Majma uz Zawaid Wa Manba ul Fawaid

1293 - عَنْ أَبِي مُوسَى قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " تَوَضَّئُوا مِمَّا غَيَّرَتِ النَّارُ لَوْنَهُ» ". رَوَاهُ أَحْمَدُ وَالطَّبَرَانِيُّ فِي الْأَوْسَطِ، وَرِجَالُهُ مُوَثَّقُونَ.

حضرت ابو موسیٰ اشعری رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشا دفرمایا: " جس چیز کی رنگت کو آگ متغیر کر دے' اس (کو کھانے ) کی وجہ سے تم وضو کر لو!"۔ یہ روایت امام احمد نے ' اور امام طبرانی نے معجم اوسط میں نقل کی ہے اور اس کے رجال کی توثیق کی گئی ہے۔

اَبِیْ مُوْسیٰ

1294 - وَعَنِ الْقَاسِمِ مَوْلَى مُعَاوِيَةَ قَالَ: «دَخَلْتُ مَسْجِدَ دِمَشْقَ فَرَأَيْتُ نَاسًا مُجْتَمِعِينَ وَشَيْخٌ يُحَدِّثُهُمْ. قُلْتُ: مَنْ هَذَا؟ قَالُوا: سَهْلُ بْنُ الْحَنْظَلِيَّةِ، فَسَمِعْتُهُ يَقُولُ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " مَنْ أَكَلَ لَحْمًا فَلْيَتَوَضَّأْ» ". رَوَاهُ أَحْمَدُ مِنْ طَرِيقِ سُلَيْمَانَ بْنِ أَبِي الرَّبِيعِ عَنِ الْقَاسِمِ أَبِي عَبْدِ الرَّحْمَنِ. وَسُلَيْمَانُ لَمْ أَرَ مَنْ تَرْجَمَهُ. وَالْقَاسِمُ مُخْتَلَفٌ فِي الِاحْتِجَاجِ بِهِ.

۱۲۹۴-قاسم ' جو حضرت معاویہ کے آزاد کردہ غلام ہیں' وہ بیان کرتے ہیں: میں دمشق کی مسجد میں داخل ہوا' تو میں نے دیکھا کہ کچھ لوگ اکٹھے ہیں اور ایک عمر رسیدہ صاحب انہیں احادیث بیان کر رہے ہیں' میں نے دریافت کیا : یہ کون ہیں؟ تو لوگوں نے بتایا: یہ حضرت سہل بن حنظلیہ ہیں' (قاسم کہتے ہیں: ) میں نے انہیں یہ بیان کرتے ہوئے سنا : انہوں نے فرمایا: میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے : " جو شخص گوشت کھائے اسے وضو کر لینا چاہیے"۔ یہ روایت امام احمد نے ' سلیمان بن ابو ربیع کے حوالے سے ' قاسم ابو عبدالرحمٰن سے نقل کی ہے' سلیمان نامی راوی کے حالات بیان کرتے ہوئے میں نے کسی کو نہیں دیکھا ہے' اور قاسم نامی راوی سے استدلال کرنے کے بارےمیں اختلاف پایا جاتا ہے۔

مَنْ أَكَلَ لَحْمًا فَلْيَتَوَضَّأْ» رَوَاهُ أَحْمَدُ مِنْ طَرِيقِ سُلَيْمَانَ بْنِ أَبِي الرَّبِيعِ ← رَسُولِ اللَّهِ ← سَهْلُ بْنُ الْحَنْظَلِيَّةِ ← دَخَلْتُ مَسْجِدَ دِمَشْقَ فَرَأَيْتُ نَاسًا مُجْتَمِعِينَ وَشَيْخٌ يُحَدِّثُهُمْ قُلْتُ مَنْ هَذَا ← الْقَاسِمِ، مَوْلَى مُعَاوِيَةَ،

1295 - وَعَنْ مُحَمَّدِ بْنِ طَحْلَاءَ قَالَ: «قُلْتُ لِأَبِي سُلَيْمَانَ: إِنْ ظِئْرَكَ " سَلِيمٌ " لَا يَتَوَضَّأُ مِمَّا مَسَّتِ النَّارُ، فَضَرَبَ صَدْرَ سُلَيْمٍ وَقَالَ: أَشْهَدُ عَلَى أُمِّ سَلَمَةَ زَوْجِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ يَتَوَضَّأُ مِمَّا مَسَّتِ النَّارُ». رَوَاهُ أَحْمَدُ وَالطَّبَرَانِيُّ فِي الْكَبِيرِ، وَرِجَالُ الطَّبَرَانِيِّ مُوَثَّقُونَ ; لِأَنَّهُ مِنْ رِوَايَةِ مُحَمَّدِ بْنِ طَحْلَاءَ عَنْ أَبِي سَلَمَةَ، وَأَبُو سُلَيْمَانَ الَّذِي فِي إِسْنَادِ أَحْمَدَ لَا أَعْرِفُهُ وَلَمْ أَرَ مَنْ تَرْجَمَهُ.

۱۲۹۵- محمد بن طحلا ء بیان کرتے ہیں : میں نے ابوسلیمان سے کہا: آپ کے رضائی عزیز" سلیم "آگ پر پکی ہوئی چیز (کھا لینے) کے بعد وضونہیں کرتے ہیں ،تو انہوں نے سلیم کے سینے پر ہاتھ مارا اور بولے: میں نبی اکرم صلی اللہ علیہ وسلم کی زوجہ محترمہ سیدہ اُم سلمہ رضی اللہ عنہ کے بارے میں گواہی دے کر یہ بات بیان کرتا ہوں (کہ انہوں نے یہ بات بیان کی تھی:) نبی اکرم صلی اللہ علیہ وسلم آگ پر پکی ہوئی چیز (کھا لینے) کے بعد وضو کرتے تھے۔یہ روایت امام احمد نے اور امام طبرانی نےمعجم کبیر میں نقل کی ہے امام طبرانی کے رجال کی توثیق کی گئی ہے کیونکہ یہ روایت محمد بن طحلاء نے ابوسلمہ سے نقل کی ہے امام احمد کی سند میں ابوسلیمان نامی جس راوی کا ذکر ہے میں اس سے واقف نہیں ہوں اور میں نے کسی کو اس کے حالات بیان کرتے ہوئے نہیں دیکھا ہے۔

«قُلْتُ لِأَبِي سُلَيْمَانَ: ← مُحَمَّدِ بْنِ طَحْلَاءَ،

1296 - وَعَنْ أَنَسٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " تَوَضَّئُوا مِمَّا غَيَّرَتِ النَّارُ» ". رَوَاهُ الْبَزَّارُ، وَفِيهِ حَجَّاجُ بْنُ نُصَيْرٍ، ضَعَّفَهُ أَبُو حَاتِمٍ وَغَيْرُهُ، وَوَثَّقَهُ ابْنُ مَعِينٍ وَابْنُ حِبَّانَ.

حضرت انس رضی اللہ عنہ بیان کرتے ہیں: نبی اکرم صلی اللہ علیہ وسلم نے ارشادفرمایا: آگ پر پکی ہوئی چیز ( کھا لینے) کے بعد وضو کرلو!۔یہ روایت امام بزارنے نقل کی ہے اس کی سند میں ایک راوی حجاج بن نصیر ہے جسے ابوحاتم اور دیگر حضرات نے "ضعیف"قرار دیا ہے یحییٰ بن معین اور ابن حبان نے اسے" ثقہ "قرار دیا ہے۔

أَنَسٍ،

1297 - «وَعَنْ أَنَسٍ أَيْضًا أَنَّهُ كَانَ يَضَعُ أُصْبُعَيْهِ وَيَقُولُ: صَمْتًا، إِنْ لَمْ أَكُنْ سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " تَوَضَّئُوا مِمَّا مَسَّتِ النَّارُ» ". رَوَاهُ الطَّبَرَانِيُّ فِي الْأَوْسَطِ، وَفِيهِ خَالِدُ بْنُ يَزِيدَ بْنِ أَبِي مَالِكٍ، وَهُوَ كَذَّابٌ.

حضرت انس رضی اللہ عنہ کے بارے میں ہی یہ بات منقول ہے: انہوں نے اپنے کانوں پر انگلیاں رکھ کر یہ ارشادفرمایا: یہ بہرے ہوجائیں اگر میں نے نبی اکرم صلی اللہ علیہ وسلم کو یہ ارشاد فر ماتے ہوئے نہ سنا ہو"آگ پر پکی ہوئی چیز ( کھا لینے کے بعد ) تم لوگ وضو کرلو!‘‘۔ یہ روایت امام طبرانی نے معجم اوسط میں نقل کی ہے اس کی سند میں ایک راوی خالد بن یزید بن ابو مالک ہے اور وہ کذاب ہے ۔

رَسُولِ اللَّهِ ← صَمْتًا إِنْ لَمْ أَكُنْ ← أَنَسٍ أَيْضًا أَنَّهُ كَانَ يَضَعُ أُصْبُعَيْهِ

1298 - وَعَنِ ابْنِ عُمَرَ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " مَنْ مَسَّ فَرْجَهُ فَلْيَتَوَضَّأْ "، وَقَالَ: " تَوَضَّئُوا مِمَّا غَيَّرَتِ النَّارُ» ". رَوَاهُ الْبَزَّارُ وَالطَّبَرَانِيُّ فِي الْكَبِيرِ وَالْأَوْسَطِ بِاخْتِصَارٍ فِي مَسِّ الْفَرْجِ، وَفِيهِ الْعَلَاءُ بْنُ سُلَيْمَانَ الرَّقِّيُّ، وَهُوَ مُنْكَرُ الْحَدِيثِ.

حضرت عبد اللہ بن عمر رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: جوشخص اپنی شرم گاہ کو چھولے ا سے وضو کرنا چاہیے اور آپ صلی اللہ علیہ وسلم نے فرمایا ہے:”تم لوگ آگ پر پکی ہوئی چیز کھا لینے کے بعد وضو کر لو!۔یہ روایت امام بزار نے امام طبرانی نے معجم کبیر میں نقل کی ہے اور معجم اوسط میں انہوں نے اسے اختصار کے ساتھ نقل کیا ہے جو شرمگاہ کو چھونے کے بارے میں ہے اس کی سند میں ایک راوی علاء بن سلیمان رقی ہے وہ منکر الحدیث ہے۔

ابْنِ عُمَرَ

1299 - وَعَنْ عَبْدِ الرَّحْمَنِ بْنِ غَنْمٍ الْأَشْعَرِيِّ قَالَ: قُلْتُ لِمُعَاذٍ: هَلْ كُنْتُمْ تَوَضَّئُونَ مِمَّا غَيَّرَتِ النَّارُ؟ قَالَ: نَعَمْ، إِذَا أَكَلَ أَحَدُنَا مِمَّا غَيَّرَتِ النَّارُ غَسَلَ يَدَيْهِ وَفَاهُ، فَكُنَّا نُعِدُّ هَذَا وُضُوءًا. رَوَاهُ الْبَزَّارُ، وَهُوَ مِنْ رِوَايَةِ الْحَسَنِ بْنِ يَحْيَى الْخُشَنِيِّ، وَهُوَ ضَعِيفٌ.

عبدالرحمن بن غنم اشعری بیان کرتے ہیں: میں نے حضرت معاذ رضی اللہ عنہ سے دریافت کیا: کیا آپ لوگ آگ پر پکی ہوئی چیز ( کو کھا لینے کے بعد) وضو کرتے ہیں؟ انہوں نے جواب دیا: جی ہاں! جب ہم میں سے کوئی ایک کوئی ایسی چیز کھالے جو آگ پر پکی ہو تو وہ اپنا ہاتھ اور منہ دھو لیتا ہے ہم اسی کو وضوشمار کرتے تھے۔یہ روایت امام بزار نے نقل کی ہے اور یہ حسن بن یحییٰ خشنی کی نقل کردہ روایت ہے اور وہ ضعیف ہے۔

قُلْتُ لِمُعَاذٍ: هَلْ كُنْتُمْ تَوَضَّئُونَ مِمَّا غَيَّرَتِ النَّارُ؟ ← عبد الرحمن بن غنم الأشعري،

1300 - وَعَنْ عَبْدِ اللَّهِ بْنِ زَيْدٍ، «عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " الْوُضُوءُ مِمَّا مَسَّتِ النَّارُ» ". رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ.

حضرت عبداللہ بن زید رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: "آگ پر پکی ہوئی چیز (کھانے کے بعد) وضو کرنا ہوگا‘‘یہ روایت امام طبرانی نے معجم اوسط میں نقل کی ہے اور ان کے رجال "صحیح" کے رجال ہیں۔

الْوُضُوءُ مِمَّا مَسَّتِ النَّارُ» رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ. ← النَّبِيِّ ← وَعَنْ عَبْدِ اللَّهِ بْنِ زَيْدٍ،

1301 - وَعَنْ أَبِي سَعْدِ الْخَيْرِ قَالَ: «سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " تَوَضَّئُوا مِمَّا مَسَّتِ النَّارُ وَغَلَتْ بِهِ الْمَرَاجِلُ» ". رَوَاهُ الطَّبَرَانِيُّ فِي الْكَبِيرِ، وَفِيهِ فِرَاسٌ الشَّعْبَانِيُّ، وَهُوَ مَجْهُولٌ.

حضرت ابوسعد الخیر رضی اللہ عنہ بیان کرتے ہیں میں نے نبی اکرم صلی اللہ علیہ وسلم کو یہ ارشاد فرماتے ہوئے سناہے: "آگ پر پکی ہوئی چیز جس کی وجہ سے ہنڈیا میں جوش آیا ہو اسے کھانے کے بعد وضو کرلو!"۔ یہ روایت امام طبرانی نے معجم کبیر میں نقل کی ہے اس کی سند میں ایک راوی فراس شعبانی ہے اور وہ مجہول ہے۔

رَسُولِ اللَّهِ ← أَبِي سَعْدِ الْخَيْرِ،

1302 - وَعَنْ أَبِي أَيُّوبَ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ إِذَا أَكَلَ مِمَّا غَيَّرَتِ النَّارُ تَوَضَّأَ». رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

حضرت ابو ایوب رضی اللہ عنہ بیان کرتے ہیں: نبی اکرم صلی اللہ علیہ وسلم جب آگ پر پکی ہوئی کوئی چیز کھا لیتے تھے تو (اس کے بعد ) وضوکرتے تھے۔

أَبِي أَيُّوبَ،

1303 - وَلَهُ عِنْدَ الطَّبَرَانِيِّ فِي الْكَبِيرِ أَيْضًا «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " تَوَضَّئُوا مِمَّا مَسَّتِ النَّارُ» ". وَرِجَالُهُ رِجَالُ الصَّحِيحِ، إِلَّا أَنَّ عَمْرَو بْنَ دِينَارٍ قَالَ: أَخْبَرَنِي مَنْ سَمِعَ عَبْدَ اللَّهِ بْنَ عَبْدِ الْقَارِئِ، وَسَمَّاهُ فِي الْحَدِيثِ قَبْلَهُ، وَهُوَ يَحْيَى بْنُ جَعْدَةَ، وَابْنُ عَبْدِ الْقَارِئِ هُوَ عَبْدُ اللَّهِ بْنُ عَمْرِو بْنِ عَبْدِ الْقَارِئِ نِسْبَةً إِلَى جَدِّهِ. وَعَنْ زَيْدِ بْنِ جُبَيْرَةَ بْنِ مَحْمُودِ بْنِ جُبَيْرَةَ مِنْ بَنِي عَبْدِ الْأَشْهَلِ، عَنْ أَبِيهِ جُبَيْرَةَ بْنِ مَحْمُودٍ.

اُن کے حوالے سے امام طبرانی نے یہ روایت نقل کیا ہے: نبی اکرم صلی اللہ علیہ وسلم نے ارشادفرمایا ہے:" آگ پر پکی ہوئی چیز کھا لینے کے بعد وضو کرلو!"۔ اس کے رجال‘‘ صحیح "کے رجال ہیں البتہ عمرو بن دینار نے یہ بات بیان کی ہے، مجھے اس شخص نے یہ روایت بیان کی ہے جس نے عبداللہ بن عبد قاری کو یہ بیان کرتے ہوئے سنا ہے اس سے پہلے والی حدیث میں انہوں نے اس طرح نام بیان کیا تھا اور وہ یحییٰ بن جعدہ ہے جبکہ ابن عبد قاری سے مراد، عبداللہ بن عمرو بن عبد قاری ہے، جس کی نسبت اس کے دادا کی طرف کی گئی ہے یہ روایت زید بن جبیر بن محمود بن جبیرہ، جن کا تعلق بنوعبدالاشہل سے ہے۔ یہ ان کے حوالے سے ان کے والد جبیرہ بن محمود سے منقول ہے۔

وَلَهُ عِنْدَ الطَّبَرَانِيِّ فِي الْكَبِيرِ أَيْضًا

1304 - «وَعَنْ سَلَمَةَ بْنِ سَلَامَةَ بْنِ وَقَشٍ صَاحِبِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَنَّهُمَا دَخَلَا وَلِيمَةً وَسَلَمَةُ عَلَى وُضُوءٍ، فَأَكَلُوا ثُمَّ خَرَجُوا، فَتَوَضَّأَ سَلَمَةُ، فَقَالَ لَهُ جُبَيْرَةُ: أَلَمْ تَكُنْ عَلَى وُضُوءٍ؟ قَالَ: بَلَى، وَلَكِنِّي رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - وَخَرَجْنَا مِنْ دَعْوَةٍ دَعَوْنَا لَهَا وَرَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى وُضُوءٍ، فَأَكَلَ ثُمَّ تَوَضَّأَ، فَقُلْتُ لَهُ: أَلَمْ تَكُنْ عَلَى وُضُوءٍ يَا رَسُولَ اللَّهِ؟ قَالَ: " بَلَى، وَلَكِنَّ الْأَمْرَ يَحْدُثُ، وَهَذَا مِمَّا (قَدْ) حَدَثَ» ". رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ اللَّهِ بْنُ صَالِحٍ كَاتِبُ اللَّيْثِ، وَثَّقَهُ عَبْدُ الْمَلِكِ بْنُ شُعَيْبِ بْنِ اللَّيْثِ، وَضَعَّفَهُ أَحْمَدُ وَجَمَاعَةٌ، وَاتُّهِمَ بِالْكَذِبِ.

حضرت سلمہ بن سلامہ بن وقش رضی اللہ عنہ جو نبی اکرم صلی اللہ علیہ وسلم کے صحابی ہیں ان کے بارے میں یہ بات منقول ہے: دونوں راوی بیان کرتے ہیں: وہ دونوں ولیمہ کی محفل میں داخل ہوئے تو حضرت سلمہ رضی اللہ عنہ وضو کر رہے تھے لوگوں نے کھانا کھایا اور پھر چلے گئے۔ حضرت سلمہ رضی اللہ عنہ دوبارہ وضو کرنے لگے تو جبیرہ نے ان سے کہا: کیا آپ با وضو نہیں تھے؟ انہوں نے جواب دیا: جی ہاں! (یعنی میں باوضو تھا )لیکن میں نے نبی اکرم صلی اللہ علیہ وسلم کو دیکھا کہ ہم ایک دعوت سے نکلے جس میں ہمیں بلایا گیا تھا نبی اکرم صلی اللہ علیہ وسلم باوضو تھے لیکن آپ صلی اللہ علیہ وسلم نے کھانا کھانے کے بعد دوبارہ وضو کیا میں نے عرض کی : یا رسول اللہ صلی اللہ علیہ وسلم! کیا آپ صلی اللہ علیہ وسلم با وضو نہیں تھے ؟ آپ صلی اللہ علیہ وسلم نے ارشادفرمایا: جی ہاں!(یعنی میں باوضوتھا) لیکن بعد میں نیا حکم آجاتا ہے اور یہ نئے حکم میں سے ہے (یعنی یہ کہ پکی ہوئی چیز کھانے کے بعد دوبارہ وضو کیا جائے)۔یہ روایت امام طبرانی نے معجم کبیر میں نقل کی ہے اس کی سند میں ایک راوی عبدالله بن صالح ہے جولیث کا کاتب ہے اسے عبدالملک بن سوید بن لیث نے "ثقہ" قرار دیا ہے جبکہ امام احمد اور ایک جماعت نے اسے "ضعیف" قرار دیا ہے اس پر جھوٹ بولنے کا الزام عائد کیا گیا ہے۔