Majma uz Zawaid Wa Manba ul Fawaid

4449 - عَنْ رَافِعِ بْنِ خَدِيجٍ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: " «الْعَامِلُ عَلَى الصَّدَقَةِ بِالْحَقِّ لِوَجْهِ اللَّهِ عَزَّ وَجَلَّ كَالْغَازِي فِي سَبِيلِ اللَّهِ عَزَّ وَجَلَّ حَتَّى يَرْجِعَ إِلَى أَهْلِهِ» ". رَوَاهُ أَحْمَدُ، وَفِيهِ ابْنُ إِسْحَاقَ، وَهُوَ ثِقَةٌ وَلَكِنَّهُ مُدَلِّسٌ، وَبَقِيَّةُ رِجَالِهِ رِجَالُ الصَّحِيحِ.

حضرت رافع بن خدیج رضی اللہ عنہ بیان کرتے ہیں : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ’’اللہ تعالیٰ کی رضا کی خاطر حق کے ہمراہ زکوٰۃ وصول کرنے کا کام کرنے والاشخص ،اللہ کی راہ میں جنگ میں حصہ لینے والے کی مانند ہے، جب تک وہ اپنے گھر واپس نہیں آتا‘‘۔ یہ روایت امام احمد نے نقل کی ہے۔ اس کی سند میں ایک راوی ابن اسحاق ہے ،وہ ثقہ ہے، لیکن وہ تدلیس کرنے والا ہے، اس روایت کے بقیہ رجال ’’صحیح‘‘کے رجال ہیں۔

رَسُولِ اللَّهِ ← رَافِعِ بْنِ خَدِيجٍ

4450 - وَعَنْ عَبْدِ الرَّحْمَنِ بْنِ عَوْفٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «الْعَامِلُ إِذَا اسْتُعْمِلَ فَأَخَذَ الْحَقَّ وَأَعْطَى الْحَقَّ لَمْ يَزَلْ كَالْمُجَاهِدِ فِي سَبِيلِ اللَّهِ حَتَّى يَرْجِعَ إِلَى بَيْتِهِ» ". رَوَاهُ الطَّبَرَانِيُّ فِي الْكَبِيرِ، وَفِيهِ ذُؤَيْبُ بْنُ عِمَامَةَ. قَالَ الذَّهَبِيُّ: ضَعَّفَهُ الدَّارَقُطْنِيُّ وَغَيْرُهُ، وَلَمْ يُهْدَرْ.

حضرت عبدالرحمن بن عوف رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: ’’عامل شخص کو جب اہلکار مقرر کیا جائے اور وہ حق وصول کرے اورحق ادا کرے ،تو وہ مسلسل اللہ کی راہ میں جہاد کرنے والے کی مانند رہتا ہے، جب تک وہ اپنے گھر واپس نہیں آجاتا“۔ یہ روایت امام طبرانی نے معجم کبیر میں نقل کی ہے ،اس کی سند میں ایک راوی زؤیب بن عمامہ ہے۔ امام ذہبی کہتے ہیں: امام دارقطنی اور دیگر حضرات نے اسے ’’ضعیف ‘‘ قرار دیا ہے، اور اسے رائیگاں نہیں کیا گیا۔

عَبْدِ الرَّحْمَنِ بْنِ عَوْفٍ

4451 - «وَعَنْ عَدِيِّ بْنِ حَاتِمٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ بَعَثَهُ مُصَدِّقًا إِلَى قَوْمِهِ، فَلَمَّا أَخَذَ صَدَقَاتِهِمْ وَافَقَ ذَلِكَ وَفَاةَ رَسُولِ اللَّهِ صَلَّى اللَّهُ عَلَيْهِ وَسَلَّمَ». رَوَاهُ الطَّبَرَانِيُّ فِي الْكَبِيرِ، وَفِيهِ دَاوُدُ بْنُ الزِّبْرِقَانِ، وَهُوَ ضَعِيفٌ.

حضرت عدی بن حاتم رضی اللہ عنہ بیان کرتے ہیں: نبی اکرم صلی اللہ علیہ وسلم نے انہیں زکوٰۃ وصول کرنے والے کے طور پر بھیجا، جب انہوں نے ان لوگوں سے زکوٰۃ وصول کر لی ،تو اسی دوران نبی اکرم ما کا وصال ہو گیا۔ یہ روایت امام طبرانی نے معجم کبیر میں نقل کی ہے ،اس کی سند میں ایک راوی دا ؤ دبن زبرقان ہے ،اور وہ ضعیف ہے۔

عَدِيِّ بْنِ حَاتِمٍ

4452 - «وَعَنْ عُقْبَةَ بْنِ عَامِرٍ قَالَ: بَعَثَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ سَاعِيًا فَاسْتَأْذَنْتُهُ أَنْ آكُلَ مِنَ الصَّدَقَةِ فَأَذِنَ لَنَا». رَوَاهُ أَحْمَدُ، وَفِيهِ رَاوٍ لَمْ يُسَمَّ.

حضرت عقبہ بن عامر نے بیان کرتے ہیں: نبی اکرم صلی اللہ علیہ وسلم نے مجھے زکوٰۃ وصول کرنے والے کے طور پر بھیجا، میں نے آپ سے یہ اجازت مانگی کہ میں زکوٰة میں سے کھا لیا کروں تو آپ نے مجھےاجازت دیدی۔ یہ روایت امام احمد نقل کی ہے ،اور اس کی سند میں ایک راوی ایسا ہے ،جس کا نام بیان نہیں کیا گیا ہے۔

عُقْبَۃَ بْنِ عَامِرٍ

4453 - وَعَنْ سَلَمَةَ الْهَمْدَانِيِّ «أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَتَبَ إِلَى قَيْسِ بْنِ مَالِكٍ الْأَرْحَبِيِّ: " بِاسْمِكَ اللَّهُمَّ، مِنْ مُحَمَّدٍ رَسُولِ اللَّهِ إِلَى قَيْسِ بْنِ مَالِكٍ سَلَامٌ عَلَيْكَ وَرَحْمَةُ اللَّهِ وَبَرَكَاتُهُ وَمَغْفِرَتُهُ، أَمَّا بَعْدُ: فَذَاكُمْ أَنِّي اسْتَعْمَلْتُكَ عَلَى قَوْمِكَ: عُرْبِهِمْ وَخُمُورِهِمْ، وَمَوَالِيهِمْ وَحَاشِيَتِهِمْ، وَأَعْطَيْتُكَ مِنْ ذُرَّةِ يَسَارٍ مِائَتَيْ صَاعٍ مِنْ زَبِيبِ خَيْوَانَ مِائَتَيْ صَاعٍ، جَارٍ ذَلِكَ لَكَ وَلِعَقِبِكَ مِنْ بَعْدِكَ أَبَدًا أَبَدًا [قَالَ قَيْسُ وَقَوْلُ رَسُولِ اللَّهِ أَبَدًا أَبَدًا] أَحَبُّ إِلَيَّ إِنِّي لَأَرْجُو أَنْ يَبْقَى [لِي] عَقِبِي أَبَدًا». قَالَ يَحْيَى: عُرْبُهُمْ: أَهْلُ الْبَادِيَةِ، وَخُمُورُهُمْ: أَهْلُ الْقُرَى. رَوَاهُ أَبُو يَعْلَى، وَفِيهِ عَمْرُو بْنُ يَحْيَى بْنِ سَلَمَةَ، وَهُوَ ضَعِيفٌ.

حضرت سلمہ ہمدانی رضی اللہ عنہ بیان کرتے ہیں: نبی اکرم صلی اللہ علیہ وسلم نے قیس بن مالک ارجی کی طرف خط لکھا: اے اللہ! تیرے اس سے برکت حاصل کرتے ہوئے (میں آغاز کرتا ہوں )کہ اللہ کے رسول حضرت محمدصلی اللہ علیہ وسلم کی طرف سے قیس بن مالک کے نام ہے، تم پر سلام ہو، الله تعالیٰ کی رحمتیں اور اس کی برکتیں اور اس کی مغفرت نازل ہو،ا مابعد ! میں تمہیں تمہاری قوم پر عامل مقرر کرتا ہوں، ان کے دیہاتیوں پر بھی، اور شہروں پربھی، ان کے موالیوں پر بھی ،اور جانوروں پر بھی ،اور میں تمہیں یسار ( یہ یمن میں موجود ایک پہاڑ کا نام ہے ) کے اناج کے دوسوصاع ،اور خیوان ( یہ یمن کا ایک شہر ہے) کی کشمش کے دو سو صاع دیتا ہوں (یعنی یہ تمہاری تنخواہ مقرر کر تا ہوں )، اور یہ خدمت تمہارے لئے اور تمہارے بعد تمہاری آل اولاد کے لئے ہمیشہ، ہمیشہ برقرار رہے گی‘‘۔ قیس نامی صاحب کہتے ہیں: نبی اکرم صلی اللہ علیہ وسلم کایہ فرمان ’’ہمیشہ، ہمیشہ رہے گی ‘‘یہ میرے نزدیک سب سے زیادہ پسند یدہ ہے اب مجھے یہ توقع ہے کہ اب میری اولاد ہمیشہ، ہمیشہ رہے گی۔یحییٰ نامی راوی کہتے ہیں :”عربہم‘‘ سے مراد دیہاتی لوگ ہیں اور ’’خمور ہم‘‘ سے مرادشہری، یعنی بستیوں کے رہنے والےلوگ ہیں۔ یہ روایت امام ابویعلیٰ نے نقل کی ہے ،اس کی سند میں ایک راوی عمرو بن یحییٰ بن سلمہ ہے، اور وہ ضعیف ہے۔

سَلَمَةَ الْهَمْدَانِيِّ