Majma uz Zawaid Wa Manba ul Fawaid

9371 - وَعَنِ ابْنِ عُمَرَ قَالَ: مَا تَعَاطَى النَّاسُ بَيْنَهُمْ قَطُّ أَفْضَلَ مِنَ الطَّرْقِ يَطْرُقُ الرَّجُلُ فَرَسَهُ فَيَجْرِي لَهُ أَجْرُهُ، وَيَطْرُقُ الرَّجُلُ فَحْلَهُ فَيَجْرِي لَهُ أَجْرُهُ وَيَطْرُقُ الرَّجُلُ كَبْشَهُ فَيَجْرِي لَهُ أَجْرُهُ. رَوَاهُ الطَّبَرَانِيُّ وَرِجَالُهُ ثِقَاتٌ.

حضرت عبداللہ بن عمر رضی اللہ عنہ بیا ن کرتے ہیں: لوگ آپس میں ایک دوسرے کے ساتھ جو مہربانی کرتے ہیں : اس میں کوئی بھی چیز جفتی کے لئے جانور دینے سے زیادہ فضیلت نہیں رکھتی آدمی اپنا گھوڑا جفتی کے لئے دیتا ہے ، تو اس کا اجر اس کے لئے جاری ہو جاتا ہے آدمی اپنا نر جانور جفتی کے لئے دیتا ہے ، تو اس کا اجر اس کے لئے جاری ہو جاتا ہے ، آدمی اپنا مینڈھا جفتی کے لئے دیتا ہے تو اس کا اجر اس شخص کے لئے جاری ہو جاتا ہے "۔ یہ روایت امام طبرانی نے نقل کی ہے اور اس کے رجال ثقہ ہیں ۔

ابْنِ عُمَرَ

9372 - عَنْ مُحَمَّدِ بْنِ سَلَامٍ قَالَ: حَدَّثَنِي بَعْضُ أَصْحَابِنَا قَالَ: عَرَضَ سَلْمَانُ بْنُ رَبِيعَةَ الْخَيْلَ، فَمَرَّ عَمْرُو بْنُ مَعْدِ يكَرِبَ عَلَى فَرَسٍ لَهُ، فَقَالَ لَهُ سَلْمَانُ بْنُ رَبِيعَةَ: هَذَا هَجِينٌ. فَقَالَ لَهُ عَمْرٌو: عَتِيقٌ، فَأَمَرَ بِهِ فَعُطِّشَ، ثُمَّ جَاءَ بِطَسْتٍ مِنْ مَاءٍ وَدَعَا بِعِتَاقِ الْخَيْلِ فَشَرِبَتْ فَجَاءَ فَرَسُ عَمْرٍو فَثَنَى يَدَيْهِ وَشَرِبَ وَهَذَا صُنْعُ الْهَجِينِ، فَنَظَرَ إِلَيْهِ فَقَالَ لَهُ: أَلَا تَرَى؟ فَقَالَ لَهُ: أَجَلِ الْهَجِينُ يَعْرِفُ الْهَجِينَ، فَبَلَغَ عُمَرَ فَكَتَبَ إِلَيْهِ: قَدْ بَلَغَنِي مَا قُلْتَ لِأَمِيرِكَ، وَبَلَغَنِي أَنَّ لَكَ سَيْفًا تُسَمِّيهِ الصَّمْصَامَةَ وَعِنْدِي سَيْفٌ مُصَمَّمٌ وَتَاللَّهِ لَئِنْ وَضَعْتُهُ عَلَى هَامَتِكَ لَا أُقْلِعُ حَتَّى أَبْلُغَ شَيْئًا ذَكَرَهُ مِنْ جَوْفِهِ، فَإِنْ سَرَّكَ أَنْ تَعْلَمَ أَحَقٌّ مَا أَقُولُ فَعَلْتُ. رَوَاهُ الطَّبَرَانِيُّ وَإِسْنَادُهُ مُنْقَطِعٌ.

محمد بن سلام بیان کرتے ہیں: میرے بعض ساتھیوں نے مجھے یہ بات بیان کی ہے : ایک مرتبہ سلمان بن ربیعہ نے ایک گھوڑا پیش کیا : عمرو بن معد یکرب اپنے گھوڑے پر سوار وہاں سے گزرے ، تو سلمان بن ربیعہ نے ان سے کہا : یہ ہجین ہے ۔ عمرو نے ان سے کہا: یہ عتیق ہے ، ان کے حکم کے تحت اسے پیاسا رکھا گیا پھر پانی کا طشت لایا گیا ، پھر انہوں نے عتیق گھوڑا منگوایا ، تو اس گھوڑے نے پی لیا، پھر عمرو کا گھوڑا آیا، اس نے دونوں پاؤں موڑے اور پھر پیا ، تو یہ ہجین کا طریقہ تھا۔ انہوں نے ان کی طرف دیکھا اور فرمایا: کیا تم نے دیکھا نہیں ؟ انہوں نے ان سے کہا : جی ہاں ! ہجین ہی ہجین کو پہچانتا ہے ، حضرت عمر رضی اللہ عنہ کو اس بات کی اطلاع ملی تو انہوں نے اسے خط لکھا کہ مجھے یہ پتہ چلا ہے کہ تم نے اپنے امیر کو یہ بات کہی ہے اور مجھے یہ اب پتہ چلی ہے کہ تمہاری ایک تلوار ہے ، جس کا نام تم نے " صمصامہ " رکھا ہوا ہے میرے پاس بھی ایک " مصمصم " تلوار ہے ۔ اللہ کی قسم ! اگر میں وہ تمہارے سر پر مار دوں ، تو وہ تمہیں کاٹتی ہوئی پیٹ تک پہنچ جائے گی ، اگر تمہیں یہ بات پسند ہو کہ جو میں نے کہا ہے ، وہ ٹھیک ہے ، تو میں ایسا کر لیتا ہوں ۔ یہ روایت امام طبرانی نے نقل کی ہے اور اس کی سند منقطع ہے ۔

بَعْضُ أَصْحَابِنَا ← مُحَمَّدُ بْنُ سَلاَمٍ،

9373 - عَنِ الزُّبَيْرِ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - أَعْطَى الزُّبَيْرَ سَهْمًا وَأُمَّهُ سَهْمًا وَفَرَسَهُ سَهْمَيْنِ». رَوَاهُ أَحْمَدُ وَرِجَالُهُ ثِقَاتٌ. قُلْتُ: وَتَأْتِي أَحَادِيثُ سَهْمَانِ لِلْخَيْلِ فِي قَسْمِهِ الْغَنِيمَةَ.

حضرت زبیر رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم نے حضرت زبیر رضی اللہ عنہ کو ایک حصہ دیا ان کی والدہ کو ایک حصہ دیا اور ان کے گھوڑے کو دو حصے دئیے۔ یہ روایت امام احمد نے نقل کی ہے اور اس کے رجال ثقہ ہیں۔ ( علامہ ہیثمی فرماتے ہیں : ) میں یہ کہتا ہوں : گھوڑے کے لئے دو حصے ہونے سے متعلق احادیث مال غنیمت کے تقسیم سے متعلق باب میں آگے آئیں گی۔

الزُّبَيْرِ

9374 - عَنِ ابْنِ عَبَّاسٍ قَالَ: «أَرْدَفَنِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - خَلْفَهُ، وَقُثَمُ أَمَامَهُ». قُلْتُ: إِرْدَافُهُ لِابْنِ عَبَّاسٍ فِي الصَّحِيحِ. رَوَاهُ أَحْمَدُ.

حضرت عبداللہ بن عباس رضی اللہ عنہ بیان کرتے ہیں: نبی اکرم صلی اللہ علیہ وآلہ وسلم نے مجھے اپنے پیچھے بٹھا لیا اور قثم کو اپنے آگے بٹھا لیا ۔ ( علامہ ہیثمی فرماتے ہیں: ) میں یہ کہتا ہوں ۔ حضرت عبداللہ بن عباس رضی اللہ عنہ کو پیچھے بٹھانے والی حدیث" صحیح " میں مذکور ہے ۔ یہ روایت امام احمد نے نقل کی ہے ۔

ابْنِ عَبَّاسٍ،

9375 - وَلَهُ عِنْدُ الْبَزَّارِ قَالَ: «أَفَاضَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مِنْ جَمْعٍ أَوْ عَرَفَةَ وَقُثَمُ بَيْنَ يَدَيْهِ وَالْفَضْلُ خَلْفَهُ». وَإِرْدَافُهُ لِلْفَضْلِ فِي الصَّحِيحِ. وَفِي إِسْنَادِ أَحْمَدَ وَالْبَزَّارِ جَابِرٌ الْجُعْفِيُّ، وَهُوَ ضَعِيفٌ.

ان صحابی کے حوالے سے امام بزار نے یہ روایت نقل کی ہے وہ بیان کرتے ہیں : نبی اکرم ق مزدلفہ سے یا شاید عرفہ سے روانہ ہوئے تو حضرت قثم رضی اللہ عنہ آپ صلی اللہ علیہ وآلہ وسلم کے آگے بیٹھے ہوئے تھے اور حضرت فضل رضی اللہ عنہ آپ صلی اللہ علیہ وآلہ وسلم کے پیچھے بیٹھے ہوئے تھا ۔ نبی اکرم صلی اللہ علیہ وآلہ وسلم کے حضرت فضل رضی اللہ عنہ کو اپنے پیچھے بٹھانے والی حدیث " صحیح " میں مذکور ہے ۔امام احمد اور امام بزار کی سند میں ایک راوی جابر جعفی ہے اور وہ ضعیف ہے۔

وَلَهُ عِنْدَ الْبَزَّارِ

9376 - عَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «صَاحِبُ الدَّابَّةِ أَحَقُّ بِصَدْرِهَا». رَوَاهُ الْبَزَّارُ وَضَعَّفَهُ.

حضرت ابو حریرہ رضی اللہ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: " جانور کا مالک آگے بیٹھنے کا زیادہ حق رکھتا ہے "۔ یہ روایت امام بزار نے نقل کی ہے اور انہوں نے اسے ضعیف قرار دیا ہے ۔

أَبِي هُرَيْرَةَ،

9377 - عَنْ أَبِي الدَّرْدَاءِ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: «إِنَّ لِلَّهِ مَلَائِكَةً يَنْزِلُونَ كُلَّ لَيْلَةٍ يَحْبِسُونَ الْكِلَابَ عَنْ دَوَابِّ الْغُزَاةِ، إِلَّا دَابَّةً فِي عُنُقِهَا جَرَسٌ». رَوَاهُ الطَّبَرَانِيُّ وَفِيهِ لَيْثُ بْنُ أَبِي سُلَيْمٍ وَهُوَ مُدَلِّسٌ، وَبَقِيَّةُ رِجَالِهِ ثِقَاتٌ وَفِي بَعْضِهِمْ كَلَامٌ لَا يَدْفَعُ عَدَالَتَهُمْ.

حضرت ابو درداء رضی اللہ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں : " بے شک اللہ تعالیٰ کے کچھ فرشتے ہیں ، جو ہر رات میں نازل ہوتے ہیں : اور وہ غازیوں کے جانوروں سے کتو ں کو دور رکھتے ہیں: البتہ اس جانور کا معاملہ مختلف ہے جس کی گردن میں گھنٹی موجود ہو"۔ یہ روایت امام طبرانی نے نقل کی ہے ۔ اس کی سند میں ایک راوی لیث بن ابو سلیم ہے اور وہ مدلس ہے اور اس کے رجال ثقہ ہیں اس کے بعض راویوں کے بارے میں ایسا کلام کیا گیا ہے ، جو ان کی عدالت کو پرے نہیں کرتا۔

«إِنَّ لِلَّهِ مَلَائِكَةً يَنْزِلُونَ كُلَّ لَيْلَةٍ يَحْبِسُونَ الْكِلَابَ ← النَّبِيِّ ← أَبِي الدَّرْدَاءِ،

9378 - عَنْ جَابِرٍ قَالَ: «شَكَا نَاسٌ إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَدَعَا لَهُمْ وَقَالَ: " عَلَيْكُمْ بِالنَّسَلَانِ». فَانْتَسَلْنَا فَوَجَدْنَاهُ أَخَفَّ عَلَيْنَا.

حضرت جابر رضی اللہ عنہ بیان کرتے ہیں: کچھ لوگوں نے نبی اکرم صلی اللہ علیہ وآلہ وسلم کے سامنے شکایت کی نبی اکرم صلی اللہ علیہ وآلہ وسلم نے ان کے لئے دعا کی اور ارشاد فرمایا: تم پر تیز رفتاری سے چلنا لازم ہے ۔ راوی کہتے ہیں: ہم نے تیز رفتاری سے چلنا شروع کیا تو ہم نے اسے پایا کہ یہ ہمارے لئے زیادہ سہولت کا باعث ہے ۔

عَلَيْكُمْ بِالنَّسَلَانِ». فَانْتَسَلْنَا فَوَجَدْنَاهُ أَخَفَّ عَلَيْنَا. ← «شَكَا نَاسٌ إِلَى النَّبِيِّ فَدَعَا لَهُمْ ← جَابِرٍ

9379 - عَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «بُعِثْتُ بَيْنَ يَدَيِ السَّاعَةِ بِالسَّيْفِ حَتَّى يُعْبَدَ اللَّهُ تَعَالَى وَحْدَهُ لَا شَرِيكَ لَهُ، وَجُعِلَ رِزْقِي تَحْتَ ظِلِّ رُمْحِي، وَجُعِلَ الذُّلُّ وَالصَّغَارُ عَلَى مَنْ خَالَفَ أَمْرِي». رَوَاهُ الطَّبَرَانِيُّ، وَفِيهِ عَبْدُ الرَّحْمَنِ بْنُ ثَابِتِ بْنِ ثَوْبَانَ وَثَّقَهُ ابْنُ الْمَدِينِيِّ وَأَبُو حَاتِمٍ وَغَيْرُهُمَا وَضَعَّفَهُ أَحْمَدُ وَغَيْرُهُ، وَبَقِيَّةُ رِجَالِهِ ثِقَاتٌ.

حضرت عبداللہ بن عمر رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا: " مجھے قیامت سے پہلے تلوار کے ہمراہ مبعوث کیا گیا تاکہ اللہ تعالیٰ کی عبادت کی جائے جس کے علاوہ اور کوئی معبود نہیں ہے اور کوئی اس کا شریک نہیں ہے اور میرا زرق میرے نیزے کے سائے کے نیچے رکھا گیا ہے اور ذلت اور حقارت اس شخص پر مسلط کر دی گئی ہے ، جو میرے حکم کی خلاف ورزی کرتا ہے "۔ یہ روایت امام طبرانی نے نقل کی ہے ۔ اس کی سند میں ایک راوی عبدالرحمٰن بن ثابت بن ثوبان ہے جسے ابن مدینی ابو حاتم اور دیگر حضرات نے ثقہ قرار دیا ہے ۔ امام احمد اور دیگر حضرات نے اسے ضعیف قرار دیا ہے ۔ اس روایت کے بقیہ رجال ثقہ ہیں ۔

ابْنِ عُمَرَ

9380 - وَعَنْ عُوَيْمِ بْنِ سَاعِدَةَ قَالَ: «أَبْصَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - رَجُلًا مَعَهُ قَوْسٌ فَارِسِيَّةٌ فَقَالَ: " اطْرَحْهَا " ثُمَّ أَشَارَ إِلَى الْقَوْسِ الْعَرَبِيَّةِ فَقَالَ: " بِهَذِهِ وَبِرِمَاحِ الْقَنَا يُمَكِّنُ اللَّهُ لَكُمْ فِي الْبِلَادِ وَيَنْصُرُكُمْ عَلَى عَدُوِّكُمْ». رَوَاهُ الطَّبَرَانِيُّ وَفِي إِسْنَادِهِ مَسَاتِيرُ لَمْ يُضَعَّفُوا وَلَمْ يُوَثَّقُوا.

حضرت عویم بن ساعدہ رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم نے ایک شخص کو دیکھا جس کے پاس فارسی کمان تھی آپ صلی اللہ علیہ وآلہ وسلم نے فرمایا: اسے رکھ دو! پھر آپ صلی اللہ علیہ وآلہ وسلم نے عربی کمان کی طرف اشارہ کرکے فرمایا: " یہ اور قنا کے نیزے ان کے ذریعے اللہ تعالیٰ تمہیں شہروں پر تسلط عطا کرے گا، اور تمہارے دشمن کے خلاف تمہاری مدد کرے گا "۔ یہ روایت امام طبرانی نے نقل کی ہے ۔ اس کی سند میں مستور راوی ہیں ، جنہیں نہ ہی ضعیف قرار دیا گیا ہے اور نہ ان کی توثیق کی گئی ہے ۔

اطْرَحْهَا ثُمَّ أَشَارَ إِلَى الْقَوْسِ الْعَرَبِيَّةِ ← أبصر رسول الله رجلا معه قوس فارسية ← عويم بن ساعدة

9381 - وَعَنْ عَبْدِ اللَّهِ بْنِ بُسْرٍ قَالَ: «بَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلِيَّ بْنَ أَبِي طَالِبٍ إِلَى خَيْبَرَ فَعَمَّمَهُ بِعِمَامَةٍ سَوْدَاءَ ثُمَّ أَرْسَلَهَا مِنْ وَرَائِهِ - أَوْ قَالَ: عَلَى كَتِفِهِ الْيُسْرَى - ثُمَّ خَرَجَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَتْبَعُ الْجَيْشَ وَهُوَ مُتَوَكِّئٌ عَلَى قَوْسٍ، فَمَرَّ بِهِ رَجُلٌ يَحْمِلُ قَوْسًا فَارِسِيًّا فَقَالَ: "أَلْقِهَا فَإِنَّهَا مَلْعُونَةٌ مَلْعُونٌ مَنْ يَحْمِلُهَا، عَلَيْكُمْ بِالْقَنَا وَالْقِسِيِّ الْعَرَبِيَّةِ فَإِنَّ بِهَا يُعِزُّ اللَّهُ دِينَكُمْ وَيَفْتَحُ لَكُمُ الْبِلَادَ». قَالَ يَحْيَى بْنُ حَمْزَةَ: إِنَّمَا قَالَ ذَلِكَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِأَنَّهَا كَانَتْ إِذْ ذَاكَ عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَأَمَّا الْيَوْمَ فَقَدْ صَارَتْ عُدَّةً وَقُوَّةً لِأَهْلِ الْإِسْلَامِ. رَوَاهُ الطَّبَرَانِيُّ عَنْ شَيْخِهِ بَكْرِ بْنِ سَهْلٍ الدِّمْيَاطِيِّ قَالَ الذَّهَبِيُّ: وَهُوَ مُقَارِبُ الْحَدِيثِ. وَقَالَ النَّسَائِيُّ: ضَعِيفٌ. وَبَقِيَّةُ رِجَالِهِ رِجَالُ الصَّحِيحِ إِلَّا أَنِّي لَمْ أَجِدْ لِأَبِي عُبَيْدَةَ عِيسَى بْنِ سُلَيْمٍ مِنْ عَبْدِ اللَّهِ بْنِ بِشْرٍ سَمَاعًا.

حضرت عبداللہ بن بسر رضی اللہ عنہ بیان کرتے ہیں : نبی اکرم صلی اللہ علیہ وآلہ وسلم نے حضرت علی بن ابو طالب رضی اللہ عنہ کو خیبر کی طرف بھیجا تو انہیں سیاہ عمامہ باندھا اور اس کا شملہ پیچھے کی طرف لٹکایا راوی کو شک ہے شاید یہ الفاظ ہیں : بائیں کندھے پر ڈالا پھر نبی اکرم صلی اللہ علیہ وآلہ وسلم لشکر کے پیچھے چلتے ہوئے تشریف لے گئے آپ صلی اللہ علیہ وآلہ وسلم نے کمان کے ساتھ ٹیک لگائی ہوئی تھی آپ کے پاس ایک شخص گزرا جس نے فارسی کمان اٹھائی ہوئی تھی نبی اکرم صلی اللہ علیہ وآلہ وسلم نے فرمایا: اسے رکھ دو کیونکہ یہ ملعون ہے اور جو شخص اسے اٹھائے وہ ملعون ہے تم پر قنا اور عربی کمانیں استعمال کرنا لازم ہے ، کیونکہ ان کے ذریعے تمہارے دین کو غلبہ عطا کرے گا، اور تمہارے لئے شہروں کو فتح کر دے گا۔ یحییٰ بن حمزہ کہتے ہیں : یہ بات نبی اکرم صلی اللہ علیہ وآلہ وسلم نے ارشاد فرمائی تھی اس کی وجہ یہ ہے کہ یہ نبی اکرم صلی اللہ علیہ وآلہ وسلم کے زمانے کے ساتھ مخصوص ہے جہاں تک آج کی بات ہے ، تو آج یہ کمانیں اہل اسلام کے ہتھیاروں اور قوت کا حصہ بن چکی ہیں ۔ یہ روایت امام طبرانی نے اپنے استاد بکر بن سہل دمیاطی کے حوالے سے نقل کی ہے ۔ امام ذہبی کہتے ہیں : یہ مقارب الحدیث ہے ۔ امام نسائی کہتے ہیں : یہ ضعیف ہے ۔ اس روایت کے بقیہ رجال صحیح کے رجال ہیں ۔ البتہ میں ابو عبیدہ عیسیٰ بن سلیم نامی راوی کے عبداللہ بن بشر سے سماع کے بارے میں کوئی روایت نہیں پائی ہے ۔

عَبْدِ اللَّهِ بْنِ بُسْرٍ،

9382 - وَعَنْ سَعْدِ بْنِ أَبِي وَقَّاصٍ رَفَعَهُ قَالَ: «عَلَيْكُمْ بِالرَّمْيِ فَإِنَّهُ خَيْرُ - أَوْ مِنْ خَيْرِ - لَهْوِكُمْ». رَوَاهُ الْبَزَّارُ، وَالطَّبَرَانِيُّ فِي الْأَوْسَطِ وَلَفْظُهُ: قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «عَلَيْكُمْ بِالرَّمْيِ فَإِنَّهُ خَيْرُ لَعِبِكُمْ». وَرِجَالُ الْبَزَّارِ رِجَالُ الصَّحِيحِ خَلَا حَاتِمَ بْنَ اللَّيْثِ وَهُوَ ثِقَةٌ وَكَذَلِكَ رِجَالُ الطَّبَرَانِيِّ.

حضرت سعد بن ابی وقاص رضی اللہ عنہ " مرفوع" حدیث کے طور پر یہ بات نقل کرتے ہیں : نبی اکرم صلی اللہ علیہ وآلہ وسلم نے ارشاد فرمایا: " تم پر تیر اندازی لازم ہے ، کیونکہ یہ تمہارے کھیل میں سب سے بہتر ہے ( یہاں ایک لفظ کے بارے میں راوی کو شک ہے ، لیکن مفہوم یہی ہے ) "۔ یہ روایت امام بزار نے نقل کی ہے اور امام طبرانی نے معجم اوسط میں نقل کی ہے اور اس کے الفاظ یہ ہیں : وہ بیان کرتے ہیں : نبی اکرم صلی اللہ علیہ وآلہ وسلم نے ارشاد فرمایا: " تم پر تیر اندازی لازم ہے ، کیونکہ یہ تمہارے کھیلوں میں سب سے بہتر ہے "۔امام بزار کے رجال صحیح کے رجال ہیں صرف حاتم بن لیث کا معاملہ مختلف ہے اور وہ ثقہ ہے ۔ امام طبرانی کے رجال کا معاملہ بھی اسی طرح ہے ۔

سَعْدِ بْنِ أَبِي وَقَّاصٍ رَفَعَهُ