Majma uz Zawaid Wa Manba ul Fawaid

3959 - عَنْ أَبِي قَتَادَةَ رَضِيَ اللَّهُ عَنْهُ قَالَ: «كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا دُعِيَ إِلَى جِنَازَةٍ سَأَلَ عَنْهَا، فَإِنْ أُثْنِيَ عَلَيْهَا خَيْرًا قَامَ فَصَلَّى عَلَيْهَا، وَإِنْ أُثْنِيَ عَلَيْهَا غَيْرَ ذَلِكَ قَالَ لِأَهْلِهَا: " شَأْنَكُمْ بِهَا ". وَلَمْ يُصَلِّ عَلَيْهَا». رَوَاهُ أَحْمَدُ، وَرِجَالُهُ رِجَالُ الصَّحِيحِ.

حضرت ابوقتادہ رضی اللہ عنہ بیان کرتے ہیں: نبی اکرم صلی اللہ علیہ وسلم کو جب جنازے کے لئے بلا یا جا تا تھا ‘ تو آپ اس میت کے بارے میں در یافت کر لیتے تھے اگر اس کی تعریف کی جاتی تھی تو آپ اٹھ کر اس کی نماز جنازہ ادا کرتے تھے ‘ اور اگر اس کی برائی بیان کی جاتی تھی تو آپ اس کے اہل خانہ سے یہ کہتے تھے کہ تم لوگ خود انتظام کر لو آپ اس شخص کی نماز جنازہ نہیں ادا کرتے تھے۔ یہ روایت امام احمد نے نقل کی ہے ‘ اور اس کے رجال ’’صحیح‘‘ کے رجال ہیں ۔

أَبِي قَتَادَةَ،

3960 - وَعَنْ أَنَسٍ رَضِيَ اللَّهُ عَنْهُ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: " «مَا مِنْ مُسْلِمٍ يَمُوتُ فَتَشْهَدُ لَهُ أَهْلُ أَرْبَعَةِ أَبْيَاتٍ مِنْ جِيرَانِهِ الْأَدْنَيْنَ إِلَّا قَالَ اللَّهُ: قَدْ قَبِلْتُ عِلْمَكُمْ فِيهِ، وَغَفَرْتُ لَهُ مَا لَا تَعْلَمُونَ» ". رَوَاهُ أَحْمَدُ، وَأَبُو يَعْلَى. وَقَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «مَا مِنْ مُسْلِمٍ يَمُوتُ فَيَشْهَدُ لَهُ أَهْلُ أَرْبَعَةِ أَبْيَاتٍ مِنْ جِيرَانِهِ الْأَدْنَيْنَ أَنَّهُمْ لَا يَعْلَمُونَ إِلَّا خَيْرًا إِلَّا قَالَ اللَّهُ: قَدْ قَبِلْتُ عِلْمَكُمْ وَغَفَرْتُ لَهُ مَا لَا تَعْلَمُونَ» ". وَرِجَالُ أَحْمَدَ رِجَالُ الصَّحِيحِ. قُلْتُ: لِأَنَسٍ حَدِيثٌ فِي الصَّحِيحِ غَيْرُ هَذَا.

حضرت انس رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ” جب کوئی مسلمان فوت ہو جائے اوراس کے قریبی پڑوسیوں میں سے چار گھرانے کے افراد اس کے حق میں گواہی دے دیں ‘ تواللہ تعالی ٰسے فرماتا ہے: اس شخص کے بارے میں تمہارے علم کو میں نے قبول کیا ‘ اور جو چیزتم نہیں جانتے اس کے حوالے سے میں نے اس کی مغفرت کر دی‘‘ ۔ یہ روایت امام احمد اور امام ابویعلی ٰنے نقل کی ہے ۔ وہ بیان کرتے ہیں : نبی اکرم صلی اللہ علیہ وسلم نے ارشاد فرمایا: ’’ جومسلمان فوت ہو جائے اور اس کے قریبی پڑوسیوں میں سے چار گھرانے کے افراداس کے حق میں گواہی دے دیں کہ وہ لوگ اس کے بارے میں صرف بھلائی کاعلم رکھتے ہیں تو اللہ تعالی ٰیہ فرماتا ہے: تمہارے علم کو میں نے قبول کیا ‘ اور جس چیز کے بارے میں تم نہیں جانتے اس کے حوالے سے میں نے اس کی مغفرت کر دی‘‘ ۔ امام احمد کے رجال’’صحیح‘‘ کے رجال ہیں ۔ ( علامہ ہیثمی فرماتے ہیں: ) میں یہ کہتا ہوں : حضرت انس رضی اللہ عنہ کے حوالے سے منقول حدیث ’’صحیح‘‘ میں بھی مذکور ہے ‘لیکن وہ اس کے علاوہ ہے۔

أَنَسٍ،

3961 - وَعَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّى اللَّهُ عَلَيْهِ وَسَلَّمَ يَرْوِيهِ عَنْ رَبِّهِ عَزَّ وَجَلَّ: " «مَا مِنْ عَبْدٍ مُسْلِمٍ يَمُوتُ فَتَشْهَدُ لَهُ ثَلَاثَةُ أَبْيَاتٍ مِنْ جِيرَانِهِ الْأَدْنَيْنَ بِخَيْرٍ إِلَّا قَالَ اللَّهُ عَزَّ وَجَلَّ: قَدْ قَبِلْتُ شَهَادَةَ عِبَادِي عَلَى مَا عَلِمُوا، وَغَفَرْتُ لَهُ مَا أَعْلَمُ» ". قُلْتُ: لِأَبِي هُرَيْرَةَ حَدِيثٌ فِي الصَّحِيحِ غَيْرُ هَذَا. رَوَاهُ أَحْمَدُ، وَفِيهِ رَاوٍ لَمْ يُسَمَّ.

حضرت ابو ہریرہ نبی اکرم صلی اللہ علیہ وسلم کے حوالے سے آپ کے پروردگار کے حوالے سے یہ بات نقل کرتے ہیں: جو بھی مسلمان بندہ فوت ہوتا ہے اور اس کے قریبی پڑوسیوں میں سے تین گھرانوں کے افراداس کے حق میں بھلائی کی گواہی دے دیتے ہیں تو اللہ تعالی ٰیہ فرماتا ہے: میں نے اپنے بندوں کی گواہی ان کے علم کے مطابق قبول کی اور اپنے علم والی چیزوں کے حوالے سے اس کی مغفرت کر دی‘‘ ۔ (علامہ ہیثمی فرماتے ہیں: ) میں یہ کہتا ہوں: حضرت ابوہریرہ رضی اللہ عنہ کے حوالے سے ایک حدیث ’’صحیح‘‘ میں منقول ہے‘ لیکن وہ اس کے علاوہ ہے۔ یہ روایت امام احمد نے نقل کی ہے ۔ اس کی سند میں ایک راوی ایسا ہے ‘جس کا نام بیان نہیں کیا گیا ہے ۔

أَبِي هُرَيْرَةَ،

3962 - وَعَنْ أَبِي هُرَيْرَةَ رَضِيَ اللَّهُ عَنْهُ قَالَ: «كُنَّا عِنْدَ النَّبِيِّ صَلَّى اللَّهُ عَلَيْهِ وَسَلَّمَ فَأُتِيَ بِجِنَازَةٍ، فَأَثْنَى النَّاسُ عَلَيْهَا خَيْرًا، فَقَالَ النَّبِيُّ صَلَّى اللَّهُ عَلَيْهِ وَسَلَّمَ: " وَجَبَتْ ". ثُمَّ أُتِيَ بِأُخْرَى فَكَأَنَّ النَّاسَ نَالُوا مِنْهُ، فَقَالَ النَّبِيُّ صَلَّى اللَّهُ عَلَيْهِ وَسَلَّمَ: " وَجَبَتْ ". فَقَالَ أَصْحَابُ رَسُولِ اللَّهِ صَلَّى اللَّهُ عَلَيْهِ وَسَلَّمَ: أُتِيَ بِفُلَانٍ فَقَالَ: وَجَبَتْ، وَأُتِيَ بِفُلَانٍ فَقَالَ: وَجَبَتْ. فَقَالَ عُمَرُ: بِأَبِي أَنْتَ وَأُمِّي، أُتِيَ بِفُلَانٍ فَأَثْنَى النَّاسُ عَلَيْهِ خَيْرًا فَقُلْتَ: وَجَبَتْ، ثُمَّ أُتِيَ بِفُلَانٍ أَثْنَى النَّاسُ عَلَيْهِ شَرًّا فَقُلْتُ: وَجَبَتْ؟ فَقَالَ: " أُتِيَ بِأَخِيكُمْ فَشَهِدْتُمْ بِمَا شَهِدْتُمْ فَوَجَبَتْ شَهَادَتُكُمْ، ثُمَّ أُتِيَ بِأَخِيكُمْ فُلَانٍ فَشَهِدْتُمْ [بِمَا شَهِدْتُمْ] فَوَجَبَتْ شَهَادَتُكُمْ، أَنْتُمْ شُهَدَاءُ اللَّهِ فِي الْأَرْضِ بَعْضُكُمْ عَلَى بَعْضٍ» ". رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ. وَرَوَاهُ الْبَزَّارُ بِاخْتِصَارٍ.

حضرت ابوہریرہ رضی اللہ عنہ بیان کرتے ہیں : ہم لوگ نبی اکرم صلی اللہ علیہ وسلم کے پاس موجود تھے ایک جنازہ لایا گیا لوگوں نے اس کی اچھائی بیان کی نبی اکرم صلی اللہ علیہ وسلم نے ارشاد فرمایا: واجب ہوگئی پھر ایک اور جناز ہ لا یا گیا لوگوں نے اس کی برائی بیان کی تو نبی اکرم صلی اللہ علیہ وسلم نے ارشادفر مایا: واجب ہوگئی صحا بہ کرام نے عرض کی : فلاں شخص کا جنازہ لا یا گیا تو نبی اکرم صلی اللہ علیہ وسلم نے فرمایا: واجب ہوگئی پھر فلاں کولا یا گیا تو نبی اکرم صلی اللہ علیہ وسلم نے فرمایا: واجب ہوگئی حضرت عمر رضی اللہ عنہ نے عرض کی : میرے ماں باپ آپ پر قربان ہوں فلاں شخص کولا یا گیا لوگوں نے اس کی تعریف کی ‘تو آپ نے یہ ارشاد فر ما یاواجب ہوگئی‘ پھر فلاں کولا یا گیالوگوں نے اس کی برائی بیان کی‘ تو آپ نے ارشاد فر ما یا: واجب ہوگئی نبی اکرم صلی اللہ علیہ وسلم نے ارشادفرمایا: تمہارے ایک بھائی کولا یا گیاتم نے اس کے بارے میں جو بھی گواہی دینی تھی وہ گواہی دی‘ تو تمہاری گواہی واجب ہو گئی پھر تمہارے فلاں بھائی کو لا یا گیا تم نے اس کے بارے میں جو گواہی دی تھی وہ دی تو تمہاری گواہی واجب ہوگئی تم لوگ زمین میں ایک دوسرے کے بارے میں اللہ کے گواہ ہو۔ یہ روایت امام طبرانی نے معجم اوسط میں نقل کی ہے اور اس کے رجال’’صحیح‘‘ کے رجال ہیں یہ روایت امام بزارنے اختصار کے ساتھ نقل کی ہے۔

((وجبت))، ← وَجَبَتْ، وَأُتِيَ بِفُلَانٍ ← أَصْحَابُ رَسُولِ اللَّهِ أُتِيَ بِفُلَانٍ ← «كُنَّا عِنْدَ النَّبِيِّ فَأُتِيَ بِجِنَازَةٍ، فَأَثْنَى النَّاسُ عَلَيْهَا خَيْرًا، ← أَبِي هُرَيْرَةَ،

3963 - وَعَنْ كَعْبِ بْنِ عُجْرَةَ قَالَ: «شَهِدْتُ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ مَجْلِسَيْنِ: أَمَّا أَحَدُهُمَا فَأُتِيَ بِجِنَازَةٍ فَقِيلَ: هَذَا فُلَانٌ وَبِئْسَ الرَّجُلُ، وَأُثْنِيَ عَلَيْهِ شَرًّا. فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " تَعْلَمُونَ ذَلِكَ؟ " قَالُوا: نَعَمْ. قَالَ: " وَجَبَتْ ". وَأَمَّا الْآخَرُ فَأُتِيَ بِجِنَازَةِ رَجُلٍ فَقَالُوا: هَذَا فُلَانٌ، وَأَثْنَوْا عَلَيْهِ خَيْرًا، قَالَ: " تَعْلَمُونَ ذَلِكَ؟ " قَالُوا: نَعَمْ. قَالَ: " وَجَبَتْ». رَوَاهُ الطَّبَرَانِيُّ فِي الْكَبِيرِ، وَفِيهِ عَبْدُ الْعَزِيزِ بْنُ عُبَيْدِ اللَّهِ بْنِ حَمْزَةَ، وَهُوَ ضَعِيفٌ.

حضرت کعب بن عجرہ رضی اللہ عنہ بیان کرتے ہیں : میں نبی اکرم صلی اللہ علیہ وسلم کے ساتھ دو محافل میں موجود رہا ہوں ان میں سے ایک محفل میں ایک جناز ہ لا یا گیا عرض کی گئی: یہ فلاں شخص ہے ‘ اور یہ برا شخص ہے اس کی برائی بیان کی گئی تو نبی اکرم صلی اللہ علیہ وسلم ہے دریافت کیا: کیا تم لوگ اسے جانتے ہو؟ لوگوں نے عرض کی : جی ہاں ۔ نبی اکرم صلی اللہ علیہ وسلم نے فرمایا: واجب ہو گئی پھر ایک اور محفل میں ایک شخص کا جنازہ لایا گیا تو لوگوں نے کہا: یہ فلاں شخص ہے ۔لوگوں نے اس کی بھلائی بیان کی تو نبی اکرم صلی اللہ علیہ وسلم نے دریافت کیا: تم لوگ یہ علم رکھتے ہو؟ لوگوں نے عرض کی: جی ہاں ۔ نبی اکرم صلی اللہ علیہ وسلم نے ارشاد فرمایا : واجب ہو گئی ۔ یہ روایت امام طبرانی نے معجم کبیر میں نقل کی ہے۔اس کی سند میں ایک راوی عبدالعزیز بن عبید اللہ بن حمز ہ ہے ‘اور وہ ضعیف ہے۔

کَعْبِ بْنِ عُجْرَۃَ

3964 - وَعَنْ سَلَمَةَ بْنِ الْأَكْوَعِ رَضِيَ اللَّهُ عَنْهُ قَالَ: «كُنَّا عِنْدَ النَّبِيِّ صَلَّى اللَّهُ عَلَيْهِ وَسَلَّمَ فَأُتِيَ بِجِنَازَةٍ فَقَالَ لَهُ الْقَوْمُ: إِنْ كُنْتَ وَإِنْ كُنْتَ. ثُمَّ أُتِيَ بِأُخْرَى فَقَالَ الْقَوْمُ: إِنْ كُنْتَ وَكُنْتَ، فَأَثْنَوْا عَلَى وَاحِدَةٍ خَيْرًا وَالْأُخْرَى شَرًّا، فَقَالَ رَسُولُ اللَّهِ صَلَّى اللَّهُ عَلَيْهِ سَلَّمَ: " أَنْتُمْ شُهَدَاءُ اللَّهِ فِي الْأَرْضِ، وَالْمَلَائِكَةُ شُهَدَاءُ اللَّهِ فِي السَّمَاءِ» ". وَفِي رِوَايَةٍ: " «فَإِذَا شَهِدْتُمْ وَجَبَتْ» ". رَوَاهُ الطَّبَرَانِيُّ فِي الْكَبِيرِ، وَفِي السَّنَدِ الْأَوَّلِ عَبْدُ الْغَفَّارِ بْنُ الْقَاسِمِ أَبُو مَرْيَمَ، وَهُوَ ضَعِيفٌ، وَفِي الْأُخْرَى مُوسَى بْنُ عُبَيْدَةَ، وَهُوَ ضَعِيفٌ.

حضرت سلمہ بن اکوع رضی اللہ عنہ بیان کرتے ہیں : ہم لوگ نبی اکرم صلی اللہ علیہ وسلم کے پاس موجود تھے ایک جنازہ لا یا گیا لو گوں نے اس شخص سے کہا اگرتم یہ اور وہ ہوتے ( تو یہ مناسب تھا ) پھر ایک اور جنازہ لایا گیا تو لوگوں نے کہا: اگر تم یہ اور وہ ہوتے تو ( مناسب تھا ) یعنی انہوں نے ایک جنازے کی تعریف کی اور دوسرے کی برائی بیان کی ‘ تو نبی اکرم صلی اللہ علیہ وسلم نے ارشاد فرمایا : تم لوگ زمین میں اللہ کے گواہ ہو اورفرشتے آسمان میں اللہ کے گواہ ہیں ۔ ایک روایت میں یہ الفاظ ہیں: ’’ جب تم نے گواہی دے دی تو واجب ہوگئی‘‘ ۔ یہ روایت امام طبرانی نے معجم کبیر میں نقل کی ہے ۔ پہلی کی سند میں ایک راوی عبد الغفار بن قاسم ابو مریم ہے ‘ اور وہ ضعیف ہے ‘جبکہ دوسری کی سند میں ایک راوی موسیٰ بن عبیدہ ہے اور وہ ضعیف ہے۔

الْقَوْمُ: إِنْ كُنْتَ وَكُنْتَ، فَأَثْنَوْا عَلَى وَاحِدَةٍ خَيْرًا وَالْأُخْرَى شَرًّا، ← لَهُ الْقَوْمُ: إِنْ كُنْتَ وَإِنْ كُنْتَ. ثُمَّ أُتِيَ بِأُخْرَى ← «كُنَّا عِنْدَ النَّبِيِّ فَأُتِيَ بِجِنَازَةٍ ← سَلَمَةَ بْنِ الْأَكْوَعِ

3965 - وَعَنْ عَامِرِ بْنِ رَبِيعَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «إِذَا مَاتَ الْعَبْدُ، وَاللَّهُ يَعْلَمُ مِنْهُ سِرًّا، وَتَقُولُ النَّاسُ خَيْرًا، قَالَ اللَّهُ عَزَّ وَجَلَّ لِمَلَائِكَتِهِ: قَدْ قَبِلْتُ شَهَادَةَ عِبَادِي عَلَى عَبْدِي، وَغَفَرْتُ لَهُ عِلْمِي فِيهِ» ". رَوَاهُ الْبَزَّارُ، وَفِيهِ مُحَمَّدُ بْنُ عَبْدِ الرَّحْمَنِ الْقُشَيْرِيُّ، وَهُوَ مَتْرُوكُ [الْحَدِيثِ].

حضرت عامر بن ربیعہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرما یا : ’’ جب بندہ مر جاتا ہے ‘تو اللہ تعالی ٰپوشیدہ معاملات کاعلم رکھتا ہے اگر لوگ بھلائی کی بات کہتے ہیں: تو اللہ تعالی ٰاپنے فرشتوں سے فرماتا ہے اپنے بندے کے بارے میں ‘ میں نے اپنے دوسرے بندوں کی گواہی کو قبول کر لیا اور اس کے بارے میں میرا جو علم تھا اس کے حوالے سے میں نے اس کی مغفرت کر دی‘‘۔ یہ روایت امام بزار نے نقل کی ہے ۔ اس کی سند میں ایک راوی محمد بن عبدالرحمن قشیری ہے ‘ اور وہ متروک الحدیث ہے۔

عَامِرِ بْنِ رَبِيعَةَ

3966 - وَعَنْ أَنَسٍ رَضِيَ اللَّهُ عَنْهُ قَالَ: «كُنْتُ قَاعِدًا مَعَ النَّبِيِّ صَلَّى اللَّهُ عَلَيْهِ وَسَلَّمَ فَمَرَّتْ جِنَازَةٌ فَقَالَ: " مَا هَذِهِ الْجِنَازَةُ؟ " فَقَالَ: جِنَازَةُ فُلَانِ بْنِ فُلَانٍ، [كَانَ يُحِبُّ اللَّهَ وَرَسُولِهِ. فَقَالَ: " وَجَبَتْ " ثَلَاثًا. ثُمَّ مَرَّتْ أُخْرَى فَقَالَ: " مَا هَذِهِ؟ " فَقَالُوا: جِنَازَةُ فُلَانِ بْنِ فُلَانٍ] كَانَ يُبْغِضُ اللَّهَ وَرَسُولَهُ فَقَالَ: " وَجَبَتْ " ثَلَاثًا». قُلْتُ: لَهُ حَدِيثٌ فِي الصَّحِيحِ بِغَيْرِ هَذَا السِّيَاقِ. رَوَاهُ الْبَزَّارُ، وَرِجَالُهُ رِجَالُ الصَّحِيحِ.

حضرت انس رضی اللہ عنہ بیان کرتے ہیں: میں نبی اکرم صلی اللہ علیہ وسلم کے پاس بیٹھا ہوا تھا ایک جنازہ گزرا نبی اکرم صلی اللہ علیہ وسلم نے دریافت کیا: یہ کس کا جنازہ ہے ؟ کسی نے بتایا یہ فلاں بن فلاں کا جنازہ ہے ۔ وہ ایک ایسا شخص تھا جو اللہ اور اس کے رسول سے محبت رکھتا تھا نبی اکرم صلی اللہ علیہ وسلم نے تین مرتبہ ارشاد فرمایا : واجب ہو گئی پھر ایک اور جنازہ گزرا آپ نے دریافت کیا : یہ کس کا جنازہ ہے؟ لوگوں نے بتایا یہ فلاں بن فلاں کا جنازہ ہے وہ ایک ایسا شخص تھا جو اللہ اور اس کے رسول سے بغض رکھتا تھا ‘ تو نبی اکرم صلی اللہ علیہ وسلم نے تین مرتبہ ارشاد فرمایا واجب ہو گئی ۔ (علامہ ہیثمی فرماتے ہیں: ) میں یہ کہتا ہوں : ان صحابی کے حوالے سے’’صحیح‘‘ میں ایک حدیث منقول ہے ‘ جواس سیاق کے بغیر ہے۔یہ روایت امام بزار نے نقل کی ہے اور اس کے رجال ’’صحیح‘‘ کے رجال ہیں ۔

جِنَازَةُ فُلَانِ بْنِ فُلَانٍ] كَانَ يُبْغِضُ اللَّهَ وَرَسُولَهُ ← ما هذه ← وَجَبَتْ ثَلاثًا، ثُمَّ مَرَّتْ أُخْرَى ← جِنَازَةُ فُلَانِ بْنِ فُلَانٍ، [كَانَ يُحِبُّ اللَّهَ وَرَسُولِهِ. ← مَا هَذِهِ الْجِنَازَةُ؟ ← كُنْتُ قَاعِدًا مَعَ النَّبِيّ فَمَرَّتْ جِنَازَةٌ ← أَنَسٍ،