Majma uz Zawaid Wa Manba ul Fawaid

3581 - عَنِ ابْنِ عُمَرَ - رَضِيَ اللَّهُ عَنْهُمَا - «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ لَا يَنَامُ إِلَّا وَالسِّوَاكُ عِنْدَهُ فَإِذَا اسْتَيْقَظَ بَدَأَ بِالسِّوَاكِ». رَوَاهُ أَحْمَدُ، وَفِيهِ مَنْ لَمْ يُسَمَّ.

حضرت عبداللہ بن عمر رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم جب بھی سوتے تھے تو مسواک آپ صلی اللہ علیہ و آلہ و سلم کے پاس موجود ہوتی تھی جب بھی آپ صلی اللہ علیہ و آلہ و سلم بیدار ہوتے تھے تو سب سے پہلے مسواک کرتے تھے۔یہ روایت امام احمد نے نقل کی ہے اس کی سند میں ایک راوی ایسا ہے جس کا نام بیان نہیں کیا گیا ہے۔

ابْنِ عُمَرَ

3582 - وَعَنْ أَنَسٍ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِذَا قَامَ مِنَ اللَّيْلِ اسْتَنْجَى وَتَوَضَّأَ وَاسْتَاكَ ثُمَّ يَبْعَثُ يَطْلُبُ الطِّيبَ فِي رَبَاعِ نِسَائِهِ». رَوَاهُ الْبَزَّارُ، وَرِجَالُهُ مُوَثَّقُونَ.

حضرت انس رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم جب رات کے وقت بیدار ہوتے تھے تو استنجاء کرتے تھے پھر وضوکرتے تھے اور مسواک کرتے تھے پھر آپ صلی اللہ علیہ و آلہ و سلم اپنی ازواج کے گھر میں خوشبو طلب کرتے تھے۔یہ روایت امام بزارنقل کی ہے اور اس کے رجال کی توثیق کی گئی ہے۔

أَنَسٍ،

3583 - وَعَنْ عَبْدِ اللَّهِ بْنِ مَسْعُودٍ قَالَ: «ذُكِرَ النَّوْمُ عِنْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " نَامُوا فَإِذَا انْتَبَهْتُمْ فَاسْتَنُّوا» ". رَوَاهُ الْبَزَّارُ، وَفِيهِ يَحْيَى بْنُ الْمُنْذِرِ ضَعَّفَهُ الدَّارَقُطْنِيُّ وَغَيْرُهُ.

حضرت عبداللہ بن مسعود رضی اللہ عنہ فرماتے ہیں: نبی اکرم صلی اللہ علیہ و آلہ و سلم کے سامنے نیند کا ذکر کیا گیا تو آپ صلی اللہ علیہ و آلہ و سلم نے ارشادفرمایا: سو جاؤ! اور جب تم بیدار ہو تو مسواک کرو؟“۔یہ روایت امام بزارنے نقل کی ہے اس کی سند میں ایک راوی یحییٰ بن مندر ہے جسے امام دارقطنی اور دیگر حضرات نے" ضعیف" قراردیا ہے۔

النَّوْمُ عِنْدَ رَسُولِ اللَّهِ ← عَبْدِ اللهِ بْنِ مَسْعُودٍ

3584 - وَعَنْ رَبِيعَةَ الْجَرْشِيِّ قَالَ: «سَأَلْتُ عَائِشَةَ: مَا كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَقُولُ إِذَا قَامَ مِنَ اللَّيْلِ؟ وَبِمَا كَانَ يَسْتَفْتِحُ؟ فَقَالَتْ: كَانَ يُكَبِّرُ عَشْرًا وَيَحْمَدُ عَشْرًا وَيُسَبِّحُ عَشْرًا وَيُهَلِّلُ عَشْرًا وَيَسْتَغْفِرُ عَشْرًا، وَيَقُولُ: " اللَّهُمَّ اغْفِرْ لِي وَاهْدِنِي وَارْزُقْنِي " عَشْرًا، وَيَقُولُ: " اللَّهُمَّ إِنِّي أَعُوذُ بِكَ مِنَ الضِّيقِ يَوْمَ الْحِسَابِ " عَشْرًا». قُلْتُ: رَوَاهُ أَبُو دَاوُدَ بِاخْتِصَارٍ. رَوَاهُ أَحْمَدُ وَالْطَبَرَانِيُّ فِي الْأَوْسَطِ، وَرِجَالُهُ ثِقَاتٌ.

ربیعہ جرشی بیان کرتے ہیں : میں نے سیدہ عائشہ صدیقہ رضی اللہ عنہ سے سوال کیا: نبی اکرم صلی اللہ علیہ و آلہ و سلم جب رات کے وقت بیدار ہوتے تھے تو آپ صلی اللہ علیہ و آلہ و سلم کیا پڑھتے تھے؟ اور آپ صلی اللہ علیہ و آلہ و سلم کس چیز کے ذریعے آغاز کرتے تھے؟ تو انہوں نے بتایا:نبی اکرم صلی اللہ علیہ و آلہ و سلم دس مرتبہ اللہ اکبر ،دس مرتبہ الحمدللہ ،دس مرتبہ لا الہ الا اللہ دس مرتبہ استغفراللہ پڑھتے تھے پھر یہ پڑھتے تھے: اے اللہ! تو میری مغفرت کر دے تو مجھے ہدایت پر ثابت قدم رکھے اور تو مجھے رزق عطا فرما۔ یہ (مذکورہ بالاکلمہ) دس مرتبہ پڑھتے تھے، اور یہ درج ذیل کلمہ پڑھتے تھے۔اے اللہ! میں حساب کے دن تنگی سے تیری پناہ مانگتا ہوں‘۔ یہی دس مرتبہ پڑھتے تھے۔ ( علامہ ہیثمی فرماتے ہیں): میں یہ کہتا ہوں : یہ روایت امام ابوداؤد نے اختصار کے ساتھ نقل کی ہے۔ یہ روایت امام احمدنے اور امام طبرانی نے معجم اوسط میں نقل کی ہے اور اس کے رجال ثقہ ہیں۔

اللهم اغفر لي واهدني وارزقني عشرا ← كان يكبر عشرا ويحمد عشرا ويسبح عشرا ويهلل عشرا ويستغفر عشرا ← إِذَا قَامَ مِنَ اللَّيْلِ؟ وَبِمَا كَانَ يَسْتَفْتِحُ؟ ← سألت عائشة ما كان رسول الله ← رَبِيعَةَ الْجُرَشِيِّ

3585 - وَعَنْ سَعْدِ بْنِ جُنَادَةَ قَالَ: شَهِدْتُ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ -[حَنِيفًا] فَسَمِعْتُهُ يَقُولُ: " «مَنْ قَامَ مِنَ اللَّيْلِ فَتَوَضَّأَ وَمَضْمَضَ فَاهُ ثُمَّ قَالَ: سُبْحَانَ اللَّهِ مِائَةَ مَرَّةٍ وَالْحَمْدُ لِلَّهِ مِائَةَ مَرَّةٍ وَلَا إِلَهَ إِلَّا اللَّهُ مِائَةَ مَرَّةٍ غُفِرَتْ لَهُ ذُنُوبُهُ إِلَّا الدِّمَاءَ وَالْأَمْوَالَ فَإِنَّهَا لَا تَبْطُلُ» ". رَوَاهُ الطَّبَرَانِيُّ فِي الْكَبِيرِ، وَفِيهِ الْحُسَيْنُ بْنُ الْحَسَنِ بْنِ عَطِيَّةَ الْعَوْفِيُّ وَهُوَ ضَعِيفٌ.

حضرت سعد بن جنادہ رضی اللہ عنہ بیان کرتے ہیں : میں نبی اکرم صلی اللہ علیہ و آلہ و سلم کے ساتھ" حنیف" میں موجود تھا۔ میں نے آپ صلی اللہ علیہ و آلہ و سلم کو یہ بات ارشاد فرماتے ہوئے سنا: جوشخص رات کے وقت اٹھ کر وضوکرےاور اپنے منہ میں کلی کرے اور پھر یہ پڑھے: سبحان اللہ ایک سو مرتبہ الحمدللہ ایک سومرتبہ اللہ اکبر ایک سو مرتبہ لا الہ الا الہ ایک سو مرتبہ تو اس شخص کے گناہوں کی مغفرت ہوجاتی ہے البتہ قتل یا مال ہتھیانے کا معاملہ مختلف ہے کیونکہ یہ کالعدم نہیں ہوتے ہیں۔

«مَنْ قَامَ مِنَ اللَّيْلِ فَتَوَضَّأَ وَمَضْمَضَ فَاهُ ثُمَّ ← شَهِدْتُ مَعَ رَسُولِ اللَّهِ -[حَنِيفًا] ← سعد بن جُنَادَةَ.

3586 - وَعَنِ النُّعْمَانِ بْنِ بَشِيرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِذَا نَامَ أَحَدُكُمْ مِنَ اللَّيْلِ وَهُوَ يُرِيدُ أَنْ يُصَلِّيَ مِنَ اللَّيْلِ فَلْيَضَعْ عَنْ يَمِينِهِ قَبْضَةً مِنْ تُرَابٍ فَإِذَا انْتَبَهَ فَلْيُحَصِّبْ عَنْ شِمَالِهِ» ". رَوَاهُ الطَّبَرَانِيُّ فِي الْأَوْسَطِ وَالْكَبِيرِ، وَالْبَزَّارُ، وَفِيهِ أَيُّوبُ بْنُ عُتْبَةَ وَثَّقَهُ أَحْمَدُ فِي رِوَايَةٍ، وَكَذَلِكَ ابْنُ مَعِينٍ، وَضَعَّفَاهُ فِي رِوَايَةٍ، وَضَعَّفَهُ الْبُخَارِيُّ وَمُسْلِمٌ وَجَمَاعَةٌ.

حضرت نعمان بن بشیر رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشاد فرمایا ہے: جب کوئی شخص رات کے وقت سونے لگے اور اس کا ارادہ یہ ہو کہ وہ رات کے وقت نماز ادا کرے گا تو اسے اپنےدائیں طرف مٹھی بھرمٹی رکھنی چاہیے اگر وہ بیدار ہوجائے تو پھر اپنے بائیں طرف کنکریاں رکھنی چاہیں۔یہ روایت امام طبرانی نے معجم اوسط اور معجم کبیر میں نقل کی ہے اسے امام بزارنے بھی نقل کیا ہے اس کی سند میں ایک راوی ا یوب بن عتبہ ہے جسے امام احمد نے ایک روایت کے مطابق ”ثقہ قرار دیا ہے یحیی بن معین نے ایسا ہی کیا ہے۔ ایک روایت کے مطابق انہوں نے اسے ضعیف قرار دیا ہے امام بخاری امام مسلم اور ایک جماعت نے اسے ضعیف کہا ہے۔

النُّعْمَانَ بْنَ بَشِيرٍ،

3587 - وَعَنْ عُقْبَةَ بْنِ عَامِرٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «رَجُلَانِ مِنْ أُمَّتِي يَقُومُ أَحَدُهُمَا مِنَ اللَّيْلِ فَيُعَالِجُ نَفْسَهُ إِلَى الطَّهُورِ وَعَلَيْهِ عُقَدٌ فَيَتَوَضَّأُ فَإِذَا وَضَّأَ يَدَهُ انْحَلَّتْ عُقْدَةٌ وَإِذَا وَضَّأَ وَجْهَهُ انْحَلَّتْ عُقْدَةٌ وَإِذَا مَسَحَ بِرَأْسِهِ انْحَلَّتْ عُقْدَةٌ وَإِذَا وَضَّأَ رِجْلَيْهِ انْحَلَّتْ عُقْدَةٌ فَيَقُولُ الرَّبُّ - عَزَّ وَجَلَّ - الَّذِي وَرَاءَ الْحِجَابِ: انْظُرُوا إِلَى عَبْدِي هَذَا يُعَالِجُ نَفْسَهُ مَا سَأَلَنِي عَبْدِي هَذَا فَهُوَ لَهُ» ". رَوَاهُ أَحْمَدُ، وَفِيهِ ابْنُ لَهِيعَةَ وَفِيهِ كَلَامٌ.

حضرت عقبہ بن عامر رضی اللہ عنہ بیان کرتے ہیں: میں نے نبی اکرم صلی اللہ علیہ و آلہ و سلم کویہ ارشاد فرماتے ہوئے سنا ہے:. ”میری امت سے تعلق رکھنے والے دو قسم کے افراد ہیں ان میں سے ایک رات کے وقت اٹھتا ہے اور اپنے آپ کوطہارت کے لئے تیار کرتا ہے اس پر گرہیں لگی ہوئی ہوتی ہیں وہ وضو کرتا ہے جب وہ اپنے ہاتھ دھوتا ہے تو ایک گرہ کھل جاتی ہے جب وہ اپنے چہرے کو دھوتا ہے تو ایک گرہ کھل جاتی ہے جب وہ اپنے سر پرمسح کرتا ہے تو ایک گرہ کھل جاتی ہے جب وہ اپنے پاؤں پر وضو کرتا ہے تو ایک گرہ کھل جاتی ہے تو حجاب کے پیچھے سے میرا پروردگار فرماتا ہے: میرے بندے کی طرف دیکھو!جواپنے آپ کو اس چیز کے لئے تیار کر رہا ہے میرا بندہ مجھ سے جو مانگے گا وہ اس کو ملے گا۔ یہ روایت امام احمد نے نقل کیا ہے اس کی سند میں ایک راوی ابن لہیعہ ہے اور اس کے بارے میں کلام کیا گیا ہے۔

عُقْبَۃَ بْنِ عَامِرٍ