Majma uz Zawaid Wa Manba ul Fawaid

6791 - عَنْ سَعْدِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «الْجَارُ أَحَقُّ بِسَقَبِهِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ الْكَرِيمِ أَبُو أُمَيَّةَ، وَهُوَ ضَعِيفٌ.

حضرت سعد بن مالک رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’پڑوسی اپنے قرب (یعنی پڑوس) کا زیادہ حق دار ہوتا ہے‘‘۔ یہ روایت امام طبرانی نے معجم اوسط میں نقل کی ہے، اور اس کی سند میں ایک راوی عبد الکریم ابوامیہ ہے اور وہ ضعیف ہے۔

سَعْدِ بْنِ مَالِکٍ

6792 - وَعَنِ ابْنِ عُمَرَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «الْجَارُ أَحَقُّ بِسَقَبِهِ مَا كَانَ». رَوَاهُ الطَّبَرَانِيُّ فِي الْأَوْسَطِ، وَفِيهِ عُبَيْدُ بْنُ كَثِيرٍ التَّمَّارُ، وَهُوَ مَتْرُوكٌ.

حضرت عبداللہ بن عمر رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’پڑوسی، اپنے قرب (یعنی پڑوس) کا زیادہ رکھتا ہے خواہ وہ جوبھی ہو‘‘۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی عبید بن کثیر تمار ہے اور وہ متروک ہے۔

النَّبِيِّ ← ابْنِ عُمَرَ

6793 - وَعَنْ أَبِي رَافِعٍ أَنَّهُ بَاعَ قِطْعَةً أَقْطَعُهُ إِيَّاهَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - عِنْدَ دَارِ سَعْدِ بْنِ أَبِي وَقَّاصٍ بِثَمَانِيَةِ آلَافِ دِرْهَمٍ قَالَ: وَكَانَ رَجُلٌ قَدْ سَبَقَهُ بِهَا قَبْلُ، فَأَعْطَاهُ بِهَا عَشَرَةَ آلَافِ دِرْهَمٍ، فَأَبَيْتُ أَنْ يَبْتَعَ مِنْهُ، فَقَالَ أَبُو رَافِعٍ: إِنِّي سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «أَهْلُ الرَّكْحِ أَحَقُّ بِرَكْحِهِمْ». وَكَانَ سَعْدٌ أَسْقَبَ. قُلْتُ: هُوَ فِي الصَّحِيحِ بِغَيْرِ لَفْظِهِ. رَوَاهُ الطَّبَرَانِيُّ فِي الْأَوْسَطِ، وَفِيهِ إِبْرَاهِيمُ بْنُ عَلِيِّ بْنِ حَسَنِ الرَّافِعِيِّ وَثَّقَهُ ابْنُ مَعِينٍ، وَضَعَّفَهُ الْبُخَارِيُّ وَجَمَاعَةٌ.

حضرت ابورافع رضی اللہ عنہ کے بارے میں یہ بات منقول ہے: انہوں نے ایک قطعہ اراضی فروخت کیا، جو انہیں نبی اکرم صلی اللہ علیہ وسلم نے جاگیر کے طور پر عطا کیا تھا، وہ حضرت سعد بن ابی وقاص رضی اللہ عنہ کے گھر کے پاس تھا، وہ انہوں نے آٹھ ہزار درہم کے عوض میں فروخت کیا انہوں نے یہ بات بیان کی کہ اس سے پہلے ایک شخص انہیں پیش کش کر چکا تھا، وہ انہیں اس کے دس ہزار درہم دے رہا تھا، لیکن میں نے اس کو اُسے فروخت کرنے سے انکار کر دیا، حضرت ابورافع رضی اللہ عنہ نے یہ بتایا کہ میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے:’’گھر کے پچھلے کنارے کی طرف کے لوگ اپنے پچھلے کنارے کے بارے میں زیادہ حق رکھتے ہیں‘‘۔ (راوی بیان کرتے ہیں:) تو حضرت سعد رضی اللہ عنہ (اُن کے سب سے زیادہ) قریبی (پڑوسی) تھے۔ (علامہ ہایثمی فرماتے ہیں:) میں یہ کہتا ہوں : یہ روایت ’’صحیح‘‘ میں ان الفاظ کے علاوہ منقول ہے۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی ابراہیم بن علی بن حسن رافعی ہے، جسے یحییٰ بن معین نے ثقہ قرار دیا ہے، امام بخاری اور ایک جماعت نے اسے ضعیف کہا ہے۔

أَبِي رَافِعٍ

6794 - «وَعَنْ يَزِيدَ بْنِ الْأَسْوَدِ قَالَ: أَنْشَدْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - مِنْ شِعْرِ أُمَيَّةَ بْنِ أَبِي الصَّلْتِ مِائَةَ قَافِيَةٍ كُلَمَّا مَرَرْتُ بِبَيْتٍ قَالَ: " هِيهِ ". وَسَمِعْتُهُ يَقُولُ فِي مَجْلِسِهِ ذَلِكَ: " الْجَارُ أَحَقُّ بِسَقَبِهِ». رَوَاهُ الطَّبَرَانِيُّ فِي الْكَبِيرِ، وَفِيهِ خَالِدُ بْنُ يَزِيدَ الْأُمَوِيُّ (*)، وَهُوَ مَتْرُوكٌ، وَنُسِبَ إِلَى الْكَذِبِ، وَوَثَّقَهُ ابْنُ حِبَّانَ وَذَكَرَهُ فِي الضُّعَفَاءِ وَقَالَ: يَنْفَرِدُ عَنِ الثِّقَاتِ بِالْمَوْضُوعَاتِ. عَلَى أَنَّ هَذَا الْحَدِيثَ قَدْ صَحَّ مِنْ غَيْرِ طَرِيقِهِ.

حضرت یزید بن اسود رضی اللہ عنہ بیان کرتے ہیں : میں نے نبی اکرم صلی اللہ علیہ وسلم کو امیہ بن ابوصلت کے ایک سو اشعار سنائے جب بھی میں آپ کو کوئی شعر سناتا، تو آپ فرماتے اور سناؤ! آپ نے اِسی محفل میں یہ بات ارشاد فرمائی: ’’پڑوسی، اپنے قرب (یعنی پڑوس) کا زیادہ حق دار ہوتا ہے‘‘۔ اس کی سند میں ایک راوی خالد بن یزید اموی ہے اور وہ متروک ہے، اس کی نسبت جھوٹ کی طرف کی گئی ہے، ابن حبان نے اسے ثقہ قرار دیا ہے اور اس کا ذکر کتاب ’’الضعفاء‘‘ میں کیا ہے وہ یہ کہتے ہیں: یہ ثقہ راویوں سے موضوع روایت نقل کرنے میں منفرد ہے، اگرچہ یہ حدیث دوسرے حوالوں سے مستند طور پر منقول ہے۔

الثِّقَاتِ بِالْمَوْضُوعَاتِ. عَلَى ← يَنْفَرِدُ ← نُسِبَ إِلَى الْكَذِبِ، وَوَثَّقَهُ ابْنُ حِبَّانَ وَذَكَرَهُ فِي الضُّعَفَاءِ ← فِيهِ خَالِدُ بْنُ يَزِيدَ الْأُمَوِيُّ وَهُوَ مَتْرُوكٌ، ← فِي مَجْلِسِهِ ذَلِكَ: الْجَارُ أَحَقُّ بِسَقَبِهِ». رَوَاهُ الطَّبَرَانِيُّ فِي الْكَبِيرِ، ← «هِيهْ» ← أَنْشَدْتُ رَسُولَ اللَّهِ مِنْ شِعْرِ أُمَيَّةَ بْنِ أَبِي الصَّلْتِ مِائَةَ قَافِيَةٍ كُلَمَّا مَرَرْتُ بِبَيْتٍ ← يزيد بن الأسود

6795 - وَعَنْ عُبَادَةَ بْنِ الصَّامِتِ قَالَ: «قَضَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِالشُّفْعَةِ بَيْنَ الشُّرَكَاءِ». رَوَاهُ الطَّبَرَانِيُّ فِي الْكَبِيرِ. وَإِسْحَاقُ لَمْ يُدْرِكْ عُبَادَةَ.

حضرت عبادہ بن صامت رضی اللہ عنہ بیان کرتے ہیں: نبی اکرم صلی اللہ علیہ وسلم نے شراکت داروں کے درمیان شفعہ ہونے کا فیصلہ دیا تھا۔ یہ روایت امام طبرانی نے معجم کبیر میں نقل کی ہے، اسحاق نامی راوی نے حضرت عبادہ رضی اللہ عنہ کا زمانہ نہیں پایا ہے۔

عُبَادَةَ بْنِ الصَّامِتِ

6796 - وَعَنِ ابْنِ عُمَرَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «الشُّفْعَةُ فِي كُلِّ مَا لَمْ تَقَعِ الْحُدُودُ، فَإِذَا وَقَعَتِ الْحُدُودُ فَلَا شُفْعَةَ». رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ الرَّحْمَنِ بْنُ عَبْدِ اللَّهِ الْعُمَرِيُّ، وَكَانَ كَذَّابًا.

حضرت عبد الله بن عمر رضی اللہ عنہ بیان کرتے ہیں: نبی اکرم صلی اللہ علیہ وسلم نے ارشاد فرمایا: ’’شفعہ، ہر اُس چیز میں واقع ہوگا، جس میں حدود واقع نہ ہوئی ہوں، جب حدود واقع ہوجائیں، تو پھر شفعہ نہیں رہے گا‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی عبدالرحمن بن عبداللہ عمری اور وہ کذاب ہے۔

ابْنِ عُمَرَ

6797 - وَعَنْ زَيْدِ بْنِ ثَابِتٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «إِذَا وَقَعَتِ الْحُدُودُ فَلَا شُفْعَةَ». رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ الرَّحْمَنِ بْنُ أَبِي الزِّنَادِ، وَهُوَ ضَعِيفٌ، وَقَدْ وُثِّقَ.

حضرت زید بن ثابت رضی اللہ عنہ روایت کرتے ہیں: نبی اکرم صلى الله علیہ وسلم نے ارشاد فرمایا: ’’جب حدود واقع ہوجائیں، تو پھر شفعہ نہیں رہے گا‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی عبدالرحمن بن ابو زناد ہے اور وہ ضعیف ہے، ویسے اس کی توثیق کی گئی ہے۔

زَيْدِ بْنِ ثَابِتٍ،

6798 - وَعَنْ جَابِرِ بْنِ عَبْدِ اللَّهِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «الصَّبِيُّ عَلَى شُفْعَتِهِ حَتَّى يُدْرِكَ فَإِذَا أَدْرَكَ إِنْ شَاءَ أَخَذَ، وَإِنْ شَاءَ تَرَكَ». رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَفِيهِ عَبْدُ اللَّهِ بْنُ بَزِيعٍ، وَهُوَ ضَعِيفٌ.

حضرت جابر بن عبداللہ رضی اللہ عنہ روایت کرتے ہیں: نبی اکرم صلى الله علیہ وسلم نے ارشاد فرمایا: ”بچے کوشفعہ کاحق حاصل رہے گا، یہاں تک کہ جب وہ بالغ ہوجائے، جب وہ بالغ ہوجائے گا،تواگرچاہےگا،تواسےحاصل کرلےاوراگرچاہےگا،توترک کردےگا‘‘۔ یہ روایت امام طبرانی نے معجم صغیر اور معجم اوسط میں نقل کی ہے، اس کی سند ایک راوی عبداللہ بن بزیع ہے اور وہ ضعیف ہے۔

جَابِرِ بْنِ عَبْدِ اللَّهِ:

6799 - وَعَنْ أَنَسٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «لَا شُفْعَةَ لِنَصْرَانِيٍّ». رَوَاهُ الطَّبَرَانِيُّ فِي الصَّغِيرِ، وَفِيهِ نَايِلُ بْنُ نَجِيحٍ وَثَّقَهُ أَبُو حَاتِمٍ، وَضَعَّفَهُ غَيْرُهُ.

حضرت انس رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’عیسائی کو شفعہ کا حق نہیں ہوگا‘‘۔ یہ روایت امام طبرانی نے معجم صغیر میں نقل کی ہے، اس کی سند میں ایک راوی نایل بن نجیح ہے جسے ابوحاتم نے ثقہ قرار دیا ہے اور دیگر حضرات نے اسے ضعیف کہا ہے۔

أَنَسٍ،