Majma uz Zawaid Wa Manba ul Fawaid

5834 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «الْمَدِينَةُ وَمَكَّةُ مَحْفُوفَتَانِ بِالْمَلَائِكَةِ عَلَى كُلِّ نَقْبٍ مِنْهَا مَلَكٌ لَا يَدْخُلُهَا الدَّجَّالُ وَلَا الطَّاعُونُ» ". رَوَاهُ أَحْمَدُ، وَرِجَالُهُ ثِقَاتٌ.

حضرت ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’مدینہ اور مکہ فرشتوں کے ذریعے ڈھانپے ہوئے ہیں ان کے ہرراستے پر فرشتہ موجود ہے ان میں دجال اور طاعون داخل نہیں ہوں گا‘‘۔ یہ روایت امام احمد نے نقل کی ہے اور اس کے رجال ثقہ ہیں ۔

أَبِي هُرَيْرَةَ،

5835 - وَعَنِ ابْنِ عَمٍّ لِأُسَامَةَ بْنِ زَيْدٍ يُقَالُ لَهُ: عِيَاضٌ، وَكَانَتْ ابِنْةُ أُسَامَةَ تَحْتَهُ قَالَ: «ذُكِرَ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ - رَجُلٌ خَرَجَ مِنْ بَعْضِ الْأَرْيَافِ حَتَّى إِذَا كَانَ قَرِيبًا مِنَ الْمَدِينَةِ بِبَعْضِ الطَّرِيقِ أَصَابَهُ الْوَبَاءُ فَأَفْزَعَ النَّاسَ قَالَ: فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " إِنِّي لَأَرْجُو أَنْ [لَا] يَطْلُعَ عَلَيْنَا نِقَابَهَا " - يَعْنِي الْمَدِينَةَ -». رَوَاهُ أَحْمَدُ هَكَذَا مُرْسَلًا، وَرَوَاهُ ابْنُهُ عَبْدُ اللَّهِ، وَالطَّبَرَانِيُّ فِي الْكَبِيرِ مُتَّصِلًا، وَرِجَالُهُ ثِقَاتٌ.

حضرت اسامہ بن زید رضی اللہ عنہ کے چچازاد ‘ جن کا نام عیاض تھا اور حضرت اسامہ رضی اللہ عنہ کی صاحبزادی ان کی اہلیہ تھیں ‘ وہ بیان کرتے ہیں: نبی اکرم صلی اللہ علیہ وسلم کے سامنے ایک شخص کا ذکر کیا گیا جو کسی سرسبز علاقے سے نکلا جب وہ مدینہ منورہ کے قریب راستے میں کسی جگہ پر پہنچا ‘ تو اسے وباء نے اپنی لپیٹ میں لے لیا اس نے لوگوں کو پریشان کر دیا ‘ راوی بیان کرتے ہیں: تو نبی اکرم صلی اللہ علیہ وسلم نے ارشاد فرمایا: مجھے یہ توقع ہے کہ وہ اس کے راستے سے ہمارے سامنے نہیں آئے گا نبی اکرم صلی اللہ علیہ وسلم کی مراد مدینہ منورہ ( کا راستہ ) تھا۔ یہ روایت امام احمد نے اسی طرح ’’مرسل‘‘ روایت کے طور پر نقل کی ہے اسے ان کے صاحبزادے عبداللہ نے بھی روایت کیا ہے امام طبرانی نے معجم کبیر میں اسے متصل سند کے ساتھ نقل کیا ہے اور اس کے رجال ثقہ ہیں ۔

ابْنِ عَمٍّ لِأُسَامَةَ بْنِ زَيْدٍ يُقَالُ لَهُ: عِيَاضٌ، وَكَانَتْ ابِنْةُ أُسَامَةَ تَحْتَهُ

5836 - وَعَنْ تَمِيمٍ الدَّارِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِنَّ طَيْبَةَ الْمَدِينَةُ، وَمَا مِنْ نَقْبٍ مِنْ نِقَابِهَا إِلَّا عَلَيْهِ مَلَكٌ شَاهِرٌ سَيْفَهُ لَا يَدْخُلُهَا الدَّجَّالُ أَبَدًا» ". رَوَاهُ الطَّبَرَانِيُّ فِي الْكَبِيرِ مِنْ رِوَايَةِ عُمَرَ بْنِ يَزِيدَ عَنْ جَدِّهِ، وَلَمْ أَعْرِفْهُمَا.

حضرت تمیم دار یہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ” بے شک مدینہ پاکیزہ ہے اس کے ہر راستے پر فرشتہ تلوار سونپ کر کھڑا ہوا ہے ‘ اس میں دجال کبھی داخل نہیں ہوگا‘‘۔ یہ روایت امام طبرانی نے معجم کبیر میں عمر بن یزید کی اپنے دادا سے نقل کردہ روایت کے طور پر نقل کی ہے اور میں ان دونوں سے واقف نہیں ہوں ۔

تَمِيمٍ الدَّارِيِّ،

5837 - وَعَنْ عَبْدِ اللَّهِ بْنِ شَقِيقٍ قَالَ: «إِنِّي لَأَمْشِي مَعَ عِمْرَانَ بْنِ حُصَيْنٍ فَانْتَهَيْنَا إِلَى مَسْجِدِ الْبَصْرَةِ فَإِذَا بُرَيْدَةُ جَالِسٌ، وَسَكْبَةُ رَجُلٌ مِنْ أَصْحَابِ مُحَمَّدٍ - صَلَّى اللَّهُ عَلَيْهِ وَسَلَّمَ - مِنْ أَسْلَمَ قَائِمٌ يُصَلِّي الضُّحَى فَقَالَ بُرَيْدَةُ: يَا عِمْرَانُ مَا تَسْتَطِيعُ أَنْ تُصَلِّيَ كَمَا يُصَلِّي سَكْبَةُ؟ وَإِنَّمَا يَقُولُ ذَلِكَ كَأَنَّهُ يَعْنِيهِ بِهِ، قَالَ: فَسَكَتَ عِمْرَانُ، وَمَضَيَا، فَقَالَ عِمَرُانُ: إِنِّي لَأَمْشِي مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - إِذَا اسْتَقْبَلَنَا أُحُدٌ فَصَعِدْنَا فَأَشْرَفَ عَلَى الْمَدِينَةِ فَقَالَ: " وَيْلُ أُمِّهَا قَرْيَةٌ يَتْرُكُهَا أَهْلُهَا أَحْسَنَ مَا كَانَتْ يَأْتِيهَا الدَّجَّالُ فَلَا يَسْتَطِيعُ أَنْ يَدْخُلَهَا يَجِدُ عَلَى كُلِّ فَجٍّ مِنْهَا مَلَكًا مُصْلِتًا بِالسَّيْفِ "، ثُمَّ نَزَلْنَا فَأَتَيْنَا الْمَسْجِدَ فَإِذَا رَجُلٌ يُصَلِّي فَقَالَ: " مَنْ هَذَا؟ "، قُلْتُ: فُلَانٌ، وَمِنْ أَمْرِهِ، فَجَعَلْتُ أُثْنِي عَلَيْهِ، فَقَالَ: " لَا تُسْمِعْهُ فَتَقْطَعَ ظَهْرَهُ "، ثُمَّ رَفَعَ يَدَيَّ فَقَالَ: " خَيْرُ دِينِكُمْ أَيْسَرُهُ». رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

عبداللہ بن شقیق بیان کرتے ہیں : میں حضرت عمران بن حصین رضی اللہ عنہ کے ساتھ چلتا ہوا جا رہا تھا ہم مسجد بصرہ پہنچے وہاں حضرت بریدہ رضی اللہ عنہ بیٹھے ہوئے تھے اور حضرت سکبہ رضی اللہ عنہ جن کا تعلق اسلم قبیلے سے تھا وہ نبی اکرم صلی اللہ علیہ وسلم کے صحابی ہیں وہ کھڑ ے ہوئے چاشت کی نماز ادا کررہے تھے تو حضرت بریدہ رضی اللہ عنہ نے کہا: اے عمران کیا آپ یہ استطاعت نہیں رکھتے کہ آپ اس طرح نماز ادا کریں جس طرح سکبہ نماز ادا کر رہے ہیں؟ انہوں نے یہ بات کہی اور ان کی ذات مراد لی تو حضرت عمران رضی اللہ عنہ خاموش رہے پھر یہ دونوں حضرات چلے گئے تو حضرت عمران رضی اللہ عنہ نے کہا میں نبی اکرم صلی اللہ علیہ وسلم کے ساتھ چلتا ہوا جا رہا تھا احد پہاڑ ہمارے سامنے آیا ہم اس پر چڑھ گئے نبی اکرم صلی اللہ علیہ وسلم نے مدینہ منورہ کی طرف دیکھا اور فرمایا: اس کی ماں کی بربادی ہے یہ ایک بستی ہے ‘ جسے اس کے رہنے والے چھوڑ جائیں گے اور یہ سب سے عمدہ بستی ہے جو ہو سکتی ہے دجال اس کے پاس آئے گا لیکن اس میں داخل نہیں ہو سکے گاوہ اس کے ہر راستے پر ایک فرشتے کو تلوار سونت کر کھڑا ہوا پائے گاراوی کہتے ہیں: پھر ہم پہاڑ سے نیچے اترے اور مسجد میں آگئے وہاں ایک شخص نماز ادا کر رہا تھا آپ نے دریافت کیا: یہ کون ہے میں نے عرض کی : یہ فلاں ہے اور اس کے معاملے کا ذکر کیا اور اس کی تعریف بیان کی ‘تو نبی اکرم صلی اللہ علیہ وسلم نے فرمایا: (تم یہ تعریف ) اسے نہ سنانا ورنہ تم اس کی پشت کاٹ دو گے پھر نبی اکرم صلی اللہ علیہ وسلم نے اپنے دونوں ہاتھ بلند کیے اور فرمایا: تمہارے دین میں سب سے زیادہ بہتر وہ ہے ‘ جو سب سے زیادہ آسان ہو۔ یہ روایت امام طبرانی نےمعجم کبیر میں نقل کی ہے اور اس کے رجال صحیح کے رجال ہیں ۔

سَكْبَةُ رَجُلٌ مِنْ أَصْحَابِ مُحَمَّدٍ مِنْ أَسْلَمَ قَائِمٌ يُصَلِّي الضُّحَى ← «إِنِّي لَأَمْشِي مَعَ عِمْرَانَ بْنِ حُصَيْنٍ فَانْتَهَيْنَا إِلَى مَسْجِدِ الْبَصْرَةِ فَإِذَا بُرَيْدَةُ جَالِسٌ، ← عَبْدِ اللَّهِ بْنِ شَقِيقٍ،

5838 - وَعَنْ مِحْجَنِ بْنِ الْأَدْرَعِ قَالَ: «بَعَثَنِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِحَاجَةٍ ثُمَّ عَرَضَ لِي، وَأَنَا خَارِجٌ فِي طَرِيقِ الْمَدِينَةِ فَأَخَذَ بِيَدِي فَانْطَلَقْنَا حَتَّى صَعِدْنَا عَلَى أُحُدٍ فَأَقْبَلَ عَلَى الْمَدِينَةِ فَقَالَ: " وَيْلُ أُمِّهَا قَرْيَةٌ يَدَعُهَا أَهْلُهَا كَأَيْنَعَ مَا تَكُونُ "، قُلْتُ: يَا رَسُولَ اللَّهِ، مَنْ يَأْكُلُ ثَمَرَهَا؟ قَالَ: " عَافِيَةُ الطَّيْرِ وَالسِّبَاعِ، وَلَا يَدْخُلُهَا الدَّجَّالُ كُلَّمَا أَرَادَ أَنْ يَدْخُلَهَا يَلْقَاهُ بِكُلِّ نَقْبٍ مِنْ نِقَابِهَا مَلَكٌ فَيَصُدُّهُ "، ثُمَّ أَقْبَلَ حَتَّى إِذَا كُنَّا بِبَابِ الْمَسْجِدِ فَإِذَا رَجُلٌ يُصَلِّي قَالَ: " يَقُولُهُ صَادِقًا؟ "، قُلْتُ: يَا رَسُولَ اللَّهِ، هَذَا فُلَانٌ أَكْثَرُ أَهْلِ الْمَدِينَةِ صَلَاةً، قَالَ: " لَا تُسْمِعْهُ فَتُهْلِكَهُ»، قُلْتُ: رَوَى أَبُو دَاوُدَ مِنْهُ طَرَفًا. رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ. وَقَدْ تَقَدَّمَتْ لِهَذَا الْحَدِيثِ طَرِيقٌ رَوَاهَا أَحْمَدُ.

حضرت محجن بن ادرع رضی اللہ عنہ بیان کرتے ہیں: نبی اکرم صلی اللہ علیہ وسلم نے مجھے کسی کام کے سلسلے میں بھیجا پھر آپ میرے سامنے آئے میں اس وقت مدینے کے راستے سے باہرنکل رہا تھا آپ نے میرا ہاتھ پکڑ لیا ہم چلتے ہوئے گئے یہاں تک کہ ہم احد پہاڑ پر چڑھ گئے نبی اکرم صلی اللہ علیہ وسلم نے مدینہ کی طرف رخ کیا اور فرمایا: اس کی ماں برباد ہو یہ ایک ایسی بستی ہے ‘ جس کے رہنے والے اسے ایسی حالت میں چھوڑ جائیں گے ‘ جب اس کے پھل اتارنے کا وقت آچکا ہو ‘ میں نے عرض کی : یا رسول اللہ ! اس کا پھل کون کھا ئے گا؟ نبی اکرم صلی اللہ علیہ وسلم نے ارشاد فرمایا: پرندے اور درندے ( کھائیں گے ) لیکن دجال اس میں داخل نہیں ہو سکے گا وہ جب بھی اس میں داخل ہونے کا ارادہ کرے گا تو اس کے راستے میں ایک فرشتہ آئے گا اور اسے روک دے گا پھر نبی اکرم صلی اللہ علیہ وسلم تشریف لے آ ئے یہاں تک کہ جب ہم مسجد کے دروازے پر پہنچے تو وہاں ایک شخص نماز ادا کر رہا تھا نبی اکرم صلی اللہ علیہ وسلم نے فرمایا: یہ سچے دل کے ساتھ یہ پڑھ رہا ہے میں نے عرض کی : یارسول اللہ! یہ فلاں شخص ہے ‘ جو مدینہ میں سب سے زیادہ نماز پڑھتا ہے۔ نبی اکرم صلی اللہ علیہ وسلم نے فرمایا: تم یہ بات اسے نہ سنا دینا ورنہ تم اسے ہلاکت کا شکار کر دوگے۔ (علامہ ہیثمی فرماتے ہیں : ) میں یہ کہتا ہوں: امام ابوداؤد نے اس روایت ایک حصہ نقل کیا ہے ۔ یہ روایت امام طبرانی نے معجم اوسط میں نقل کی ہے اور اس کے رجال صحیح کے رجال ہیں ۔اس سے پہلے اس حدیث کا ایک طریق گزر چکا ہے ‘ جسے امام احمد نے روایت کیا ہے۔

محجن بن الأدرع