Majma uz Zawaid Wa Manba ul Fawaid

4104 - عَنِ ابْنِ عَبَّاسٍ - رَضِيَ اللَّهُ عَنْهُمَا - قَالَ: «جَاءَ رَجُلٌ يُؤْذِنُ بِجِنَازَةِ النَّاسِ، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " أَيُّهَا النَّاسُ سَلُوا إِلَى اللَّهِ مَوْتَاكُمْ، وَلَا تُؤْذِنُونَ بِهِمُ النَّاسَ» ". رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ اللَّهِ بْنُ خِرَاشٍ ; ضَعَّفَهُ جَمَاعَةٌ، وَوَثَّقَهُ ابْنُ حِبَّانَ.

حضرت عبداللہ بن عباس رضی اللہ عنہ بیان کرتے ہیں: ایک شخص لوگوں کے جنازے کا اعلان کرنے کے لئے آیا تو نبی اکرم رضی اللہ عنہ نے ارشاد فرمایا:’’ اے لوگو! اپنے مرحومین کے بارے میں اللہ تعالی ٰسے دعا کرو اور لوگوں کو ان کے بارے میں اطلاع نہ دو‘‘ ۔ یہ روایت امام طبرانی نے معجم کبیر میں نقل کی ہے۔ اس کی سند میں ایک راوی عبداللہ بن خراش ہے ‘ جسے ایک جماعت نے ’’ضعیف‘‘ قرار دیا ہے۔ ابن حبان نے اسے ثقہ کہا ہے۔

«جَاءَ رَجُلٌ يُؤْذِنُ بِجِنَازَةِ النَّاسِ، ← ابْنِ عَبَّاسٍ،

4105 - وَعَنْ أَبِي سَعِيدٍ الْخُدْرِيِّ - رَضِيَ اللَّهُ عَنْهُ - قَالَ: «لَمَّا قَدِمَ الْمَدِينَةَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - كُنَّا نُؤْذِنُهُ بِمَنْ حَضَرَ مِنْ مَوْتَانَا، فَيَأْتِيهِ قَبْلَ أَنْ يَمُوتَ، فَيَحْضُرُهُ وَيَسْتَغْفِرُ لَهُ، وَيَنْتَظِرُ مَوْتَهُ، قَالَ: فَكَانَ ذَلِكَ رُبَّمَا حَبَسَهُ الْحَبْسَ الطَّوِيلَ فَيَشُقُّ عَلَيْهِ، قَالَ: فَقُلْنَا: إِنَّهُ أَرْفَقَ بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - أَنْ لَا نُؤْذِنَهُ بِالْمَيِّتِ حَتَّى يَمُوتَ، قَالَ: فَكُنَّا إِذَا مَاتَ الْمَيِّتُ آذَنَّاهُ بِهِ، فَجَاءَ فِي أَهْلِهِ، فَاسْتَغْفَرَ لَهُ وَصَلَّى عَلَيْهِ، ثُمَّ إِنْ بَدَا لَهُ أَنْ يَشْهَدَهُ انْتَظَرَ شُهُودَهُ، وَإِنْ بَدَا لَهُ أَنْ يَنْصَرِفَ انْصَرَفَ، قَالَ: فَكُنَّا عَلَى ذَلِكَ طَبَقَةً أُخْرَى؟ قَالَ: فَقُلْنَا: إِنَّهُ أَرْفَقُ بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - أَنْ نَحْمِلَ مَوْتَانَا إِلَى بَيْتِهِ وَلَا نُشَخِّصَهُ وَلَا نُتْعِبَهُ، قَالَ: فَفَعَلْنَا ذَلِكَ، فَكَانَ الْأَمَرُ». رَوَاهُ أَحْمَدُ، وَرِجَالُهُ ثِقَاتٌ.

حضرت ابوسعید خدری رضی اللہ عنہ بیان کرتے ہیں: جب نبی اکرم صلی اللہ علیہ وسلم مدینہ منورہ تشریف لائے تو ہمارا جو شخص قریب المرگ ہوتا تھا ہم اس کے بارے میں نبی اکرم صلی اللہ علیہ وسلم کو اطلاع دے دیتے تھے اس کے مرنے سے پہلے نبی اکرم صلی اللہ علیہ وسلم اس کے پاس تشریف لے آتے تھے۔ آپ اس کے پاس موجود ہوتے تھے اس کے لئے دعائے مغفرت کرتے تھے ‘ اور اس کی موت کا انتظار کیا کرتے تھے راوی بیان کرتے ہیں: بعض اوقات ایسا بھی ہوا کہ آپ کو خاصی دیر تک رکنا پڑتا تھا ‘ تو یہ بات آپ پر گراں گزرتی تھی راوی بیان کرتے ہیں: ہم نے طے کیا:نبی اکرم صلی اللہ علیہ وسلم کے لئے زیادہ موزوں یہ ہے کہ ہم کسی قریب المرگ شخص کے بارے میں اس وقت تک اطلاع نہ دیں جب تک اس کا انتقال نہیں ہو جاتا راوی کہتے ہیں : اسی طرح جب ایک شخص فوت ہوا تو ہم نے آپ کو اس کے بارے میں اطلاع دی نبی اکرم صلی اللہ علیہ وسلم اس کے اہل خانہ کے پاس تشریف لائے آپ نے اس شخص کے لئے دعائے مغفرت کی اس کے لئے دعائےرحمت کی پھر آپ کو یہ مناسب لگتا کہ آپ جنازے میں شریک ہوں تو آپ اس کا انتظار کرتے تھے ‘ اوراگر آپ کو یہ مناسب لگتا کہ آپ واپس تشریف لے جائیں تو واپس تشریف لے جاتے تھے راوی کہتے ہیں: ہم اس وقت دوسرے طبقے میں تھے راوی کہتے ہیں: ہم نے کہا: یہ نبی اکرم صلی اللہ علیہ وسلم کے لئے زیادہ موزوں ہے کہ ہم اپنے مرحومین کو اٹھا کر نبی اکرم صلی اللہ علیہ وسلم کے گھر لے جایا کریں اور آپ کو تکلیف اور زحمت نہ دیں ۔ راوی کہتے ہیں: تو ہم نے ایسا ہی کیا ‘ پھر معاملہ یوں ہی رہا۔ یہ روایت امام احمد نے نقل کی ہے اور اس کے رجال ثقہ ہیں ۔

أَبِي سَعِيدٍ الْخُدْرِيِّ،