Majma uz Zawaid Wa Manba ul Fawaid

4577 - عَنْ عَبْدِ الرَّحْمَنِ بْنِ عَوْفٍ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: «ثَلَاثٌ - وَالَّذِي نَفْسِي بِيَدِهِ إِنْ كُنْتُ لَحَالِفًا عَلَيْهِنَّ -: لَا يَنْقُصَنَّ مَالٌ مِنْ صَدَقَةٍ ; فَتَصَدَّقُوا، وَلَا يَعْفُو عَبْدٌ عَنْ مَظْلَمَةٍ [يَبْتَغِي بِهَا وَجْهَ اللَّهِ] إِلَّا زَادَهُ اللَّهُ بِهَا عِزًّا يَوْمَ الْقِيَامَةِ، وَلَا يَفْتَحُ عَبْدٌ بَابَ مَسْأَلَةٍ إِلَّا فَتَحَ اللَّهُ عَلَيْهِ بَابَ فَقْرٍ». رَوَاهُ أَحْمَدُ، وَأَبُو يَعْلَى، وَالْبَزَّارُ، وَفِيهِ رَجُلٌ لَمْ يُسَمَّ. وَلَهُ عِنْدَ الْبَزَّارِ طَرِيقٌ عَنْ أَبِي سَلَمَةَ، عَنْ أَبِيهِ، وَقَالَ: إِنَّ الرِّوَايَةَ هَذِهِ أَصَحُّ، وَاللَّهُ أَعْلَمُ.

حضرت عبدالرحمن بن عوف رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’ تین چیزیں ہیں اس ذات کی قسم! جس کے دست قدرت میں میری جان ہے اگر میں چاہوں تو ان پر حلف بھی اٹھا سکتا ہوں یہ کہ صدقہ سے مال میں کمی نہیں ہوتی توتم لوگ صدقہ کیا کرو اور جب بھی کوئی بندہ کوئی زیادتی معاف کرتا ہے ،اور اس کا مقصد اللہ تعالیٰٰ کی رضا کا حصول ہو، تو الله تعالیٰٰ قیامت کے دن اس کی وجہ سے اس کی عزت میں اضافہ کرے گا اور جو بندہ مانگنے کا دروازہ کھولتا ہے الله تعالیٰٰ اس پر غربت کا دروازہ کھول دیتا ہے‘‘۔ یہ روایت امام احمد امام ابویعلیٰ اور امام بزارنے نقل کی ہے۔ اس کی سند میں ایک راوی ایسا ہے، جس کا نام بیان نہیں کیا گیا ہے۔ امام بزارنے اسے ایک اور سند کے ساتھ ابوسلمہ کے حوالے سے نقل کیا ہے، اور یہ بات بیان کی ہے یہ روایت زیادہ مستند ہے باقی اللہ بہتر جانتا ہے۔

عَبْدِ الرَّحْمَنِ بْنِ عَوْفٍ

4578 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لَيْسَ أَحَدٌ يُظْلَمُ بِمَظْلَمَةٍ فَيَدَعُهَا لِلَّهِ إِلَّا زَادَهُ بِهَا عِزًّا، وَتَصَدَّقُوا فَإِنَّهُ مَا نَقَصَتْ صَدَقَةٌ مِنْ مَالٍ، وَلَكِنْ تَزِيدُ فِيهِ». رَوَاهُ الْبَزَّارُ وَأَشَارَ إِلَى ضَعْفِهِ.

حضرت ابو ہریرہ رضی اللہ عنہ روایت کرتے ہیں: نبی اکرم صی اللہ علیہ وسلم نے ارشادفرمایا: ’’جس شخص کے ساتھ کوئی زیادتی کی جائے اور پھر وہ اللہ تعالیٰٰ کی خاطر اسے چھوڑ دے تو الله تعالیٰٰ اس وجہ سے اس کی عزت میں اضافہ کرتا ہے، اور تم لوگ صدقہ کرو کیونکہ صدقہ مال میں کمی نہیں کرتا بلکہ اس میں اضافہ کرتا ہے‘‘۔ یہ روایت امام بزار نقل کی ہے، اور اس کے ضعیف ہونے کی طرف انہوں نے اشارہ کیا ہے۔

أَبِي هُرَيْرَةَ،

4579 - وَعَنْ أُمِّ سَلَمَةَ قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «مَا نَقَصَ مَالٌ مِنْ صَدَقَةٍ، وَلَا عَفَا رَجُلٌ عَنْ مَظْلِمَةٍ إِلَّا زَادَهُ اللَّهُ بِهَا عِزًّا، فَاعْفُوا يُعِزَّكُمُ اللَّهُ، وَلَا فَتَحَ رَجُلٌ عَلَى نَفْسِهِ بَابَ مَسْأَلَةٍ إِلَّا فَتَحَ اللَّهُ عَلَيْهِ بَابَ فَقْرٍ». رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَفِيهِ زَكَرِيَّا بْنُ دُوَيْدٍ، وَهُوَ ضَعِيفٌ جِدًّا.

سیّدہ اُمّ سلمہ رضی اللہ عنہ بیان کرتی ہیں: نبی اکرم صلى الله علیہ وسلم نے ارشاد فرمایا: ’’صدقہ سے مال کم نہیں ہوتا اور جب آدمی کوئی زیادتی معاف کرتا ہے، تو اللہ تعالیٰٰ اس وجہ سے اس کی عزت میں اضافہ کرتا ہے، تو تم معاف کر دیا کرو الله تعالیٰٰ تمہیں عزت عطا کرے گا، اور جوشخص اپنی ذات کے حوالے سے مانگنے کا دروازہ کھولتا ہے اللہ تعالیٰٰ اس پر غربت کا دروازہ کھول دیتا ہے‘‘۔ یہ روایت امام طبرانی نے معجم صغیر اور معجم اوسط میں نقل کی ہے۔ اس کی سند میں ایک راوی زکریا بن دوید ہے، اور وہ انتہائی ضعیف ہے۔

أُمِّ سَلَمَةَ