Majma uz Zawaid Wa Manba ul Fawaid

12246 - وَعَنْ جَابِرِ بْنِ سَمُرَةَ قَالَ: نُبِّئْتُ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: " «لَا يَزَالُ هَذَا الدِّينُ قَائِمًا تُقَاتِلُ عَلَيْهِ عِصَابَةٌ مِنَ الْمُسْلِمِينَ حَتَّى تَقُومَ السَّاعَةُ» "،

حضرت جابر بن سمرہ رضی اللہ تعالیٰ عنہ بیان کرتے ہیں :مجھے یہ بات بتائی گئی ہے:نبی اکرم صلی اللہ علیہ وآلہ وسلم نے ارشاد فرمایا:’’یہ دین مسلسل غالب رہے گا اور مسلمانوں کا ایک گروہ اس کی خاطر جنگ کرتا رہے گا یہاں تک کہ قیامت قائم ہو جائے گی (یعنی قیامت قائم ہونے تک ایسا ہوتارہے گا)‘‘۔

نُبِّئْتُ ← وَعَنْ جَابِرِ بْنِ سَمُرَةَ

12247 - وَفِي رِوَايَةٍ عَنْ جَابِرِ بْنِ سَمُرَةَ عَنْ مَنْ حَدَّثَهُ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَذَكَرَهُ. قُلْتُ: هُوَ فِي الصَّحِيحِ مِنْ حَدِيثِ جَابِرِ بْنِ سَمُرَةَ نَفْسِهِ. رَوَاهُ أَحْمَدُ، وَرِجَالُهُ رِجَالُ الصَّحِيحِ.

ایک روایت جو حضرت جابر بن سمرہ رضی اللہ تعالیٰ عنہ کے حوالے سے ایک شخص کے حوالے سے نبی اکرم صلی اللہ علیہ وآلہ وسلم سے منتقول ہے‘اس میں بھی اس کی مانند مذکور ہے ۔ (علامہ ہیثمی فرماتے ہیں) میں یہ کہتا ہوں وہ روایت صحیح میں‘ حضرت جابر بن سمرہ رضی اللہ تعالیٰ عنہ سے منقول حدیث کے طور پر مذکور ہے ۔یہ روایت امام احمد نے نقل کی ہے اور اس کے رجال صحیح کے رجال ہیں۔

مَنْ ← جَابِرَ بْنَ سَمُرَةَ ← وَفِي رِوَايَةٍ

12248 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «لَا تَزَالُ طَائِفَةٌ مِنْ أُمَّتِي عَلَى الدِّينِ ظَاهِرِينَ، لِعَدُوِّهِمْ قَاهِرِينَ، لَا يَضُرُّهُمْ مَنْ خَالَفَهُمْ إِلَّا مَا أَصَابَهُمْ مِنْ لَأْوَاءَ حَتَّى يَأْتِيَهُمْ أَمْرُ اللَّهِ وَهُمْ كَذَلِكَ ". قَالُوا: يَا رَسُولَ اللَّهِ، وَأَيْنَ هُمْ؟ قَالَ: " بِبَيْتِ الْمَقْدِسِ وَأَكْنَافِ بَيْتِ الْمَقْدِسِ» ". رَوَاهُ عَبْدُ اللَّهِ وِجَادَةً عَنْ خَطِّ أَبِيهِ، وَالطَّبَرَانِيُّ وَرِجَالُهُ ثِقَاتٌ. قُلْتُ: وَفِي فَضْلِ أَهْلِ الشَّامِ شَيْءٌ مِنْ هَذَا الْبَابِ.

حضرت ابو امامہ رضی اللہ تعالیٰ عنہ روایت کرتے ہیں نبی اکرم صلی اللہ علیہ وآلہ وسلم نے ارشاد فرمایا:’’اس امت کا ایک گروہ ہمیشہ دین پر گامزن رہے گا اور وہ لوگ اپنے دشمنوں پر غالب رہیں گے اور جو شخص ان کی مخالفت کرے گا‘ وہ ان کو کوئی نقصان نہیں پہنچا سکے گا‘ البتہ انہیں کچھ شدت (یعنی تنگی اور مشقت) کا سامنا کرنا پڑے گا یہاں تک کہ اللہ تعالیٰ کا حکم (یعنی قیامت) ان کے پاس آئے گا‘ تو وہ اسی حالت میں ہوں گے‘‘۔ لوگوں نے عرض کی :یا رسول اللہ وہ لوگ کہاں ہوں گے؟ نبی اکرم صلی اللہ علیہ وآلہ وسلم نے فرمایا:’’بیت المقدس میں (راوی کو شک ہے‘ یا شاید یہ الفاظ ہیں :) بیت المقدس کے اطراف و اکناف میں‘‘۔یہ روایت عبداللہ نے ’’وجادۃ‘‘ کے طور پر اپنے والد کی تحریر سے نقل کی ہے‘ اسے امام طبرانی نے بھی نقل کیا ہے اور ان کے رجال ثقہ ہیں۔ (علامہ ہیثمی فرماتے ہیں) اہل شام کی فضیلت سے متعلق باب میں اس نوعیت کی کچھ احادیث ذکر ہوں گی ۔

اَبِیْ اُمَامَۃَ،

12249 - وَعَنْ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «لَا تَزَالُ طَائِفَةٌ مِنْ أُمَّتِي ظَاهِرِينَ عَلَى الْحَقِّ حَتَّى تَقُومَ السَّاعَةُ» ". رَوَاهُ الطَّبَرَانِيُّ فِي الصَّغِيرِ وَالْكَبِيرِ، وَرِجَالُ الْكَبِيرِ رِجَالُ الصَّحِيحِ.

حضرت عمر رضی اللہ تعالیٰ عنہ روایت کرتے ہیں نبی اکرم صلی اللہ علیہ وآلہ وسلم نے ارشاد فرمایا:’’میری امت کا ایک گروہ ہمیشہ حق پر گامزن رہے گا‘ یہاں تک کہ قیامت قائم ہو جائے گی‘‘۔یہ روایت امام طبرانی نے معجم صغیر اور معجم کبیر میں نقل کی ہے معجم کبیر کے رجال صحیح کے رجال ہیں۔

عُمَرَ،

12250 - وَعَنْ جَابِرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «لَا تَزَالُ أُمَّتِي ظَاهِرِينَ عَلَى الْحَقِّ حَتَّى يَنْزِلَ عِيسَى ابْنُ مَرْيَمَ، فَيَقُولُ إِمَامُهُمْ: تَقَدَّمْ، فَيَقُولُ: أَنْتَ أَحَقُّ، بَعْضُكُمْ أُمَرَاءُ عَلَى بَعْضٍ، أَمْرٌ أَكْرَمَ بِهِ هَذِهِ الْأُمَّةَ» ". رَوَاهُ أَبُو يَعْلَى، وَفِيهِ مُوسَى بْنُ عُبَيْدَةَ وَهُوَ مَتْرُوكٌ.

حضرت جابر رضی اللہ تعالیٰ عنہ روایت کرتے ہیں نبی اکرم صلی اللہ علیہ وآلہ وسلم نے ارشاد فرمایا:”میری امت ہمیشہ حق پر گامزن رہے گی یہاں تک کہ حضرت عیسیٰ بن مریم علیہ السلام تشریف لائیں گے تو ان لوگوں کا امام یہ کہے گا:آپ آگے ہوں! تو وہ یہ فرمائیں گے تم زیادہ حق رکھتے ہو تم ایک دوسرے کے امیر ہو(نبی اکرم صلی اللہ علیہ وآلہ وسلم نے فرمایا:) یہ ایک ایسا معاملہ ہے جس کے حوالے سے اللہ تعالیٰ نے اس امت کو عزت عطا کی ہے‘‘ ۔یہ روایت امام ابو یعلی نے نقل کی ہے اس کی سند میں ایک راوی موسیٰ بن عبیدہ ہے‘ اور وہ متروک ہے ۔

جَابِرٍ

12251 - وَعَنْ أَنَسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «سَيُدْرِكُ رِجَالٌ مِنْ أُمَّتِي عِيسَى ابْنَ مَرْيَمَ وَيَشْهَدُونَ قِتَالَ الدَّجَّالِ» ". رَوَاهُ أَبُو يَعْلَى، وَفِيهِ عَبَّادُ بْنُ مَنْصُورٍ وَهُوَ ضَعِيفٌ.

حضرت انس رضی اللہ تعالیٰ عنہ روایت کرتے ہیں نبی اکرم صلی اللہ علیہ وآلہ وسلم نے ارشاد فرمایا:”میری امت کے کچھ لوگ حضرت عیسیٰ بن مریم علیہ السلام کا زمانہ پائیں گے اور وہ دجال کے ساتھ جنگ میں شریک ہوں گے‘‘۔یہ روایت امام ابو یعلی نے نقل کی ہے اس کی سند میں ایک راوی عباد بن منصور ہے اور وہ ضعیف ہے ۔

أَنَسٍ،

12252 - وَعَنْ أَبِي هُرَيْرَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «لَا يَزَالُ هَذَا الْأَمْرُ - أَوْ عَلَى هَذَا الْأَمْرِ - عِصَابَةٌ مِنْ أُمَّتِي لَا يَضُرُّهُمْ خِلَافُ مَنْ خَالَفَهُمْ حَتَّى يَأْتِيَهُمْ أَمْرُ اللَّهِ» ". رَوَاهُ الْبَزَّارُ، وَرِجَالُهُ رِجَالُ الصَّحِيحِ، غَيْرُ زُهَيْرِ بْنِ مُحَمَّدِ ابْنِ قَمِيرَ وَهُوَ ثِقَةٌ.

حضرت ابو ہریرہ رضی اللہ تعالیٰ عنہ نبی اکرم صلی اللہ علیہ وآلہ وسلم کایہ فرمان نقل کرتے ہیں:’’یہ معاملہ (راوی کو شک ہے شاید یہ الفاظ ہیں :)میری امت کا ایک گروہ اس معاملے (یعنی دین) پر گامزن رہے گا اور جو شخص ان کی مخالفت کرے گا اس کا اختلاف نہیں کوئی نقصان نہیں پہنچا سکے گا‘ یہاں تک کہ اللہ کا حکم ان لوگوں کے پاس آ جائے گا‘‘۔یہ روایت امام بزار نے نقل کی ہے اور اس کے رجال صحیح کے رجال ہیں‘ صرف زہیر بن محمد بن قمیر کا معامل مختلف ہے‘ اور وہ ثقہ ہے۔

النَّبِيِّ ← أَبِي هُرَيْرَةَ،

12253 - وَعَنْ أَبِي هُرَيْرَةَ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «لَا تَزَالُ طَائِفَةٌ مِنْ أُمَّتِي يُقَاتِلُونَ عَلَى أَبْوَابِ دِمَشْقَ وَمَا حَوْلَهُ عَلَى أَبْوَابِ بَيْتِ الْمَقْدِسِ وَمَا حَوْلَهُ، لَا يَضُرُّهُمْ خِذْلَانُ مَنْ خَذَلَهُمْ، ظَاهِرِينَ إِلَى يَوْمِ الْقِيَامَةِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ الْوَلِيدُ بْنُ عَبَّادٍ وَهُوَ مَجْهُولٌ.

حضرت ابو ہریرہ رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں:’’دمشق کے دروازوں کے پاس میری امت کا ایک گروہ مسلسل جنگ کرتارہے گا اور بیت المقدس کے دروازوں کے پاس اور اس کے اردگر دایک گروہ جنگ کرتا رہے گا‘ جو شخص انہیں رسوا کرنے کی کوشش کرے گا اس کی کوشش ان لوگوں کو کوئی نقصان نہیں پہنچائے گی اور وہ لوگ قیامت کے دن تک غالب رہیں گے‘‘۔یہ روایت امام طبرانی نے معجم اوسط میں نقل کی ہے اس کی سند میں ایک راوی ولید بن عباد ہے اور وہ مجہول ہے ۔

رَسُولِ اللَّهِ ← أَبِي هُرَيْرَةَ،

12254 - وَعَنْ مُرَّةَ الْبَهْزِيِّ أَنَّهُ سَمِعَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «لَا تَزَالُ طَائِفَةٌ مِنْ أُمَّتِي عَلَى الْحَقِّ ظَاهِرِينَ عَلَى مَنْ نَاوَأَهُمْ، وَهُمْ كَالْإِنَاءِ بَيْنَ الْأَكَلَةِ، حَتَّى يَأْتِيَ أَمْرُ اللَّهِ وَهُمْ كَذَلِكَ ". قُلْنَا: يَا رَسُولَ اللَّهِ، وَأَيْنَ هُمْ؟ قَالَ: " بِأَكْنَافِ بَيْتِ الْمَقْدِسِ ". قَالَ: وَحَدَّثَنِي أَنَّ الرَّمَلَةَ هِيَ الرَّبْوَةُ وَذَلِكَ أَنَّهَا مُغْرِبَةٌ وَمُشْرِقَةٌ». رَوَاهُ الطَّبَرَانِيُّ، وَفِيهِ جَمَاعَةٌ لَمْ أَعْرِفْهُمْ.

حضرت مرہ بہزی رضی اللہ تعالیٰ عنہ بیان کرتے ہیں :انہوں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے:”میری امت کا ایک گروہ ہمیشہ حق پر گامزن رہے گا اور وہ ان لوگوں پر غالب رہیں گے‘ جو ان کے مقابلے میں آئیں گے اور وہ کھانے والوں کے درمیان برتن کی مانند ہوں گے یہاں تک کہ اللہ تعالیٰ کا حکم آئے گا تو وہ اسی حالت میں ہوں گے‘‘۔ راوی بیان کرتے ہیں :ہم نے عرض کی یا رسول اللہ وہ لوگ کہاں ہوں گے؟ نبی اکرم صلی اللہ علیہ وآلہ وسلم نے فرمایا:بیت المقدس کے اطراف میں ۔ راوی بیان کرتے ہیں:انہوں نے مجھے یہ بات بھی بیان کی ہے:’’رملہ‘‘ سے مراد ٹیلہ ہے اور اس کی وجہ یہ ہے کہ ایک حصہ مغربی ہے اور ایک مشرقی حصہ ہے ۔یہ روایت امام طبرانی نے نقل کی ہے اس میں راویوں کی ایک جماعت ایسی ہے‘ جن سے میں واقف نہیں ہوں ۔

رَسُولِ اللَّهِ ← مُرَّةَ الْبَهْزِيِّ أَنَّهُ

12255 - عَنْ جَابِرِ بْنِ عَبْدِ اللَّهِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «عَرْشُ إِبْلِيسَ عَلَى الْبَحْرِ، ثُمَّ يَبْعَثُ سَرَايَاهُ فَيَفْتِنُونَ، فَأَعْظَمُهُمْ عِنْدَهُ أَعْظَمُهُمْ فِتْنَةً» ". رَوَاهُ الطَّبَرَانِيُّ فِي الْأَوْسَطِ، وَرِجَالُهُ وُثِّقُوا وَفِيهِمْ ضَعْفٌ.

حضرت جابر بن عبداللہ رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’ابلیس کا تخت سمندر پر ہے‘ پھر وہ اپنے لشکر بھیجتا ہے‘ تاکہ وہ لوگوں کو آزمائش کا شکار کریں تو ابلیس کے نزدیک ان میں سے سب سے زیادہ عظمت والا وہ ہوتا ہے‘ جو (کسی انسان کو) زیادہ بڑی آزمائش میں مبتلا کرتا ہے‘‘۔یہ روایت امام طبرانی نے معجم اوسط میں نقل کی ہے اور اس کے رجال کی توثیق کی گئی ہے اور ان میں ضعف پایا جاتا ہے ۔

جَابِرِ بْنِ عَبْدِ اللَّهِ:

12256 - عَنْ جَابِرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِنَّ اللَّهَ - عَزَّ وَجَلَّ - يَقُولُ: أَنْتَقِمُ مِمَّنْ أُبْغِضُ بِمَنْ أُبْغِضُ، ثُمَّ أُصَيِّرُ كُلًّا إِلَى النَّارِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ أَحْمَدُ بْنُ بَكْرٍ الْبَالِسِيُّ وَهُوَ ضَعِيفٌ.

حضرت جابر رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’بے شک اللہ تعالیٰ یہ فرماتا ہے:میں ان لوگوں سے انتقام لیتا ہوں، جنہیں میں نا پسند کرتا ہوں (اور انتقام) ان لوگوں کے ذریعے لیتا ہوں، جنہیں میں نا پسند کرتا ہوں اور پھر میں اُن سب کو جہنم میں بھیج دوں گا‘‘۔یہ روایت امام طبرانی نے معجم اوسط میں نقل کی ہے اس کی سند میں ایک راوی احمد بن بکر بالسی ہے اور وہ ضعیف ہے ۔

جَابِرٍ

12257 - عَنْ جَرِيرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «أَسْرَعُ الْأَرْضِ خَرَابًا يُسْرَاهَا ثُمَّ يُمْنَاهَا» ". رَوَاهُ الطَّبَرَانِيُّ فِي الْأَوْسَطِ، وَفِيهِ حَفْصُ بْنُ عُمَرَ بْنِ صَبَاحٍ الرَّقِّيُّ وَثَّقَهُ ابْنُ حِبَّانَ، وَبَقِيَّةُ رِجَالِهِ رِجَالُ الصَّحِيحِ.

حضرت جریر رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’زمین میں سے زیادہ جلدی‘ اُس کا بایاں حصہ برباد ہو گا پھر دایاں (برباد) ہو گا‘‘۔یہ روایت امام طبرانی نے معجم اوسط میں نقل کی ہے اس کی سند میں ایک راوی حفص بن عمر بن صباح رقی ہے‘ جسے ابن حبان نے ثقہ قرار دیا ہے اس روایت کے بقیہ رجال صحیح کے رجال ہیں۔

جَرِيرٌ