Majma uz Zawaid Wa Manba ul Fawaid

2145 - عَنْ أَنَسٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «لَوْ يَعْلَمُ الْمُتَخَلِّفُونَ عَنْ صَلَاةِ الْعِشَاءِ وَصَلَاةِ الصُّبْحِ مَا لَهُمْ فِيهِمَا لَأَتَوْهُمَا وَلَوْ حَبْوًا». رَوَاهُ أَحْمَدُ وَرِجَالُهُ مُوَثَّقُونَ.

حضرت انس رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں : ۔ " عشاء کی نماز اور صبح کی نماز ( باجماعت ) میں شریک نہ ہونے والوں کو اگر پتہ چل جائے کہ ان دونوں کا اجر کتنا زیادہ ہے، تو وہ ان دونوں میں شریک ہوں خواۃ وہ گھسٹ کر چل کر آئیں"۔ یہ روایت امام احمد نے نقل کی ہے ، اور اس کے رجال کی توثیق کی گئی ہے ۔

أَنَسٍ،

2146 - وَعَنْ أَبِي عُمَيْرِ بْنِ أَنَسٍ عَنْ عُمُومَةٍ لَهُ مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ قَالَ: «لَا يَشْهَدُهُمَا مُنَافِقٌ "، يَعْنِي صَلَاةَ الصُّبْحِ وَالْعَشَاءِ» قَالَ أَبُو بِشْرٍ: يَعْنِي لَا يُوَاظِبُ عَلَيْهِمَا. رَوَاهُ أَحْمَدُ وَفِيهِ أَبُو عُمَيْرِ بْنُ أَنَسٍ وَلَمْ أَرَ أَحَدًا رَوَى عَنْهُ غَيْرُ أَبِي بَشِيرٍ جَعْفَرِ بْنِ أَبِي وَحْشِيَّةَ، وَبَقِيَّةُ رِجَالِهِ مُوَثَّقُونَ.

ابو عمیر بن انس نے اپنے چچاؤں کے حوالے سے ، جو نبی اکرم صلی اللہ علیہ وآلہ وسلم کے اصحاب میں سے ہیں ، یہ بات نقل کی ہے : آپ صلی اللہ علیہ وآلہ وسلم نے ارشاد فرمایا ہے: ان دونوں ( یعنی عشاء کی باجماعت نمازوں ) میں کوئی منافق شریک نہیں ہوگا۔ راوی بیان کرتے ہیں : نبی اکرم صلی اللہ علیہ وآلہ وسلم کی مراد عشاء اور صبح کی نمازیں تھیں ابو بشر کہتے ہیں : اس سے مراد یہ ہے کہ وہ ان دونوں کو باقاعدگی سے ادا نہیں کرے گا۔ یہ روایت امام احمد نے نقل کی ہے ، اس کی سند میں ایک راوی ابو عمیر بن انس ہے ابو بشیر جعفر بن ابو وحشیہ کے علاوہ اور کسی کو میں نے اس راوی سے روایت نقل کرتے ہوئے نہیں دیکھا ہے ، اس روایت کے بقیہ رجال کی توثیق کی گئی ہے ۔

لَا يَشْهَدُهُمَا مُنَافِقٌ يَعْنِي صَلَاةَ الصُّبْحِ وَالْعِشَاءِ ← عُمُومَةٍ لَهُ مِنْ أَصْحَابِ النَّبِيِّ أَنَّهُ ← أَبِي عُمَيْرِ بْنِ أَنَسٍ

2147 - وَعَنْ عَائِشَةَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «لَوْ يَعْلَمُ النَّاسُ مَا فِي شُهُودِ الْعَتَمَةِ لَيْلَةَ الْأَرْبِعَاءِ لَأَتَوْهَا وَلَوْ حَبْوًا» "رَوَاهُ الطَّبَرَانِيُّ فِي الْأَوْسَطِ وَفِيهِ زَكَرِيَّا بْنُ مَنْظُورٍ وَهُوَ ضَعِيفٌ.

سیدہ عائشہ صدیقہ رضی اللہ عنہا بیان کرتی ہیں : نبی اکرم صلی اللہ علیہ وآلہ وسلم نے ارشاد فرمایا ہے: " اگر لوگوں کو پتہ چل جائے کہ بدھ کی رات عشاء کی نماز ( باجماعت ) شریک ہونے میں کتنا اجر ہے، تو وہ اس میں ضرور شریک ہوں خواہ گھسٹ کر چل کر آئیں "۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی زکریا بن منصور ہے، اور وہ "ضعیف " ہے۔

عَائِشَةَ

2148 - وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «مَنْ صَلَّى الْعِشَاءَ فِي جَمَاعَةٍ وَصَلَّى أَرْبَعَ رَكَعَاتٍ قَبْلَ أَنْ يَخْرُجَ مِنَ الْمَسْجِدِ كَانَ كَعِدْلِ لَيْلَةِ الْقَدْرِ». رَوَاهُ الطَّبَرَانِيُّ فِي الْأَوْسَطِ وَفِي إِسْنَادِهِ ضَعِيفٌ غَيْرُ مُتَّهَمٍ بِالْكَذِبِ.

حضرت عبداللہ بن عمر رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے : "جو شخص عشاء کی نماز باجماعت ادا کرتا ہے ، اور پھر مسجد سے باہر جانے سے پہلے چار رکعت ادا کر لیتا ہے ، تو یہ شب قدر کے برابر ہوگا"۔ یہ روایت امام طبرانی نے معجم اوسط میں نقل کی ہے ، اور اس کی سند میں ضعیف راوی ہے ، جس پر جھوٹا ہونے کا الزام عائد نہیں کیا گیا ہے۔

ابْنِ عُمَرَ

2149 - وَعَنْ رَجُلٍ مِنَ النَّخَعِ قَالَ: سَمِعْتُ أَبَا الدَّرْدَاءِ حِينَ حَضَرَتْهُ الْوَفَاةُ قَالَ: أُحَدِّثُكُمْ حَدِيثًا سَمِعْتُهُ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «اعْبُدِ اللَّهَ كَأَنَّكَ تَرَاهُ فَإِنْ لَمْ تَكُنْ تَرَاهُ فَإِنَّهُ يَرَاكَ، وَاعْدُدْ نَفْسَكَ فِي الْمَوْتَى، وَإِيَّاكَ وَدَعْوَةَ الْمَظْلُومِ فَإِنَّهَا تُسْتَجَابُ، وَمَنِ اسْتَطَاعَ مِنْكُمْ أَنْ يَشْهَدَ الصَّلَاتَيْنِ الْعِشَاءَ وَالصُّبْحَ وَلَوْ حَبْوًا فَلْيَفْعَلْ». رَوَاهُ الطَّبَرَانِيُّ فِي الْكَبِيرِ وَالرَّجُلُ الَّذِي مِنَ النَّخَعِ لَمْ أَجِدْ مَنْ ذَكَرَهُ وَسَمَّاهُ جَابِرًا.

نخع سے تعلق رکھنے والے ایک صاحب بیان کرتے ہیں : میں نے حضرت ابو درداء رضی اللہ عنہ کو سنا جب ان کی وفات کا وقت قریب آیا تو انہوں نے ارشاد فرمایا : میں تم لوگوں کو ایک حدیث بیان کرنے لگا ہوں جو میں نے نبی اکرم صلی اللہ علیہ وآلہ وسلم کی زبانی سنی ہے آپ صلی اللہ علیہ وآلہ وسلم نے ارشاد فرمایا ہے : " تم اللہ تعالیٰ کی یوں عبادت کرو جیسے تم اسے دیکھ رہے ہو اور اگر تم اسے نہیں دیکھ رہے ہو ، تو وہ تمہیں دیکھ رہا ہے ، تم اپنا شمار مردوں میں کرو اور مظلوم کی بد دعا سے بچ کے رہنا کیونکہ وہ مستجاب ہوتی ہے تم میں سے جو شخص اس بات کی استطاعت رکھتا ہو کہ وہ د و نمازوں عشاء اور صبح ( کی باجماعت نمازوں ) میں شریک ہو سکتا ہو، تو اسے ایسا کرنا چاہیے ، خواہ وہ گھسٹ کر چل کر جائے "۔ یہ روایت امام طبرانی نے معجم کبیر میں نقل کی ہے نخع سے تعلق رکھنے والے شخص کا ذکر کرتے ہوئے میں نے کسی کو نہیں پایا ہے انہوں نے اس شخص کا نام جابر بیان کیا ہے۔

مِنْ رَسُولِ اللَّهِ ← أُحَدِّثُکُمْ حَدِيثًا ← أبا الدرداءِ حينَ حضرَتْهُ الوَفاةُ ← رَجُلٍ مِنَ النَّخَعِ

2150 - وَعَنْ عَبْدِ اللَّهِ بْنِ مَسْعُودٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «مَا صَلَاةٌ أَثْقَلُ عَلَى الْمُنَافِقِينَ مِنْ صَلَاةِ الْعِشَاءِ وَالْفَجْرِ، وَلَوْ يَعْلَمُونَ مَا فِيهِمَا مِنَ الْفَضْلِ لَأَتَوْهُمَا وَلَوْ حَبْوًا». رَوَاهُ الطَّبَرَانِيُّ فِي الْكَبِيرِ وَرِجَالُهُ رِجَالُ الصَّحِيحِ.

حضرت عبداللہ بن مسعود رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے : " منافقین کے لئے کوئی بھی نماز عشاء اور فجر کی نمازوں سے زیادہ بوجھل نہیں ہے اگر انہیں ان دونوں کی فضیلت کا پتہ چل جائے تو وہ ان دونوں میں ضرور شریک ہوں خواہ گھسٹ کر چل کر آئیں "۔ یہ روایت امام طبرانی نے معجم کبیر میں نقل کی ہے ، اور اس کے رجال " صحیح " کے رجال ہیں ۔

عَبْدِ اللهِ بْنِ مَسْعُودٍ

2151 - وَعَنِ ابْنِ عُمَرَ قَالَ: كُنَّا إِذَا فَقَدْنَا الرَّجُلَ فِي الْفَجْرِ وَالْعِشَاءِ أَسَأْنَا بِهِ الظَّنَّ. رَوَاهُ الطَّبَرَانِيُّ فِي الْكَبِيرِ، وَالْبَزَّارُ وَرِجَالُ الطَّبَرَانِيِّ مُوَثَّقُونَ.

حضرت عبداللہ بن عمر رضی اللہ عنہ فرماتے ہیں : جب ہم فجر اور عشاء کی نما زوں میں کسی شخص کو غیر موجود پاتے تھے تو اس کے بارے میں برا گمان رکھتے تھے ۔ یہ روایت امام طبرانی نے معجم کبیر میں نقل کی ہے ، اسے امام بزار نے بھی نقل کیا ہے ، امام طبرانی کے رجال کی توثیق کی گئی ہے ۔

ابْنِ عُمَرَ

2152 - وَعَنِ ابْنِ عُمَرَ قَالَ: كُنَّا إِذَا فَقَدْنَا الرَّجُلَ فِي صَلَاةِ الْغَدَاةِ أَسَأْنَا بِهِ الظَّنَّ. رَوَاهُ الْبَزَّارُ وَرِجَالُهُ ثِقَاتٌ.

حضرت عبداللہ بن عمر رضی اللہ عنہ بیان کرتے ہیں : جب ہم صبح کی نمازوں میں کسی شخص کو غیر موجود پاتے تھے تو اس کے بارے میں برا گمان رکھتے تھے۔ یہ روایت امام بزار نے نقل کی ہے ، اور اس کے رجال " ثقہ " ہیں۔

ابْنِ عُمَرَ

2153 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «مَنْ صَلَّى الْعِشَاءَ فِي جَمَاعَةٍ فَقَدْ أَخَذَ بِحَظِّهِ مِنْ لَيْلَةِ الْقَدْرِ "». رَوَاهُ الطَّبَرَانِيُّ فِي الْكَبِيرِ وَفِيهِ مَسْلَمَةُ بْنُ عَلِيٍّ وَهُوَ ضَعِيفٌ.

حضرت ابو امامہ رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے : " جو شخص عشاء کی نماز باجماعت ادا کرتا ہے ، تو وہ گویا شب قدر میں اپنا حصہ حاصل کر لیتا ہے"۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی مسلمہ بن علی ہے ، اور وہ " ضعیف " ہے۔

اَبِیْ اُمَامَۃَ،

2154 - «وَعَنْ قَتَادَةَ قَالَ: كَانَتْ لَيْلَةٌ شَدِيدَةُ الظُّلْمَةِ وَالْمَطَرِ فَقُلْتُ: لَوْ أَنِّي اغْتَنَمْتُ اللَّيْلَةَ شُهُودَ الْعَتَمَةِ مَعَ النَّبِيِّ - صَلَّى اللَّهُ عَلَيْهِ وَسَلَّمَ - فَفَعَلْتُ فَلَمَّا انْصَرَفَ النَّبِيُّ - صَلَّى اللَّهُ عَلَيْهِ وَسَلَّمَ - أَبْصَرَنِي وَمَعَهُ عُرْجُونٌ يَمْشِي عَلَيْهِ فَقَالَ: " مَا لَكَ يَا قَتَادَةُ هَا هُنَا هَذِهِ السَّاعَةَ؟ " فَقُلْتُ: اغْتَنَمْتُ شُهُودَ الْعَتَمَةِ مَعَكَ يَا نَبِيَّ اللَّهِ، فَأَعْطَانِي الْعُرْجُونَ فَقَالَ: " إِنِ الشَّيْطَانَ قَدْ خَلَفَكَ فِي أَهْلِكَ فَاذْهَبْ بِهَذَا الْعُرْجُونِ فَأَمْسِكْ بِهِ حَتَّى تَأْتِيَ بَيْتَكَ فَخُذْهُ مِنْ زَاوِيَةِ الْبَيْتِ فَاضْرِبْهُ بِالْعُرْجُونِ فَخَرَجْتُ مِنَ الْمَسْجِدِ فَأَضَاءَ الْعُرْجُونُ مِثْلَ الشَّمْعَةِ نُورًا، فَاسْتَضَأْتُ بِهِ فَأَتَيْتُ أَهْلِي فَوَجَدْتُهُمْ قَدْ رَقَدُوا، فَنَظَرْتُ فِي الزَّاوِيَةِ فَإِذَا فِيهَا قُنْفُذٌ فَلَمْ أَزَلْ أَضْرِبُهُ بِالْعُرْجُونِ حَتَّى خَرَجَ» ". رَوَاهُ الطَّبَرَانِيُّ فِي الْكَبِيرِ - وَيَأْتِي حَدِيثٌ عِنْدَ أَحْمَدَ أَطْوَلُ مِنْ هَذَا فِي الْجُمُعَةِ وَالسَّاعَةِ الَّتِي فِيهَا إِنْ شَاءَ اللَّهُ - وَرِجَالُهُ مُوَثَّقُونَ.

حضرت قتادہ رضی اللہ عنہ بیان کرتے ہیں : ایک رات بہت زیادہ تاریک اور بارش والی تھی میں نے سوچا اگر میں آج کی رات یہ غنیمت حاصل کر لوں کہ نبی اکرم صلی اللہ علیہ وآلہ وسلم کی اقتداء میں عشاء کی نماز میں شریک ہو جاؤں تو یہ مناسب ہوگا، تو میں نے ایسا ہی کیا جب نبی اکرم صلی اللہ علیہ وآلہ وسلم نے نماز مکمل کی تو آپ صلی اللہ علیہ وآلہ وسلم نے مجھے ملاحظہ فرمایا آپ کے ہاتھ میں ایک چھڑی تھی جس کے ساتھ ٹیک لگا کر آپ صلی اللہ علیہ وآلہ وسلم چلتے تھے آپ صلی اللہ علیہ وآلہ وسلم نے فرمایا: اے قتادہ ! کیا وجہ ہے تم اس وقت یہاں کیوں ہو؟ میں نے عرض کی : اے اللہ کے نبی صلی اللہ علیہ وآلہ وسلم ! میں نے آپ کے ساتھ عشاء کی نماز میں حاضری کو غنیمت سمجھا تو نبی اکرم صلی اللہ علیہ وآلہ وسلم نے وہ شاخ مجھے عطا کی اور فرمایا شیطان تمہارے پیچھے تمہارے گھر والوں کے پاس آگیا تھ اتم یہ شاخ لے جاؤ اور اسے اس وقت تک پکڑ کے رکھنا جب تک تم اپنے گھر نہیں پہنچ جاتے اور پھر اپنے گھر کے ہر ایک گوشے میں یہ شاخ مارنا ( حضرت قتادہ رضی اللہ عنہ بیان کرتے ہیں : ) میں مسجد سے نکلا تو وہ شاخ یوں روشن ہو گئی ، جیسے شمع روشن ہوتی ہے ، میں اس کی روشنی میں چلتا ہوا اپنے گھر آیا جب میں اپنے گھر آیا تو میں نے اپنے گھر والوں کو پایا کہ وہ سو چکے تھے میں نے گھر کے ایک گوشے میں جائزہ لیا تو وہاں قنفذ موجود تھا میں نے اسے مسلسل چھڑی کے ذریعے مارتا رہا یہاں تک کہ وہ باہر چلا گیا۔ یہ روایت امام طبرانی نے معجم کبیر میں نقل کی ہے، آگے چل کر ایک حدیث آئے گی ، جسے امام احمد نے نقل کیا ہے ، وہ اس سے زیادہ طویل حدیث ہے وہ جمعہ اور اس میں موجود مخصوص گھڑی سے متعلق باب میں آئے گی اگر اللہ تعالیٰ نے چاہا اس روایت کے رجال کی توثیق کی گئی ہے ۔

قَتَادَةَ

2155 - وَعَنْ أَبِي بَكْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «مَنْ صَلَّى الصُّبْحَ فِي جَمَاعَةٍ فَهُوَ فِي ذِمَّةِ اللَّهِ، فَمَنْ أَخَفَرَ ذِمَّةَ اللَّهِ كَبَّهُ اللَّهُ فِي النَّارِ لِوَجْهِهِ». رَوَاهُ الطَّبَرَانِيُّ فِي الْكَبِيرِ فِي أَثْنَاءِ حَدِيثٍ، وَهَذَا لَفْظُهُ وَرِجَالُهُ رِجَالُ الصَّحِيحِ. وَتَأْتِي أَحَادِيثُ مِنْ هَذَا الْبَابِ فِي الْفِتَنِ إِنْ شَاءَ اللَّهُ وَقَدْ تَقَدَّمَ شَيْءٌ مِنْهَا فِي فَضْلِ الصَّلَاةِ.

حضرت ابو بکرہ رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے :" جو شخص صبح کی نماز باجماعت ادا کرتا ہے وہ اللہ تعالیٰ کی پناہ میں ہوتا ہے ، اور جو شخص اللہ تعالیٰ کی پناہ کی خلاف ورزی کرتا ہے اللہ تعالیٰ اسے چہرے کے بل اوندھا کرکے جہنم میں ڈال دے گا"۔ یہ روایت امام طبرانی نے معجم کبیر میں ایک حدیث کے درمیان میں نقل کی ہے ، روایت کے یہ الفاظ ان کے نقل کردہ ہیں اور اس کے رجال " صحیح " کے رجال ہیں ۔ اس باب سے تعلق رکھنے والی کچھ احادیث آگے چل کر فتنوں سے متعلق باب میں آئیں گی اگر اللہ نے چاہا اور اس موضوع سے متعلق کچھ روایات نماز کی فضیلت سے متعلق باب میں گزر چکی ہیں ۔

أَبِي بَكْرَةَ

2156 - وَعَنْ أَبِي أُمَامَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَنْ تَوَضَّأَ ثُمَّ أَتَى الْمَسْجِدَ فَصَلَّى رَكْعَتَيْنِ قَبْلَ الْفَجْرِ ثُمَّ جَلَسَ حَتَّى يُصَلِّيَ الْفَجْرَ كُتِبَتْ صَلَاتُهُ يَوْمَئِذٍ فِي صَلَاةِ الْأَبْرَارِ، وَكُتِبَ فِي وَفْدِ الرَّحْمَنِ» ". رَوَاهُ الطَّبَرَانِيُّ فِي الْكَبِيرِ وَفِيهِ الْقَاسِمُ أَبُو عَبْدِ الرَّحْمَنِ وَهُوَ مُخْتَلَفٌ فِي الِاحْتِجَاجِ بِهِ.

حضرت ابو امامہ رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں : " جو شخص وضو کرکے مسجد میں آتا ہے ،اور پھر فجر سے پہلے دو رکعت ادا کرتا ہے پھر وہ بیٹھ جاتا ہے یہاں تک کہ فجر تک کی نماز ادا کرتا ہے ، تو اس کی نماز اس دن میں نیکو کاروں کی نماز میں نوٹ کی جاتی ہے ، اور اس کا شمار رحمان کے ملاقاتیوں ( یعنی مہمانوں ) میں ہوتا ہے "۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی قاسم ابو عبدالرحمٰن ہے ، جس سے استدلال کرنے کے بارے میں اختلاف کیا گیا ہے۔

اَبِیْ اُمَامَۃَ،