"۔ رب کعبہ کی قسم! ابھی وہ لوگ واپس نہیں آئے تھے ' کہ آسمان سے بارش نازل ہو نا شروع ہو گئی اور وادی میں پانی بہنے لگا' میں نے قریش کے بزرگوں اور جلیل القدر افراد ' عبداللہ بن جدعان ' حرب بن امیہ اور ہشام بن مغیرہ کو جناب عبدالمطلب سے یہ کہتے ہوئے سنا: اے ابو بطحاء ! آپ کو مبارک ہو!سیدہ رقیقہ رضی اللہ تعالیٰ عنہا بنت ابو صیفی اس واقعہ کے بارے میں یہ (اشعار) کہتی ہیں: " اے شبیۃ الحمد ! اللہ تعالیٰ نے ہمارے شہر کو سیراب کر دیا ' پہلے ہم زندگی کو غیر موجود پاتے تھے ' لیکن پھر بھر پور بارش شروع ہو گئی ' پانی آ گیا اور اس نے نشیبی علاقے میں راستے بنا لیے ' جس نے جانور اور درختوں کو زندگی دیدی' یہ اللہ تعالیٰ کی طرف سے احسان ہے' جس کی آمد بابرکت ہے' اور آج کے دن مضر(قبیلے کے افراد کو) دی جانے والی سب سے بہتر خوشخبری ہے' وہ بابرکت معاملے والے ہیں' ان کے وسیلے سے بارش مانگی گئی ' مخلوق میں کوئی بھی ان کے برابر کا نہیں اور نہ ہی (کسی کے بارے میں ایسا) سوچا جا سکتا ہے"۔ یہ روایت امام طبرانی نے معجم کبیر میں نقل کی ہے ' اس کی سند میں ایک راوی زحر بن حصن ہے' امام ذہبی کہتے ہیں: یہ معروف نہیں ہے۔

رَقِيقَةَ بِنْتِ أَبِي صَيْفِيِّ بْنِ هَاشِمٍ وَكَانَتْ وَالِدَةَ عَبْدِ الْمُطَّلِبِ

3289 - وَعَنْ أَبِي لُبَابَةَ بْنِ عَبْدِ الْمُنْذِرِ قَالَ: «اسْتَسْقَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ أَبُو لُبَابَةَ بْنُ عَبْدِ الْمُنْذِرِ: إِنَّ التَّمْرَ فِي الْمَرَابِدِ يَا رَسُولَ اللَّهِ فَقَالَ: " اللَّهُمَّ اسْقِنَا حَتَّى يَقُومَ أَبُو لُبَابَةَ عُرْيَانًا فَيَسُدَّ مَبْعَثَ مِرْبَدِهِ بِإِزَارِهِ " وَمَا نَرَى فِي السَّمَاءِ سَحَابًا فَأَمْطَرَتْ فَاجْتَمَعُوا إِلَى أَبِي لُبَابَةَ فَقَالُوا: إِنَّهَا لَا تُقْلِعُ حَتَّى تَقُومَ عُرْيَانًا وَتَسُدَّ مَبْعَثَ مِرْبَدِكَ بِإِزَارِكَ فَفَعَلَ فَأَصْحَتْ». رَوَاهُ الطَّبَرَانِيُّ فِي الصَّغِيرِ، وَفِيهِ مَنْ لَا يُعْرَفُ.

حضرت ابو لبابہ بن عبدالمنذر رضی اللہ تعالیٰ عنہ بیان کرتے ہیں: بنی اکرم صلی اللہ علیہ وآلہ وسلم نے بارش کے نزول کی دعا کی' تو حضرت ابو لبابہ بن عبدالمنذر رضی اللہ تعالیٰ عنہ نے عرض کی: یا رسول اللہ ! کھجوریں گوداموں میں پڑی ہوئی ہیں۔ نبی اکرم صلی اللہ علیہ وآلہ وسلم نے دعا کی:" اے اللہ ! ہم پر اتنی بارش نازل فرما کہ ابو لبابہ کو اضافی کپڑے اتار کر اپنے تہبند کے ذریعے گودام تک پانی کے راستے ہو روکنا پڑے''۔ راوی بیان کرتے ہیں: آسمان میں کوئی بادل نظر نہیں آ رہا تھا' پھر بارش نازل ہونا شروع ہو ئی ' (اور مسلسل ہوتی رہی) لوگ اکٹھے ہو کر حضرت ابو لبابہ رضی اللہ تعالیٰ عنہ کے پاس گئے اور انہوں نے یہ کہا: کہ یہ بارش اس وقت تک نہیں رکے گی' جب تک آپ اضافی کپڑے اتار کر اپنے تہبند کے ذریعے گودام تک پانی جانے کو نہیں روکیں گے' انہوں نے ایسا ہی کیا ' تو بارش رک گئی ۔ یہ روایت امام طبرانی نے معجم صغیر میں نقل کی ہے' اس روایت کی سند میں ایک راوی ایسا ہے ' جو معروف نہیں ہے۔

«اسْتَسْقَى رَسُولُ اللَّهِ ← أَبِي لُبَابَةَ بْنِ عَبْدِ الْمُنْذِرِ