Majma uz Zawaid Wa Manba ul Fawaid

12138 - وَعَنْ جَابِرٍ وَأَبِي أَيُّوبَ الْأَنْصَارِيِّ قَالَا: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «مَا مِنِ امْرِئٍ يَخْذُلُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلَّا خَذَلَهُ اللَّهُ فِي مَوْطِنٍ يُحِبُّ فِيهِ نُصْرَتَهُ. وَمَا مِنِ امْرِئٍ يَنْصُرُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلَّا نَصَرَهُ اللَّهُ فِي مَوْطِنٍ يُحِبُّ فِيهِ نُصْرَتَهُ» ". قُلْتُ: حَدِيثُ جَابِرٍ وَحْدَهُ رَوَاهُ أَبُو دَاوُدَ. رَوَاهُ الطَّبَرَانِيُّ فِي الْأَوْسَطِ، وَإِسْنَادُهُ حَسَنٌ.

حضرت جابر رضی اللہ تعالیٰ عنہ اور حضرت ابو ایوب انصاری رضی اللہ تعالیٰ عنہ بیان کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’جو بھی شخص کسی مسلمان کو سی ایسے مقام پر رسوائی کا شکار کرے جہاں اس کی عزت میں کمی کی جا رہی ہو اور اس کی حرمت پامال کی جا رہی ہو تو اللہ تعالیٰ اس شخص کو ایسے مقام پر رسوائی کا شکار کرے گا جہاں وہ شخص اللہ تعالیٰ کی مدد چاہتا ہو گا اور جو بھی شخص کسی مسلمان کی ایسے مقام پر مدد کرنے جہاں اس کی عزت میں کمی کی جا رہی ہو یا اس کی حرمت پامال کی جا رہی ہو تو اللہ تعالیٰ ایسے مقام پر اس کی مدد کرے گا جہاں وہ اللہ تعالیٰ کی مدد چاہ رہا ہو‘‘۔ (علامہ ہیثمی فرماتے ہیں) میں یہ کہتا ہوں :امام ابو داؤد نے صرف حضرت جابر رضی اللہ تعالیٰ عنہ سے منقول روایت نقل کی ہے ۔ یہ روایت امام طبرانی نے معجم اوسط میں نقل کی ہے اور اس کی سند حسن ہے ۔

جَابِرٍ وَأَبِي أَيُّوبَ الْأَنْصَارِيِّ

12139 - وَعَنْ عِمْرَانَ بْنِ حُصَيْنٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «مَنْ نَصَرَ أَخَاهُ بِالْغَيْبِ وَهُوَ يَسْتَطِيعُ نَصْرَهُ نَصَرَهُ اللَّهُ فِي الدُّنْيَا وَالْآخِرَةِ» ". رَوَاهُ الْبَزَّارُ بِأَسَانِيدَ، وَأَحَدُهَا مَوْقُوفٌ عَلَى عِمْرَانَ، وَأَحَدُ أَسَانِيدِ الْمَرْفُوعِ رِجَالُهُ رِجَالُ الصَّحِيحِ، وَرَوَاهُ الطَّبَرَانِيُّ.

حضرت عمران بن حصین رضی اللہ تعالیٰ عنہ بیان کرتے ہیں:نبی اکرم صلی اللہ علیہ وآلہ وسلم نے ارشاد فرمایا:”جو شخص اپنے بھائی کی غیر موجودگی میں اس کی مددکرتا ہے اور وہ شخص اس کی مدد کرنے کی استطاعت بھی رکھتا ہو تو اللہ تعالیٰ اس شخص کی دنیا اور آخرت میں مدد کرتا ہے‘‘۔یہ روایت امام بزار نے نقل کی ہے یہ مختلف اسانید کے ساتھ منقول ہے جن میں سے ایک روایت حضرت عمران رضی اللہ تعالیٰ عنہ پر موقوف ہے اور مرفوع کی مختلف اسانید میں سے ایک کے رجال صحیح کے رجال ہیں‘ یہ روایت امام طبرانی نے نقل کی ہے ۔

عِمْرَانَ بْنِ حُصَيْنٍ

12140 - وَعَنِ ابْنِ عُمَرَ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «أُدْخِلَ رَجُلٌ فِي قَبْرِهِ، فَأَتَاهُ مَلَكَانِ فَقَالَا لَهُ: إِنَّا ضَارِبُوكَ ضَرْبَةً. فَقَالَ لَهُمَا: عَلَى مَا تَضْرِبَانِي؟ فَضَرَبَاهُ ضَرْبَةً امْتَلَأَ قَبْرُهُ مِنْهَا نَارًا، ثُمَّ تَرَكَاهُ حَتَّى أَفَاقَ وَذَهَبَ عَنْهُ الرُّعْبُ، فَقَالَ لَهُمَا: عَلَى مَا ضَرَبْتُمَانِي؟ فَقَالَا: إِنَّكَ صَلَّيْتَ صَلَاةً وَأَنْتَ عَلَى غَيْرِ طَهُورٍ، وَمَرَرْتَ بِرَجُلٍ مَظْلُومٍ فَلَمْ تَنْصُرْهُ» ". رَوَاهُ الطَّبَرَانِيُّ، وَفِيهِ يَحْيَى بْنُ عَبْدِ اللَّهِ الْبَابِلُتِّيُّ وَهُوَ ضَعِيفٌ.

حضرت عبداللہ بن عمر رضی اللہ تعالیٰ عنہ بیان کرتے ہیں :میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا:’’ایک شخص کو قبر میں اتارا گیا‘ دو فرشتے اس کے پاس آئے‘ ان دونوں نے اس سے کہا:ہم تم پر ایسی ضرب لگائیں گے تو اس شخص نے ان سے دریافت کیا :تم دونوں کیوں مجھ پر ضرب لگاؤ گے؟ ان دونوں نے اس پر ضرب لگائی‘ جس کی وجہ سے اس کی قبر آگ سے بھر گئی پھر ان دونوں نے اسے چھوڑ دیا‘ یہاں تک کہ جب اسے افاقہ ہوا اور اس کا رعب ختم ہوا تو اس نے ان دونوں سے کہا:تم دونوں نے مجھے کیوں ضرب لگائی ہے؟ تو دونوں فرشتوں نے کہا:تم نماز پڑھتے تھے جبکہ تم بے وضو ہوتے تھے یا مکمل طور پر پاک نہیں ہوتے تھے اور تم ایک مظلوم شخص کے پاس سے گزرے تھے اور تم نے اس کی مدد نہیں کی تھی‘‘۔یہ روایت امام طبرانی نے نقل کی ہے اس کی سند میں ایک راوی یحییٰ بن عبداللہ بابلتی ہے‘ اور وہ ضعیف ہے ۔

ابْنِ عُمَرَ

12141 - عَنْ أَبِي هُرَيْرَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: " «إِذَا خَفِيَتِ الْخَطِيئَةُ لَمْ تَضُرَّ إِلَّا صَاحِبَهَا، وَإِذَا ظَهَرَتْ فَلَمْ تُغَيَّرْ ضَرَّتِ الْعَامَّةَ» ". رَوَاهُ الطَّبَرَانِيُّ فِي الْأَوْسَطِ، وَفِيهِ مَرْوَانُ بْنُ سَالِمٍ الْغِفَارِيُّ وَهُوَ مَتْرُوكٌ.

حضرت ابو ہریرہ رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’جب برائی پوشیدہ ہو تو وہ صرف متعلقہ فرد کو نقصان دیتی ہے اور جب وہ ظاہر ہو جائے اور اسے مٹایا نہ جائے تو وہ عمومی لوگوں کو نقصان پہنچاتی ہے‘‘ ۔یہ روایت امام طبرانی نے معجم اوسط میں نقل کی ہے اس کی سند میں ایک راوی مروان بن سالم غفاری ہے‘ اور وہ متروک ہے ۔

أَبِي هُرَيْرَةَ،

12142 - وَعَنْ عَبْدِ اللَّهِ بْنِ مَسْعُودٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَا مِنْ رَجُلٍ يَكُونُ فِي قَوْمٍ يَعْمَلُ بِمَعَاصِي اللَّهِ فِيهِمْ، وَهُمْ أَكْثَرُ مِنْهُ وَأَعَزُّ، ثُمَّ يَدَّهِنُونَ فِي شَأْنِهِ إِلَّا عَاقَبَهُمُ اللَّهُ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ عَبْدُ الْعَزِيزِ بْنُ عُبَيْدِ اللَّهِ وَهُوَ ضَعِيفٌ.

حضرت عبداللہ بن مسعود رضی اللہ تعالیٰ عنہ بیان کرتے ہیں :میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے:’’جو بھی شخص ایسی قوم میں موجود ہو کہ وہ ان لوگوں کے درمیان اللہ تعالیٰ کے مقرر کردہ گناہوں پرعمل کرتا ہو اور دوسرے لوگ اس سے زیادہ تعداد میں ہوں اور غلبہ بھی رکھتے ہوں اور پھر بھی وہ اس شخص کے بارے میں کوتاہی کا اظہار کریں تو اللہ تعالیٰ ان سب لوگوں کو عذاب دیتا ہے‘‘۔یہ روایت امام طبرانی نے معجم کبیر اور معجم اوسط میں نقل کی ہے اس کی سند میں ایک راوی عبدالعزیز بن عبید اللہ ہے‘ اور وہ ضعیف ہے ۔

رَسُولِ اللَّهِ ← عَبْدِ اللهِ بْنِ مَسْعُودٍ

12143 - وَعَنِ الْعُرْسِ بْنِ عَمِيرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِنَّ اللَّهَ لَا يُعَذِّبُ الْعَامَّةَ بِعَمَلِ الْخَاصَّةِ حَتَّى تَعْمَلَ الْخَاصَّةُ بِعَمَلٍ تَقْدِرُ الْعَامَّةُ أَنْ تُغَيِّرَهُ وَلَا تَغَيُّرُهُ، فَذَاكَ حِينَ يَأْذَنُ اللَّهُ فِي هَلَاكِ الْعَامَّةِ وَالْخَاصَّةِ» ". رَوَاهُ الطَّبَرَانِيُّ، وَرِجَالُهُ ثِقَاتٌ.

حضرت عرس بن عمیرہ رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’بے شک اللہ تعالیٰ مخصوص لوگوں کے عمل کی وجہ سے عام لوگوں کو عذاب نہیں دیتا‘ جب مخصوص لوگ کوئی عمل کریں اور عام لوگ اسے ختم کرنے کی قدرت رکھتے ہوں اور پھر اسے ختم نہ کریں تو ایسی صورت میں اللہ تعالیٰ عام اور خاص (سب کو) ہلاک کرنے کا حکم دیدیتا ہے‘‘۔یہ روایت امام طبرانی نے نقل کی ہے اور اس کے رجال ثقہ ہیں۔

العرس بن عميرة

12144 - وَعَنِ ابْنِ عَبَّاسٍ قَالَ: «قِيلَ: يَا رَسُولَ اللَّهِ، أَتُهْلَكُ الْقَرْيَةُ فِيهِمُ الصَّالِحُونَ؟ قَالَ: " نَعَمْ ". فَقِيلَ: لِمَ يَا رَسُولَ اللَّهِ؟ قَالَ: " بِشَهَادَتِهِمْ وَسُكُوتِهِمْ عَنْ مَعَاصِي اللَّهِ». رَوَاهُ الطَّبَرَانِيُّ، وَفِيهِ يَحْيَى بْنُ يَعْلَى الْأَسْلَمِيُّ وَهُوَ ضَعِيفٌ. وَكَذَلِكَ رَوَاهُ الْبَزَّارُ بِنَحْوِهِ وَالطَّبَرَانِيُّ فِي الْأَوْسَطِ.

حضرت عبداللہ بن عباس رضی اللہ تعالیٰ عنہ بیان کرتے ہیں :عرض کی گئی :یا رسول اللہ! کیا ایسی بستی بھی ہلاکت کا شکار ہو جائے گی جس میں نیک لوگ موجود ہوں؟ نبی اکرم صلی اللہ علیہ وآلہ وسلم نے ارشاد فرمایا:جی ہاں! عرض کی گئی:یا رسول اللہ ! وہ کیوں؟ نبی اکرم صلی اللہ علیہ وآلہ وسلم نے فرمایا:کیونکہ وہ لوگ موجود تھے اور پھر بھی وہ اللہ تعالیٰ کے معاصی کے حوالے سے خاموش رہے ۔یہ روایت امام طبرانی نے نقل کی ہے اس کی سند میں ایک راوی یحییٰ بن یعلی اسلمی ہے اور وہ ضعیف ہے‘ امام بزار نے یہ روایت اسی طرح اس کی مانند نقل کی ہے اور امام طبرانی نے معجم اوسط میں اسے نقل کیا ہے ۔

قِيلَ ← وعن ابن عباس

12145 - وَعَنْ أُمِّ سَلَمَةَ قَالَتْ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «إِذَا ظَهَرَتِ الْمَعَاصِي فِي أُمَّتِي عَمَّهُمُ اللَّهُ بِعَذَابٍ مِنْ عِنْدِهِ ". فَقُلْتُ: يَا رَسُولَ اللَّهِ، أَمَا فِيهِمْ صَالِحُونَ؟ قَالَ: " بَلَى ". قُلْتُ: فَكَيْفَ يُصْنَعُ بِأُولَئِكَ؟ قَالَ: " يُصِيبُهُمْ مَا أَصَابَ النَّاسَ، ثُمَّ يَصِيرُونَ إِلَى مَغْفِرَةٍ مِنَ اللَّهِ وَرِضْوَانٍ» ". رَوَاهُ أَحْمَدُ بِإِسْنَادَيْنِ رِجَالُ أَحَدِهِمَا رِجَالُ الصَّحِيحِ.

سیدہ اُم سلمہ رضی اللہ تعالیٰ عنہ بیان کرتی ہیں:میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے:’’جب میری امت میں معاصی ظاہر ہو جائیں گے‘ تو اللہ تعالیٰ اپنی طرف سے ان سب کو عمومی عذاب دے گا‘ میں نے عرض کی :یا رسول اللہ! کیا ان میں نیک لوگ نہیں ہوں گے؟ نبی اکرم صلی اللہ علیہ وآلہ وسلم نے ارشاد فرمایا:جی ہاں! ہوں گے، میں نے عرض کی :تو پھر ان لوگوں کے ساتھ کیا ہو گا ؟ نبی اکرم صلی اللہ علیہ وآلہ وسلم نے فرمایا:جو چیز ان (گناہگار) لوگوں کو لاحق ہو گی وہ ان (نیک لوگوں) کو بھی لاحق ہو گی‘ اور پھر وہ لوگ اللہ تعالیٰ کی مغفرت اور اس کی رضامندی کی طرف چلے جائیں گے‘‘۔یہ روایت امام احمد نے دو اسناد کے ساتھ نقل کی ہے جن میں سے ایک کے رجال صحیح کے رجال ہیں۔

«إِذَا ظَهَرَتِ الْمَعَاصِي فِي أُمَّتِي عَمَّهُمُ اللَّهُ بِعَذَابٍ مِنْ عِنْدِهِ فَقُلْتُ: ← رَسُولِ اللَّهِ ← وَعَنْ أُمِّ سَلَمَةَ،

12146 - وَعَنْ عَائِشَةَ تَبْلُغُ بِهِ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «إِذَا ظَهَرَ السُّوءُ فِي أَرْضٍ أَنْزَلَ اللَّهُ - عَزَّ وَجَلَّ - بِأَهْلِ الْأَرْضِ بِأَسْهُ ". قَالَتْ: وَفِيهَا أَهْلُ طَاعَةِ اللَّهِ؟ قَالَ: " نَعَمْ، ثُمَّ يَصِيرُونَ إِلَى رَحْمَةِ اللَّهِ». رَوَاهُ أَحْمَدُ، وَفِيهِ امْرَأَةٌ لَمْ تُسَمَّ.

سیدہ عائشہ صدیقہ رضی اللہ تعالیٰ عنہا بیان کرتی ہیں:انہیں اس بات کا پتہ چلا ہے‘ نبی اکرم صلی اللہ علیہ وآلہ وسلم نے ارشاد فرمایا:’’ جب زمین میں برائی غالب ہو جائے تو اللہ تعالیٰ تمام اہل زمین پر اپنا عذاب نازل کر دیتا ہے‘ سیدہ عائشہ رضی اللہ تعالیٰ عنہا نے عرض کی :زمین میں اللہ تعالیٰ کی اطاعت کرنے والے بھی تو ہوتے ہیں؟ نبی اکرم صلی اللہ علیہ وآلہ وسلم نے فرمایا:جی ہاں! پھر وہ لوگ اللہ تعالیٰ کی طرف رحمت کی طرف چلے جائیں گے‘‘۔یہ روایت امام احمد نے نقل کی ہے اس کی سند میں ایک خاتون ایسی ہے جس کا نام بیان نہیں کیا گیا ہے ۔

نَعَمْ، ثُمَّ يَصِيرُونَ إِلَى رَوَاهُ أَحْمَدُ، وَفِيهِ امْرَأَةٌ لَمْ تُسَمَّ. ← وَفِيهَا أَهْلُ طَاعَةِ اللَّهِ؟ ← «إِذَا ظَهَرَ السُّوءُ فِي أَرْضٍ أَنْزَلَ اللَّهُ عَزَّ وَجَلَّ بِأَهْلِ الْأَرْضِ بِأَسْهُ ← وَعَنْ عَائِشَةَ تَبْلُغُ بِهِ النَّبِيَّ

12147 - وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِذَا أَنْزَلَ اللَّهُ - تَبَارَكَ وَتَعَالَى - بِقَوْمٍ عَذَابًا أَصَابَ الْعَذَابُ مَنْ كَانَ بَيْنَ أَظْهُرِهِمْ، ثُمَّ يَبْعَثُهُمُ اللَّهُ - تَبَارَكَ وَتَعَالَى - عَلَى أَعْمَالِهِمْ» ". رَوَاهُ أَحْمَدُ، وَفِيهِ الْحَجَّاجُ بْنُ أَرْطَاةَ وَهُوَ ضَعِيفٌ.

حضرت عبداللہ بن عمر رضی اللہ تعالیٰ عنہ روایت کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’جب اللہ تعالیٰ کسی قوم پر عذاب نازل کرتا ہے تو وہ عذاب ان کے درمیان سب کو لاحق ہوتا ہے اور پھر اللہ تعالیٰ ان لوگوں کے اعمال کے حساب سے ان لوگوں کو دوبارہ زندہ کرے گا‘‘۔ یہ روایت امام احمد نے نقل کی ہے اس کی سند میں ایک راوی حجاج بن ارطاۃ ہے‘ اور وہ ضعیف ہے ۔

ابْنِ عُمَرَ

12148 - وَعَنْ أَنَسِ بْنِ مَالِكٍ قَالَ: «ذُكِرَ فِي زَمَنِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - خَسْفٌ قِبَلَ الْمَشْرِقِ، فَقَالَ رَجُلٌ: يَا رَسُولَ اللَّهِ، يُخْسَفُ بِأَرْضٍ فِيهَا الْمُسْلِمُونَ؟ فَقَالَ: " نَعَمْ، إِذَا كَانَ أَكْثَرُ أَهْلِهَا الْخَبَثَ» ". رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَرِجَالُهُ رِجَالُ الصَّحِيحِ.

حضرت انس بن مالک رضی اللہ تعالیٰ عنہ بیان کرتے ہیں:نبی اکرم صلی اللہ علیہ وآلہ وسلم کے زمانے میں یہ بات پتہ چلی کہ مشرق کی سمت میں کوئی جگہ زمین میں دھنس گئی ہے ایک صاحب نے عرض کی :یا رسول اللہ! ایک ایسی زمین دھنس گئی ہے جس میں مسلمان بھی موجود تھے‘ نبی اکرم صلی اللہ علیہ وآلہ وسلم نے ارشاد فرمایا:”جی ہاں ! ایسا اس وقت ہوتا ہے جب وہاں کے رہنے والے زیادہ تر لوگ برائیوں میں مبتلا ہوں‘‘۔یہ روایت امام طبرانی نے معجم صغیر اور معجم اوسط میں نقل کی ہے اور اس کے رجال صحیح کے رجال ہیں۔

فِي زَمَنِ رَسُولِ اللَّهِ خَسْفٌ قِبَلَ الْمَشْرِقِ، فَقَالَ رَجُلٌ: ← وعن أنس بن مالك

12149 - وَعَنْ أُمِّ حَبِيبَةَ قَالَتْ: دَخَلَ عَلَيَّ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَهُوَ يَقُولُ: «إِنَّا لِلَّهِ وَإِنَّا إِلَيْهِ رَاجِعُونَ، وَيْلٌ لِلْعَرَبِ مِنْ شَرٍّ قَدِ اقْتَرَبَ، فُتِحَ مِنْ رَدْمِ يَأْجُوجَ وَمَأْجُوجَ مِثْلُ هَذِهِ " وَحَلَّقَ تِسْعِينَ. قُلْتُ: يَا رَسُولَ اللَّهِ، أَنَهْلِكُ وَفِينَا الصَّالِحُونَ؟ قَالَ: " نَعَمْ، إِذَا كَثُرَ الْخَبَثُ» ". رَوَاهُ الطَّبَرَانِيُّ فِي الْأَوْسَطِ، وَرِجَالُهُ ثِقَاتٌ.

سیدہ اُم حبیبہ رضی اللہ تعالیٰ عنہا بیان کرتی ہیں:نبی اکرم صلی اللہ علیہ وآلہ وسلم میرے ہاں تشریف لائے‘ آپ صلی اللہ علیہ وآلہ وسلم نے ارشاد فرمایا :’’بے شک ہم اللہ تعالیٰ کے لئے مخصوص ہیں اور بے شک ہم نے اسی کی طرف لوٹ کے جانا ہے عربوں کے لئے اس برائی کے حوالے سے بربادی ہے جو قریب آ چکی ہے یاجوج اور ماجوج کی دیوار کا اتناحصہ کھل گیا ہے‘ نبی اکرم صلی اللہ علیہ وآلہ وسلم نے نوے کا حلقہ بنا کر یہ بات ارشاد فرمائی‘ میں نے عرض کی :کیا ہم ہلاکت کا شکار ہو جائیں گے؟ جبکہ ہمارے درمیان نیک لوگ بھی موجود ہوں گے‘ نبی اکرم صلی اللہ علیہ وآلہ وسلم نے ارشاد فرمایا:جی ہاں! جب برائی کثرت سے ہو گی (تو ایسا ہی ہو گا)‘‘۔یہ روایت امام طبرانی نے معجم اوسط میں نقل کی ہے اور اس کے رجال ثقہ ہیں۔

لِلَّهِ ← دَخَلَ عَلَيَّ رَسُولُ اللَّهِ وَهُوَ ← أُمِّ حَبِيبَةَ،