Majma uz Zawaid Wa Manba ul Fawaid

6683 - عَنْ مُعَاذِ بْنِ جَبَلٍ قَالَ: «سُئِلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَنِ اسْتِقْرَاضِ الْخَمِيرِ وَالْخُبْزِ؟ فَقَالَ: " سُبْحَانَ اللَّهِ! إِنَّمَا هِيَ مِنْ مَكَارِمِ الْأَخْلَاقِ، خُذِ الصَّغِيرَ وَأَعْطِ الْكَبِيرَ، وَخُذِ الْكَبِيرَ وَأَعْطِ الصَّغِيرَ، وَخَيْرُكُمْ أَحَسَنُكُمْ قَضَاءً» ". رَوَاهُ الطَّبَرَانِيُّ فِي الْكَبِيرِ، وَفِيهِ سُلَيْمَانُ بْنُ سَلَمَةَ الْخَبَائِرِيُّ؛ وَنُسِبَ إِلَى الْكَذِبِ.

حضرت معاذ بن جبل رضی اللہ عنہ بیان کرتے ہیں: نبی اکرم صلی اللہ علیہ وسلم سے گوندھے ہوئے آٹے اور روٹی کو قرض لینے کے بارے میں دریافت کیا گیا، تو آپ نے ارشاد فرمایا: سبحان اللہ! یہ اچھے اخلاق کا حصہ ہے، تم چھوٹا لے کر بڑا دے دو، یا بڑا لے کر چھوٹا دے دو، اورتم میں زیادہ بہتر وہ لوگ ہیں، جو اچھے طریقے سے ادائیگی کرتے ہیں۔ یہ روایت امام طبرانی نے معجم کبیر میں نقل کی ہے، اس کی سند میں ایک راوی سلیمان بن سلمہ خبائری ہے، جس کی نسبت جھوٹ کی طرف کی گئی ہے۔

اسْتِقْرَاضِ الْخَمِيرِ وَالْخُبْزِ ← سُئِلَ رَسُولُ اللَّهِ ← مُّعَاذِ بْنِ جَبَلِ

6684 - وَعَنِ ابْنِ عَبَّاسٍ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مَنْ مَشَى إِلَى غَرِيمِهِ بِحَقِّهِ صَلَّتْ عَلَيْهِ دَوَابُّ الْأَرْضِ، وَنُونُ الْمَاءِ، وَيَنْبُتُ لَهُ بِكُلِّ خُطْوَةٍ شَجَرَةٌ فِي الْجَنَّةِ، وَذَنْبٌ يُغْفَرُ» ". رَوَاهُ الْبَزَّارُ، وَفِيهِ جَمَاعَةٌ لَمْ أَجِدْ مَنْ تَرْجَمُهُمْ.

حضرت عبداللہ بن عباس رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’جو شخص قرض خواہ کی طرف، اس کے حق کے سلسلے میں چل کر جاتا ہے، زمین کے جانور اور پانی کی مچھلیاں اس شخص کے لئے دعائے رحمت کرتے ہیں اور ہر قدم کے عوض میں اس کے لئے جنت میں درخت لگا دیا جا تا ہے اور اس کے ایک گناہ کی مغفرت ہوجاتی ہے‘‘۔ یہ روایت امام بزارنے نقل کی ہے، اس کی سند میں ایک جماعت ایسی ہے، جن کے حالات بیان کرتے ہوئے، میں نے کسی کو نہیں پایا ہے۔

ابْنِ عَبَّاسٍ،

6685 - وَعَنْ جَابِرٍ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " خِيَارُكُمْ أَحْسَنُكُمْ قَضَاءً» ". رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ اللَّهِ بْنُ مُحَمَّدِ بْنِ الْمُغِيرَةِ، وَهُوَ ضَعِيفٌ.

حضرت جابر رضی اللہ عنہ روایت کرتے ہیں: نبی اکرم صلى الله عليہ وسلم نے ارشاد فرمایا: ’’تم میں زیادہ بہتر وہ لوگ ہیں، جو اچھے طریقے سے ادائیگی کریں (یعنی قرض واپس کریں)“۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی عبدالله بن محمد بن مغیرہ ہے اور وہ ضعیف ہے۔

جَابِرٍ

6686 - وَعَنْ عَائِشَةَ قَالَتْ: «ابْتَاعَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مِنْ رَجُلٍ مِنَ الْأَعْرَابِ جَزُورًا، أَوْ جَزَائِرَ بِوَسْقٍ مِنْ تَمْرِ الذَّخِيرَةِ. - وَتَمْرُ الذَّخِيرَةِ: الْعَجْوَةُ - فَرَجَعَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى بَيْتِهِ فَالْتَمَسَ لَهُ التَّمْرَ فَلَمْ يَجِدْهُ، فَخَرَجَ إِلَيْهِ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ لَهُ: " يَا عَبْدَ اللَّهِ، إِنَّا قَدِ ابْتَعْنَا مِنْكَ جَزُورًا - أَوْ جَزَائِرَ - بِوَسْقٍ مِنْ تَمْرِ الذَّخِيرَةِ، فَالْتَمَسْنَاهُ فَلَمْ نَجِدْهُ ". فَقَالَ الْأَعْرَابِيُّ: وَاغَدْرَاهْ! قَالَ: فَنَهْنَهَهُ النَّاسُ، وَقَالُوا: قَاتَلَكَ اللَّهُ، أَتَغْدِرُ رَسُولَ اللَّهِ - صَلَّى اللَّهُ عَلَيْهِ وَسَلَّمَ -؟! قَالَتْ: فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " دَعُوهُ، فَإِنَّ لِصَاحِبِ الْحَقِّ مَقَالًا ". ثُمَّ عَادَ لَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " يَا عَبْدَ اللَّهِ، إِنَّا ابْتَعْنَا مِنْكَ جَزَائِرَكَ، وَنَحْنُ نَظُنُّ أَنَّ عِنْدَنَا مَا سَمَّيْنَا لَكَ فَالْتَمَسْنَاهُ فَلَمْ نَجِدْهُ ". فَقَالَ الْأَعْرَابِيُّ: وَاغَدْرَاهْ! فَنَهْنَهَهُ النَّاسُ، وَقَالُوا: قَاتَلَكَ اللَّهُ، أَتَغْدِرُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " دَعُوهُ، فَإِنَّ لِصَاحِبِ الْحَقِّ مَقَالًا "، فَرَدَّ ذَلِكَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مَرَّتَيْنِ أَوْ ثَلَاثًا فَلَمَّا رَآهُ لَا يَفْقَهُ عَنْهُ قَالَ لِرَجُلٍ مِنْ أَصْحَابِهِ: " اذْهَبْ إِلَى خَوْلَةَ بِنْتِ حَكِيمِ بْنِ أُمَيَّةَ، فَقُلْ لَهَا: إِنْ كَانَ عِنْدَكِ وَسْقٌ مِنْ تَمْرِ الذَّخِيرَةِ فَأَسْلِفِينَا حَتَّى نُؤَدِّيهِ إِلَيْكِ إِنْ شَاءَ اللَّهُ ". فَذَهَبَ إِلَيْهَا الرَّجُلُ، ثُمَّ رَجَعَ الرَّجُلُ قَالَ: قَالَتْ: نَعَمْ هُوَ عِنْدِي يَا رَسُولَ اللَّهِ فَابْعَثْ إِلَيَّ مَنْ يَقْبِضُهُ. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " اذْهَبْ بِهِ فَأَوْفِهِ الَّذِي لَهُ ". قَالَ: فَذَهَبَ بِهِ فَأَوْفَاهُ الَّذِي لَهُ، فَمَرَّ الْأَعْرَابِيُّ بِرَسُولِ اللَّهِ - صَلَّى اللَّهُ عَلَيْهِ وَسَلَّمَ -، وَهُوَ جَالِسٌ فِي أَصْحَابِهِ فَقَالَ: جَزَاكَ اللَّهُ خَيْرًا، فَقَدْ أَوْفَيْتَ وَأَطَبْتَ. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " أُولَئِكَ خِيَارُ عِبَادِ اللَّهِ [يَوْمَ الْقِيَامَةِ] عِنْدَ اللَّهِ الْمُوفُونَ الْمُطَيِّبُونَ» ". رَوَاهُ أَحْمَدُ، وَالْبَزَّارُ، وَإِسْنَادُ أَحْمَدَ صَحِيحٌ.

سیّدہ عائشہ صدیقہ رضی اللہ عنہ بیان کرتی ہیں: نبی اکرم صلی اللہ علیہ وسلم نے ایک دیہاتی سے ایک اونٹ خریدا، یا کچھ اونٹ خریدے، وہ ذخیرہ کی کھجوروں کے ایک وسق کے عوض میں خریدے، ذخیرہ سے مراد عجوہ کھجوریں ہیں، نبی اکرم صلی اللہ علیہ وسلم اپنے گھر واپس گئے، آپ نے کھجوریں تلاش کیں، تو وہ آپ کو نہیں ملیں، نبی اکرم صلی اللہ علیہ وسلم اس شخص کے پاس واپس گئے اور اس شخص سے فرمایا: اے اللہ کے بندے! ہم نے تم سے ایک اونٹ ( راوی کو شک ہے شاید یہ الفاظ ہیں:) کچھ اونٹ خریدے تھے، جو عجوہ کھجوروں کے ایک وسق کے عوض میں تھے، ہم نے اسے تلاش کیا، لیکن وہ ہمیں نہیں ملیں، اس دیہاتی نے کہا: یہ عہد شکنی ہے؟ تو لوگوں نے اسے ڈانٹا اور کہا: کہ اللہ تعالیٰ تمہیں برباد کرے! کیا تم اللہ کے رسول کو عہد شکن قرار دے رہے ہو؟ سیّدہ عائشہ رضی اللہ عنہ بیان کرتی ہیں: نبی اکرم صلى الله عليہ وسلم نے فرمایا: اسے رہنے دو! کیونکہ صاحب حق کو بات کرنے کا بھی حق ہوتا ہے، پھر نبی اکرم صلی اللہ علیہ وسلم نے دوبارہ اس سے کہا: اے اللہ کے بندے! ہم نے تم سے تمہارے اونٹ خریدے ہیں، ہمارا یہ خیال تھا کہ ہمارے پاس وہ چیز موجود ہے، جو ہم نے تمہارے سامنے بیان کی تھی، لیکن ہم نے اسے تلاش کیا، تو وہ ہمیں نہیں ملی، تو اس دیہاتی نے کہا : یہ کیسی عہد شکنی ہے؟ لوگوں نے اسے ڈانٹا اور کہا: اللہ تعالیٰ تمہیں برباد کرے کیا تم اللہ کے رسول کوعہد شکن قرار دے رہے ہو؟ تو نبی اکرم صلى الله عليہ وسلم نے ارشاد فرمایا: اسے رہنے دو! کیونکہ صاحب حق کو بات کرنے کا بھی حق ہوتا ہے، نبی اکرم نے اپنی بات اس کے سامنے دو مرتبہ، یا تین مرتبہ اس کے سامنے دہرائی، جب آپ نے یہ ملاحظ فرمایا کہ اس کو آپ کی بات سمجھ نہیں آرہی، تو آپ نے اپنے اصحاب میں سے ایک شخص سے فرمایا: تم خولہ بنت حکیم بن امیہ کے پاس جاؤ! اور اس سے یہ کہو: کہ اگر تمہارے پاس عجوہ کھجور کا ایک وسق ہے تو وہ ہمیں ادھار دے دو! اگر اللہ نے چاہا تو ہم تمہیں ادا کر دیں گے، وہ صاحب اس خاتون کی طرف گئے، پھر وہ صاحب واپس آئے اس نے کہا: کہ وہ خاتون کہہ رہی ہیں کہ جی ہاں! یارسول اللہ! وہ میرے پاس موجود ہیں، آپ میری طرف اس شخص کو بھجوا دیں جو انہیں قبضے میں لے، تو نبی اکرم صلی اللہ علیہ وسلم نے فرمایا: تم اس شخص کو ساتھ لے جاؤ اور اسے پوری ادائیگی کروا دو! راوی بیان کرتے ہیں : وہ شخص اسے ساتھ لے گیا اور اسے پوری ادائیگی کروا دی، پھر اس دیہاتی کا گزر نبی اکرم صلی اللہ علیہ وسلم کے پاس سے ہوا، آپ اس وقت اپنے اصحاب کے درمیان تشریف فرماتے تھے، اس دیہاتی نے کہا: الله تعالیٰ آپ کو جزائے خیر عطا کرے، آپ نے پوری ادائیگی کی ہے اور اچھا کام کیا ہے، نبی اکرم صلی اللہ علیہ وسلم نے فرمایا: ’’قیامت کے دن، وہ لوگ اللہ کے نزدیک الله تعالیٰ کے بندوں میں سب سے بہتر ہوں گے، جو اچھے طریقے سے پوری ادائیگی کرتے ہوں‘‘۔ یہ روایت امام احمد اور امام بزارن نقل کی ہے، امام احمد کی سند صحیح ہے۔

عَائِشَةَ

6687 - وَعَنْ خَوْلَةَ بِنْتِ قَيْسٍ امْرَأَةِ حَمْزَةَ بْنِ عَبْدِ الْمُطَّلِبِ قَالَتْ: «كَانَ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَسْقٌ مِنْ تَمْرٍ لِرَجُلٍ مِنْ بَنِي سَاعِدَةَ فَأَتَاهُ يَقْضِيهِ، فَأَمَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - رَجُلًا مِنَ الْأَنْصَارِ أَنْ يَقْضِيَهُ فَقَضَاهُ تَمْرًا دُونَ تَمْرِهِ فَأَبَى أَنْ يَقْبَلَهُ فَقَالَ: أَتَرُدُّ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ -؟ قَالَ: نَعَمْ، وَمَنْ أَحَقُّ بِالْعَدْلِ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ -؟! فَاكْتَحَلَتْ عَيْنَا رَسُولِ اللَّهِ - صَلَّى اللَّهُ عَلَيْهِ وَسَلَّمَ - بِدُمُوعِهِ، ثُمَّ قَالَ: " صَدَقَ، مَنْ أَحَقُّ بِالْعَدْلِ مِنِّي؟! لَا قَدَّسَ اللَّهُ أُمَّةً لَا يَأْخُذُ ضَعِيفُهَا حَقَّهُ مِنْ شَدِيدِهَا، وَلَا يُتَعْتِعُهُ ". ثُمَّ قَالَ: " يَا خَوْلَةُ، غَدِّيهِ وَادْهَنِيهِ، وَاقْضِيهِ، فَإِنَّهُ لَيْسَ مِنْ غَرِيمٍ يَخْرُجُ مِنْ عِنْدِ غَرِيمِهِ رَاضِيًا إِلَّا صَلَّتْ عَلَيْهِ دَوَابُّ الْأَرْضِ، وَنُونُ الْبِحَارِ، وَلَيْسَ مِنْ عَبْدٍ يَلْوِي غَرِيمَهُ، وَهُوَ يَجِدُ إِلَّا كَتَبَ اللَّهُ عَلَيْهِ فِي كُلِّ يَوْمٍ وَلَيْلَةٍ إِثْمًا» ". رَوَاهُ الطَّبَرَانِيُّ فِي الْأَوْسَطِ، وَالْكَبِيرِ، وَفِيهِ حِبَّانُ بْنُ عَلِيٍّ، وَقَدْ وَثَّقَهُ جَمَاعَةٌ، وَضَعَّفَهُ آخَرُونَ.

سیّدہ خولہ بنت قیس رضی اللہ عنہ، جو حضرت حمزہ بن عبدالمطلب رضی اللہ عنہ کی اہلیہ ہیں، وہ بیان کرتی ہیں: نبی اکرم صلی اللہ علیہ وسلم نے کھجوروں کا ایک وسق بنو ساعدہ سے تعلق رکھنے والے کسی شخص کا دینا تھا، وہ شخص آپ کے پاس آیا اور آپ سے تقاضا کیا، نبی اکرم صلی اللہ علیہ وسلم نے انصار سے تعلق رکھنے والے ایک شخص کو حکم دیا کہ وہ اسے ادائیگی کر دے، تو اس نے ایسی کھجور یں ادا کیں، جو اس شخص کی کھجوروں سے کم تر تھیں، تو اس شخص نے لینے سے انکار کردیا، انصاری شخص نے کہا: کیا تم اللہ کے رسول کی بات کو واپس کر رہے ہو؟ اس نے کہا: جی ہاں! عدل کرنے کا اللہ کے رسول سے زیادہ حق دار اور کون ہے؟ تو نبی اکرم صلی اللہ علیہ وسلم کی آنکھوں سے آنسو جاری ہو گئے، آپ نے فرمایا: اس نے سچ کہا ہے، عدل کرنے کا مجھ سے زیادہ حق دار اور کون ہے؟ الله تعالیٰ ایسی امت کو پاکیزگی عطا نہیں کرتا، جس کا کمزور طاقتور شخص سے اپنا حق کسی مشکل کے بغیر نہیں لیتا، پھر نبی اکرم صلی اللہ علیہ وسلم نے فرمایا: اے خولہ! اسے کھانا دو اسے تیل دو، اور اسے ادائیگی کردو، کیونکہ جب بھی کوئی قرض خواہ، اپنے مقروض کے پاس سے راضی ہو کر نکلتا ہے، تو (مقروض) کے لئے زمین کے جانور اور سمندر کی مچھلیاں دعائے رحمت کرتے ہیں اور جو بھی بندہ اپنے قرض خواہ کے ساتھ ٹال مٹول سے کام لیتا ہے، حالانکہ اس کے پاس (ادائیگی کی) گنجائش ہو، تو الله تعالیٰ روزانہ اس شخص کے خلاف ایک گناہ نوٹ کر لیتا ہے‘‘۔ یہ روایت امام طبرانی نے معجم اوسط اور معجم کبیر میں نقل کی ہے، اس کی سند میں ایک راوی حبان بن علی ہے، جسے ایک جماعت نے ثقہ قرار دیا ہے اور دیگر لوگوں نے اسے ضعیف کہا ہے۔

خولة بنت قيس، امرأة حمزة بن عبد المطلب

6688 - وَعَنْ عَبْدِ اللَّهِ بْنِ أَبِي سُفْيَانَ قَالَ: «جَاءَ يَهُودِيٌّ يَتَقَاضَى النَّبِيَّ - صَلَّى اللَّهُ عَلَيْهِ وَسَلَّمَ - تَمْرًا، فَأَغْلَظَ لِلنَّبِيِّ - صَلَّى اللَّهُ عَلَيْهِ وَسَلَّمَ - فَهَمَّ بِهِ أَصْحَابُهُ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مَا قَدَّسَ اللَّهُ - أَوْ يَرْحَمُ اللَّهُ - أُمَّةً لَا يَأْخُذُونَ لِلضَّعِيفِ مِنْهُمْ حَقَّهُ غَيْرَ مُتَعْتَعٍ ". ثُمَّ أَرْسَلَ إِلَى خَوْلَةَ بِنْتِ حَكِيمٍ، فَاسْتَقْرَضَهَا تَمْرًا، فَقَضَاهُ، ثُمَّ قَالَ النَّبِيُّ - صَلَّى اللَّهُ عَلَيْهِ وَسَلَّمَ -: " كَذَلِكَ يَفْعَلُ عِبَادُ اللَّهِ الْمُوفُونَ، أَمَا إِنَّهُ قَدْ كَانَ عِنْدَنَا تَمْرٌ، وَلَكِنَّهُ قَدْ كَانَ غَبِرًا» ". رَوَاهُ الطَّبَرَانِيُّ فِي الْكَبِيرِ، وَرِجَالُهُ رِجَالُ الصَّحِيحِ.

حضرت عبد الله بن ابو سفیان رضی اللہ عنہ بیان کرتے ہیں ایک یہودی نبی اکرم صلی اللہ علیہ وسلم سے کھجوروں کا تقاضا کرنے کے لئے آیا، اور اس نے نبی اکرم صلی اللہ علیہ وسلم کے ساتھ سخت لہجے میں بات کی، صحابہ کرام اس کی طرف بڑھے، تو نبی اکرم صلی اللہ علیہ وسلم نے فرمایا: الله تعالیٰ ایسی امت کو پاکیزگی عطا نہیں کرتا (راوی کو شک ہے، شاید یہ الفاظ ہیں:) ایسی امت پر رحم نہیں کرتا، جس کے کمزور افراد، اپنے حق کو کسی پریشانی کے بغیر نہیں لے سکتے، پھر نبی اکرم صلی اللہ علیہ وسلم نے سیّدہ خولہ بنت حکیم رضی اللہ عنہ کو پیغام بھیجوایا اور ان سے کچھ کھجوریں ادهار طلب کیں، تو انہوں نے وہ ادا کر دیں پھر نبی اکرم صلی اللہ علیہ وسلم نے ارشاد فرمایا: ’’اللہ کے بندے اِسی طرح پوری ادائیگی کرتے ہیں، ہمارے پاس کھجوریں موجود تھیں، لیکن وہ غبار آلود تھیں ( یا ہلکی قسم کی تھیں)‘‘۔ یہ روایت امام طبرانی نے معجم کبیر میں نقل کی ہے، اور اس کے رجال صحیح کے رجال ہیں۔

«جَاءَ يَهُودِيٌّ يَتَقَاضَى النَّبِيَّ تَمْرًا، فَأَغْلَظَ لِلنَّبِيِّ فَهَمَّ بِهِ أَصْحَابُهُ، ← عبد الله بن أبي سفيان

6689 - وَعَنْ أَبِي حُمَيْدٍ السَّاعِدِيِّ قَالَ: «اسْتَسْلَفَ النَّبِيُّ - صَلَّى اللَّهُ عَلَيْهِ وَسَلَّمَ - مِنْ رَجُلٍ تَمْرَ لَوْنٍ فَلَمَّا جَاءَهُ يَتَقَاضَاهُ قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " لَيْسَ عِنْدَنَا الْيَوْمَ مِنْ شَيْءٍ فَلَوْ تَأَخَّرْتَ عَنَّا حَتَّى يَأْتِيَنَا شَيْءٌ فَنِقْضِيَكَ ". فَقَالَ الرَّجُلُ: وَاغَدْرَاهْ! فَتَذَمَّرَ لَهُ عُمَرُ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " دَعْهُ يَا عُمَرُ، فَإِنَّ لِصَاحِبِ الْحَقِّ مَقَالًا. انْطَلِقْ إِلَى خَوْلَةَ بِنْتِ حَكِيمٍ الْأَنْصَارِيَّةِ، فَالْتَمِسُوا عِنْدَهَا تَمْرًا ". فَانْطَلَقُوا، فَقَالَتْ: يَا رَسُولَ اللَّهِ، مَا عِنْدِي إِلَّا تَمْرُ ذَخِيرَةٍ فَأَخْبَرَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " خُذُوا فَاقْضُوا ". فَلَمَّا قَضَوْهُ أَقْبَلَ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " أَسْتَوْفَيْتَ؟ " قَالَ: نَعَمْ قَدْ أَوْفَيْتَ وَأَطَبْتَ. فَقَالَ النَّبِيُّ - صَلَّى اللَّهُ عَلَيْهِ وَسَلَّمَ -: " إِنَّ خِيَارَ عِبَادِ اللَّهِ مِنْ هَذِهِ الْأُمَّةِ الْمُطَيِّبُونَ» ". رَوَاهُ الطَّبَرَانِيُّ فِي الْكَبِيرِ، وَالصَّغِيرِ، وَرِجَالُهُ رِجَالُ الصَّحِيحِ، وَرَوَى الْبَزَّارُ بَعْضَهُ، وَقَالَ فِي آخِرِهِ، فَذَكَرَ الْحَدِيثَ.

حضرت ابوحمید ساعدی رضی اللہ عنہ بیان کرتے ہیں: نبی اکرم صلی اللہ علیہ وسلم نے ایک شخص سے عمدہ کھجور یں ادھارلیں، جب وہ شخص آپ کے پاس آیا اور آپ سے تقاضا کیا، تو نبی اکرم صلی اللہ علیہ وسلم نے ارشاد فرمایا: ابھی تو ہمارے پاس کوئی چیز نہیں ہے اگر تم ہمیں موقع دو، جب ہمارے پاس کوئی چیز آئے گی تو ہم تمہیں ادائیگی کر دیں گے، اس شخص نے کہا: یہ کیسی عہد شکنی ہے؟ حضرت عمر رضی اللہ عنہ اسے مارنے لگے تو نبی اکرم صلی اللہ علیہ وسلم نے فرمایا: اسے رہنے دو! کیونکہ صاحب حق کو بات کرنے کا بھی حق ہوتا ہے، تم خولہ بنت حکیم انصاریہ کے پاس جاؤ اور ان سے کھجوروں کا پتہ کرو، لوگ گئے تو اس خاتون نے عرض کی : یا رسول اللہ! میرے پاس توصرف عجوہ کھجوریں ہیں، اس شخص نے آکے نبی اکرم صلی اللہ علیہ وسلم کو اس بارے میں بتایا تو آپ نے فرمایا: تم وہی لو اور ادائیگی کر دو، جب ان لوگوں نے اس شخص کو ادائیگی کر دی تو وہ شخص نبی اکرم صلی اللہ علیہ وسلم کے پاس آیا نبی اکرم صلی اللہ علیہ وسلم نے دریافت کیا : کیا تم نے مکمل وصول کر لی ہے؟ اس نے عرض کی : جی ہاں! آپ نے مکمل ادائیگی کی ہے، اور اچھی ادائیگی کی ہے، تو نبی اکرم صلی اللہ علیہ وسلم نے ارشاد فرمایا: ’’اس امت میں سے، اللہ کے بہتر بندے وہ ہیں، جو اچھی ادا ئیگی کریں“۔ یہ روایت امام طبرانی نے معجم کبیر اور معجم صغیر میں نقل کی ہے، اور اس کے رجال صحیح کے رجال ہیں، امام بزارنے اس روایت کا کچھ حصہ نقل کیا ہے اور اس کے آخر میں یہ بات بیان کی ہے، اس کے بعد انہوں نے پوری حدیث ذکر کی ہے۔

«اسْتَسْلَفَ النَّبِيُّ مِنْ رَجُلٍ تَمْرَ لَوْنٍ فَلَمَّا جَاءَهُ يَتَقَاضَاهُ ← وَعَنْ أَبِي حُمَيْدٍ السَّاعِدِيِّ