Majma uz Zawaid Wa Manba ul Fawaid

1819 - عَنْ عَاصِمِ بْنِ عُبَيْدِ اللَّهِ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّهَا سَتَكُونُ أُمَرَاءُ بَعْدِي يُصَلُّونَ الصَّلَاةَ لِوَقْتِهَا وَيُؤَخِّرُونَهَا عَنْ وَقْتِهَا، فَصَلُّوا مَعَهُمْ، فَإِنْ صَلَّوْا لِوَقْتِهَا وَصَلَّيْتُمُوهَا مَعَهُمْ فَلَكُمْ وَلَهُمْ، وَإِنْ أَخَّرُوهَا عَنْ وَقْتِهَا فَصَلَّيْتُمُوهَا مَعَهُمْ فَلَكُمْ وَعَلَيْهِمْ، مَنْ فَارَقَ الْجَمَاعَةَ مَاتَ مِيتَةً جَاهِلِيَّةً، وَمَنْ مَاتَ نَاكِثًا لِلْعَهْدِ جَاءَ يَوْمَ الْقِيَامَةِ لَا حُجَّةَ لَهُ» ". فَقُلْتُ: مَنْ أَخْبَرَكَ هَذَا الْخَبَرَ؟ فَقَالَ: أَخْبَرَنِيهِ عَبْدُ اللَّهِ بْنُ عَامِرِ بْنِ رَبِيعَةَ، عَنْ أَبِيهِ عَامِرِ بْنِ رَبِيعَةَ يُخْبِرُهُ عَامِرٌ عَنِ النَّبِيِّ - صَلَّى اللَّهُ عَلَيْهِ وَسَلَّمَ -. رَوَاهُ أَحْمَدُ وَالطَّبَرَانِيُّ فِي الْكَبِيرِ بِنَحْوِهِ، وَفِيهِ عَاصِمُ بْنُ عُبَيْدِ اللَّهِ، وَهُوَ ضَعِيفٌ إِلَّا أَنَّ مَالِكًا رَوَى عَنْهُ.

عاصم بن عبید اللہ بیان کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے: "میرے بعد عنقریب ایسے حکمران آئیں گے جو نماز کو کبھی وقت پر ادا کریں گے اور کبھی مخصوص وقت سے مؤخر کر دیں گے تم لوگ ان کی اقتداء میں نماز ادا کرنا وہ لوگ نماز اپنے وقت پر ادا کریں تو تم ان لوگوں کے ساتھ وہ نماز ادا کر لینا تمہیں بھی اجر ملے گا، اور انہیں بھی اجر ملے گا ، اور اگر وہ اس کو تاخیر کے ساتھ ادا کریں تو تم اس نماز کو ان کے ساتھ ادا کرنا تمہیں اجر ملے گا، اور انہیں گناہ ہوگا، جو شخص جماعت سے علیحدگی اختیار کرتا ہے وہ زمان ہ جاہلیت کی موت مرتا ہے ، اور جو شخص عہد کو توڑنے والا ہو گا جب وہ قیامت کے دن آئے گا ، تو اس شخص کی کوئی حجت نہیں ہوگی"۔ راوی بیان کرتے ہیں : میں نے اپنے استاد سے دریافت کیا: آپ کو یہ روایت کس نے بیان کی ہے ، تو انہوں نے بتایا : مجھے یہ روایت عبداللہ بن عامر بن ربیعہ نے اپنے والد حضرت عامر بن ربیعہ رضی اللہ عنہ کے حوالے سے نقل کی ہے ، حضرت عامر رضی اللہ عنہ نے انہیں نبی اکرم صلی اللہ علیہ و آلہ وسلم کے حوالے سے یہ بات بتائی تھی، یہ روایت امام احمد نے اور امام طبرانی نے معجم کبیر میں اس کی مانند نقل کی ہے، اس کی سند میں ایک راوی عاصم بن عبید اللہ ہے، اور وہ ضعیف ہے ، تاہم امام مالک نے اس سے روایت نقل کی ہے ۔

عَاصِمِ بْنِ عُبَيْدِ اللهِ

1820 - وَعَنْ عَبْدِ الرَّحْمَنِ بْنِ عَبْدِ اللَّهِ بْنِ مَسْعُودٍ، عَنْ أَبِيهِ أَنَّ الْوَلِيدَ بْنَ عُقْبَةَ أَخَّرَ الصَّلَاةَ يَوْمًا، فَقَامَ عَبْدُ اللَّهِ بْنُ مَسْعُودٍ فَثَوَّبَ بِالصَّلَاةِ فَصَلَّى بِالنَّاسِ، فَأَرْسَلَ إِلَيْهِ الْوَلِيدُ: مَا حَمَلَكَ عَلَى مَا صَنَعْتَ؟ أَجَاءَكَ مِنْ أَمِيرِ الْمُؤْمِنِينَ أَمْرٌ؟ فَنِعِمَّا فَعَلْتَ. أَمِ ابْتَدَعْتَ؟ فَقَالَ: لَمْ يَأْتِنِي مِنْ أَمِيرِ الْمُؤْمِنِينَ أَمْرٌ وَلَمْ أَبْتَدِعْ، وَلَكِنْ أَبَى اللَّهُ - عَزَّ وَجَلَّ - عَلَيْنَا وَرَسُولُهُ - صَلَّى اللَّهُ عَلَيْهِ وَسَلَّمَ - أَنْ نَنْتَظِرَكَ بِصَلَاتِنَا وَأَنْتَ فِي حَاجَتِكَ. رَوَاهُ أَحْمَدُ وَالطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

عبدالرحمٰن بن عبداللہ بن مسعود اپنے والد کے بارے میں یہ بات نقل کرتے ہیں : ایک مرتبہ ولید بن عقبہ نے نماز کے لئے تاخیر کر دی تو حضرت عبداللہ بن مسعود رضی اللہ عنہ کھڑے ہوئے انہوں نے نماز کے لئے اقامت کہی اور لوگوں کو نماز پڑھا دی ولید نے انہیں پیغام بھیجا کہ آپ نے جو کیا ہے ایسا کیوں کیا ہے کیا آپ کے پاس امیر المومنین کی طرف سے کوئی حکم آیا ہے ، تو پھر تو آپ نے اچھا کیا ہے یا پھر آپ نے بدعت اختیار کی ہے ، تو حضرت عبداللہ بن مسعود رضی اللہ عنہ نے فرمایا: نہ تو میرے پاس امیر المومنین کی طرف سے کوئی حکم آیا ہے ، اور نہ ہی میں نے بدعت اختیار کی ہے ، لیکن اللہ اور اس کے رسول نے ہمیں اس کی اجازت نہیں دی کہ ہم اپنی نماز کے لئے تمہارا انتظار کرتے رہیں اور تم لوگ اپنے کام کاج کر رہے ہو۔ یہ روایت امام احمد نے اور امام طبرانی نے معجم کبیر میں نقل کی ہے، اور اس کے رجال " ثقہ" ہیں ۔

أَبِيهِ ← عَبْدِ الرَّحْمَنِ بْنِ عَبْدِ اللَّهِ بْنِ مَسْعُودٍ

1821 - وَعَنْ شَدَّادِ بْنِ أَوْسٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ قَالَ: " «سَيَكُونُ مِنْ بَعْدِي أَئِمَّةٌ يُمْسُونَ الصَّلَاةَ عَنْ مَوَاقِيتِهَا، فَصَلُّوا الصَّلَاةَ لِوَقْتِهَا، وَاجْعَلُوا صَلَاتَكُمْ مَعَهُمْ سُبْحَةً» ". رَوَاهُ أَحْمَدُ وَالْبَزَّارُ وَالطَّبَرَانِيُّ فِي الْأَوْسَطِ، وَفِيهِ رَاشِدُ بْنُ دَاوُدَ ضَعَّفَهُ الدَّارَقُطْنِيُّ، وَوَثَّقَهُ ابْنُ مَعِينٍ وَدُحَيْمٌ وَابْنُ حِبَّانَ.

حضرت شداد بن اوس رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " عنقریب میرے بعد ایسے حکمران ہوں گے جو نماز کو ان کے مخصوص اوقات سے تاخیر سے ادا کریں گے ، تو تم نماز اس کے مخصوص وقت میں ادا کر لینا اور ان لوگوں کے ساتھ اپنی نماز کو نفل قرار دے دینا "۔ یہ روایت امام احمد نے امام بزار نے اور امام طبرانی نے معجم اوسط میں نقل کی ہے اس کی سند میں ایک راوی راشد بن داؤد ہے، جسے امام دار قطنی نے ضعیف قرار دیا ہے ، یحییٰ بن معین ، دحیم اور ابن حبان نے اسے "ثقہ " قرار دیا ہے ۔

«سَيَكُونُ مِنْ بَعْدِي أَئِمَّةٌ يُمْسُونَ الصَّلَاةَ ← النَّبِیِّ اَنَّہٗ ← شَدَّادِ بْنِ أَوْسٍ،

1822 - وَعَنِ ابْنِ امْرَأَةِ عُبَادَةَ بْنِ الصَّامِتِ قَالَ: «كُنَّا عِنْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " إِنَّهَا سَتَجِيءُ أُمَرَاءُ تَشْغَلُهُمْ أَشْيَاءُ حَتَّى لَا يُصَلُّونَ الصَّلَاةَ لِمِيقَاتِهَا ". قُلْنَا: فَمَا تَرَى يَا رَسُولَ اللَّهِ؟ قَالُوا: " صَلُّوا الصَّلَاةَ لِوَقْتِهَا، فَإِنْ أَدْرَكْتُمُوهَا مَعَهُمْ فَاجْعَلُوا صَلَاتَكُمْ مَعَهُمْ سُبْحَةً» ". هَذَا لَفْظُ الطَّبَرَانِيِّ فِي الْكَبِيرِ، وَرَوَاهُ أَحْمَدُ وَتَرْجَمَ لَهُ فَقَالَ: حَدِيثُ أَبِي أُبَيٍّ وَذَكَرَ لَهُ هَذَا الْحَدِيثَ، وَقَدْ رَوَاهُ أَبُو دَاوُدَ وَغَيْرُهُ عَنْهُ عَنْ عُبَادَةَ بْنِ الصَّامِتِ وَلِأَبِي أَبِيٍّ صُحْبَةٌ. فَاللَّهُ أَعْلَمُ. وَرِجَالُهُ رِجَالُ الصَّحِيحِ.

حضرت عبادہ بن صامت رضی اللہ عنہ کی اہلیہ کے صاحبزادے بیان کرتے ہیں : ہم لوگ نبی اکرم صلی اللہ علیہ و آلہ وسلم کے پاس موجود تھے آپ صلی اللہ علیہ و آلہ وسلم نے ارشاد فرمایا : عنقریب ایسے حکمران آئیں گے کہ کچھ چیزیں انہیں مصروف رکھیں گی یہاں تک کہ وہ لوگ نماز اس کے مخصوص وقت پر ادا نہیں کریں گے ، راوی کہتے ہیں : ہم نے عرض کی : یارسول اللہ صلی اللہ علیہ و آلہ وسلم ! تو اس بارے میں آپ کی کیا رائے ہے؟ نبی اکرم صلی اللہ علیہ و آلہ وسلم نے ارشاد فرمایا: تم لوگ نماز کو اس کے مخصوص وقت پر ادا کر لینا اگر تم ان حکمرانوں کے ساتھ اس نماز کو پاؤ تو ان کے ساتھ ادا کی جانے والی اپنی نماز کو نفل قرار دے دینا۔ روایت کے یہ الفاظ امام طبرانی نے معجم کبیر میں نقل کئے ہیں : اسے امام احمد نے بھی روایت کیا ہے انہوں نے اس کے حالات بھی بیان کئے ہیں ، اور یہ بات بیان کی ہے یہ ابو ابی کی نقل کردہ حدیث ہے انہوں نے اس راوی کے حوالے سے یہ حدیث ذکر کی ہے یہی روایت امام ابو داؤد نے اور دیگر حضرات نے ان کے حوالے سے حضرت عبادہ بن صامت رضی اللہ عنہ سے نقل کی ہے ۔ حضرت ابوابی رضی اللہ عنہ کو صحابی ہونے کا شرف حاصل ہے باقی اللہ بہتر جانتا ہے ، اس روایت کے رجال " صحیح " کے رجال ہیں ۔

كُنَّا عِنْدَ رَسُولِ اللَّهِ ← ابْنِ امْرَأَةِ عُبَادَةَ بْنِ الصَّامِتِ

1823 - «وَعَنْ سَعْدِ بْنِ أَبِي وَقَّاصٍ قَالَ: سَأَلْتُ النَّبِيَّ - صَلَّى اللَّهُ عَلَيْهِ وَسَلَّمَ - عَنْ قَوْلِ اللَّهِ - عَزَّ وَجَلَّ -: (الَّذِينَ هُمْ عَنْ صَلَاتِهِمْ سَاهُونَ) قَالَ: " هُمُ الَّذِينَ يُؤَخِّرُونَ الصَّلَاةَ عَنْ وَقْتِهَا» ". رَوَاهُ الْبَزَّارُ وَأَبُو يَعْلَى مَرْفُوعًا بِنَحْوِ هَذَا وَمَوْقُوفًا، وَفِيهِ عِكْرِمَةُ بْنُ إِبْرَاهِيمَ ضَعَّفَهُ ابْنُ حِبَّانَ وَغَيْرُهُ، وَقَالَ الْبَزَّارُ: رَوَاهُ الْحُفَّاظُ مَوْقُوفًا وَلَمْ يَرْفَعْهُ غَيْرُهُ.

حضرت سعد بن ابی وقاص رضی اللہ عنہ بیان کرتے ہیں : میں نے نبی اکرم صلی اللہ علیہ و آلہ وسلم سے اللہ تعالیٰ کے اس فرمان کے بارے میں دریافت کیا: " وہ لوگ جو اپنی نمازوں سے غفلت کا شکار تھے"۔ تو آپ صلی اللہ علیہ و آلہ وسلم نے فرمایا: یہ وہ لوگ ہیں جو نماز کو اس کے مخصوص وقت سے تاخیر سے ادا کرتے ہیں ۔ یہ روایت امام بزار نے اور امام ابو یعلیٰ نے " مرفوع " روایت کے طور پر نقل کی ہے، اور اسے " موقوف " روایت کے طور پر بھی نقل کیا ہے ، اس کی سند میں ایک راوی عکرمہ بن ابراہیم ہے، جسے ابن حبان اور دیگر حضرات نے ضعیف قرار دیا ہے امام بزار کہتے ہیں : حافظان حدیث نے اسے " موقوف " روایت کے طور پر نقل کیا ہے ، اس راوی کے علاوہ کسی اور نے اسے " مرفوع " نقل نہیں کیا ۔

هم الذين يؤخرون الصلاة ← صلاتهم ساهون ← قول الله عز وجل: {الَّذِينَ هُمْ ← سَأَلَتِ النَّبِيَّ ← سَعْدَ بْنَ اَبِیْ وَقَّاصِ

1824 - وَعَنْ مُصْعَبِ بْنِ سَعْدٍ قَالَ: قُلْتُ لِأَبِي: يَا أَبَتَاهُ أَرَأَيْتُ قَوْلَهُ: (الَّذِينَ هُمْ عَنْ صَلَاتِهِمْ سَاهُونَ) أَيُّنَا لَا يَسْهُو؟ أَيُّنَا لَا يُحَدِّثُ نَفْسَهُ؟ قَالَ: لَيْسَ ذَاكَ، إِنَّمَا هُوَ إِضَاعَةُ الْوَقْتِ، يَلْهُو حَتَّى يَضِيعَ الْوَقْتُ. وَفِي رِوَايَةٍ أُخْرَى قَالَ سَعْدٌ: أَوَلَيِسَ كُلُّنَا نَفْعَلُ ذَلِكَ؟. رَوَاهُ أَبُو يَعْلَى، وَإِسْنَادُهُ حَسَنٌ.

مصعب بن سعد بیان کرتے ہیں : میں نے اپنے والد سے دریافت کیا: اے ابا جان اللہ تعالیٰ کے اس فرمان کے بارے میں آپ کی کیا رائے ہے ؟ ( ارشاد باری تعالیٰ ہے : ) " وہ لوگ جو اپنی نمازوں سے غافل ہوتے ہیں : تو ہم میں سے کسے سہو لاحق نہیں ہوتا ، اور ہم میں سے کون اپنے خیال میں گم نہیں ہو جاتا ہے ، تو انہوں نے فرمایا: اس سے مراد یہ نہیں ہے، اس سے مراد وقت ضائع کرنا ہے کہ آدمی دوسری چیزوں میں مصروف رہے ، یہاں تک کہ ( نماز کا مخصوص ) وقت ضائع ہو جائے ۔ ایک اور روایت میں راوی یہ الفاظ ہیں : حضرت سعد رضی اللہ عنہ نے فرمایا: کیا ہم میں سے ہر ایک ایسا نہیں کرتا ہے ۔ یہ روایت امام ابو یعلیٰ نے نقل کی ہے، اور اس کی سند حسن ہے۔

مُصْعَبِ بْنِ سَعْدٍ،

1825 - وَعَنْ عَبْدِ اللَّهِ بْنِ عَمْرٍو قَالَ: كُنَّا عِنْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " «سَيَكُونُ أُمَرَاءُ بَعْدِي يُؤَخِّرُونَ الصَّلَاةَ عَنْ وَقْتِهَا ". قُلْتُ: يَا رَسُولَ اللَّهِ، مَا يَصْنَعُ مَنْ أَدْرَكَهُمْ؟ قَالَ: " صَلُّوا الصَّلَاةَ لِوَقْتِهَا، فَإِذَا حَضَرْتُمْ مَعَهُمُ الصَّلَاةَ فَصَلُّوا» ". رَوَاهُ الطَّبَرَانِيُّ فِي الْأَوْسَطِ وَالْكَبِيرِ، وَفِيهِ سَالِمُ بْنُ عَبْدِ اللَّهِ الْخَيَّاطُ ضَعَّفَهُ ابْنُ مَعِينٍ وَالنَّسَائِيُّ، وَوَثَّقَهُ أَحْمَدُ وَابْنُ حِبَّانَ وَأَبُو أَحْمَدَ بْنُ عَدِيٍّ.

حضرت عبداللہ بن عمرو رضی اللہ عنہ بیان کرتے ہیں : ہم لوگ نبی اکرم صلی اللہ علیہ و آلہ وسلم کے پاس موجود تھے آپ صلی اللہ علیہ و آلہ وسلم نے ارشاد فرمایا: عنقریب میرے بعد ایسے حکمران آئیں گے جو نماز کو تاخیر سے ادا کریں گے میں نے عرض کی : یا رسول اللہ صلی اللہ علیہ و آلہ وسلم ! جو شخص ان کا زمانہ پائے اسے کیا کرنا چاہیے ۔ نبی اکرم صلی اللہ علیہ و آلہ وسلم نے فرمایا: تم لوگ نماز کو اس کے مخصوص وقت میں ادا کر لینا اور اگر تم لوگ ان کی نماز میں شریک ہو، تو پھر نماز ادا کر لینا ۔ یہ روایت امام طبرانی نے معجم اوسط اور معجم کبیر میں نقل کی ہے ، اس کی سند میں ایک راوی سالم بن عبداللہ خیاط ہے ، جسے یحییٰ بن معین اور امام نسائی نے ضعیف قرار دیا ہے ، جب کہ امام احمد ابن حبان اور امام ابو احمد بن عدی نے اسے " ثقہ " قرار دیا ہے ۔

وَقْتِهَا» قُلْتُ: ← كُنَّا عِنْدَ رَسُولِ اللَّهِ فَقَالَ: «سَيَكُونُ أُمَرَاءُ بَعْدِي يُؤَخِّرُونَ الصَّلَاةَ ← وعن عبد الله بن عمرو

1826 - وَعَنْ أَنَسِ بْنِ مَالِكٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّهُ سَيَكُونُ بَعْدِي أَئِمَّةٌ [فَسَقَةٌ] يُصَلُّونَ الصَّلَاةَ لِغَيْرِ وَقْتِهَا، فَإِذَا فَعَلُوا ذَلِكَ فَصَلُّوا الصَّلَاةَ لِوَقْتِهَا، وَاجْعَلُوا صَلَاتَكُمْ مَعَهُمْ نَافِلَةً» ". رَوَاهُ الطَّبَرَانِيُّ فِي الْأَوْسَطِ وَأَبُو يَعْلَى، وَفِي إِسْنَادِهِ مَنْ لَا يُعْرَفُ.

حضرت انس بن مالک رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " عنقریب میرے بعد فاسق حکمران آئیں گے جو نماز کو اس کے مخصوص وقت کے علاوہ ادا کریں گے جب وہ ایسا کریں تو تم نماز کو اس کے مخصوص وقت میں ادا کر لینا اور ان لوگوں کے ساتھ اپنی نماز کو نفل بنا لینا"۔ یہ روایت امام طبرانی نے معجم اوسط میں نقل کی ہے امام ابو یعلیٰ نے نقل کی ہے ،اور اس کی سند میں ایسا راوی ہے ، جس کی شناخت نہیں ہو سکی ۔

اَنَسِ بْنِ مَالِکٍ،