Majma uz Zawaid Wa Manba ul Fawaid

6988 - وَعَنْ عَبْدِ اللَّهِ بْنِ مَوْهَبٍ «أَنَّ عُثْمَانَ قَالَ لِابْنِ عُمَرَ: اذْهَبْ فَاقْضِ بَيْنَ النَّاسِ. قَالَ: أَوَتُعْفِينِي يَا أَمِيرَ الْمُؤْمِنِينَ؟ قَالَ: لَا عَزَمْتُ عَلَيْكَ إِلَّا ذَهَبْتَ فَقَضَيْتَ. قَالَ: لَا تَعْجَلْ. سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " مَنْ عَاذَ بِاللَّهِ، فَقَدْ عَاذَ بِمُعَاذٍ ". قَالَ: نَعَمْ. قَالَ: فَإِنِّي أَعُوذُ بِاللَّهِ أَنْ أَكُونَ قَاضِيًا. قَالَ: وَمَا يَمْنَعُكَ، وَقَدْ كَانَ أَبُوكَ يَقْضِي. قَالَ: إِنِّي سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " مَنْ كَانَ قَاضِيًا فَقَضَى بِجَهْلٍ كَانَ مِنْ أَهْلِ النَّارِ، وَمَنْ كَانَ قَاضِيًا عَالِمًا فَقَضَى بِحَقٍّ أَوْ بِعَدْلٍ سَأَلَ التَّقَلُّبَ كَفَافًا ". فَمَا أَرْجُو بَعْدَ هَذَا؟» قُلْتُ: لَهُ حَدِيثٌ رَوَاهُ التِّرْمِذِيُّ بِغَيْرِ هَذَا السِّيَاقِ. رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَالْبَزَّارُ، وَأَحْمَدُ كِلَاهُمَا بِاخْتِصَارٍ، وَرِجَالُهُ ثِقَاتٌ، وَزَادَ أَحْمَدُ: فَأَعْفَاهُ وَقَالَ: لَا تُجْبِرَنَّ أَحَدًا.

عبداللہ بن موہب رضی اللہ عنہ بیان کرتے ہیں: حضرت عثمان رضی اللہ عنہ نے حضرت عبداللہ رضی اللہ عنہ سے کہا: آپ جائیں اور لوگوں کے در میان قاضی کے فرائض سرانجام دیں حضرت عبداللہ بن عمر رضی اللہ عنہ نے فرمایا: اے امیر المؤمنین! آپ مجھے اس حوالے سے معاف نہیں رکھیں گے؟ حضرت عثمان رضی اللہ عنہ نے فرمایا : میں آپ کو تاکید کرتا ہوں کہ آپ جائیں اور قاضی کے طور پر ذمہ داریاں سرانجام دیں، حضرت عبد الله بن عمر رضی اللہ عنہ نے کہا آپ جلدی نہ کریں میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے:’’جوشخص اللہ کی پناہ مانگتا ہے، تو وہ ایک مضبوط پناہ مانگتا ہے‘‘۔ حضرت عثمان رضی اللہ عنہ نے کہا: ٹھیک ہے تو حضرت عبداللہ بن عمر رضی اللہ عنہ نے کہا: میں اللہ کی اس بات سے پناہ مانگتا ہوں کہ میں قاضی بن جاؤں، حضرت عثمان رضی اللہ عنہ نے دریافت کیا: آپ ایسا کیوں نہیں کررہے؟ جبکہ آپ کے والد قاضی کے طور پر فیصلے دیا کرتے تھے، حضرت عبداللہ رضی اللہ عنہ نے بتایا کہ میں نے نبی اکرم صلی اللہ علیہ وسلم کو یہ ارشادفرماتے ہوئے سناہے:’’ جوشخص قاضی بنے اور جہالت کی بنیاد پر فیصلے دے، تو وہ جہنمی ہوگا اور جوشخص قاضی بنے اور وہ عالم ہو اور وہ حق یا عدل کے مطابق فیصلہ دے تو وہ درخواست کرے گا کہ اُسے برابری کی بنیاد پر چھوڑ دیا جائے‘‘۔ حضرت عبداللہ بن عمر رضی اللہ عنہ نے فرمایا:) تو میں اس کے بعد کس چیز کی توقع رکھ سکتا ہوں؟ (علامہ ہیثمی فرماتے ہیں:) میں یہ کہتا ہوں ان کے حوالے سے ایک حدیث مذکور ہے ، جو امام ترمذی نےنقل کی ہے، اور وہ اس سیاق کے علاوہ ہے۔ یہ روایت امام طبرانی نے معجم کبیر اور معجم اوسط میں نقل کی ہے، امام بزارنے اور امام احمد نے بھی نقل کی ہے، لیکن ان دونوں نے اسے اختصار کے ساتھ نقل کیا ہے اور اس کے رجال ثقہ ہیں، امام احمد نے یہ الفاظ زائدنقل کیے ہیں: توحضرت عثمان رضی اللہ عنہ نے انہیں چھوڑ دیا ، انہوں نے کہا: آپ کسی ایک کو زبردستی مجبورنہیں کریں گے۔

عبد الله بن موهب

6989 - وَعَنِ ابْنِ عُمَرَ - رَضِيَ اللَّهُ عَنْهُمَا - قَالَ: «أَرَادَهُ عُثْمَانُ عَلَى الْقَضَاءِ فَأَبَى وَقَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " الْقُضَاةُ ثَلَاثَةٌ: وَاحِدٌ نَاجٍ، وَاثْنَانِ فِي النَّارِ. مَنْ قَضَى بِالْجَوْرِ أَوْ بِالْهَوَى هَلَكَ. وَمَنْ قَضَى بِالْحَقِّ نَجَا» ". رَوَاهُ الطَّبَرَانِيُّ فِي الْأَوْسَطِ وَالْكَبِيرِ، وَلَفْظُهُ: " «قَاضٍ قَضَى بِالْهَوَى فَهُوَ فِي النَّارِ. وَقَاضٍ قَضَى بِغَيْرِ عِلْمٍ فَهُوَ فِي النَّارِ. وَقَاضٍ قَضَى بِالْحَقِّ فَهُوَ فِي الْجَنَّةِ» ". وَرِجَالُ الْكَبِيرِ ثِقَاتٌ. وَرَوَاهُ أَبُو يَعْلَى بِنَحْوِهِ.

حضرت عبداللہ بن عمر رضی اللہ عنہ بیان کرتے ہیں: حضرت عثمان غنی رضی اللہ عنہ نے انہیں قاضی کے عہدے پر فائز کرنے کا ارادہ کیا، تو انہوں نے انکار کر دیا اور یہ بات بیان کیا : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے:’’قاضی تین قسم کے ہوتے ہیں ، ایک نجات پانے والا ہوگا، اور دو جہنم میں جائیں گئے،جو شخص ظلم کے مطابق (راوی کو شک ہے شاید یہ الفاظ ہیں :) یا نفسانی خواہش کے مطابق فیصلہ دے گا وہ ہلاکت کا شکار ہوجائے گا اور جوشخص حق کے مطابق فیصلہ دےگا، وہ نجات پا جائے گا۔یہ روایت امام طبرانی نے معجم اوسط میں اور معجم کبیر میں نقل کی ہے، اور ان کے الفاظ یہ ہیں:’’ جو قاضی خواہش نفس کے مطابق فیصلہ دے گا وہ جہنم میں جائے گا ، ایک قاضی وہ ہے جوعلم نہ ہونے کے باوجود فیصلہ دے گا ، وہ جہنم میں جائے گا ، اور ایک قاضی وہ ہے جوحق کے مطابق فیصلہ دے گا وہ جنت میں جائے گا‘‘۔ معجم کبیر کے رجال ثقہ ہیں امام ابویعلیٰ نے بھی اس کی مانند روایت نقل کی ہے۔

رَسُولِ اللَّهِ ← «أَرَادَهُ عُثْمَانُ عَلَى الْقَضَاءِ فَأَبَى ← ابْنِ عُمَرَ

6990 - وَعَنْ أَبِي أَيُّوبَ، قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «يَدُ اللَّهِ مَعَ الْقَاضِي حِينَ يَقْضِي وَيَدُ اللَّهِ مَعَ الْقَاسِمِ حِينَ يَقْسِمُ» ". رَوَاهُ أَحْمَدُ، وَفِيهِ ابْنُ لَهِيعَةَ، وَحَدِيثُهُ حَسَنٌ، وَفِيهِ ضَعْفٌ.

حضرت ابو ایوب انصاری رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا:’’قاضی جب فیصلہ دیتا ہے ، تو الله تعالیٰ کا دست رحمت اس کے ساتھ ہوتا ہے اور جب تقسیم کرنے وال تقسیم کرتا ہے ، تو الله تعالیٰ کا دست رحمت اس کے ساتھ ہوتا ہے‘‘۔ یہ روایت امام احمد نے نقل کی ہے، اس کی سند میں ایک راوی ابن لہیعہ ہے اس کی نقل کردہ حدیث حسن ہے اور اس میں ضعف پایا جاتاہے۔

أَبِي أَيُّوبَ،

6991 - وَعَنْ عَبْدِ اللَّهِ - يَعْنِي ابْنَ مَسْعُودٍ - يَرْفَعُهُ قَالَ: " «يُؤْتَى بِالْقَاضِي يَوْمَ الْقِيَامَةِ فَيُوقَفُ عَلَى شَفِيرِ جَهَنَّمَ، فَإِنْ أُمِرَ بِهِ وَدُفِعَ فَهَوَى فِيهَا سَبْعِينَ خَرِيفًا» ". قُلْتُ: رَوَاهُ ابْنُ مَاجَهْ إِلَّا أَنَّهُ قَالَ: " «أَرْبَعِينَ خَرِيفًا» ". رَوَاهُ الْبَزَّارُ، وَفِيهِ مُجَالِدُ بْنُ سَعِيدٍ وَثَّقَهُ النَّسَائِيُّ، وَضَعَّفَهُ جَمَاعَةٌ.

حضرت عبداللہ بن مسعود رضی اللہ عنہ ’’مرفوع‘‘ حدیث کے طور پر یہ بات نقل کرتے ہیں : (نبی اکرم صلی اللہ علیہ وسلم نے ارشاد فرمایا:)’’قیامت کے دن قاضی کو لایا جائے گا اورجہنم کے کنارے پر کھڑا کر دیا جائے گا، اگر اس کے بارے میں حکم دیا جائےگا، تو اسے اس میں پھینک دیا جائے گا ، اور وہ ستر سال تک اس میں گرتارہے گا“۔(علامہ ہیثمی فرماتے ہیں: )میں یہ کہتا ہوں : یہ روایت امام ابن ماجہ نے نقل کی ہے، تاہم انہوں نے یہ الفاظ نقل کیے ہیں:”وہ چالیس سال تک اس میں گرتا رہے گا‘‘۔یہ روایت امام بزارنے نقل کی ہے، اس کی سند میں ایک راوی مجالد بن سعید ہے، جسے امام نسائی نےثقہ قرار دیا ہے اور ایک جماعت نے اسے ضعیف کہا ہے۔

عَبْدِ اللَّهِ يَعْنِي ابْنَ مَسْعُودٍ يَرْفَعُهُ

6992 - وَعَنْ مَعْقِلِ بْنِ يَسَارٍ الْمُزَنِيِّ قَالَ: «أَمَرَنِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - أَنْ أَقْضِيَ بَيْنَ قَوْمٍ، فَقُلْتُ: مَا أُحْسِنُ أَنْ أَقْضِيَ يَا رَسُولَ اللَّهِ؟ قَالَ: " يَدُ اللَّهِ مَعَ الْقَاضِي مَا لَمْ يَحِفْ عَمْدًا» ". رَوَاهُ أَحْمَدُ، وَالطَّبَرَانِيُّ فِي الْكَبِيرِ وَالْأَوْسَطِ، وَفِيهِ أَبُو دَاوُدَ الْأَعْمَى، وَهُوَ كَذَّابٌ.

حضرت معقل بن یسار رضی اللہ عنہ مزنی بیان کرتے ہیں: نبی اکرم صلی اللہ علیہ وسلم نے مجھے حکم دیا کہ میں کچھ لوگوں کے درمیان قاضی کے فرائض سرانجام دوں میں نے عرض کیا: یا رسول اللہ ! میں اچھی طرح سے قاضی کے فرائض سرانجام نہیں دے سکتا ،نبی اکرم صلی اللہ علیہ وسلم نے ارشادفرمایا:’’الله تعالیٰ کا دست رحمت قاضی کے ساتھ ہوتا ہے، جب تک وہ جان بوجھ کر زیادتی نہیں کرتا‘‘۔ یہ روایت امام احمد نے اور امام طبرانی نے معجم کبیر اور معجم اوسط میں نقل کی ہے، اس کی سند میں ایک راوی ابوداؤدنا بینا ہے، اور وہ کذاب ہے۔

«أَمَرَنِي رَسُولُ اللَّهِ أَنْ أَقْضِيَ بَيْنَ قَوْمٍ، فَقُلْتُ: مَا أُحْسِنُ أَنْ أَقْضِيَ ← وَعَنْ مَعْقِلِ بْنِ يَسَارٍ الْمُزَنِيِّ

6993 - وَعَنْ عَبْدِ اللَّهِ بْنِ مَسْعُودٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ -: " «أَنَّ اللَّهَ مَعَ الْقَاضِي مَا لَمْ يَحِفْ عَمْدًا» ". رَوَاهُ الطَّبَرَانِيُّ فِي الْكَبِيرِ، وَفِيهِ حَفْصُ بْنُ سُلَيْمَانَ الْقَارِئُ وَثَّقَهُ أَحْمَدُ، وَضَعَّفَهُ الْأَئِمَّةُ وَنَسَبُوهُ إِلَى الْكَذِبِ وَالْوَضْعِ.

حضرت عبد الله بن مسعود رضی اللہ عنہ نے نبی اکرم صلی اللہ علیہ وسلم کے حوالے سے یہ بات نقل کرتے ہیں: (نبی اکرم صلی اللہ علیہ وسلم نے ارشاد فرمایا ہے:)”بے شک الله تعالیٰ قاضی کے ساتھ ہوتا ہے، جب تک وہ جان بوجھ کر زیادتی نہیں کرتا‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی حفص بن سلیمان قاری ہے ، جسے امام احمد نے ثقہ قرار دیا ہے ، اور ائمہ نے اسے ضعیف کہا ہے۔ انہوں نے اس کی نسبت جھوٹ بولنے اور حدیث ایجاد کرنے کی طرف کی ہے۔

عَبْدِ اللهِ بْنِ مَسْعُودٍ

6994 - وَعَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ وَلِيَ مِنْ أَمْرِ الْمُسْلِمِينَ وَلَايَةً، وَكَانَتْ بِنِيَّةِ الْحَقِّ، وَكَّلَ اللَّهُ بِهِ مَلَكَيْنِ يُوَفِّقَانِهِ وَيُرْشِدَانِهِ، وَمَنْ وَلِيَ مِنْ أَمْرِ الْمُسْلِمِينَ شَيْئًا، وَكَانَتْ نِيَّتُهُ غَيْرَ الْحَقِّ، وَكَّلَهُ اللَّهُ إِلَى نَفْسِهِ» ". رَوَاهُ الطَّبَرَانِيُّ فِي الْأَوْسَطِ، وَالْبَزَّارُ إِلَّا أَنَّهُ قَالَ: " «يُوَفِّقَانِهِ وَيُسَدِّدَانِهِ إِذَا أُرِيدَ بِهِ الْخَيْرُ» ". وَفِيهِ إِبْرَاهِيمُ بْنُ خُثَيْمِ بْنِ عِرَاكٍ، وَهُوَ ضَعِيفٌ.

حضرت ابو ہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا:’’ جوشخص مسلمانوں کے کسی معاملے کا نگران بنتا ہے اور اس کی نیت حق کے مطابق ہوتی ہے، تو اللہ تعالیٰ اس کے ساتھ دو فرشتے مقرر کر دیتا ہے، جو اسے توفیق دیتے ہیں اور اس کی رہنمائی کرتے ہیں، اور جوشخص مسلمانوں کے کسی معاملے کا نگران بنتا ہے اور اس کی نیت حق کے مطابق نہیں ہوتی ہے، تو اللہ تعالیٰ اسے اس کی ذات کے حوالے کر دیتا ہے‘‘۔ یہ روایت امام طبرانی نے معجم اوسط میں نقل کی ہے، اور امام بزارنے نقل کی ہے، تاہم انہوں نے یہ الفاظ نقل کیے ہیں: ’’وہ دونوں فرشتے اسے توفیق دیتے ہیں، اسے سیدھے راستے پر کھتے ہیں، جب اس کے بارے میں بھلائی کا ارادہ کرلیا گیا ہو‘‘۔ اس روایت کی سند میں ایک راوی ابراہیم بن خثیم بن عراک ہے اور وہ ضعیف ہے۔

أَبِي هُرَيْرَةَ،

6995 - وَعَنْ وَاثِلَةَ بْنِ الْأَسْقَعِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَا مِنْ مُسْلِمٍ وَلِيَ مِنْ أَمْرِ الْمُسْلِمِينَ شَيْئًا إِلَّا بَعَثَ اللَّهُ إِلَيْهِ مَلَكَيْنِ يُسَدِّدَانِهِ مَا نَوَى الْحَقَّ، فَإِذَا نَوَى الْحَيْفَ عَلَى عَمْدٍ وَكَلَاهُ إِلَى نَفْسِهِ» ". رَوَاهُ الطَّبَرَانِيُّ فِي الْكَبِيرِ، وَفِيهِ جَنَاحٌ مَوْلَى الْوَلِيدِ ضَعَّفَهُ الْأَزْدِيُّ.

حضرت واثلہ بن اسقع رضی اللہ عنہ روایت کرتے ہیں:نبی اکرم صلی اللہ علیہ وسلم نے ارشادفرمایا:’’جو بھی مسلمان ،مسلمانوں کے کسی معاملے کا نگران بنتا ہے ، تو الله تعالیٰ اس کی طرف دو فرشتے بھیجتا ہے ،جو اسے سیدھی راہ بتاتے ہیں، جب تک وہ حق کی نیت رکھتا ہے، اور جب وہ جان بوجھ کر زیادتی کی نیت کرلے، تو وہ دونوں اسے اس کے حال پر چھوڑ دیتے ہیں‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی جناح ہے، جوولید کا آزاد کردہ غلام ہے، از دی نے اسے ضعیف قرار دیا ہے۔

وَاثِلَةَ بْنَ الْأَسْقَعِ،

6996 - وَعَنْ زَيْدِ بْنِ أَرْقَمَ رَضِيَ اللَّهُ عَنْهُ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «إِنَّ اللَّهَ عَزَّ وَجَلَّ مَعَ الْقَاضِي مَا لَمْ يَحِفْ عَمْدًا يُسَدِّدُهُ إِلَى الْخَيْرِ مَا لَمْ يُرِدْ غَيْرَهُ» ". رَوَاهُ الطَّبَرَانِيُّ فِي الْكَبِيرِ، وَفِيهِ أَبُو دَاوُدَ الْأَعْمَى وَنُسِبَ إِلَى الْكَذِبِ.

حضرت زید بن ارقم رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں:’’بے شک اللہ تعالیٰ قاضی کے ساتھ ہوتا ہے، جب تک وہ جان بوجھ کر زیادتی نہیں کرتا ، الله تعالیٰ اُسے بھلائی کی توفیق دیتارہتا ہے، جب تک وہ بھلائی کے علاوہ کا ارادہ نہیں کرتا‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی ابوداؤو نابینا ہے جس کی نسبت جھوٹ کی طرف کی گئی ہے۔

النَّبِيِّ ← زَيْدِ بْنِ أَرْقَمَ،

6997 - وَعَنْ عِمْرَانَ بْنِ حُصَيْنٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَا مِنْ قَاضٍ مِنْ قُضَاةِ الْمُسْلِمِينَ إِلَّا وَمَعَهُ مَلَكَانِ يُسَدِّدَانِهِ إِلَى الْحَقِّ مَا لَمْ يُرِدْ غَيْرَهُ، فَإِذَا أَرَادَ غَيْرَهُ وَجَارَ مُتَعَمِّدًا؛ تَبَرَّأَ مِنْهُ الْمَلَكَانِ وَوَكَلَاهُ إِلَى نَفْسِهِ» ". رَوَاهُ الطَّبَرَانِيُّ فِي الْكَبِيرِ، وَفِيهِ أَبُو دَاوُدَ الْأَعْمَى، وَهُوَ كَذَّابٌ.

حضرت عمران بن حصین رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا:’’ مسلمانوں کے قاضیوں میں سے جوبھی قاضی ہوتا ہے، اس کے ساتھ دو فرشتے ہوتے ہیں، جوحق کی طرف اس کی رہنمائی کرتے ہیں، جب تک وہ حق کے علاوہ کسی اور چیز کا ارادہ نہیں کرتا، جب وہ حق کے علاوہ کا ارادہ کرتا ہے اور جان بوجھ کر زیادتی کرتا ہے ، تو دونوں فرشتے اس سے لاتعلق ہوجاتے ہیں، اور اسے اس کی ذات کے حوالے کر دیتے ہیں‘‘۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی ابوداؤد نابینا ہے اور وہ کذاب ہے۔

عِمْرَانَ بْنِ حُصَيْنٍ