Majma uz Zawaid Wa Manba ul Fawaid

12509 - وَعَنِ ابْنِ عَبَّاسٍ «عَنِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ قَالَ فِي الدَّجَّالِ: " أَعْوَرُ هِجَانُ أَزْهَرُ، كَأَنَّ رَأْسَهُ أَصَلَةٌ، أَشْبَهُ النَّاسِ بِعَبْدِ الْعُزَّى بْنِ قَطَنٍ، فَأَمَّا هَلَكُ الْهُلَّكِ فَإِنَّ رَبَّكُمْ - تَبَارَكَ وَتَعَالَى - لَيْسَ بِأَعْوَرَ» ". رَوَاهُ أَحْمَدُ وَالطَّبَرَانِيُّ.

حضرت عبداللہ بن عباس رضی اللہ تعالیٰ عنہ نبی اکرم صلی اللہ علیہ وآلہ وسلم کے بارے میں یہ بات نقل کی ہے کہ آپ صلی اللہ علیہ وآلہ وسلم نے دجال کے بارے میں یہ ارشاد فرمایا ہے :’’وہ کانا ہو گا‘ اس کا رنگ سفید ہو گا‘ اس کا سر بڑی ہڈی والا ہو گا اور وہ عبد العزیٰ بن قطن کے ساتھ مشابہت رکھتا ہو گا‘ پھر جس نے ہلاکت کا شکار ہونا ہو گا وہ ہلاکت کا شکار ہو جائے گا (لیکن تم یہ بات یاد رکھنا کہ) کہ تمہارا پروردگار کانا نہیں ہے‘‘۔یہ روایت امام احمد اور امام طبرانی نے نقل کی ہے ۔

النَّبِیِّ اَنَّہٗ ← ابْنِ عَبَّاسٍ،

12510 - وَفِي رِوَايَةٍ عِنْدَهُ «عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " رَأَيْتُ الدَّجَّالَ هِجَانًا ضَخْمًا فَيْلَمَانِيًّا، كَأَنَّ شَعْرَهُ أَغْصَانُ شَجَرَةٍ، أَعْوَرُ كَأَنَّ عَيْنَيْهِ كَوْكَبُ الصُّبْحِ، أَشْبَهُ بِعَبْدِ الْعُزَّى بْنِ قَطَنٍ رَجُلٍ مِنْ خُزَاعَةَ» "، وَرِجَالُ الْجَمِيعِ رِجَالُ الصَّحِيحِ. رَوَاهُ الطَّبَرَانِيُّ فِي الْأَوْسَطِ، وَإِسْنَادُهُ ضَعِيفٌ.

ان کی نقل کردہ ایک روایت میں یہ الفاظ ہیں:نبی اکرم صلی اللہ علیہ وآلہ وسلم نے ارشاد فرمایا : ’’ میں نے دجال کو دیکھا کہ وہ موٹا تازہ بڑے جثے کا مالک شخص ہے۔ اس کے بال یوں ہیں جیسے درخت کی شاخیں ہوں اور وہ کانا ہو گا‘ اس کی دونوں آنکھیں صبح کے ستارے کی مانند ہوں گی‘ وہ خزاعہ قبیلے سے تعلق رکھنے والے ایک شخص عبدالعزی ٰبن قطن کے ساتھ زیادہ مشابہت رکھتا ہے‘‘۔ ان تمام روایات کے رجال صحیح کے رجال ہیں۔یہ روایت امام طبرانی نے نقل کی ہے اور اس کی سند ضعیف ہے ۔

النَّبِيِّ ← وَفِي رِوَايَةٍ عِنْدِهِ:

12511 - «وَعَنْ عَبْدِ اللَّهِ بْنِ عُمَرَ قَالَ: كُنَّا نَتَحَدَّثُ بِحَجَّةِ الْوَدَاعِ، وَمَا نَدْرِي أَنَّهُ الْوَدَاعُ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَلَمَّا كَانَ فِي حَجَّةِ الْوَدَاعِ خَطَبَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَذَكَرَ الْمَسِيحَ الدَّجَّالَ فَأَطْنَبَ فِي ذِكْرِهِ، ثُمَّ قَالَ: " مَا بَعَثَ اللَّهُ - تَبَارَكَ وَتَعَالَى - مِنْ نَبِيٍّ إِلَّا وَقَدْ أَنْذَرَهُ أُمَّتَهُ. لَقَدْ أَنْذَرَهُ نُوحٌ - صَلَّى اللَّهُ عَلَيْهِ وَسَلَّمَ - وَالنَّبِيُّونَ - صَلَّى اللَّهُ عَلَيْهِمْ - مِنْ بَعْدِهِ، أَلَا مَا خَفِيَ عَلَيْكُمْ مِنْ شَأْنِهِ فَلَا يَخْفَيَّنَ عَلَيْكُمْ، أَنَّ رَبَّكُمْ - تَبَارَكَ وَتَعَالَى - لَيْسَ بِأَعْوَرَ» ". قُلْتُ: فِي الصَّحِيحِ بَعْضُهُ. رَوَاهُ أَحْمَدُ، وَرِجَالُهُ رِجَالُ الصَّحِيحِ.

حضرت عبداللہ بن عمر رضی اللہ تعالیٰ عنہ بیان کرتے ہیں:ہم حجۃ الوداع کے موقع پر بات چیت کر رہے تھے ہمیں یہ پتہ نہیں تھا کہ یہ نبی اکرم صلی اللہ علیہ وآلہ وسلم کی طرف سے رخصتی والا حج ہے‘ جب حجۃ الوداع کا موقع آیا تو آپ نے خطبہ دیتے ہوئے دجال کا ذکر کیا اور اس کے ذکر کو طول و یا پھر آپ صلی اللہ علیہ وآلہ وسلم نے ارشاد فرمایا:’’اللہ تعالیٰ نے جس بھی نبی کومبعوث کیا ہے ۔ اس نے اپنی امت کو دجال سے ڈرایا ہے‘ حضرت نوح علیہ السلام نے اور ان کے بعد آنے والے انبیاء نے بھی ایسا کیا ہے خبردار اس کا معاملہ تم لوگوں سے جتنا بھی مخفی رہے گا اور یہ بات بھی تم سے مخفی نہیں رہنی چاہیے کہ تمہارا پروردگار کانا نہیں ہے‘‘۔ (علامہ ہیثمی فرماتے ہیں:)میں یہ کہتا ہوں’’صحیح‘‘ میں اس کا کچھ حصہ مذکور ہے ۔یہ روایت امام احمد نے نقل کی ہے اور اس کے رجال صحیح کے رجال ہیں۔

عَبْدِ اللهِ بْنِ عُمَرَ

12512 - «وَعَنْ عَائِشَةَ قَالَتْ: دَخَلَ عَلَيَّ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَأَنَا أَبْكِي، فَقَالَ: " مَا يُبْكِيكِ؟ ". قُلْتُ: يَا رَسُولَ اللَّهِ، ذَكَرْتُ الدَّجَّالَ فَبَكَيْتُ. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " إِنْ يَخْرُجْ وَأَنَا فِيكُمْ كُفِيتُمُوهُ، وَإِنْ يَخْرُجْ بَعْدِي فَإِنَّ رَبَّكُمْ - عَزَّ وَجَلَّ - لَيْسَ بِأَعْوَرَ، إِنَّهُ يَخْرُجُ مِنْ يَهُودِيَّةِ أَصْبَهَانَ حَتَّى يَأْتِيَ الْمَدِينَةَ فَيَنْزِلُ نَاحِيَتَهَا وَلَهَا يَوْمَئِذٍ سَبْعَةُ أَبْوَابٍ، عَلَى كُلِّ نَقْبٍ مِنْهَا مَلَكَانِ، فَيَخْرُجُ إِلَيْهِ شِرَارُ أَهْلِهَا حَتَّى يَأْتِيَ الشَّامَ مَدِينَةَ فِلَسْطِينَ بِبَابِ لُدٍّ ". قَالَ أَبُو دَاوُدَ مَرَّةً: " حَتَّى يَأْتِيَ مَدِينَةَ فِلَسْطِينَ فَيَنْزِلُ عِيسَى ابْنُ مَرْيَمَ - عَلَيْهِ السَّلَامُ - فَيَقْتُلُهُ، وَيَمْكُثُ عِيسَى فِي الْأَرْضِ أَرْبَعِينَ سَنَةً إِمَامًا عَدْلًا وَحَكَمًا مُقْسِطًا». رَوَاهُ أَحْمَدُ، وَرِجَالُهُ رِجَالُ الصَّحِيحِ غَيْرَ الْحَضْرَمِيِّ بْنِ لَاحِقٍ وَهُوَ ثِقَةٌ.

سیدہ عائشہ صدیقہ رضی اللہ تعالیٰ عنہا بیان کرتی ہیں:نبی اکرم صلی اللہ علیہ وآلہ وسلم میرے ہاں تشریف لائے تو میں رو رہی تھی‘ آپ نے دریافت کیا:تم کیوں رو رہی ہو؟ میں نے عرض کی:یا رسول اللہ ! مجھے دجال کا خیال آیا تو میں رونے لگی‘ نبی اکرم صلی اللہ علیہ وآلہ وسلم نے ارشاد فرمایا:ہے ’’اگر وہ اس وقت نکلا جب میں تمہارے درمیان موجود ہوا تو تم سب کے مقابلے میں میں اس کے لئے کفایت کر جاؤں گا اور اگر وہ میرے بعد نکلا تو تمہارا پروردگار کانا نہیں ہے‘ دجال اصہبان کے یہودیوں میں سے نکلے گا یہاں تک کہ وہ مدینہ منورہ آئے گا اور اس کے کنارے پر پڑاؤ کرے گا‘ اس وقت مدینہ منورہ کے سات دروازے ہوں گے، جن میں سے ہر ایک دروازے پر دو فرشتے موجود ہوں گے پھر یہاں کے رہنے والے برے لوگ نکل کر دجال کے پاس چلے جائیں گے پھر وہ شام میں فلسطین کے ایک شہر باب لد میں آئے گا یہاں ابو داؤد نامی راوی نے ایک مرتبہ یہ الفاظ نقل کئے ہیں یہاں تک کہ وہ فلسطین کے شہر باب لد میں آئے گا تو وہاں حضرت عیسیٰ بن مریم علیہ السلام کا نزول ہو گا پھر وہ اسے قتل کر دیں گے پھر حضرت عیسیٰ بن مریم علیہ السلام چالیس سال تک عادل حکمران | اور انصاف کرنے والے حکمران کے طور پر رہیں گے‘‘۔یہ روایت امام احمد نے نقل کی ہے اور اس کے رجال صحیح کے رجال ہیں‘ صرف حضرمی بن لاحق کا معاملہ مختلف ہے‘ اور وہ ثقہ ہے۔

دَخَلَ عَلَيَّ رَسُولُ اللَّهِ وَأَنَا أَبْكِي، فَقَالَ: مَا يُبْكِيكِ؟ قُلْتُ: ← وعن عائشة

12513 - وَعَنْ أَنَسِ بْنِ مَالِكٍ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " يَخْرُجُ الدَّجَّالُ مِنْ يَهُودِ أَصْبَهَانَ ". رَوَاهُ أَحْمَدُ وَأَبُو يَعْلَى، وَزَادَ " مَعَهُ سَبْعُونَ أَلْفًا مِنَ الْيَهُودِ عَلَيْهِمُ السِّيجَانُ» " مِنْ رِوَايَةِ مُحَمَّدِ بْنِ مُصْعَبٍ عَنِ الْأَوْزَاعِيِّ وَرِوَايَتُهُ [عَنْهُ] جَيِّدَةٌ، وَقَدْ وَثَّقَهُ أَحْمَدُ وَغَيْرُهُ وَضَعَّفَهُ جَمَاعَةٌ، وَبَقِيَّةُ رِجَالِهِمَا رِجَالُ الصَّحِيحِ، وَرَوَاهُ الطَّبَرَانِيُّ فِي الْأَوْسَطِ كَذَلِكَ.

حضرت انس بن مالک رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’دجال‘ اصبہان کے یہودیوں میں سے نکلے گا‘‘۔یہ روایت امام احمد نے نقل کی ہے اور امام ابو یعلیٰ نے نقل کی ہے اور انہوں نے یہ الفاظ زائد نقل کئے ہیں :’’ اس کے ساتھ ستر ہزار یہودی ہوں گے جن کے جسم پر سبز طیلسانی کپڑے ہوں گے‘‘۔یہ روایت محمد بن مصعب نے اوزاعی کے حوالے سے نقل کی ہے اور اوزاعی سے ان کی نقل کردہ روایت عمدہ ہوتی ہے امام احمد اور دیگر حضرات نے اسے ثقہ قرار دیا ہے ایک جماعت نے انہیں ضعیف کہا ہے ان دونوں روایات کے بقیہ رجال صحیح کے رجال ہیں یہ روایت امام طبرانی نے امام طبرانی نے معجم اوسط میں بھی اسی طرح نقل کی ہے ۔

اَنَسِ بْنِ مَالِکٍ،

12514 - وَعَنْ جُنَادَةَ بْنِ أُمَيَّةَ «أَنَّ قَوْمًا دَخَلُوا عَلَى مُعَاذِ بْنِ جَبَلٍ وَهُوَ مَرِيضٌ فَقَالُوا لَهُ: حَدِّثْنَا حَدِيثًا عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لَمْ يُشْتَبَهْ عَلَيْكَ. [فَقَالَ أَجْلِسُونِي] فَأَخَذَ بَعْضُ الْقَوْمِ بِيَدِهِ، فَجَلَسَ فَقَالَ: لَا أُحَدِّثُكُمْ إِلَّا حَدِيثًا سَمِعْتُهُ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " مَا مِنْ نَبِيٍّ إِلَّا وَقَدْ حَذَّرَ أُمَّتَهُ الدَّجَّالَ، وَأَنَا أُحَذِّرُكُمُ الدَّجَّالَ، إِنَّهُ أَعْوَرُ، مَكْتُوبٌ بَيْنَ عَيْنَيْهِ كَافِرٌ، يَقْرَؤُهُ الْكَاتِبُ وَغَيْرُ الْكَاتِبِ، مَعَهُ جَنَّةٌ وَنَارٌ، فَنَارُهُ جَنَّةٌ وَجَنَّتُهُ نَارٌ» ". رَوَاهُ الْبَزَّارُ وَالطَّبَرَانِيُّ فِي الْأَوْسَطِ، وَفِيهِ خُنَيْسُ بْنُ عَامِرٍ وَلَمْ أَعْرِفْهُ، وَبَقِيَّةُ رِجَالِهِ وُثِّقُوا.

حضرت جنادہ بن امیہ رضی اللہ تعالیٰ عنہ بیان کرتے ہیں:کچھ لوگ حضرت معاذ بن جبل رضی اللہ تعالیٰ عنہ کے پاس آئے ‘ حضرت معاذ رضی اللہ تعالیٰ عنہ اس وقت بیمار تھے لوگوں نے درخواست کی کہ آپ ہمیں نبی اکرم صلی اللہ علیہ وآلہ وسلم کے حوالے سے کوئی ایسی حدیث بیان کیجئے جس میں آپ کو کوئی اشتباہ نہ ہو‘ تو انہوں نے فرمایا:تم مجھے بٹھا دو! حاضرین میں سے کسی نے ان کا ہاتھ پکڑا اور انہیں بٹھا دیا تو انہوں نے فرمایا :میں تمہیں ایک ایسی حدیث بیان کروں گا جو میں نے نبی اکرم صلی اللہ علیہ وآلہ وسلم کو ارشاد فرماتے ہوئے سنا ہے:(آپ صلی اللہ علیہ وآلہ وسلم نے فرمایا ہے:) ’’ہر نبی نے اپنی امت کو دجال سے ڈرایا ہے اور میں بھی تمہیں دجال سے بچنے کی تلقین کرتا ہوں وہ کانا ہو گا اور اس کی دونوں آنکھوں کے درمیان کافر لکھا ہوا ہو گا جسے ہر پڑھا لکھا اور ان پڑھ شخص پڑھ سکے گا‘ اس کے ساتھ ایک جنت اور ایک جہنم ہو گی۔ اس کی آگ (درحقیقت) جنت ہو گی اور اس کی جنت (درحقیقت) جہنم ہو گی‘‘۔یہ روایت امام بزار نے اور امام طبرانی نے معجم اوسط میں نقل کی ہے ۔ اس کی سند میں ایک راوی خنیس بن عامر ہے اور میں اس سے واقف نہیں ہوں ۔ اس روایت کے بقیہ رجال کی توثیق کی گئی ہے ۔

مَا مِنْ نَبِيٍّ إِلَّا وَقَدْ حَذَّرَ أُمَّتَهُ الدَّجَّالَ، ← مِنْ رَسُولِ اللَّهِ ← لَا أُحَدِّثُكُمْ إِلَّا حَدِيثًا ← أَجْلِسُونِي] فَأَخَذَ بَعْضُ الْقَوْمِ بِيَدِهِ، فَجَلَسَ ← رَسُولِ اللَّهِ لَمْ يُشْتَبَهْ عَلَيْكَ. ← حَدِيثًا ← لَهُ: ← جُنَادَةَ بْنِ أُمَيَّةَ «أَنَّ قَوْمًا دَخَلُوا عَلَى مُعَاذِ بْنِ جَبَلٍ وَهُوَ مَرِيضٌ

12514 - م - وَعَنْ عِمْرَانَ بْنِ حُصَيْنٍ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " يَخْرُجُ الدَّجَّالُ مِنْ قِبَلِ أَصْبَهَانَ» ". رَوَاهُ الطَّبَرَانِيُّ فِي الْأَوْسَطِ عَنْ مُحَمَّدِ بْنِ مَحْمَوَيْهِ الْجَوْهَرِيِّ وَلَمْ أَعْرِفْهُ.

حضرت عمران بن حصین رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’دجال اصبہان کی طرف سے نکلے گا‘‘۔یہ روایت امام طبرانی نے معجم اوسط میں محمد بن محمودیہ جوہری کے حوالے سے نقل کی ہے‘ اور میں اس سے واقف نہیں ہوں ۔

عِمْرَانَ بْنِ حُصَيْنٍ ← 4332م-

12515 - «وَعَنْ فَاطِمَةَ بِنْتِ قَيْسٍ قَالَتْ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - نَادَى: " الصَّلَاةُ جَامِعَةٌ ". فَخَرَجْتُ فِي نِسْوَةٍ مِنَ الْأَنْصَارِ حَتَّى أَتَيْنَا الْمَسْجِدَ، فَصَلَّى بِنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - صَلَاةَ الظُّهْرِ، ثُمَّ صَعِدَ الْمِنْبَرَ. قَالَتْ فَاطِمَةُ: فَرَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - رَافِعًا يَدَيْهِ حَتَّى رَأَيْتُ بَيَاضَ إِبِطَيْهِ، ثُمَّ قَالَ: " أَلَا أُخْبِرُكُمْ أَنَّ هَذِهِ طِيبَةُ؟ " ثَلَاثًا، ثُمَّ قَالَ: " أَلَا أُخْبِرُكُمْ أَنَّهُ فِي بَحْرِ الشَّامِ "، ثُمَّ أُغْمِيَ عَلَيْهِ سَاعَةً، ثُمَّ أُرِيحَ، ثُمَّ سُرِّيَ عَنْهُ، ثُمَّ قَالَ: " بَلْ فِي بَحْرِ الْعِرَاقِ بَلْ هُوَ فِي بَحْرِ الْعِرَاقِ، يَخْرُجُ حِينَ يَخْرُجُ مِنْ بَلْدَةٍ يُقَالُ لَهَا أَصْبَهَانُ مِنْ قَرْيَةٍ مِنْ قُرَاهَا يُقَالُ لَهَا رُسْتَقَابَاذُ يَخْرُجُ حِينَ يَخْرُجُ عَلَى مُقَدِّمَتِهِ سَبْعُونَ أَلْفًا عَلَيْهِمُ السِّيجَانُ، مَعَهُ نَهْرَانِ نَهْرٌ مِنْ مَاءٍ وَنَهْرٌ مِنْ نَارٍ، فَمَنْ أَدْرَكَ مِنْكُمْ ذَلِكَ فَقِيلَ لَهُ: ادْخُلِ الْمَاءَ فَلَا يَدْخُلْ فَإِنَّهُ نَارٌ، وَإِذَا قِيلَ لَهُ: ادْخُلِ النَّارَ فَلْيَدْخُلْهَا فَإِنَّهَا مَاءٌ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ فِي حَدِيثِهَا الطَّوِيلِ، وَفِيهِ سَيْفُ بْنُ مِسْكِينٍ وَهُوَ ضَعِيفٌ جِدًّا.

سید و فاطمہ بنت قیس رضی اللہ تعالیٰ عنہا بیان کرتی ہیں :میں نے نبی اکرم صلی اللہ علیہ وآلہ وسلم کو سنا، آپ نے اعلان کروایا لوگ اکٹھے ہو جائیں تو میں انصار کی کچھ خواتین کے ہمراہ نکلی‘ یہاں تک کہ ہم مسجد میں آ گئیں ۔ نبی اکرم صلی اللہ علیہ وآلہ وسلم نے ہمیں ظہر کی نماز پڑھائی پھر آپ منبر پر چڑھے‘ سیدہ فاطمہ رضی اللہ تعالیٰ عنہا بیان کرتی ہیں:میں نے نبی اکرم صلی اللہ علیہ وآلہ وسلم کو دیکھا کہ آپ نے اپنے دونوں ہاتھ بلند کیے ہوئے تھے‘ یہاں تک کہ میں نے آپ کی بغلوں کی سفیدی دیکھ لی پھر آپ نے ارشاد فرمایا:خبردار میں تمہیں بتارہا ہوں کہ یہ (شہر) طیبہ ہے یہ بات نبی اکرم صلی اللہ علیہ وآلہ وسلم نے تین مرتبہ ارشاد فرمائی پھر آپ نے فرمایا :خبردار میں تمہیں بتارہا ہوں کہ (دجال) شام کے سمندر میں ہے پھر آپ پر گھڑی بھر کے لئے مخصوص کیفیت طاری ہوئی جب آپ کی وہ کیفیت ختم ہوئی تو آپ نے ارشاد فرمایا:جی نہیں بلکہ وہ عراق کے سمندر میں ہے بلکہ وہ عراق کے سمندر میں ہے اور جب وہ نکلے گا تو وہ ایک ایسے شہر میں سے نکلے گا جس کا نام اصبہان ہو گا۔ وہ یہ وہاں کی ایک بستی میں سے نکلے گا جس کا نام رستقاباذ ہو گا‘ جب وہ نکلے گا تو اس کے آگے ستر ہزار لوگ ہوں گے جن کے جسم پر سبز طیلسانی کپڑے ہوں گے‘ دجال کے ساتھ دو نہریں ہوں گی ایک پانی کی نہر ہو گی اور ایک آگ کی نہر ہو گی‘ تم میں سے جو شخص اس کا زمانہ پائے اور اس سے یہ کہا جائے کہ تم پانی میں داخل ہو جاؤ تو وہ داخل نہ ہو کیونکہ و ہ درحقیقت آگ ہو گی اور جب اس سے یہ کہا جاؤ تم آگ میں داخل ہو جائے تو وہ اس میں داخل ہو جائے کیونکہ وہ پانی ہو گا‘‘۔یہ روایت امام طبرانی نے معجم کبیر اور معجم اوسط میں نقل کی ہے جو ایک طویل حدیث ہے ۔ اس ایک راوی سیف بن مسکین ہے‘ اور وہ انتہائی ضعیف ہے ۔

فَاطِمَةَ بِنْتِ قَيْسٍ،

12516 - «وَعَنْ سَلَمَةَ بْنِ الْأَكْوَعِ قَالَ: أَقْبَلْتُ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - مِنَ الْعَقِيقِ، حَتَّى إِذَا كُنَّا عَلَى الثَّنِيَّةِ الَّتِي يُقَالُ لَهَا ثَنِيَّةُ الْحَوْضِ الَّتِي بِالْعَقِيقِ أَوْمَأَ بِيَدِهِ قِبَلَ الْمَشْرِقِ، فَقَالَ: " إِنِّي لَأَنْظُرُ إِلَى مَوَاقِعِ عَدُوِّ اللَّهِ الْمَسِيحِ، إِنَّهُ يُقْبِلُ حَتَّى يَنْزِلَ مِنْ كَذَا حَتَّى يَخْرُجَ إِلَيْهِ غَوْغَاءُ النَّاسِ، مَا مِنْ نَقْبٍ مِنْ أَنْقَابِ الْمَدِينَةِ إِلَّا عَلَيْهِ مَلَكٌ أَوْ مَلَكَانِ يَحْرُسَانِهِ، مَعَهُ صُورَتَانِ صُورَةُ الْجَنَّةِ وَصُورَةُ النَّارِ [خَضْرَاءُ]، مَعَهُ شَيَاطِينُ يُشَبَّهُونَ بِالْأَمْوَاتِ يَقُولُونَ لِلْحَيِّ: تَعْرِفُنِي؟ أَنَا أَخُوكَ أَوْ أَبُوكَ أَوْ ذُو قَرَابَةٍ مِنْهُ، أَلَسْتَ قَدِمْتَ؟ هَذَا رَبُّنَا فَاتَّبِعْهُ. فَيَقْضِ اللَّهُ مَا يَشَاءُ مِنْهُ، وَيَبْعَثُ اللَّهُ رَجُلًا مِنَ الْمُسْلِمِينَ فَيُسْكِتُهُ وَيُبَكِّتُهُ وَيَقُولُ [هَذَا الْكَذَّابُ]: أَيُّهَا النَّاسُ، لَا يَغُرَّنَّكُمْ فَإِنَّهُ كَذَّابٌ وَيَقُولُ بَاطِلًا وَلَيْسَ رَبُّكُمْ بِأَعْوَرَ. فَيَقُولُ: هَلْ أَنْتَ مُتَّبِعِي؟ فَيَأْبَى، فَيَشُقُّهُ شَقَّتَيْنِ، وَيُعْطَى ذَلِكَ، وَيَقُولُ: أُعِيدُهُ لَكُمْ؟ فَيَبْعَثُهُ اللَّهُ - عَزَّ وَجَلَّ - أَشَدَّ مَا كَانَ تَكْذِيبًا وَأَشَدَّهُ شَتْمًا، فَيَقُولُ: أَيُّهَا النَّاسُ، إِنَّ مَا رَأَيْتُمْ بَلَاءٌ ابْتُلِيتُمْ بِهِ وَفِتْنَةٌ افْتُتِنْتُمْ بِهَا، إِنْ كَانَ صَادِقًا فَلْيُعِدْنِي مَرَّةً أُخْرَى، أَلَا هُوَ كَذَّابٌ. فَيَأْمُرُ بِهِ إِلَى هَذِهِ النَّارِ وَهِيَ صُورَةُ الْجَنَّةِ فَيَخْرُجُ قِبَلَ الشَّامِ» ". رَوَاهُ الطَّبَرَانِيُّ، وَفِيهِ مُوسَى بْنُ عُبَيْدَةَ الرَّبَذِيُّ وَهُوَ ضَعِيفٌ جِدًّا.

حضرت سلمہ بن اکوع رضی اللہ تعالیٰ عنہ بیان کرتے ہیں:میں نبی اکرم صلی اللہ علیہ وآلہ وسلم کے ساتھ عقیق سے آ رہا تھا یہاں تک کہ جب ہم اس گھاٹی کے پاس پہنچے جسے ثنیہ حوض کہتے ہیں :جو عقیق کے مقام پر ہے تو نبی اکرم صلی اللہ علیہ وآلہ وسلم نے اپنے دست مبارک کے ذریعے مشرق کی طرف اشارہ کرتے ہوئے ارشاد فرمایا:گویا کہ میں اس وقت بھی اللہ کے دشمن دجال کے آغاز والی جگہ کو دیکھ رہا ہوں وہ آئے گا یہاں تک کہ فلاں جگہ پر پڑاؤ کرے گا اور برے لوگ نکل کر اس کی طرف چلے جائیں گے‘ اس وقت مدینہ منورہ کے ہر راستے پر ایک یا دو فرشتے موجود ہوں گے جو اس کی حفاظت کر رہے ہوں گے‘ دجال کے ساتھ دو ظاہری شکل وصورت والی چیزیں ہوں گی ایک کی ظاہری شکل جنت کی ہو گی ایک کی ظاہری شکل جہنم کی ہو گی‘ دجال کے ساتھ شیاطین ہوں گے جو مرحومین کی شکل وصورت اختیار کر لیں گے‘ اور وہ زندہ شخص سے کہیں گے تم مجھے پہچانتے ہو میں تمہارا بھائی ہوں یا تمہارا باپ ہوں یا تمہارا رشتے دار ہوں کیا میرا انتقال نہیں ہو چکا ہے یہ ہمارا پروردگار ہے تم اس کی پیروی کر لو پھر اللہ تعالیٰ اس شخص کے بارے میں جو چاہے کا فیصلہ کر لے گا پھر اللہ تعالیٰ مسلمانوں میں سے ایک شخص کو بھیجے گا وہ دجال کو خاموش کروائے گا اور اس پر تنقید کرتے ہوئے کہے گا یہ کذاب ہے لوگو یہ تمہیں غلط فہمی کا شکار نہ کرے کیونکہ یہ کذاب ہے اور یہ جھوٹ بولتا ہے تمہارا پروردگار کانا نہیں ہے‘ دجال کہے گا کیا تم میری پیروی کرو گے؟ وہ شخص انکار کر دے گا تو دجال اسے دو حصوں میں چیر دے گا‘ پھر دجال کہے گا میں اسے تمہارے سامنے دوبارہ زندہ کرتا ہوں پھر اللہ تعالیٰ اس شخص کو دوبارہ زندہ کرے گا تو وہ دجال کی اس سے زیادہ تکذیب کرنے والا ہو گا اور اس سے زیادہ اس پر تنقید کرنے والا ہو گا پھروہ شخص کہے گا:اے لو گوتم نے جو آزمائش دیکھی ہے تمہیں اس حوالے سے آزمائش میں مبتلا کیا گیا ہے یہ ایک فتنہ ہے جس میں تمہیں مبتلا کیا گیا ہے اگر یہ سچا ہے تو اسے کہو کہ یہ دوبارہ میرے ساتھ ایسا کر لے خبر دار یہ کذاب ہے پھر دجال اسے آگ کی طرف لے جانے کا حکم دے گا جو درحقیقت جنت ہو گی پھر دجال نکل کر شام کی طرف چلا جائے گا‘‘۔یہ روایت امام طبرانی نے نقل کی ہے ۔ اس کی سند میں ایک راوی موسیٰ بن عبیدہ ربذی ہے‘ اور وہ انتہائی ضعیف ہے ۔

سَلَمَةَ بْنِ الْأَكْوَعِ

12517 - «وَعَنْ سَفِينَةَ قَالَ: خَطَبَنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " إِنَّهُ لَمْ يَكُنْ نَبِيٌّ قَبْلِي إِلَّا حَذَّرَ أُمَّتَهُ الدَّجَّالَ، هُوَ أَعْوَرُ عَيْنِهِ الْيُسْرَى، بِعَيْنِهِ الْيُمْنَى ظَفَرَةٌ غَلِيظَةٌ، مَكْتُوبٌ بَيْنَ عَيْنَيْهِ كَافِرٌ، يَخْرُجُ مَعَهُ وَادِيَانِ أَحَدُهُمَا جَنَّةٌ وَالْآخَرُ نَارٌ، فَجَنَّتُهُ نَارٌ وَنَارُهُ جَنَّةٌ، مَعَهُ مَلَكَانِ مِنَ الْمَلَائِكَةِ يُشَبَّهَانِ بِنَبِيَّيْنِ مِنَ الْأَنْبِيَاءِ، أَحَدُهُمَا عَنْ يَمِينِهِ وَالْآخَرُ عَنْ شِمَالِهِ، وَذَلِكَ فِتْنَةُ النَّاسِ، يَقُولُ: أَلَسْتُ بِرَبِّكُمْ أُحْيِي وَأُمِيتُ؟ فَيَقُولُ أَحَدُ الْمَلَكَيْنِ: كَذَبْتَ، فَمَا يَسْمَعُهُ أَحَدٌ مِنَ النَّاسِ إِلَّا صَاحِبُهُ، فَيَقُولُ لَهُ: صَدَقْتَ وَيَسْمَعُهُ النَّاسُ، فَيَحْسَبُونَ أَنَّهُ صَدَّقَ الدَّجَّالَ، وَذَلِكَ فِتْنَةٌ، ثُمَّ يَسِيرُ حَتَّى يَأْتِيَ الْمَدِينَةَ وَلَا يُؤْذَنُ لَهُ فِيهَا، ثُمَّ يَقُولُ: هَذِهِ قَرْيَةُ ذَلِكَ الرَّجُلِ، ثُمَّ يَسِيرُ حَتَّى يَأْتِيَ الشَّامَ فَيُهْلِكُهُ اللَّهُ - عَزَّ وَجَلَّ - عِنْدَ عَقَبَةِ أَفِيقَ» ". رَوَاهُ أَحْمَدُ وَالطَّبَرَانِيُّ وَاللَّفْظُ لَهُ، وَرِجَالُهُ ثِقَاتٌ، وَفِي بَعْضِهِمْ كَلَامٌ لَا يَضُرُّ.

حضرت سفینہ رضی اللہ تعالیٰ عنہ بیان کرتے ہیں:نبی اکرم صلی اللہ علیہ وآلہ وسلم نے ہمیں خطبہ دیتے ہوئے ارشاد فرمایا:’’مجھ سے پہلے ہر نبی نے اپنی امت کو دجال سے ڈرایا ہے وہ بائیں آنکھ سے کانا ہو گا‘ اس کی دائیں آنکھ پر بڑا سا ٹکڑا ہو گا‘ اس کی دونوں آنکھوں کے درمیان کافر لکھا ہوا ہو گا‘ اس کے ساتھ دو وادیاں ہوں گی جن میں سے ایک جنت ہو گی اور دوسری آگ ہو گی‘ اس کی جنت در حقیقت آگ ہو گی اور اس کی آگ درحقیقت جنت ہو گی‘ اس کے ساتھ فرشتوں میں سے دو فرشتے ہوں گے جو دو انبیاء کے ساتھ مشابہت رکھتے ہوں گے‘ ان میں سے ایک اس کے دائیں طرف ہو گا اور دوسرا اس کے بائیں طرف ہو گا اور یہ چیز لوگوں کے لئے آزمائش کی وجہ ہو گی‘ وہ کہے گا کیا میں تمہارا پروردگار نہیں ہوں‘ میں زندگی دیتا ہوں اور میں موت دیتا ہوں تو دونوں فرشتوں میں سے ایک فرشتہ کہے گا تم جھوٹ بول رہے ہو‘ لوگوں میں سے کوئی بھی یہ بات نہیں سن سکے گا صرف دوسرا فرشتہ یہ بات سن سکے گا اور وہ (یعنی دوسرا فرشتہ) یہ کہے گا تم نے ٹھیک کہا ہے لیکن دوسرے فرشتے کی بات لوگ سن لیں گے اور لوگ یہ سمجھیں گے کہ اس نے دجال کی تصدیق کی ہے تو یہ ایک آزمائش ہو گی پھر وہ چلتا رہے گا یہاں تک کہ مدینہ منورہ آئے گا‘ اسے اس میں داخل ہونے کی اجازت نہیں ملے گی تو وہ کہے گا یہ ان صاحب (نبی اکرم صلی اللہ علیہ وآلہ وسلم ) کی بستی ہے پھر وہ چلے گا اور شام آ جائے گا‘ وہاں عقبہ افیق کے مقام پراللہ تعالیٰ اسے ہلاکت کا شکار کر دے گا‘‘۔یہ روایت امام احمد اور امام طبرانی نے نقل کی ہے روایت کے یہ الفاظ ان کے نقل کردہ ہیں اور اس کے رجال ثقہ ہیں اس کے بعض راویوں کے بارے میں ایسا کلام کیا گیا ہے‘ جو نقصان دہ نہیں ہے ۔

خَطَبَنَا رَسُولُ اللَّهِ ← سَفِينَةَ:

12518 - «وَعَنْ سُلَيْمَانَ بْنِ شِهَابٍ قَالَ: نَزَلَ عَلَيَّ عَبْدُ اللَّهِ ابْنُ مُعْتِمٍ، وَكَانَ مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - فَحَدَّثَنِي عَنِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ قَالَ: " الدَّجَّالُ لَيْسَ بِهِ خَفَاءٌ، إِنَّهُ يَجِيءُ مِنْ قِبَلِ الْمَشْرِقِ فَيَدْعُو لِي فَيُتَّبَعُ،» وَيَنْصَبُ لِلنَّاسِ فَيُقَاتِلُهُمْ وَيَظْهَرُ عَلَيْهِمْ، فَلَا يَزَالُ عَلَى ذَلِكَ حَتَّى يَقْدَمَ الْكُوفَةَ، فَيُظْهِرُ دِينَ اللَّهِ وَيَعْمَلُ بِهِ فَيُتَّبَعُ وَيُحَبُّ عَلَى ذَلِكَ، ثُمَّ يَقُولُ بَعْدَ ذَلِكَ: إِنِّي نَبِيٌّ، فَيَفْزَعُ مِنْ ذَلِكَ كُلُّ ذِي لُبٍّ وَيُفَارِقُهُ، فَيَمْكُثُ بَعْدَ ذَلِكَ حَتَّى يَقُولَ: أَنَا اللَّهُ، فَتُغْشَى عَيْنُهُ، وَتُقْطَعُ أُذُنُهُ، وَيُكْتَبُ بَيْنَ عَيْنَيْهِ كَافِرٌ، فَلَا يَخْفَى عَلَى كُلِّ مُسْلِمٍ، فَيُفَارِقُهُ كُلُّ أَحَدٍ مِنَ الْخَلْقِ فِي قَلْبِهِ مِثْقَالُ حَبَّةٍ مِنْ خَرْدَلٍ مِنْ إِيمَانٍ، وَيَكُونُ أَصْحَابُهُ وَجُنُودُهُ الْمَجُوسَ وَالْيَهُودَ وَالنَّصَارَى وَهَذِهِ الْأَعَاجِمُ مِنَ الْمُشْرِكِينَ، ثُمَّ يَدْعُو بِرَجُلٍ فِيمَا يَرَوْنَ فَيُؤْمَرُ بِهِ فَيُقْتَلُ، ثُمَّ يَقْطَعُ أَعْضَاءَهُ كُلَّ عُضْوٍ عَلَى حِدَةٍ، فَيُفَرِّقُ بَيْنَهَا حَتَّى يَرَاهُ النَّاسُ، ثُمَّ يَجْمَعُ بَيْنَهَا، ثُمَّ يَضْرِبُ بِعَصَاهُ فَإِذَا هُوَ قَائِمٌ، فَيَقُولُ: أَنَا اللَّهُ الَّذِي أُحْيِي وَأُمِيتُ، وَذَلِكَ كُلُّهُ سِحْرٌ يَسْحَرُ بِهِ أَعْيُنَ النَّاسِ لَيْسَ يَعْمَلُ مِنْ ذَلِكَ شَيْئًا ". رَوَاهُ الطَّبَرَانِيُّ، وَفِيهِ سَعِيدُ بْنُ مُحَمَّدٍ الْوَرَّاقُ وَهُوَ مَتْرُوكٌ.

سلیمان بن شہاب بیان کرتے ہیں :حضرت عبداللہ بن معتم رضی اللہ تعالیٰ عنہ میرے ہاں ٹھہرے وہ نبی اکرم صلی اللہ علیہ وآلہ وسلم کے اصحاب میں سے ہیں انہو نے مجھے نبی اکرم صلی اللہ علیہ وآلہ وسلم کے حوالے سے یہ حدیث بیان کی کہ نبی اکرم صلی اللہ علیہ وآلہ وسلم نے ارشاد فرمایا:’’دجال میں کوئی پوشیدگی نہیں ہے ۔ وہ مشرق کی طرف سے آئے گا اور دعوت دے گا تو اس کی پیروی کی جائے گی وہ لوگوں کے لئے جھنڈا نصب کرے گا پھر لوگوں کے ساتھ جنگ کرے گا اور وہ ان پر غالب آ جائے گا وہ اسی طرح کرتا رہے گا یہاں تک کہ کوفہ آ جائے گا پھر وہ اللہ کے دین کو (یعنی خود کو اس کا پیروکار) ظاہر کرے گا اور اس پر عمل کرے گا تو اس کی پیروی کی جائے گی اور اس بارے میں اس کے پیچھے چلا جائے گا پھر اس کے بعد وہ یہ کہے گا :میں نہیں ہوں ۔اس وقت ہر سمجھ دارشخص خوف زدہ ہو جائے گا اور اس سے الگ ہو جائے گا اس کے بعد وہ اس حالت میں رہے گا یہاں تک کہ پھر وہ یہ کہے گا:میں اللہ تعالیٰ ہوں پھر اس کی ایک آنکھ ضائع ہو جائے گی اور اس کا کان کٹ جائے گا ، اس کی دونوں کے درمیان کافر لکھا جائے گا اور یہ بات کسی مسلمان سے پوشیدہ نہیں رہے گی مخلوق میں سے ہر وہ شخص اس سے جدا ہو جائے گا جس کے دل میں رائی کے دانے کے جتنا ایمان موجود ہو گا دجال کے ساتھی اور اس کے لشکر کے افراد جو، یہ یہودی اور عیسائی ہوں گے، اور مشرکین سے تعلق رکھنے والے بھی ہوں گے پھر دجال ایک شخص کو بلائے گا لوگ یہ دیکھ رہے ہوں گے اس شخص کے بارے میں حکم دیا جائے گا اس شخص کو قتل کر دیا جائے گا پھر اس کے اعضاء کو کاٹ دیا جائے گا‘ ان میں سے ہر ایک عضو کو الگ سے کاٹا جائے گا اس کے اعضا ،لوگوں کی نظر میں ٹکڑے ٹکڑے ہو جائیں گے‘ پھر دجال انہیں اکٹھا کرے گا اور ان پر عصا مارے گا تو وہ شخص کھڑا ہو جائے گا تو دجال کہے گا میں وہ اللہ ہوں جو زندگی دیتا ہے اور میں وہ اللہ ہوں اور میں موت دیتا ہوں حالانکہ یہ سب کچھ جادو کا نتیجہ ہو گا جو لوگوں کی نظروں کو باندھ دے گا‘ اس نے ایسا کچھ نہیں کیا ہو گا ‘‘۔یہ روایت امام طبرانی نے نقل کی ہے ۔ اس کی سند میں ایک راوی سعید بن محمد وراق ہے‘ اور وہ متروک ہے ۔

الدَّجَّالُ لَيْسَ بِهِ خَفَاءٌ، ← كان من أصحاب النبي ← نَزَلَ عَلَيَّ عَبْدُ اللَّهِ ابْنُ مُعْتِمٍ، ← سُلَيْمَانَ بْنِ شِهَابٍ

12519 - وَعَنْ ثَعْلَبَةَ بْنِ عَبَّادٍ الْعَبْدِيِّ مِنْ أَهْلِ الْبَصْرَةِ قَالَ: شَهِدْتُ يَوْمًا خُطْبَةً لِسَمُرَةَ بْنِ جُنْدَبٍ، فَذَكَرَ فِي خُطْبَتِهِ حَدِيثًا عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قُلْتُ: فَذَكَرَ حَدِيثَ كُسُوفِ الشَّمْسِ حَتَّى قَالَ: فَوَافَقَ تَجَلِّيَ الشَّمْسِ جُلُوسُهُ فِي الرَّكْعَةِ الثَّانِيَةِ. قَالَ زُهَيْرٌ: حَسِبْتُهُ قَالَ: فَسَلَّمَ فَحَمِدَ اللَّهَ - عَزَّ وَجَلَّ - وَأَثْنَى عَلَيْهِ وَشَهِدَ أَنَّهُ عَبْدُ اللَّهِ وَرَسُولُهُ ثُمَّ قَالَ: " يَا أَيُّهَا النَّاسُ، أَنْشُدُكُمُ اللَّهُ إِنْ كُنْتُمْ تَعْلَمُونَ أَنِّي قَصَّرْتُ عَنْ شَيْءٍ مِنْ تَبْلِيغِ رِسَالَاتِ رَبِّي - عَزَّ وَجَلَّ - لَمَا أَخْبَرْتُمُونِي ذَاكَ ". قَالَ: فَقَامَ رِجَالٌ فَقَالُوا: نَشْهَدُ أَنَّكَ قَدْ بَلَّغْتَ رِسَالَاتِ رَبِّكَ، وَنَصَحْتَ لِأُمَّتِكَ، وَقَضَيْتَ الَّذِي عَلَيْكَ [ثُمَّ سَكَتُوا]. ثُمَّ قَالَ: " أَمَّا بَعْدُ، فَإِنَّ رِجَالًا يَزْعُمُونَ أَنَّ كُسُوفَ هَذِهِ الشَّمْسِ وَكُسُوفَ هَذَا الْقَمَرِ وَزَوَالَ هَذِهِ النُّجُومِ عَنْ مَطَالِعِهَا لِمَوْتِ رِجَالٍ عُظَمَاءَ مِنْ أَهْلِ الْأَرْضِ، وَإِنَّهُمْ كَذَبُوا، وَلَكِنَّهَا آيَاتٌ مِنْ آيَاتِ اللَّهِ - عَزَّ وَجَلَّ - يَخْتَبِرُ بِهَا عِبَادَهُ، فَيَنْظُرُ مَنْ يُحْدِثُ لَهُ مِنْهُمْ تَوْبَةً، وَإِنِّي وَاللَّهِ لَقَدْ رَأَيْتُ مُنْذُ قُمْتُ أُصَلِّي مَا أَنْتُمْ لَاقُوهُ مِنْ أَمْرِ دُنْيَاكُمْ وَآخِرَتِكُمْ، وَإِنَّهُ وَاللَّهِ لَا تَقُومُ السَّاعَةُ حَتَّى يَخْرُجَ ثَلَاثُونَ كَذَّابًا، آخِرُهُمُ الْأَعْوَرُ الدَّجَّالُ، مَمْسُوحُ الْعَيْنِ الْيُسْرَى كَأَنَّهَا عَيْنُ أَبَى تَحْيَا - لِشَيْخٍ حِينَئِذٍ مِنَ الْأَنْصَارِ بَيْنَهُ وَبَيْنَ حُجْرَةِ عَائِشَةَ - وَإِنَّهُ مَتَى يَخْرُجُ - أَوْ قَالَ: فَإِنَّهُ مَتَى مَا يَخْرُجُ - فَإِنَّهُ يَزْعُمُ أَنَّهُ اللَّهُ، فَمَنْ آمَنَ بِهِ وَصَدَّقَهُ وَاتَّبَعَهُ لَمْ يَنْفَعْهُ صَالِحٌ مِنْ عَمَلِهِ سَلَفَ، وَمَنْ كَفَرَ بِهِ وَكَذَّبَهُ لَمْ يُعَاقَبْ بِشَيْءٍ مِنْ عَمَلِهِ [وَقَالَ حَسَنٌ الْأَشْيَبُ: بِسَيِّءٍ مِنْ عَمَلِهِ] سَلَفَ، وَإِنَّهُ سَيَظْهَرُ أَوْ قَالَ سَوْفَ يَظْهَرُ - عَلَى الْأَرْضِ كُلِّهَا إِلَّا الْحَرَمَ وَبَيْتَ الْمَقْدِسِ، وَإِنَّهُ يُحْصَرُ الْمُؤْمِنُونَ فِي بَيْتِ الْمَقْدِسِ فَيُزَلْزَلُوا زِلْزَالًا شَدِيدًا، ثُمَّ يُهْلِكُهُ اللَّهُ - تَبَارَكَ وَتَعَالَى - حَتَّى أَنَّ جِذْمَ الْحَائِطِ - أَوْ قَالَ: أَصْلَ الْحَائِطِ - وَقَالَ حَسَنُ الْأَشْيَبُ: أَوْ أَصْلَ الشَّجَرَةِ - لَيُنَادِي - أَوْ قَالَ: يَقُولُ: يَا مُؤْمِنُ - أَوْ قَالَ: يَا مُسْلِمُ هَذَا يَهُودِيٌّ - أَوْ قَالَ: كَافِرٌ تَعَالَ فَاقْتُلْهُ ". قَالَ: " وَلَنْ يَكُونَ ذَلِكَ كَذَلِكَ حَتَّى تَرَوْا أُمُورًا يَتَفَاقَمُ شَأْنُهَا فِي أَنْفُسِكُمْ، وَتَسَاءَلُونَ بَيْنَكُمْ هَلْ كَانَ نَبِيُّكُمْ ذَكَرَ لَكُمْ مِنْ هَذَا ذِكْرًا وَحَتَّى تَزُولَ جِبَالٌ عَنْ مَرَاتِبِهَا ". قَالَ: " ثُمَّ عَلَى أَثَرِ ذَلِكَ الْقَبْضُ ". قَالَ: ثُمَّ شَهِدْتُ خُطْبَةً لِسَمُرَةَ ذَكَرَ فِيهَا هَذَا الْحَدِيثَ مَا قَدَّمَ كَلِمَةً وَلَا أَخَّرَهَا عَنْ مَوْضِعِهَا. رَوَاهُ أَحْمَدُ وَالْبَزَّارُ بِبَعْضِهِ، وَقَالَ فِيهِ: " فَمَنِ اعْتَصَمَ بِاللَّهِ فَقَالَ: رَبِّيَ اللَّهُ حَيٌّ لَا يَمُوتُ فَلَا عَذَابَ عَلَيْهِ، وَمَنْ قَالَ: أَنْتَ رَبِّي فَقَدْ فُتِنَ "، وَرِجَالُ أَحْمَدَ رِجَالُ الصَّحِيحِ غَيْرَ ثَعْلَبَةَ بْنِ عُبَادَةَ وَثَّقَهُ ابْنُ حِبَّانَ.

ثعلبہ بن عباد عبدی جن کا تعلق اہل بصرہ سے ہیں وہ بیان کرتے ہیں:ایک دن میں حضرت سمرہ بن جندب رضی اللہ تعالیٰ عنہ کے خطبے میں موجود تھا ۔ انہوں نے اپنے خطبے میں نبی اکرم صلی اللہ علیہ وآلہ وسلم کے حوالے سے ایک حدیث ذکر کی مصنف کہتے ہیں :میں یہ کہتا ہوں اس کے بعد انہوں نے سورج گرہن کے بارے میں حدیث نقل کی ہے جس میں آگے چل کے یہ الفاظ ہیں :’’پھر نبی اکرم صلی اللہ علیہ وآلہ وسلم کے دوسری رکعت کے بعد بیٹھنے کے دوران سورج روشن ہو گیا یہاں زہیر نامی راوی نے یہ الفاظ نقل کئے ہیں :میراخیال ہے کہ روایت میں یہ الفاظ ہیں:نبی اکرم صلی اللہ علیہ وآلہ وسلم نے سلام پھیرا پھر آپ نے اللہ تعالیٰ کی حمد وثناء بیان کی اور اس بات کی گواہی دی کہ آپ اللہ کے بندے اور اس کے رسول ہیں پھر آپ نے یہ ارشاد فرمایا:اے لوگو میں تمہیں اللہ کا واسطہ دے کر دریافت کرتا ہوں کہ اگر تم لوگ یہ بات جانتے ہو کہ میں نے اپنے پروردگار کے حکم کی تبلیغ میں کوئی کوتاہی کی ہو تو تم مجھے اس کے بارے میں بتاؤ‘ راوی بیان کرتے ہیں:تو کچھ لوگ کھڑے ہوئے انہوں نے عرض کی :ہم اس بات کی گواہی دیتے ہیں کہ آپ نے اپنے پروردگار کے پیغام کی تبلیغ کر دی ہے اپنی امت کی خیر خواہی کی ہے اور اپنے ذمہ لازم فرض کو ادا کیا ہے پھر وہ لوگ خاموش ہو گئے پھر نبی اکرم صلی اللہ علیہ وآلہ وسلم نے ارشاد فرمایا:اما بعد :کچھ لوگ یہ گمان کرتے ہیں کہ سورج کو گرہن لگنا یا چاند کو گرہن لگنا یا ستاروں کا ٹوٹنا زمین میں موجود بڑے لوگوں کے انتقال کی وجہ سے ہوتا ہے ایسالوگ غلط سوچتے ہیں یہ چیزیں اللہ کی نشانیوں میں سے کچھ نشانیاں ہیں‘ جن کے ذریعے اللہ تعالیٰ اپنے بندوں کو متوجہ کرتا ہے اور اس بات کا جائزہ لیتا ہے کہ ان میں سے کون توبہ کرتا ہے اللہ کی قسم جب میں یہاں کھڑا ہو نماز ادا کر رہا تھا تو میں نے وہ چیزیں دیکھی جن کا تم اپنے دنیاوی معاملات کے حوالے سے اور اپنی آخرت میں سامنا کرو گے اللہ کی قسم قیامت اس وقت تک قائم نہیں ہو گی جب تک نبوت کے تیس جھوٹے دعوے دار نہیں نکلیں گے جن میں سے آخر میں کانا دجال ہو گا‘ جس کی بائیں آنکھ ضائع ہو چکی ہو گی‘ وہ ابو تحیا کی آنکھ کی مانند ہو گی‘ نبی اکرم صلی اللہ علیہ وآلہ وسلم نے ایک بوڑھے شخص کے بارے میں یہ بات کہی جو انصار سے تعلق رکھتا تھا اور اس وقت نبی اکرم صلی اللہ علیہ وآلہ وسلم اور سیدہ عائشہ رضی اللہ تعالیٰ عنہا کے حجرے کے درمیان موجود تھا‘ نبی اکرم صلی اللہ علیہ وآلہ وسلم نے ارشاد فرمایا:جب وہ نکلے گا تو وہ یہ کہے گا:وہ اللہ ہے جو شخص اس پر ایمان لائے گا اور اس کی تصدیق کرے گا اور اس کی پیروی کرے گا تو اس شخص نے اس سے پہلے جو بھی نیک عمل کیا ہو گا وہ اسے فائدہ نہیں دے گا اور جو شخص اس کو جھٹلائے گا اس کی تکذیب کرے گا تو اس شخص کے کسی عمل کے حوالے سے اسے سزا نہیں دی جائے گی جو عمل اس نے پہلے کیا تھا (یہاں کچھ الفاظ کے بارے میں راوی کو شک ہے تا ہم اس کا مفہوم یہی ہے) وہ عنقریب ظاہر ہو گا پوری روئے زمین پر غالب آ جائے گا‘ صرف حرم اور بیت المقدس پر غالب نہیں آئے گا‘ اس وقت اہل ایمان بیت المقدس میں قلعہ بند ہو جائیں گے پھر وہاں شدید زلزلہ آئے گا اور پھر اللہ تعالیٰ دجال کو ہلاکت کا شکار کرے گا‘ یہاں تک کہ کسی دیوار کی بنیاد یا کسی درخت کی جڑ پکار کر یہ کہنے گی‘ اے مومن یا اے مسلمان یہ یہودی ہے یا یہ کافر ہے تم آؤ اور اسے قتل کر دو (یہ تمام شک راویوں کو ہے) نبی اکرم صلی اللہ علیہ وآلہ وسلم نے ارشاد فرمایا:اور ایسا اس وقت تک نہیں ہو گا جب تک تم لوگ ایسے امور نہیں دیکھ لو گے جن کے بارے میں تم پریشانی کا شکار ہو گے‘ اور ایک دوسرے سے دریافت کرو گے کہ کیا تمہارے نبی صلی اللہ علیہ وآلہ وسلم نے ان میں سے کسی چیز کے بارے میں تمہارے سامنے ذکر کیا ہے؟ اور ایسا اس وقت تک نہیں ہو گا‘ جب تک پہاڑ اپنی جگہ سے ہل نہیں جائیں گے نبی اکرم صلی اللہ علیہ وآلہ وسلم نے ارشاد فرمایا:پھر اس کے بعد قبض کرنا ہو گا (یعنی دنیاختم ہو جائے گی) ‘‘۔ راوی بیان کرتے ہیں:پھر ایک مرتبہ میں حضرت سمرہ رضی اللہ تعالیٰ عنہ کے خطبہ میں موجود تھا۔ انہوں نے اس خطبہ میں یہ حدیث تو انہوں نے کوئی ایک کلمہ اپنی جگہ سے نہ آگے کیا نہ پیچھے کیا۔ یہ روایت امام احمد نے نقل کی ہے امام بزار نے اس کا کچھ حصہ نقل کیا ہے ۔ اس روایت میں انہوں نے یہ الفاظ نقل کئے ہیں:’’جو شخص اللہ (کے دین) کو مضبوطی سے تھام لے گا‘ اور یہ کہے گا میرا پروردگار تو اللہ تعالیٰ ہے‘ جو زندہ ہے‘ جسے موت نہیں آئے گی تو اس شخص کو کوئی عذاب نہیں ہو گا اور جو شخص دجال سے یہ کہے گا تو میرا پروردگار ہے تو وہ آزمائش میں مبتلا ہو جائے گا‘‘۔

زُهَيْرٌ: حَسِبْتُهُ ← فَوَافَقَ تَجَلِّيَ الشَّمْسِ جُلُوسُهُ فِي الرَّكْعَةِ الثَّانِيَةِ. ← حَدِيثَ كُسُوفِ الشَّمْسِ حَتَّى ← فِي خُطْبَتِهِ حَديثاً ← شَهِدْتُ يَوْمًا خُطْبَةً لِسَمُرَةَ بْنِ جُنْدَبٍ، ← ثَعْلَبَةُ بْنُ عِبَادٍ الْعَبْدِيُّ، مِنْ أَهْلِ الْبَصْرَةِ