Majma uz Zawaid Wa Manba ul Fawaid

4766 - عَنْ عُقْبَةَ بْنِ عَامِرٍ، «أَنَّ غُلَامًا أَتَى النَّبِيَّ - صَلَّى اللَّهُ عَلَيْهِ وَسَلَّمَ - وَقَالَ مُوسَى فِي حَدِيثِهِ: سَأَلْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ، إِنَّ أُمِّي مَاتَتْ وَتَرَكَتْ حُلِيًّا، أَفَأَتَصَدَّقُ بِهِ عَنْهَا؟ قَالَ: " أُمُّكَ أَمَرَتْكَ بِذَلِكَ؟ ". قَالَ: لَا. قَالَ: " فَأَمْسِكْ عَلَيْكَ حُلِيَّ أُمِّكَ». رَوَاهُ أَحْمَدُ، وَالطَّبَرَانِيُّ فِي الْكَبِيرِ إِلَّا أَنَّهُ قَالَ: «إِنَّ أُمِّي تُوُفِّيَتْ، وَتَرَكَتْ حُلِيًّا وَلَمْ تُوصِ، فَهَلْ يَنْفَعُهَا إِنْ تَصَدَّقْتُ عَنْهَا؟ قَالَ: " احْبِسْ عَلَيْكَ مَالَكَ». وَرِجَالُ الطَّبَرَانِيِّ رِجَالُ الصَّحِيحِ، وَفِي إِسْنَادِ أَحْمَدَ: ابْنُ لَهِيعَةَ.

حضرت عقبہ بن عامر رضی اللہ عنہ نے بیان کرتے ہیں: ایک شخص نبی اکرم صلی اللہ علیہ وسلم کی خدمت میں حاضر ہوایہاں موسی ٰنامی راوی نے اپنی روایت میں یہ الفاظ نقل کیے ہیں: میں نے نبی اکرم صلی اللہ علیہ وسلم سے سوال کیا اس نے کہا: یا رسول اللہ! میری والدہ کا انتقال ہو گیا ہے۔ انہوں نے زیور چھوڑا ہے کیا میں اس کو ان کی طرف سے صدقہ کردوں نبی اکرم صلی اللہ علیہ وسلم نے دریافت کیا: ’’کیا تمہاری ماں نے تمہیں اس بات کا حکم دیا تھا انہوں نے جواب دیا: جی نہیں نبی اکرم صلی اللہ علیہ وسلم نے فرمایا: تم اپنی ماں کے زیور کو اپنے پاس رکھو‘‘۔ یہ روایت امام احمد نے نقل کی ہے۔ امام طبرانی نے معجم کبیر میں نقل کی ہے، تاہم اس میں انہوں نے یہ الفاظ نقل کیے ہیں: ’’میری والدہ کا انتقال ہو گیا انہوں نے زیور چھوڑا اس کے بعد انہوں نے وصیت نہیں کی کیا انہیں اس کا فائدہ ہوگا اگر میں ان کی طرف سے اسے صدقہ کردوں نبی اکرم صلی اللہ علیہ وسلم نے ارشادفرمایا: تم اپنامال اپنے پاس رکھو‘‘۔ امام طبرانی کے رجال ’’صحیح‘‘ کے رجال ہیں اور امام احمد کی سند میں ایک راوی ابن لہیعہ ہے۔

مُوسَى فِي حَدِيثِهِ: سَأَلْتُ رَسُولَ اللَّهِ ← عُقْبَةَ بْنِ عَامِرٍ أَنَّ غُلَامًا أَتَى النَّبِيَّ

4767 - وَعَنْ أَنَسٍ «أَنَّ سَعْدًا أَتَى النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ، إِنَّ أُمِّي تُوُفِّيَتْ وَلَمْ تُوصِ أَفَيَنْفَعُهَا أَنْ أَتَصَدَّقَ عَلَيْهَا؟ قَالَ: " نَعَمْ، وَعَلَيْكَ بِالْمَاءِ». رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ.

حضرت انس رضی اللہ عنہ بیان کرتے ہیں: حضرت سعد رضی اللہ عنہ نبی اکرم صلی اللہ علیہ وسلم کی خدمت میں حاضر ہوئے انہوں نے عرض کیا : یا رسول اللہ! میری والدہ کا انتقال ہو گیا ہے وہ کوئی وصیت نہیں کر سکی ہیں اگر میں ان کی طرف سے صدقہ کردوں تو کیا اس کا انہیں فائدہ ہوگا؟ نبی اکرم صلى الله عليہ وسلم نے ارشادفرمایا: جی ہاں ۔ اورتم پر پانی (کے حوالے سے صدقہ کرنا) لازم ہے‘‘۔ یہ روایت امام طبرانی نے معجم اوسط میں نقل کی ہے اور اس کے رجال ’’صحیح‘‘ کے رجال ہیں۔

أنس أنَّ سعداً أتى النبيَّ

4768 - وَعَنْ سَهْلِ بْنِ عُبَادَةَ قَالَ: «جِئْتُ إِلَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقُلْتُ: تُوُفِّيَتْ أُمِّي وَلَمْ تُوصِ وَلَمْ تَتَصَدَّقْ، فَهَلْ يَقْبَلُ إِنْ تَصَدَّقْتُ عَنْهَا؟ فَهَلْ يَنْفَعُهَا ذَلِكَ؟ قَالَ: " نَعَمْ وَلَوْ بِكُرَاعِ شَاةٍ مُحْتَرِقٍ». قُلْتُ: لِسَعْدٍ عِنْدَ أَبِي دَاوُدَ حَدِيثٌ غَيْرُ هَذَا. رَوَاهُ الطَّبَرَانِيُّ فِي الْأَوْسَطِ، وَفِيهِ مُحَمَّدُ بْنُ كُرَيْبٍ، وَهُوَ ضَعِيفٌ.

حضرت سہل بن عبادہ رضی اللہ عنہ بیان کرتے ہیں: میں نبی اکرم صلی اللہ علیہ وسلم کی خدمت میں حاضر ہوا، میں نے عرض کی: میری والدہ کا انتقال ہو گیا ہے، وہ کوئی وصیت نہیں کرسکیں، اور صدقہ نہیں کرسکیں، اگر میں ان کی طرف سے صدقہ کردوں، تو کیا یہ قبول ہو گا ؟ کیا یہ اُنہیں فائدہ دے گا؟ نبی اکرم صلى الله عليہ وسلم نے ارشادفرمایا: جی ہاں ! خواہ تم ایک جلے ہوئے پائے کو (صدقہ کرو، تو اس کا بھی اُنہیں اجر ملے گا)"۔ (علامہ ہیثمی فرماتے ہیں:) میں یہ کہتا ہوں: حضرت سعد رضی اللہ عنہ کے حوالے سے منقول حدیث امام ابوداؤد نے نقل کیا ہے، لیکن وہ اس حدیث کے علاوہ ہے۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی محمد بن کریب ہے، اور وہ ضعیف ہے۔

سهل بن عبادة.

4769 - وَعَنْ عَبْدِ اللَّهِ بْنِ عَمْرٍو قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «إِذَا تَصَدَّقَ بِصَدَقَةٍ تَطَوُّعًا أَنْ يَجْعَلُهَا عَنْ أَبَوَيْهِ فَيَكُونُ لَهُمَا أَجْرُهَا وَلَا يَنْتَقِصُ مِنْ أَجْرِهِ شَيْئًا». رَوَاهُ الطَّبَرَانِيُّ فِي الْأَوْسَطِ، وَفِيهِ خَارِجَةُ بْنُ مُصْعَبٍ الضَّبِّيُّ، وَهُوَ ضَعِيفٌ.

حضرت عبداللہ بن عمرو رضی اللہ عنہ روایت کرتے ہیں: نبی اکرم صلی اللہ علیہ و سلم نے ارشاد فرمایا: ’’جب کوئی شخص کوئی نفلی صدقہ کرے، تو اسے چاہیے کہ وہ اپنے والدین کے حوالے سے اُسے کرے، اس طرح اُس کے والدین کو اُس کا اجر ملے گا، اور اس شخص کے اجر میں بھی کوئی کمی نہیں ہوگی‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی خارجہ بن مصعب ضبی ہے اور وہ ضعیف ہے۔

عَبْدِ اللہِ بْنِ عَمْرٍو

4770 - وَعَنْ أَنَسِ بْنِ مَالِكٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «مَا مِنْ أَهْلِ بَيْتٍ يَمُوتُ مِنْهُمْ مَيِّتٌ فَيَتَصَدَّقُونَ عَنْهُ بَعْدَ مَوْتِهِ إِلَّا أَهْدَاهَا لَهُ جِبْرِيلُ عَلَيْهِ السَّلَامُ عَلَى طَبَقٍ مِنْ نُورٍ، ثُمَّ يَقِفُ عَلَى شَفِيرِ الْقَبْرِ فَيَقُولُ: يَا صَاحِبَ الْقَبْرِ الْعَمِيقِ، هَذِهِ هَدِيَّةٌ أَهْدَاهَا إِلَيْكَ أَهْلُكَ فَاقْبَلْهَا، فَيَدْخُلُ عَلَيْهِ فَيَفْرَحُ بِهَا وَيَسْتَبْشِرُ، وَيَحْزَنُ جِيرَانُهُ الَّذِينَ لَا يُهْدَى إِلَيْهِمْ شَيْءٌ». رَوَاهُ الطَّبَرَانِيُّ فِي الْأَوْسَطِ، وَفِيهِ أَبُو مُحَمَّدٍ الشَّامِيُّ قَالَ عَنْهُ الْأَزْدِيُّ: كَذَّابٌ.

حضرت انس بن مالک رضی اللہ عنہ روایت کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا: جس بھی گھرانے کے افراد میں سے، کوئی شخص مر جائے اور وہ لوگ اس کے مرنے کے بعد، اس کی طرف سے کوئی چیز صدقہ کریں، تو حضرت جبرائیل علیہ السلام نور کے بنے ہوئے طبق میں، وہ چیز اس مردے کو تحفے کے طور پر دیتے ہیں، اور پھر وہ قبر کے کنارے پر کھڑے ہوجاتے ہیں، اور یہ کہتے ہیں: اے گہری قبروالے شخص! یہ ہدیہ ہے، جو تمہارے اہل خانہ نے تمہاری طرف بھیجا ہے، تم اسے قبول کرو! پھر وہ اُس ہدیہ کو اس کے پاس لاتے ہیں، تو وہ اس حوالے سے خوش ہوتا ہے، اور خوش خبری حاصل کرتا ہے، اور اس کے پڑوسی غمگین ہوجاتے ہیں، جن کی طرف کوئی چیز تحفے کے طور پر نہیں بھیجی گئی ہوتی‘‘۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی ابو محمد شامی ہے، جس کے بارے میں ازدی نے یہ کہا ہے: یہ کذاب ہے۔

اَنَسِ بْنِ مَالِکٍ،