Majma uz Zawaid Wa Manba ul Fawaid

8955 - وَعَنْ أَنَسِ بْنِ مَالِكٍ قَالَ: " «لَا يَمْلِكُ أَحَدٌ مِنْ بَنِي أُمَيَّةَ سَنَةً إِلَّا مَلَكَ وَلَدُ الْعَبَّاسِ سِنِينَ ". فَقَالَ لَهُ رَجُلٌ مِنْ جُلَسَائِهِ: يَا أَبَا حَمْزَةَ أَقَالَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ -؟ قَالَ: نَعَمْ كَمَا أَنَّكَ هَهُنَا». رَوَاهُ الطَّبَرَانِيُّ فِي الْأَوْسَطِ، وَفِيهِ بَكْرُ بْنُ يُونُسَ، وَهُوَ ضَعِيفٌ.

حضرت انس بن مالک رضی اللہ عنہ فرماتے ہیں: بنوامیہ میں سے اگر کوئی شخص ایک سال حکمران رہے گا تو حضرت عباس رضی اللہ عنہ کی اولا د کافر دوسال ( یا چند سال) حکمران رہے گا۔ حضرت انس رضی اللہ عنہ کے بیٹے پاس بیٹھے ہوئے ایک شخص نے کہا: اے ابوحمزہ کیا یہ بات نبی اکرم صلی اللہ علیہ و آلہ وسلم نے ارشاد فرمائی ہے؟ حضرت انس رضی اللہ عنہ نے فرمایا: جی ہاں! جس طرح تم یہاں ہو (اسی طرح یہ حقیقت ہے کہ یہ بات نبی اکرم صلی اللہ علیہ و آلہ وسلم نے ارشادفرمائی ہے)۔یہ روایت امام طبرانی نے معجم اوسط میں نقل کی ہے۔ اس کی سند میں ایک راوی بکر بن يونس ہے اور وہ ضعیف ہے۔

لَهُ رَجُلٌ مِنْ جُلَسَائِهِ: يَا أَبَا حَمْزَةَ، أَقَالَهُ رَسُولُ اللَّهِ ← «لَا يَمْلِكُ أَحَدٌ مِنْ بَنِي أُمَيَّةَ سَنَةً إِلَّا مَلَكَ وَلَدُ الْعَبَّاسِ سِنِينَ ← اَنَسِ بْنِ مَالِکٍ،

8956 - وَعَنْ أُمِّ الْفَضْلِ قَالَتْ: «مَرَرْتُ بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - وَهُوَ جَالِسٌ بِالْحِجْرِ فَقَالَ: " يَا أُمَّ الْفَضْلِ " قُلْتُ: لَبَّيْكَ يَا رَسُولَ اللَّهِ قَالَ: " إِنَّكِ حَامِلٌ بِغُلَامٍ " قُلْتُ: وَكَيْفَ وَقَدْ تَحَالَفَتْ قُرَيْشٌ أَنْ لَا يَأْتُوا النِّسَاءَ؟ قَالَ: " هُوَ مَا أَقُولُ فَإِذَا وَضَعْتِيهِ فَائْتِينِي بِهِ " قَالَتْ: فَلَمَّا وَضَعْتُهُ أَتَيْتُ بِهِ النَّبِيَّ - صَلَّى اللَّهُ عَلَيْهِ وَسَلَّمَ - فَأَذَّنَ فِي أُذُنِهِ الْيُمْنَى وَأَقَامَ فِي أُذُنِهِ الْيُسْرَى، وَأَلْبَأَهُ مِنْ رِيقِهِ وَسَمَّاهُ عَبْدَ اللَّهِ، ثُمَّ قَالَ: " اذْهَبِي بِأَبِي الْخُلَفَاءِ " قَالَتْ: فَأَتَيْتُ الْعَبَّاسَ فَأَعْلَمْتُهُ، وَكَانَ رَجُلًا لَبَّاسًا جَمِيلًا مَدِيدَ الْقَامَةِ فَتَلَبَّسَ، ثُمَّ أَتَى النَّبِيَّ - صَلَّى اللَّهُ عَلَيْهِ وَسَلَّمَ -، فَلَمَّا رَآهُ النَّبِيُّ - صَلَّى اللَّهُ عَلَيْهِ وَسَلَّمَ -، قَامَ إِلَيْهِ فَقَبَّلَ مَا بَيْنَ عَيْنَيْهِ ثُمَّ أَقْعَدَهُ عَنْ يَمِينِهِ ثُمَّ قَالَ: " هَذَا عَمِّيَ فَمَنْ شَاءَ فَلْيُبَاهِ بِعَمِّهِ ". فَقَالَ الْعَبَّاسُ: بَعْضُ الْقَوْلِ يَا رَسُولَ اللَّهِ. قَالَ: " وَلِمَ لَا أَقُولُ هَذَا يَا عَمُّ وَأَنْتَ عَمِّي وَبَقِيَّةُ آبَائِي وَوَارِثِي، وَخَيْرُ مَنْ أَخْلُفُ مِنْ بَعْدِي مِنْ أَهْلِي؟! " قُلْتُ: يَا رَسُولَ اللَّهِ قَالَتْ أُمُّ الْفَضْلِ كَذَا وَكَذَا. قَالَ: " هِيَ يَا عَبَّاسُ بَعْدَ ثِنْتَيْنِ وَثَلَاثِينَ وَمِائَةٍ، ثُمَّ مِنْكُمُ السَّفَّاحُ وَالْمَنْصُورُ وَالْمَهْدِيُّ، وَهِيَ فِي أَوْلَادِهِمْ حَتَّى يَكُونَ آخِرُهُمِ الَّذِي يُصَلِّي بِالْمَسِيحِ عِيسَى ابْنِ مَرْيَمَ». رَوَاهُ الطَّبَرَانِيُّ فِي الْأَوْسَطِ، وَفِيهِ أَحْمَدُ بْنُ رَاشِدٍ الْهِلَالِيُّ وَقَدِ اتُّهِمَ بِهَذَا الْحَدِيثِ.

سیده ام فضل رضی اللہ عنہ بیان کرتی ہیں: ایک مرتبہ میں نبی اکرم صلی اللہ علیہ و آلہ وسلم کے پاس سے گزری آپ صلی اللہ علیہ و آلہ وسلم اس وقت حطیم میں تشریف فرما تھے آپ صلی اللہ علیہ و آلہ وسلم نے ارشاد فرمایا: اے ام فضل! میں نے عرض کی: یارسول اللہ صلی اللہ علیہ و آلہ وسلم ! میں حاضر ہوں نبی اکرم صلی اللہ علیہ و آلہ وسلم نے فرمایا: تمہیں ایک لڑکے کاحمل ہے میں نے عرض کی : یہ کیسے ہوسکتا ہے جبکہ قریش نے یہ طے کر رکھا ہے کہ وہ خواتین کے پاس نہیں جائیں گے نبی اکرم صلی اللہ علیہ و آلہ وسلم نے ارشاد فر مایا ویسا ہی ہو گا جیسے میں نے کہا ہے جب تم اس بچے کوجنم دوتو اسے میرے پاس لے کے آناسیدہ ام فضل رضی اللہ عنہ بیان کرتی ہیں جب میں نے اس بچے کو جنم دیا تو میں اس کو لے کے نبی اکرم صلی اللہ علیہ و آلہ وسلم کے پاس آئی نبی اکرم صلی اللہ علیہ و آلہ وسلم نے اس کے دائیں کان میں اذان دی اور بائیں کان میں اقامت کہی اور آپ صلی اللہ علیہ و آلہ وسلم نے اپنالعاب دہن اس کے منہ میں ڈالا اور اس کا نام عبداللہ رکھا پھر آپ صلی اللہ علیہ و آلہ وسلم نے ارشاد فرمایا: خلفاء کے باپ کو لے جاؤ سیدہ ام فضل رضی اللہ عنہ کہتی ہیں: میں حضرت عباس رضی اللہ عنہ کے پاس آئی اور انہیں اس بارے میں بتایا وہ ایک خوش لباس ،وجیہ و شکل ،لمبی قد قامت کے شخص تھے انہوں نے( باہر جانے کا )لباس پہنا پھر نبی اکرم صلی اللہ علیہ و آلہ وسلم کی خدمت میں حاضر ہوئے نبی اکرم صلی اللہ علیہ و آلہ وسلم نے جب انہیں ملاحظہ فرمایا: تو آپ صلی اللہ علیہ و آلہ وسلم اٹھ کر ان کی طرف بڑھے اور ان کے دونوں آنکھوں کے درمیان بوسہ دیا اور پھر انہیں دائیں طرف بٹھا لیا پھر ارشاد فرمایا یہ میرے چچا ہیں جو چاہے وہ اپنے چچا کے ساتھ مقابلہ کر لے حضرت عباس رضی اللہ عنہ کہتے ہیں: یا رسول الله صلی اللہ علیہ و آلہ وسلم ! ایک بات ہے۔ نبی اکرم صلی اللہ علیہ و آلہ وسلم نے فرمایا: میں یہ بات کیوں نہ کہوں کہ یہ چچا ہیں جبکہ آپ میرے چچا ہیں اور میرے آباء و اجداد کے باقی رہ جانے والے فرد ہیں اور میرے وارث ہیں اور ان سب میں بہتر ہوں گے جنہیں میں اپنے خاندان کے افراد میں نے پیچھے چھوڑ کے جاؤں گا میں نے عرض کی : یا رسول اللہ صلی اللہ علیہ و آلہ وسلم ! ام فضل نے یہ بات کی ہے۔ نبی اکرم صلی اللہ علیہ و آلہ وسلم نے ارشادفرمایا: ایسا ہی ہوگا اے حضرت عباس! یہ ایک سو بتیس کے بعد ہو گا پھر آپ لوگوں کا اولاد میں سفاح ہوگا منصور ہوگا مہدی ہوگا اور حکومت ان کی اولاد میں باقی رہے گی یہاں تک کہ ان کا آخری فرد حضرت عیسی بن مریم علیہ السلام کے ساتھ نماز ادا کرے گا۔یہ روایت امام طبرانی نے معجم اوسط میں نقل کی ہے۔ اس کی سند میں ایک راوی احمد بن راشد ہلالی ہے اس حدیث کے حوالے سے اس پر تہمت عائد کی گئی ہے۔

«مَرَرْتُ بِرَسُولِ اللَّهِ وَهُوَ جَالِسٌ بِالْحِجْرِ فَقَالَ: يَا أُمَّ الْفَضْلِ قُلْتُ: لَبَّيْكَ ← وَعَنْ أُمِّ الْفَضْلِ

8957 - وَعَنْ عُقْبَةَ بْنِ عَامِرٍ قَالَ: «رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - أَخَذَ بِيَدِ عَمِّهِ الْعَبَّاسِ ثُمَّ قَالَ: " يَا عَبَّاسُ إِنَّهُ لَا تَكُونُ نُبُوَّةٌ إِلَّا كَانَ بَعْدَهَا خِلَافَةٌ، وَسَيَلِي مِنْ وَلَدِكَ آخِرَ الزَّمَانِ سَبْعَةَ عَشَرَ، مِنْهُمُ السَّفَّاحُ، وَمِنْهُمُ الْمَنْصُورُ، وَمِنْهُمُ الْمَهْدِيُّ وَلَيْسَ بِمَهْدِيٍّ، وَمِنْهُمُ الْجَمُوحُ، وَمِنْهُمُ الْعَاقِبُ، وَمِنْهُمُ الْوَاهِنُ مِنْ وَلَدِكَ، وَوَيْلٌ لِأُمَّتِي مِنْهُ كَيْفَ يَعْقِرُهَا وَيُهْلِكُهَا وَيَذْهَبُ بِأَمْوَالِهَا هُوَ وَأَتْبَاعُهُ عَلَى غَيْرِ دِينِ الْإِسْلَامِ، فَإِذَا بُويِعَ لِصُلْبِهِ فَعِنْدَ الثَّامِنِ عَشَرَ انْقِطَاعُ دَوْلَتِهِمْ وَخُرُوجُ أَهْلِ الْمَغْرِبِ مِنْ بُيُوتِهِمْ». رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ الْأَوَّلِ بْنُ عَبْدِ اللَّهِ الْمُعَلِّمِ، وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.

حضرت عقبہ بن عامر رضی اللہ عنہ بیان کرتے ہیں: میں نے نبی اکرم صلی اللہ علیہ و آلہ وسلم کودیکھا آپ صلی اللہ علیہ و آلہ وسلم نے اپنے چچا حضرت عباس رضی اللہ عنہ کا ہاتھ پکڑا اور پھر ارشاد فرمایا: اے حضرت عباس!جب بھی نبوت ہوتو اس کے بعد خلافت ہوتی ہے آخری زمانے میں آپ رضی اللہ عنہ کی اولاد کے لوگ حکمران بنیں گے وہ سترہ افراد ہوں گے ان میں سے ایک سفاح ہو گا ان میں سے ایک منصور ہوگا ان میں سے ایک مہدی ہوگا جو مہدی نہیں ہو گا ان میں سے ایک جموح ہو گا ان میں سے ایک سفاح ہوگا ان میں سے ایک واہن ہوگا جو آپ کی اولاد میں سے ہوگا اور اس کے حوالے سے میری امت کے لئے بربادی ہے کہ وہ کیسے انہیں بانجھ کر دے گا انہیں ہلاکت کا شکار کر دے گا ان کے اموال ضائع کر دے گا وہ اور اس کے پیروکار لوگ دین اسلام پرنہیں ہوں گے اور جب اس کے سگے بیٹے کی بیعت کی جائے گی تو اٹھارویں فرد کے وقت ان کی حکومت ختم ہوجائے گی اور اہل مغرب اپنے گھروں سے نکل آئیں گے۔یہ روایت امام طبرانی نے معجم اوسط میں نقل کی ہے۔ اس کی سند میں ایک راوی عبد الاول بن عبد الله معلم ہے میں اس سے واقف نہیں ہوں اس روایت کے بقیہ رجال ثقہ ہیں۔

رَأَيْتُ رَسُولَ اللَّهِ أَخَذَ بِيَدِ عَمِّهِ الْعَبَّاسِ، ثُمَّ ← عُقْبَۃَ بْنِ عَامِرٍ

8958 - وَعَنْ عَبْدِ اللَّهِ بْنِ مَسْعُودٍ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِلْعَبَّاسِ: " لَنْ تَذْهَبَ الدُّنْيَا حَتَّى يَمْلُكَ مِنْ وَلَدِكَ يَا عَمُّ فِي آخِرِ الزَّمَانِ عِنْدَ انْقِطَاعِ دَوْلَتِهِمْ وَهُوَ الثَّامِنُ عَشَرَ، يَكُونُ مَعَهُ فِتْنَةٌ عَمْيَاءُ صَمَّاءُ يُقْتَلُ مِنْ كُلِّ عَشَرَةِ آلَافٍ تِسْعَةُ آلَافٍ وَتِسْعُمِائَةٍ، لَا يَنْجُو مِنْهَا إِلَّا الْيَسِيرُ يَكُونُ قِتَالُهُمْ بِمَوْضِعٍ مِنَ الْعِرَاقِ ". قَالَ: فَبَكَى الْعَبَّاسُ فَقَالَ لَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مَا يُبْكِيكَ؟ إِنَّهُمْ شِرَارُ أُمَّتِي يَمْرُقُونَ مِنَ الدِّينِ مُرُوقَ السَّهْمِ مِنَ الرَّمِيَّةِ، يَطْلُبُونَ الدُّنْيَا وَلَا يَهْتَمُّونَ لِلْآخِرَةِ» ". رَوَاهُ الطَّبَرَانِيُّ فِي الْأَوْسَطِ وَفِيهِ مِينَاءُ وَهُوَ كَذَّابٌ خَبِيثٌ.

حضرت عبداللہ بن مسعود رضی اللہ عنہ روایت کرتے ہیں۔ نبی اکرم صلی اللہ علیہ و آلہ وسلم نے حضرت عباس رضی اللہ عنہ سے فرمایا: اے چچا دنیا اس وقت تک ختم نہیں ہوگی جب تک آپ کی اولاد میں سے آخری زمانے میں کچھ افراد حکمران نہیں بنیں گے اور پھر ان کی حکومت ختم ہوجائے گی اور وہ اٹھارواں فرد ہو گا جس کے ساتھ ایک فتنہ ہو گا جو گونگا اور بہرا کر د ے گا اور اس کے دوران ہر دس ہزار افراد میں سے نو ہزار نوسوافرقتل ہوجائیں گے صرف معمولی سے لوگ اس سے بچیں گے اور ان کی لڑائی عراق نامی جگہ پر ہوگی راوی کہتے ہیں تو حضرت عباس رضی اللہ عنہ روپڑے نبی اکرم صلی اللہ علیہ و آلہ وسلم نے ان سے دریافت کیا: آپ کیوں رورہے ہیں؟ یہ میری امت کے بدترین لوگ ہوں گے جو دین سے یوں نکل جائیں گے جس طرح تیرنشان کے پار ہو جاتا ہے یہ لوگ دنیا کے طلبگار ہوں گے اور انہیں آخرت کی کوئی فکرنہیں ہوگی۔ یہ روایت امام طبرانی نےمعجم اوسط میں نقل کیا ہے۔ اس کی سند میں ایک راوی میناء ہے اور وہ کذاب اور خبیث ہے۔

عَبْدِ اللهِ بْنِ مَسْعُودٍ

8959 - وَعَنْ نُفَيْرِ بْنِ مَالِكٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «لَا يَذْهَبُ وَلَدُ الْعَبَّاسِ حَتَّى تَغَيَّظَ عَلَيْهِمْ أَحْيَاءُ الْعَرَبِ، فَيَكُونُ أَشَدُّ مَا يَكُونُ لَيْسَ لَهُمْ فِي السَّمَاءِ نَاصِرٌ وَلَا فِي الْأَرْضِ عَاذِرٌ كَأَنِّي بِهِمْ عَلَى بَغْلَاتِهِمْ بَيْنَ ظَهْرَانِيِّ الْكُوفَةِ فَتَقُولُ الْعَاتِقُ فِي خِدْرِهَا: اقْتُلُوهُمْ قَتْلَهُمُ اللَّهُ لَا تَرْحَمُوهُمْ لَا رَحِمَهُمُ اللَّهُ فَطَالَمَا لَمْ يَرْحَمُونَا» ". رَوَاهُ الطَّبَرَانِيُّ وَفِيهِ مَنْ لَمْ أَعْرِفْهُمْ. وَتَأْتِي أَحَادِيثُ مِنْ نَحْوِ هَذَا فِي بَابِ أَئِمَّةِ الظُّلْمِ وَالْجَوْرِ، إِنْ شَاءَ اللَّهُ.

حضرت نفیر بن مالک رضی اللہ عنہ روایت کرتے ہیں۔ نبی اکرم صلی اللہ علیہ و آلہ وسلم نے ارشادفرمایا: حضرت عباس رضی اللہ عنہ کی اولاد اس وقت تک ختم نہیں ہوگی جب تک عرب کے قبیلے ان کے خلاف اٹھ کھڑےنہیں ہوں گے اور اس وقت کی صورت حال ان کے لئے سب سے زیادہ سخت ہوگی جب تو آسمان میں ان کا کوئی مددگار ہو گا اور نہ زمین کوئی ان کا عذر پیش کرنے والا ہوگا میں گویا اس وقت بھی انہیں دیکھ رہا ہوں کہ وہ کوفہ کے درمیان اپنے خچروں پر سوار ہوں گے اور اس وقت کوئی پردہ نشین عورت پردے میں یہ کہے گی : ان لوگوں کو قتل کر دو! الله تعالی انہیں قتل کرے تم ان پر رحم نہ کرنا الله تعالی ان پررحم نہ کرے انہوں نے ایک طویل عرصہ تک ہم پر رحم نہیں کیا تھا۔یہ روایت امام طبرانی نقل کی ہے۔ اس کی سند میں ایسے راوی ہیں جن سے میں واقف نہیں ہوں۔ اس نوعیت کی کچھ احادیث آگے چل کرظلم وستم کرنے والے حکمرانوں سے تعلق باب میں آئیں گی اگر اللہ نے چاہا۔

نُفَيْرِ بْنِ مَالِكٍ

8960 - عَنِ النُّعْمَانِ بْنِ بَشِيرٍ قَالَ: «كُنَّا قُعُودًا فِي الْمَسْجِدِ، وَكَانَ بَشِيرُ رَجُلًا يَكُفُّ حَدِيثَهُ، فَجَاءَ أَبُو ثَعْلَبَةَ الْخُشَنِيُّ فَقَالَ: يَا بَشِيرُ بْنَ سَعْدٍ أَتَحْفَظُ حَدِيثَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي الْأُمَرَاءِ؟ فَقَالَ حُذَيْفَةُ: أَنَا أَحْفَظُ خُطْبَتَهُ فَجَلَسَ أَبُو ثَعْلَبَةَ فَقَالَ حُذَيْفَةُ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " تَكُونُ النُّبُوَّةُ فِيكُمْ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ خِلَافَةً عَلَى مِنْهَاجِ النُّبُوَّةِ، فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ [اللَّهُ] أَنْ يَرْفَعَهَا، ثُمَّ تَكُونُ مُلْكًا عَاضًّا فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا [ثُمَّ تَكُونُ مُلْكًا جَبْرِيَّةً، فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا]، ثُمَّ تَكُونُ خِلَافَةً عَلَى مِنْهَاجِ النُبُوَّةٍ ". ثُمَّ سَكَتَ». قَالَ حَبِيبٌ: فَلَمَّا قَامَ عُمَرُ بْنُ عَبْدِ الْعَزِيزِ، وَكَانَ يَزِيدُ بْنُ النُّعْمَانِ بْنِ بَشِيرٍ فِي صَحَابَتِهِ، فَكَتَبْتُ إِلَيْهِ بِهَذَا الْحَدِيثِ أُذَكِّرُهُ إِيَّاهُ فَقُلْتُ: إِنِّي لَأَرْجُوَ أَنْ يَكُونَ أَمِيرُ الْمُؤْمِنِينَ - يَعْنِي عُمَرَ - بَعْدَ الْمُلْكِ الْعَاضِّ وَالْجَبْرِيَّةِ فَأَدْخَلَ كِتَابِي عَلَى عُمَرَ بْنِ عَبْدِ الْعَزِيزِ فَسُّرَ بِهِ وَأَعْجَبَهُ. رَوَاهُ أَحْمَدُ فِي تَرْجَمَةِ النُّعْمَانِ، وَالْبَزَّارُ أَتَمُّ مِنْهُ، وَالطَّبَرَانِيُّ بِبَعْضِهِ فِي الْأَوْسَطِ وَرِجَالُهُ ثِقَاتٌ.

حضرت نعمان بن بشیر رضی اللہ عنہ بیان کرتے ہیں: ہم لوگ مسجد میں بیٹھے ہوئے تھے حضرت بشیر رضی اللہ عنہ ایسےشخص تھے جو زیادہ بات نہیں کرتے تھے۔ حضرت ابوثعلبہ خشنی رضی اللہ عنہ آئے اور بولے اے بشیر بن سعد کیا آپ کو نبی اکرم صلی اللہ علیہ و آلہ وسلم کی حکمرانوں کے بارے میں حدیث یاد ہے حضرت حذیفہ رضی اللہ عنہ نے جواب دیا: مجھے نبی اکرم صلی اللہ علیہ و آلہ وسلم کا خطبہ یاد ہے پھر حضرت ابو ثعلبہ رضی اللہ عنہ بیٹھ گئے تو حضرت حذیفہ رضی اللہ عنہ نے بتایا: نبی اکرم صلی اللہ علیہ و آلہ وسلم نے ارشاد فرمایا تھا:جب تک اللہ کو منظور ہوگا نبوت تمہارے درمیان رہے گی (یعنی نبی تمہارے درمیان زندہ رہیں گے ) پھر اللہ تعالی جب چاہے ا سے اٹھائے گا پھر نبوت کی منہاج پرخلافت ہوگی جب تک الٹ کومنظور ہوگا وہ رہے گی پھر جب اللہ تعالی اسے اٹھانا چاہے گا تو اسے اٹھائے گا پھر مضبوطی والی بادشاہی ہوگی جب تک الله تعالی کو منظور ہوگا وہ رہے گی پھر جب الله تعالی اسے اٹھانا چاہے گا تو اسے اٹھائے گا پھر آمریت والی بادشاہی ہوگی جب تک اللہ تعالی کومنظور ہوگا وہ رہے گی پھر جب الله تعالی اسے اٹھانا چاہے گا اسے اٹھائے گا پھر نبوت کی منہاج پر خلافت آئے گی۔ اس کے بعد وہ خاموش ہو گئے۔حبیب نامی راوی کہتے ہیں: جب حضرت عمر بن عبدالعزیز خلیفہ بنے اور یزید بن نعمان بن بشیران کے ساتھیوں میں شامل ہوئے تو میں نے انہیں یہ حدیث لکھ کر دی اور میں نے انہیں یہ بات یاد کروائی میں نے کہا: مجھے یہ امید ہے کہ اس سے مراد امیر المومنین یعنی حضرت عمر بن عبدالعزیز ہی ہوں گے کیونکہ وہ مضبوتی والی اور آمریت والی بادشاہی کے بعد آئے ہیں انہوں نے میر امکتوب حضرت عمر بن عبدالعزیز کے سامنے پڑھ کر سنایا وہ اس پر خوش ہوئے اور انہیں یہ ا چھاگا۔یہ روایت امام احمد نے حضرت نعمان بن بشیر رضی اللہ عنہ سے منقول روایات کے ضمن میں نقل کی ہے ۔ امام بزارنے اسے زیاده مکمل روایت کے طور پرنقل کیا ہے امام طبرانی نےمعجم اوسط میں اس کا کچھ حصہ نقل کیا ہے اور اس کے رجال ثقہ ہیں۔

النُّعْمَانَ بْنَ بَشِيرٍ،

8961 - وَعَنْ أَبِي ثَعْلَبَةَ الْخُشَنِيِّ قَالَ: «كَانَ مُعَاذُ بْنُ جَبَلٍ، وَأَبُو عُبَيْدَةَ يَتَنَاجَيَانِ بَيْنَهُمَا بِحَدِيثٍ فَقُلْتُ لَهُمَا: مَا حَفِظْتُمَا وَصِيَّةَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَكَانَ أَوْصَاهُمَا بِي. فَقَالَا: مَا أَرَدْنَا أَنْ نَنْتَجِيَ بِشَيْءٍ دُونَكَ إِنَّا ذَكَرْنَا حَدِيثًا حَدَّثَنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَجَعَلَا يَتَذَاكَرَانِهِ وَقَالَا: " إِنَّهُ بَدَأَ هَذَا الْأَمْرُ نُبُوَّةً وَرَحْمَةً، ثُمَّ كَائِنٌ خِلَافَةً وَرَحْمَةً، ثُمَّ كَائِنٌ مُلْكًا عَضُوضًا، ثُمَّ كَائِنٌ عُتُوًّا وَجَبْرِيَّةً وَفَسَادًا فِي الْأُمَّةِ يَسْتَحِلُّونَ الْحَرِيرَ وَالْخَمْرَ [وَالْفُرُوجَ] وَالْفَسَادَ [فِي الْأُمَّةِ] يُنْصَرُونَ عَلَى ذَلِكَ وَيُرْزَقُونَ أَبَدًا حَتَّى يَلْقَوُا اللَّهَ - عَزَّ وَجَلَّ -» ". رَوَاهُ أَبُو يَعْلَى وَالْبَزَّارُ عَنْ أَبِي عُبَيْدَةَ وَحْدَهُ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنْ أَوَّلَ دِينِكُمْ بَدَأَ نُبُوَّةً وَرَحْمَةً» " فَذَكَرَ نَحْوَهُ.

حضرت ابوثعلبہ خشنی رضی اللہ عنہ بیان کرتے ہیں: حضرت معاذ بن جبل رضی اللہ عنہ اور حضرت ابوعبیدہ رضی اللہ عنہ ایک حدیث کے بارے میں سرگوشی میں بات کررہے تھے میں نے ان دونوں سے کہا: کیا آپ نے نبی اکرم صلی اللہ علیہ و آلہ وسلم کی وصیت کو یاد نہیں رکھانبی اکرم صلی اللہ علیہ و آلہ وسلم نے ان دونوں صاحبان کو میرے بارے میں وصیت کی تھی ان دونوں نے کہا ہم نے یہ ارادہ نہیں کیا کہ ہم آپ کو چھوڑ کر سرگوشی میں کوئی بات چیت کریں ہم تو ایک حدیث کا ذ کر رہے تھے جو نبی اکرم صلی اللہ علیہ و آلہ وسلم نے ہمیں ارشاد فرمائی تھی پھران دونوں نے حدیث کا ذکر کرتے ہوئے یہ بات کہی ( کہ نبی اکرم صلی اللہ علیہ و آلہ وسلم نے ارشادفرمایا تھا)اس معاملے (یعنی حکومت کا آغاز نبوت اور رحمت سے ہوگا پھر خلافت اور رحمت ہوگی پھر مضبوتی والی بادشاہی ہوگی" پھر سرکشی اور آمریت ہوگی اور اس امت میں فساد ہوگا کہ وہ لوگ ریشم اور شراب اور شرمگاہوں کو حلال قرار دیں گے اور اس امت میں فساد ہوگا کہ اس میں بارے میں ان کی مدد کی جائے گی اور انہیں ہمیشہ رزق دیا جائے گا یہاں تک کہ وہ لوگ اللہ تعالی کی بارگاہ میں حاضر ہوجائیں گے۔یہ روایت امام ابویعلی نے نقل کی ہے۔ امام بزارنے اسے صرف حضرت ابوعبیدہ رضی اللہ عنہ کے حوالے سے نقل کیا ہے وہ بیان کرتے ہیں: نبی اکرم صلی اللہ علیہ و آلہ وسلم نے ارشادفرمایا:تمہارے دین کا آغاز نبوت اور رحمت کے ساتھ ہوا ہے اس کے بعد راوی نے حسب سابق حدیث ذکر کی ہے۔

أَبِي ثَعْلَبَةَ الْخُشَنِيِّ،

8962 - وَرَوَاهُ الطَّبَرَانِيُّ عَنْ مُعَاذٍ وَأَبِي عُبَيْدَةَ قَالَا: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَذَكَرَ نَحْوَ حَدِيثِ أَبِي يَعْلَى وَزَادَ: " «يَسْتَحِلُّونَ الْحَرِيرَ، وَالْفُرُوجَ، وَالْخُمُورَ» ". وَفِيهِ لَيْثُ بْنُ أَبِي سُلَيْمٍ، وَهُوَ ثِقَةٌ، وَلَكِنَّهُ مُدَلِّسٌ، وَبَقِيَّةُ رِجَالِهِ ثِقَاتٌ.

یہ روایت امام طبرانی نے حضرت معاذ رضی اللہ عنہ اور حضرت ابوعبیدہ رضی اللہ عنہ کے حوالے سے نقل کی ہے۔ وہ دونوں بیان کرتے ہیں: نبی اکرم صلی اللہ علیہ و آلہ وسلم نے ارشادفرمایا: اس کے بعد راوی نے امام ابویعلی کی نقل کردہ حدیث کی مانند روایت نقل کی ہے۔تاہم انہوں نے یہ الفاظ نقل کیے ہیں۔ وہ لوگ ریشم شرمگاہوں اور شراب کو حرام قرار دیدیں گے۔ اس روایت کی سند میں ایک راوی بن ابوسلیم ہے اور وہ ثقہ ہے لیکن وہ مدلس ہے اس روایت کے بقیہ رجال ثقہ ہیں۔

مُعَاذٍ وَأَبِي عُبَيْدَةَ ← وَرَوَاهُ الطَّبَرَانِيُّ

8963 - عَنْ أَبِي ثَعْلَبَةَ الْخُشَنِيِّ قَالَ: «لَقِيتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَقُلْتُ: يَا رَسُولَ اللَّهِ ادْفَعْنِي إِلَى رَجُلٍ حَسَنِ التَّعْلِيمِ، فَدَفَعَنِي إِلَى أَبِي عُبَيْدَةَ بْنِ الْجَرَّاحِ ثُمَّ قَالَ: " قَدْ دَفَعْتُكَ إِلَى رَجُلٍ يُحْسِنُ تَعْلِيمَكَ وَأَدَبَكَ ". فَأَتَيْتُ وَهُوَ وَبَشِيرُ بْنُ سَعْدٍ أَبُو النُّعْمَانِ يَتَحَدَّثَانِ فَلَمَّا رَأَيَانِي سَكَتَا فَقُلْتُ: يَا أَبَا عُبَيْدَةَ وَاللَّهِ مَا هَكَذَا حَدَّثَنِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - قَالَ: فَاجْلِسْ حَتَّى نُحَدِّثَكَ فَقَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " إِنَّ فِيكُمُ النُّبُوَّةَ ثُمَّ تَكُونُ خِلَافَةً عَلَى مِنْهَاجِ النُّبُوَّةِ ثُمَّ تَكُونُ مُلْكًا وَجَبْرِيَّةً». رَوَاهُ الطَّبَرَانِيُّ وَفِيهِ رَجُلٌ لَمْ يُسَمَّ وَرَجُلٌ مَجْهُولٌ أَيْضًا.

حضرت ابوثعلبہ خشنی حالات بیان کرتے ہیں: میری ملاقات نبی اکرم صلی اللہ علیہ و آلہ وسلم سے ہوئی میں نے عرض کی یارسول اللہ صلی اللہ علیہ و آلہ وسلم ! مجھے کسی ایسے شخص کے سپردکیجئے جو اچھی طرح تعلیم دیتا ہے تو نبی اکرم صلی اللہ علیہ و آلہ وسلم نے مجھے حضرت ابوعبیدہ بن جراح رضی اللہ عنہ کے حوالے کر دیا اور پھر ارشاد فرمایا: میں نے تمہیں ایک ایسے شخص کے حوالے کیا ہے جنہیں اچھے طریقے سے تعلیم دے گا اور تمہاری اچھی تربیت کرے گا۔حضرت ابو ثعلبہ خشنی رضی اللہ عنہ بیان کرتے ہیں: میں آیا تو اس وقت حضرت ابوعبیدہ رضی اللہ عنہ حضرت ابوعبیدہ رضی اللہ عنہ ،حضرت نعمان بشیر بن سعد رضی اللہ عنہ کے ساتھ بات چیت کر رہے تھے جب ان دونوں نے مجھے دیکھا تو وہ دونوں خاموش ہو گئے میں نے کہا: اے حضرت ابوعبیدہ! اللہ کی قسم ! نبی اکرم صلی اللہ علیہ و آلہ وسلم نے تو مجھے اس طرح بیان نہیں کیا تھا انہوں نے فرمایا: تم بیٹھ جاؤ ! ہم تمہیں بیان کرتے ہیں، پھر انہوں نے بتایا نبی اکرم صلی اللہ علیہ و آلہ وسلم نے ارشادفرمایا ہےتمہارے درمیان نبوت ہوگی پھر نبوت کی منہاج پر خلافت ہوگی اور پھر بادشاہت اور آمریت ہوگی‘۔ یہ روایت امام طبرانی نے نقل کی ہے۔ اس کی سند میں ایک راوی ایسا ہے جس کا نام بیان نہیں کیا گیا اور ایک راوی مجہول بھی ہے۔

«لَقِيتُ رَسُولَ اللَّهِ فَقُلْتُ: ← أَبِي ثَعْلَبَةَ الْخُشَنِيِّ،

8964 - وَعَنِ ابْنِ عَبَّاسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَوَّلُ هَذَا الْأَمْرِ نُبُوَّةٌ وَرَحْمَةٌ، ثُمَّ يَكُونُ خِلَافَةً وَرَحْمَةً، ثُمَّ يَكُونُ مُلْكًا وَرَحْمَةً، ثُمَّ يَكُونُ إِمَارَةً وَرَحْمَةً، ثُمَّ يَتَكَادَمُونَ عَلَيْهَا تَكَادُمَ الْحَمِيرِ، فَعَلَيْكُمْ بِالْجِهَادِ، وَإِنَّ أَفْضَلَ جِهَادِكُمُ الرِّبَاطُ، وَإِنَّ أَفْضَلَ رِبَاطِكُمْ عَسْقَلَانُ» ". رَوَاهُ الطَّبَرَانِيُّ وَرِجَالُهُ ثِقَاتٌ.

حضرت عبداللہ بن عباس رضی اللہ عنہ روایت کرتے ہیں۔ نبی اکرم صلی اللہ علیہ و آلہ وسلم نے ارشادفرمایا: اس معاملے کا آغاز نبوت اور رحمت ہوگا پھر خلافت اور رحمت ہوگی پھر بادشاہی اور رحمت ہوگی پھر حکمرانی اور رحمت ہوگی اور پھر لوگ اس کے حوالے سے یوں ایک دوسرے کو کاٹیں گے جس طرح گدھے ایک دوسرے کو کاٹتے ہیں تو تم پر جہادکرنالازم ہے اور تمہارے جہادمیں سب سے زیادہ فضیلت پر بیداری کو حاصل ہے اور تمہاری سب سے زیادہ فضیلت والی پہریداری عسقلان میں ہوگی۔ یہ روایت امام طبرانی نے نقل کی ہے۔ اور اس کے رجال ثقہ ہیں۔

ابْنِ عَبَّاسٍ،

8965 - وَعَنْ قَيْسِ بْنِ جَابِرٍ الصَّدَفِيِّ، عَنْ أَبِيهِ، عَنْ جَدِّهِ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «سَيَكُونُ مِنْ بَعْدِي خُلَفَاءُ، وَمِنْ بَعْدِ الْخُلَفَاءِ أُمَرَاءُ، وَمِنْ بَعْدِ الْأُمَرَاءِ مُلُوكٌ، وَمِنْ بَعْدِ الْمُلُوكِ جَبَابِرَةٌ، ثُمَّ يَخْرُجُ رَجُلٌ مِنْ أَهْلِ بَيْتِي يَمْلَأُ الْأَرْضَ عَدْلًا كَمَا مُلِئَتْ جُورًا، ثُمَّ يُؤَمَّرُ الْقَحْطَانِيُّ فَوَالَّذِي بَعَثَنِي بِالْحَقِّ مَا هُوَ دُونَهُ» ". رَوَاهُ الطَّبَرَانِيُّ، وَفِيهِ جَمَاعَةٌ لَمْ أَعْرِفْهُمْ.

قیس بن جابر صد فی اپنے والد کے حوالے سے اپنے دادا کے حوالے سے نبی اکرم صلی اللہ علیہ و آلہ وسلم کایہ فرمان نقل کرتے ہیں: ” عنقریب میرے بعد خلفاء ہوں گے اور خلفاء کے بعدامراء ہوں گے اور امراء کے بعد بادشاہ ہوں گے اور بادشاہوں کے بعد ظالم حکمران ہوں گے پھر میرے اہل بیت کا ایک شخص نکلے گا جوزمین کو عدل سے یوں بھر دے گا جیسے وہ پہلے ظلم سے بھری ہوئی تھی پھر ایک قحطانی کو امیر بنایا جائے گا اس ذات کی قسم ! جس نے مجھے ان کے ہمراہ مبعوث کیا ہے وہ اس سے کم نہیں ہوگا‘‘۔ یہ روایت امام طبرانی نقل کی ہے۔ اس کی سند میں راویوں کی ایک جماعت ایسی ہے جن سے میں واقف نہیں ہوں۔

جَدِّهِ، ← أَبِيهِ ← وَعَنْ قَيْسِ بْنِ جَابِرٍ الصَّدَفِيِّ،

8966 - وَعَنْ مُعَاذِ بْنِ جَبَلٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «ثَلَاثُونَ نُبُوَّةٌ، وَمُلْكٌ ثَلَاثُونَ وَجَبَرُوتٌ، وَمَا وَرَاءَ ذَلِكَ لَا خَيْرَ فِيهِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ مَطَرُ بْنُ الْعَلَاءِ الرَّمْلِيُّ وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.

حضرت معاذ بن جبل رضی اللہ عنہ روایت کرتے ہیں۔ نبی اکرم صلی اللہ علیہ و آلہ وسلم نے ارشادفرمایا: تیس (سال) نبوت ہوئی تیس سال بادشاہی اور جبر کی حکومت ہوگی اور پھر اس کے بعد جو ہوگا اس میں بھلائی نہیں ہوگی ،یہ روایت امام طبرانی نے معجم اوسط میں نقل کی ہے۔ اس کی سند میں ایک راوی معطر بن علاءرملی ہے اور میں اس سے واقف نہ ہوں اس روایت کے بقیہ رجال ثقہ ہیں۔

مُّعَاذِ بْنِ جَبَلِ