Majma uz Zawaid Wa Manba ul Fawaid

4502 - عَنِ ابْنِ أَبِي مُلَيْكَةَ قَالَ: «رُبَّمَا سَقَطَ الْخِطَامُ مِنْ يَدِ أَبِي بَكْرٍ الصِّدِّيقِ قَالَ: فَيَضْرِبُ بِذِرَاعِ نَاقَتِهِ فَيُنِيخُهَا فَيَأْخُذُهُ. قَالَ: فَقَالُوا لَهُ: أَفَلَا أَمَرْتَنَا فَنُنَاوِلْكَهُ. قَالَ: إِنَّ حَبِيبِي صَلَّى اللَّهُ عَلَيْهِ وَسَلَّمَ أَمَرَنِي أَنْ لَا أَسْأَلَ النَّاسَ شَيْئًا». رَوَاهُ أَحْمَدُ، وَابْنُ أَبِي مُلَيْكَةَ لَمْ يُدْرِكْ أَبَا بَكْرٍ، وَعَبْدُ اللَّهِ بْنُ الْمُؤَمَّلِ فِيهِ كَلَامٌ، وَقَدْ وُثِّقَ.

ابن ابو ملیکہ بیان کرتے ہیں : بعض اوقات حضرت ابو بکر صدیق رضی اللہ عنہ کے ہاتھ سے لگام گر جاتی تھی، تو وہ اپنی کلائی کے ذریعے اپنی اونٹنی کو مار کر اسے بٹھاتے تھے، پھر وہ اس لگام کو خود اٹھاتے تھے، لوگوں نے ان سے کہا: آپ نے ہمیں حکم دینا تھا، ہم یہ آپ کو پکڑا دیتے، تو انہوں نے فرمایا: میرے حبیب صلی اللہ علیہ وسلم نے مجھے حکم دیا ہے کہ میں لوگوں سے کچھ نہیں مانگوں گا۔ یہ روایت امام احمد نے نقل کی ہے، ابن ابوملیکہ نامی راوی نے حضرت ابوبکر رضی اللہ عنہ کا زمانہ نہیں پایا ہے، عبد الله بن مؤمل نامی راوی کے بارے میں کلام کیا گیا ہے، اور اس کی توثیق کی گئی ہے۔

لَهُ: أَفَلَا أَمَرْتَنَا فَنُنَاوِلْكَهُ. ← فَيَضْرِبُ بِذِرَاعِ نَاقَتِهِ فَيُنِيخُهَا فَيَأْخُذُهُ ← «رُبَّمَا سَقَطَ الْخِطَامُ مِنْ يَدِ أَبِي بَكْرٍ الصِّدِّيقِ ← ابْنِ أَبِي مُلَيْکَةَ

4503 - وَعَنْ أَبِي ذَرٍّ قَالَ: «بَايَعَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ خَمْسًا وَوَاثَقَنِي سَبْعًا، وَأَشْهَدَ اللَّهَ عَلَيَّ تِسْعًا: أَنِّي لَا أَخَافُ فِي اللَّهَ لَوْمَةَ لَائِمٍ». قَالَ أَبُو الْمُثَنَّى: قَالَ أَبُو ذَرٍّ: «فَدَعَانِي رَسُولُ اللَّهِ صَلَّى اللَّهُ عَلَيْهِ وَسَلَّمَ فَقَالَ: " هَلْ لَكَ فِي الْبَيْعَةِ وَلَكَ الْجَنَّةُ؟ ". قُلْتُ: نَعَمْ. وَبَسَطْتُ يَدِي، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ وَهُوَ يَشْتَرِطُ عَلَيَّ أَنْ لَا أَسْأَلَ النَّاسَ شَيْئًا. قُلْتُ: نَعَمْ. قَالَ: " وَلَا سَوْطَكَ إِنْ سَقَطَ مِنْكَ حَتَّى تَنْزِلَ فَتَأْخُذَهُ».

حضرت ابوذرغفاری رضی اللہ عنہ بیان کرتے ہیں: نبی اکرم صلی اللہ علیہ وسلم نے پانچ چیزوں کے حوالے سے مجھ سے بیعت لی تھی، سات چیزوں کے حوالے سے مجھ سے پختہ عہد لیا تھا، اور نو چیزوں کے حوالے سے اللہ تعالیٰ کو گواہ بنایا تھا: یہ کہ میں اللہ تعالیٰ کے بارے میں کسی ملامت کرنے والے کی ملامت کی پروا نہیں کروں گا۔ ابومثنیٰ بیان کرتے ہیں: حضرت ابوذرغفاری رضی اللہ عنہ نے یہ بات بیان کی ہے: نبی اکرم صلی اللہ علیہ وسلم نے مجھے بلایا اور ارشاد فرمایا: کیا تم بیعت کرنے میں دل چسپی رکھتے ہو؟ تمہیں جنت ملے گی، میں نے عرض کی: جی ہاں! پھر میں نے ہاتھ پھیلایا، تو نبی اکرم صلی اللہ علیہ وسلم نے مجھ پر شرط عائد کرتے ہوئے یہ بات ارشادفرمائی کہ میں بھی لوگوں سے کچھ نہیں مانگوں گا، میں نے عرض کی: ٹھیک ہے، نبی اکرم صلی اللہ علیہ وسلم نے ارشادفرمایا: یہاں تک کہ اگر تمہاری چھڑی گر جائے گی، تو وہ بھی نہیں مانگو گے، بلکہ خود اتر کر اسے پکڑوگے۔

اَبِیْ ذَرٍّ

4504 - وَفِي رِوَايَةٍ: أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: «سِتَّةُ أَيَّامٍ ثُمَّ اعْقِلْ يَا أَبَا ذَرٍّ مَا يُقَالُ لَكَ بَعْدُ ". فَلَمَّا كَانَ الْيَوْمُ السَّابِعُ قَالَ: " أُوصِيكَ بِتَقْوَى اللَّهِ فِي سِرِّ أَمْرِكَ وَعَلَانِيَتِهِ، وَإِذَا أَسَأْتَ فَأَحْسِنْ، وَلَا تَسْأَلَنَّ أَحَدًا شَيْئًا وَإِنْ سَقَطَ سَوْطُكَ، وَلَا تَقْبِضْ أَمَانَةً [وَلَا تَقْضِ بَيْنَ اثْنَيْنِ]». رَوَاهُ كُلَّهُ أَحْمَدُ، وَرِجَالُهُ ثِقَاتٌ.

ایک روایت میں یہ الفاظ ہیں: نبی اکرم صلی اللہ علیہ وسلم نے ارشادفرمایا: ’’چھ دن ہیں، اے ابوذر! سمجھ لو کہ اس کے بعد تم سے کیا کہا جائے گا؟ جب ساتواں دن آیا، تو نبی اکرم صلی اللہ علیہ وسلم نے ارشادفرمایا: میں تمہیں اپنے معاملے کے پوشیدہ اور علانیہ، ہر حوالے سے اللہ تعالیٰ کا تقویٰ اختیار کرنے کی تلقین کرتا ہوں، جب تم کوئی برائی کرو، تو اچھائی بھی کر لو، اور کبھی تم کسی سے کوئی چیز نہ مانگنا، خواہ تمہاری چھڑی گر جائے، اورتم امانت قبضے میں نہ لینا، اورتم دو آدمیوں کے درمیان فیصلہ نہ دینا‘‘۔ یہ تمام روایات امام احمد نے نقل لی ہیں اور اس کے رجال ثقہ ہیں۔

4505 - وَعَنْ أَبِي أُمَامَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «مَنْ يُبَايِعُ؟ ". فَقَالَ ثَوْبَانُ مَوْلَى رَسُولِ اللَّهِ صَلَّى اللَّهُ عَلَيْهِ وَسَلَّمَ: [عَلَى مَ نُبَايِعُ؟ أَلَيْسَ قَدْ بَايَعْنَاكَ مَرَّةً] يَا رَسُولَ اللَّهِ؟ قَالَ: " عَلَى أَنْ لَا تَسْأَلُوا أَحَدًا شَيْئًا ". فَقَالَ ثَوْبَانُ: فَمَا لَهُ بِهِ يَا رَسُولَ اللَّهِ؟ قَالَ: " الْجَنَّةُ ". فَبَايَعَهُ ثَوْبَانُ. قَالَ أَبُو أُمَامَةَ: فَلَقَدْ رَأَيْتُهُ بِمَكَّةَ فِي أَجْمَعِ مَا يَكُونُ مِنَ النَّاسِ يَسْقُطُ سَوْطُهُ، وَهُوَ رَاكِبٌ فَرُبَّمَا وَقَعَ عَلَى عَاتِقِ رَجُلٍ فَيَأْخُذُهُ الرَّجُلُ فَيُنَاوِلُهُ فَمَا يَأْخُذُهُ مِنْهُ حَتَّى يَكُونَ هُوَ يَنْزِلُ فَيَأْخُذُهُ».

حضرت ابوامامہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: کون بیعت کرے گا؟ تو نبی اکرم صلی اللہ علیہ وسلم کے غلام حضرت ثوبان رضی اللہ عنہ نے عرض کی: ہم کس بات پر بیعت کریں؟ کیا ہم ایک مرتبہ آپ کی بیعت کرنہیں چکے ہیں؟ یا رسول الله! نبی اکرم صلی اللہ علیہ وسلم نے اشادفرمایا: اس بات پر کہ تم کبھی کسی سے کچھ نہیں مانگو گے، حضرت ثوبان رضی اللہ عنہ نے عرض کیا: یا رسول الله! اس کے عوض میں آدمی کو کیا ملے گا؟ نبی اکرم صلى الله علیہ وسلم نے ارشادفرمایا: جنت ،تو حضرت ثوبان رضی اللہ عنہ نے آپ صلی اللہ علیہ وسلم کی بیعت کر لی۔ حضرت ابوامامہ رضی اللہ عنہ بیان کرتے ہیں: میں نے حضرت ثوبان رضی اللہ عنہ کو مکہ میں دیکھا کہ وہ لوگوں کے ہجوم میں موجود تھے، ان کی چھڑی گرگئی، وہ سوار تھے، ان کی چھڑی کسی شخص کے کندھے پرگری تھی، اس شخص نے اسے لیا اور انہیں پکڑانا چاہا، تو انہوں نے اس سے نہیں لی، یہاں تک کہ وہ خود نیچے اترے اور انہوں نے خود وہ اُٹھائی۔

اَبِیْ اُمَامَۃَ،

4506 - وَفِي رِوَايَةٍ عَنْ أَبِي أُمَامَةَ قَالَ: «جَلَسَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمًا فِي نَفَرٍ مِنْ أَصْحَابِهِ، فَرَفَعَ رَسُولَ اللَّهِ صَلَّى اللَّهُ عَلَيْهِ وَسَلَّمَ يَدَهُ فَقَالَ: " مَنْ يُبَايِعُنِي؟ " - ثَلَاثَ مَرَّاتٍ - فَلَمْ يَقُمْ إِلَيْهِ أَحَدٌ إِلَّا ثَوْبَانُ.» فَذَكَرَ نَحْوَهُ. رَوَاهُمَا الطَّبَرَانِيُّ فِي الْكَبِيرِ، وَفِيهِ عَلِيُّ بْنُ يَزِيدَ، وَهُوَ ضَعِيفٌ.

ایک اور روایت میں یہ الفاظ ہیں:حضرت ابو امامہ رضی اللہ عنہ بیان کرتے ہیں: ایک دن نبی اکرم صلی اللہ علیہ وسلم اپنے کچھ اصحاب کے درمیان تشریف فرما تھے، نبی اکرم صلی اللہ علیہ وسلم نے اپنا دست مبارک بلند کیا، اور ارشاد فرمایا: کون میری بیعت کرے گا؟ یہ بات آپ نے تین مرتبہ ارشاد فرمائی، تو کوئی اُٹھ کر آپ کی طرف نہیں آیا، صرف حضرت ثوبان رضی اللہ عنہ آئے۔۔۔۔ اس کے بعد راوی نے حسب سابق روایت ذکر کی ہے۔ یہ دونوں روایات امام طبرانی نے معجم کبیر میں نقل کی ہیں، اس کی سند میں ایک راوی علی بن یزید ہے، اور وہ ضعیف ہے۔

مَنْ يُبَايِعُنِي؟ ثَلَاثَ مَرَّاتٍ فَلَمْ يَقُمْ إِلَيْهِ أَحَدٌ إِلَّا ثَوْبَانُ.» ← «جَلَسَ رَسُولُ اللَّهِ يَوْمًا فِي نَفَرٍ مِنْ أَصْحَابِهِ، فَرَفَعَ رَسُولَ اللَّهِ يَدَهُ ← اَبِیْ اُمَامَۃَ، ← وَفِي رِوَايَةٍ

4507 - وَعَنْ أَبِي ذَرٍّ قَالَ: «أَوْصَانِي خَلِيلِي صَلَّى اللَّهُ عَلَيْهِ وَسَلَّمَ بِسَبْعٍ: بِحُبِّ الْمَسَاكِينِ، وَأَنْ أَدْنُوَ مِنْهُمْ، وَأَنْ أَنْظُرَ إِلَى مَنْ هُوَ أَسْفَلَ مِنِّي، وَلَا أَنْظُرَ إِلَى مَنْ هُوَ فَوْقِي، وَأَنْ أَصِلَ رَحِمِي وَإِنْ جَفَانِي، وَأَنْ أُكْثِرَ مِنْ لَا حَوْلَ وَلَا قُوَّةَ إِلَّا بِاللَّهِ، وَأَنْ أَتَكَلَّمَ بِمُرِّ الْحَقِّ، وَلَا تَأْخُذَنِي فِي اللَّهِ لَوْمَةَ لَائِمٍ، وَأَنْ لَا أَسْأَلَ النَّاسَ شَيْئًا». رَوَاهُ الطَّبَرَانِيُّ فِي الْكَبِيرِ وَالصَّغِيرِ بِنَحْوِهِ، وَأَظُنُّهُ رَوَاهُ أَحْمَدُ، وَلَهُ طَرِيقٌ تَأْتِي فِي مَوَاضِعِهَا إِنْ شَاءَ اللَّهُ، وَرِجَالُهُ ثِقَاتٌ، إِلَّا أَنَّ الشَّعْبِيَّ لَمْ أَجِدْ لَهُ سَمَاعًا مِنْ أَبِي ذَرٍّ.

حضرت ابوذرغفاری رضی اللہ عنہ بیان کرتے ہیں: میرے خلیل صلی اللہ علیہ وسلم نے مجھے سات باتوں کی تلقین کی تھی: مساکین سے محبت رکھنا، یہ کہ میں ان کے قریب رہوں، یہ کہ میں اپنے سے نیچے والے فردکی طرف دیکھوں، اپنے سے اوپر والے شخص کی طرف نہ دیکھوں، یہ کہ میں صلہ رحمی کروں، اگر چہ رشتہ دار میرے ساتھ زیادتی کریں، یہ کہ میں لاحول ولاقوة الا با اللہ کثرت سے پڑھوں، یہ کہ میں حق بات کہوں خواہ وہ کڑوی ہو، اور یہ کہ میں اللہ تعالیٰ کے بارے میں کسی ملامت کرنے والے کی ملامت کی پرواہ نہ کروں، اور یہ کہ میں لوگوں سے کچھ نہ مانگوں۔ یہ روایت امام طبرانی نے معجم کبیر میں نقل کی ہے، معجم صغیر میں اس کی مانند روایت نقل کی ہے، اس کے بارے میں میرا یہ خیال ہے کہ اسے امام احمد نے بھی روایت کیا ہے، اس کی ایک اور سند ہے، جو دوسرے مقام پر آئے گی، اگر اللہ نے چاہا، اس کے رجال ثقہ ہیں، البتہ میں نے امام شعبی کے حضرت ابوذر غفاری رضی اللہ عنہ سے سماع سے متعلق کوئی روایت نہیں پائی ہے۔

اَبِیْ ذَرٍّ

4508 - وَعَنِ ابْنِ عَبَّاسٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لَوْ يَعْلَمُ صَاحِبُ الْمَسْأَلَةِ مَا لَهُ فِيهَا لَمْ يَسْأَلْ». رَوَاهُ الطَّبَرَانِيُّ فِي الْكَبِيرِ، وَفِيهِ قَابُوسُ، وَفِيهِ كَلَامٌ، وَقَدْ وُثِّقَ.

حضرت عبد الله بن عباس رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا ہے: "اگر مانگنے والے کو یہ پتہ چل جائے کہ مانگنے میں اس کو کیا ملے گا؟ تو وہ کبھی نہ مانگے"۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی قابوس ہے، اس کے بارے میں کلام کیا گیا ہے، اور اس کی توثیق کی بھی کی گئی ہے۔

ابْنِ عَبَّاسٍ،

4509 - وَعَنْ أُمِّ سِنَانٍ الْأَسْلَمِيَّةِ، وَكَانَتْ مِنَ الْمُبَايِعَاتِ قَالَتْ: «جِئْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ فَقُلْتُ: يَا رَسُولَ اللَّهِ، إِنِّي جِئْتُكَ عَلَى حَيَاءٍ، وَمَا جِئْتُكَ حَتَّى أُلْجِئْتُ مِنَ الْحَاجَةِ. فَقَالَ: " لَوِ اسْتَغْنَيْتِ لَكَانَ خَيْرًا لَكِ». رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ عُمَرَ بْنِ صَالِحٍ، وَهُوَ ضَعِيفٌ.

سیّدہ اُمّ سنان اسلمیہ رضی اللہ عنہ نے، جو بیعت کرنے والی خواتین میں سے ایک ہیں، وہ بیان کرتی ہیں: میں نبی اکرم صلی اللہ علیہ وسلم کی خدمت میں حاضر ہوئی، میں نے عرض کی: یا رسول اللہ! میں شرمندگی کے عالم میں آپ کے پاس آئی ہوں اور میں آپ کے پاس اس وقت آئی ہوں، جب ضرورت کی وجہ سے میں مجبور ہوگئی ہوں، تو نبی اکرم صلی اللہ علیہ وسلم نے ارشادفرمایا:’’اگر تم بےنیازی اختیار کرتیں، تویہ تمہارے حق میں زیادہ بہتر ہوتا‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی محمد بن عمر بن صالح ہے، اور وہ ضعیف ہے۔

جِئْتُ رَسُولَ اللهِ فَقُلْتُ ← وَعَنْ أُمِّ سِنَانٍ الْأَسْلَمِيَّةِ، وَكَانَتْ مِنَ الْمُبَايِعَاتِ

4510 - وَعَنِ ابْنِ عَبَّاسٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «اسْتَغْنُوا عَنِ النَّاسِ، وَلَوْ بِشَوْصِ السِّوَاكِ». رَوَاهُ الْبَزَّارُ، وَالطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حضرت عبداللہ بن عباس رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فر مایا: ’’لوگوں سے بے نیازر ہو! خواہ وہ ایک مسواک کے حوالے سے ہی کیوں نہ ہو‘‘۔ یہ روایت امام بزارنے اور امام طبرانی نے معجم کبیر میں نقل کی ہے، اور اس کے رجال ثقہ ہیں۔

ابْنِ عَبَّاسٍ،

4511 - وَعَنْ عَائِشَةَ قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لَأَنْ يَأْخُذَ أَحَدُكُمْ حَبْلًا فَيَأْكُلَ، وَيَتَصَدَّقَ خَيْرٌ مِنْ أَنْ يَسْأَلَ النَّاسَ أَعْطَوْهُ، أَوْ مَنَعُوهُ». رَوَاهُ الْبَزَّارُ، وَرِجَالُهُ ثِقَاتٌ.

سیّدہ عائشہ صدیقہ رضی اللہ عنہ بیان کرتی ہیں: نبی اکرم صلی اللہ علیہ وسلم نے ارشاد فرمایا: ’’تم میں سے کوئی ایک شخص رَسی لے (کر لکڑیاں اکٹھی کر کے انہیں فروخت کر کے)، خود بھی اسے کھائے اور صدقہ بھی کرے، یہ اس کے لئے اس سے زیادہ بہتر ہے، کہ وہ لوگوں سے مانگے، اور وہ اُسے دیں یا نہ دیں‘‘۔ یہ روایت امام بزارنے نقل کی ہے، اور اس کے رجال ثقہ ہیں۔

عَائِشَةَ

4512 - وَعَنْ أَبِي هُرَيْرَةَ «أَنَّ رَجُلَيْنِ أَتَيَا رَسُولَ اللَّهِ، صَلَّى اللَّهُ عَلَيْهِ وَسَلَّمَ فَسَأَلَاهُ فَقَالَ: " اذْهَبَا إِلَى هَذِهِ الشُّعُوبِ فَاحْتَطِبَا فَبِيعَاهُ ". فَذَهَبَا فَاحْتَطَبَا، ثُمَّ جَاءَا فَبَاعَا، فَأَصَابَا طَعَامًا، ثُمَّ ذَهَبَا فَاحْتَطَبَا أَيْضًا، فَجَاءَا فَلَمْ يَزَالَا حَتَّى ابْتَاعَا ثَوْبَيْنِ ثُمَّ ابْتَاعَا حِمَارَيْنِ فَقَالَا: قَدْ بَارَكَ اللَّهُ لَنَا فِي أَمْرِ رَسُولِ اللَّهِ صَلَّى اللَّهُ عَلَيْهِ وَسَلَّمَ». رَوَاهُ الْبَزَّارُ، وَفِيهِ بِشْرُ بْنُ حَرْبٍ، وَفِيهِ كَلَامٌ، وَقَدْ وُثِّقَ.

حضرت ابوہرہ رضی اللہ عنہ بیان کرتے ہیں: دو آدمی، نبی اکرم صلی اللہ علیہ وسلم کی خدمت میں حاضر ہوئے، انہوں نے آپ سے کچھ مانگا، نبی اکرم صلی اللہ علیہ وسلم نے ارشادفرمایا: تم دونوں ان گھاٹیوں میں جاؤ اور وہاں سے کچھ لکڑیاں اکھٹی کر کے انہیں فروخت کرو، وه دونوں چلے گئے انہوں نے لکڑیاں اکھٹی کیں، پھر وہ آئے اور انہوں نے انہیں فروخت کر دیا، انہیں اناج حاصل ہوا، پھر وہ دونوں گئے، انہوں نے کچھ لکڑیاں اکٹھی کیں، پھر وہ آئے، وہ مسلسل ایسا کرتے رہے، یہاں تک کہ انہوں نے دو کپڑے بھی خرید لئے، پھر انہوں نے دو گدھے بھی خرید لئے، اُن دونوں نے کہا: اللہ کے رسول صلی اللہ علیہ وسلم کےحکم میں، اللہ تعالیٰ نے ہمارے لئے برکت رکھ دی ہے۔ یہ روایت امام بزارنے نقل کی ہے۔ اس کی سند میں ایک راوی بشر بن حرب ہے، اس کے بارے میں کلام کیا گیا ہے، اور اس کی توثیق بھی کی گئی ہے۔

أَبِي هُرَيْرَةَ «أَنَّ رَجُلَيْنِ أَتَيَا رَسُولَ اللَّهِ، فَسَأَلَاهُ

4513 - وَعَنْ أَبِي سَلَمَةَ بْنِ عَبْدِ الرَّحْمَنِ، عَنْ أَبِيهِ قَالَ: «كَانَتْ لِي عِنْدَ رَسُولِ اللَّهِ صَلَّى اللَّهُ عَلَيْهِ وَسَلَّمَ عِدَةٌ، فَلَمَّا فُتِحَتْ قُرَيْظَةُ جِئْتُ لِيُنْجِزَ لِي مَا وَعَدَنِي فَسَمِعْتُهُ يَقُولُ: " مَنْ يَسْتَغْنِ يُغْنِهِ اللَّهُ، وَمَنْ يَقْنَعْ يُقْنِعْهُ اللَّهُ ". فَقُلْتُ فِي نَفْسِي: لَا جَرَمَ، لَا أَسْأَلُهُ شَيْئًا صَلَّى اللَّهُ عَلَيْهِ وَسَلَّمَ». رَوَاهُ الْبَزَّارُ، وَأَبُو سَلَمَةَ قِيلَ: إِنَّهُ لَمْ يَسْمَعْ مِنْ أَبِيهِ.

ابوسلمہ بن عبدالرحمن، اپنے والد کا یہ بیان نقل کرتے ہیں: نبی اکرم صلی اللہ علیہ وسلم نے میرے ساتھ وعدہ کیاتھا، جب قریظہ فتح ہوا ،تو میں آپ صلی اللہ علیہ وسلم کی خدمت میں حاضر ہوا، تا کہ آپ نے میرے ساتھ جو وعدہ کیا تھا، آپ صلی اللہ علیہ وسلم وہ پوراکردیں، تو میں نے آپ صلی اللہ علیہ وسلم کو یہ ارشاد فرماتے ہوئے سنا: ’’جو شخص بے نیازی اختیار کرتا ہے، اللہ تعالیٰ اُسے بے نیاز رکھتا ہے، جو شخض قناعت حاصل کرنا چاہتا ہے، الله تعالی اسے قناعت عطا کر دیتا ہے‘‘۔ راوی کہتے ہیں: تو میں نے دل میں سوچا کہ یہ تو ضروری ہے کہ میں اب میں آپ صلی اللہ علیہ وسلم سے کچھ نہ مانگوں۔ یہ روایت امام بزار نے نقل کی ہے، ابوسلمہ نامی راوی کے بارے میں یہ بات بیان کی گئی ہے: انہوں نے اپنے والدسے سماع نہیں کیا ہے۔

أَبِيهِ ← أَبِي سَلَمَةَ بْنِ عَبْدِ الرَّحْمَنِ