Majma uz Zawaid Wa Manba ul Fawaid

2020 عَنْ عَبْدِ اللَّهِ بْنِ الزُّبَيْرِ قَالَ: أَكَلْنَا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - يَوْمًا شِوَاءً وَنَحْنُ فِي الْمَسْجِدِ، فَأُقِيمَتِ الصَّلَاةُ فَلَمْ نَزِدْ عَلَى أَنَّ مَسْحَنَا بِالْحَصْبَاءِ». رَوَاهُ الطَّبَرَانِيُّ فِي الْكَبِيرِ، وَفِيهِ ابْنُ لَهِيعَةَ وَفِيهِ كَلَامٌ.

حضرت عبداللہ بن زبیر رضی اللہ عنہ بیان کرتے ہیں : ایک مرتبہ ہم نے نبی اکرم صلی اللہ علیہ و آلہ وسلم کے ہمراہ بھونا ہوا کھانا کھایا تھا ہم لوگ اس وقت مسجد میں موجود تھے پھر نماز کھڑی ہو گئی ، تو ہم نے صرف یہ کیا کہ اپنے ہاتھ کنکریوں سے پونچھ لئے۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی ابن لہیعہ ہے ، جس کے بارے میں کلام کیا گیا ہے ۔

عَبْدِ اللَّهِ بْنِ الزُّبَيْرِ،

2021 - «وَعَنْ بِلَالٍ أَنَّهُ جَاءَ إِلَى النَّبِيِّ - صَلَّى اللَّهُ عَلَيْهِ وَسَلَّمَ - يُؤْذِنُهُ فِي الصَّلَاةِ فَوَجَدَهُ يَتَسَحَّرُ فِي مَسْجِدِ بَيْتِهِ». رَوَاهُ أَحْمَدُ وَرِجَالُهُ ثِقَاتٌ إِلَّا أَنَّ أَبَا دَاوُدَ قَالَ: لَمْ يَسْمَعْ شَدَّادٌ مَوْلَى عِيَاضٍ مِنْ بِلَالٍ وَاللَّهُ أَعْلَمُ.

حضرت بلال رضی اللہ عنہ کے بارے میں یہ بات منقول ہے : وہ نبی اکرم صلی اللہ علیہ و آلہ وسلم کی خدمت میں آپ صلی اللہ علیہ و آلہ وسلم کو نماز کے لئے بلانے کے لئے حاضر ہوئے تو انہوں نے نبی اکرم صلی اللہ علیہ و آلہ وسلم کو پایا کہ آپ صلی اللہ علیہ و آلہ وسلم اپنے گھر میں موجود اپنی نماز کی مخصوص جگہ پر سحری کر رہے تھے ۔ یہ روایت امام احمد نے نقل کی ہے ، اور اس کے رجال " ثقہ " ہیں البتہ ابو داؤد نے یہ بات بیان کی ہے شداد نے حضرت بلال رضی اللہ عنہ سے سماع نہیں کیا ہے باقی اللہ تعالیٰ بہتر جانتا ہے۔

رِجَالُهُ ثِقَاتٌ إِلَّا أَنَّ أَبَا دَاوُدَ

2022 - «وَعَنِ ابْنِ عُمَرَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - يَعْنِي: أُتِيَ بِفَضِيخٍ فِي مَسْجِدِ الْفَضِيخِ فَشَرِبَهُ فَلِذَلِكَ سُمِّيَ». رَوَاهُ أَحْمَدُ وَأَبُو يَعْلَى وَلَفْظُهُ: أَنَّ النَّبِيَّ - صَلَّى اللَّهُ عَلَيْهِ وَسَلَّمَ - أُتِيَ بِجَرِّ فَضِيخٍ يَنُشُّ وَهُوَ فِي مَسْجِدِ الْفَضِيخِ فَشَرِبَهُ، فَلِذَلِكَ سُمِّيَ مَسْجِدَ الْفَضِيخِ وَفِيهِ عَبْدُ اللَّهِ بْنُ نَافِعٍ ضَعَّفَهُ الْبُخَارِيُّ وَأَبُو حَاتِمٍ وَالنَّسَائِيُّ وَقَالَ ابْنُ مَعِينٍ: يُكْتَبُ حَدِيثُهُ.

حضرت عبداللہ بن عمر رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم کی خدمت میں " مسجد فضیخ " میں فضیخ لائی گئی تھی آپ صلی اللہ علیہ و آلہ وسلم نے اسے پی لیا تو اسے ( یعنی مسجد کو ) یہی نام دے دیا گیا ۔ یہ روایت امام احمد اور امام ابو یعلیٰ نے نقل کی ہے ، اور اس کے الفاظ یہ ہیں : نبی اکرم صلی اللہ علیہ و آلہ وسلم کے پاس ایک مٹکا فضیخ کا لایا گیا اس میں جوش آیا ہوا تھا بنی اکرم صلی اللہ علیہ و آلہ وسلم اس وقت مسجد فضیخ میں موجود تھے آپ صلی اللہ علیہ و آلہ وسلم نے اسے پی لیا تو اسی وجہ سے اس مسجد کو" مسجد فضیخ " کا نام دیا گیا اس روایت کی سند میں ایک راوی عبداللہ بن نافع ہے ، جسے امام بخاری امام ابو حاتم اور امام نسائی نے ضعیف قرار دیا ہے ، یحییٰ بن معین کہتے ہیں : اس کی حدیث کو نوٹ کیا جائے گا۔

ابْنِ عُمَرَ