Majma uz Zawaid Wa Manba ul Fawaid

532 - عَنْ عُبَادَةَ بْنِ الصَّامِتِ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «لَيْسَ مِنْ أُمَّتِي مَنْ لَمْ يُجِلَّ كَبِيرَنَا، وَيَرْحَمْ صَغِيرَنَا، وَيَعْرِفْ لِعَالِمِنَا حَقَّهُ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ، وَإِسْنَادُهُ حَسَنٌ.

حضرت عبادہ بن صامت رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " وہ شخص میری امت کا حصہ نہیں ، جو ہمارے بڑے کا احترام نہیں کرتا اور ہمارے چھوٹے پر رحم نہیں کرتا اور ہمارے عالم کے حق کی معرفت نہیں رکھتا " ۔ یہ روایت امام احمد نے اور امام طبرانی نے معجم کبیر میں نقل کی ہے اور اس کی سند حسن ہے ۔

عُبَادَةَ بْنِ الصَّامِتِ

533 - وَعَنْ أَبِي أُمَامَةَ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «ثَلَاثَةٌ لَا يَسْتَخِفُّ بِهِمْ إِلَّا مُنَافِقٌ: ذُو الشَّيْبَةِ فِي الْإِسْلَامِ، وَذُو الْعِلْمِ، وَإِمَامٌ مُقْسِطٌ» ". رَوَاهُ الطَّبَرَانِيُّ فِي الْكَبِيرِ مِنْ رِوَايَةِ عُبَيْدِ اللَّهِ بْنِ زَحْرٍ عَنْ عَلِيِّ بْنِ يَزِيدَ، وَكِلَاهُمَا ضَعِيفٌ.

حضرت ابو امامہ رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " تین افراد ایسے ہیں ، جنہیں کوئی منافق ہی کمتر سمجھے گا ، بوڑھا ، مسلمان ، صاحب علم اور عادل حکمران " ۔ یہ روایت امام طبرانی نے معجم کبیر میں عبید اللہ بن زحر کی علی بن یزید سے نقل کردہ روایت کے طور پر نقل کی ہے اور یہ دونوں راوی ضعیف ہیں ۔

اَبِیْ اُمَامَۃَ،

534 - وَعَنْ أَبِي مَالِكٍ الْأَشْعَرِيِّ أَنَّهُ سَمِعَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «لَا أَخَافُ عَلَى أُمَّتِي إِلَّا ثَلَاثَ خِلَالٍ: أَنْ يَكْثُرَ لَهُمْ مِنَ الدُّنْيَا فَيَتَحَاسَدُونَ، [فَيَقْتَتِلُوا] وَأَنْ يُفْتَحَ لَهُ الْكِتَابُ يَأْخُذُهُ الْمُؤْمِنُ يَبْتَغِي تَأْوِيلَهُ، وَلَيْسَ يَعْلَمُ تَأْوِيلَهُ إِلَّا اللَّهُ، وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِنْ عِنْدِ رَبِّنَا، وَمَا يَذَّكَرُ إِلَّا أُولُو الْأَلْبَابِ، وَأَنْ يَرَوْا ذَا عِلْمِهِمْ فَيُضَيِّعُونَهُ وَلَا يُبَالُونَ عَلَيْهِ» ". رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ إِسْمَاعِيلَ بْنِ عَيَّاشٍ عَنْ أَبِيهِ، وَلَمْ يَسْمَعْ مِنْ أَبِيهِ.

حضرت ابو مالک اشعری رضی اللہ عنہ بیان کرتے ہیں : انہوں نے اللہ تعالیٰ کے رسول کو یہ ارشاد فرماتے ہوئے سنا ہے : " مجھے اپنی امت کے بارے میں صرف تین چیزوں کا اندیشہ ہے ، یہ کہ ان کے لئے دنیا زیادہ ہو گی ، تو وہ ایک دوسرے سے حسد رکھیں گے ، ( اور اپس میں قتل و غارت گری کریں گے ) یہ کہ ان کے لیے کتاب ( کے علم ) کو کھول دیا جائے گا اور کوئی مومن اس کی تاویل کی تلاش میں ، اس کا علم حاصل کرے گا، حالانکہ اس کی تاویل کا علم ، صرف اللہ تعالیٰ کو ہے ، اور علمی رسوخ رکھنے والے افراد یہ کہتے ہیں : ہم اس پر ایمان لائے ، یہ سب ہمارے پروردگار کی طرف سے ہے ، اور اس سے صرف عقل مند لوگ ہی نصیحت حاصل کرتے ہیں ( اور تیسری بات یہ ہے : ) وہ لوگ کسی علم والے شخص کو دیکھیں گے ، تو اسے ضائع کر دیں گے اور اس کی پرواہ نہیں کریں گے " ۔ یہ روایت امام طبرانی نے معجم کبیر میں نقل کی ہے ، اسے محمد بن اسماعیل بن عیاش نے اپنے والد سے روایت کیا ہے حالانکہ اس نے اپنے والد سے سماع نہیں کیا ہے ۔

أَبِي مَالِكٍ الْأَشْعَرِيِّ

535 - وَعَنْ أَبِي أُمَامَةَ الْبَاهِلِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ عَلَّمَ عَبْدًا آيَةً مِنْ كِتَابِ اللَّهِ فَهُوَ مَوْلَاهُ، لَا يَنْبَغِي أَنْ يَخْذُلَهُ وَلَا يَسْتَأْثِرَ عَلَيْهِ» ". رَوَاهُ الطَّبَرَانِيُّ فِي الْكَبِيرِ، وَفِيهِ عُبَيْدُ بْنُ رَزِينٍ اللَّاذِقِيُّ، وَلَمْ أَرَ مَنْ ذَكَرَهُ.

حضرت ابو امامہ بابلی رضی اللہ عنہ روایت کرتے ہیں ، نبی اکرم صلی اللہ علیہ و آلہ وسلم نے ارشاد فرمایا ہے : " جو شخص کسی بندے کو اللہ کی کتاب کی ایک آیت کی تعلیم دیتا ہے ، وہ اس کا آقا بن جاتا ہے ، اب اس کے لیے یہ مناسب نہیں ہے کہ وہ اسے رسوا کرے یا اس کے ساتھ زیادتی کرے " ۔ یہ روایت امام طبرانی نے معجم کبیر میں نقل کی ہے ، اس کی سند میں ایک راوی عبید بن رزین لا ذقی ہے ، میں نے کسی کو اس کا ذکر کرتے ہوئے نہیں دیکھا ہے ۔

أَبِي أُمَامَةَ الْبَاهِلِيِّ،