Majma uz Zawaid Wa Manba ul Fawaid

160 - عَنْ أَنَسٍ - رَضِيَ اللَّهُ عَنْهُ - قَالَ: كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «الْإِسْلَامُ عَلَانِيَةٌ، وَالْإِيمَانُ فِي الْقَلْبِ ". قَالَ: ثُمَّ يُشِيرُ بِيَدِهِ إِلَى صَدْرِهِ ثَلَاثَ مَرَّاتٍ. قَالَ: ثُمَّ يَقُولُ: " التَّقْوَى هَا هُنَا، التَّقْوَى هَا هُنَا» ". رَوَاهُ أَحْمَدُ وَأَبُو يَعْلَى بِتَمَامِهِ، وَالْبَزَّارُ بِاخْتِصَارٍ، وَرِجَالُهُ رِجَالُ الصَّحِيحِ مَا خَلَا عَلِيَّ بْنَ مَسْعَدَةَ، وَقَدْ وَثَّقَهُ ابْنُ حِبَّانَ وَأَبُو دَاوُدَ الطَّيَالِسِيُّ وَأَبُو حَاتِمٍ وَابْنُ مَعِينٍ، وَضَعَّفَهُ آخَرُونَ.

حضرت انس رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم یہ فرماتے تھے: " اسلام علانیہ ہوتا ہے ، اور ایمان دل میں ہوتا ہے ، پھر آپ صلی اللہ علیہ و آلہ وسلم نے اپنے سینے کی طرف اپنے دست مبارک کے ذریعے تین مرتبہ اشارہ کیا، پھر آپ نے ارشاد فرمایا: تقویٰ یہاں ہے ، تقویٰ یہاں ہے "۔ یہ روایت امام احمد اور امام ابو یعلیٰ نے مکمل روایت کے طور پر نقل ک ہے ، جبکہ امام براز نے اسے اختصار کے ساتھ نقل کی ہے علی بن مسعدہ نامی راوی کے علاوہ ، اس کے تمام رجال صحیح کے رجال ہیں، اور اسے بھی ابن حبان ، ابو داؤد طیالسی ، ابو حاتم اور ابن معین نے ثقہ قرار دیا ہے، جبکہ دیگر حضرات نے اسے ضعیف قرار دیا ہے۔

ثُمَّ ← ثُمَّ يُشِيرُ بِيَدِهِ إِلَى صَدْرِهِ ثَلَاثَ مَرَّاتٍ ← الْإِسْلَامُ عَلَانِيَةٌ وَالْإِيمَانُ فِي الْقَلْبِ ← كَانَ رَسُولُ اللَّهِ ← أَنَسٍ،

161 - وَعَنْ أَبِي سَعِيدٍ - رَضِيَ اللَّهُ عَنْهُ - أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «الْمُؤْمِنُونَ فِي الدُّنْيَا ثَلَاثَةُ أَجْزَاءٍ: الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنْفُسِهِمْ فِي سَبِيلِ اللَّهِ، وَالَّذِي يَأْمَنُهُ النَّاسُ عَلَى أَمْوَالِهِمْ وَأَنْفُسِهِمْ، ثُمَّ الَّذِي إِذَا أَشْرَفَ لَهُ طَمَعٌ تَرَكَهُ لِلَّهِ - عَزَّ وَجَلَّ -». رَوَاهُ أَحْمَدُ، وَفِيهِ دَرَّاجٌ وَقَدْ وُثِّقَ، وَضَعَّفَهُ غَيْرُ وَاحِدٍ.

حضرت ابو سعید خدری رضی اللہ عنہ نبی اکرم صلی اللہ علیہ و آلہ وسلم کا فرمان نقل کرتے ہیں: " دنیا میں ایمان والے تین قسم کے لوگ ہیں ، وہ لوگ ، جو اللہ اور اس کے رسول پر ایمان لائے اور پھر کسی شک کا شکار نہیں ہوئے ، اور انہوں نے اپنے اموال اور اپنی جانوں کے ہمراہ اللہ کی راہ میں جہاد کیا ( اور دوسری قسم ، وہ اہل ایمان ہیں ) کہ دوسرے لوگ اپنے اموال اور اپنی جانوں کے حوالے سے ان سے محفوظ ہوں ( اور تیسری قسم ، وہ اہل ایمان ہیں ) کہ جب کوئی لالچ کی چیز ، ان کے سامنے آئے ، تو وہ اللہ کی رضا کے لیے اسے ترک کر دیں"۔ یہ روایت امام احمد نے نقل کی ہے، اس کی سند میں ایک راوی " دراج " ہے جس کی توثیق کی گئی ہے ، تاہم ایک سے زیادہ افراد نے اسے ضعیف قرار دیا ہے۔

اَبِیْ سَعِیْدٍ

162 - وَعَنِ ابْنِ عَبَّاسٍ - رَضِيَ اللَّهُ عَنْهُمَا - قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " بِحَسْبِ امْرِئٍ مِنَ الْإِيمَانِ أَنْ يَقُولَ: رَضِيتُ بِاللَّهِ رِبًّا، وَبِمُحَمَّدٍ رَسُولًا، وَبِالْإِسْلَامِ دِينًا» ". رَوَاهُ الطَّبَرَانِيُّ فِي الْأَوْسَطِ، وَقَالَ: لَمْ يَرْوِهِ عَنْ هِشَامِ بْنِ عُرْوَةَ إِلَّا مُحَمَّدُ بْنُ عُمَيْرٍ. قُلْتُ: ذَكَرَهُ ابْنُ حِبَّانَ فِي الثِّقَاتِ.

حضرت عبداللہ بن عباس رضی اللہ عنہ روایت کرتے ہیں :: نبی اکرم صلی اللہ علیہ و آلہ وسلم نے ارشاد فرمایا ہے: " ایمان کے حوالے سے آدمی کے لیے اتنا ہی کافی ہے کہ وہ یہ کہے : کہ میں اللہ تعالیٰ کے پروردگار ہونے ، حضرت محمد (صلی اللہ علیہ و آلہ وسلم) کے رسول ہونے اور اسلام کے دین ہونے سے راضی ہوں ( یعنی ان پر ایمان رکھتا ہوں ) "۔ یہ روایت امام طبرانی نے معجم اوسط میں نقل کی ہے اور انہوں نے یہ بات بیان کی ہے : یہ روایت ہشام بن عروہ کے حوالے سے صرف محمد بن عمیر نے نقل کی ہے۔ ( علامہ ہیثمی کہتے ہیں : ) میں کہ کہتا ہوں : ابن حبان نے اس راوی کا تذکرہ کتاب " الثقات " میں کیا ہے۔

ابْنِ عَبَّاسٍ،

163 - «وَعَنْ جَابِرٍ - رَضِيَ اللَّهُ عَنْهُ - قَالَ: أَمَرَ النَّبِيُّ - صَلَّى اللَّهُ عَلَيْهِ وَسَلَّمَ - سُحَيْمًا أَنْ يُؤَذِّنَ فِي النَّاسِ أَنْ " لَا يَدْخُلَ الْجَنَّةَ إِلَّا مُؤْمِنٌ» ". رَوَاهُ أَحْمَدُ، وَفِيهِ ابْنُ لَهِيعَةَ، وَإِسْنَادُهُ حَسَنٌ.

حضرت جابر رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم نے حضرت سحیم رضی اللہ عنہ کو یہ حکم دیا : کہ وہ لوگوں کے درمیان یہ اعلان کر دیں: جنت میں ، صرف مؤمن ہی داخل ہو گا "۔ یہ روایت امام احمد نے نقل کی ہے اور اس کی سند میں ایک راوی بن لہیعہ ہے اور اس کی سند حسن ہے۔

أَمَرَ النَّبِيُّ سُحَيْمًا ← جَابِرٍ

164 - وَعَنْ عَبْدِ اللَّهِ بْنِ مَسْعُودٍ - رَضِيَ اللَّهُ عَنْهُ - قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " إِنَّ اللَّهَ - عَزَّ وَجَلَّ - قَسَّمَ بَيْنَكُمْ أَخْلَاقَكُمْ كَمَا قَسَّمَ بَيْنَكُمْ أَرْزَاقَكُمْ، وَإِنَّ اللَّهَ - عَزَّ وَجَلَّ - يُعْطِي الدُّنْيَا مَنْ يُحِبُّ وَمَنْ لَا يُحِبُّ، وَلَا يُعْطِي الدِّينَ إِلَّا مَنْ أَحَبَّ، فَمَنْ أَعْطَاهُ الدِّينَ فَقَدْ أَحَبَّهُ، وَالَّذِي نَفْسِي بِيَدِهِ لَا يُسْلِمُ عَبْدٌ حَتَّى يُسْلِمَ قَلْبُهُ وَلِسَانُهُ، وَلَا يُؤْمِنُ حَتَّى يَأْمَنَ جَارُهُ بَوَائِقَهُ ". قُلْتُ: وَمَا بَوَائِقُهُ يَا نَبِيَّ اللَّهِ؟ قَالَ: " غِشُّهُ وَظُلْمُهُ، وَلَا يَكْسِبُ مَالًا مِنْ حَرَامٍ فَيُنْفِقُ مِنْهُ فَيُبَارَكُ لَهُ فِيهِ، وَلَا يَتَصَدَّقُ مِنْهُ فَيُقْبَلُ مِنْهُ، وَلَا يَتْرُكُهُ خَلْفَ ظَهْرِهِ إِلَّا كَانَ زَادَهُ إِلَى النَّارِ، إِنَّ اللَّهَ لَا يَمْحُو السَّيِّئَ بِالسَّيِّئِ، وَلَكِنَّهُ يَمْحُو السَّيِّئَ بِالْحَسَنِ، إِنَّ الْخَبِيثَ لَا يَمْحُو الْخَبِيثَ» ". رَوَاهُ أَحْمَدُ، وَرِجَالُ إِسْنَادِهِ بَعْضُهُمْ مَسْتُورٌ، وَأَكْثَرُهُمْ ثِقَاتٌ.

حضرت عبداللہ بن مسعود رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " بے شک اللہ تعالیٰ نے تمہارے درمیان تمہارے اخلاق اسی طرح تقسیم کئے ہیں ، جس طرح اس نے تمہارے درمیان تمہارا رزق تقسیم کیا ہے ، بے شک اللہ تعالیٰ دنیا اسے بھی عطا کرتا ہے ، جسے وہ پسند کرتا ہے اور اسے بھی عطا کرتا ہے ، جسے وہ پسند نہیں کرتا ہے، لیکن وہ دین صرف اسے عطا کرتا ہے جسے وہ پسند کرتا ہے، تو جس شخص کو وہ دین عطا کر دے ( تو اس کا مطلب یہ ہو گا: ) کہ وہ اسے پسند کرتا ہے ، اس ذات کی قسم ! جس کے دست قدرت میں میری جان ہے ، کوئی بندہ اس وقت تک مسلمان نہیں ہوتا ، جب تک اس کا دل اور زبان مسلمان نہیں ہوتے ( یا سلامت نہیں رہتے ) اور وہ اس وقت تک مؤمن نہیں ہوتا ، جب تک اس کا پڑوسی اس کی زیادتی سے محفوظ نہ ہو، میں نے عرض کی: اے اللہ کے نبی ! اس کی زیادتیوں سے مراد کیا ہے ؟ نبی اکرم صلی اللہ علیہ و آلہ وسلم نے فرمایا: اس کا دھوکہ دینا اور ظلم کرنا ۔ ( نبی اکرم صلی اللہ علیہ و آلہ وسلم نے مزید ارشاد فرمایا: ) ایسا نہیں ہوتا کہ آدمی نے حرام طور پر مال کمایا ہو، اور پھر اس میں سے ( اللہ کی راہ میں ) خرچ کیا ہو، تو اس کے لیے اس مال میں برکت ڈال دی گئی ہو، یا اس شخص نے اس مال میں سے صدقہ کیا ہو ، تو وہ اس کی طرف سے قبول ہو جائے، اگر وہ ایسا مال اپنے پیچھے چھور جاتا ہے ، تو وہ مال جہنم کی طرف جانے کے لیے اس کا زاد سفر ہو گا، بے شک اللہ تعالیٰ برائی کو برائی کے ذریعے نہیں مٹاتا ہے، بلکہ وہ برائی کو اچھا ئی کے ذریعے مٹا تا ہے ، کیونکہ خبیث چیز ، کسی خبیث چیز کو نہیں مٹاتی ہے۔ یہ روایت امام احمد نے نقل کی ہے اور اس کی سند کے بعض راوی مستور ہیں ، جبکہ زیادہ تر ثقہ ہیں۔

عَبْدِ اللهِ بْنِ مَسْعُودٍ

165 - وَعَنْ أَنَسِ بْنِ مَالِكٍ - رَضِيَ اللَّهُ عَنْهُ - «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " لَا يَسْتَقِيمُ إِيمَانُ عَبْدٍ حَتَّى يَسْتَقِيمَ قَلْبُهُ، وَلَا يَسْتَقِيمُ قَلْبُهُ حَتَّى يَسْتَقِيمَ لِسَانُهُ، وَلَا يَدْخُلُ الْجَنَّةَ حَتَّى يَأْمَنَ جَارُهُ بَوَائِقَهُ» ". رَوَاهُ أَحْمَدُ، وَفِي إِسْنَادِهِ عَلِيُّ بْنُ مَسْعَدَةَ وَثَّقَهُ جَمَاعَةٌ، وَضَعَّفَهُ آخَرُونَ.

حضرت انس بن مالک رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں : " بندے کا ایمان اس وقت تک ٹھیک نہیں ہوتا ، جب تک اس کا دل ٹھیک نہ ہو، اور اس کا دل اس وقت تک ٹھیک نہیں ہوتا ، جب تک اس کی زبان ٹھیک نہ ہو، اور آدمی اس وقت تک جنت میں داخل نہیں ہو گا ، جب تک اس کا پڑوسی اس کی زیادتیوں سے محفوظ نہ ہو"۔ یہ روایت امام احمد نے نقل کی ہے ، اس کی سند میں ایک راوی علی بن مسعدہ ہے ، جسے ایک جماعت نے ثقہ قرار دیا ہے اور دیگر حضرات نے اس کو ضعیف قرار دیا ہے۔

اَنَسِ بْنِ مَالِکٍ،

166 - «وَعَنْ أَبِي رَزِينٍ الْعُقَيْلِيِّ - رَضِيَ اللَّهُ عَنْهُ - قَالَ: أَتَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقُلْتُ: يَا رَسُولَ اللَّهِ، كَيْفَ يُحْيِي اللَّهُ الْمَوْتَى؟ قَالَ: " أَمَرَرْتَ بِأَرْضٍ مِنْ أَرْضِكَ مُجْدِبَةً، ثُمَّ مَرَرْتَ بِهَا مُخْصِبَةً؟ " قَالَ: نَعَمْ. قَالَ: " كَذَلِكَ النُّشُورُ ". قَالَ: يَا رَسُولَ اللَّهِ، مَا الْإِيمَانُ؟ قَالَ: " أَنْ تَشْهَدَ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ، وَأَنَّ مُحَمَّدًا عَبْدُهُ وَرَسُولُهُ، وَأَنْ يَكُونَ اللَّهُ وَرَسُولُهُ أَحَبَّ إِلَيْكَ مِمَّا سِوَاهُمَا، وَأَنْ تَحْتَرِقَ فِي النَّارِ أَحَبُّ إِلَيْكَ مِنْ أَنْ تُشْرِكَ بِاللَّهِ، وَأَنْ تُحِبَّ غَيْرَ ذِي نَسَبٍ لَا تُحِبُّهُ إِلَّا لِلَّهِ، فَإِذَا كُنْتَ كَذَلِكَ فَقَدْ دَخَلَ حُبُّ الْإِيمَانِ فِي قَلْبِكَ كَمَا دَخَلَ حُبُّ الْمَاءِ لِلظَّمْآنِ فِي الْيَوْمِ الْقَائِظِ. قُلْتُ: يَا رَسُولَ اللَّهِ، كَيْفَ لِي بِأَنْ أَعْلَمَ أَنِّي مُؤْمِنٌ؟ قَالَ: " مَا مِنْ أُمَّتِي - أَوْ هَذِهِ الْأُمَّةِ - عَبْدٌ يَعْمَلُ حَسَنَةً فَيَعْلَمُ أَنَّهَا حَسَنَةً، وَأَنَّ اللَّهَ - عَزَّ وَجَلَّ - جَازِيهِ بِهَا خَيْرًا، وَلَا يَعْمَلُ سَيِّئَةً وَيَسْتَغْفِرُ اللَّهَ - عَزَّ وَجَلَّ - مِنْهَا، وَيَعْلَمُ أَنَّهُ يَغْفِرُ - إِلَّا وَهُوَ مُؤْمِنٌ» ". رَوَاهُ أَحْمَدُ، وَفِي إِسْنَادِهِ سُلَيْمَانُ بْنُ مُوسَى، وَقَدْ وَثَّقَهُ ابْنُ مَعِينٍ وَأَبُو حَاتِمٍ، وَضَعَّفَهُ آخَرُونَ.

حضرت ابو رزین عقیلی رضی اللہ عنہ بیان کرتے ہیں: میں اللہ کے رسول صلی اللہ علیہ و آلہ وسلم کی خدمت میں حاضر ہوا، میں نے عرض کی: یارسول اللہ ! اللہ تعالیٰ مردوں کو کیسے زندہ کرے گا؟ نبی اکرم صلی اللہ علیہ و آلہ وسلم نے دریافت کیا: کیا کبھی تمہارا گزر اپنے علاقے میں کسی ایسی زمین کے پاس سے ہوا ہے ؟ جو پہلے بنجر تھی اور پھر جب تم اس کے پاس سے گزرے ، تو وہ سر سبز و شاداب ہو چکی ہو؟ حضرت ابو رزین رضی اللہ عنہ نے جواب دیا : جی ہاں ! نبی اکرم صلی اللہ علیہ و آلہ وسلم نے ارشاد فرمایا: اسی طرح ( انسانوں کو ) دوبارہ زندہ کیا جائے گا ، انہوں نے عرض کی : یا رسول اللہ صلی اللہ علیہ و آلہ وسلم ! ایمان سے مراد کیا ہے؟ نبی اکرم صلی اللہ علیہ و آلہ وسلم ارشاد فرمایا یہ کہ تم اس بات کی گواہی دو کہ اللہ تعالیٰ کے علاوہ اور کوئی معبود نہیں ہے، صرف وہی معبود ہے ، اس کا کوئی شریک نہیں ہے اور حضرت محمد صلی اللہ علیہ و آلہ وسلم اس کے بندے اور اس کے رسول ہیں ، اور یہ کہ اللہ اور اس کا رسول ، تمہارے نزدیک ان دونوں کے علاوہ ہر ایک سے زیادہ محبوب ہوں ، اور یہ کہ تم آگ میں جل جاؤ ، یہ تمہارے نزدیک اس سے زیادہ پسند یدہ ہو ، کہ تم کسی کو اللہ کا شریک قرار دو، اور یہ کہ تم کسی ایسے شخص کے ساتھ محبت رکھو ، جو نسب والا نہ ہو ( یعنی جس کے ساتھ کوئی نسبی تعلق نہ ہو ) تم صرف اللہ تعالیٰ کی خاطر اس سے محبت رکھو ! جب تم ایسے ہو جاؤ گے ، تو ایمان کی محبت تمہارے دل میں یوں داخل ہو جائے گی، جیسے سخت گرم دن میں پانی کی محبت پیا سے شخص ( کے دل میں ) داخل ہو جاتی ہے، میں نے عرض کی: یارسول اللہ صلی اللہ علیہ و آلہ وسلم ! میں یہ بات کیسے جان سکتا ہوں کہ میں مؤمن ہوں؟ نبی اکرم صلی اللہ علیہ و آلہ وسلم نے ارشاد فرمایا: میری امت کا ( راوی کو شک ہے، یا شاید یہ الفاظ ہیں : ) اس امت کا جو بھی شخص نیکی کرے ، اور وہ یہ جانتا ہو کہ یہ نیکی ہے، اور اللہ تعالیٰ اسے اس کی جزائے خیر عطا کرے گا، یا جو شخص کسی برائی کا ارتکاب کرے اور پھر اس کے حوالے سے اللہ تعالیٰ سے مغفر ت طلب کرے ، اور وہ یہ بات جانتا ہو کہ اللہ تعالیٰ ہی مغفرت کر سکتا ہے، تو ایسا شخص مؤمن ہو گا۔ یہ روایت امام احمد نے نقل کی ہے ، اس کی سند میں ایک راوی سلیمان بن موسیٰ ہے ، جسے یحییٰ بن معین اور ابو حاتم نے ثقہ قرار دیا ہے، جبکہ دیگر حضرات نے اسے ضعیف قرار دیا ہے۔

أَتَيْتُ رَسُولَ اللَّهِ فَقُلْتُ: ← «وَعَنْ أَبِي رَزِينٍ الْعُقَيْلِيِّ

167 - وَعَنْ عَمْرِو بْنِ عَبَسَةَ قَالَ: «أَتَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقُلْتُ: يَا رَسُولَ اللَّهِ، مَنْ مَعَكَ عَلَى هَذَا الْأَمْرِ؟ قَالَ: " حُرٌّ وَعَبْدٌ " قُلْتُ: مَا الْإِسْلَامُ؟ قَالَ: " طِيبُ الْكَلَامِ، وَإِطْعَامُ الطَّعَامِ ". قُلْتُ: مَا الْإِيمَانُ؟ قَالَ: " الصَّبْرُ وَالسَّمَاحَةُ ". قَالَ: قُلْتُ: أَيُّ الْإِسْلَامِ أَفْضَلُ؟ قَالَ: " مَنْ سَلِمَ الْمُسْلِمُونَ مِنْ لِسَانِهِ وَيَدِهِ " قُلْتُ: أَيُّ الْإِيمَانِ أَفْضَلُ؟ قَالَ: " خُلُقٌ حَسَنٌ ". قُلْتُ: أَيُّ الصَّلَاةِ أَفْضَلُ؟ قَالَ: " طُولُ الْقُنُوتِ ". قُلْتُ: أَيُّ الْهِجْرَةِ أَفْضَلُ؟ قَالَ: أَنْ تَهْجُرَ مَا كَرِهَ رَبُّكَ». قُلْتُ: رَوَى مُسْلِمٌ مِنْهُ: مَنْ مَعَكَ عَلَى هَذَا الْأَمْرِ؟ قَالَ: حُرٌّ وَعَبْدٌ. رَوَاهُ أَحْمَدُ، وَفِي إِسْنَادِهِ شَهْرُ بْنُ حَوْشَبٍ، وَقَدْ وُثِّقَ عَلَى ضَعْفٍ فِيهِ.

حضرت عمرو بن عبسہ رضی اللہ عنہ بیان کرتے ہیں: میں نے اللہ کے رسول صلی اللہ علیہ و آلہ وسلم کی خدمت میں حاضر ہوا، میں نے دریافت کیا : اسلام سے مراد کیا ہے؟ ( یعنی اسلام کی بنیاد ی تعلیمات کیا ہیں ؟ ) نبی اکرم صلی اللہ علیہ و آلہ وسلم نے ارشا د فرمایا: اچھی گفتگو کرنا اور کھانا کھلانا ، میں نے دریافت کیا: ایمان سے مراد کیا ہے؟ نبی اکرم صلی اللہ علیہ و آلہ وسلم نے جواب دیا: صبر اور نرمی ، میں نے دریافت کیا: اسلام میں ( کون سا شخص ) سب سے بہتر ہے؟ نبی اکرم صلی اللہ علیہ و آلہ وسلم نے ارشاد فرمایا: جس کی زبان اور ہاتھ سے ( دوسرے ) مسلمان سلامت رہیں ، میں نے دریافت کیا: ایمان ) یعنی مؤمن کی ) کون سی چیز سب سے زیادہ فضیلت رکھتی ہے؟ نبی اکرم صلی اللہ علیہ و آلہ وسلم نے ارشاد فرمایا: اچھے اخلاق ، میں نے دریافت کیا: کو ن سی نماز زیادہ فضیلت رکھتی ہے؟ نبی اکرم صلی اللہ علیہ و آلہ وسلم نے ارشاد فرمایا: طویل قیام والی ، میں نے دریافت کیا : کون سی ہجرت زیادہ فضیلت رکھتی ہے؟ نبی اکرم صلی اللہ علیہ و آلہ وسلم نے ارشاد فرمایا: یہ کہ تم اس چیز سے لاتعلق ہو جاؤ جو تمہارے پروردگار کو ناپسند ہو۔ ( علامہ ہیثمی فرماتے ہیں : ) میں یہ کہتا ہوں : کہ امام مسلم نے اس روایت میں سے یہ الفاظ نقل کیے ہیں : اس دین میں آپ کے ساتھ کون ہے؟ نبی اکرم صلی اللہ علیہ و آلہ وسلم نے فرمایا: ایک آزاد شخص اور ایک غلام "۔ یہ روایت امام احمد نے نقل کی ہے، اس کی سند میں ایک راوی شہر بن حوشب ہے، اس میں موجود ضعف کے با وجود اس کو ثقہ قرار دیا گیا ہے۔

أَتَيْتُ رَسُولَ اللَّهِ فَقُلْتُ: ← وَعَنْ عَمْرِو بْنِ عَبَسَةَ

168 - وَعَنْ أَنَسٍ - رَضِيَ اللَّهُ عَنْهُ - قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " الْمُؤْمِنُ مَنْ أَمِنَهُ النَّاسُ، وَالْمُسْلِمُ مَنْ سَلِمَ الْمُسْلِمُونَ مِنْ لِسَانِهِ وَيَدِهِ، وَالْمُهَاجِرُ مَنْ هَجَرَ السُّوءَ، وَالَّذِي نَفْسِي بِيَدِهِ لَا يَدْخُلُ الْجَنَّةَ عَبْدٌ لَا يَأْمَنُ جَارُهُ بَوَائِقَهُ» ". رَوَاهُ أَحْمَدُ وَأَبُو يَعْلَى وَالْبَزَّارُ، وَرِجَالُهُ رِجَالُ الصَّحِيحِ إِلَّا عَلِيَّ بْنَ زَيْدٍ، وَقَدْ شَارَكَهُ فِيهِ حُمَيْدٌ وَيُونُسُ بْنُ عُبَيْدٍ.

حضرت انس رضی اللہ عنہ روایت کرتے ہیں:: نبی اکرم صلی اللہ علیہ و آلہ وسلم نے ارشاد فرمایا ہے : " مؤمن وہ ہے ، جس سے لوگ امان میں ہوں ، اور مسلمان وہ ہے ، جس کی زبان اور ہاتھ سے مسلمان سلامت ( یعنی محفوظ ) رہیں ، اور مہاجر وہ ہے جو برائی سے لاتعلق ہو جائے، اس ذات کی قسم ! جس کے دست قدرت میں میری جان ہے ، ایسا بندہ جنت میں داخل نہیں ہو گا، جس کا پڑوسی اس کی زیادتیوں سے محفوظ نہ ہو"۔ یہ روایت امام احمد ، امام ابو یعلیٰ اور امام بزار نے نقل کی ہے، اس کے رجال صحیح کے رجال ہیں ، صرف علی بن زید کا معاملہ مختلف ہے، اس روایت کے بارے میں حمید اور یونس بن عبید نے اس کی مشارکت کی ہے ۔

أَنَسٍ،

169 - وَعَنْ سَهْلِ بْنِ مُعَاذٍ، عَنْ أَبِيهِ، «عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " إِنَّ السَّالِمَ مَنْ سَلِمَ النَّاسُ مِنْ لِسَانِهِ وَيَدِهِ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ، وَفِي إِسْنَادِهِ ابْنُ لَهِيعَةَ عَنْ زَبَّانَ، وَكِلَاهُمَا ضَعِيفٌ، وَقَدْ وَثَّقَ زَبَّانَ أَبُو حَاتِمٍ، وَرَوَاهُ زَبَّانُ أَيْضًا فَقَالَ: الْمُسْلِمُ، بَدَلَ: السَّالِمِ. وَلَيْسَ فِيهِ ابْنُ لَهِيعَةَ.

سہل بن معاذ ، اپنے والد کے حوالے سے، نبی اکرم صلی اللہ علیہ و آلہ وسلم کا یہ فرمان نقل کرتے ہیں: " سلامتی والا وہ ہے، جس کی زبان اور ہاتھ سے لوگ محفوظ رہیں"۔ یہ روایت امام احمد نے ا ور امام طبرانی نے معجم کبیر میں نقل کی ہے، اس کی سند میں یہ مذکور ہے کہ اسے ابن لہیعہ نے زبان سے روایت کیا ہے اور یہ دونوں ضعیف ہیں ، زبان کو ابو حاتم نے ثقہ قرار دیا ہے، زبان نے ہی یہ روایت لفظ " سالم " کی جگہ لفظ " مسلم " کے ساتھ نقل کی ہے، لیکن اس روایت کی سند میں ابن لہیعہ نہیں ہے۔

أَبِيهِ ← سَهْلِ بْنِ مُعَاذٍ،

170 - وَعَنْ أَنَسٍ - رَضِيَ اللَّهُ عَنْهُ - «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - سُئِلَ عَنِ الْمُؤْمِنِ قَالَ: " مَنْ أَمِنَهُ جَارُهُ، وَلَا يَخَافُ بَوَائِقَهُ» " فَذَكَرَ الْحَدِيثَ. رَوَاهُ أَبُو يَعْلَى، وَفِيهِ مُبَارَكُ بْنُ فَضَالَةَ، وَالْأَكْثَرُ عَلَى تَوْثِيقِهِ.

حضرت انس رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم سے مؤمن کے بارے میں سوال کیا گیا ، تو آپ نے ارشاد فرمایا : جس سے اس کا پڑوسی محفوظ ہو اور جس کی زیادتی کا ( اس کے پڑوسی کو ) خوف نہ ہو۔ اس کے بعد راوی نے پوری حدیث نقل کی ہے، اسے امام ابو یعلیٰ نے روایت کیا ہے اور اس کی سند میں ایک راوی مبارک بن فضالہ ہے، اکثر حضرات نے اس کی توثیق کی ہے۔

أَنَسٍ،

171 - وَعَنِ ابْنِ عَبَّاسٍ - رَضِيَ اللَّهُ عَنْهُمَا - قَالَ: «دَخَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى عُمَرَ وَمَعَهُ أُنَاسٌ مِنْ أَصْحَابِهِ، فَقَالَ: " أَمُؤْمِنُونَ أَنْتُمْ؟ " فَسَكَتُوا، ثَلَاثَ مَرَّاتٍ، فَقَالَ عُمَرُ فِي آخِرِهِمْ: نَعَمْ نُؤْمِنُ عَلَى مَا أَتَيْتَنَا بِهِ، وَنَحْمَدُ اللَّهَ فِي الرَّخَاءِ، وَنَصْبِرُ عَلَى الْبَلَاءِ، وَنُؤْمِنُ بِالْقَضَاءِ. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مُؤْمِنُونَ وَرَبِّ الْكَعْبَةِ». رَوَاهُ الطَّبَرَانِيُّ فِي الْأَوْسَطِ، وَلَهُ فِي الْكَبِيرِ: «فَقَالَ عُمَرُ فِي آخِرِهِمْ: نَعَمْ يَا رَسُولَ اللَّهِ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " وَمِمَّ ذَاكَ؟ " فَقَالَ عُمَرُ: نَرْجُو ثَوَابًا مِنَ اللَّهِ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مُؤْمِنُونَ وَرَبِّ الْكَعْبَةِ». وَفِي إِسْنَادِهِ يُوسُفُ بْنُ مَيْمُونٍ، وَثَّقَهُ ابْنُ حِبَّانَ، وَالْأَكْثَرُ عَلَى تَضْعِيفِهِ.

حضرت عبداللہ بن عباس رضی اللہ عنہ : بیان کرتے ہیں : نبی اکرم صلی اللہ علیہ و آلہ وسلم ،حضرت عمر رضی اللہ عنہ کے پاس تشریف لائے ، آپ صلی اللہ علیہ و آلہ وسلم کے ساتھ آپ صلی اللہ علیہ و آلہ وسلم کے کچھ اصحاب بھی تھے، نبی اکرم صلی اللہ علیہ و آلہ وسلم نے دریافت کیا: کیا مؤمن ہو ؟ تو وہ لوگ خاموش رہے ، ایسا تین مرتبہ ہوا، آخری مرتبہ میں حضرت عمر رضی اللہ عنہ نے کہا : جی ہاں ! ہم اس چیز پر ایمان رکھتے ہیں ، جو آپ ہمارے پاس لے کر آئے ہیں، ہم خوشحالی پر اللہ کی حمد بیان کرتے ہیں اور آزمائش پر صبر سے کام لیتے ہیں اور تقدیر کے فیصلے پر ایمان رکھتے ہیں ، تو نبی اکرم صلی اللہ علیہ و آلہ وسلم نے ارشاد فرمایا : ( تم لوگ) مؤمن ہو رب کعبہ کی قسم ! "۔ یہ روایت امام طبرانی نے معجم اوسط میں نقل کی ہے، جبکہ معجم کبیر کی روایت میں یہ الفاظ ہیں: " ان میں سے آخری مرتبہ میں حضرت عمر رضی اللہ عنہ نے عرض کی : جی ہاں ! یا رسول اللہ صلی اللہ علیہ و آلہ وسلم نے دریافت کیا : وہ کیسے ؟ حضرت عمر رضی اللہ عنہ نے عرض کی : ہم اللہ تعالیٰ سے ثواب کی امید رکھتے ہیں ، تو نبی اکرم صلی اللہ علیہ و آلہ وسلم نے ارشاد فرمایا: ( تم لو گ ) مؤمن ہو، رب کعبہ کی قسم ! اس کی سند میں ایک راوی یوسف بن میمون ہے اسے ابن حبان نے ثقہ قرار دیا ہے اکثر حضرات نے اسے ضعیف قرار دیا ہے۔

ابْنِ عَبَّاسٍ،