Majma uz Zawaid Wa Manba ul Fawaid

4064 - عَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ مَاتَ بُكْرَةً فَلَا يُقِيلَنَّ إِلَّا فِي قَبْرِهِ، وَمَنْ مَاتَ عَشِيَّةً فَلَا يَبِيتَنَّ إِلَّا فِي قَبْرِهِ» ". رَوَاهُ الطَّبَرَانِيُّ فِي الْكَبِيرِ، وَفِيهِ الْحَكَمُ بْنُ ظُهَيْرٍ، وَهُوَ مَتْرُوكٌ.

حضرت عبداللہ بن عمر رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’ جو شخص صبح کے وقت مر جائے وہ دوپہر قبر میں کرے اور جوشخص شام کو مر جائے وہ رات قبر میں ہی گزارے ( یعنی اس کو جلدی دفن کر دیا جائے )‘‘۔ یہ روایت امام طبرانی نےمعجم کبیر میں نقل کی ہے ۔ اس کی سند میں ایک راوی حکم بن ظہیر ہے ‘ اور وہ متروک ہے۔

ابْنِ عُمَرَ

4065 - وَعَنْ عَائِشَةَ قَالَتْ: إِنَّ أَبَا بَكْرٍ لَمَّا حَضَرَتْهُ الْوَفَاةُ قَالَ: أَيُّ يَوْمٍ هَذَا؟ قَالُوا: يَوْمُ الِاثْنَيْنِ، قَالَ: فَإِنْ مِتُّ مِنْ لَيْلَتِي فَلَا تَنْتَظِرُوا بِيَ الْغَدَ، فَإِنَّ أَحَبَّ الْأَيَّامِ وَاللَّيَالِي إِلَيَّ أَقْرَبُهَا مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ. رَوَاهُ أَحْمَدُ، وَفِيهِ: شَيْخُ أَحْمَدَ مُحَمَّدُ بْنُ مُحَمَّدِ بْنِ مُيَسِّرٍ أَبُو سَعْدٍ، ضَعَّفَهُ جَمَاعَةٌ كَثِيرُونَ، وَقَالَ أَحْمَدُ: صَدُوقٌ.

سیّدہ عائشہ صدیقہ رضی اللہ عنہ بیان کرتی ہیں: جب حضرت ابو بکر صدیق رضی اللہ عنہ کی موت کا وقت قریب آیا تو انہوں نے دریافت کیا: آج کون سا دن ہے لوگوں نے انہیں بتایا: آج پیر کا دن ہے۔ انہوں نے فرمایا: اگر میرا آج رات میں انتقال ہو جائے تو تم کل کا انتظار نہ کرنا کیونکہ میرے نزدیک تمام دنوں اور راتوں ‘میں سب سے زیادہ پسندیدہ وقت وہ ہے ‘ کہ جونبی اکرم صلی اللہ علیہ وسلم کے زیادہ قریب کر دے۔ یہ روایت امام احمد نے نقل کی ہے ۔ اس میں امام احمد کے استاد احمد بن محمد بن محمد بن میسر ابوسعد ہیں جنہیں بہت سے افراد نے ’’ضعیف‘‘ قرار دیا ہے ۔ امام احمد کہتے ہیں وہ صدوق ہیں ۔

عَائِشَةَ

4066 - وَعَنْ جَابِرِ بْنِ عَبْدِ اللَّهِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: «مَنْ حَفَرَ قَبْرًا بَنَى اللَّهُ لَهُ بَيْتًا فِي الْجَنَّةِ، وَمَنْ غَسَّلَ مَيِّتًا خَرَجَ مِنْ ذُنُوبِهِ كَيَوْمِ وَلَدَتْهُ أُمُّهُ، وَمَنْ كَفَّنَ مَيِّتًا كَسَاهُ اللَّهُ مِنْ حُلَلِ الْجَنَّةِ، وَمَنْ عَزَّى حَزِينًا أَلْبَسَهُ اللَّهُ التَّقْوَى، وَصَلَّى عَلَى رُوحِهِ فِي الْأَرْوَاحِ، وَمَنْ عَزَّى مُصَابًا كَسَاهُ اللَّهُ حُلَّتَيْنِ مَنْ حُلَلِ الْجَنَّةِ لَا تَقُومُ لَهُمَا الدُّنْيَا، وَمَنِ اتَّبَعَ جِنَازَةً حَتَّى يُقْضَى دَفْنُهَا كُتِبَ لَهُ ثَلَاثَةُ قَرَارِيطَ، الْقِيرَاطُ مِنْهَا أَعْظَمُ مِنْ جَبَلِ أُحُدٍ، وَمَنْ كَفَلَ يَتِيمًا أَوْ أَرْمَلَةً أَظَلَّهُ اللَّهُ فِي ظِلِّهِ وَأَدْخَلَهُ الْجَنَّةَ» ". رَوَاهُ الطَّبَرَانِيُّ فِي الْأَوْسَطِ، وَفِيهِ الْخَلِيلُ بْنُ مُرَّةَ، وَفِيهِ كَلَامٌ.

حضرت جابر بن عبداللہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرما یا: جو شخص قبر کھودتا ہے اللہ تعالی ٰاس کے لئے جنت میں گھر بنا دے گا جو شخص میت کوغسل دیتا ہے وہ اپنے گناہوں سے یوں نکل جا تا ہے جیسے اس دن تھا جب اس کی والدہ نے اسے جنم دیا تھا جوشخص میت کو کفن دیتا ہے اللہ تعالی ٰاسے جنت کا حلہ پہنائے گا ‘ اور جو شخص غمگین شخص کے ساتھ تعزیت کرتا ہے اللہ تعالی ٰاسے تقوی کالباس پہنائے گا اور تمام ارواح میں سے اس کی روح پر رحمت نازل کرے گا اور جو شخص کسی مصیبت زدہ کے ساتھ تعزیت کرتا ہے اللہ تعالی ٰاسے جنت کے حلوں میں سے دو حلے پہنائےگا کہ پوری دنیا بھی اس کی قیمت نہیں ہو سکتی جو شخص جنازے کے ساتھ جاتا ہے یہاں تک کہ اس کو دفن کر دیا جائے اس شخص کے لئے تین قیراط نوٹ کیے جاتے ہیں جن میں سے ایک قیراط احد پہاڑ سے زیادہ بڑا ہوتا ہے جو شخص یتیم کی یا بیوہ عورت کی کفالت کرتا ہے اللہ تعالی ٰاسے اپنا سایہ فراہم کرے گا اور اسے جنت میں داخل کرے گا‘‘۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی خلیل بن مرہ ہے ‘ اور اس کے بارے میں کلام کیا گیا ہے۔

جَابِرِ بْنِ عَبْدِ اللَّهِ:

4067 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ غَسَّلَ مَيِّتًا فَكَتَمَ عَلَيْهِ طَهَّرَهُ اللَّهُ مِنْ ذُنُوبِهِ، فَإِنْ كَفَّنَهُ كَسَاهُ اللَّهُ مِنَ السُّنْدُسِ» ". رَوَاهُ الطَّبَرَانِيُّ فِي الْكَبِيرِ، وَفِيهِ أَبُو عَبْدِ اللَّهِ الشَّامِيُّ، رَوَى عَنْ أَبِي خَالِدٍ، وَلَمْ أَجِدْ مَنْ تَرْجَمَهُ.

حضرت ابو مامہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’ جو شخص میت کو غسل دیتے ہوئے اس کی پردہ پوشی کر تا ہے اللہ تعالی ٰاس شخص کو اس کے گناہوں کے حوالے سے پاک کر دیتا ہے اور اگر وہ ( یعنی میت کو ) کفن دیتا ہے ‘ تو اللہ تعالی ٰاسے سندس کا لباس پہنائےگا‘‘۔ یہ روایت امام طبرانی نے معجم کبیر میں نقل کی ہے۔ اس کی سند میں ایک راوی ابوعبداللہ شامی ہے ‘جس نے ابوخالد سے روایات نقل کی ہیں میں نے کسی کو اس کے حالات بیان کرتے ہوئے نہیں پایا ہے۔

اَبِیْ اُمَامَۃَ،

4068 - وَعَنْ أَبِي رَافِعٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ غَسَّلَ مَيِّتًا فَكَتَمَ عَلَيْهِ غَفَرَ [اللَّهُ] لَهُ أَرْبَعِينَ كَبِيرَةً، وَمَنْ حَفَرَ لِأَخِيهِ قَبْرًا حَتَّى يُجِنَّهُ فَكَأَنَّمَا أَسْكَنَهُ مَسْكَنًا حَتَّى يُبْعَثَ» ". رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

حضرت ابورافع رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’ جو شخص میت کو غسل دیتا ہے اور اس کے معاملے کو پوشیدہ رکھتا ہے اللہ تعالی ٰاس شخص کے چالیس کبیرہ گناہوں کی مغفرت کر دیتا ہے ‘ اور جو شخص اپنے بھائی کی قبر کھودتا ہے یہاں تک کہ اسے قبر میں دفنا دیتا ہے ‘ تو گویا کہ اس نے اس کو اس وقت تک کے لئے ٹھکانہ فراہم کر دیا کہ جب اسے دوبارہ زندہ کیا جائے گا‘‘ ۔ یہ روایت امام طبرانی نے معجم کبیر میں نقل کی ہے اور اس کے رجال ’’صحیح‘‘ کے رجال ہیں ۔

أَبِي رَافِعٍ

4069 - وَعَنْ عَائِشَةَ قَالَتْ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ غَسَّلَ مَيِّتًا فَأَدَّى فِيهِ الْأَمَانَةَ وَلَمْ يُفْشِ عَلَيْهِ مَا يَكُونُ مِنْهُ عِنْدَ ذَلِكَ خَرَجَ مِنْ ذُنُوبِهِ كَيَوْمِ وَلَدَتْهُ أُمُّهُ "، قَالَ: " لِيَلِهِ أَقْرَبُكُمْ مِنْهُ إِنْ كَانَ يَعْلَمُ، فَإِنْ لَا يَعْلَمْ فَمَنْ تَرَوْنَ عِنْدَهُ حَظًّا مِنْ وَرَعٍ وَأَمَانَةٍ» ". رَوَاهُ أَحْمَدُ، وَالطَّبَرَانِيُّ فِي الْأَوْسَطِ، وَفِيهِ جَابِرٌ الْجُعْفِيُّ، وَفِيهِ كَلَامٌ كَثِيرٌ.

سیّدہ عائشہ صدیقہ رضی اللہ عنہ بیان کرتی ہیں: نبی اکرم صلی اللہ علیہ وسلم نے ارشاد فرمایا: ’’ جو شخص میت کو غسل دیتے ہوئے امانت کو ادا کرتا ہے ‘ اور غسل کے وقت اس کی طرف جو چیز سامنے آئی تھی اسے پھیلاتا نہیں ہے وہ اپنے گناہوں سے نکل کر یوں ہو جاتا ہے جیسے وہ اس دن تھا جب اس کی والدہ نے اسے جنم دیا تھا‘‘۔ نبی اکرم صلی اللہ علیہ وسلم نے ارشاد فرمایا: میت کو غسل وغیر دینے کا کام اسے کرنا چا ہے جو میت کا سب سے زیادہ قریبی ہو اگر کسی قریبی عزیز کا پتہ ہو اور اگر یہ نہیں پتہ ہوتا تو اسے دینا چاہیے جس کے بارے میں تم یہ سمجھتے ہو کہ یہ سب سے زیادہ پر ہیز گار اور امانت والا ہے۔ یہ روایت امام احمد نے نقل کی ہے۔ امام طبرانی نے معجم اوسط میں نقل کی ہے۔ اس کی سند میں ایک راوی جابرجعفی ہے اس کے بارے میں بہت زیادہ کلام کیا گیا ہے۔

عَائِشَةَ

4070 - وَعَنْ مُعَاوِيَةَ بْنِ خَدِيجٍ، وَكَانَتْ لَهُ صُحْبَةٌ قَالَ: مَنْ غَسَّلَ مَيِّتًا وَكَفَّنَهُ وَتَبِعَهُ وَوَلِيَ جُثَّتَهُ رَجَعَ مَغْفُورًا لَهُ. رَوَاهُ أَحْمَدُ، وَفِيهِ صَالِحٌ أَبُو حُجَيْرٍ، وَهُوَ مَجْهُولٌ.

حضرت معاویہ بن خد یج رضی اللہ عنہ جنہیں صحابی ہونے کا شرف حاصل ہے ‘ وہ یہ فرماتے ہیں: جو شخص میت کو غسل دے اسے کفن دے جنازے کے ساتھ جائے اس کے جسم کا نگران بنے ‘ جب وہ واپس آتا ہے ‘ تو اس کی مغفرت ہو چکی ہوتی ہے۔ یہ روایت امام احمد نے نقل کی ہے ۔ اس کی سند میں ایک راوی صالح بن ابوحجیر ہے اور وہ مجہول ہے ۔

مُعَاوِيَةَ بْنِ خَدِيجٍ، وَكَانَتْ لَهُ صُحْبَةٌ

4071 - وَعَنْ أَبِي سَعِيدٍ الْخُدْرِيِّ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «إِنَّ الْمَيِّتَ لَيَعْرِفُ مَنْ يَحْمِلُهُ وَمَنْ يُغَسِّلُهُ وَمَنْ يُدَلِّيهِ فِي قَبْرِهِ» "، فَقَالَ ابْنُ عُمَرَ وَهُوَ فِي الْمَجْلِسِ: مِمَّنْ سَمِعْتَ هَذَا؟ قَالَ: مِنْ أَبِي سَعِيدٍ، فَانْطَلَقَ ابْنُ عُمَرَ إِلَى أَبِي سَعِيدٍ فَقَالَ: يَا أَبَا سَعِيدٍ، مِمَّنْ سَمِعْتَ هَذَا؟ قَالَ: مِنَ النَّبِيِّ - صَلَّى اللَّهُ عَلَيْهِ وَسَلَّمَ. رَوَاهُ أَحْمَدُ، وَالطَّبَرَانِيُّ فِي الْأَوْسَطِ، وَفِيهِ رَجُلٌ لَمْ أَجِدْ مَنْ تَرْجَمَهُ.

حضرت ابوسعید خدری رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’ میت اس شخص کو پہچانتی ہے جواسے اٹھاتا ہے اور جو اسے غسل دیتا ہے ‘ اور جو اسے قبر میں اتارتا ہے ‘‘۔ ( راوی بیان کرتے ہیں: ) حضرت عبداللہ بن عمر رضی اللہ عنہ جو اس محفل میں موجود تھے انہوں نے دریافت کیا: تم نے یہ روایت کس سے سنی ہے؟ انہوں نے جواب دیا: حضرت ابوسعید خدری رضی اللہ عنہ سے حضرت عبداللہ بن عمر رضی اللہ عنہ حضرت ابوسعید خدری رضی اللہ عنہ کے پاس گئے اور بولے اے حضرت ابوسعید رضی اللہ عنہ آپ نے یہ بات کس سے سنی ہے؟ انہوں نے جواب دیا: نبی اکرم صلی اللہ علیہ وسلم سے۔ یہ روایت امام احمد نے اور امام طبرانی نے معجم اوسط میں نقل کی ہے اور اس کی سند میں ایک شخص ایسا ہے کہ میں نے کسی کواس کے حالات بیان کرتے ہوئے نہیں پایا ہے۔

أَبِي سَعِيدٍ الْخُدْرِيِّ،

4072 - وَعَنْ مُحَمَّدِ بْنِ سِيرِينَ قَالَ: غَسَّلْتُ أَنَسَ بْنَ مَالِكٍ، فَلَمَّا بَلَغْتُ عَوْرَتَهُ قُلْتُ لِبَنِيهِ: أَنْتُمْ أَحَقُّ بِغَسْلِ عَوْرَتِهِ، دُونَكُمْ فَاغْسِلُوهَا. فَجَعَلَ الَّذِي يَغْسِلُهَا عَلَى يَدِهِ خِرْقَةً وَعَلَيْهَا ثَوْبٌ، ثُمَّ غَسَلَ الْعَوْرَةَ مِنْ تَحْتِ الثَّوْبِ. رَوَاهُ الطَّبَرَانِيُّ فِي الْكَبِيرِ، وَإِسْنَادُهُ حَسَنٌ.

محمد بن سیرین بیان کرتے ہیں: میں نے حضرت انس بن مالک رضی اللہ عنہ کو غسل دیا جب میں ان کے شرمگاہ کےمقام تک پہنچا تو میں نے ان کے صاحبزادے سے کہا ان کی شرمگاہ کو غسل دینے کا تم زیادہ حق رکھتے ہو اب تم انہیں سنبھالو انہیں غسل دو ان صاحبزادے نے انہیں غسل دینا شروع کیا ان کے ہاتھ میں کپڑ الپٹا ہوا تھا اور حضرت انس رضی اللہ عنہ کی میت پر بھی کپڑ اموجودتھا انہوں نے کپڑے کے نیچے سے ان کی شرمگاہ کو دھویا۔ یہ روایت امام طبرانی نے معجم کبیر میں نقل کی ہے ‘ اور اس کی سند حسن ہے۔

مُحَمَّدِ بْنِ سِيرِينَ

4073 - وَعَنْ حُمَيْدٍ قَالَ: تُوُفِّيَ أَنَسُ بْنُ مَالِكٍ فَجُعِلَ فِي حَنُوطِهِ سُكَّةٌ أَوْ سُكٌّ، وَمِسْكَةٌ فِيهَا مِنْ عَرَقِ النَّبِيِّ - صَلَّى اللَّهُ عَلَيْهِ وَسَلَّمَ. رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حمید بیان کرتے ہیں: جب حضرت انس بن مالک رضی اللہ عنہ کا انتقال ہوا تو ان کی حنوط میں ایک شیشی بھی رکھی گئی ‘ جس میں نبی اکرم صلی اللہ علیہ وسلم کا پسینہ ملا ہوا تھا۔ یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں ۔

مِسْكَةٌ فِيهَا مِنْ عَرَقِ النَّبِيِّ رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ. ← تُوُفِّيَ أَنَسُ بْنُ مَالِكٍ فَجُعِلَ فِي حَنُوطِهِ سُكَّةٌ أَوْ سُكٌّ، ← حُمَيْدٍ

4074 - وَعَنْ أُمِّ سُلَيْمٍ أُمِّ أَنَسِ بْنِ مَالِكٍ قَالَتْ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِذَا تُوُفِّيَتِ الْمَرْأَةُ فَأَرَادُوا أَنْ يُغَسِّلُوهَا فَلْيَبْدَءُوا بِبَطْنِهَا ; فَلْيُمْسَحْ بَطْنُهَا مَسْحًا رَفِيقًا إِنْ لَمْ تَكُنْ حُبْلَى، فَإِنْ كَانَتْ حُبْلَى فَلَا تُحَرِّكِيهَا، فَإِنْ أَرَدْتِ غَسْلَهَا فَابْدَئِي بِسُفْلَتِهَا فَأَلْقِي عَلَى عَوْرَتِهَا ثَوْبًا سِتِّيرًا، ثُمَّ خُذِي كُرْسُفَةً فَاغْسِلِيهَا فَأَحْسِنِي غَسْلَهَا، ثُمَّ أَدْخِلِي يَدَكِ مِنْ تَحْتِ الثَّوْبِ، فَامْسَحِيهَا بِكُرْسُفٍ ثَلَاثَ مَرَّاتٍ، فَأَحْسَنِي مَسْحَهَا قَبْلَ أَنْ تُوَضِّئِيهَا، ثُمَّ وَضِّئِيهَا بِمَاءٍ فِيهِ سِدْرٌ، وَلْيُفْرِغِ الْمَاءَ امْرَأَةٌ وَهِيَ قَائِمَةٌ لَا تَلِي شَيْئًا غَيْرَهُ حَتَّى تُنَقَّى بِالسِّدْرِ وَأَنْتِ تَغْسِلِينَ، وَلْيَلِ غُسْلَهَا أَوْلَى النَّاسِ بِهَا، وَإِلَّا فَامْرَأَةٌ وَرِعَةٌ مُسْلِمَةٌ، فَإِنْ كَانَتْ صَغِيرَةً أَوْ ضَعِيفَةً فَلْتَلِهَا امْرَأَةٌ أُخْرَى وَرِعَةٌ مُسَلِمَةٌ، فَإِذَا فَرَغَتْ مِنْ غَسْلِ سُفْلَتِهَا غَسْلًا نَقَاءً بِسِدْرٍ وَمَاءٍ فَلْتُوَضِّئْهَا وُضُوءَ الصَّلَاةِ، فَهَذَا بَيَانُ وُضُوئِهَا، ثُمَّ اغْسِلِيهَا بَعْدَ ذَلِكَ ثَلَاثَ مَرَّاتٍ بِمَاءٍ وَسِدْرٍ، فَابْدَئِي بِرَأْسِهَا قَبْلَ كُلِّ شَيْءٍ، فَأَنْقِي غَسْلَهُ مِنَ السِّدْرِ بِالْمَاءِ، وَلَا تُسَرِّحِي رَأْسَهَا بِمُشْطٍ، فَإِنْ حَدَثَ بِهَا حَدَثٌ بَعْدَ الْغَسْلَاتِ الثَّلَاثِ فَاجْعَلِيهَا خَمْسًا، فَإِنْ حَدَثَ فِي الْخَامِسَةِ فَاجْعَلِيهَا سَبْعًا، وَكُلُّ ذَلِكَ فَلْيَكُنْ وِتْرًا بِمَاءٍ وَسِدْرٍ، فَإِنْ كَانَ فِي الْخَامِسَةِ أَوِ الثَّالِثَةِ فَاجْعَلِي فِيهِ شَيْئًا مِنْ كَافُورٍ وَشَيْئًا مِنْ سِدْرٍ، ثُمَّ اجْعَلِي ذَلِكَ فِي جَرٍّ جَدِيدٍ، ثُمَّ أَقْعِدِيهَا فَأَفْرِغِي عَلَيْهَا وَابْدَئِي بِرَأْسِهَا حَتَّى تَبْلُغِي رِجْلَيْهَا، فَإِذَا فَرَغْتِ مِنْهَا فَأَلْقِي عَلَيْهَا ثَوْبًا نَظِيفًا، ثُمَّ أَدْخِلِي يَدَكِ مِنْ وَرَاءِ الثَّوْبِ فَانْزِعِيهِ عَنْهَا، ثُمَّ احْشِي سُفْلَتَهَا كُرْسُفًا مَا اسْتَطَعْتِ، وَاحْشِي كُرْسُفَهَا، ثُمَّ خُذِي سَبْتِيَّةً طَوِيلَةً مَغْسُولَةً فَارْبُطِيهَا عَلَى عَجُزِهَا [كَمَا تُرْبَطُ عَلَى النِّطَاقِ، ثُمَّ اعْقُدِيهَا بَيْنَ فَخِذَيْهَا وَضُمِّي فَخِذَيْهَا ثُمَّ أَلْقِي طَرَفَ السِّبْتِيَّةِ عَنْ عَجُزِهَا] إِلَى قَرِيبٍ مِنْ رُكْبَتِهَا، فَهَذَا شَأْنُ سُفْلَتِهَا ثُمَّ طَيِّبِيهَا وَكَفِّنِيهَا، وَاطْوِي شَعْرَهَا ثَلَاثَةَ أَقْرُنٍ: قُصَّةً وَقَرْنَيْنِ، وَلَا تُشَبِّهِيهَا بِالرِّجَالِ، وَلْيَكُنْ كَفَنُهَا فِي خَمْسَةِ أَثْوَابٍ: أَحُدُّهَا الْإِزَارُ تَلُفِّي بِهِ فَخِذَيْهَا، وَلَا تُنْقِصِي مِنْ شَعْرِهَا شَيْئًا بِنُورَةٍ وَلَا غَيْرِهَا، وَمَا يَسْقُطُ مِنْ شَعْرِهَا فَاغْسِلِيهِ ثُمَّ اغْرِزِيهِ فِي شَعْرِ رَأْسِهَا، وَطَيِّبِي شَعْرَ رَأْسِهَا فَأَحْسِنِي تَطْيِيبَهُ، وَلَا تَغْسِلِيهَا بِمَاءٍ مُسَخَّنٍ، وَاخْمِرِيهَا وَمَا تُكَفِّنِينَهَا بِهِ بِسَبْعِ نُبْذَاتٍ إِنْ شِئْتِ وَاجْعَلِي كُلَّ شَيْءٍ مِنْهَا وِتْرًا، وَإِنْ بَدَا لَكِ أَنْ تُخَمِّرِيهَا فِي نَعْشِهَا فَاجْعَلِيهِ وِتْرًا، هَذَا شَأْنُ كَفَنِهَا وَرَأْسِهَا، وَإِنْ كَانَتْ مَحْدُورَةً أَوْ مَحْضُونَةً أَوْ أَشْبَاهَ ذَلِكَ فَخُذِي خِرْقَةً وَاحِدَةً وَاغْسِلِيهَا بِالْمَاءِ، وَاجْعَلِي تَتَبَّعِي كُلَّ شَيْءٍ مِنْهَا، وَلَا تُحَرِّكِيهَا، فَإِنِّي أَخْشَى أَنْ يَتَنَفَّسَ مِنْهَا شَيْءٌ لَا يُسْتَطَاعُ رَدَّهُ» ". رَوَاهُ الطَّبَرَانِيُّ فِي الْكَبِيرِ بِإِسْنَادَيْنِ فِي أَحَدِهِمَا: لَيْثُ بْنُ أَبِي سُلَيْمٍ، وَهُوَ مُدَلِّسٌ وَلَكِنَّهُ ثِقَةٌ، وَفِي الْآخَرِ: جُنَيْدٌ وَقَدْ وُثِّقَ، وَفِيهِ بَعْضُ كَلَامٍ.

سیّدہ ام سلیم رضی اللہ عنہ جو حضرت انس بن مالک رضی اللہ عنہ کی والدہ ہیں وہ بیان کرتی ہیں: نبی اکرم صلی اللہ علیہ وسلم نے ارشاد فرمایا ’’جب کوئی عورت فوت ہو جائے اور لوگ (یعنی خواتین ) اسے غسل دینے کا ارادہ کریں تو سب سے پہلے اس کے پیٹ سے آغاز کریں اس کے پیٹ پرنرمی سے ہاتھ پھیریں اگر وہ حاملہ نہ ہو اگر وہ حاملہ ہو ‘ تو پھر اسے حرکت نہ دیں اگر تم اس کو غسل دینے کا ارادہ کرو تو سب سے پہلے اس کے زیریں حصے سے آغاز کرو اور اس کی شرمگاہ پر ایسا کپڑا ڈال دو جو پردہ پوشی کر ر ہا ہو پھر تم روئی لے کر اس کے ذریعے اسے دھوؤ اوراچھی طرح سے دھوؤ پھرتم اپنا ہاتھ کپڑے کے نیچے داخل کرو اور روئی کے ذریعے تین مرتبہ اسے پونچھ لو پھرتم اسے وضوکروانے سے پہلے پھر پونچھ لو پھر تم اسے ایسے پانی کے ذریعے غسل کرواؤ جس میں بیری کے پتے ملے ہوئے ہوں اور ایک عورت پانی بہائے جو کھڑی ہوئی ہو وہ اس کے علاوہ اور کوئی کام نہ کرے یہاں تک کہ اسے بیری کے پتوں کے ذریعے صاف کر دیا جائے تم غسل دیتی رہو عورت کی غسل کی نگران وہ عورت بنے جو اس کی سب سے زیادہ قریبی عزیزہ ہو ورنہ کوئی ایسی عورت بنے جو مسلمان ہو ‘ اور پرہیز گار ہو خواہ وہ چھوٹی عمر کی ہو ‘ یا کمزور ہو پھر دوسری عورت اس کی نگران بنے جو پرہیزگار اور مسلمان ہو جب وہ اس کے زیریں حصے کو غسل دے کر فارغ ہو جائے جو اچھی طرح بیری کے پتے کے ذریعے اور پانی کے ذریعے صاف ہو چکا ہوتو پھر وہ عورت اس میت کو نماز کے وضو کی طرح وضو کروائے یہ اس کے وضو کا بیان ہے پھراس کے بعد اسے تین مرتبہ غسل دے جو پانی اور بیرے کے پتوں کے ذریعے ہو ہر چیز سے پہلے سر سے آغاز کرے پانی کے ہمراہ بیری کے پتوں کے ذریعے اسے دھو کر صاف کرے اور کنگھی کے ذریعے اس کے بال نہ سنوارے اگر تین مرتبہ نسل دینے کے بعد حدث لاحق ہو جا تا ہے ‘ تو پانچ مرتبہ غسل دے اگر پانچ مرتبہ کے بعد ہو جاتا ہے ‘ تو سات مرتبہ دے ہر صورت میں پانی اور بیری کے پتوں کا استعمال طاق تعداد میں ہونا چاہیے پانچویں مرتبہ میں یا تیسری مرتبہ میں تھوڑا سا کافور اور تھوڑی سی بیری شامل کر لینی چاہیے اسے ایک نئے مٹکے میں رکھنا چاہیے پھر تم اس کی میت کو بٹھا دو اور اس پر پانی بہاؤ اس کے سر سے آغاز کرو یہاں تک کہ اس کے پاؤں تک پہنچ جائے جب تم اس سے فارغ ہو جاؤ تو اس پر صاف کپڑا ڈال دو پھر اپنا ہاتھ کپڑے کے نیچے داخل کر کے اس کے لباس کو اتار دو اور پھر اس کے نیچے والے حصے میں روئی ڈال دو جہاں تک ہو سکے اور روئی کو بھر دو پھرتم دھوئی ہوئی لمبی سبطی کپڑا لے کر اس کے پہلو پر باندھو ‘ جس طرح ازار بند باندھا جا تا ہے ‘ پھر تم اس کی دونوں زانوں کے درمیان گرہ لگا دو اور اس کے دونوں زانوں کو ملا دو پھر اس رسی کا ایک کنارہ اس کے پہلو پر ڈال دو جو اس کے گھٹنے کے قریب ہو یہ اس کے زیریں حصے کا معاملہ ہو گیا پھر تم اسے خوشبولگا ؤ اسے کفن پہناؤ اور اس کے بالوں کی تین چوٹیاں بنا دو ایک بڑا جوڑا ہو‘ اور دو اطراف کی لٹیں ہوں اور اس کو مردوں کے ساتھ مشابہت نہ دلوانا عورت کا کفن پانچ کپڑوں کی شکل میں ہونا چاہیے جن میں سے ایک تہبند ہو جس کو تم اس کے زانوں پر لپیٹ دو اور تم نورہ ‘ یا کسی اور چیز کے ذریعے اس کے بال صاف نہ کرنا اس کے جو بال گر گئے ہوں انہیں دھو دینا اور پھر انہیں اس کے سر کے بالوں میں ڈال دینا اس کے سر کے بالوں پر خوشبو لگانا اور اچھی طرح سے خوشبو لگانا تم اسے گرم پانی کے ذریعے غسل نہ دینا اور تم اس کو ڈھانپ دینے کے بعد ‘ اس کے کفن پر سات مرتبہ معمولی سی خوشبو لگا دینا ‘ اگر تم چاہو اور ‘ اس میں سے ہر ایک کو طاق تعداد میں رکھنا ‘ یہ اس کے کفن اور اس کے سر کا معاملہ ہو گیا اگر وہ ورم آلود جسم والی تھی ‘تو پھر تم ایک کپڑا لے کر اسے پانی کے ذریعے دھو دینا اور اس کی ہر چیز کو تلاش کر کے صاف کرنا ‘ اسے حرکت نہ دینا کیونکہ مجھے یہ اندیشہ ہے کہ اس میں سے کوئی ایسی چیز نکل آئے گی جسے واپس نہیں کیا جا سکے گا‘‘۔ یہ روایت امام طبرانی نے معجم کبیر میں دو اسناد کے ساتھ نقل کی ہے ۔ جن میں سے ایک سند میں ایک راوی لیث بن ابوسلیم ہے وہ تدلیس کرنے والا ہے ‘ لیکن وہ ثقہ ہے دوسری سند میں ایک راوی جنید ہے اس کی توثیق کی گئی ہے اس کے بارے میں کچھ کلام بھی کیا گیا ہے۔

أُمِّ سُلَيْمٍ أُمِّ أَنَسِ بْنِ مَالِكٍ