Majma uz Zawaid Wa Manba ul Fawaid

2868 - عَنْ رَجُلٍ مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ كَانَ يَقُولُ: " اللَّهُمَّ صَلِّ عَلَى مُحَمَّدٍ وَعَلَى آلِ بَيْتِهِ وَعَلَى أَزْوَاجِهِ وَذُرِّيَّتِهِ كَمَا صَلَّيْتَ عَلَى آلِ إِبْرَاهِيمَ إِنَّكَ حَمِيدٌ مَجِيدٌ، وَبَارِكْ عَلَى مُحَمَّدٍ وَعَلَى أَهْلِ بَيْتِهِ وَعَلَى أَزْوَاجِهِ وَذُرِّيَّتِهِ كَمَا بَارَكْتَ عَلَى آلِ إِبْرَاهِيمَ إِنَّكَ حَمِيدٌ مَجِيدٌ ". قَالَ ابْنُ طَاوُسٍ: وَكَانَ أَبِي يَقُولُ مِثْلَ ذَلِكَ. رَوَاهُ أَحْمَدُ وَرِجَالُهُ رِجَالُ الصَّحِيحِ.

نبی اکرم صلی اللہ علیہ وآل وسلم ایک صحابی کے بارے میں یہ بات منقول ہے: وہ پڑھتے تھے :" اے اللہ ! تو حضرت محمد ﷺ پر اور حضرت محمد ﷺ کی آل بیت ( شاید یہاں لفظ اہل بیت ہونا چاہیے ، لیکن کتاب کے مطبوعہ نسخے میں بھی یہ لفظ اسی طرح مذکور ہے ) اور ان کی ازواج پر اور ان کی ذریت پر درود نازل فرما جس طرح تو نے آل ابراہیم پر درود نازل کیا بے شک تو لائق حمد ہے اور بزرگی کا مالک ہے اور تو حضرت محمد ﷺ پر اور ان کے اہل بیت پر اور ان ازواج اور ان کی ذریت پر برکت نازل فرما جس طرح تو نے آل ابراہیم پر برکت نازل کی بے شک تو لائق حمد اور بزرگی کا مالک ہے "۔ابن طاؤس بیان کرتے ہیں : میرے والد اس کی مانند پڑھا کرتے تھے : یہ روایت امام احمد نے نقل کی ہے اور اس کے رجال "صحیح " کے رجال ہیں ۔

رَجُلٍ مِنْ أَصْحَابِ النَّبِيِّ

2869 - وَعَنْ بُرَيْدَةَ قَالَ: «قُلْنَا: يَا رَسُولَ اللَّهِ قَدْ عَلِمْنَا كَيْفَ نُسَلِّمُ عَلَيْكَ فَكَيْفَ نُصَلِّي عَلَيْكَ؟ قَالَ: " قُولُوا: اللَّهُمَّ اجْعَلْ صَلَوَاتِكَ وَرَحْمَتَكَ وَبَرَكَاتِكَ عَلَى مُحَمَّدٍ وَعَلَى آلِ مُحَمَّدٍ كَمَا جَعَلْتَهَا عَلَى آلِ إِبْرَاهِيمَ إِنَّكَ حَمِيدٌ مَجِيدٌ». رَوَاهُ أَحْمَدُ وَفِيهِ أَبُو دَاوُدَ الْأَعْمَى وَهُوَ ضَعِيفٌ.

حضرت بریدہ رضی اللہ عنہ بیان کرتے ہیں : ہم نے عرض کی : یا رسول اللہ ! یہ بات تو ہم نے جان لی ہے کہ آپ پر سلام کیسے بھیجنا ہے ،تو ہم آپ پر درود کیسے بھیجیں ؟ راوی بیان کرتے ہیں :نبی اکرم صلی اللہ علیہ وآل وسلم نے فرمایا: تم لوگ یہ پڑھو" " اے اللہ تو اپنا درود اور اپنی رحمت اور اپنی برکتیں حضرت محمد ﷺ اور حضرت محمد ﷺ کی آل کے لئے مقرر کر دے جس طرح تو نے آل ابراہیم کے لیےمقرر کیا ہے بے شک تو لائق حمد ہے اور بزرگی کا مالک ہے " یہ روایت امام احمد نے نقل کی ہے اس کی سند میں ایک راوی ابو داؤد نابینا ہے اور وہ "ضعیف" ہے۔

قُلْنَا ← وَعَنْ بُرَيْدَةَ

2870 - وَعَنْ أَبِي هُرَيْرَةَ أَنَّهُمْ «سَأَلُوا رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَيْفَ نُصَلِّي عَلَيْكَ؟ قَالَ: " قُولُوا: اللَّهُمَّ صَلِّ عَلَى مُحَمَّدٍ وَبَارِكْ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ وَبَارَكْتَ عَلَى آلِ إِبْرَاهِيمَ إِنَّكَ حَمِيدٌ مَجِيدٌ وَالسَّلَامُ كَمَا قَدْ عَلِمْتُمْ». رَوَاهُ الْبَزَّارُ وَرِجَالُهُ رِجَالُ الصَّحِيحِ.

حضرت ابو ہریرہ رضی اللہ عنہ بیان کرتے ہیں : لوگوں نے نبی اکرم صلی اللہ علیہ وآل وسلم سے دریافت کیا : ہم آپ پر درود کیسے بھیجیں ؟ نبی اکرم صلی اللہ علیہ وآل وسلم نے فرمایا : تم لوگ یہ پڑھو "اے اللہ! تو حضرت محمد ﷺ پر درود نازل فرما اور حضرت محمد ﷺ پر اور حضرت محمد ﷺ کی آل پر برکت نازل فرما جس طرح تو نے آل ابراہیم پر درود اور برکت نازل کیا بے شک تو لائق حمد اور بزرگی کا مالک ہے ۔ (پھر نبی اکرم صلی اللہ علیہ وآل وسلم نے ارشاد فرمایا : ) سلام کا طریقہ وہ ہے جو تم جان چکے ہو ۔ یہ روایت امام بزار نے نقل کی ہے اور اس کے رجال "صحیح " رجال ہیں ۔

أَبِي هُرَيْرَةَ ((أَنَّهُمْ سَأَلُوا رَسُولَ اللَّهِ كَيْفَ نُصَلِّي عَلَيْكَ؟

2871 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «أَكْثِرُوا الصَّلَاةَ عَلَيَّ فَإِنَّهَا زَكَاةٌ لَكُمْ». رَوَاهُ أَبُو يَعْلَى وَفِيهِ لَيْثُ بْنُ أَبِي سُلَيْمٍ وَهُوَ ثِقَةٌ مُدَلِّسٌ.

حضرت ابو ہریرہ رضی اللہ عنہ روایت کرتے ہیں :نبی اکرم صلی اللہ علیہ وآل وسلم نے ارشاد فرمایا ہے : " مجھ پر بکثرت درود بھیجو کیونکہ یہ تمہارے لئے پاکیزگی کا باعث ہو گا "۔یہ روایت امام ابو یعلی نے نقل کی ہے اس کی سند میں ایک راوی لیث بن ابو سلیم ہے وہ "ثقہ " اور تدلیس کرنےوالا ہے۔

أَبِي هُرَيْرَةَ،

2872 - وَعَنِ ابْنِ مَسْعُودٍ قَالَ: «عَلَّمَنِي رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " التَّحِيَّاتُ لِلَّهِ وَالصَّلَوَاتُ وَالطَّيِّبَاتُ السَّلَامُ عَلَيْكَ أَيُّهَا النَّبِيُّ وَرَحْمَةُ اللَّهِ وَبَرَكَاتُهُ السَّلَامُ عَلَيْنَا وَعَلَى عِبَادِ اللَّهِ الصَّالِحِينَ أَشْهَدُ أَنْ لَا إِلَهَ إِلَّا اللَّهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ اللَّهُمَّ صَلِّ عَلَى مُحَمَّدٍ وَأَهْلِ بَيْتِهِ كَمَا صَلَّيْتَ عَلَى إِبْرَاهِيمَ إِنَّكَ حَمِيدٌ مَجِيدٌ اللَّهُمَّ صَلِّ عَلَيْنَا مَعَهُمُ، اللَّهُمَّ بَارِكْ عَلَى مُحَمَّدٍ وَعَلَى أَهْلِ بَيْتِهِ كَمَا بَارَكْتَ عَلَى إِبْرَاهِيمَ إِنَّكَ حَمِيدٌ مَجِيدٌ، اللَّهُمَّ بَارِكْ عَلَيْنَا مَعَهُمْ صَلَوَاتُ اللَّهِ وَصَلَوَاتُ الْمُؤْمِنِينَ عَلَى مُحَمَّدٍ النَّبِيِّ الْأُمِّيِّ السَّلَامُ عَلَيْهِ وَرَحْمَةُ اللَّهِ وَبَرَكَاتُهُ». قُلْتُ: فِي الصَّحِيحِ مِنْهُ التَّشَهُّدُ خَلَا الصَّلَاةَ عَلَى النَّبِيِّ - صَلَّى اللَّهُ عَلَيْهِ وَسَلَّمَ -. رَوَاهُ الطَّبَرَانِيُّ فِي الْكَبِيرِ وَفِيهِ عَبْدُ الْوَهَّابِ بْنُ مُجَاهِدٍ وَهُوَ ضَعِيفٌ. قُلْتُ: وَفِي الصَّلَاةِ عَلَى النَّبِيِّ - صَلَّى اللَّهُ عَلَيْهِ وَسَلَّمَ - أَحَادِيثُ كَثِيرَةٌ تَأْتِي فِي الْأَدْعِيَةِ إِنْ شَاءَ اللَّهُ تَعَالَى.

حضرت عبد اللہ بن مسعود رضی اللہ عنہ بیان کرتے ہیں : نبی اکرم صلی اللہ علیہ وآل وسلم نے مجھے( تشہد میں یہ کلمات پڑھنے کی ) تعلیم دی تھی : " ہر طرح کی جسمانی زبانی اور مالی عبادات اللہ تعالی کے لئے مخصوص ہیں اے نبی آپ پر سسلام ہو اللہ تعالی کی رحمتیں اور اس کی برکتیں نازل ہوں ہم پر اور اللہ تعالی کے تمام نیک بندوں پر سلام ہو میں اس بات کلی گواہی دیتا ہوں کہ اللہ تعالی کے علاوہ اور کوئی معبود نہیں ہے اور اس بات کی گواہی دیتا ہوں کہ حضرت محمد ﷺ اس کے بندے اور رسول ہیں اے اللہ ! تو حضرت محمد ﷺ اور ان کے اہل بیت پر درود نازل فرما جس طرح تو نے حضرت ابراہیم علیہ السلام پر درود نازل کیا بے شک تو لائق حمد ہے بزرگی کا مالک ہے اے اللہ ! تو ان کے ہمراہ ہم پر بھی درود نازل فرما اے اللہ! تو حضرت محمد ﷺ پر اور ان کے اہل بیت پر برکت نازل فرما جس طرح تو نے حضرت ابراہیم پر برکت نازل کی بے شک تو لائق حمد ہے بزرگی کا مالک ہے اے اللہ ! اب کے ہمراہ تو ہم پر بھی برکت نازل فرما اللہ تعالی کی رحمتیں اور برکتیں ان پر نازل ہوں "۔( علامہ ہیثمی فرماتے ہیں: ) میں یہ کہتا ہوں :"صحیح " میں اس روایت میں سے صرف تشہد کا ذکر ہے۔نبی اکرم صلی اللہ علیہ وآل وسلم پر درود بھیجنے کا ذکر نہیں ہے ۔ یہ روایت امام طبرانی نے معجم کبیر میں نقل کی ہے اس کی سند میں ایک راوی عبدالوہاب بن مجاہد ہے اور وہ "ضعیف" ہے ۔( علامہ ہیثمی فرماتے ہیں ) میں یہ کہتا ہوں :نبی اکرم صلی اللہ علیہ وآل وسلم پر درود بھیجنے کے بارے میں بہت سی احادیث منقول ہیں جو دعاؤں سے متعلق باب میں آگے آئیں گی اگر اللہ نے چاہا۔

«عَلَّمَنِي رَسُولُ اللَّهِ التَّحِيَّاتُ لِلَّهِ وَالصَّلَوَاتُ وَالطَّيِّبَاتُ السَّلَامُ عَلَيْكَ أَيُّهَا النَّبِيُّ ← ابْنِ مَسْعُودٍ،