Majma uz Zawaid Wa Manba ul Fawaid

2894 - عَنْ جَابِرِ بْنِ عَبْدِ اللَّهِ قَالَ: «عَادَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مَرِيضًا وَأَنَا مَعَهُ فَرَآهُ يُصَلِّي وَيَسْجُدُ عَلَى وِسَادَةٍ فَنَهَاهُ وَقَالَ: " إِنِ اسْتَطَعْتَ أَنْ تَسْجُدَ عَلَى الْأَرْضِ فَاسْجُدْ وَإِلَّا فَأَوْمَى إِيمَاءً وَاجْعَلِ السُّجُودَ أَخْفَضَ مِنَ الرُّكُوعِ». رَوَاهُ الْبَزَّارُ وَأَبُو يَعْلَى بِنَحْوِهِ إِلَّا أَنَّهُ قَالَ: إِنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - عَادَ مَرِيضًا فَرَآهُ يُصَلِّي عَلَى وِسَادَةٍ فَرَمَى بِهَا فَأَخَذَ عُودًا يُصَلِّي عَلَيْهِ فَرَمَى بِهِ وَرِجَالُ الْبَزَّارِ رِجَالُ الصَّحِيحِ.

حضڑت جابر بن عبداللہ رضی اللہ عنہ بیان کرتے ہیں : نبی اکرم صلی اللہ علیہ وآل وسلم ایک بیمار کی عیادت کے لئے تشریف لے گئے ، میں آپ کےساتھ تھا نبی اکرم صلی اللہ علیہ وآل وسلم نے اس شخص کو دیکھا کہ وہ نماز ادا کر رہا تھا اور تکیہ پر سجدہ کر رہا تھا تو نبی اکرم صلی اللہ علیہ وآل وسلم نے اسے منع کر دیا آپ نے ارشاد فرمایا : اگٓر تم زمین پر سجدہ کرنے کی استطاعت رکھتے ہو ، تو سجدہ کر لو ورنہ اشارہ کر لو اور ( اشارہ کرے ہوئے) سجدہ میں رکوع سے زیادہ جھک جاؤ ۔ یہ روایت امام بزار نے نقل کی ہے امام ابو یعلی نے اس کی مانند روایت نقل کی ہے تاہم انہوں نے یہ الفاظ بیان کیے ہیں : " نبی اکرم صلی اللہ علیہ وآل وسلم ایک بیما ر کی عیادت کرنے کے لئے گئے آپ نے اسے ایک تکیہ پر نماز ادا کرتے ہوئے ( یعنی تکیہ پر سجدہ کرت ہوئے) ملاحظہ فرمایا تو تکیہ کو ایک طرف کر دیا وہ شخص لکڑی پکڑ کر اس کے سہارے نماز ادا کر رہا تھا تو آپ نے اسے بھی ایک طرف کر دیا "۔ امام بزار کے رجال " صحیح " کے رجال ہیں ۔

معه فرآه يصلي ويسجد على وسادة فنهاه ← عَادَ رَسُولُ اللَّهِ مَرِيضًا ← جَابِرِ بْنِ عَبْدِ اللَّهِ:

2895 - وَعَنِ ابْنِ عُمَرَ قَالَ: «عَادَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - رَجُلًا مِنْ أَصْحَابِهِ مَرِيضًا وَأَنَا مَعَهُ فَدَخَلَ عَلَيْهِ وَهُوَ يُصَلِّي عَلَى عُودٍ فَوَضَعَ جَبْهَتَهُ عَلَى الْعُودِ فَأَوْمَى إِلَيْهِ فَطَرَحَ الْعُودَ وَأَخَذَ وِسَادَةً فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " دَعْهَا عَنْكَ إِنِ اسْتَطَعْتَ أَنْ تَسْجُدَ عَلَى الْأَرْضِ وَإِلَّا فَأَوْمِ إِيمَاءً وَاجْعَلْ سُجُودَكَ أَخْفَضَ مِنْ رُكُوعِكَ». رَوَاهُ الطَّبَرَانِيُّ فِي الْكَبِيرِ، وَفِيهِ حَفْصُ بْنُ سُلَيْمَانَ الْمِنْقَرِيُّ وَهُوَ مَتْرُوكٌ وَاخْتَلَفَتِ الرِّوَايَةُ عَنْ أَحْمَدَ فِي تَوْثِيقِهِ وَالصَّحِيحُ أَنَّهُ ضَعَّفَهُ وَاللَّهُ أَعْلَمُ وَقَدْ ذَكَرَهُ ابْنُ حِبَّانَ فِي الثِّقَاتِ.

حضرت عبداللہ بن عمر رضی اللہ عنہ بیان کرتے ہیں:نبی اکرم صلی اللہ علیہ وآل وسلم اپنے اصحاب میں سے ایک بیمار شخص کی عیادت کے لئے تشریف لے گئے میں آپ کے ساتھ تھا جب نبی اکرم صلی اللہ علیہ وآل وسلم اس شخص کے پاس پہنچے تو وہ ایک لکڑی کے سہارے نماز ادا کر رہا تھا وہ اپنی پیشانی لکڑی پر رکھ دیتا تھا نبی اکرم صلی اللہ علیہ وآل وسلم نے اسے اشارہ کیا تو اس نے لکڑی ایک طرف کر دی پھر اس نے تکیہ لے لیا تو نبی اکرم صلی اللہ علیہ وآل وسلم نے اسے فرمایا اسے چھوڑ دو اگر تم زمین پر سجدہ کرنے کی استطاعت رکھتے ہو ، تو ٹھیک ہے ورنہ تم اشارہ کر لو اور سجدے میں رکوع کی نسبت زیادہ جھک جاؤ ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی حفص بن سلیمان بن منقری ہے اور وہ متروک ہے اس کی توثیق کے بارے میں امام احمد سے مختلف روایات منقول ہیں صحیح روایت یہ ہے کہ انہوں نے اسے ضعیف قرار دیا ہے باقی اللہ بہتر جانتا ہے ۔ ابن حبان نے اس کا تذکرہ کتاب " الثقات" میں کیا ہے

ابْنِ عُمَرَ

2896 - وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «مَنِ اسْتَطَاعَ مِنْكُمْ أَنْ يَسْجُدَ فَلْيَسْجُدْ وَمَنْ لَمْ يَسْتَطِعْ فَلَا يَرْفَعْ إِلَى جَبْهَتِهِ شَيْئًا يَسْجُدُ عَلَيْهِ وَلَكِنْ رُكُوعُهُ وَسُجُودُهُ يُومِئُ إِيمَاءً». رَوَاهُ الطَّبَرَانِيُّ فِي الْأَوْسَطِ وَرِجَالُهُ مُوَثَّقُونَ لَيْسَ فِيهِمْ كَلَامٌ يَضُرُّ وَاللَّهُ أَعْلَمُ.

حضرت عبداللہ بن عمر رضی اللہ عنہ روایت کرتے ہیں : نبی اکرم صلی اللہ علیہ وآل وسلم نے ارشاد فرمایا ہے : " تم میں سے جو شخص سجدہ کرنے کی استطاعت رکھتا ہو وہ سجدہ کر لے اور جو شخص اس کی استطاعت نہ رکھتا ہو وہ اپنی پیشانی کی طرف کوئی چیز بلند نہ کرے تاکہ اس پر سجدہ کرے بلکہ اسے رکوع اور سجود اشارے کے ساتھ کرنے چاہئیں "۔یہ روایت امام طبرانی نے معجم اوسط میں نقل کی ہے اور اس کے رجال کی توثیق کی گئی ہےان کے بارے میں کوئی ایسا کلام نہیں کیا گیا جو نقصان دہ ہو باقی اللہ بہتر جانتا ہے۔

ابْنِ عُمَرَ

2897 - وَعَنِ ابْنِ عَبَّاسٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «يُصَلِّي الْمَرِيضُ قَائِمًا فَإِنْ نَالَتْهُ مَشَقَّةٌ صَلَّى جَالِسًا فَإِنْ نَالَتْهُ مَشَقَّةٌ صَلَّى نَائِمًا يُومِئُ بِرَأْسِهِ فَإِنْ نَالَتْهُ مَشَقَّةٌ سَبَّحَ». رَوَاهُ الطَّبَرَانِيُّ فِي الْأَوْسَطِ وَقَالَ: لَمْ يَرْوِهِ عَنِ ابْنِ جُرَيْجٍ إِلَّا حِلْسُ بْنُ مُحَمَّدٍ الضَّبْعَيُّ، قُلْتُ: وَلَمْ أَجِدْ مَنْ تَرْجَمَهُ وَبَقِيَّةُ رِجَالِهِ ثِقَاتٌ.

حضرت عبداللہ بن عباس رضی اللہ عنہ نبی اکرم صلی اللہ علیہ وآل وسلم کا یہ فرمان نقل کرتے ہیں :"بیمار شخص کھڑا ہو کر نماز ادا کرے گا اگر اسے مشقت لاحق ہوتی ہے تو وہ بیٹھ کر نماز ادا کرے گا اگر پھر بھی مشقت لاحق ہوتی ہے، تو وہ لیٹ کر نماز ادا کرے گا ، اور اپنے سر کے ذریعے اشارہ کرلے گا اگر اس میں بھی اسے مشقت لاحق ہوتی ہے ، تو پھر وہ تسبیح پڑھ لے گا "۔یہ روایت امام طبرانی نے معجم اوسط میں نقل کی ہے وہ بیا ن کرتے ہیں: ابن جریج کے حوالے سے اس روایت کو صرف حلس بن محمد ضبعی نے روایت کیا ہے ( علامہ ہیثمی فرماتے ہیں ) میں یہ کہتا ہوں : میں نے کسی کو اس کے حالات بیان کرتے ہوئے نہیں پایا ہے اس روایت کے بقیہ رجال "ثقہ "ہیں ۔

ابْنِ عَبَّاسٍ،

2898 - وَعَنْ أَنَسِ بْنِ مَالِكٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - «صَلَّى عَلَى الْأَرْضِ فِي الْمَكْتُوبَةِ قَاعِدًا وَقَعَدَ فِي التَّسْبِيحِ فِي الْأَرْضِ فَأَوْمَى إِيمَاءً». رَوَاهُ أَبُو يَعْلَى، وَفِيهِ حَفْصُ بْنُ عُمَرَ قَاضِي حَلَبَ وَهُوَ ضَعِيفٌ.

حضرت انس بن مالک رضی اللہ عنہ بیان کرتے ہیں :نبی اکرم صلی اللہ علیہ وآل وسلم نے زمین پر بیٹھ کر فرض نماز ادا کی اور آپ نے نفل نماز زمین پر ادا کی اور اس میں اشارہ کیا ۔ یہ روایت امام ابو یعلی نے نقل کی ہے اس کی سند میں ایک راوی حفص بن عمر ہے جو حلب کا قاضی ہے اور وہ " ضعیف " ہے۔

اَنَسِ بْنِ مَالِکٍ،

2899 - وَعَنِ ابْنِ مَسْعُودٍ: أَنَّهُ دَخَلَ عَلَى أَخِيهِ عُتْبَةَ وَهُوَ يُصَلِّي عَلَى سِوَاكٍ يَرْفَعُهُ إِلَى وَجْهِهِ فَأَخَذَهُ فَرَمَى بِهِ ثُمَّ قَالَ: أَوْمِ إِيمَاءً وَلْتَكُنْ رَكْعَتُكَ أَرْفَعَ مِنْ سَجْدَتِكَ. رَوَاهُ الطَّبَرَانِيُّ فِي الْكَبِيرِ وَرِجَالُهُ ثِقَاتٌ.

حضرت عبداللہ بن مسعود رضی اللہ عنہ کے بارے میں یہ بات منقول ہے وہ اپنے بھتیجے عتبہ کے ہاں گئے جو مسواک کے سہارے نماز ادا کر رہے تھے وہ اس مسواک کو اپنی پیشانی تک بلند کرتے تھے تو حضرت عبداللہ بن مسعود رضی اللہ عنہ نے اس سے مسواک لے کر ایک طرف رکھ دی اور پھر یہ ارشاد فرمایا : تم اشارے کے ساتھ نماز ادا کرو اور تمہارے رکوع میں تم سجدے کی بہ نسبت ذرا بلند رہنا ( یعنی پیشانی کو زیادہ نہ جھکانا )۔ یہ روایت امام طبرانی نے معجم کبیر میں نقل کی ہے اور اس کے رجال " ثقہ " ہیں۔

2900 - وَعَنْ إِبْرَاهِيمَ قَالَ: دَخَلَ عَلْقَمَةُ وَالْأَسْوَدُ عَلَى عَبْدِ اللَّهِ فَقَالَا: إِنَّ أُمَّ الْأَسْوَدِ أُقْعِدَتْ وَأَنَّهُ يُرْكِزُ لَهَا عَوْدَ الْمِرْوَحَةِ تَسْجُدُ عَلَيْهِ فَمَا تَرَى؟ قَالَ: إِنِّي لَأَرَى الشَّيْطَانَ يَعْرِضُ بِالْعُودِ، لِتَسْجُدَ عَلَى الْأَرْضِ إِنِ اسْتَطَاعَتْ وَإِلَّا تُومِئُ إِيمَاءً. رَوَاهُ الطَّبَرَانِيُّ فِي الْكَبِيرِ وَإِبْرَاهِيمُ النَّخَعِيُّ لَمْ يُدْرِكِ ابْنَ مَسْعُودٍ وَبَقِيَّةُ رِجَالِهِ ثِقَاتٌ.

ابراہیم نخعی بیان کرتے ہیں : علقمہ اور اسود حضرت عبداللہ بن مسعود رضی اللہ عنہ کی خدمت میں حاضر ہوئے ان دونوں نے عرض کی : اسود کی والدہ کو بٹھا دیا جاتا ہے پھر ان کے لئے ایک لکڑی رکھی جاتی ہے ، جس پر وہ سجدہ کرتی ہیں تو اس بارے میں آپ کی کیا رائے ہے ؟ حضرت عبداللہ رضی اللہ عنہ نے فرمایا : میں یہ سمجھتا ہوں کہ شیطان اس لکڑی کے درپے ہوتا ہے اس عورت کو زمین پر سجدہ کرنا چاہیے اگر وہ اس کی استطاعت رکھتی ہو ، ورنہ اسے اشارے کے ساتھ سجدہ کرنا چاہیے ۔ یہ روایت امام طبرانی نے معجم کبیر میں نقل کی ہےابراہیم نخعی نے حضرت عبداللہ بن مسعود رضی اللہ عنہ کا زمانہ نہیں پایا ہے ، اس روایت کے بقیہ رجال " ثقہ " ہیں

إِبْرَاهِيمَ،

2901 - وَعَنِ الْمُخْتَارِ قَالَ: سَأَلْتُ أَنَسًا عَنْ صَلَاةِ الْمَرِيضِ فَقَالَ: يَرْكَعُ وَيَسْجُدُ قَاعِدًا فِي الْمَكْتُوبَةِ. رَوَاهُ أَحْمَدُ وَرِجَالُهُ ثِقَاتٌ.

مختار بیان کرتے ہیں : میں نے حضرت انس رضی اللہ عنہ سے بیمار شخص کی نماز کے بارے میں دریافت کیا : تو انہوں نے فرمایا: وہ فرض نماز میں بیٹھ کر رکوع اور سجود کرے گا ۔ یہ روایت امام احمد نے نقل کی ہے اور اس کے رجال "ثقہ " ہیں ۔

صَلَاةِ الْمَرِيضِ فَقَالَ: يَرْكَعُ وَيَسْجُدُ قَاعِدًا فِي الْمَكْتُوبَةِ. رَوَاهُ أَحْمَدُ وَرِجَالُهُ ثِقَاتٌ. ← سَأَلْتُ أَنَسًا ← وَعَنِ الْمُخْتَارِ

2902 - وَعَنِ ابْنِ عُمَرَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «صَلَاةُ الْقَاعِدِ عَلَى النِّصْفِ مِنْ صَلَاةِ الْقَائِمِ». رَوَاهُ الْبَزَّارُ وَالطَّبَرَانِيُّ فِي الْكَبِيرِ وَإِسْنَادُهُ حَسَنٌ.

حضرت عبداللہ بن عمر نبی اکرم صلی اللہ علیہ وآل وسلم کا یہ فرمان نقل کرتے ہیں :" بیٹھ کر نماز ادا کرنے والے کی نماز کھڑے ہو کر نماز ادا کرنے والے کی نماز کا ( اجر و ثواب کے حساب سے ) نصف ہوتی ہے ۔ یہ روایت امام بزار اور امام طبرانی نے معجم کبیر میں نقل کی ہے اور اس کی سند حسن ہے ۔

ابْنِ عُمَرَ

2903 - وَعَنْ عَائِشَةَ رَفَعَتْهُ: «صَلَاةُ الْقَاعِدِ عَلَى النِّصْفِ مِنْ صَلَاةِ الْقَائِمِ». رَوَاهُ أَحْمَدُ وَرِجَالُهُ رِجَالُ الصَّحِيحِ.

سیدہ عائشہ صدیقہ رضی اللہ عنہا "مرفوع " حدیث کے طور پر یہ بات نقل کرتی ہیں : ( نبی اکرم صلی اللہ علیہ وآل وسلم نے ارشاد فرمایا ہے : )" بیٹھ کر (نماز ادا کرنے والے ) کی نماز کھڑے ہو کر ( نماز اداکرنے والے ) کی نماز کا نصف ہوتی ہے " یہ روایت امام احمد نے نقل کی ہے اور اس کے رجال " صحیح " کے رجال ہیں ۔

2904 - وَعَنْ عَبْدِ اللَّهِ بْنِ السَّائِبِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «صَلَاةُ الْجَالِسِ عَلَى النِّصْفِ مِنْ صَلَاةِ الْقَائِمِ». رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ الْكَرِيمِ بْنُ أَبِي الْمُخَارِقِ وَهُوَ ضَعِيفٌ.

حضرت عبداللہ بن سائب رضی اللہ عنہ روایت کرتے ہیں :نبی اکرم صلی اللہ علیہ وآل وسلم نے ارشاد فرمایا ہے : " بیٹھنے والے کی نماز کھڑے ہونے والے کی نماز کا نصف ہوتی ہے "۔یہ روایت امام طبرانی نے معجم کبیر میں نقل کی ہے اس کی سند میں ایک راوی عبدالکریم بن ابو المخارق ہے اور وہ "ضعیف " ہے ۔

عَبْدِ اللهِ بْنِ السَّائِبِ

2905 - وَعَنِ الْمُطَّلِبِ بْنِ أَبِي وَدَاعَةَ قَالَ: «رَأَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - رَجُلًا يُصَلِّي قَاعِدًا فَقَالَ: رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " صَلَاةُ الْقَاعِدِ عَلَى النِّصْفِ مِنْ صَلَاةِ الْقَائِمِ " فَتَجَشَّمَ النَّاسُ الْقِيَامَ». رَوَاهُ الطَّبَرَانِيُّ فِي الْكَبِيرِ وَفِيهِ صَالِحُ ابْنُ أَبِي الْأَخْضَرِ وَقَدْ ضَعَّفَهُ الْجُمْهُورُ وَقَالَ أَحْمَدُ: يُعْتَبَرُ لِحَدِيثِهِ.

حضرت مطلب بنن ابو وداعہ رضی اللہ عنہ بیان کرتے ہیں :نبی اکرم صلی اللہ علیہ وآل وسلم نے ایک شخص کو بیٹھ کر نماز ادا کرتے ہوئے دیکھا تو ارشاد فرمایا : بیٹھ کر ( نمازادا کرنے والے) کی نماز کھڑے ہو کر ( نماز ادا کرنے والے ) کی نماز کا نصف ہوتی ہے "۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی صالح بن ابو اخضر ہے جسے جمہور نے ضعیف قرار دیا ہے امام احمد کہتے ہیں : اس کی حدیث کا اعتبار کیا جائے گا ۔

أَحْمَدُ: يُعْتَبَرُ لِحَدِيثِهِ. ← فِيهِ صَالِحُ ابْنُ أَبِي الْأَخْضَرِ وَقَدْ ضَعَّفَهُ الْجُمْهُورُ ← رَأَى رَسُولُ اللهِ رَجُلاً يُصَلِّي قَاعِدًا ← الْمُطَّلِبِ بْنِ أَبِي وَدَاعَةَ