Majma uz Zawaid Wa Manba ul Fawaid

3666 - عَنْ يُوسُفَ بْنِ عَبْدِ اللَّهِ بْنِ سَلَامٍ قَالَ: صَحِبْتُ أَبَا الدَّرْدَاءِ أَتَعَلَّمُ مِنْهُ فَلِمَا حَضَرَهُ الْمَوْتُ قَالَ: آذِنِ النَّاسَ بِمَوْتِي فَآذَنْتُ النَّاسَ بِمَوْتِهِ، فَجِئْتُ وَقَدْ مُلِئَ الدَّارُ وَمَا سِوَاهُ [قَالَ: فَقُلْتُ: قَدْ آذَنْتُ النَّاسِ بِمَوْتِكَ، وَقَدْ مُلِئَ الدَّارُ وَمَا سِوَاهُ] قَالَ: أَخْرِجُونِي فَأَخْرَجْنَاهُ قَالَ: فَأَجْلِسُونِي فَأَجْلَسْنَاهُ فَقَالَ: يَا أَيُّهَا النَّاسُ إِنِّي سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَنْ تَوَضَّأَ فَأَسْبَغَ الْوُضُوءَ ثُمَّ صَلَّى رَكْعَتَيْنِ يُتِمُّهُمَا أَعْطَاهُ اللَّهُ - عَزَّ وَجَلَّ - مَا سَأَلَ مُعَجَّلًا أَوْ مُؤَخَّرًا» ". قَالَ أَبُو الدَّرْدَاءِ: [يَا أَيُّهَا النَّاسُ] إِيَّاكُمْ وَالِالْتِفَاتَ فِي الصَّلَاةِ فَإِنَّهُ لَا صَلَاةَ لِمُلْتَفِتٍ فَإِنْ غُلِبْتُمْ فِي التَّطَوُّعِ فَلَا تُغْلَبُنَّ فِي الْفَرَائِضِ. رَوَاهُ أَحْمَدُ وَالْطَبَرَانِيُّ فِي الْكَبِيرِ، وَفِيهِ مَيْمُونٌ أَبُو مُحَمَّدٍ قَالَ الذَّهَبِيُّ: لَا يُعْرَفُ.

یوسف بن عبداللہ بن سلام بیان کرتے ہیں: میں حضرت ابو درداء رضی اللہ عنہ کے پاس رہا‘ تاکہ ان سے علم حاصل کر تار ہوں ‘ جب ان کی وفات کاوقت قریب آیا ‘ تو انہوں نے فر مایا:لوگوں کومیرے قریب المرگ ہونے کی اطلاع دے دو! میں نے لوگوں کو اطلاع دے دی ‘ میں آیا تو گھر بھر چکا تھا اور باہر بھی لوگ موجود تھے‘ میں نے کہا: میں نے لوگوں کو آپ کے قریب المرگ ہونے کی اطلاع دیدی ہے‘ تو گھر اور باہرلوگ بھر چکے ہیں‘ توانہوں نے فرمایا: تم مجھے باہر لے جاؤ! ہم انہیں باہر لے آئے ‘ تو انہوں نے فرمایا:تم مجھے بٹھاؤ ! ہم نے انہیں بٹھاد یا‘ انہوں نے فرمایا: اے لوگو! میں نے نبی اکرم صلی اللہ علیہ وسلم کو یہ ارشادفر ماتے ہوئےسنا ہے: ’’ جوشخص وضوکرتے ہوئے‘ اچھی طرح وضوکرے اور پھر دو رکعات مکمل ادا کرے‘ تو وہ اللہ تعالیٰ سے جوبھی چیز مانگے گا‘ تو اللہ تعالیٰ اسے وہ چیز جلدی عطا کر دے گا‘‘۔ حضرت ابو درداء رضی اللہ عنہ نے فرمایا: اے لوگو! نماز کے دوران ادھرادھر تو جہ کر نے سے بچو! کیونکہ ادھر ادھر تو جہ کر نے والے کی نمازنہیں ہوتی ہے‘ اگر مجبوراً ایسا کرنا پڑے ‘ تونفل میں ایسا کرلو‘ فرض میں ایسا نہ کر نا‘‘۔ یہ روایت امام احمد نے اور امام طبرانی نے معجم کبیر میں نقل کی ہے‘ اس کی سند میں ایک راوی میمون ابومحمد ہے‘ امام ذہبی کہتے ہیں: یہ معروف نہیں ہے۔

يُوسُفَ بْنَ عَبْدِ اللهِ بْنِ سَلامٍ

3667 - وَعَنْ يُوسُفَ بْنِ عَبْدِ اللَّهِ بْنِ سَلَامٍ قَالَ: أَتَيْتُ أَبَا الدَّرْدَاءِ فِي مَرَضِهِ الَّذِي قُبِضَ فِيهِ فَقَالَ: يَا ابْنَ أَخِي مَا أَعَمَلَكَ إِلَى هَذَا الْبَلَدِ؟ أَوْ مَا جَاءَ بِكَ؟ قَالَ: قُلْتُ: لَا، إِلَّا صِلَةُ مَا كَانَ بَيْنَكَ وَبَيْنَ وَالِدِي عَبْدِ اللَّهِ بْنِ سَلَامٍ فَقَالَ: بِئْسَ سَاعَةُ الْكَذِبِ هَذِهِ، سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَنْ تَوَضَّأَ فَأَحْسَنَ الْوُضُوءَ ثُمَّ قَامَ فَصَلَّى رَكْعَتَيْنِ أَوْ أَرْبَعًا - شَكَّ سَهْلٌ - يُحْسِنُ فِيهِمَا الرُّكُوعَ وَالْخُشُوعَ ثُمَّ اسْتَغْفَرَ اللَّهَ غَفَرَ لَهُ». رَوَاهُ أَحْمَدُ وَالْطَبَرَانِيُّ فِي الْكَبِيرِ إِلَّا أَنَّهُ قَالَ: " «ثُمَّ قَامَ فَصَلَّى رَكْعَتَيْنِ أَوْ أَرْبَعًا مَكْتُوبَةً أَوْ غَيْرَ مَكْتُوبَةٍ يُحْسِنُ فِيهَا الرُّكُوعَ وَالسُّجُودَ» " وَإِسْنَادُهُ حَسَنٌ.

یوسف بن عبداللہ بن سلام بیان کرتے ہیں: میں حضرت ابودرداء رضی اللہ عنہ کی خدمت میں ان کی اس بیماری کے دوران حاضر ہوا ‘ جس میں ان کا انتقال ہواتھا‘ انہوں نے فرمایا:اے میرے بھتیجے !تم یہاں کس کام کے سلسلے میں آئےہو؟ ( یہاں راوی کوشک ہے‘ شاید یہ الفاظ ہیں: ) تم کیوں آئےہو؟ تو یوسف بن عبداللہ نے کہا: میں صرف اس تعلق کی وجہ سے آیا ہوں‘ جو آپ کے اور میرے والد حضرت عبداللہ بن سلام رضی اللہ عنہ کے درمیان تھا‘ تو حضرت ابو درداء رضی اللہ عنہ نے فرمایا: جھوٹ بولنے کے لئے یہ گھڑی بری ہے ( یعنی یہ گھڑی جب میں دنیا سے رخصت ہورہا ہوں) میں نے نبی اکرم صلی اللہ علیہ وسلم کو یہ ارشادفر ماتے ہوئے سنا ہے: ’’جوشخص وضو کرتے ہوئے‘ اچھی طرح وضوکرے ‘ پھر کھڑے ہوکر دو رکعات ‘ یا چار رکعات ادا کرے ( یہ شک سہل ۔ نامی راوی کو ہے) وہ ان دونوں رکعت میں اچھی طرح سے رکوع اورخشوع کرے ‘ پھروہ اللہ تعالی سے مغفرت طلب کرے تو اس کی مغفرت ہو جائے گی‘‘۔یہ روایت امام احمد نے اور امام طبرانی نے معجم کبیر میں نقل کی ہے تا ہم انہوں نے یہ الفا ظ نقل کیے ہیں: ’’ پھر وہ کھڑا ہوکر دو یا چار رکعات ادا کرے خواہ وہ فرض ہوں یانفل ہوں اوروہ ان میں اچھی طرح رکوع وسجود کرے‘‘۔اس روایت کی سند حسن ہے۔

يُوسُفَ بْنَ عَبْدِ اللهِ بْنِ سَلامٍ

3668 - وَعَنْ عُثْمَانَ بْنِ حُنَيْفٍ أَنَّ رَجُلًا كَانَ يَخْتَلِفُ إِلَى عُثْمَانَ بْنِ عَفَّانَ فِي حَاجَةٍ لَهُ فَكَانَ عُثْمَانُ لَا يَلْتَفِتُ إِلَيْهِ وَلَا يَنْظُرُ فِي حَاجَتِهِ فَلَقِيَ عُثْمَانَ بْنَ حُنَيْفٍ فَشَكَا ذَلِكَ إِلَيْهِ فَقَالَ لَهُ عُثْمَانُ بْنُ حُنَيْفٍ: ائْتِ الْمِيضَأَةَ فَتَوَضَّأْ ثُمَّ ائْتِ الْمَسْجِدَ فَصَلِّ فِيهِ رَكْعَتَيْنِ، ثُمَّ قُلِ: اللَّهُمَّ إِنِّي أَسْأَلُكَ وَأَتَوَجَّهُ إِلَيْكَ بِنَبِيِّنَا مُحَمَّدٍ - صَلَّى اللَّهُ عَلَيْهِ وَسَلَّمَ - نَبِيِّ الرَّحْمَةِ، يَا مُحَمَّدُ إِنِّي أَتَوَجَّهُ بِكَ إِلَى رَبِّي فَيَقْضِي لِي حَاجَتِي، وَتَذْكُرُ حَاجَتَكَ، وَرُحْ إِلَيَّ حِينَ أَرُوحُ مَعَكَ فَانْطَلَقَ الرَّجُلُ فَصَنَعَ مَا قَالَ لَهُ ثُمَّ أَتَى بَابَ عُثْمَانَ فَجَاءَ الْبَوَّابُ حَتَّى أَخَذَ بِيَدِهِ فَأَدْخَلَهُ عَلَى عُثْمَانَ بْنِ عَفَّانَ فَأَجْلَسَهُ مَعَهُ عَلَى الطِّنْفِسَةِ وَقَالَ: حَاجَتُكَ؟ فَذَكَرَ حَاجَتَهُ فَقَضَاهَا لَهُ ثُمَّ قَالَ لَهُ: مَا ذَكَرْتَ حَاجَتَكَ حَتَّى كَانَتْ هَذِهِ السَّاعَةُ، وَقَالَ: مَا كَانَتْ لَكَ مِنْ حَاجَةٍ فَائْتِنَا، ثُمَّ إِنَّ الرَّجُلَ خَرَجَ مِنْ عِنْدِهِ فَلَقِيَ عُثْمَانَ بْنَ حُنَيْفٍ فَقَالَ لَهُ: جَزَاكَ اللَّهُ خَيْرًا مَا كَانَ يَنْظُرُ فِي حَاجَتِي وَلَا يَلْتَفِتُ إِلَيَّ حَتَّى كَلَّمْتَهُ فِيَّ، فَقَالَ عُثْمَانُ بْنُ حُنَيْفٍ: وَاللَّهِ مَا كَلَّمْتُهُ وَلَكِنْ «شَهِدْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - وَأَتَاهُ رَجُلٌ ضَرِيرٌ فَشَكَا إِلَيْهِ ذَهَابَ بَصَرِهِ فَقَالَ لَهُ النَّبِيُّ - صَلَّى اللَّهُ عَلَيْهِ وَسَلَّمَ -: " أَوَ تَصْبِرُ؟ " فَقَالَ: يَا رَسُولَ اللَّهِ إِنَّهُ لَيْسَ لِي قَائِدٌ وَقَدْ شَقَّ عَلَيَّ، فَقَالَ لَهُ النَّبِيُّ - صَلَّى اللَّهُ عَلَيْهِ وَسَلَّمَ -: " ائْتِ الْمِيضَأَةَ فَتَوَضَّأْ ثُمَّ صَلِّ رَكْعَتَيْنِ ثُمَّ ادْعُ بِهَذِهِ الْكَلِمَاتِ» فَقَالَ عُثْمَانُ بْنُ حُنَيْفٍ: فَوَاللَّهِ مَا تَفَرَّقْنَا وَطَالَ بِنَا الْحَدِيثُ حَتَّى دَخَلَ عَلَيْهِ الرَّجُلُ كَأَنَّهُ لَمْ يَكُنْ بِهِ ضَرَرٌ قَطُّ. قُلْتُ رَوَى التِّرْمِذِيُّ وَابْنُ مَاجَهْ طَرَفًا مِنْ آخِرِهِ خَالِيًا عَنِ الْقِصَّةِ، وَقَدْ قَالَ الطَّبَرَانِيُّ عَقِبَهُ: وَالْحَدِيثُ صَحِيحٌ بَعْدَ ذِكْرِ طُرُقِهِ الَّتِي رُوِيَ بِهَا.

حضرت عثمان بن حنیف رضی اللہ عنہ بیان کرتے ہیں: ایک شخص اپنے کسی کام کے سلسلے میں حضرت عثمان غنی رضی اللہ عنہ کے پاس آ تا جاتا رہا ‘ لیکن حضرت عثمان غنی رضی اللہ عنہ نے اس کی طرف توجہ نہیں دی اور اس کی ضرورت کا جائز ہ نہیں لیا ‘ اس شخص کی ملاقات حضرت عثمان بن حنیف رضی اللہ عنہ سے ہوئی اس نے اس بات کی شکایت حضرت عثمان بن حنیف رضی اللہ عنہ کے سامنے کی ‘ تو حضرت عثمان بن حنیف رضی اللہ عنہ نے اس سے فرمایا:تم وضو کے برتن کے پاس جاؤ‘ وضو کرو پھر تم مسجد میں آؤ ‘ اس میں دو رکعات ادا کرو اور پھر یہ پڑھو: ”اے اللہ! میں اپنے نبی حضرت محمد صلی اللہ علیہ وسلم جو نبی رحمت ہیں ان کے وسیلے سے تجھ سے سوال کرتا ہوں اور تیری طرف متوجہ ہوتا ہوں اے حضرت محمد ! میں آپ کواپنے پروردگار کی بارگاہ کی طرف متوجہ کرواتا ہوں ( کہ آپ میرے لئے یہ دعا کریں تاکہ پروردگار میری حاجت کو پورا کر دے‘‘۔ ( پھر حضرت عثمان بن حنیف رضی اللہ عنہ نے فرمایا: ) تم اپنے کام کا ذکر کرو اور پھر ادھر جب جاؤ گے ‘ تو میں بھی تمہارے ساتھ جاؤں گا وہ شخص چلا گیا حضرت عثمان رضی اللہ عنہ نے جو اسے بتایا تھا ‘ وہ اس نے کیا‘ پھر وہ حضرت عثمان غنی رضی اللہ عنہ کے دروازے پرآیا‘ تو دربان آیا اس نے اس شخص کا ہاتھ پکڑا اور اسے حضرت عثمان رضی اللہ عنہ کے پاس لے گیا‘ حضرت عثمان رضی اللہ عنہ نے اسے اپنے ساتھ اپنے بچھونے پر بٹھایا اور فرمایا: تمہیں کیا کام ہے ؟ اس شخص نے اپنی ضرورت کا ذکر کیا حضرت عثمان رضی اللہ عنہ نے اسے پورا کر نے کی ہدایت کی پھراس سے فرما یا تم نے اپنی ضرورت بتانے میں اتنی دیر کر دی؟ پھر انہوں نے فرمایا: تمہیں جب بھی کوئی ضرورت ہو توتم ہمارے پاس آ جایا کرو ‘وہ شخص ان کے پاس سے نکلا تو اس کی ملاقات حضرت عثمان بن حنیف رضی اللہ عنہ سے ہوئی ‘ اس شخص نے ان سے کہا: اللہ تعالی ٰآپ کو جزائے خیر عطا کرے پہلے تو وہ میری ضرورت کی طرف غور وفکر ہی نہیں کر تے تھے اور میری طرف توجہ ہی نہیں کرتے تھے ‘آپ نے ان سے میرے بارے میں بات چیت کی ‘توانہوں نے ایسا کیا تو حضرت عثمان بن حنیف رضی اللہ عنہ نے فرمایا: اللہ کی قسم ! میں نے ان کے ساتھ کوئی بات نہیں کی ‘ایک مرتبہ میں نبی اکرم صلی اللہ علیہ وسلم کے پاس موجود تھا ایک نابینا شخص آپ کی خدمت میں حاضر ہوا اس نے بینائی رخصت ہونے کی شکایت آپ صلی اللہ علیہ وسلم سے کی ‘تو نبی اکرم صلی اللہ علیہ وسلم نے ارشاد فرمایا: کیا تم صبر سے کام نہیں لیتے ؟ اس نے عرض کی : یا رسول اللہ! مجھے ساتھ لے کے چلنے والاکوئی نہیں ہے ‘ اور مجھے بڑی پریشانی ہوتی ہے ‘ تو نبی اکرم صلی اللہ علیہ وسلم نے ارشاد فرمایا:تم وضو کے برتن کے پاس جاؤ ‘ وضو کرو پھر دو رکعات ادا کرو پھر یہ دعا کرو‘ حضرت عثمان بن حنیف رضی اللہ عنہ بیان کرتے ہیں : اللہ کی قسم ! ابھی ہم وہاں سے اٹھے نہیں تھے ‘ اور گفتگو کیے ہوئے زیادہ دیر نہیں ہوئی تھی کہ وہ شخص نبی اکرم صلی اللہ علیہ وسلم کی خدمت میں حاضر ہوا ‘ تو یوں لگ رہا تھا کہ جیسے اسے کوئی ضرر لاحق ہی نہیں تھا ( یعنی اس کی بینائی بالکل ٹھیک ہو چکی تھی )۔ (علامہ ہیثمی فرماتے ہیں: ) میں یہ کہتا ہوں:امام ترمذی اورامام ابن ماجہ نے اس روایت کا آخری حصہ نقل کیا ہے ‘ جو پورے واقعے کے علاوہ ہے ‘ امام طبرانی فرماتے ہیں: یہ حدیث صحیح ہے‘ انہوں نے اس کے مختلف طرق ذکر کرنے کے بعد یہ بات بیان کی ہے ‘جن طرق کے حوالے سے یہ روایت نقل کی ہے۔

عُثْمَانَ بْنِ حُنَيْفٍ،