Majma uz Zawaid Wa Manba ul Fawaid

12174 - وَعَنْ أَبِي أُمَامَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " إِذَا رَأَيْتُمْ أَمْرًا لَا تَسْتَطِيعُونَ تَغْيِيرَهُ فَاصْبِرُوا حَتَّى يَكُونَ اللَّهُ هُوَ الَّذِي يُغَيِّرُهُ ". رَوَاهُ الطَّبَرَانِيُّ، وَفِيهِ عُفَيْرُ بْنُ مَعْدَانَ وَهُوَ ضَعِيفٌ. وَقَدْ تَقَدَّمَتْ أَحَادِيثُ فِي الْإِنْكَارِ بِالْيَدِ وَاللِّسَانِ وَالْقَلْبِ فِي بَابِ مَرَاتِبِ الْأَمْرِ بِالْمَعْرُوفِ.

حضرت ابو امامہ رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں:’’جب تم کوئی ایسا معاملہ دیکھو جسے تم تبدیل (یاختم) کرنے کی استطاعت نہ رکھتے ہو تو تم صبر سے کام لو یہاں تک کہ اللہ تعالیٰ اسے ختم کر دے‘‘۔یہ روایت امام طبرانی نے نقل کی ہے اس کی سند میں ایک راوی عفیر بن معدان ہے اور وہ ضعیف ہے ۔ اس سے پہلے نیکی کا حکم دینے کے مختلف مراتب سے متعلق باب میں ایسی احادیث گزر چکی ہیں جو ہاتھ یا زبان یا دل کے ذریعے انکار کرنے کے بارے میں ہیں۔

النَّبِيِّ ← اَبِیْ اُمَامَۃَ،

12175 - وَعَنْ طَارِقِ بْنِ شِهَابٍ قَالَ: جَاءَ عِتْرِيسُ بْنُ عُرْقُوبٍ الشَّيْبَانِيُّ إِلَى عَبْدِ اللَّهِ فَقَالَ: هَلَكَ مَنْ لَمْ يَأْمُرْ بِالْمَعْرُوفِ وَيَنْهَ عَنِ الْمُنْكَرِ. فَقَالَ: بَلْ هَلَكَ مَنْ لَمْ يَعْرِفْ قَلْبُهُ الْمَعْرُوفَ وَيُنْكِرِ الْمُنْكَرَ. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ.

طارق بن شہاب بیان کرتے ہیں :عتریس بن عرقوب شیبانی‘ حضرت عبداللہ رضی اللہ تعالیٰ عنہ کے پاس آئے اور بولے:وہ شخص ہلاکت کا شکار ہو گیا جس نے نیکی کا حکم نہیں دیا اور جو برائی سے منع نہیں کرتا تو انہوں نے فرمایا:جی نہیں! بلکہ وہ شخص ہلاکت کا شکار ہوتا ہے جس کا دل نیکی کو نیکی نہیں سمجھتا اور برائی کو برائی نہیں سمجھتا۔یہ روایت امام طبرانی نے نقل کی ہے اور اس کے رجال صحیح کے رجال ہیں۔

المنكر" ← هلك من لم يأمر بالمعروف وينه ← جَاءَ عِتْرِيسُ بْنُ عُرْقُوبٍ الشَّيْبَانِيُّ إِلَى عَبْدِ اللهِ ← طَارِقِ بْنِ شِهَابٍ،

12176 - وَعَنْ عَبْدِ اللَّهِ بْنِ مَسْعُودٍ قَالَ: النَّاسُ ثَلَاثَةٌ فَمَا سِوَاهُمْ فَلَا خَيْرَ فِيهِ: رَجُلٌ رَأَى فِئَةً تُقَاتِلُ فِي سَبِيلِ اللَّهِ فَجَاهَدَ بِنَفْسِهِ وَمَالِهِ، وَرَجُلٌ جَاهَدَ بِلِسَانِهِ وَأَمَرَ بِالْمَعْرُوفِ وَنَهَى عَنِ الْمُنْكَرِ، وَرَجُلٌ عَرَفَ الْحَقَّ بِقَلْبِهِ. رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُ.

حضرت عبداللہ بن مسعود رضی اللہ تعالیٰ عنہ بیان کرتے ہیں :لوگ تین قسم کے ہوتے ہیں‘ ان کے علاوہ لوگوں میں کوئی بھلائی نہیں ہے‘ ایک وہ شخص جو کسی گروہ کو دیکھے‘ جو اللہ کی راہ میں جہاد میں حصہ لینے لگا ہے تو وہ اپنی جان اور مال کے ہمراہ جہاد میں حصہ لے‘ ایک وہ شخص جو اپنی زبان کے ذریعے جہاد کرتا ہے نیکی کا حکم دیتا ہے اور برائی سے منع کرتا ہے اور ایک وہ شخص جو اپنے دل کے ذریعے حق کو پہچانتا ہے ۔یہ روایت امام طبرانی نے نقل کی ہے اس کی سند میں ایسا راوی ہے‘ جس سے میں واقف نہیں ہوں ۔

عَبْدِ اللهِ بْنِ مَسْعُودٍ

12177 - وَعَنْهُ قَالَ: إِذَا رَأَيْتَ الْفَاجِرَ فَلَمْ تَسْتَطِعْ أَنْ تُغَيِّرَ عَلَيْهِ فَاكْفَهِرَّ فِي وَجْهِهِ. رَوَاهُ الطَّبَرَانِيُّ بِإِسْنَادَيْنِ، فِي أَحَدِهِمَا شَرِيكٌ وَهُوَ حَسَنُ الْحَدِيثِ، وَبَقِيَّةُ رِجَالِهِ رِجَالُ الصَّحِيحِ. قُلْتُ: وَيَأْتِي حَدِيثٌ فِيمَنْ غَابَ عَنْ أَمْرٍ وَرَضِيَ بِهِ وَمِنْ شَهِدَهُ فَكَرِهَهُ.

اُن کے حوالے سے یہ بات منقول ہے:وہ فرماتے ہیں:جب تم کسی گنہگارشخص کو دیکھو اور تم اس (کے عمل) کو ختم کرنے کی استطاعت نہ رکھتے ہو تو تم ماتھے پر بل ڈال کر اس (شخص) کا سامنا کرو۔یہ روایت امام طبرانی نے دو اسناد کے ساتھ نقل کی ہے جن میں سے ایک سند میں ایک راوی شریک ہے اور وہ حسن الحدیث ہے اس روایت کے بقیہ رجال صحیح کے رجال ہیں۔ (علامہ ہیثمی فرماتے ہیں) میں یہ کہتا ہوں :آگے چل کے اس شخص کے بارے میں حدیث آئے گی جو کسی معاملے کے پاس موجود نہیں ہوتا لیکن اس سے راضی ہوتا ہے اور جو شخص اس معاملے کے پاس موجود ہوتا ہے‘ لیکن اس کو نا پسند کرتا ہے ۔

وعنه

12178 - عَنْ عَبْدِ اللَّهِ بْنِ بُسْرٍ قَالَ: لَقَدْ سَمِعْتُ حَدِيثًا مُنْذُ زَمَانٍ: إِذَا كُنْتُ فِي قَوْمٍ عِشْرِينَ رَجُلًا أَوْ أَقَلَّ أَوْ أَكْثَرَ فَتَصَفَّحْتَ وُجُوهَهُمْ فَلَمْ تَرَ فِيهِمْ رَجُلًا يُهَابُ فِي اللَّهِ - عَزَّ وَجَلَّ - فَاعْلَمْ أَنَّ الْأَمْرَ قَدْ رَقَّ. رَوَاهُ أَحْمَدُ وَالطَّبَرَانِيُّ، وَإِسْنَادُ أَحْمَدَ جَيِّدٌ.

حضرت عبداللہ بن بسر رضی اللہ تعالیٰ عنہ بیان کرتے ہیں:میں نے ایک طویل عرصہ پہلے ایک حدیث سنی تھی کہ جب تم بیس افراد میں موجود ہو یا (وہ افراد) اس سے کم ہوں یا اس سے زیادہ ہوں اور تم ان کے چہروں کا بغور جائزہ لو اور ان میں تمہیں کوئی ایسا شخص نظر نہ آئے ، جس سے اللہ تعالیٰ کی خاطر خوف زدہ ہوا جائے تو تم یہ بات جان لو کہ معاملہ کمزور ہو چکا ہے ۔یہ روایت امام احمد اور امام طبرانی نے نقل کی ہے امام احمد کی سند عمدہ ہے ۔

لَقَدْ ← عَبْدِ اللَّهِ بْنِ بُسْرٍ،

12179 - عَنِ الْوَلِيدِ بْنِ عُقْبَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِنَّ نَاسًا مِنْ أَهْلِ الْجَنَّةِ يَتَطَلَّعُونَ إِلَى أُنَاسٍ مِنْ أَهْلِ النَّارِ فَيَقُولُونَ: بِمَا دَخَلْتُمُ النَّارَ فَوَاللَّهِ مَا دَخَلْنَا الْجَنَّةَ إِلَّا بِمَا تَعَلَّمْنَا مِنْكُمْ؟ فَيَقُولُونَ: إِنَّا كُنَّا نَقُولُ وَلَا نَفْعَلُ» ". رَوَاهُ الطَّبَرَانِيُّ فِي الْأَوْسَطِ، وَفِيهِ أَبُو بَكْرٍ الدَّاهِرِيُّ وَهُوَ ضَعِيفٌ جِدًّا.

حضرت ولید بن عقبہ رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’اہل جنت سے تعلق رکھنے والے کچھ لوگ اہل جہنم سے تعلق رکھنے والے کچھ لوگوں کی طرف جھانک کر دیکھیں گے اور یہ کہیں گے :تم لوگ کس وجہ سے جہنم میں داخل ہو گئے ہو؟ اللہ کی قسم ! ہم تو جنت میں صرف اس وجہ سے داخل ہوئے ہیں جو ہم نے تم سے علم حاصل کیا تھا تو وہ جواب دیں گے :ہم کہا کرتے تھے لیکن عمل نہیں کرتے تھے ۔یہ روایت امام طبرانی نے معجم اوسط میں نقل کی ہے اس کی سند میں ایک راوی ابو بکر داہری ہے اور وہ انتہائی ضعیف ہے ۔

الْوَلِيدُ بْنُ عُقْبَةَ

12180 - وَعَنْ أَنَسِ بْنِ مَالِكٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «أَتَيْتُ لَيْلَةَ أُسَرِيَ بِي عَلَى رِجَالٍ تُقْرَضُ شِفَاهُهُمْ بِمَقَارِيضَ مِنْ نَارٍ، قُلْتُ: مَنْ هَؤُلَاءِ يَا جِبْرِيلُ؟ قَالَ: هَؤُلَاءِ خُطَبَاءُ أُمَّتِكَ الَّذِينَ يَأْمُرُونَ النَّاسَ بِالْبِرِّ وَيَنْسَوْنَ أَنْفُسَهُمْ وَهُمْ يَتْلُونَ الْكِتَابَ أَفَلَا يَعْقِلُونَ "

حضرت انس بن مالک رضی اللہ تعالیٰ عنہ نبی اکرم صلی اللہ علیہ وآلہ وسلم کا فرمان نقل کرتے ہیں:’’جس رات مجھے معراج کروائی گئی میں کچھ ایسے لوگوں کے پاس آیا جن کے ہونٹ آگ کی قینچیوں کے ذریعے کاٹے جا رہے تھے‘ میں نے دریافت کیا:اے جبرائیل! یہ کون لوگ ہیں؟ انہوں نے بتایا:یہ آپ کی اُمت کے خطیب ہیں جو لوگوں کو نیکی کا حکم دیتے تھے اور اپنے آپ کو بھول جاتے تھے‘ حالانکہ یہ لوگ کتاب کی تلاوت کرتے تھے کیا یہ عقل نہیں رکھتے تھے؟‘‘۔

اَنَسِ بْنِ مَالِکٍ،

12181 - وَفِي رِوَايَةٍ " تُقْرَضُ أَلْسِنَتُهُمْ بِمَقَارِيضَ مِنْ نَارٍ ". أَوْ قَالَ: " مِنْ حَدِيدٍ "

ایک روایت میں یہ الفاظ ہیں:’’ ان کی زبانیں آگ کی قینچیوں کے ذریعے کائی جائیں گی‘‘ راوی کو شک ہے شاید یہ الفاظ ہیں:’’ لوہے کی قینچیوں‘‘۔

مِنْ حَدِيدٍ ← وَفِي رِوَايَةٍ تُقْرَضُ أَلْسِنَتُهُمْ بِمَقَارِيضَ مِنْ نَارٍ أَوْ

12182 - وَفِي رِوَايَةٍ " أَتَيْتُ عَلَى سَمَاءِ الدُّنْيَا لَيْلَةَ أُسْرِيَ بِي فَرَأَيْتُ فِيهَا رِجَالًا تُقْطَعُ أَلْسِنَتُهُمْ وَشِفَاهُهُمْ» " فَذَكَرَ نَحْوَهُ. رَوَاهَا كُلَّهَا أَبُو يَعْلَى وَالْبَزَّارُ بِبَعْضِهَا وَالطَّبَرَانِيُّ فِي الْأَوْسَطِ، وَأَحَدُ أَسَانِيدِ أَبِي يَعْلَى رِجَالُهُ رِجَالُ الصَّحِيحِ.

ایک روایت میں یہ الفاظ ہیں:’’جس رات مجھے معراج کراوئی گئی میں آسمان دنیا پر آیا تو میں نے وہاں کچھ لوگوں کو دیکھا جن کی زبانیں اور ہونٹ کاٹے جا رہے تھے‘‘۔ اس کے بعد راوی نے حسب سابق روایت ذکر کی ہے ۔یہ تمام روایات امام ابو یعلی نے نقل کی ہے‘ امام بزار نے ان میں سے کچھ روایات نقل کی ہیں‘ امام طبرانی نے معجم اوسط میں اسے نقل کیا ہے‘ امام ابو یعلی کے مختلف اسانید میں سے ایک کے رجال صحیح کے رجال ہیں۔

الْبَزَّارُ بِبَعْضِهَا وَالطَّبَرَانِيُّ فِي الْأَوْسَطِ، وَأَحَدُ أَسَانِيدِ أَبِي يَعْلَى رِجَالُهُ رِجَالُ الصَّحِيحِ. ← نَحْوَهُ. رَوَاهَا كُلَّهَا أَبُو يَعْلَى

12183 - وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَنْ دَعَا النَّاسَ إِلَى قَوْلٍ أَوْ عَمَلٍ وَلَمْ يَعْمَلْ هُوَ بِهِ لَمْ يَزَلْ فِي سُخْطِ اللَّهِ حَتَّى يَكُفَّ أَوْ يَعْمَلَ مَا قَالَ أَوْ دَعَا إِلَيْهِ» ". رَوَاهُ الطَّبَرَانِيُّ، وَفِيهِ عَبْدُ اللَّهِ بْنُ خِرَاشٍ، وَثَّقَهُ ابْنُ حِبَّانَ وَقَالَ: يُخْطِئُ، وَضَعَّفَهُ الْجُمْهُورُ، وَبَقِيَّةُ رِجَالِهِ ثِقَاتٌ.

حضرت عبد اللہ بن عمر رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’جو شخص لوگوں کو کسی قول یا عمل کی طرف دعوت دے اور وہ خود اس پر عمل نہ کرے تو وہ شخص مسلسل اللہ تعالیٰ کی ناراضگی میں رہتا ہے یہاں تک کہ وہ اس عمل سے رُک جائے یا عمل کرے جو اس نے کہا تھا یا جس کی طرف اس نے دعوت دی تھی‘‘۔یہ روایت امام طبرانی نے نقل کی ہے اس کی سند میں ایک راوی عبد اللہ بن خراش ہے‘ جسے ابن حبان نے ثقہ قرار دیا ہے وہ کہتے ہیں:یہ غلطی کر جاتا ہے اور جمہور نے اسے ضعیف کہا ہے‘ اس روایت کے بقیہ رجال ثقہ ہیں ۔

ابْنِ عُمَرَ

12184 - وَعَنْ عَامِرِ بْنِ شَهْرٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «خُذُوا بِقَوْلِ قُرَيْشٍ وَدَعُوا فِعْلَهُمْ» ". رَوَاهُ أَحْمَدُ، وَرِجَالُهُ رِجَالُ الصَّحِيحِ غَيْرَ مُجَالِدٍ، وَقَدْ وُثِّقَ وَفِيهِ ضَعْفٌ.

حضرت عامر بن شہر رضی اللہ تعالیٰ عنہ بیان کرتے ہیں:میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے:قریش کے (اچھے) قول کو اختیار کر لو اور ان کے (برے) فعل کو چھوڑ دو!‘‘۔یہ روایت امام احمد نے نقل کی ہے اور اس کے رجال صحیح کے رجال ہیں‘ صرف مجالد کا معاملہ مختلف ہے‘ ایسے اُس کی توثیق کی کئی ہے اور اس میں ضعف پایا جاتا ہے ۔

رَسُولِ اللَّهِ ← عَامِرِ بْنِ شَهْرٍ

12185 - عَنْ أَنَسِ بْنِ مَالِكٍ قَالَ: «قُلْنَا: يَا رَسُولَ اللَّهِ، لَا نَأْمُرُ بِالْمَعْرُوفِ حَتَّى نَعْمَلَ بِهِ، وَلَا نَنْهَى عَنِ الْمُنْكَرِ حَتَّى نَجْتَنِبَهُ كُلَّهُ؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " بَلْ مُرُوا بِالْمَعْرُوفِ وَإِنْ لَمْ تَعْمَلُوا بِهِ، وَانْهَوْا عَنِ الْمُنْكَرِ وَإِنْ لَمْ تَجْتَنِبُوهُ كُلَّهُ» ". رَوَاهُ الطَّبَرَانِيُّ فِي الصَّغِيرِ وَالْأَوْسَطِ مِنْ طَرِيقِ عَبْدِ السَّلَامِ بْنِ عَبْدِ الْقُدُّوسِ بْنِ حَبِيبٍ عَنْ أَبِيهِ وَهُمَا ضَعِيفَانِ.

حضرت انس بن مالک رضی اللہ تعالیٰ عنہ بیان کرتے ہیں:ہم نے عرض کی :یا رسول اللہ! کیا ہم نیکی کا حکم اس وقت تک نہ دیں جب تک ہم خود اس پر عمل نہیں کرتے ؟ اور ہم برائی سے اس وقت تک منع نہ کریں جب تک برائیوں سے اجتناب نہیں کرتے؟ تو نبی اکرم صلی اللہ علیہ وآلہ وسلم نے ارشاد فرمایا:’’جی نہیں! بلکہ تم نیکی کا حکم دو اگرچہ تم اس پر عمل نہیں کرتے اور تم برائی سے منع کرو اگرچہ تم تمام برائیوں سے اجتناب نہیں کرتے‘‘۔یہ روایت امام طبرانی نے معجم صغیر اور معجم اوسط میں عبدالسلام بن عبدالقدوس بن حبیب کے حوالے سے ان کے والد سے نقل کی ہے‘ اور یہ دونوں ضعیف ہیں۔

قُلْنَا ← اَنَسِ بْنِ مَالِکٍ،