Majma uz Zawaid Wa Manba ul Fawaid

5873 - وَعَنْ أَبِي الدَّرْدَاءِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «الصَّلَاةُ فِي الْمَسْجِدِ الْحَرَامِ بِمِائَةِ أَلْفِ صَلَاةٍ وَالصَّلَاةُ فِي مَسْجِدِي بِأَلْفِ صَلَاةٍ وَالصَّلَاةُ فِي بَيْتِ الْمَقْدِسِ بِخَمْسِمِائَةِ صَلَاةٍ» ". رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ، وَفِي بَعْضِهِمْ كَلَامٌ، وَهُوَ حَدِيثٌ حَسَنٌ.

حضرت ابودرداء رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’مسجد حرام میں ایک نماز ادا کرنا ایک لاکھ نمازوں کے برابر ہے میری اس مسجد میں ایک نماز ادا کرنا ایک ہزار نمازوں کے برابر ہے اور بیت المقدس میں ایک نماز ادا کرنا پانچ سو نمازوں کے برابر ہے‘‘۔ یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں ان میں سے بعض کے بارے میں کلام کیا گیا ہےاور یہ حدیث حسن ہے۔

أَبِي الدَّرْدَاءِ،

5874 - وَعَنْ أَبِي ذَرٍّ قَالَ: تَذَاكَرْنَا وَنَحْنُ عِنْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَيُّهُمَا أَفْضَلُ؛ مَسْجِدُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَوْ بَيْتُ الْمَقْدِسِ؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «صَلَاةٌ فِي مَسْجِدِي هَذَا أَفْضَلُ مِنْ أَرْبَعِ صَلَوَاتٍ فِيهِ وَلَنِعْمَ الْمُصَلَّى هُوَ وَلَيُوشِكَنَّ أَنْ يَكُونَ قَوْسُهُ مِنَ الْأَرْضِ حَيْثُ يُرَى مِنْهُ بَيْتُ الْمَقْدِسِ خَيْرٌ لَهُ مِنَ الدُّنْيَا جَمِيعًا» ". رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ.

حضرت ابوذر غفاری رضی اللہ عنہ بیان کرتے ہیں : ہم لوگ بات چیت کر رہے تھے ہم نبی اکرم صلی اللہ علیہ وسلم کے پاس موجود تھے ( موضوع یہ تھا ) کہ ان دونوں میں سے کون سی (مسجد ) زیادہ فضیلت رکھتی ہے؟ مسجد نبوی یا بیت المقدس؟ تو نبی اکرم صلی اللہ علیہ وسلم نے ارشاد فرمایا: ”میری اس مسجد میں ایک نماز ادا کرنا اس جگہ پر چار نمازیں ادا کرنے سے زیادہ فضیلت رکھتا ہے اور نماز ادا کرنے کے لئے عمدہ جگہ یہ ہے اور عنقریب ایسا وقت آئے گا کہ جب آدمی زمین میں کسی ایسی جگہ پر موجود ہو جہاں سے بیت المقدس دکھائی دیتا ہو یہ اس کے لئے پوری دنیا سے زیادہ بہتر ہوگا‘‘۔ یہ روایت امام طبرانی نے معجم اوسط میں نقل کی ہے اور اس کے رجال صحیح کے رجال ہیں ۔

اَبِیْ ذَرٍّ

5875 - «وَعَنْ ذِي الْأَصَابِعِ قَالَ: قُلْنَا: يَا رَسُولَ اللَّهِ إِنِ ابْتُلِينَا بَعْدَكَ بِالْبَقَاءِ أَيْنَ تَأْمُرُنَا؟ قَالَ: " عَلَيْكُمْ بِبَيْتِ الْمَقْدِسِ فَلَعَلَّهُ أَنْ تَنْشُوءَ لَكُمْ ذُرِّيَّةٌ تَغْدُونَ إِلَى ذَلِكَ الْمَسْجِدِ وَتَرُوحُونَ» ". رَوَاهُ الطَّبَرَانِيُّ فِي الْكَبِيرِ، وَعَبْدُ اللَّهِ فِي زِيَادَاتِهِ عَلَى أَبِيهِ. وَفِيهِ عُثْمَانُ بْنُ عَطَاءٍ وَثَّقَهُ دُحَيْمٌ، وَضَعَّفَهُ النَّاسُ.

حضرت ذواصابع رضی اللہ عنہ بیان کرتے ہیں: ہم نے عرض کی : یا رسول اللہ ! اگر آپ کے بعد ہمیں رہنے میں آزمائش کا شکار ہونا پڑے تو آپ ہمیں کہاں کے بارے میں حکم دیں گے؟ نبی اکرم صلی اللہ علیہ وسلم نے ارشاد فرمایا: تم پر لازم ہے کہ بیت المقدس چلے جاؤ ! ہوسکتا ہے وہاں تمہاری ایسی اولاد پیدا ہو جو صبح و شام اس مسجد کی طرف جائیں ۔ یہ روایت امام طبرانی نے معجم کبیر میں نقل کی ہے عبداللہ نے اپنے والد کی (’’مسند‘‘ کی ) ’’ زیادات‘‘ میں اسے نقل کیا ہے اس کی سند میں ایک راوی عثمان بن عطاء ہے ‘جسے دحیم نے ثقہ قرار دیا ہے اورلوگوں نے اسے ضعیف کہا ہے۔

قُلْنَا ← «وَعَنْ ذِي الْأَصَابِعِ

5876 - وَعَنْ رَافِعِ بْنِ عُمَيْرٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «قَالَ اللَّهُ لِدَاوُدَ: ابْنِ لِي بَيْتًا فِي الْأَرْضِ، فَبَنَى دَاوُدُ بَيْتًا لِنَفْسِهِ قَبْلَ أَنْ يَبْنِيَ الْبَيْتَ الَّذِي أُمِرَ بِهِ فَأَوْحَى اللَّهُ إِلَيْهِ: يَا دَاوُدُ نَصَبْتَ بَيْتَكَ قَبْلَ بَيْتِي؟ قَالَ: أَيْ رَبِّ هَكَذَا [قُلْتُ فِيمَا قَضَيْتُهُ] مَنْ مَلَكَ اسْتَأْثَرَ، ثُمَّ أَخَذَ فِي بِنَاءِ الْمَسْجِدِ، فَلَمَّا تَمَّ السُّورُ سَقَطَ ثُلُثَاهُ فَشَكَا ذَلِكَ إِلَى اللَّهِ - عَزَّ وَجَلَّ -[فَأَوْحَى اللَّهُ عَزَّ وَجَلَّ] أَنَّهُ لَا يَصْلُحُ أَنْ تَبْنِيَ لِي بَيْتًا، قَالَ: أَيْ رَبِّ لِمَ؟ قَالَ: لِمَا جَرَتْ عَلَى يَدَيْكَ مِنَ الدِّمَاءِ، قَالَ: أَيْ رَبِّ أَوَلَمْ يَكُنْ ذَاكَ فِي هَوَاكَ وَمَحَبَّتِكَ؟ قَالَ: بَلَى، وَلَكِنَّهُمْ عِبَادِي، وَأَنَا أَرْحَمُهُمْ، فَشَقَّ ذَلِكَ عَلَيْهِ فَأَوْحَى اللَّهُ تَعَالَى إِلَيْهِ: لَا تَحْزَنْ، فَإِنِّي سَأَقْضِي بِنَاءَهُ عَلَى يَدِ ابْنِكَ سُلَيْمَانَ، فَلَمَّا مَاتَ دَاوُدُ أَخَذَ سُلَيْمَانُ فِي بِنَائِهِ فَلَمَّا تَمَّ قَرَّبَ الْقَرَابِينَ وَذَبَحَ الذَّبَائِحَ وَجَمَعَ بَنِي إِسْرَائِيلَ فَأَوْحَى اللَّهُ تَعَالَى إِلَيْهِ: قَدْ أَرَى سُرُورَكَ بِبُنْيَانِ بَيْتِي فَسَلْنِي أُعْطِكَ قَالَ: أَسْأَلُكَ ثَلَاثَ خِصَالٍ: حُكْمًا يُصَادِفُ حُكْمَكُ، وَمُلْكًا لَا يَنْبَغِي لِأَحَدٍ مِنْ بَعْدِي وَمَنْ أَتَى هَذَا الْبَيْتَ لَا يُرِيدُ إِلَّا الصَّلَاةَ [فِيهِ] خَرَجَ مِنْ ذُنُوبِهِ كَيَوْمِ وَلَدَتْهُ أُمُّهُ "، قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " أَمَّا اثْنَتَانِ، فَقَدْ أُعْطِيَهُمَا، وَأَنَا أَرْجُو أَنْ يَكُونَ قَدْ أُعْطِيَ الثَّالِثَةَ» ". رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ أَيُّوبَ بْنِ سُوَيْدٍ الرَّمْلِيُّ، وَهُوَ مُتَّهَمٌ بِالْوَضْعِ.

حضرت رافع بن عمیر رضی اللہ عنہ بیان کرتے ہیں : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا: اللہ تعالی ٰنے حضرت داؤد علیہ السلام سے فرمایا تم میرے لئے زمین میں ایک گھر بنا دوحضرت داؤد نے اس گھر کو بنانے سے پہلے جس کے بارے میں انہیں حکم دیا گیا تھا اپنے لئے ایک گھر بنا لیا تواللہ تعالی ٰنے ان کی طرف وحی کی: اے داؤد!تم نے میرا گھر بنانے سے پہلے اپنا گھر بنالیا ہے۔ انہوں نے عرض کی : اے میرے پروردگاراسی طرح ہوا ہے میں نے یہ سوچا کہ میں یہ فیصلہ دے چکا ہوں کہ جو مالک ہوتا ہے وہ ترجیح دیتا ہے پھر انہوں نے مسجد کی تعمیر شروع کی جب اس کی دیواریں مکمل ہوگئیں تو اس کا دو تہائی حصہ گر گیا انہوں نے اس بات کی شکایت اللہ تعالی ٰکی بارگاہ میں کی ‘تو اللہ تعالی ٰنے وحی کی کہ یہ مناسب نہیں ہے کہ تم میرے لئے گھر بناؤ انہوں نے عرض کی :اے میرے پروردگار! وہ کیوں؟ اللہ تعالی ٰنے فرمایا: کیونکہ تمہارے ہاتھ خون سے رنگے ہوئے ہیں۔ انہوں نے عرض کی : اے میرے پروردگار یہ سب کچھ تیری خواہش اور تیری محبت میں ہوا ہے پروردگار نے فرمایا ٹھیک ہے لیکن وہ میرے بندے تھے اور میں ان پر سب سے زیادہ رحم کرنے والا ہوں حضرت داؤد پر یہ بات گراں گزری تو اللہ تعالی ٰنے ان کی طرف یہ وحی کی کہ تم غمگین نہ ہو میں عنقریب یہ فیصلہ دوں گا کہ اس کی تعمیر تمہارے بیٹے سلیمان کے ہاتھوں ہوگی جب حضرت داؤد کا انتقال ہو گیا تو حضرت سلیمان نے اس کی تعمیر شروع کی ‘ جب اس کی تعمیر مکمل ہوئی تو انہوں نے دیگیں تیار کروائیں جانور ذبح کروائے اور بنی اسرائیل کو اکٹھا کیا اللہ تعالی ٰنے ان کی طرف وحی کی کہ میں نے اپنے گھر کی تعمیر کے حوالے سے تمہاری خوشی کو دیکھا ہے تم مجھ سے مانگو میں تمہیں عطا کروں گا انہوں نے عرض کی : میں تجھ سے تین چیزوں کا سوال کرتا ہوں فیصلہ دینے کی ایسی صلاحیت جو تیرے حکم کے مطابق ہو ایسی بادشاہی جو میرے بعد کسی اور کو نہ ملے اور جو شخص اس گھر میں آئے اور اس کا مقصد صرف یہاں نماز ادا کرنا ہو تو وہ اپنے گناہوں سے یوں نکل جائے جیسے اس دن تھا جب اس کی والدہ نے اسے جنم دیا تھا۔ نبی اکرم صلی اللہ علیہ وسلم نے ارشاد فرمایا: جہاں تک دو چیزوں کا تعلق ہے ‘ تو وہ انہیں دے دی گئیں تھیں اور مجھے یہ امید ہے کہ تیسری چیز بھی انہیں دے دی گئی ہوگی‘‘۔ یہ روایت امام طبرانی نے معجم کبیر میں نقل کی ہے اس کی سند میں ایک راوی محمد بن ایوب بن سویدرملی ہے ‘ جس پر روایت ایجاد کر نے کا الزام ہے۔

اللَّهُ لِدَاوُدَ: ابْنِ لِي بَيْتًا فِي الْأَرْضِ، فَبَنَى دَاوُدُ بَيْتًا لِنَفْسِهِ قَبْلَ ← رَافِعِ بْنِ عُمَيْرٍ

5877 - وَعَنِ ابْنِ عُمَرَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «صَلَاةٌ فِي مَسْجِدِي هَذَا أَفْضَلُ مِنْ أَلْفِ صَلَاةٍ فِيمَا سِوَاهُ مِنَ الْمَسَاجِدِ إِلَّا الْمَسْجِدَ الْحَرَامَ فَهُوَ أَفْضَلُ» ". هُوَ فِي الصَّحِيحِ دُونَ قَوْلِهِ: " «فَهُوَ أَفْضَلُ» ".

حضرت عبداللہ بن عمر رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ’’میری اس مسجد میں ایک نماز ادا کرنا اس کے علاوہ اور کسی بھی مسجد میں ایک ہزار نمازیں ادا کر نے سے زیادہ فضیلت رکھتا ہے البتہ مسجد حرام کا معاملہ مختلف ہے وہ زیادہ فضیلت رکھتی ہے۔ ”صحیح‘‘ میں یہ روایت منقول ہے تاہم اس میں یہ الفاظ نہیں ہیں: ’’وہ زیادہ فضیلت رکھتی ہے یا وہاں نماز ادا کرنا زیادہ فضیلت رکھتا ہے )۔

النَّبِيِّ ← ابْنِ عُمَرَ