Majma uz Zawaid Wa Manba ul Fawaid

6781 - عَنْ جَابِرِ بْنِ عَبْدِ اللَّهِ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «مَنْ أَحْيَا أَرْضًا وَعِرَةً مِنَ الْمِصْرِ أَوْ مَيْتَةً مِنَ الْمِصْرِ فَهِيَ لَهُ». رَوَاهُ أَحْمَدُ، وَفِيهِ لَيْثُ بْنُ أَبِي سُلَيْمٍ، وَهُوَ مُدَلِّسٌ.

حضرت جابر بن عبد الله رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’جو شہر کی سخت (یعنی پتھریلی اور دشوار) زمین کو آباد کرتا ہے، یا شہرکی مردار (یعنی بنجر) زمین کو آباد کرتا ہے، تو وہ زمین اس کی ہوگی‘‘۔ یہ روایت امام احمد نے نقل کی ہے، اس کی سند میں ایک راوی لیث بن ابوسلیم ہے اور وہ تدلیس کرنے والا ہے۔

النَّبِيِّ ← جَابِرِ بْنِ عَبْدِ اللَّهِ:

6782 - وَعَنْ أُمِّ سَلَمَةَ أَنَّهَا سَمِعَتْ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «مَا مِنِ امْرِئٍ يُحْيِي أَرْضًا فَتَشْرَبُ مِنْهَا كَبِدٌ حَرَّى أَوْ تُصِيبُ مِنْهَا عَافِيَةٌ إِلَّا كَتَبَ اللَّهُ لَهُ بِهِ أَجْرًا». رَوَاهُ الطَّبَرَانِيُّ فِي الْأَوْسَطِ، وَفِيهِ مُوسَى بْنُ يَعْقُوبَ الزَّمْعِيُّ وَثَّقَهُ ابْنُ مَعِينٍ وَابْنُ حِبَّانَ، وَضَعَّفَهُ ابْنُ الْمَدِينِيِّ، وَتَفَرَّدَ عَنْ قُرَيْبَةَ شَيْخَتِهِ.

سیّدہ اُمّ سلمہ رضی اللہ عنہ بیان کرتی ہیں: انہوں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ’’جو شخص ( بنجر) زمین کو آباد کرتا ہے (یعنی وہاں کھیتی باڑی کرتا ہے) تو وہاں سے جو بھی جاندار چیز کچھ پیتی ہے یا رزق کا متلاشی جو کوئی (جاندار) وہاں سے کچھ حاصل کرتا ہے، تو اس کی وجہ سے اللہ تعالیٰ اس شخص کے لئے اجرنوٹ کرتا ہے‘‘۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی موسیٰ بن یعقوب زمعی ہے، جسے یحییٰ بن معین اور ابن حبان نے ثقہ قرار دیا ہے، ابن مدینی نے اسے ضعیف کہا ہے، وہ اپنی استانی قریبہ سے روایت نقل کرنے میں منفرد ہے۔

أُمِّ سَلَمَةَ

6783 - وَعَنْ فَضَالَةَ بْنِ عُبَيْدٍ، قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «الْأَرْضُ أَرْضُ اللَّهِ، وَالْعِبَادُ عِبَادُ اللَّهِ، مَنْ أَحْيَا مَوَاتًا فَهِيَ لَهُ». رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

حضرت فضالہ بن عبید رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا:’’ ساری زمین، اللہ کی زمین ہے اور سارے بندے، اللہ کے بندے ہیں، جو شخص بنجر زمین کو آباد کرتا ہے، وہ اس کی ہوگی‘‘۔ یہ روایت امام طبرانی نے معجم کی میں نقل کی ہے، اور اس کے رجال صحیح کے رجال ہیں۔

فَضَالَةَ بْنَ عُبَيْدٍ

6784 - وَعَنْ عَمْرِو بْنِ عَوْفٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «مَنْ أَحْيَا مَوَاتًا مِنَ الْأَرْضِ فِي غَيْرِ حَقِّ مُسْلِمٍ فَهُوَ لَهُ وَلَيْسَ لِعِرْقٍ ظَالِمٍ حَقٌّ». رَوَاهُ الطَّبَرَانِيُّ فِي الْكَبِيرِ، وَفِيهِ كَثِيرُ بْنُ عَبْدِ اللَّهِ، وَهُوَ ضَعِيفٌ.

حضرت عمرو بن عوف رضی اللہ عنہ نبی اکرم صلى الله علیہ وسلم کا فرمان نقل کرتے ہیں:’’جو شخص زمین میں سے بنجر حصے کو آباد کرتا ہے، جو کسی مسلمان کا نہ ہو، تو وہ زمین اس کی ہوگی اورکسی کو ظلم کے طور پروہاں پودا لگانے (یا زمین غصب کرنے) کا حق نہیں ہوگا‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی کثیر بن عبداللہ ہے اور وہ ضعیف ہے۔

النَّبِيِّ ← عَمْرُو بْنُ عَوْفٍ،

6785 - وَعَنْ عَائِشَةَ أَنَّهَا سَمِعَتْ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «مَنْ أَحْيَا أَرْضًا مَوَاتًا فَهِيَ لَهُ، وَلَيْسَ لِعِرْقٍ ظَالِمٍ حَقٌّ ". وَزَادَ فِي رِوَايَةٍ: فَقَالَ عُمَرُ بْنُ عَبْدِ الْعَزِيزِ - يَعْنِي لِعُرْوَةَ - تَشْهَدُ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ هَذَا؟ قَالَ: أَشْهَدُ أَنَّ عَائِشَةَ حَدَّثَتْنِي بِهَذَا عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَأَشْهَدُ أَنَّ عَائِشَةَ مَا كَذَبَتْنِي». رَوَاهُ كُلُّهُ الطَّبَرَانِيُّ فِي الْأَوْسَطِ بِإِسْنَادَيْنِ فِي أَحَدِهِمَا عِصَامُ بْنُ رَوَّادِ بْنِ الْجَرَّاحِ، قَالَ الذَّهَبِيُّ: لَيَّنَهُ أَبُو أَحْمَدَ الْحَاكِمُ، وَبَقِيَّةُ رِجَالِهِ ثِقَاتٌ، وَفِي إِسْنَادِ الْآخَرِ: رَاوٍ كَذَّابٌ.

سیّدہ عائشہ صدیقہ رضی اللہ عنہ بیان کرتی ہیں: انہوں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ’’جو شخص بنجر زمین کو آباد کرتا ہے، وہ اس کی ہوگی اور کسی کو ظلم کے طور پر وہاں پودا لگانے (یاز مین غصب کرنے) کا حق نہیں ہوگا‘‘۔ ایک روایت میں یہ الفاظ زائد ہیں: ایک مرتبہ حضرت عمر بن عبدالعزیز نے عروہ سے کہا: کیا آپ اس بات کی گواہی دیتے ہیں کہ آپ نے اسی طرح ارشاد فرمایا ہے، انہوں نے فرمایا: میں اس بات کی گواہی دیتا ہوں کہ سیّدہ عائشہ رضی اللہ عنہ نے یہ حدیث مجھے نبی اکرم صلی اللہ علیہ وسلم کے حوالے سے بیان کی ہے، اور میں اس بات کی بھی گواہی دیتا ہوں کہ سیّدہ عائشہ رضی اللہ عنہ نے میرے ساتھ غلط بیانی نہیں کی ہے۔ یہ تمام روایات امام طبرانی نے معجم اوسط میں دو اسناد کے ساتھ نقل کی ہیں، جن میں سے ایک سند میں ایک راوی عصام بن رواد بن جراح ہے امام ذہبی کہتے ہیں: ابواحمدحاکم نے اسے کمزو قرار دیا ہے، اس روایت کے بقيہ رجال ثقہ ہیں۔ دوسری روایت کی سند میں ایک کذاب راوی ہے۔

عَائِشَةَ

6786 - وَعَنْ عَبْدِ اللَّهِ بْنِ عَمْرٍو قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «مَنْ أَحْيَا أَرْضًا مَيْتَةً فَهِيَ لَهُ وَلَيْسَ لِعِرْقٍ ظَالِمٍ حَقٌّ». رَوَاهُ الطَّبَرَانِيُّ فِي الْأَوْسَطِ، وَفِيهِ مُسْلِمُ بْنُ خَالِدٍ الزَّنْجِيُّ وَثَّقَهُ ابْنُ مَعِينٍ وَغَيْرُهُ، وَضَعَّفَهُ أَحْمَدُ وَغَيْرُهُ.

حضرت عبداللہ بن عمرو رضی اللہ عنہ روایت کرتے ہیں: نبی اکرم صلى الله علیہ وسلم نے ارشاد فرمایا: ’’جو شخص بنجر زمین کو آباد کرتا ہے، تو وہ اس کی ہوگی، اور کسی کوظلم کے طور پر وہاں پودالگانے (یا زمین غصب کرنے) کا حق نہیں ہوگا‘‘۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی مسلم بن خالد زنگی ہے، جسے یحییٰ بن معین اور دیگر حضرات نے ثقہ قراردیا ہے،امام احمد اور دیگر حضرات نے اسے ضعیف کہا ہے۔

عَبْدِ اللہِ بْنِ عَمْرٍو

6787 - «وَعَنْ أُمِّ سَلَمَةَ أَنَّهَا كَانَتْ تُفَلِّي رَأْسَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَجَاءَتْ زَيْنَبُ امْرَأَةُ عَبْدِ اللَّهِ بْنِ مَسْعُودٍ فَجَعَلَتْ تُكَلِّمُنِي وَأُكَلِّمُهَا وَرَفَعْتُ بَصَرِي إِلَيْهَا فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " أَقْبِلِي عَلَيْهَا بِأُذُنَيْكِ، فَإِنَّكِ لَسْتِ تُكَلِّمِيهَا بِعَيْنَيْكِ ". قَالَتْ زَيْنَبُ: فَجَعَلْتُ أَشْكُو ضِيقَ الْمَسْكَنِ فَقَالَ: " هَذَا كَمَا صَنَعَتِ امْرَأَةُ عُثْمَانَ بْنِ مَظْعُونٍ لَمْ يَسَعْهَا مَا نَزَلَتْ حَتَّى نَزَلَ عَلَى رَأْسِهَا ". فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " كَذَاكَ مَنِ اخْتَطَّ خُطَّةً بِالْمَدِينَةِ مِنَ الْمُهَاجِرَاتِ فَلَهَا خُطَّتُهَا ". فَوَرِثَتْ نَصِيبَهَا مِنْ دَارِ عَبْدِ اللَّهِ وَأَحْرَزَتْ دَارَهَا بِالْمَدِينَةِ». رَوَاهُ الطَّبَرَانِيُّ فِي الْكَبِيرِ، وَفِيهِ قَيْسُ بْنُ الرَّبِيعِ وَثَّقَهُ شُعْبَةُ وَغَيْرُهُ، وَضَعَّفَهُ ابْنُ مَعِينٍ، وَغَيْرُهُ.

سیّدہ اُمّ سلمہ رضی اللہ عنہ بیان کرتی ہیں: وہ نبی اکرم صلی اللہ علیہ وسلم کے سر سے جوئیں نکال رہی تھیں کہ اسی دوران حضرت عبداللہ بن مسعود رضی اللہ عنہ کی اہلیہ زینب آگئیں، وہ میرے ساتھ بات چیت کرنے لگی، اور میں ان کے ساتھ بات چیت کرنے لگی میں نے نگاہ اٹھا کر ان کی طرف دیکھا، تو نبی اکرم صلی اللہ علیہ وسلم نے ارشاد فرمایا: تم صرف کانوں کے ساتھ اس کی طرف متوجہ رہو، تم آنکھوں کے ساتھ اس کے ساتھ بات نہیں کررہی ہو، زینب نے کہا: میں گھر کی تنگی کی شکایت کرنا چاہ رہی تھی، نبی اکرم صلی اللہ علیہ وسلم نے فرمایا: عثمان بن مظعون کی اہلیہ نے بھی اسی طرح کیا تھا، جو صورت حال اس پرنازل ہوئی تھی وہ اس کی برداشت میں نہیں تھی، یہاں تک کہ وہ اس کے سر پر نازل ہوگئی، نبی اکرم صلى الله علیہ وسلم نے ارشاد فرمایا: اسی طرح مہاجر خواتین میں سے جو بھی، مدینہ میں نشان زد کرے گی، تو اُس کے لگائے ہوئے نشان کے مطابق اسے ملے گا۔ راوی بیان کرتے ہیں: تو وہ خاتون، حضرت عبداللہ بن مسعود رضی اللہ عنہ کے گھر میں اپنے حصے کی وارث بنی تھیں، اور انہوں نے مدینہ منورہ میں اپنا گھر محفوظ رکھا تھا (یعنی وہ بھی ان کے پاس رہا تھا)۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی قیس بن ربیع ہے، جسے شعبہ اور دیگر حضرات نے ثقہ قراردیا ہے یحییٰ بن معین اور دیگر حضرات نے اسے ضعیف کہا ہے۔

ثَّقَهُ شُعْبَةُ وَغَيْرُهُ، وَضَعَّفَهُ ابْنُ مَعِينٍ، وَغَيْرُهُ. ← فِيهِ قَيْسُ بْنُ الرَّبِيعِ،