Majma uz Zawaid Wa Manba ul Fawaid

11909 - عَنْ عُثْمَانَ بْنِ عَفَّانَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِذَا أَرَادَ اللَّهُ أَنْ يُزِيغَ قَلْبَ عَبْدٍ أَعْمَى عَلَيْهِ الْحِيَلَ» "، رَوَاهُ الطَّبَرَانِيُّ فِي الْأَوْسَطِ، وَفِيهِ مُحَمَّدُ بْنُ عِيسَى الطَّرَسُوسِيُّ وَهُوَ ضَعِيفٌ.

حضرت عثمان غنی رضی اللہ تعالیٰ عنہ روایت کرتے ہیں نبی اکرم صلی اللہ علیہ وآلہ وسلم نے ارشاد فرمایا:’’جب اللہ تعالیٰ یہ ارادہ کرتا ہے کہ وہ کسی بندے کو دل کو ٹیڑھا کر دے تو اللہ تعالیٰ اس کو حیلوں کے حوالے سے نابینا کر دیتا ہے‘‘۔یہ روایت امام طبرانی نے معجم اوسط میں نقل کی ہے اس کی سند میں ایک راوی محمد بن عیسیٰ طرسوسی ہے اور وہ ضعیف ہے ۔

عُثْمَانَ بْنِ عَفَّانَ،

11910 - وَعَنْ عَائِشَةَ قَالَتْ: «مَا رَفَعَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - رَأْسَهُ إِلَى السَّمَاءِ إِلَّا قَالَ: " يَا مُصَرِّفَ الْقُلُوبِ ثَبِّتْ قَلْبِي عَلَى طَاعَتِكَ» ". رَوَاهُ أَحْمَدُ، وَفِيهِ مُسْلِمُ بْنُ مُحَمَّدِ بْنِ زَائِدَةَ، قَالَ بَعْضُهُمْ: وَصَوَابُهُ صَالِحُ بْنُ مُحَمَّدِ بْنِ زَائِدَةَ، وَقَدْ وَثَّقَهُ أَحْمَدُ، وَضَعَّفَهُ أَكْثَرُ النَّاسِ، وَبَقِيَّةُ رِجَالِهِ رِجَالُ الصَّحِيحِ.

سیدہ عائشہ صدیقہ رضی اللہ تعالیٰ عنہ بیان کرتی ہیں:نبی اکرم صلی اللہ علیہ وآلہ وسلم جب بھی آسمان کی طرف سر اٹھا کر دیکھتے تھے تو یہ کہتے تھے:’’اے دلوں کو پھیرنے والے! تو میرے دل کو اپنی اطاعت پر ثابت رکھنا‘‘۔یہ روایت امام احمد نے نقل کی ہے اس کی سند میں ایک راوی مسلم بن محمد بن زائدہ ہے‘ بعض حضرات نے یہ کہا ہے:درست یہ ہے کہ یہ صالح بن محمد بن زائدہ ہے‘ امام احمد نے اسے ثقہ قرار دیا ہے‘ زیادہ تر لوگوں نے اسے ضعیف کہا ہے‘ اس کے رجال صحیح کے رجال ہیں۔

مَا رفع رَسُول الله رَأسه إِلَى السَّمَاء إِلَّا ← عَائِشَةَ

11911 - وَعَنْ عَائِشَةَ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ يَدْعُو: " يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ "، قَالَتْ عَائِشَةُ: فَقُلْتُ: بِأَبِي أَنْتَ وَأُمِّي يَا رَسُولَ اللَّهِ، أَتَخَافُ وَأَنْتَ رَسُولُ اللَّهِ؟ فَقَالَ: " يَا عَائِشَةُ، إِنَّ قُلُوبَ بَنِي آدَمَ بَيْنَ أُصْبُعَيْنِ مِنْ أَصَابِعِ الرَّحْمَنِ، فَمَنْ شَاءَ أَنْ يُقَلِّبَهُ مِنَ الضَّلَالَةِ إِلَى الْهُدَى أَوْ مِنَ الْهُدَى إِلَى الضَّلَالَةِ فَعَلَ» "، رَوَاهُ الطَّبَرَانِيُّ فِي الْأَوْسَطِ، وَفِيهِ الْعَلَاءُ بْنُ الْفَضْلِ، قَالَ ابْنُ عَدِيٍّ: فِي بَعْضِ مَا يَرْوِيهِ نَكِرَةٌ، وَبَقِيَّةُ رِجَالِهِ وُثِّقُوا وَفِيهِمْ خِلَافٌ.

سیدہ عائشہ صدیقہ رضی اللہ تعالیٰ عنہا بیان کرتی ہیں:نبی اکرم صلی اللہ علیہ وآلہ وسلم یہ دعا کیا کرتے تھے :’’اے دلوں کو پھیرنے والے! تو میرے دل کو اپنے دین پر ثابت رکھنا‘‘۔ سیدہ عائشہ رضی اللہ تعالیٰ عنہا بیان کرتی ہیں :میں نے عرض کی :یا رسول اللہ! میرے ماں باپ آپ پر قربان ہوں، کیا آپ کو بھی اندیشہ ہے حالانکہ آپ اللہ کے رسول ہیں؟ نبی اکرم صلی اللہ علیہ وآلہ وسلم نے ارشاد فرمایا: ’’اے عائشہ ! اولاد ِآدم کے دل رحمٰن کی انگلیوں میں سے‘ دو انگلیوں کے درمیان ہیں‘ وہ جس کے بارے میں چاہتا ہے کہ اسے گمراہی سے ہدایت کی طرف پلٹ دے یا ہدایت سے گمراہی کی طرف پلٹ دے تو وہ ایسا کر دیتا ہے‘‘۔یہ روایت امام طبرانی نے معجم اوسط میں نقل کی ہے اس کی سند میں ایک راوی معلیٰ بن فضل ہے‘ ابن عدی کہتے ہیں :اس کی نقل کردہ بعض روایات میں منکر ہونا پایا جاتا ہے‘ اس روایت کے بقیہ رجال کی توثیق کی گئی ہے‘ اور اُن کے بارے میں اختلاف پایا جاتا ہے ۔

عَائِشَةَ

11912 - وَعَنْ أُمِّ سَلَمَةَ تُحَدِّثُ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ يُكْثِرُ فِي دُعَائِهِ أَنْ يَقُولَ: " «اللَّهُمَّ مُقَلِّبَ الْقُلُوبِ ثَبِّتْ قَلْبِي عَلَى دِينِكَ "، قَالَتْ: قُلْتُ: يَا رَسُولَ اللَّهِ، وَإِنَّ الْقُلُوبَ لَتَتَقَلَّبُ؟ قَالَ: " نَعَمْ، مَا مِنْ خَلْقِ اللَّهِ مِنْ بَشَرٍ مِنْ بَنِي آدَمَ إِلَّا وَقَلْبُهُ بَيْنَ إِصْبُعَيْنِ مِنْ أَصَابِعِ اللَّهِ - عَزَّ وَجَلَّ - فَإِنْ شَاءَ أَقَامَهُ، وَإِنْ شَاءَ أَزَاغَهُ، فَنَسْأَلُ اللَّهَ أَنْ لَا يُزِيغَ قُلُوبَنَا بَعْدَ إِذْ هَدَانَا، وَنَسْأَلُهُ أَنْ يَهَبَ لَنَا مِنْ لَدُنْهُ رَحْمَةً إِنَّهُ هُوَ الْوَهَّابُ» "، فَذَكَرَ الْحَدِيثَ، وَبَعْضُهُ رَوَاهُ التِّرْمِذِيُّ. رَوَاهُ أَحْمَدُ، وَفِيهِ شَهْرُ بْنُ حَوْشَبٍ، وَقَدْ وُثِّقَ وَفِيهِ ضَعْفٌ.

سیدہ اُم سلمہ رضی اللہ تعالیٰ عنہا بیان کرتی ہیں:نبی اکرم صلی اللہ علیہ وآلہ وسلم اپنی دعا میں اکثر یہ دعا کیا کرتے تھے: ”اے اللہ! اے دلوں کو پھیرنے والے! تو میرے دل کو اپنے دین پر ثابت رکھنا‘‘۔ سیدہ اُم سلمہ رضی اللہ تعالیٰ عنہا بیان کرتی ہیں:میں نے عرض کی :یا رسول اللہ ! کیا دل بھی تبدیل ہو جاتے ہیں؟ نبی اکرم صلی اللہ علیہ وآلہ وسلم نے ارشاد فرمایا:جی ہاں! اللہ تعالیٰ کی مخلوق میں سے بنی آدم میں سے ہر انسان کا دل اللہ تعالیٰ کی انگلیوں میں سے دو انگلیوں کے درمیان ہے اگر اللہ تعالیٰ چاہے تو اسے ٹھیک رکھتا ہے اور اگر چاہے تو اسے ٹیڑھا کر دیتا ہے تو ہم اللہ تعالیٰ سے یہ دعا مانگتے ہیں کہ وہ ہمیں ہدایت دینے کے بعد ہمارے دلوں کو ٹیڑھا نہ کرے اور ہم اس سے یہ دعا مانگتے ہیں کہ وہ ہمیں اپنی طرف سے رحمت عطا کرے‘ بے شک وہ بہت زیادہ عطا کرنے والا ہے‘ ... اس کے بعد راوی نے پوری حدیث ذکر کی ہے‘ جس کا کچھ حصہ امام ترمذی نے بھی روایت کیا ہے ۔یہ روایت امام احمد نے نقل کی ہے اس کی سند میں ایک راوی شہر بن حوشب ہے‘ جس کی توثیق کی گئی ہے اور اس میں ضعف پایا جاتا ہے۔

أُمَّ سَلَمَةَ تُحَدِّثُ

11913 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " «إِنَّمَا قَلْبُ ابْنِ آدَمَ بَيْنَ إِصْبُعَيْنِ مِنْ أَصَابِعِ الرَّحْمَنِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ اللَّهِ بْنُ صَالِحٍ، وَثَّقَهُ عَبْدُ الْمَلِكِ بْنُ شُعَيْبٍ، وَضَعَّفَهُ غَيْرُهُ.

حضرت ابو ہریرہ رضی اللہ تعالیٰ عنہ روایت کرتے ہیں نبی اکرم صلی اللہ علیہ وآلہ وسلم نے ارشاد فرمایا:’’انسان کا دل رحمٰن کی انگلیوں میں سے دو انگلیوں کے درمیان ہے‘‘۔یہ روایت امام طبرانی نے معجم اوسط میں نقل کی ہے اس کی سند میں ایک راوی عبداللہ بن صالح ہے‘ جسے عبدالملک بن شعیب نے ثقہ قرار دیا ہے اور دیگر حضرات نے اسے ضعیف کہا ہے ۔

أَبِي هُرَيْرَةَ،

11914 - وَعَنْ نُعَيْمِ بْنِ هَمَّارٍ الْغَطَفَانِيِّ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَا مِنْ آدَمِيٍّ إِلَّا وَقَلْبُهُ بَيْنَ أُصْبُعَيْنِ مِنْ أَصَابِعِ الرَّحْمَنِ، إِنْ شَاءَ أَنْ يُزِيغَهُ أَزَاغَهُ، وَإِنْ شَاءَ أَنْ يُقِيمَهُ أَقَامَهُ، وَكُلَّ يَوْمٍ الْمِيزَانُ بِيَدِ اللَّهِ يَرْفَعُ أَقْوَامًا وَيَضَعُ آخَرِينَ إِلَى يَوْمِ الْقِيَامَةِ» ". رَوَاهُ الطَّبَرَانِيُّ، وَرِجَالُهُ ثِقَاتٌ.

حضرت نعیم بن ہمار غطفانی رضی اللہ تعالیٰ عنہ بیان کرتے ہیں :میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے:’’ہر آدمی کا دل رحمٰن کی انگلیوں میں سے دو انگلیوں کے درمیان ہوتا ہے اگر اللہ تعالیٰ اسے ٹیڑھا کرنا چاہے تو اسے ٹیڑھا کر دیتا ہے اگر وہ اسے ٹھیک رکھنا چاہے تو اسے ٹھیک رکھتا ہے اور روزانہ اللہ تعالیٰ کے ہاتھ میں میزان ہوتا ہے‘ وہ کچھ اقوام کو سر بلندی عطا کرتا ہے‘ اور کچھ لوگوں کو پست کر دیتا ہے‘ ایسا قیامت تک ہو گا‘‘۔یہ روایت امام طبرانی نے نقل کی ہے اور اس کے رجال ثقہ ہیں۔

رَسُولِ اللَّهِ ← نُعَيْمِ بْنِ هَمَّارٍ الْغَطَفَانِيِّ،

11915 - وَعَنْ سَمُرَةَ بْنِ فَاتِكٍ الْأَسَدِيِّ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «الْمِيزَانُ بِيَدِ اللَّهِ يَرْفَعُ أَقْوَامًا وَيَضَعُ أَقْوَامًا، وَقَلْبُ ابْنِ آدَمَ بَيْنَ إِصْبُعَيْنِ مِنْ أَصَابِعِ الرَّحْمَنِ، إِنْ شَاءَ أَزَاغَهُ، وَإِنْ شَاءَ أَقَامَهُ» ". رَوَاهُ الطَّبَرَانِيُّ، وَرِجَالُهُ ثِقَاتٌ.

حضرت سبرہ بن فاتک اسدی رضی اللہ تعالیٰ عنہ بیان کرتے ہیں:نبی اکرم صلی اللہ علیہ وآلہ وسلم نے ارشاد فرمایا:’’ میزان (یعنی ترازو) اللہ تعالیٰ کے ہاتھ میں ہے وہ کچھ لوگوں کو بلند کرتا ہے اور کچھ لوگوں کو پست کر دیتا ہے اور انسان کا دل رحمٰن کی انگلیوں میں سے دو انگلیوں کے درمیان ہے‘ اگر وہ چاہے تو اسے ٹیڑھا کر دیتا ہے اور اگر چاہے تو اسے ٹھیک کر دیتا ہے‘‘۔یہ روایت امام طبرانی نے نقل کی ہے اور اس کے رجال ثقہ ہیں۔

سمرة بن فاتك الأسدي

11916 - وَعَنِ الْمِقْدَادِ بْنِ الْأَسْوَدِ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «لَقَلْبُ ابْنِ آدَمَ أَسْرَعُ تَقَلُّبًا مِنَ الْقِدْرِ إِذَا اسْتَجْمَعَتْ غَلْيًا» ". رَوَاهُ الطَّبَرَانِيُّ بِأَسَانِيدَ، وَرِجَالُ أَحَدِهَا ثِقَاتٌ.

حضرت مقداد بن اسود رضی اللہ تعالیٰ عنہ بیان کرتے ہیں :میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے:’’انسان کا دل‘ اُس ہنڈیا سے زیادہ تیزی سے تبدیل ہوتا ہے کہ جب وہ جوش مار رہی ہو (یعنی ابلنے والی ہو)‘‘۔یہ روایت امام طبرانی نے مختلف اسانید کے ساتھ کے ساتھ نقل کی ہے جن میں سے ایک کے رجال ثقہ ہیں۔

رَسُولِ اللَّهِ ← الْمِقْدَادِ بْنِ الْأَسْوَدِ،

11917 - عَنْ أَنَسٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «لَا عَلَيْكُمْ أَنْ لَا تُعْجَبُوا بِأَحَدٍ حَتَّى تَنْظُرُوا بِمَاذَا يُخْتَمُ لَهُ، فَإِنَّ الْعَامِلَ يَعْمَلُ زَمَانًا مِنْ عُمُرِهِ أَوْ بُرْهَةً مِنْ دَهْرِهِ بِعَمَلٍ صَالِحٍ لَوْ مَاتَ عَلَيْهِ لَدَخَلَ الْجَنَّةَ، ثُمَّ يَتَحَوَّلُ لِيَعْمَلَ عَمَلًا سَيِّئًا، وَإِنَّ الْعَبْدَ لَيَعْمَلُ الْبُرْهَةَ مِنْ دَهْرِهِ بِعَمَلٍ سَيِّئٍ لَوْ مَاتَ عَلَيْهِ دَخَلَ النَّارَ، ثُمَّ يَتَحَوَّلُ فَيَعْمَلُ عَمَلًا صَالِحًا، وَإِذَا أَرَادَ اللَّهُ - تَبَارَكَ وَتَعَالَى - بِعَبْدٍ خَيْرًا اسْتَعْمَلَهُ قَبْلَ مَوْتِهِ "، قَالُوا: يَا رَسُولَ اللَّهِ، وَكَيْفَ يَسْتَعْمِلُهُ؟ قَالَ: " يُوَفِّقُهُ لِعَمَلٍ صَالِحٍ ثُمَّ يَقْبِضُهُ عَلَيْهِ» ". رَوَاهُ أَحْمَدُ، وَأَبُو يَعْلَى، وَالْبَزَّارُ، وَالطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ.

حضرت انس رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں:’’تم پر کوئی حرج نہیں ہو گا کہ اگر تم کسی شخص پر حیرانگی کا اظہار نہ کرو جب تک تم اس بات کا جائزہ نہیں لیتے کہ اس کا خاتمہ کس صورت حال پر ہوا ہے؟ کوئی عمل کرنے والا اپنے زندگی کے ایک طویل عرصے تک نیک عمل کرتا رہتا ہے اور وہ ایسا عمل ہوتا ہے کہ اگر وہ اس عمل پر مرتا تو وہ جنت میں داخل ہوتا اور پھر وہ منتقل ہو کر‘ برا عمل کرنا شروع کر دیتا ہے‘ اور کوئی بندہ ایک طویل عرصے تک برے عمل کرتا رہتا ہے کہ اگر وہ اس برے عمل پر مرتا تو جہنم میں چلا جاتا‘ لیکن پھر وہ منتقل ہو کر نیک عمل کرنا شروع کر دیتا ہے‘ جب اللہ تعالیٰ کسی بندے کے بارے میں بھلائی کا ارادہ کر لیتا ہے تو اس کی موت سے پہلے اس سے کام لیتا ہے‘ لوگوں نے عرض کی:یا رسول اللہ ! وہ اس سے کیسے کام لیتا ہے؟ نبی اکرم صلی اللہ علیہ وآلہ وسلم نے فرمایا :وہ اسے نیک عمل کی توفیق عطا کرتا ہے اور پھراسی چیز پر اس کی جان قبض کرتا ہے۔یہ روایت امام احمد امام ابو یعلی‘ امام بزار نے امام طبرانی نے معجم اوسط میں نقل کی ہے اور اس کے رجال صحیح کے رجال ہیں۔

أَنَسٍ،

11918 - وَعَنْ عَائِشَةَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ الرَّجُلَ لَيَعْمَلُ بِعَمَلِ أَهْلِ الْجَنَّةِ وَإِنَّهُ لَمَكْتُوبٌ فِي الْكِتَابِ مِنْ أَهْلِ النَّارِ فَمَاتَ فَدَخَلَ النَّارَ، وَإِنَّ الرَّجُلَ لَيَعْمَلُ بِعَمَلِ أَهْلِ النَّارِ وَإِنَّهُ لَمَكْتُوبٌ فِي الْكِتَابِ مِنْ أَهْلِ الْجَنَّةِ فَإِذَا كَانَ قَبْلَ مَوْتِهِ تَحَوَّلَ فَعَمِلَ بِعَمَلِ أَهْلِ الْجَنَّةِ فَمَاتَ فَدَخَلَهَا» ". رَوَاهُ أَحْمَدُ، وَأَبُو يَعْلَى بِأَسَانِيدَ، وَبَعْضُ أَسَانِيدِهِمَا رِجَالُهُ رِجَالُ الصَّحِيحِ.

سیدہ عائشہ صدیقہ رضی اللہ تعالیٰ عنہا نبی اکرم صلی اللہ علیہ وآلہ وسلم کا یہ فرمان نقل کرتی ہیں:’’آدمی اہل جنت کے سے عمل کرتا رہتا ہے اور لوح محفوظ میں اس کا نام اہل جہنم میں ہوتا ہے جب اس کی موت سے پہلے کا وقت آتا ہے تو وہ منتقل ہو کر اہل جہنم کے سے عمل کرنے لگتا ہے اور پھر مر کر جہنم میں چلا جاتا ہے اور کوئی شخص اہل جہنم کے سے عمل کرتا رہتا ہے حالانکہ لوح محفوظ میں اس کا نام اہل جنت میں ہوتا ہے تو آدمی مرنے سے پہلے منتقل ہو کر اہل جنت کے سے عمل کرنے لگتا ہے اور اسی حالت میں مر کے جنت میں داخل ہو جاتا ہے‘‘۔یہ روایت امام احمد اور امام ابو یعلی نے مختلف اسانید کے ساتھ نقل کی ہے‘ ان دونوں حضرات کی بعض اسانید کے رجال صحیح کے رجال ہیں۔

عَائِشَةَ

11919 - وَعَنِ ابْنِ عُمَرَ قَالَ: «خَرَجَ عَلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَابِضًا يَدَهُ عَلَى شَيْءٍ فِي يَدِهِ، فَفَتَحَ يَدَهُ الْيُمْنَى، فَقَالَ: " بِسْمِ اللَّهِ الرَّحْمَنِ الرَّحِيمِ هَذَا كِتَابٌ مِنَ الرَّحْمَنِ الرَّحِيمِ فِيهِ أَهْلُ الْجَنَّةِ بِأَعْدَادِهِمْ، وَأَسْمَائِهِمْ، وَأَحْسَابِهِمْ، مُجْمَلٌ عَلَيْهِمْ إِلَى يَوْمِ الْقِيَامَةِ لَا يُنْقَصُ مِنْهُمْ أَحَدٌ وَلَا يُزَادُ فِيهِمْ أَحَدٌ، وَقَدْ يُسْلَكُ بِالسَّعِيدِ طَرِيقُ الشَّقَاءِ حَتَّى يُقَالَ هُوَ مِنْهُمْ مَا أَشْبَهَهُ بِهِمْ، ثُمَّ يُزَالُ إِلَى سَعَادَتِهِ قَبْلَ مَوْتِهِ وَلَوْ بِفَوَاقِ نَاقَةٍ "، وَفَتَحَ يَدَهُ الْيُسْرَى فَقَالَ: " بِسْمِ اللَّهِ الرَّحْمَنِ الرَّحِيمِ هَذَا كِتَابٌ مِنَ الرَّحْمَنِ الرَّحِيمِ فِيهِ أَهْلُ النَّارِ بِأَعْدَادِهِمْ وَأَسْمَائِهِمْ، مُجْمَلٌ عَلَيْهِمْ إِلَى يَوْمِ الْقِيَامَةِ، لَا يُنْقَصُ مِنْهُمْ وَلَا يُزَادُ فِيهِمْ أَحَدٌ، وَقَدْ يُسْلَكُ بِالْأَشْقِيَاءِ طَرِيقُ أَهْلِ السَّعَادَةِ حَتَّى يُقَالَ هُوَ مِنْهُمْ وَمَا أَشْبَهَهُ بِهِمْ، ثُمَّ يُدْرِكُ أَحَدَهُمْ شَقَاؤُهُ قَبْلَ مَوْتِهِ وَلَوْ بِفَوَاقِ نَاقَةٍ "، ثُمَّ قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ: " الْعَمَلُ بِخَوَاتِيمِهِ» ثَلَاثًا، رَوَاهُ الْبَزَّارُ، وَفِيهِ عَبْدُ اللَّهِ بْنُ مَيْمُونٍ الْقَدَّاحُ وَهُوَ ضَعِيفٌ جِدًّا، وَقَالَ الْبَزَّارُ: هُوَ صَالِحٌ، وَبَقِيَّةُ رِجَالِهِ رِجَالُ الصَّحِيحِ.

حضرت عبداللہ بن عمر رضی اللہ تعالیٰ عنہ بیان کرتے ہیں:ایک مرتبہ نبی اکرم صلی اللہ علیہ وآلہ وسلم ہمارے پاس تشریف لائے‘ آپ نے اپنا مٹھی میں کوئی چیز لی ہوئی تھی‘ آپ نے اپنے دائیں ہاتھ کو کھولا اور فرمایا :”اللہ تعالیٰ کے نام سے برکت حاصل کرتے ہوئے جو بڑا مہربان نہایت رحم کرنے والا ہے‘ یہ بڑے مہربان‘ نہایت رحم کرنے والے کی طرف سے تحریر ہے اس میں اہل جنت‘ ان کی تعداد‘ ان کے اسماء‘ ان کے حسب نسب کا بیان ہے جو قیامت کے دن تک ہوں گے‘ ان لوگوں میں کوئی کمی نہیں ہو گی‘ ان میں کوئی اضافہ نہیں ہو گا، بعض اوقات کسی سعادت مند شخص کو بد نصیبی کے راستے پر چلایا جاتا ہے‘ یہاں تک کہ یہ کہا جاتا ہے :یہ اُن (بدنصیب لوگوں) میں سے ہو گا اور یہ ان کے ساتھ کتنی مشابہت رکھتا ہے؟ لیکن پھروہ مرنے سے پہلے سعادت کی طرف چلا جاتا ہے‘ خواہ وہ مرنے سے اتنی دیر پہلے جائے جتنی دیر میں اونٹنی کا دو مرتبہ دودھ دوہنے کے درمیان کا وقفہ ہوتا ہے‘‘۔ پھر نبی اکرم صلی اللہ علیہ وآلہ وسلم نے فرمایا: ہاتھ کھولا اور ارشاد فرمایا:’’اللہ تعالیٰ کے نام سے برکت حاصل کرتے ہوئے جو بڑامہربان نہایت رحم کرنے والا ہے یہ تحریر بڑے مہربان‘ نہایت رحم کرنے والے کی طرف سے ہے اس میں اہل جہنم ان کی تعداد اور ان کے نام ہیں‘ قیامت تک جتنے بھی لوگ ہوں گے‘ ان سب کا اس میں ذکر ہے‘ ان میں کوئی کمی نہیں ہو گی اور ان میں کوئی اضافہ نہیں ہو ‘ یہ لوگ جو بدنصیب | ہوتے ہیں یہ سعادت مندوں کے راستوں پر چل رہے ہوتے ہیں اور یہ کہا جاتا ہے کہ یہ (سعادت مندوں) میں سے ایک ہوں گے اور ان کے ساتھ کتنی مشابہت رکھتے ہیں، لیکن پھر ان میں سے کسی ایک کو اس کے مرنے سے پہلے اس کی بدنصیبی لاحق ہو جاتی ہے خواہ وہ اتنی پہلے ہو جتنی دیر دو مرتبہ اوٹنی کا دودھ دوہنے کے درمیان کا وقت ہوتا ہے‘‘۔ پھر نبی اکرم صلی اللہ علیہ وآلہ وسلم نے ارشاد فرمایا:”عمل میں خاتمے کا اعتبار ہوتا ہے‘‘۔یہ بات آپ صلی اللہ علیہ وآلہ وسلم نے تین مرتبہ ارشاد فرمائی ۔یہ روایت امام بزار نے نقل کی ہے اس کی سند میں ایک راوی عبداللہ بن میمون قداح ہے اور وہ انتہائی ضعیف ہے‘ امام بزار کہتے ہیں:یہ صالح ہے اس روایت کے بقیہ رجال صحیح کے رجال ہیں۔

ابْنِ عُمَرَ

11920 - وَعَنْ أَبِي هُرَيْرَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «إِنَّ الرَّجُلَ لَيَعْمَلُ - أَوْ قَالَ: يَعْمَلُ - بِعَمَلِ أَهْلِ النَّارِ سَبْعِينَ سَنَةً، ثُمَّ يُخْتَمُ لَهُ بِعَمَلِ أَهْلِ الْجَنَّةِ، وَيَعْمَلُ الْعَامِلُ سَبْعِينَ سَنَةً بِعَمَلِ أَهْلِ الْجَنَّةِ، ثُمَّ يُخْتَمُ لَهُ بِعَمَلِ أَهْلِ النَّارِ» "، رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ.

حضرت ابو ہریرہ رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں:’’ایک شخص ستر سال تک اہل جہنم کاسا عمل کرتا رہتا ہے لیکن اس کے لئے اہل جنت کے سے عمل کا خاتمہ ہوتا ہے اور کوئی شخص ستر سال تک اہل جنت کاسا عمل کرتا رہتا ہے لیکن اس کے لئے اہل جہنم کے عمل کا خاتمہ ہوتا ہے‘‘۔یہ روایت امام طبرانی نے معجم اوسط میں نقل کی ہے اور اس کے رجال صحیح کے رجال ہیں۔

إن الرجل ليعمل، أو ← النَّبِيِّ ← أَبِي هُرَيْرَةَ،