Majma uz Zawaid Wa Manba ul Fawaid

4195 - عَنِ ابْنِ عَبَّاسٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - صَلَّى عَلَى النَّجَاشِيِّ». رَوَاهُ أَحْمَدُ، وَفِيهِ رَجُلٌ لَمْ يُسَمَّ.

حضرت عبداللہ بن عباس رضی اللہ عنہ بیان کرتے ہیں: نبی اکرم صلی اللہ علیہ وسلم نے نجاشی کی نماز جنازہ ادا کی تھی ۔ یہ روایت امام احمد نے نقل کی ہے ۔ اس کی سند میں ایک ایسا شخص ہے ‘جس کا نام بیان نہیں کیا گیا ہے ۔

ابْنِ عَبَّاسٍ،

4196 - وَعَنْ سَعِيدِ بْنِ زَيْدٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - صَلَّى عَلَى النَّجَاشِيِّ». رَوَاهُ أَبُو يَعْلَى، وَفِيهِ خَدِيجُ بْنُ مُعَاوِيَةَ، وَفِيهِ كَلَامٌ.

حضرت سعید بن زید رضی اللہ عنہ بیان کر تے ہیں : نبی اکرم صلی اللہ علیہ وسلم نے نجاشی کی نماز جنازہ ادا کی تھی ۔ یہ روایت امام ابویعلی ٰنے نقل کی ہے۔ اس کی سند میں ایک راوی خدیج بن معاویہ ہے ‘ اور اس کے بارے میں کلام کیا گیا ہے۔

سَعِيدِ بْنِ زَيْدٍ

4197 - وَعَنْ أَنَسِ بْنِ مَالِكٍ قَالَ: «نَزَلَ جِبْرِيلُ عَلَى النَّبِيِّ - صَلَّى اللَّهُ عَلَيْهِ وَسَلَّمَ - قَالَ: مَاتَ مُعَاوِيَةُ بْنُ مُعَاوِيَةَ اللَّيْثِيُّ، فَتُحِبُّ أَنْ تُصَلِّيَ عَلَيْهِ؟ قَالَ: " نَعَمْ "، قَالَ: فَضَرَبَ بِجَنَاحِهِ الْأَرْضَ، فَلَمْ تَبْقَ شَجَرَةٌ وَلَا أَكَمَةٌ إِلَّا تَصَعْصَعَتْ، [قَالَ]: فَرَفَعَ سَرِيرَهُ فَنَظَرَ إِلَيْهِ فَكَبَّرَ عَلَيْهِ، وَخَلْفَهُ صَفَّانِ مِنَ الْمَلَائِكَةِ، فِي كُلِّ صَفٍّ سَبْعُونَ أَلْفَ مَلِكٍ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ: " يَا جِبْرِيلُ، بِمَا نَالَ هَذِهِ الْمَنْزِلَةَ مِنَ اللَّهِ؟ قَالَ: بِحُبِّهِ {قُلْ هُوَ اللَّهُ أَحَدٌ} [الإخلاص: 1]، وَقِرَاءَتِهِ إِيَّاهَا ذَاهِبًا وَجَائِيًا، وَقَائِمًا وَقَاعِدًا، وَعَلَى كُلِّ حَالٍ» ". رَوَاهُ أَبُو يَعْلَى، وَالطَّبَرَانِيُّ فِي الْكَبِيرِ، وَفِي إِسْنَادِ أَبِي يَعْلَى مُحَمَّدُ بْنُ إِبْرَاهِيمَ بْنِ الْعَلَاءِ، وَهُوَ ضَعِيفٌ جِدًّا، وَفِي إِسْنَادِ الطَّبَرَانِيِّ مَحْبُوبُ بْنُ هِلَالٍ قَالَ الذَّهَبِيُّ: لَا يُعْرَفُ، وَحَدِيثُهُ مُنْكَرٌ.

حضرت انس بن مالک رضی اللہ عنہ بیان کرتے ہیں: حضرت جبرائیل علیہ السلام نازل ہوئےانہوں نے بتایا: معاویہ بن معاویہ لیثی کا انتقال ہو گیا ہے کیا آپ اس کی نماز جنازہ ادا کرنا پسند کریں گے؟ نبی اکرم صلی اللہ علیہ وسلم نے جواب دیا: جی ہاں۔ راوی بیان کرتے ہیں : تو انہوں نے اپنا پر زمین پر مارا تو راستے میں موجود ہر درخت اور ہر ٹیلہ ہٹ گیا راوی بیان کرتے ہیں: انہوں نے مرحوم کی چارپائی کو اٹھایا تو نبی اکرم صلی اللہ علیہ وسلم اسے دیکھ رہے ‘ اور آپ نے تکبیر کہی آپ کے پیچھے دو صفیں فرشتوں کی تھیں ہرصف میں ستر ہزار فرشتے تھے۔ نبی اکرم صلی اللہ علیہ وسلم نے دریافت کیا: اے جبرائیل اس کو اللہ تعالی ٰکی بارگاہ میں یہ مقام کس وجہ سے ملا ہے؟ انہوں نے جواب دیا: اس کے سورت اخلاص سے محبت کرنے کی وجہ سے اور اس کے جاتے ہوئے آتے ہوئے کھڑے ہوئے بیٹھے ہوئے ہر حال میں اس ( سورت اخلاص ) کو تلاوت کر نے کی وجہ سے۔ یہ روایت امام ابویعلی ٰنے نقل کی ہے ‘ اور امام طبرانی نے اسے معجم کبیر میں نقل کیا ہے۔ امام ابویعلی ٰکی سند میں ایک راوی محمد بن ابراہیم بن العلاء ہے ‘ اور وہ انتہائی ضعیف ہے۔ امام طبرانی کی سند میں ایک راوی محبوب بن ہلال ہے ۔ امام ذہبی کہتے ہیں: یہ معروف نہیں ہے ‘ اور اس کی نقل کردہ حدیث منکر ہے۔

مَاتَ مُعَاوِيَةُ بْنُ مُعَاوِيَةَ اللَّيْثِيُّ، فَتُحِبُّ ← نَزَلَ جِبْرِيلُ عَلَى النَّبِيِّ ← اَنَسِ بْنِ مَالِکٍ،

4198 - وَعَنْ أَبِي أُمَامَةَ قَالَ: «أَتَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - جِبْرِيلُ، وَهُوَ بِتَبُوكَ، فَقَالَ: يَا مُحَمَّدُ، اشْهَدْ جِنَازَةَ مُعَاوِيَةَ بْنِ مُعَاوِيَةَ الْمُزَنِيِّ. فَخَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَنَزَلَ جِبْرِيلُ فِي سَبْعِينَ أَلْفًا مِنَ الْمَلَائِكَةِ، فَوَضَعَ جَنَاحَهُ الْأَيْمَنَ عَلَى الْجِبَالِ فَتَوَاضَعَتْ، وَوَضَعَ جَنَاحَهُ الْأَيْسَرَ عَلَى الْأَرَضِينَ فَتَوَاضَعْنَ، حَتَّى نَظَرَ إِلَى مَكَّةَ وَالْمَدِينَةِ، فَصَلَّى عَلَيْهِ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَجِبْرِيلُ وَالْمَلَائِكَةُ، فَلَمَّا فَرَغُوا قَالَ: " يَا جِبْرِيلُ، بِمَا بَلَغَ مُعَاوِيَةُ بْنُ مُعَاوِيَةَ الْمُزَنِيُّ هَذِهِ الْمَنْزِلَةَ؟ ". قَالَ: بِقِرَاءَةِ {قُلْ هُوَ اللَّهُ أَحَدٌ} [الإخلاص: 1] قَائِمًا وَقَاعِدًا، وَرَاكِبًا وَمَاشِيًا». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ نُوحُ بْنُ عُمَرَ ; قَالَ ابْنُ حِبَّانَ: يُقَالُ إِنَّهُ سَرَقَ هَذَا الْحَدِيثَ، قُلْتُ: لَيْسَ هَذَا بِضَعْفٍ فِي الْحَدِيثِ، وَفِيهِ بَقِيَّةُ وَهُوَ مُدَلِّسٌ، وَلَيْسَ فِيهِ عِلَّةٌ غَيْرَ هَذَا.

حضرت ابوامامہ رضی اللہ عنہ بیان کرتے ہیں: حضرت جبرائیل علیہ السلام نبی اکرم صلی اللہ علیہ وسلم کے پاس آئےنبی اکرم صلی اللہ علیہ وسلم اس وقت تبوک میں موجود تھے انہوں نے کہا: اے حضرت محمد ! آپ معاویہ بن معاویہ مزنی کے جنازے میں شریک ہوں تو نبی اکرم صلی اللہ علیہ وسلم نکلے حضرت جبرائیل علیہ السلام ستر ہزار فرشتوں کے ہمراہ نکلے تھے انہوں نے اپنا دایاں پاؤں مارا تو وہ جھک گئے انہوں نے اپنا بایاں پاؤں زمین پر مارا تو وہ جھک گئی یہاں تک کہ نبی اکرم صلی اللہ علیہ وسلم مکہ اور مد ینہ کو دیکھ سکتے تھے ‘ یہاں تک کہ نبی اکرم صلی اللہ علیہ وسلم نے ان صاحب کی نماز جنازہ ادا کی حضرت جبرائیل اور فرشتوں نے بھی ادا کی جب یہ لوگ اس سے فارغ ہوئے تو نبی اکرم صلی اللہ علیہ وسلم نے فرمایا: اے جبرائیل! معاویہ بن معاویہ مزنی کو یہ مقام کس وجہ سے نصیب ہوا ہے؟ انہوں نے جواب دیا: سورت اخلاص کھڑے ہو کر بیٹھ کر سوار ہو کر پیدل چلتے ہوئے(ہر حال میں پڑھنے کی وجہ سے یہ مقام ملا ہے )۔ یہ روایت امام طبرانی نے معجم کبیر اورمعجم اوسط میں نقل کی ہے ۔ اس کی سند میں ایک راوی نوح بن عمر ہے ۔ ابن حبان کہتے ہیں: یہ بات کہی جاتی ہے اس نے یہ حدیث چوری کی ہے۔ ( علامہ ہیثمی فرماتے ہیں: ) میں یہ کہتا ہوں: یہ چیز حدیث میں کمزوری کا باعث نہیں بن سکتی اس کی سند میں ایک راوی بقیہ ہے ‘ اور وہ تدلیس کرنے والا ہے اس روایت میں اس کے علاوہ اور کوئی علت نہیں ہے۔

اَبِیْ اُمَامَۃَ،

4199 - وَعَنْ مُعَاوِيَةَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ غَازِيًا بِتَبُوكَ فَأَتَاهُ جِبْرِيلُ - صَلَّى اللَّهُ عَلَيْهِ وَسَلَّمَ - فَقَالَ: يَا مُحَمَّدُ، هَلْ لَكَ فِي جِنَازَةِ مُعَاوِيَةَ بْنِ مُعَاوِيَةَ الْمُزَنِيِّ؟ فَقَالَ: " نَعَمْ "، فَقَالَ جِبْرِيلُ بِيَدِهِ هَكَذَا، فَفَرَّجَ لَهُ عَنِ الْجَبَلِ وَالْآكَامِ، فَجَاءَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَمْشِي وَمَعَهُ جِبْرِيلُ، وَمَعَ جِبْرِيلَ سَبْعُونَ أَلْفَ مَلَكٍ، فَصَلَّى عَلَى مُعَاوِيَةَ بْنِ مُعَاوِيَةَ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِجِبْرِيلَ: " بِمَ بَلَغَ مُعَاوِيَةُ هَذَا؟ "، قَالَ: بِكَثْرَةِ قِرَاءَةِ {قُلْ هُوَ اللَّهُ أَحَدٌ} [الإخلاص: 1]، كَانَ يَقْرَؤُهَا قَائِمًا وَقَاعِدًا وَرَاقِدًا، فَبِهَذَا بَلَغَ مَا بَلَغَ». رَوَاهُ الطَّبَرَانِيُّ فِي الْكَبِيرِ، وَفِيهِ صَدَقَةُ بْنُ أَبِي سَهْلٍ وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.

حضرت معاویہ رضی اللہ عنہ بیان کرتے ہیں: نبی اکرم صلی اللہ علیہ وسلم غزوہ تبوک میں شرکت کے لئے گئے ہوئے تھے حضرت جبرائیل علیہ السلام آپ کی خدمت میں حاضر ہوئے انہوں نے عرض کی : کیا آپ معاویہ بن معاویہ مزنی کی جنازے میں دلچسپی رکھتے ہیں؟ نبی اکرم صلی اللہ علیہ وسلم نے فر مایا: جی ہاں ۔حضرت جبرائیل علیہ السلام نے اپنے ہاتھ کے ذریعے اس طرح اشارہ کیا ‘ تو سب پہاڑ اور ٹیلے ہٹ گئے نبی اکرم صلی اللہ علیہ وسلم چلتے ہوئے تشریف لائے آپ کے ساتھ حضرت جبرائیل علیہ السلام تھے ‘ اور حضرت جبرائیل علیہ السلام کے ساتھ ستر ہزار فرشتے تھے۔ نبی اکرم صلی اللہ علیہ وسلم نے معاویہ بن معاویہ کی نماز جنازہ ادا کی نبی اکرم صلی اللہ علیہ وسلم نے حضرت جبرائیل علیہ السلام سے در یافت کیا: معاویہ اس مقام تک کس وجہ سے پہنچا ہے؟ انہوں نے جواب دیا: سورت اخلاص کی بکثرت تلاوت کی وجہ سے وہ کھڑے ہو کر بیٹھ کر لیٹ کر اس کو پڑھتا رہتا تھا ‘ تو اس وجہ سے اس مقام تک پہنچا ہے۔ یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی صدقہ بن ابوسہل ہے ‘ اور میں اس سے واقف نہیں ہوں ‘ اس روایت کے بقیہ رجال ثقہ ہیں ۔

مُعَاوِيَةَ،

4200 - وَعَنِ ابْنِ عُمَرَ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - صَلَّى عَلَى النَّجَاشِيِّ، فَكَبَّرَ عَلَيْهِ أَرْبَعًا». رَوَاهُ الْبَزَّارُ، وَالطَّبَرَانِيُّ فِي الْأَوْسَطِ، وَرِجَالُ الطَّبَرَانِيِّ رِجَالُ الصَّحِيحِ.

حضرت عبداللہ بن عمر رضی اللہ عنہ بیان کرتے ہیں: نبی اکرم صلی اللہ علیہ وسلم نے نجاشی کی نماز جنازہ ادا کی تھی آپ نے اس پر چارتکبیریں کہی تھیں ۔ یہ روایت امام بزار نے نقل کی ہے ‘ اور امام طبرانی نے معجم اوسط میں نقل کی ہے ۔ امام طبرانی کے رجال ’’صحیح‘‘ کے رجال ہیں۔

ابْنِ عُمَرَ

4201 - وَعَنْ أَنَسٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - صَلَّى عَلَى النَّجَاشِيِّ حِينَ نُعِيَ فَقِيلَ: يَا رَسُولَ اللَّهِ، تُصَلِّي عَلَى عَبْدٍ حَبَشِيٍّ؟ فَأَنْزَلَ اللَّهُ عَزَّ وَجَلَّ: {وَإِنَّ مِنْ أَهْلِ الْكِتَابِ لَمَنْ يُؤْمِنُ بِاللَّهِ} [آل عمران: 199]» الْآيَةَ. رَوَاهُ الْبَزَّارُ، وَالطَّبَرَانِيُّ فِي الْأَوْسَطِ، وَرِجَالُ الطَّبَرَانِيِّ ثِقَاتٌ.

حضرت انس رضی اللہ عنہ بیان کرتے ہیں: نبی اکرم صلی اللہ علیہ وسلم کو جب نجاشی کے انتقال کی خبر ملی تو آپ نے نجاشی کا نماز جنازہ ادا کی عرض کی گئی: یا رسول اللہ! کیا آپ ایک حبشی شخص کی نماز جنازہ ادا کرنے گئے ہیں؟ تو الله تعالیٰ نے یہ آیت نازل کی: ’’اہل کتاب میں سے کچھ لوگ ایسے ہیں جواللہ تعالیٰٰ پر ایمان رکھتے ہیں‘‘۔ یہ روایت امام بزارنے اور امام طبرانی نے معجم اوسط میں نقل کی ہے، امام طبرانی کے رجال ثقہ ہیں۔

أَنَسٍ،

4202 - وَعَنْ كَثِيرِ بْنِ عَبْدِ اللَّهِ، عَنْ جَدِّهِ، عَنْ أَبِيهِ قَالَ: «صَلَّى رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى النَّجَاشِيِّ فَكَبَّرَ عَلَيْهِ خَمْسًا». قُلْتُ: رَوَاهُ ابْنُ مَاجَهْ خَلَا ذِكْرَ النَّجَاشِيِّ. رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَكَثِيرٌ ضَعِيفٌ.

كثير بن عبداللہ نے اپنے والد کے حوالے سے اپنے دادا کایہ بیان نقل کیا ہے: نبی اکرم صلی اللہ علیہ وسلم نے نجاشی کا نماز جنازہ میں پانچ تکبیریں کہی تھیں۔ (علام ہیثمی فرماتے ہیں:) میں یہ کہتا ہوں: یہ روایت امام ابن ماجہ نے بھی نقل کی ہے، تاہم انہوں نے نجاشی کا ذکر نہیں کیا۔ یہ روایت امام طبرانی نے معجم کبیر اور معجم اوسط میں نقل کی ہے۔ کثیر نامی راوی ضعیف ہے۔

أَبِيهِ ← جَدِّهِ، ← كَثِيرُ بْنُ عَبْدِ اللَّهِ،

4203 - وَعَنْ أَبِي سَعِيدٍ الْخُدْرِيِّ قَالَ: «لَمَّا قَدِمَ عَلَى النَّبِيِّ - صَلَّى اللَّهُ عَلَيْهِ وَسَلَّمَ - وَفَاةُ النَّجَاشِيِّ قَالَ: " اخْرُجُوا فَصَلُّوا عَلَى أَخٍ لَكُمْ لَمْ تَرَوْهُ قَطُّ ". فَخَرَجْنَا، وَتَقَدَّمَ النَّبِيُّ - صَلَّى اللَّهُ عَلَيْهِ وَسَلَّمَ - وَصَفَّنَا خَلْفَهُ، فَصَلَّى وَصَلَّيْنَا، فَلَمَّا انْصَرَفْنَا قَالَ الْمُنَافِقُونَ: انْظُرُوا إِلَى هَذَا خَرَجَ فَصَلَّى عَلَى عِلْجٍ نَصْرَانِيٍّ لَمْ يَرَهُ قَطُّ، فَأَنْزَلَ اللَّهُ: {وَإِنَّ مِنْ أَهْلِ الْكِتَابِ لَمَنْ يُؤْمِنُ بِاللَّهِ} [آل عمران: 199]» إِلَى آخِرِ الْآيَةِ. رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ الرَّحْمَنِ بْنُ أَبِي الزِّنَادِ، وَهُوَ ضَعِيفٌ.

حضرت ابوسعید خدری رضی اللہ عنہ بیان کرتے ہیں: جب نبی اکرم صلی اللہ علیہ وسلم کو نجاشی کی وفات کی اطلاع ملی تو آپ نے ارشاد فرمایا: تم لوگ نکلو اور اپنے اس بھائی کی نماز جنازہ ادا کرو جسے تم نے کبھی نہیں دیکھا تو ہم نکلے نبی اکرم صلی اللہ علیہ وسلم آگے ہوئے، ہم نے آپ کے پیچھے صفیں بنالیں۔ آپ نے نماز ادا کی ہم نے بھی نماز ادا کی جب ہم نماز پڑھ کر فارغ ہوئے تو منافقین نے کہا: تم لوگ ان کی طرف دیکھو کہ یہ نکلے اور انہوں نے ایک عیسائی طاقتور شخص (یعنی حکمران) کی نماز جنازہ ادا کی، جسے انہوں نے کبھی دیکھا بھی نہیں ہے، تو الله تعالیٰ نے یہ آیت نازل کی: ’’بے شک اہل کتاب میں سے کچھ لوگ ایسے ہیں، جو اللہ تعالیٰٰ پر ایمان رکھتے ہیں......‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی عبد الرحمن بن ابوزناد ہے، اور وہ ضعیف ہے۔

أَبِي سَعِيدٍ الْخُدْرِيِّ،

4204 - وَعَنْ جَرِيرٍ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «إِنَّ النَّجَاشِيَّ قَدْ مَاتَ فَصَلُّوا عَلَيْهِ». رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حضرت جریر رضی اللہ عنہ بیان کرتے ہیں: نبی اکرم صلی اللہ علیہ وسلم نے ارشاد فرمایا: ’’نجاشی کا انتقال ہو گیا ہے، تم لوگ اس کی نماز جنازہ ادا کرو‘‘۔ یہ روایت امام طبرانی نے معجم کبیر میں نقل کی ہے، اور اس کے رجال ثقہ ہیں۔

جَرِيرٌ

4205 - وَعَنِ ابْنِ خَارِجَةَ قَالَ: «لَمَّا بَلَغَ النَّبِيَّ - صَلَّى اللَّهُ عَلَيْهِ وَسَلَّمَ - وَفَاةُ النَّجَاشِيِّ قَالَ: " إِنَّ أَخَاكُمْ قَدْ تُوُفِّيَ "، فَخَرَجْنَا فَصَفَفْنَا خَلْفَهُ، فَصَلَّيْنَا وَمَا نَرَى شَيْئًا». رَوَاهُ الطَّبَرَانِيُّ فِي الْكَبِيرِ، وَفِيهِ حُمَرَانَ بْنُ أَعْيَنَ، وَثَّقَهُ أَبُو حَاتِمٍ، وَضَعَّفَهُ ابْنُ مَعِينٍ، وَبَقِيَّةُ رِجَالِهِ ثِقَاتٌ.

ابن خارجہ بیان کرتے ہیں: جب نبی اکرم صلی اللہ علیہ وسلم کو نجاشی کے انتقال کی اطلاع ملی تو آپ نے ارشاد فرمایا: تمہارے بھائی کا انتقال ہو گیا ہے (راوی بیان کرتے ہیں) ہم لوگ نکلے ہم نے آپ کے پیچھے صفیں بنالیں اور ہم نے نماز جنازہ ادا کی حالانکہ ہم کچھ نہیں دیکھ رہے تھے (یعنی میت ہمارے سامنے نہیں تھی)۔ یہ روایت امام طبرانی نے معجم کبیر میں نقل کی ہے۔ اس کی سند میں ایک راوی حمران بن اعین ہے، جسے ابوحاتم نے "ثقہ" قراردیا ہے یحییٰ بن معین نے اسے ’’ضعیف‘‘ قرار دیا ہے۔ ایک روایت کے بقیہ رجال ثقہ ہیں۔

لَمَّا بَلَغَ النَّبِيَّ وَفَاةُ النَّجَاشِيِّ ← ابن خارجة

4206 - وَعَنْ وَحْشِيِّ بْنِ حَرْبٍ قَالَ: «لَمَّا مَاتَ النَّجَاشِيُّ قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِأَصْحَابِهِ: " إِنَّ أَخَاكُمُ النَّجَّاشِيَّ قَدْ مَاتَ، قُومُوا فَصَلُّوا عَلَيْهِ ". فَقَالَ رَجُلٌ: يَا رَسُولَ اللَّهِ، كَيْفَ نُصَلِّي عَلَيْهِ وَقَدْ مَاتَ فِي كُفْرِهِ؟ فَقَالَ: " أَلَا تَسْمَعُونَ إِلَى قَوْلِ اللَّهِ: {وَإِنَّ مِنْ أَهْلِ الْكِتَابِ لَمَنْ يُؤْمِنُ بِاللَّهِ وَمَا أُنْزِلَ إِلَيْكُمْ وَمَا أُنْزِلَ إِلَيْهِمْ} [آل عمران: 199]»، إِلَى آخِرِ الْآيَةِ. رَوَاهُ الطَّبَرَانِيُّ فِي الْكَبِيرِ، وَفِيهِ سُلَيْمَانُ بْنُ أَبِي دَاوُدَ الْحَرَّانِيُّ، وَهُوَ ضَعِيفٌ.

حضرت وحشی بن حرب رضی اللہ عنہ بیان کرتے ہیں: جب نجاشی کا انتقال ہوا تو نبی اکرم صلی اللہ علیہ وسلم نے اپنے اصحاب سے ارشاد فرمایا: تمہارے بھائی نجاشی کا انتقال ہو گیا ہے تم لوگ اٹھو اور اس کی نماز جنازہ ادا کرو ایک صاحب نے عرض کی: یارسول اللہ! ہم اس کی نماز جنازہ کیسے ادا کر سکتے ہیں جبکہ اس کا انتقال کفر کے عالم میں ہوا ہے، تو نبی اکرم صلى الله عليہ وسلم نے ارشاد فرمایا کیا تم نے اللہ تعالیٰٰ کا یہ فرمان نہیں سنا ہے: ”بے شک اہل کتاب میں سے کچھ لوگ ایسے ہیں جو الله تعالی ٰپر اور جو تمہاری طرف نازل کیا گیا اس پر اور جو ان کی طرف نازل کیا گیا اس پر ایمان رکھتے ہیں......‘‘۔ یہ آیت کے آخر تک ہے۔ یہ روایت امام طبرانی نے معجم کبیر میں نقل کی ہے۔ اس کی سند میں ایک راوی سلیمان بن ابو داؤد جبرانی ہے، اور وہ معیف ہے۔

لَمَّا مَاتَ النَّجَاشِيُّ ← وَعَنْ وَحْشِيِّ بْنِ حَرْبٍ