Majma uz Zawaid Wa Manba ul Fawaid

778 - عَنْ عَبْدِ اللَّهِ بْنِ عَمْرٍو قَالَ: «خَرَجَ عَلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَوْمًا كَالْمُوَدِّعِ، فَقَالَ: " أَنَا النَّبِيُّ الْأُمِّيُّ - قَالَهُ ثَلَاثَ مَرَّاتٍ - وَلَا نَبِيَّ بَعْدِي، أُوتِيتُ فَوَاتِحَ الْكَلِمِ وَجَوَامِعَهُ، وَعَلِمْتُ خَزَنَةَ النَّارِ وَحَمَلَةَ الْعَرْشِ، وَتُجُوِّزُ بِي، وَعُوفِيتُ وَعُوفِيَتْ أُمَّتِي، فَاسْمَعُوا وَأَطِيعُوا مَا دُمْتُ فِيكُمْ، فَإِذَا ذُهِبَ بِي فَعَلَيْكُمْ بِكِتَابِ اللَّهِ، أَحِلُّوا حَلَالَهُ، وَحَرِّمُوا حَرَامَهُ». رَوَاهُ أَحْمَدُ، وَفِيهِ ابْنُ لَهِيعَةَ، وَهُوَ ضَعِيفٌ.

حضرت عبداللہ بن عمر و بیان کرتے ہیں : ایک دن نبی اکرم صلی اللہ علیہ و آلہ وسلم ہمارے پاس تشریف لائے، تو یوں محسوس ہو رہا تھا جیسے آپ الوداع کہنے لگے ہیں آپ نے ارشاد فرمایا: " میں امی نبی ہوں " یہ بات آپ صلی اللہ علیہ و آلہ وسلم نے تین مرتبہ ارشاد فرمائی ( اور پھر فرمایا : )" میرے بعد کوئی نبی نہیں ہو گا ، مجھے واضح اور جامع کلمات عطا کیے گئے ہیں مجھے جہنم کے نگران فرشتوں اور عرش کو اٹھانے والے فرشتوں کا علم ہے اور مجھے سہولت دی گئی ہے ، مجھے عافیت عطا کی گئی اور میری امت کو عافیت عطا کی گئی جب تک میں رمہارے درمیان موجود ہوں تم لوگ اطاعت و فرمانبرداری کرو اور جب میں رخصت ہو جاؤں گا تو تم پراللہ تعالی کی کتاب کی پیروی کرنا لازم ہے، تم اس کے حلال کو حلال قرار دینا ۔ یہ روایت امام احمد نے نقل کی ہے اس کی سند میں ایک راوی ابن لہیعہ ہے اور وہ ضعیف ہے ۔

خَرَجَ عَلَيْنَا رَسُولُ اللَّهِ يَوْمًا كَالْمُوَدِّعِ ← عَبْدِ اللہِ بْنِ عَمْرٍو

779 - وَعَنِ ابْنِ شُرَيْحٍ الْخُزَاعِيِّ قَالَ: «خَرَجَ عَلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " أَلَيْسَ تَشْهَدُونَ أَنْ لَا إِلَهَ إِلَّا اللَّهَ وَأَنِّي رَسُولُ اللَّهِ؟ " قَالُوا: بَلَى. قَالَ: " إِنَّ هَذَا الْقُرْآنَ طَرْفُهُ بِيَدِ اللَّهِ وَطَرْفُهُ بِأَيْدِيكُمْ، فَتَمَسَّكُوا بِهِ، فَإِنَّكُمْ لَنْ تَضِلُّوا، وَلَنْ تَهْلِكُوا بَعْدَهُ أَبَدًا». رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

حضرت ابن شریح خزاعی رضی اللہ عنہ بیان کرتے ہیں : نبی اکرم صلی اللہ علیہ و آلہ وسلم ہمارے پاس تشریف لائے آپ صلی اللہ علیہ و آلہ وسلم نے ارشاد فرمایا : کیا تم لوگ اس بات کی گواہی نہیں دیتے ہو؟ کہ اللہ تعالی کے علاوہ اور کوئی معبود نہیں ہے اور بے شک میں اللہ کا رسول ہوں ؟ لوگوں نے جواب دیا : جی ہاں ! ( یعنی ہم اس بات کی گواہی دیتے ہیں )نبی اکرم صلی اللہ علیہ و آلہ وسلم نے ارشاد فرمایا : یہ قرآن اس کی ایک طرف اللہ تعالی کے ہاتھ میں ہے اور ایک طرف تمہارے ہاتھوں میں ہے تم اسے مضبوطی سے تھام کے رکھو ! اس کے بعد تم کبھی بھی گمراہ نہیں ہو گے اور کبھی بھی ہلاکت کا شکار نہیں ہو گے ۔ یہ روایت امام طبرانی نے معجم کبیر میں نقل کی ہے اور اس کے رجال صحیح کے رجال ہیں ۔

بَلٰی ← أَلَيْسَ تَشْهَدُونَ أَنْ لَا إِلَهَ إِلَّا اللَّهَ وَأَنِّي رَسُولُ اللَّهِ؟ ← خَرَجَ عَلَيْنَا رَسُولُ اللهِ ← ابْنِ شُرَيْحٍ الْخُزَاعِيِّ

780 - وَعَنْ جُبَيْرِ بْنِ مُطْعِمٍ قَالَ: «كُنَّا مَعَ النَّبِيِّ - صَلَّى اللَّهُ عَلَيْهِ وَسَلَّمَ - بِالْجُحْفَةِ، فَقَالَ: " أَلَيْسَ تَشْهَدُونَ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَأَنِّي رَسُولُ اللَّهِ وَأَنَّ الْقُرْآنَ جَاءَ مِنْ عِنْدِ اللَّهِ؟ " قُلْنَا: بَلَى. قَالَ: " فَأَبْشِرُوا ; فَإِنَّ الْقُرْآنَ طَرْفُهُ بِيَدِ اللَّهِ وَطَرْفُهُ بِأَيْدِيكُمْ، فَتَمَسَّكُوا بِهِ، فَإِنَّكُمْ لَنْ تَهْلِكُوا وَلَنْ تَضِلُّوا بَعْدَهُ أَبَدًا». رَوَاهُ الْبَزَّارُ وَالطَّبَرَانِيُّ فِي الْكَبِيرِ وَالصَّغِيرِ، وَفِيهِ أَبُو عُبَادَةَ الزُّرَقِيُّ، وَهُوَ مَتْرُوكُ الْحَدِيثِ.

حضرت جبیر بن مطعم رضی اللہ عنہ بایہن کرتے ہیں : ہم لوگ نبی اکرم صلی اللہ علیہ و آلہ وسلم کے ساتھ "جحفہ" کے مقام پر موجود تھے ، آپ نے ارشاد فرمایا : کیا تم لوگ اس بات کی گواہی نہیں دیتے ہو ؟ کہ اللہ تعالی کے علاوہ اور کوئی معبود نہیں ہے، صرف وہی معبود ہے ، اس کا کوئی شریک نہیں ہے بے شک میں اللہ کا رسول ہوں بے شک قرآن اللہ تعالی کی طرف سے آیا ہے۔ ہم نے عرض کی : جی ہوں !(یعنی ہم اس بات کی گواہی دیتے ہیں )نبی اکرم صلی اللہ علیہ و آلہ وسلم نے ارشاد فرمایا : پھر تم یہ خوشخبری حاصل کرو ! اس قرآن کی ایک طرف اللہ تعالی کے ہاتھ میں ہے اور ایک طرف تمہارے ہاتھ میں ہے تم اسے مضبوطی سے تھام کے رکھو ! اس کے بعد تم کبھی ہلاکت کا شکار نہیں ہو گے اور کبھی گمراہ نہیں ہو گے ۔ ۔ یہ روایت امام بزار نے اور امام طبرانی نے معجم کبیر اور معجم صغیر میں نقل کی ہے اس کی سند میں ایک راوی ابو عبادہ زرقی ہے اور وہ متروک الحدیث ہے ۔

كنا مع النبي ← جُبَيْرِ بْنِ مُطْعِمٍ،

781 - وَعَنِ ابْنِ عَبَّاسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «مَنِ اتَّبَعَ كِتَابَ اللَّهِ هَدَاهُ اللَّهُ مِنَ الضَّلَالَةِ وَوَقَاهُ سُوءَ الْحِسَابِ يَوْمَ الْقِيَامَةِ ; وَذَلِكَ أَنَّ اللَّهَ - عَزَّ وَجَلَّ - قَالَ: {فَمَنِ اتَّبَعَ هُدَايَ فَلَا يَضِلُّ وَلَا يَشْقَى} [طه: 123]». رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ أَبُو شَيْبَةَ، وَهُوَ ضَعِيفٌ جِدًّا.

حضرت عبداللہ بن عباس رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : جو شخص اللہ کی کتاب کی پیروی کرے گا ، اللہ تعالی اسے گمراہی سے (بچا کر) ہدایت نصیب کرے گا اور قیامت کے دن اسے برے حساب سے محفوظ رکھے گا اس کی( دلیل) یہ ہے کہ اللہ تعالی نے ارشاد فرمایا ہے : " اور جو شخص میری ہدایت کی پیروی کرے گا تو وہ گمراہ نہیں ہو گا اور بد نصیب نہیں ہو گا ۔ یہ روایت امام طبرانی نے معجم کبیر اور معجم اوسط میں نقل کی ہے اس کی سند میں ایک راوی ابو شیبہ ہے اور وہ انتہائی ضعیف ہے ۔

ابْنِ عَبَّاسٍ،

782 - وَعَنْ مَعْقِلِ بْنِ يَسَارٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: «اعْمَلُوا بِالْقُرْآنِ، وَأَحِلُّو حَلَالَهُ، وَحَرِّمُوا حَرَامَهُ، وَاقْتَدُوا بِهِ وَلَا تَكْفُرُوا بِشَيْءٍ مِنْهُ، وَمَا تَشَابَهَ عَلَيْكُمْ فَرُدُّوهُ إِلَى اللَّهِ وَإِلَى أُولِي الْأَمْرِ مِنْ بَعْدِي ; كَيْمَا يُخْبِرُونَكُمْ، وَآمِنُوا بِالتَّوْرَاةِ وَالْإِنْجِيلِ وَالزَّبُورِ وَمَا أُوتِيَ النَّبِيُّونَ مِنْ رَبِّهِمْ، لِيَشْفِيَكُمُ الْقُرْآنُ وَمَا فِيهِ مِنَ الْبَيَانِ ; فَإِنَّهُ شَافِعٌ مُشَفَّعٌ، وَمَاحِلٌ مُصَدَّقٌ، وَلِكُلِّ آيَةٍ مِنْهُ نُورٌ إِلَى يَوْمِ الْقِيَامَةِ، أَمَا إِنِّي أُعْطِيتُ سُورَةَ الْبَقَرَةِ مِنَ الذِّكْرِ، وَأُعْطِيتُ طه وَالطَّوْرَ مِنْ أَلْوَاحِ مُوسَى، وَأُعْطِيتُ فَاتِحَةَ الْكِتَابِ وَخَوَاتِيمَ سُورَةِ الْبَقَرَةِ مِنْ كَنْزٍ تَحْتَ الْعَرْشِ، وَأُعْطِيتُ الْمُفَصَّلَ نَافِلَةً». رَوَاهُ الطَّبَرَانِيُّ فِي الْكَبِيرِ، وَفِي رِوَايَةٍ لَهُ أَيْضًا: «فَمَا اشْتَبَهَ عَلَيْكُمْ مِنْهُ فَاسْأَلُوا عَنْهُ أَهْلَ الْعِلْمِ يُخْبِرُوكُمْ». وَلَهُ إِسْنَادَانِ: فِي أَحَدِهِمَا عَبْدُ اللَّهِ بْنُ أَبِي حُمَيْدٍ، وَقَدْ أَجْمَعُوا عَلَى ضَعْفِهِ، وَفِي الْآخَرِ عِمْرَانَ الْقَطَّانَ، ذَكَرَهُ ابْنُ حِبَّانَ فِي الثِّقَاتِ، وَضَعَّفُهُ الْبَاقُونَ.

حضرت معقل بن یسار رضی اللہ عنہ بیان کرتے ہیں : میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے :" قرآن پر عمل کرو ! اس کے حلال کو حلال قرار دو اس کے حرام کو حرام قرار دو اس کی پیروی کرو اس کی کسی چیز کا انکار نہ کرو جو چیز تمہارے سامنے مشتبہ ہو اسے اللہ تعالی کی طرف اور میرے بعد اولی الامر کی طرف لوٹا دو تاکہ وہ تمہیں اس حوالے سے خبر دیدیں ، تم لوگ تورات ،انجیل، زبور اور انبیاء کو ان کے پروردگار کی طرف سے جو کچھ دیا گیا ، اس پر ایمان رکھو !قرآن اور اس میں کو بیان موجود ہے وہ تمہیں شفا دے ، کیونکہ یہ (قرآن ) شفاعت کرنے والا ہے جس کی شفاعت قبول کی جائے گی اور بحث کرنے والا ہے جس کی تصدیق کی جائے گی اس کی ہر ایک آیت میں قیامت تک کے لیے نور موجود ہے""ذکر" میں سے سورہ بقرہ مجھے عطا کی گئی حضرت موسی علیہ السلام کی "الواح" میں سے سورہ طٰہٰ اور سورہ طور مجھے عطا کی گئی ہیں سورہ فاتحہ اور سورہ بقرہ کی آخری آیات عرش کے نیچے موجود خزانے سے مجھے عطا کی گئی ہیں اور مجھے اضافی طور پر "مفصل " عطا کی گئی "۔ یہ روایت امام طبرانی نے معجم کبیر میں نقل کی ہے ان کی ایک روایتے میں یہ الفاظ ہیں : " اس کے حوالے سے جو شبہ تمہیں لاحق ہو اس کے بارے میں تم اہل علکم سے سوال کرو وہ تمہیں بتا دیں گے"۔اس روایت کی دو اسناد ہیں جن میں سے ایک میں عبداللہ بن ابو حمید نامی راوی ہے جس کے ضعیف ہونے پر محدثین کا اتفاق ہےاور دوسری میں عمران القطان نامی راوی ہے جس کا ذکر ابن حبان نے کتاب "الثقات " میں کیا ہے جبکہ باقی حضراتے نے اسے ضعیف قرار دیا ہے ۔

رَسُولِ اللَّهِ ← مَعْقِلِ بْنِ يَسَارٍ

783 - وَعَنْ أَبِي أَيُّوبَ الْأَنْصَارِيِّ [عَنْ عَوْفِ بْنِ مَالِكٍ] قَالَ: «خَرَجَ عَلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَهُوَ [بِالْهَاجِرَةِ] مَرْعُوبٌ فَقَالَ: " أَطِيعُونِي مَا كُنْتُ بَيْنَ أَظْهُرِكُمْ، وَعَلَيْكُمْ بِكِتَابِ اللَّهِ، أَحِلُّوا حَلَالَهُ، وَحَرِّمُوا حَرَامَهُ». رَوَاهُ الطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ.

حضرت ابو ایوب انصاری رضی اللہ عنہ نے حضرت عوف بن مالک رضی اللہ عنہ کا یہ بیان نقل کیا ہے : " ایک مرتبہ دن چڑھے کے وقت نبی اکرم صلی اللہ علیہ و آلہ وسلم ہمارے پاس تشریف لائے، آپ صلی اللہ علیہ و آلہ وسلم کچھ پریشان تھے ، آپ صلی اللہ علیہ و آلہ وسلم نے ارشاد فرمایا : جب تک میں تمھارے درمیان موجود ہوں ، تم میری اطاعت کرو اور تم پر اللہ کی کتاب ( کی پیروی کرنا ) لازم ہے ، تم اس کے حلال کو حلال قرار دو اور اس کے حرام کو حرام قرار دو "۔ یہ روایت امام طبرانی نے معجم کبیر میں نقل کی ہےاور اس کے رجال کی تو ثیق کی گئی ہے

«خَرَجَ عَلَيْنَا رَسُولُ اللَّهِ وَهُوَ [بِالْهَاجِرَةِ] مَرْعُوبٌ ← عَوْفِ بْنِ مَالِكٍ، ← اَبِیْ اَیُّوْبَ الْاَنْصَارِیِّ

784 - وَعَنْ زَيْدِ بْنِ ثَابِتٍ، عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: «إِنِّي تَرَكْتُ فِيكُمْ خَلِيفَتَيْنِ: كِتَابَ اللَّهِ، وَأَهْلَ بَيْتِي، وَإِنَّهُمَا لَنْ يَتَفَرَّقَا حَتَّى يَرِدَا عَلَى الْحَوْضِ». رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

حضرت زید بن ثابت رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں :"میں تمہارے درمیان دو چیزیں نائب کے طور پر چھوڑ کر جا رہا ہوں ، اللہ کی کتاب اور میرے اہل بیت ؑ یہ دونوں ایک دوسرے سے جدا نہیں ہو ں گے یہاں تک کہ یہ دونوں حوض (کوثر) پر آ جائیں گے "۔ یہ روایت امام طبرانی نے معجم کبیر میں نقل کی ہےاور اس کے رجال ثقہ ہیں ۔

رَسُولِ اللَّهِ ← زَيْدِ بْنِ ثَابِتٍ،

785 - وَعَنِ ابْنِ عَبَّاسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «مَنْ مَشَى إِلَى سُلْطَانِ اللَّهِ فِي الْأَرْضِ لِيُذِلَّهُ أَذَلَّ اللَّهُ رَقَبَتَهُ مَعَ مَا يُدَّخَرُ لَهُ فِي الْآخِرَةِ»، زَادَ مُسَدِّدٌ: «وَسُلْطَانُ اللَّهِ فِي الْأَرْضِ: كِتَابُ اللَّهِ - تَعَالَى - وَسُنَّةَ نَبِيِّهِ - صَلَّى اللَّهُ عَلَيْهِ وَسَلَّمَ -». رَوَاهُ الطَّبَرَانِيُّ فِي الْكَبِيرِ، وَفِيهِ حُسَيْنُ بْنُ قَيْسٍ أَبُو عَلِيٍّ الرَّحَبِيُّ، ضَعَّفَهُ الْبُخَارِيُّ وَأَحْمَدُ وَجَمَاعَةٌ، وَزَعَمَ رَجُلٌ يُقَالُ لَهُ أَبُو مِحْصَنٍ أَنَّهُ رَجُلُ صِدْقٍ. قُلْتُ: وَمَنْ أَبُو مِحْصِنٍ مَعَ هَؤُلَاءِ؟!

حضرت عبداللہ بن عباس رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " جو شخص زمین میں اللہ کے مقرر کردہ سلطان کی طرف چل کر جاتا ہے تاکہ اسے ذلے کا شکار کرے تو اللہ تعالی اس شخص کو ذلت کا شکار کر دیتا ہے اور جو کچھ اس کے لیے آخرت میں (عذاب ) تیار کیا گیا ہے وہ اس کے علاوہ ہے ۔ مسدد نے یہ الفاظ زائد نقل کئے ہیں :"زمین میں اللہ تعالی کے سلطان سے مراد ، اللہ کی کتاب اور اس کے نبی کی سنت ہے "۔ یہ روایت امام طبرانی نے معجم کبیر میں نقل کی ہےاس کی سند میں ایک راوی حسین بن قیس ابو علی رحبی ہے جسے امام بخاری امام احمد اور ایک جماعت نے ضعیف قرار دیا ہے انہوں نے یہ بات بیان کی ہے: ایک صاحب جن کا نام ابو محصن ہے ان کا یہ کہنا ہے : وہ (یعنی حسین بن قیس ابو علی رحبی )سچے آدمی ہیں ۔(علامہ ہیثمی فرماتے ہیں : )میں یہ کہتا ہوں : ان حضرات ( یعنی امام بخاری اور امام احمد وغیرہ ) کے مقابلے میں ، ابو محصن نامی شخص کون ہے ؟

ابْنِ عَبَّاسٍ،

786 - وَعَنْ ثَوْبَانَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: «أَلَا إِنَّ رَحَى الْإِسْلَامَ دَائِرَةٌ ". قَالَ: كَيْفَ نَصْنَعُ يَا رَسُولَ اللَّهِ؟ قَالَ: اعْرِضُوا حَدِيثِي عَلَى الْكِتَابِ، فَمَا وَافَقَهُ فَهُوَ مِنِّي وَأَنَا قُلْتُهُ». رَوَاهُ الطَّبَرَانِيُّ فِي الْكَبِيرِ، وَفِيهِ يَزِيدُ بْنُ رَبِيعَةَ، وَهُوَ مَتْرُوكٌ مُنْكَرُ الْحَدِيثِ.

حضرت ثوبان رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں:" خبردار ! اسلام کی چکی گھومتی رہے گی ، راوی نے دریافت کیا : یا رسول اللہ ! ہمیں کیا کرنا چاہیے ؟ نبی اکرم صلی اللہ علیہ و آلہ وسلم نے ارشاد فرمایا : مجھ سے منسوب حدیث کو کتاب اللہ پر پیش کرو ، جو (حدیث ) اس ( کتاب اللہ ) کے مطابق ہو گی ، وہ میری طرف سے ہو گی اور میں نے ہی وہ بات کہی ہو گی "۔ یہ روایت امام طبرانی نے نقل کی ہے اس کی سند میں ایک راوی یزید بن ربیعہ ہے اور وہ متروک اور منکر الحدیث ہے ۔

ثَوْبَانَ،

787 - وَعَنْ عَبْدِ اللَّهِ بْنِ عُمَرَ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «سُئِلَتِ الْيَهُودُ عَنْ مُوسَى فَأَكْثَرُوا فِيهِ وَزَادُوا وَنَقَصُوا حَتَّى كَفَرُوا، وَسُئِلَتِ النَّصَارَى عَنْ عِيسَى فَأَكْثَرُوا فِيهِ وَزَادُوا وَنَقَصُوا حَتَّى كَفَرُوا بِهِ، وَإِنَّهُ سَتَفْشُو عَنِّي أَحَادِيثُ، فَمَا أَتَاكُمْ مِنْ حَدِيثِي فَاقْرَءُوا كِتَابَ اللَّهِ فَاعْتَبِرُوهُ، فَمَا وَافَقَ كِتَابَ اللَّهِ فَأَنَا قُلْتُهُ، وَمَا لَمْ يُوَافِقْ كِتَابَ اللَّهِ فَلَمْ أَقُلْهُ». رَوَاهُ الطَّبَرَانِيُّ فِي الْكَبِيرِ، وَفِيهِ أَبُو حَاضِرٍ عَبْدُ الْمَلِكِ بْنُ عَبْدِ رَبِّهِ، وَهُوَ مُنْكَرُ الْحَدِيثِ.

حضرت عبداللہ بن عمر رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں: یہودیوں سے حضرت موسی علیہ السلام کے بارے میں سوال کیا گیا، تو انہوں نے ان کے بارے میں کثرت کی اور کمی و بیشی کی ، یہاں تک کہ انہوں ( یعنی یہودیوں) نے کفر کیا ، عیسائیوں سے حضرت عیسیٰ علیہ السلام کے بارے میں سوال کیا گیا ، تو انہوں نے ان کے بارے میں کثرت کی اور کمی و بیشی کی یہاں تک کہ انہوں (یعنی عیسائیوں ) نے کفر کیا ، عنقریب میرے حوالکے سے احادیث پھیل جائیں گی ، تمہارے پاس میری جو بھی حدیث آئے تو تم اللہ کی کتاب کی تلاوت کرو ! اور اس سے موازنہ کرو ، جو حدیث اللہ کی کتاب کے مطابق ہو گی وہ میں نے کہی ہو گی ، اور جو حدیث اللہ کی کتاب کے مطابق نہیں ہو گی وہ میں نے نہیں کہی ہو گی ۔ یہ روایت امام طبرانی نے معجم کبیر میں نقل کی ہےاس کی سند میں ایک راوی ابو حاضر عبدالملک بن عبدربہ ہے اور وہ منکر الحدیث ہے ۔

عَبْدِ اللهِ بْنِ عُمَرَ

788 - وَعَنْ أَنَسِ بْنِ مَالِكٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «مَنْ قَرَأَ الْقُرْآنَ يَقُومُ بِهِ آنَاءَ اللَّيْلِ وَالنَّهَارِ، يُحِلُّ حَلَالَهُ، وَيُحَرِّمُ حَرَامَهُ - حَرَّمَ اللَّهُ لَحْمَهُ وَدَمَهُ عَلَى النَّارِ، وَجَعَلَهُ رَفِيقَ السَّفَرَةِ الْكِرَامِ الْبَرَرَةِ، حَتَّى إِذَا كَانَ يَوْمُ الْقِيَامَةِ كَانَ الْقُرْآنُ حُجَّةً لَهُ». رَوَاهُ الطَّبَرَانِيُّ فِي الصَّغِيرِ، وَفِيهِ خُلَيْدُ بْنُ دَعْلِجٍ، ضَعَّفَهُ أَحْمَدُ وَيَحْيَى وَالنَّسَائِيُّ، وَقَالَ أَبُو حَاتِمٍ: صَالِحٌ، لَيْسَ بِالْمَتِينِ، وَقَالَ ابْنُ عَدِيٍّ: عَامَّةُ حَدِيثِهِ تَابَعَهُ عَلَيْهِ غَيْرُهُ.

حضرت انس بن مالک رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں :ج شخص قرآن سیکھتا ہے اور دن رات اس کے ساتھ مصروف رہتا ہے وہ قرآن کے حلال کو حلال قرار دیتا ہے اور اس کے حرام کو حرام قرار دیتا ہے تو اللہ تعالی اس شخص کا گوشت اور اس کا خون آگ پر حرام قرار دے دیتا ہے اور معزز نیک (فرشتوں ) کو اس کا ساتھی بنا دیتا ہے یہاں تک کہ جب قیامت کا دن ہو گا تو وہ قرآن اس شخص کے حق میں حجت ہو گا "۔ یہ روایت امام طبرانی نے معجم صغیر میں نقل کی ہے اسکی سند میں ایک راوی خلید بن دعلج ہے امام احمد ، یحیی اور نسائی نے اسے ضعیف قرار دیا ہے ، ابو حاتم کہتے ہیں : یہ صالح ہے لیکن متین نہیں ہے ابن عدی کہتے ہیں : اس کی نقل کردہ ، زیادہ احادیث کے حوالے سے دوسرے راویوں نے اس کی متابعت کی ہے ۔

اَنَسِ بْنِ مَالِکٍ،

789 - وَعَنْ مُعَاذِ بْنِ جَبَلٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «يَا مُعَاذُ، إِنَّ الْمُؤْمِنَ قَيَّدَهُ الْقُرْآنُ عَنْ كَثِيرٍ مِنْ هَوَى نَفْسِهِ». رَوَاهُ الطَّبَرَانِيُّ فِي الْأَوْسَطِ، وَفِيهِ عَمْرُو بْنُ الْحُصَيْنِ، وَهُوَ مَتْرُوكٌ.

حضرت معاذ بن جبل رضی اللہ عنہ روایت کرتے ہیں :نبی اکرم صلی اللہ علیہ و آلہ وسلم نے ارشاد فرمایا: " اے معاذ! بیشک مؤمن کو قرآن ، اس کی نفسانی خواہش کے بہت پہلوؤں سے قید رکھتا ہے ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی عمرو بن حصین ہے اور وہ متروک ہے ۔

مُّعَاذِ بْنِ جَبَلِ