Majma uz Zawaid Wa Manba ul Fawaid

12294 - وَعَنِ الصُّنَابِحِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِنِّي مُكَاثِرٌ بِكُمُ الْأُمَمَ، فَلَا تَرْجِعُنَّ بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ» ". قُلْتُ: رَوَاهُ ابْنُ مَاجَهْ بِاخْتِصَارٍ. رَوَاهُ أَحْمَدُ وَأَبُو يَعْلَى، وَفِيهِ مُجَالِدُ بْنُ سَعِيدٍ وَفِيهِ خِلَافٌ.

حضرت صنابحی رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’میں دوسری اُمتوں کے سامنے تمہاری کثرت پر فخر کا اظہار کروں گا تو تم میرے بعد دوبارہ کافر نہ ہو جانا کہ ایک دوسرے کی گردنیں مارنے لگو‘‘۔ (علامہ ہیثمی فرماتے ہیں) میں یہ کہتا ہوں یہ روایت امام ابن ماجہ نے اختصار کے ساتھ نقل کی ہے ۔یہ روایت امام احمد اور امام ابو یعلی نے نقل کی ہے اس روایت کی سند میں ایک راوی مجالد بن سعید ہے اور اس میں اختلاف پایا جاتا ہے ۔

الصُّنَابِحِیّ،

12295 - وَعَنْ جَابِرِ بْنِ عَبْدِ اللَّهِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِنَّكُمُ الْيَوْمَ عَلَى دِينٍ، وَإِنِّي مُكَاثِرٌ بِكُمُ الْأُمَمَ، فَلَا تَمْشُوا بَعْدِي الْقَهْقَرَى» ". رَوَاهُ أَحْمَدُ وَأَبُو يَعْلَى وَالطَّبَرَانِيُّ فِي الْأَوْسَطِ، وَفِيهِ مُجَالِدٌ وَفِيهِ خِلَافٌ، وَبَقِيَّةُ رِجَالِهِ ثِقَاتٌ.

حضرت جابر بن عبداللہ رضی اللہ تعالیٰ عنہ روایت کرتے ہیں نبی اکرم صلی اللہ علیہ وآلہ وسلم نے ارشاد فرمایا:’’ تم لوگ آج دین پر قائم ہو اور میں تمہاری کثرت پر دیگر امتوں کے سامنے فخر کا اظہار کروں گا تم میرے بعد الٹے قدموں پلٹ نہ جانا‘‘۔یہ روایت امام احمد امام ابو یعلی نے اور امام طبرانی نے معجم اوسط میں نقل کی ہے اس کی سند میں ایک راوی مجالد ہے اور اس کے بارے میں اختلاف پایا جاتا ہے‘ اس روایت کے بقیہ رجال ثقہ ہیں۔

جَابِرِ بْنِ عَبْدِ اللَّهِ:

12296 - وَعَنْ أَنَسٍ عَنِ النَّبِيِّ - صَلَّى اللَّهُ عَلَيْهِ وَسَلَّمَ - أَنَّهُ قَالَ لَأَصْحَابِهِ: " «لَا أَعْرِفَنَّكُمْ تَرْجِعُونَ بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ» ". رَوَاهُ الْبَزَّارُ وَأَبُو يَعْلَى، وَفِيهِ مُبَارَكُ بْنُ سُحَيْمٍ وَهُوَ مَتْرُوكٌ.

حضرت انس رضی اللہ تعالیٰ عنہ بیان کرتے ہیں:نبی اکرم صلی اللہ علیہ وآلہ وسلم نے اپنے اصحاب سے ارشاد فرمایا:’’میں (قیامت کے دن) تم لوگوں کو ایسی حالت میں ہرگز نہ پاؤں کہ تم میرے بعد کافر ہو گئے تھے اور ایک دوسرے کی گردنیں مارنے لگے تھے‘‘۔یہ روایت امام بزار اور امام ابو یعلی نے نقل کی ہے اس کی سند میں ایک راوی مبارک بن سحیم ہے اور وہ متروک ہے ۔

النَّبِیِّ اَنَّہٗ ← أَنَسٍ،

12297 - وَعَنْ أُسَامَةَ بْنِ زَيْدٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «لَا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ» ". رَوَاهُ الطَّبَرَانِيُّ فِي الْأَوْسَطِ، وَفِيهِ مَنْ لَمْ أَعْرِفْهُ.

حضرت اسامہ بن زید رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’تم میرے بعد دوبارہ کافر نہ ہو جانا کہ ایک دوسرے کی گردنیں اڑانے لگو‘‘۔یہ روایت امام طبرانی نے معجم اوسط میں نقل کی ہے اور اس کی سند میں ایسا راوی ہے جس سے میں واقف نہیں ہوں ۔

أَسَامَةَ بْنِ زَيْدٍ

12298 - وَعَنْ عُبَادَةَ بْنِ الصَّامِتِ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «كُلُّ ذَنْبٍ عَسَى اللَّهُ أَنْ يَغْفِرَهُ إِلَّا مَنْ مَاتَ مُشْرِكًا أَوْ قَتَلَ مُؤْمِنًا مُتَعَمِّدًا» ". رَوَاهُ الْبَزَّارُ، وَرِجَالُهُ ثِقَاتٌ.

حضرت عبادہ بن صامت رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں:’’قیامت کے دن اللہ تعالیٰ ہر گناہ معاف کر دے گا البتہ اس شخص کا معاملہ مختلف ہے جو مشرک ہونے کے عالم میں مرا ہو یا جس نے کسی مؤمن کو جان بوجھ کر قتل کیا ہو‘‘۔یہ روایت امام بزار نے نقل کی ہے اور اس کے رجال ثقہ ہیں۔

النَّبِيِّ ← عُبَادَةَ بْنِ الصَّامِتِ

12299 - وَعَنْ عَامِرٍ الشَّعْبِيِّ قَالَ: لَمَّا قَاتَلَ مَرْوَانُ الضَّحَّاكَ بْنَ قَيْسٍ أَرْسَلَ إِلَى أَيْمَنَ بْنِ خُرَيْمٍ الْأَسَدِيِّ، فَقَالَ: إِنَّا نُحِبُّ أَنْ تُقَاتِلَ مَعَنَا. فَقَالَ: إِنَّ أَبِي وَعَمِّي شَهِدَا بَدْرًا فَعَهِدَا إِلَيَّ أَنْ لَا أُقَاتِلَ أَحَدًا يَشْهَدُ أَنْ لَا إِلَهَ إِلَّا اللَّهُ، فَإِنْ جِئْتَنِي بِبَرَاءَةٍ مِنَ النَّارِ قَاتَلْتُ مَعَكَ. فَقَالَ: اذْهَبْ، وَوَقَعَ فِيهِ وَسَبَّهُ، فَأَنْشَأَ أَيْمَنُ يَقُولُ: وَلَسْتُ مُقَاتِلًا رَجُلًا يُصَلِّي ... عَلَى سُلْطَانِ آخَرَ مِنْ قُرَيْشٍ لَهُ سُلْطَانُهُ وَعَلَيَّ إِثْمِي ... مَعَاذَ اللَّهِ مِنْ جَهْلٍ وَطَيْشِ. أُقَاتِلُ مُسْلِمًا فِي غَيْرِ شَيْءٍ ... فَلَيْسَ بِنَافِعِي مَا عِشْتُ عَيْشِي رَوَاهُ أَبُو يَعْلَى وَالطَّبَرَانِيُّ بِنَحْوِهِ، إِلَّا أَنَّهُ قَالَ: " وَلَسْتُ بِقَاتِلٍ رَجُلًا يُصَلِّي ". وَقَالَ: " مَعَاذَ اللَّهِ مِنْ فَشَلٍ وَطَيْشِ ". وَقَالَ: " أَأَقْتُلُ مُسْلِمًا فِي غَيْرِ جُرْمٍ ". وَرِجَالُ أَبِي يَعْلَى رِجَالُ الصَّحِيحِ، غَيْرُ زَكَرِيَّا بْنِ يَحْيَى زَحْمَوَيْهِ وَهُوَ ثِقَةٌ.

عامر شعبی بیان کرتے ہیں:جب مروان نے ضحاک بن قیس سے جنگ کرنے کا ارادہ کیا تو اس نے حضرت ایمن بن خریم اسدی رضی اللہ تعالیٰ عنہ کو پیغام بھیجا اور یہ کہا:کیا آپ یہ بات پسند کریں گے کہ ہمارے ساتھ جنگ میں حصہ لیں‘ انہوں نے جواب دیا:میرے والد اور میرے چچا غزوہ بدر میں شرکت کا شرف حاصل ہے ان دونوں نے مجھے یہ تلقین کی تھی کہ میں ایسے کسی شخص کے ساتھ جنگ نہ کروں جو اس بات کی گواہی دیتا ہو کہ اللہ تعالیٰ کے علاوہ اورکوئی معبود نہیں ہے اگر تم میرے پاس جہنم سے بچ جانے کا کوئی حکم لے کر آتے ہو تو میں تمہارے ساتھ جنگ کر لوں گا‘ اس نے کہا:آپ تشریف لے جائیں‘ اس نے ان پر تنقید کی اور انہیں برا بھلا کہا تو حضرت ایمن بن خریم اسدی رضی اللہ تعالیٰ عنہ نے یہ اشعار کہے:’’میں ایسے شخص کے ساتھ جنگ نہیں کروں گا جونماز ادا کرتا ہو اور جنگ کا مقصد صرف قریش سے تعلق رکھنے والے ایک شخص کی حکمرانی ہو‘ اسے تو اس کی حکمرانی مل جائے گی اور میرے ذمہ گناہ لازم آئے گا میں جہالت اور طیش سے اللہ کی پناہ مانگتا ہوں کیا میں کسی وجہ کے بغیر کسی مسلمان کے ساتھ جنگ کروں یہ چیز تو مجھے کوئی فائدہ نہیں دے گی خواہ میں جب تک بھی زندہ رہوں‘‘۔یہ روایت امام ابو یعلی نے نقل کی ہے‘ امام طبرانی نے اس کی مانند نقل کی ہے تاہم انہوں نے یہ الفاظ نقل کئے ہیں :’’میں ایسے کسی شخص کو قتل نہیں کروں گا جو نماز ادا کرتا ہو‘‘۔ اور اس میں یہ الفاظ ہیں :’’پھسل جانے اور طیش سے اللہ کی پناہ ہے‘‘۔ اور اس میں یہ الفاظ بھی ہیں :’’کیا میں کسی جرم کے بغیر کسی مسلمان کو قتل کر دوں‘‘۔یہ روایت امام ابو یعلی نے نقل کی ہے اور اس کے رجال صحیح کے رجال ہیں‘ صرف زکریا بن یحییٰ زحمویہ کا معاملہ مختلف ہے اور وہ ثقہ ہے۔

نُحِبُّ ← لما قاتل مروان الضحاك بن قيس أرسل إلى أيمن بن خريم الأسدي ← عَامِرٌ الشَّعْبِيُّ

12300 - وَعَنْ أَبِي سَعِيدٍ قَالَ: «قُتِلَ قَتِيلٌ عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَصَعِدَ النَّبِيُّ - صَلَّى اللَّهُ عَلَيْهِ وَسَلَّمَ - خَطِيبًا فَقَالَ: " أَمَا تَعْلَمُونَ مَنْ قَتَلَ هَذَا الْقَتِيلَ بَيْنَ أَظْهُرِكُمْ؟ " ثَلَاثَ مَرَّاتٍ. قَالُوا: اللَّهُمَّ لَا. فَقَالَ: " وَالَّذِي نَفْسُ مُحَمَّدٍ بِيَدِهِ، لَوْ أَنَّ أَهْلَ السَّمَاوَاتِ وَأَهْلَ الْأَرْضِ اجْتَمَعُوا عَلَى قَتْلِ مُؤْمِنٍ أَدْخَلَهُمُ اللَّهُ جَمِيعًا جَهَنَّمَ، وَلَا يُبْغِضُنَا أَهْلَ الْبَيْتِ أَحَدٌ إِلَّا كَبَّهُ اللَّهُ فِي النَّارِ» ". رَوَاهُ الْبَزَّارُ، وَفِيهِ دَاوُدُ بْنُ عَبْدِ الْحَمِيدِ وَغَيْرُهُ مِنَ الضُّعَفَاءِ.

حضرت ابو سعید خدری رضی اللہ تعالیٰ عنہ بیان کرتے ہیں:نبی اکرم صلی اللہ علیہ وآلہ وسلم کے زمانہ اقدس میں ایک شخص قتل ہو گیا نبی اکرم صلی اللہ علیہ وآلہ وسلم خطبہ دینے کے لئے (منبر پر) چڑھے آپ نے ارشاد فرمایا:کیا تم لوگ یہ بات نہیں جانتے ہو کہ تمہارے درمیان اس مقتول کو کس نے قتل کیا ہے یہ بات آپ نے تین مرتبہ دریافت کی تو لوگوں نے یہی کہا کہ اللہ جانتا ہے ہم نہیں جانتے ‘ نبی اکرم صلی اللہ علیہ وآلہ وسلم نے ارشاد فرمایا:’’اس ذات کی قسم ! جس کے دست قدرت میں محمد کی جان ہے اگر تمام آسمان والے اور تمام زمین والے کسی مومن کو قتل کرنے پر اکٹھے ہو جائیں تو اللہ تعالیٰ ان سب کو جہنم میں داخل کر دے گا اور ہم اہل بیت سے جو بھی شخص بغض رکھے گا اللہ تعالیٰ اسے اوندھے منہ جہنم میں ڈال دے گا‘‘۔یہ روایت امام بزار نے نقل کی ہے اس کی سند میں ایک راوی داؤد بن عبدالحمید ہے اور اس کے علاوہ دیگر ضعیف راوی ہیں۔

اللَّهُمَّ لَا. ← أَمَا تَعْلَمُونَ مَنْ قَتَلَ هَذَا الْقَتِيلَ بَيْنَ أَظْهُرِكُمْ؟ ثَلَاثَ مَرَّاتٍ. ← «قُتِلَ قَتِيلٌ عَلَى عَهْدِ رَسُولِ اللَّهِ فَصَعِدَ النَّبِيُّ خَطِيبًا ← اَبِیْ سَعِیْدٍ

12301 - وَعَنِ ابْنِ عَبَّاسٍ قَالَ: «قُتِلَ قَتِيلٌ عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لَا يُعْلَمُ قَاتِلُهُ، فَصَعِدَ مِنْبَرَهُ فَقَالَ: " يَا أَيُّهَا النَّاسُ، أَيُقْتَلُ قَتِيلٌ وَأَنَا بَيْنَ أَظْهُرِكُمْ لَا يُعْلَمُ مَنْ قَتَلَهُ؟ لَوْ أَنَّ أَهْلَ السَّمَاءِ وَالْأَرْضِ اجْتَمَعُوا عَلَى قَتْلِ مُسْلِمٍ لَعَذَّبَهُمُ اللَّهُ بِلَا عَدَدٍ وَلَا حِسَابٍ» ". رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ غَيْرَ عَطَاءِ بْنِ أَبِي مُسْلِمٍ، وَثَّقَهُ ابْنُ حِبَّانَ وَضَعَّفَهُ جَمَاعَةٌ.

حضرت عبداللہ بن عباس رضی اللہ تعالیٰ عنہ بیان کرتے ہیں:نبی اکرم صلی اللہ علیہ وآلہ وسلم کے زمانہ اقدس میں ایک شخص قتل ہو گیا، جس کے قاتل کا پیٹ نہیں چل سکا، نبی اکرم صلی اللہ علیہ وآلہ وسلم منبر پر چڑھے آپ نے ارشاد فرمایا:’’اے لوگو! کیا ایک شخص قتل ہو گیا ہے؟ جبکہ میں تمہارے درمیان موجود ہوں اور اس کے قتل کرنے والے کا پتہ نہیں چل سکا؟ اگر آسمان والے اور زمین والے سب اکٹھے ہو کر کسی مسلمان کو قتل کر دیں تو اللہ تعالیٰ کی گنتی اور حساب کے بغیر ان سب کو عذاب دے گا‘‘۔یہ روایت امام طبرانی نے نقل کی ہے اور اس کے رجال صحیح کے رجال ہیں‘ صرف عطاء بن ابو مسلم کا معاملہ مختلف ہے‘ ابن حبان نے اسے ثقہ قرار دیا ہے اور ایک جماعت نے اسے ضعیف کہا ہے ۔

يَا أَيُّهَا النَّاسُ، أَيُقْتَلُ قَتِيلٌ ← «قُتِلَ قَتِيلٌ عَلَى عَهْدِ رَسُولِ اللَّهِ لَا يُعْلَمُ قَاتِلُهُ، فَصَعِدَ مِنْبَرَهُ ← ابْنِ عَبَّاسٍ،

12302 - وَعَنْ أَبِي بَكْرَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «لَوْ أَنَّ أَهْلَ السَّمَاوَاتِ وَالْأَرْضِ اجْتَمَعُوا عَلَى قَتْلِ مُسْلِمٍ لَكَبَّهُمُ اللَّهُ جَمِيعًا عَلَى وُجُوهِهِمْ فِي النَّارِ» ". رَوَاهُ الطَّبَرَانِيُّ فِي الصَّغِيرِ، وَفِيهِ جِسْرُ بْنُ فَرْقَدٍ وَهُوَ ضَعِيفٌ.

حضرت ابو بکرہ رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں:’’اگر تمام آسمان اور زمین والے کسی مسلمان کے قتل پر اکٹھے ہو جائیں تو اللہ تعالیٰ ان سب کو ان کے چہروں کے بل جہنم میں ڈال دے گا‘‘۔ یہ روایت امام طبرانی نے معجم صغیر میں نقل کی ہے اس کی سند میں ایک راوی جسر بن فرقد ہے اور وہ ضعیف ہے ۔

النَّبِيِّ ← أَبِي بَكْرَةَ

12303 - وَعَنْ أَبِي هُرَيْرَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «لَوِ اجْتَمَعَ أَهْلُ السَّمَاءِ وَالْأَرْضِ عَلَى قَتْلِ مُؤْمِنٍ لَكَبَّهُمُ اللَّهُ فِي النَّارِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ أَبُو حَمْزَةَ الْأَعْوَرُ وَهُوَ مَتْرُوكٌ، وَقَالَ أَبُو حَاتِمٍ: يَكْتُبُ حَدِيثَهُ، وَبَقِيَّةُ رِجَالِهِ رِجَالُ الصَّحِيحِ.

حضرت ابو ہریرہ رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں:’’اگر تمام آسمان والے اور زمین والے کسی مومن کے قتل پر اکٹھے ہو جائیں تو اللہ تعالیٰ انہیں جہنم میں ڈال دے گا‘‘۔یہ روایت امام طبرانی نے معجم اوسط میں نقل کی ہے اس کی سند میں ایک راوی ابو حمزہ اعور ہے اور وہ متروک ہے‘ ابو حاتم کہتے ہیں :اس کی حدیث کو نوٹ کیا جائے گا‘ اس روایت کے بقیہ رجال صحیح کے رجال ہیں۔

أَبِي هُرَيْرَةَ،

12304 - وَعَنْ عَبْدِ اللَّهِ بْنِ عُمَرَ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «إِذَا مَشَى الرَّجُلُ إِلَى الرَّجُلِ فَقَتَلَهُ فَالْمَقْتُولُ فِي الْجَنَّةِ وَالْقَاتِلُ فِي النَّارِ» ". رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ.

حضرت عبداللہ بن عمر رضی اللہ تعالیٰ عنہ بیان کرتے ہیں :میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے:’’جب کوئی شخص چل کر دوسرے شخص کے پاس جائے اور اسے قتل کر دے تو مقتول جنت میں جائے گا اور قاتل جہنم میں جائے گا‘‘۔یہ روایت امام طبرانی نے معجم اوسط میں نقل کی ہے اور اس کے رجال صحیح کے رجال ہیں۔

رَسُولِ اللَّهِ ← عَبْدِ اللهِ بْنِ عُمَرَ

12305 - وَعَنْ عَبْدِ اللَّهِ بْنِ مَسْعُودٍ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «يَجِيءُ الْمَقْتُولُ آخِذًا قَاتِلَهُ وَأَوْدَاجُهُ تَشْخَبُ دَمًا عِنْدَ ذِي الْعِزَّةِ فَيَقُولُ: يَا رَبِّ، سَلْ هَذَا فِيمَ قَتَلَنِي؟ فَيَقُولُ: فِيمَ قَتَلْتَهُ؟ قَالَ: قَتَلْتُهُ لِتَكُونَ الْعِزَّةُ لِفُلَانٍ. قِيلَ: هِيَ لِلَّهِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ الْفَيْضُ بْنُ وَثِيقٍ وَهُوَ كَذَّابٌ.

حضرت عبداللہ بن مسعود رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں:’’(قیامت کے دن) مقتول آئے گا اس نے اپنے قاتل کو پکڑا ہوا ہو گا اور اس کی رگوں سے خون نکل رہا ہو گا وہ رب العزت کی بارگاہ میں آئے گا اور عرض کرے گا:اے میرے پروردگارا تو اس سے پوچھ کہ اس نے مجھے کیوں قتل کیا تھا؟ اللہ تعالیٰ اس شخص سے فرمائے گا تم نے اسے کیوں قتل کیا تھا ؟ تو قاتل جواب دے گا :میں نے اس لیے اسے قتل کیا تھا تاکہ غلبہ فلاں شخص کو مل جائے تو اس سے کہا جائے گا:غلبہ تو اللہ تعالیٰ کے لئے مخصوص ہے ‘‘۔یہ روایت امام طبرانی نے معجم اوسط میں نقل کی ہے اس کی سند میں ایک راوی فیض بن وثیق ہے اور وہ کذاب ہے ۔

فِيمَ قَتَلْتَهُ؟ ← يَا رَبِّ سَلْ هَذَا فِيمَ قَتَلَنِي ← «يَجِيءُ الْمَقْتُولُ آخِذًا قَاتِلَهُ، وَأَوْدَاجُهُ تَشْخَبُ دَمًا عِنْدَ ذِي الْعِزَّةِ، ← رَسُولِ اللَّهِ ← عَبْدِ اللهِ بْنِ مَسْعُودٍ