Majma uz Zawaid Wa Manba ul Fawaid

2479 - عَنْ جَابِرِ بْنِ سَمُرَةَ قَالَ: «صَلَّى بِنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - صَلَاةَ الصُّبْحِ فَجَعَلَ يَهْوِي بِيَدِهِ فَسَأَلَهُ الْقَوْمُ حِينَ انْصَرَفَ فَقَالَ: " إِنَّ الشَّيْطَانَ كَانَ يُلْقِي عَلَيَّ شَرَرَ النَّارِ لِيَفْتِنَنِي عَنِ الصَّلَاةِ فَتَنَاوَلْتُهُ فَلَوْ أَخَذْتُهُ مَا انْفَلَتَ مِنِّي حَتَّى يُنَاطَ إِلَى سَارِيَةٍ مِنْ سَوَارِي الْمَسْجِدِ يَنْظُرُ إِلَيْهِ وِلْدَانُ أَهْلِ الْمَدِينَةِ» ". رَوَاهُ أَحْمَدُ.

حضرت جابر بن سمرہ رضی اللہ تعالیٰ عنہ بیان کرتے ہیں : نبی اکرم صلی اللہ و علیہ وآلہ وسلم نے ہمیں صبح کی نماز پڑھائی پھر آپ نے اپنا ہاتھ آگے بڑھایا جب آپ نے نماز مکمل کر لی تو لوگوں نے آپ سے اس بارے میں دریافت کیا: تو نبی اکرم صلی اللہ و علیہ وآلہ وسلم نے ارشاد فرمایا: شیطان آگ کے شرارے میں میری طرف ڈالنا چاہتا تھا تا کہ میری توجہ نماز سے ہٹا دے میں نے اس کی طرف ہاتھ بڑھایا اگر میں اس کو پکڑ لیتا تو وہ مجھ سے خود کو چھڑا نہیں سکتا تھا یہاں تک کہ اسے مسجد کے ستونوں میں سے کسی ستون کے ساتھ باند ھ دیا جانا تھا اور اہل مدینہ کے بچوں نے اسے دیکھ لینا تھا۔ یہ روایت امام احمد نے نقل کی ہے۔

جَابِرَ بْنَ سَمُرَةَ

2480 - وَلَهُ فِي رِوَايَةٍ: «صَلَّى بِنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَجَعَلَ يَنْتَهِرُ شَيْئًا قُدَّامَهُ». وَالطَّبَرَانِيُّ فِي الْكَبِيرِ وَرِجَالُهُ رِجَالُ الصَّحِيحِ.

ان کے حوالے ایک روایت میں یہ بات منقول ہے: نبی اکرم صلی اللہ و علیہ وآلہ وسلم ہمیں نماز پڑھا رہے تھے، آپ نے اپنے سامنے موجود کسی چیز کو ڈرانا (یا جھڑکنا)شروع کیا۔ یہ روایت امام طبرانی نے معجم کبیر میں نقل کی ہے، اور اس کے رجال "صحیح" کے رجال ہیں۔

2481 - وَعَنْ أَبِي سَعِيدٍ الْخُدْرِيِّ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَامَ فَصَلَّى صَلَاةَ الصُّبْحِ وَهُوَ خَلْفَهُ فَالْتَبَسَتْ عَلَيْهِ الْقِرَاءَةُ، فَلَمَّا فَرَغَ مِنْ صَلَاتِهِ قَالَ: " لَوْ رَأَيْتُمُونِي وَإِبْلِيسَ فَأَهْوَيْتُ بِيَدِي فَمَا زِلْتُ أَخْنُقُهُ حَتَّى وَجَدْتُ بَرْدَ لُعَابِهِ بَيْنَ إِصْبَعَيِّ هَاتَيْنِ: الْإِبْهَامِ وَالَّتِي تَلِيهَا، وَلَوْلَا دَعْوَةُ أَخِي سُلَيْمَانَ لَأَصْبَحَ مَرْبُوطًا بِسَارِيَةٍ مِنْ سَوَارِي الْمَسْجِدِ يَتَلَاعَبُ بِهِ صِبْيَانُ الْمَدِينَةِ». رَوَاهُ أَحْمَدُ وَرِجَالُهُ ثِقَاتٌ.

حضرت ابو سعید خدری رضی اللہ تعالیٰ عنہ بیان کرتے ہیں: نبی اکرم صلی اللہ و علیہ وآلہ وسلم کھڑے ہوئے آپ صبح کی نماز پڑھا رہے تھے۔ حضرت ابو سعید خدری رضی اللہ تعالیٰ عنہ آپ کے پیچھے تھے نبی اکرم صلی اللہ و علیہ وآلہ وسلم کو قراءت میں التباس ہوا، جب آپ صبح کی نماز پڑھ کر فارغ ہوئے تا آپ نے ارشاد فرمایا: کاش تم لوگ مجھے اور ابلیس کو دیکھتے جب میں نے اپنا ہاتھ اس کی طرف بڑھایا اور میں اس کی گردن دبانے لگا یہاں تک کہ اس کے لعاب کی ٹھنڈک اپنی دونوں انگلیوں کے درمیان محسوس ہوئی نبی اکرم صلی اللہ و علیہ وآلہ وسلم کی مراد انگوٹھا اور ساتھ والی انگلی تھی اگر میرے بھائی حضرت سلیمان علیہ السلام کی دعا نہ ہوتی تو وہ مسجد کے ستونوں میں سے کسی ستون کے ساتھ بندھا ہوتا اور مدینہ کے بچے اس کے ساتھ کھیل رہے ہوتے۔ یہ روایت امام احمد نے نقل کی ہے، اور اس کے رجال "ثقہ" ہیں۔

أَبِي سَعِيدٍ الْخُدْرِيِّ،

2482 - وَعَنْ جَابِرِ بْنِ عَبْدِ اللَّهِ قَالَ: «بَيْنَا نَحْنُ صُفُوفٌ خَلْفَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي الظُّهْرِ أَوِ الْعَصْرِ إِذْ رَأَيْنَاهُ يَتَنَاوَلُ شَيْئًا بَيْنَ يَدَيْهِ فِي الصَّلَاةِ لِيَأْخُذَهُ ثُمَّ يَتَنَاوَلَهُ لِيَأْخُذَهُ، ثُمَّ حِيلَ بَيْنَهُ، ثُمَّ تَأَخَّرَ وَتَأَخَّرْنَا ثُمَّ تَأَخَّرَ الثَّانِيَةَ وَتَأَخَّرْنَا، فَلَمَّا سَلَّمَ قَالَ أُبَيُّ بْنُ كَعْبٍ: يَا رَسُولَ اللَّهِ رَأَيْنَاكَ الْيَوْمَ تَصْنَعُ فِي صَلَاتِكَ شَيْئًا لَمْ تَكُنْ تَصْنَعُهُ قَالَ: " إِنِّي عُرِضَتْ عَلَيَّ الْجَنَّةُ بِمَا فِيهَا مِنَ الزَّهْرَةِ وَالنَّضْرَةِ فَتَنَاوَلْتُ قِطْفًا مِنْهَا لِآتِيَكُمْ بِهِ، وَلَوْ أَخَذْتُهُ لَأَكَلَ مِنْهُ مَنْ بَيْنَ السَّمَاءِ وَالْأَرْضِ لَا يَنْقُصُونَهُ فَحِيلَ بَيْنِي وَبَيْنَهُ، ثُمَّ عَرَضَتْ عَلَيَّ النَّارُ فَلَمَّا وَجَدْتُ حَرَّ شُعَاعِهَا تَأَخَّرْتُ، وَأَكْثَرُ مَنْ رَأَيْتُ فِيهَا النِّسَاءُ اللَّاتِي إِنِ ائْتُمِنَّ أَفْشَيْنَ، [وَإِنْ يُسْأَلْنَ بَخِلْنَ]، وَإِنْ سَأَلْنَ أَخْفَيْنَ - قَالَ زَكَرِيَّا: أَلْحَفْنَ - وَإِنْ أُعْطِينَ لَمْ يَشْكُرْنَ، وَرَأَيْتُ فِيهَا لِحَيَّ بْنَ عَمْرٍو يَجُرُّ قَصَبَهُ، وَأَشْبَهُ مَنْ رَأَيْتُ بِهِ مَعْبَدُ بْنُ أَكْثَمَ "، قَالَ مَعْبَدٌ: أَيْ رَسُولَ اللَّهِ يُخْشَى عَلَيَّ مِنْ شَبَهِهِ فَإِنَّهُ وَالِدٌ؟ قَالَ: " لَا أَنْتَ مُؤْمِنٌ وَهُوَ كَافِرٌ وَهُوَ أَوَّلُ مَنْ جَمَعَ الْعَرَبَ عَلَى عِبَادَةِ الْأَصْنَامِ». رَوَاهُ أَحْمَدُ.

حضرت جابر بن عبداللہ رضی اللہ تعالیٰ عنہ بیان کرتے ہیں: ہم نبی اکرم صلی اللہ و علیہ وآلہ وسلم کے پیچھے صفوں میں نماز ادا کر رہے تھے یہ ظہر یا شاید عصر کی نماز کا واقعہ ہے، اسی دوران ہم نے نبی اکرم صلی اللہ و علیہ وآلہ وسلم کو دیکھا کہ آپ نے نماز کے دوران اپنے سامنے موجود کسی چیز کو پکڑنے کی کوشش کی پھر آپ کے اور اس کے درمیان کوئی رکاوٹ آ گئی پھر نبی اکرم صلی اللہ و علیہ وآلہ وسلم پیچھے ہٹے تو ہم بھی پیچھے ہٹ گئے جب آپ نے سلام پھیرا تو حضرت ابی بن کعب رضی اللہ تعالیٰ عنہ نے عرض کی: یا رسول اللہ! آج ہم نے آپ کو نماز کے دوران ایسا کام کرتے دیکھا ہے، جو آپ پہلے نہیں کیا کرتے تھے نبی اکرم صلی اللہ و علیہ وآلہ وسلم نے ارشاد فرمایا: میرے سامنے جنت کو پیش کیا گیا اور اس میں جو آرائش و زیبائش اور نعمتیں ہیں انہیں پیش کیا گیا میں نے اس جنت میں سے انگوروں کا ایک گچھہ پکڑنے کی کوشش کی تا کہ میں تم لوگوں کے لئے اسے حاصل کروں اگر میں اسے پکڑ لیتا تو آسمان اور زمین کے درمیان موجود ہر چیز اگر اس میں سے کھا لیتی تو اس نے پھر بھی کم نہیں ہونا تھا لیکن پھر میرے اور اسکے درمیان رکاوٹ آگئی پھر میرے سامنے آگ کو پیش کیا گیا جب میں نے اس کے شعلوں کی تپش محسوس کی تو میں پیچھے ہٹ گیا میں نے جہنم میں اکثریت ان خواتین کی پائی ہے جنہیں اگر امین بنایا جائے تو راز افشاء کر دیتی ہیں اگر ان سے کچھ مانگا جائے تو وہ بخل سے کام لیتی ہیں اگر کسی چیز کے بارے میں دریافت کیا جائے تو بات پوشیدہ رکھتی ہیں، یہاں زکریا نامی راوی نے ایک لفظ مختلف نقل کیا ہے، اگر انہیں کچھ دیا جائے تو وہ شکر گزار نہیں ہوتی ہیں میں نے جہنم میں لحی بن عمرو کو اپنی انتڑیاں گھسیٹتے ہوئے دیکھا اور میں نے جن لوگوں کو دیکھا ہے وہ ان میں سے مجھے اپنی ذات کے حوالے سے اندیشہ ہے کیونکہ وہ والد ہے۔ نبی اکرم صلی اللہ و علیہ وآلہ وسلم نے فرما یا: تمہیں کوئی نقصان نہیں ہو گا، کیونکہ تم مومن ہو اور وہ کافر ہے یہ وہ پہلا فرد تھا جس نے عربوں کو بتوں کی عبادت پر اکٹھا کیا تھا۔ یہ روایت امام احمد نے نقل کی ہے۔

جَابِرِ بْنِ عَبْدِ اللَّهِ:

2483 - وَرُوِيَ عَنْ أُبَيِّ بْنِ كَعْبٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ بِمِثْلِهِ. وَفِي الْإِسْنَادَيْنِ عَبْدُ اللَّهِ بْنُ مُحَمَّدِ بْنِ عَقِيلٍ وَفِيهِ ضَعْفٌ وَقَدْ وُثِّقَ.

یہی روایت حضرت ابی بن کعب رضی اللہ تعالیٰ عنہ کے حوالے سے نبی اکرم صلی اللہ و علیہ وآلہ وسلم سے اس کی مانند منقول ہے۔ ان دونوں کی سند میں ایک راوی عبداللہ بن محمد بن عقیل ہے، جس کے بارے میں ضعف پایا جاتا ہے، اسے "ثقہ" قرار دیا گیا ہے۔

النَّبِيِّ ← أُبَيِّ بْنِ كَعْبٍ ← وَرُوِيَ

2484 - «وَعَنْ عُقْبَةَ بْنِ عَامِرٍ قَالَ: صَلَّيْتُ مَعَ النَّبِيِّ - صَلَّى اللَّهُ عَلَيْهِ وَسَلَّمَ - يَوْمًا فَأَطَالَ الْقِيَامَ وَكَانَ إِذَا صَلَّى لَنَا خَفَّفَ، فَرَأَيْتُهُ أَهْوَى بِيَدِهِ لِيَتَنَاوَلَ شَيْئًا، ثُمَّ أَنَّهُ رَكَعَ بَعْدَ ذَلِكَ، فَلَمَّا سَلَّمَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - جَلَسَ وَجَلَسْنَا حَوْلَهُ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " عَلِمْتُ أَنْ رَاعَكُمْ طُولُ صَلَاتِي وَقِيَامِي " قُلْنَا: أَجَلْ يَا رَسُولَ اللَّهِ، وَسَمِعْنَاكَ تَقُولُ: " أَيْ رَبِّ وَأَنَا فِيهِمْ " فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " وَالَّذِي نَفْسِي بِيَدِهِ مَا مِنْ شَيْءٍ وَعِدْتُمُوهُ فِي الْآخِرَةِ إِلَّا قَدْ عُرِضَ عَلَيَّ فِي مَقَامِي هَذَا حَتَّى لَقَدْ عُرِضَتْ عَلَيَّ النَّارُ فَأَقْبَلَ عَلَيَّ مِنْهَا حَتَّى حَاذَى خِبَائِي هَذَا فَخَشِيتُ أَنْ يَغْشَاكُمْ، فَقُلْتُ: [أَيْ رَبِّ] وَأَنَا فِيهِمْ فَصَرَفَهَا اللَّهُ عَنْكُمْ فَأَدْبَرَتْ قِطَعًا كَأَنَّهَا الزَّرَابِيُّ، فَنَظَرْتُ نَظْرَةً فِيهَا فَرَأَيْتُ عِمْرَانَ بْنَ حُرْثَانَ بْنِ الْحَارِثِ أَحَدَ بَنِي غِفَارٍ مُتَّكِئًا فِي جَهَنَّمَ عَلَى قَوْسِهِ، وَرَأَيْتُ فِيهَا الْحُمْرِيَّةَ صَاحِبَةَ الْقِطَّةِ الَّتِي رَبَطَتْهَا فَلَا هِيَ أَطْعَمَتْهَا وَلَا هِيَ سَقَتْهَا». قَالَ أَحْمَدُ بْنُ صَالِحٍ: الصَّوَابُ: خُرْثَانُ. رَوَاهُ الطَّبَرَانِيُّ فِي الْكَبِيرِ وَرِجَالُهُ رِجَالُ الصَّحِيحِ خَلَا شَيْخَ الطَّبَرَانِيِّ أَحْمَدَ بْنَ مُحَمَّدِ بْنِ رِشْدِينَ.

حضرت عقبہ بن عامر بیان کرتے ہیں: ایک دن میں نے نبی اکرم صلی اللہ و علیہ وآلہ وسلم کی اقتداء میں نماز ادا کی آپ نے قیام کو طویل دیا حالانکہ آپ جب ہمیں نماز پڑھا تے تھے تو مختصر نماز پڑھا یا کرتے تھے پھر میں نے آپ کو دیکھا کو آپ نے اپنا ہاتھ آگے بڑھایا جیسے آپ کسی چیز کو پکڑنے لگے ہیں اس کے بعد آپ رکوع میں چلے گئے جب نبی اکرم صلی اللہ و علیہ وآلہ وسلم نے سلام پھیرا اور آپ تشریف فرما ہوئے تو ہم بھی آپ کے ارد گرد بیٹھ گئے نبی اکرم صلی اللہ و علیہ وآلہ وسلم نے فرمایا: مجھے اس بات کا پتہ چلا ہے کہ میری نماز اور قیام کی طوالت نے تمہیں پریشان کر دیا ہے ہم نے عرض کی: جی ہاں! یا رسول اللہ ! ہم نے آپ کو کہتے سنا تھا اے میرے پروردگار! میں ان کے درمیان ہوں تو نبی اکرم صلی اللہ و علیہ وآلہ وسلم نے ارشاد فرمایا: اس ذات کی قسم !جس کے دست قدرت میں میری جان ہے آخرت کے حوالے سے جس بھی چیز کا وعدہ تم لوگوں کے ساتھ کیا گیا وہ میرے یہاں کھڑے ہونے کے دوران میرے سامنے پیش کی گئی یہاں تک کہ میرے سامنے جہنم پیش کی گئی اس میں سے کچھ حصہ میری طرف آیا یہاں تک کہ میری جگہ کے مد مقابل آ گیا تو مجھے یہ اندیشہ ہوا کہ کہیں وہ تمہیں نہ ڈھانپ لے، تو میں نے عرض کی: اے میرے پروردگار! میں ان لوگوں کے درمیان موجود ہوں تو اللہ تعالیٰ نے اس کو تم لوگوں سے پھیر دیا پھر کچھ ٹکڑے آئے، جو بچھونوں (یا قالینوں) کی مانند تھے، میں نے ان کا جائزہ لیا تو میں نے عمران بن حرثان بن حارث کو دیکھا، جس کا تعلق بنو غفار سے تھا وہ جہنم میں اپنی کمان پر ٹیک لگائے بیٹھا تھا اور میں نے اس میں حمیر قبیلے سے تعلق رکھنے والی اس عورت کو بھی دیکھا جو بلی والی تھی اس نے اس بلی کو باندھ دیا تھا وہ اس بلی کو کھانے کے لئے بھی کچھ نہیں دیتی اور پینے کے لئے بھی کچھ نہیں دیتی تھی(یہاں تک کہ باندھ جانے کی وجہ سے بلی بھوک کے عالم میں مر گئی)۔ احمد بن صالح کہتے ہیں: درست لفظ خرثان ہے۔ یہ روایت امام طبرانی نے معجم کبیر میں نقل کی ہے، اس کے رجال "صحیح" کے رجال ہیں صرف امام طبرانی کے استاد محمد بن محمد بن رشید ین کا معاملہ مختلف ہے۔

عُقْبَۃَ بْنِ عَامِرٍ

2485 - وَعَنْ بُرَيْدَةَ قَالَ: «أَتَيْنَا النَّبِيَّ - صَلَّى اللَّهُ عَلَيْهِ وَسَلَّمَ - وَهُوَ يُصَلِّي فَأَشَارَ إِلَيْنَا بِيَدِهِ أَنِ اجْلِسُوا فَجَلَسْنَا». رَوَاهُ الطَّبَرَانِيُّ فِي الْكَبِيرِ وَفِيهِ أَبُو جَنَابٍ وَهُوَ ثِقَةٌ وَلَكِنَّهُ مُدَلِّسٌ، وَقَدْ عَنْعَنَهُ.

حضرت بریدہ رضی اللہ تعالیٰ عنہ بیان کرتے ہیں: ہم لوگ نبی اکرم صلی اللہ و علیہ وآلہ وسلم کی خدمت میں حاضر ہوئے آپ اس وقت نماز ادا کر رہے تھے نبی اکرم صلی اللہ و علیہ وآلہ وسلم نے اپنے دست مبارک کے ذریعے ہماری طرف اشارہ کیا کہ تم لوگ بیٹھ جاؤ تو ہم بیٹھ گئے۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی ابو جناب ہے، اور وہ تدلیس کرنے والا ہے، اور یہ روایت اس نے عنعنہ کے ساتھ نقل کی ہے۔

«أَتَيْنَا النَّبِيَّ وَهُوَ يُصَلِّي فَأَشَارَ إِلَيْنَا بِيَدِهِ ← بُرَيْدَةَ