Majma uz Zawaid Wa Manba ul Fawaid

9195 - وَعَنْ أَبِي أُمَامَةَ عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ -: " «صِنْفَانِ مِنْ أُمَّتِي لَا تَنَالُهُمَا شَفَاعَتِي: إِمَامٌ ظَلُومٌ غَشُومٌ وَكُلُّ غَالٍ مَارِقٍ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ وَرِجَالُ الْكَبِيرِ ثِقَاتٌ.

حضرت ابواامامہ رحمۃ اللہ ،علیہ رضی اللہ تعالی عنہ نے نبی اکرم صلی اللہ علیہ وآلہ وسلم کا یہ فرمان نقل کرتے ہیں: ”میری امت کے دو قسم کے لوگوں کو میری شفاعت نصیب نہیں ہوگی، ظالم و جابر حکمران اور دین میں غلو کرنے والا وہ شخص جو (دین سے) نکل جائے‘‘ (لفظ "مارق‘‘ کا مطلب ملحد اور کافر بھی ہے)۔ یہ روایت امام طبرانی نےمعجم کبیر اور معجم اوسط میں نقل کی ہے اور کبیر کے رجال ثقہ ہیں۔

اَبِیْ اُمَامَۃَ،

9196 - وَعَنْ مَعْقِلِ بْنِ يَسَارٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «رَجُلَانِ مِنْ أُمَّتِي لَا تَنَالُهُمَا شَفَاعَتِي: سُلْطَانٌ ظَلُومٌ غَشُومٌ، وَآخَرُ غَالٍ فِي الدِّينِ مَارِقٌ مِنْهُ» ".

حضرت معقل بن یسار رضی اللہ تعالی عنہ روایت کرتے ہیں: نبی اکرم صلی اللہ علیہ وآلہ وسلم نے ارشادفرمایا: ’’ میری امت کے دو قسم کے لوگوں کو میری شفاعت نصیب نہیں ہوگی، ظلم و جبر کرنے والا حکمران اور دوسرا وہ شخص جو دین میں غلو کرے اور اس میں سے نکل جائے۔

مَعْقِلِ بْنِ يَسَارٍ

9197 - وَفِي رِوَايَةٍ: " «صِنْفَانِ مِنْ أُمَّتِي لَا تَنَالُهُمَا شَفَاعَتِي سُلْطَانٌ ظَلُومٌ غَشُومٌ، وَغَالٍ فِي الدِّينِ يَشْهَدُ عَلَيْهِمْ وَيَتَبَرَّأُ مِنْهُمْ» ". رَوَاهُ الطَّبَرَانِيُّ بِإِسْنَادَيْنِ فِي أَحَدِهِمَا مَنِيعٌ قَالَ ابْنُ عَدِيٍّ: لَهُ أَفْرَادٌ، وَأَرْجُو أَنَّهُ لَا بَأْسَ بِهِ، وَبَقِيَّةُ رِجَالِ الْأَوَّلِ ثِقَاتٌ.

ایک روایت میں یہ الفاظ ہیں: "میری امت کے دو قسم کے لوگوں کو میری شفاعت نصیب نہیں ہوگی، ظالم و جابر حکمران اور دین میں غلو کرنے والا شخص جو ان لوگوں (یعنی مسلمانوں) کے خلاف گواہی دے اور ان سے لاتعلقی کا اظہار کرے‘‘ یہ روایت امام طبرانی نے دو اسناد کے ساتھ نقل کی ہے جن میں ایک سند میں ایک راوی منیع ہے، ابن عدی کہتے ہیں: اس سے منفر دروایات منقول ہیں ، ویسے مجھے یہ امید ہے کہ اس میں کوئی حرج نہیں ہوگا ، پہلی روایت کے بقیہ رجال ثقہ ہیں۔

9198 - وَعَنِ ابْنِ مَسْعُودٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ أَشَدَّ أَهْلِ النَّارِ عَذَابًا يَوْمَ الْقِيَامَةِ مَنْ قَتَلَ نَبِيًّا أَوْ قَتَلَهُ نَبِيٌّ، أَوْ إِمَامٌ جَائِرٌ» ". قُلْتُ: فِي الصَّحِيحِ بَعْضُهُ. رَوَاهُ الطَّبَرَانِيُّ وَفِيهِ لَيْثُ بْنُ أَبِي سُلَيْمٍ وَهُوَ مُدَلِّسٌ، وَبَقِيَّةُ رِجَالِهِ ثِقَاتٌ. وَرَوَاهُ الْبَزَّارُ إِلَّا أَنَّهُ قَالَ: " وَإِمَامُ ضَلَالَةٍ ". (وَرِجَالُهُ ثِقَاتٌ. وَكَذَلِكَ رَوَاهُ أَحْمَدُ).

حضرت عبد اللہ بن مسعود رضی اللہ تعالی عنہ روایت کرتے ہیں: نبی اکرم صلی اللہ علیہ وآلہ وسلم نے ارشادفرمایا: قیامت کے دن اہل جہنم میں سب سے زیادہ سخت عذاب اس شخص کو ہوگا جس نے کسی نبی کو قتل کیا ہوگا یا جس کو کسی نبی نے قتل کیا ہوگا یا جو( شخص دنیا میں ) ظالم حکمران رہا ہوگا۔ (علامہ ہیثمی فرماتے ہیں : ) میں یہ کہتا ہوں :میں یہ کہتا ہوں ’’ صحیح ‘‘ میں اس کا کچھ حصہ مذکور ہے ، یہ روایت امام طبرانی نے نقل کی ہے ، اس کی سند میں ایک راوی لیث بن ابوسلیم ہے اور وہ مدلس ہے اس روایت کے بقیہ رجال ثقہ ہیں یہ روایت امام بزارنے نقل کی ہے تاہم انہوں نے یہ الفاظ نقل کیے ہیں:۔ ’’گمراہی والا حکمران ‘‘ اور اس کے رجال بھی ثقہ ہیں ۔امام احمد نے یہ روایت اسی کی مانند نقل کی ہے۔

ابْنِ مَسْعُودٍ،

9199 - وَعَنْ أَبِي قُبَيْلٍ «عَنْ مُعَاوِيَةَ بْنِ أَبِي سُفْيَانَ أَنَّهُ صَعِدَ الْمِنْبَرَ يَوْمَ الْجُمُعَةِ فَقَالَ عِنْدَ خُطْبَتِهِ: إِنَّمَا الْمَالُ مَالُنَا وَالْفَيْءُ فَيْئُنَا فَمَنْ شِئْنَا أَعْطَيْنَاهُ وَمَنْ شِئْنَا مَنَعْنَاهُ فَلَمْ يُجِبْهُ أَحَدٌ، فَلَمَّا كَانَ فِي الْجُمُعَةِ الثَّانِيَةِ قَالَ مِثْلَ ذَلِكَ فَلَمْ يُجِبْهُ أَحَدٌ، فَلَمَّا كَانَ فِي الْجُمُعَةِ الثَّالِثَةِ قَالَ مِثْلَ مَقَالَتِهِ فَقَامَ إِلَيْهِ رَجُلٌ مِمَّنْ حَضَرَ الْمَسْجِدَ فَقَالَ: كَلَّا إِنَّمَا الْمَالُ مَالُنَا وَالْفَيْءُ فَيْئُنَا فَمَنْ حَالَ بَيْنَنَا وَبَيْنَهُ حَاكَمْنَاهُ إِلَى اللَّهِ بِأَسْيَافِنَا، فَنَزَلَ مُعَاوِيَةُ فَأَرْسَلَ إِلَى الرَّجُلِ فَأَدْخَلَهُ، فَقَالَ الْقَوْمُ: هَلَكَ الرَّجُلُ ثُمَّ دَخَلَ النَّاسُ فَوَجَدُوا الرَّجُلَ مَعَهُ عَلَى السَّرِيرِ فَقَالَ مُعَاوِيَةُ لِلنَّاسِ: إِنَّ هَذَا أَحْيَانِي أَحْيَاهُ اللَّهُ، سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " سَيَكُونُ بَعْدِي أُمَرَاءُ يَقُولُونَ وَلَا يُرَدُّ عَلَيْهِمْ، يَتَقَاحَمُونَ فِي النَّارِ كَمَا تَتَقَاحَمُ الْقِرَدَةُ ". وَإِنِّي تَكَلَّمْتُ أَوَّلَ جُمُعَةٍ فَلَمْ يَرُدَّ عَلَيَّ أَحَدٌ فَخَشِيتُ أَنْ أَكُونَ مِنْهُمْ، ثُمَّ تَكَلَّمْتُ فِي الْجُمُعَةِ الثَّانِيَةِ فَلَمْ يَرُدَّ أَحَدٌ فَقُلْتُ فِي نَفْسِي: إِنِّي مِنَ الْقَوْمِ، ثُمَّ تَكَلَّمْتُ فِي الْجُمُعَةِ الثَّالِثَةِ فَقَامَ هَذَا الرَّجُلُ فَرَدَّ عَلَيَّ فَأَحْيَانِي أَحْيَاهُ اللَّهُ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ وَأَبُو يَعْلَى، وَرِجَالُهُ ثِقَاتٌ.

ابوقبیل بیان کرتے ہیں: حضرت معاویہ بن ابوسفیان رضی اللہ تعالی عنہ جمعہ کے دن منبر پر تشریف فرما ہوئے خطے کے دوران انہوں نے یہ ارشادفرمایا: ”یہ ( سرکاری) مال ہمارا مال ہے اور مال فے ، ہمارا مال فے ہے ، ہم جسے چاہیں گے ، اسے (یہ مال ) دیں گے اور جسے چاہیں گے اسے نہیں دیں گے ، کسی نے انہیں کچھ نہیں کہا ، جب اگلا جمعہ آ یا تو انہوں نے اس کی مانند بات کہی لیکن پھر کسی نے انہیں کچھ نہیں کہا جب تیسرا جمعہ آیا تو انہوں نے اسی کی مانند بات کہی تو مسجد میں موجود حاضرین میں سے ایک صاحب ا ن کے سامنے کھڑے ہو گئے اور بولے ہر گز نہیں! یہ (سرکاری ) مال ہمارا مال ہے اور مال غنیمت ہمارا مال غنیمت ہے جو شخص اس کے بارے میں رکاوٹ بننے کی کوشش کرے گا ہم اپنی تلواروں کے ہمراہ اس کا مقدمہ اللہ تعالی کی بارگاہ میں پیش کریں گے جب حضرت معاویہ رضی اللہ تعالی عنہ منبر سے نیچے اترے اور نماز کے بعد گھر تشریف لے گئے تو انہوں نے اس شخص کو پیغام بھیجا اس کو ان کے پاس لے جایا گیا لوگوں نے کہا: یہ شخص ہلاکت کا شکار ہو گیا ،جب لوگ اندر ان کے پاس آئے تو انہوں نے اس شخض کو پلنگ پر حضرت معاویہ رضی اللہ تعالی عنہ کے ساتھ بیٹھے ہوئے دیکھا۔ حضرت معاویہ رضی اللہ تعالی عنہ نے لوگوں سے فرمایا: اس شخص نے مجھے زندگی دی ہے ، الله تعالی اسے زندگی د ے ، میں نے نبی اکرم صلی اللہ علیہ وآلہ وسلم کو یہ ارشادفرماتے ہوئے سنا ہے: عنقریب میرے بعد حکمران آئیں گے وہ ( غلط بات کریں گے اور کوئی ان کو جواب نہیں دے گا اور وہ جہنم میں یوں اچھلتے پھریں گے جس طرح بندر اچھلتے ہیں‘‘ ۔ میں نے پہلے جمعہ کلام کیا تو کسی نے مجھے کچھ نہیں کہا، مجھے یہ اندیشہ ہوا کہ میں ان لوگوں میں سے ایک ہوؤں گا ، پھر میں نے دوسرے جمعہ کلام کیا تو کسی نے مجھے کچھ نہیں کہا تو میں نے دل میں سوچا کہ میں ان لوگوں میں سے ہوں پھر میں نے تیسرے جمعہ کلام کیا تو یہ شخص کھڑا ہو گیا اور اس نے مجھے جواب دیا ( یا میری بات کو مسترد کیا ) تو اس نے مجھے زندگی دی ہے الله تعالی اسے زندگی دے۔ یہ روایت امام طبرانی نے معجم کبیر اور معجم اوسط میں نقل کی ہے اور امام ابو یعلی نقل کی ہے اور اس کے رجال ثقہ ہیں۔

مُعَاوِيَةَ بْنَ أَبِي سُفْيَانَ ← أَبِي قَبِيلٍ،

9200 - وَعَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَشَدُّ النَّاسِ عَذَابًا يَوْمَ الْقِيَامَةِ إِمَامٌ جَائِرٌ» ". رَوَاهُ أَبُو يَعْلَى، وَالطَّبَرَانِيُّ فِي الْكَبِيرِ وَالْأَوْسَطِ، وَفِيهِ عَطِيَّةُ وَهُوَ ضَعِيفٌ.

حضرت ابوسعید خدری رضی اللہ تعالی عنہ روایت کرتے ہیں: نبی اکرم صلی اللہ علیہ وآلہ وسلم نے ارشادفرمایا: قیامت کے دن لوگوں میں سے سب سے زیادہ سخت عذاب ظالم حکمران کو ہوگا۔ یہ روایت امام ابویعلی نے اور امام طبرانی نے معجم کبیر اور معجم اوسط میں نقل کی ہے ، اس کی سند میں ایک راوی عطیہ ہے اور وہ ضعیف ہے۔

أَبِي سَعِيدٍ الْخُدْرِيِّ،

9201 - وَعَنْ أَبِي سَعِيدٍ قَالَ: «خَطَبَنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ فِي خُطْبَتِهِ: " أَلَا إِنِّي أُوشِكُ فَأُدْعَى فَأُجِيبُ، فَيَلِيكُمْ عُمَّالٌ مِنْ بَعْدِي يَعْمَلُونَ بِمَا تَعْلَمُونَ وَيَعْمَلُونَ مَا تَعْرِفُونَ وَطَاعَةُ أُولَئِكَ طَاعَةٌ فَتَلْبَثُونَ كَذَلِكَ زَمَانًا ثُمَّ يَلِيكُمْ عُمَّالٌ مِنْ بَعْدِهِمْ يَعْمَلُونَ بِمَا لَا تَعْلَمُونَ وَيَعْمَلُونَ بِمَا لَا تَعْرِفُونَ فَمَنْ قَادَهُمْ وَنَاصَحَهُمْ فَأُولَئِكَ قَدْ هَلَكُوا وَأَهْلَكُوا وَخَالِطُوهُمْ بِأَجْسَادِكُمْ وَزَايِلُوهُمْ بِأَعْمَالِكُمْ وَاشْهَدُوا عَلَى الْمُحْسِنِ أَنَّهُ مُحْسِنٌ وَعَلَى الْمُسِيءِ بِأَنَّهُ مُسِيءٌ» ". رَوَاهُ الطَّبَرَانِيُّ فِي الْأَوْسَطِ عَنْ شَيْخِهِ مُحَمَّدِ بْنِ عَلِيٍّ الْمَرْوَزِيِّ، وَهُوَ ضَعِيفٌ.

حضرت ابوسعید خدری رضی اللہ تعالی عنہ بیان کرتے ہیں: نبی اکرم صلی اللہ علیہ وآلہ وسلم نے خطبہ دیتے ہوئے اپنے خطبے کے دوران ہم سے یہ ارشاد فر مایا: خبردار !عنقریب میرا بلاوا آ جائے گا اور میں نے جانا ہو گا میرے بعد ایسے لوگ حکمران بنیں گے جو ا سی طرح کے عمل کریں گے جن سے تم واقف ہو اور ایسے عمل کر یں گے جو تمہیں معروف لگیں گے، ان لوگوں کی فرمانبرداری کرناہی حقیقی فرمانبرداری ہے ، کچھ عرصے تک اسی طرح کی صورت حال رہے گی پھر ان کے بعد ایسے لوگ تمہارے حکمران بن جائیں گے جو ایسے عمل کریں گے جو تمہارے علم کے مطابق ( ٹھیک) نہیں ہونگے اور وہ ایسے عمل کریں گے جو تمہارے نزدیک معروف (یعنی نیکی ) نہیں ہونگے، جوشخص ان کے ساتھ چلے گا اور ان کی خیر خواہی کرے گا ، تو یہ لو گ خود ہلاکت کا شکار ہوں گے اور دوسروں کو ہلاکت کا شکار کریں گے، تم جسمانی طور پر ان سے ملتے رہنا، لیکن اپنے اعمال کے حوالے سے ان سے الگ رہنا اور اچھائی کرنے والے کے بارے میں یہ گواہی دینا کہ وہ اچھائی کرنے والا ہے اور برائی کرنے والے کے بارے میں یہ گواہی دینا کہ وہ برائی کرنے والا ہے۔ یہ روایت امام طبرانی نے معجم اوسط میں اپنے استاد محمد بن علی مروزی کے حوالے سے نقل کیا ہے اور وہ ضعیف ہے۔

خَطَبَنَا رَسُولُ اللَّهِ ← اَبِیْ سَعِیْدٍ

9202 - وَعَنْ جَابِرِ بْنِ سَمُرَةَ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «ثَلَاثٌ أَخَافُ عَلَى أُمَّتِي: اسْتِشْفَاءٌ بِالْأَنْوَاءِ، وَحَيْفُ السُّلْطَانِ، وَتَكْذِيبٌ بِالْقَدَرِ» ". رَوَاهُ أَبُو يَعْلَى، وَأَحْمَدُ وَالْبَزَّارُ، وَالطَّبَرَانِيُّ فِي الثَّلَاثَةِ، وَفِيهِ مُحَمَّدُ بْنُ الْقَاسِمِ وَثَّقَهُ ابْنُ مَعِينٍ، وَضَعَّفَهُ أَحْمَدُ وَغَيْرُهُ، وَبَقِيَّةُ رِجَالِهِ ثِقَاتٌ. وَلِهَذَا الْحَدِيثِ طُرُقٌ فِي الْقَدَرِ.

حضرت جابر بن سمرہ رضی اللہ تعالی عنہ بیان کرتے ہیں : میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سنا ہے: تین امور کے حوالے سے ، مجھے اپنی امت کے بارے میں اندیشہ ہے ، ستاروں کی وجہ سے شفاء کے حصول کی توقع رکھنا ، حکمرانوں پر حیف اور تقدیر کا انکار کرنا‘‘۔ یہ روایت امام ابویعلی ، امام احمد اور امام بزار نے نقل کی ہے ۔ امام طبرانی نے تینوں کتابوں میں نقل کی ہے اس کی سند میں ایک راوی محمد بن قاسم ہے جسے یحیی بن معین نے ثقہ قرار دیا ہے امام احمد اور دیگر حضرات نے اسے ضعیف کہا ہے اس روایت کے بقیہ رجال ثقہ ہیں اس حدیث کے مختلف طرق ہیں جو تقدیر سے تعلق باب میں مذکور ہیں۔

رَسُولِ اللَّهِ ← جَابِرَ بْنَ سَمُرَةَ

9203 - وَعَنْ عُمَرَ بْنِ بِلَالٍ قَالَ: «رَأَيْتُ عَبْدَ اللَّهِ بْنَ بُسْرٍ - صَاحِبَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَهُوَ قَاعِدٌ فِي الْمَسْجِدِ وَكَانَ شَيْخًا كَبِيرًا مُسِنًّا فَجَاءَهُ غُلَامُهُ فَقَالَ: يَا مَوْلَايَ هَذِهِ جِمَالُكَ قَدْ أُخِذَتْ فِي سُخْرَةِ الرِّيلَةِ - يَعْنِي دَارَ الْعَبَّاسِ بْنِ الْوَلِيدِ الَّتِي عِنْدَ بَابِ مَسْجِدِ حِمْصَ - وَكَانَ مَعَهُ رَجُلَانِ فَأَخَذَ بِضَبْعَيْهِ حَتَّى قَامَ، قَالَ عُمَرُ: فَمَشَيْتُ مَعَهُ حَتَّى أَتَى الرِّيلَةَ فَإِذَا جِمَالُهُ مُنَاخَةٌ وَإِذَا هُمْ يَسُفُّونَ التُّرَابَ بِالْغَرَائِرِ فَأَخَذَ الْغِرَارَةَ وَجَعَلَ يَفْتَحُ لَهُمْ فَقَالَ نَاسٌ مِنَ النَّصَارَى: هَذَا صَاحِبُ نَبِيِّكُمْ تَصْنَعُونَ بِهِ هَذَا لَوْ رَأَيْنَا رَجُلًا مِنْ أَصْحَابِ عِيسَى حَمَلْنَاهُ عَلَى رُؤُوسِنَا، فَأَهْوَى الْقَوْمُ لِيَأْخُذُوهُ فَقَالَ: دَعُونِي سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " كَيْفَ أَنْتُمْ إِذَا جَارَتْ عَلَيْكُمُ الْوُلَاةُ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ. وَعُمَرُ بْنُ بِلَالٍ جَهِلَهُ ابْنُ عَدِيٍّ.

عمر بن بلال بیان کرتے ہیں : میں نے نبی اکرم صلی اللہ علیہ وآلہ وسلم کے صحابی حضرت عبد اللہ بن بسر رضی اللہ تعالی عنہ کو دیکھا وہ مسجد میں بیٹھے ہوئے تھے وہ ایک بوڑھے عمر رسیدہ شخص تھے ان کا غلام ان کے پاس آیا اور بولا : اے میرے آقا! آپ کا یہ اونٹ’’ سخرہ ریلہ ‘‘ میں پکڑا گیا ہے (راوی بیان کرتے ہیں: )یعنی مسجد کے دروازے کے پاس موجو عباس بن ولید کے گھر میں پکڑا گیا ہے حضرت عبداللہ رضی اللہ تعالی عنہ کے ساتھ دو افراد تھے انہوں نے دونوں پہلوؤں سے انہیں پکڑا وہ کھڑے ہو ئے، عمر بن بلال کہتے ہیں : میں ان کے ساتھ چل کر گیا وہ آئے وہاں ان کا اونٹ بندھا ہوا تھا ان لوگوں نے برتنوں میں ڈال کر ان پرمٹی پھینکنا شروع کی، انہوں نے برتن پکڑا اور ان لوگوں کے لیے اس کو کھولنا شروع کر دیا، تو عیسائیوں سے تعلق رکھنے والے کچھ افراد نے یہ کہا: یہ تمہارے نبی صلی اللہ علیہ وآلہ وسلم کے صحابی ہیں اور تم ان کے ساتھ یہ سلوک کر رہے ہو؟ اگر ہم نے حضرت عیسی علیہ السلام کے اصحاب میں سے کسی شخص کو پایا ہو تو ہم انہیں سروں پر اٹھانے پر کچھ لوگ انہیں پکڑنے کے لیے آگے بڑھے تو انہوں نے فرمایا : مجھے چھوڑ دو! میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئے سناہے: اس وقت تمہارا کیا عالم ہو گا جب تمہارے حکمران تم پرظلم کریں گے یہ روایت امام طبرانی نے معجم کبیر اور معجم اوسط میں نقل کی ہے عمربن بلال نامی راوی کو ابن عدی نے مجہول قراردیا ہے۔

عُمَرَ بْنِ بِلَالٍ

9204 - وَعَنْ عُمَرَ بْنِ الْخَطَّابِ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «اللَّهُمَّ إِنِّي أَعُوذُ بِكَ مِنْ أَئِمَّةِ الْحَرَجِ الَّذِينَ يُخْرِجُونَ أُمَّتِي إِلَى الظُّلْمِ» ". رَوَاهُ الطَّبَرَانِيُّ فِي الْأَوْسَطِ وَإِسْنَادُهُ ضَعِيفٌ.

حضرت عمر بن خطاب رضی اللہ تعالی عنہ بیان کرتے ہیں : میں نے نبی اکرم صلی اللہ علیہ وآلہ وسلم کو فرماتے ہوئے سنا ہے: اے اللہ! میں حرج (یعنی قتل و غارتگری کرنے ) والے حکمرانوں سے تیری پناہ مانگتا ہوں ، جو میری امت کوظلم کی طرف لے جائیں گے۔ یہ روایت امام طبرانی نے معجم اوسط میں نقل کی ہے اور اس کی سند ضعیف ہے۔

رَسُولِ اللَّهِ ← عُمَرَ بْنِ الْخَطَّابِ،

9205 - وَعَنْ عَبْدِ اللَّهِ بْنِ عَمْرٍو أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ: «ثَلَاثَةٌ لَا يَنْظُرُ اللَّهُ إِلَيْهِمْ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ: رَجُلٌ أَتَى قَوْمًا عَلَى إِسْلَامٍ دَامِجٍ فَشَقَّ عَصَاهُمْ حَتَّى اسْتَحَلُّوا الْمَحَارِمَ وَسَفَكُوا الدِّمَاءَ، وَسُلْطَانٌ جَائِرٌ قَالَ: مَنْ أَطَاعَنِي فَقَدْ أَطَاعَ اللَّهَ وَمَنْ عَصَانِي فَقَدْ عَصَى اللَّهَ». وَسَكَتَ سُفْيَانُ عَنِ الثَّالِثَةِ فَلَمْ يَذْكُرْهَا. رَوَاهُ الطَّبَرَانِيُّ فِي الْأَوْسَطِ، وَفِيهِ إِبْرَاهِيمُ بْنُ بَشَّارٍ الرَّمَادِيُّ، وَهُوَ صَدُوقٌ كَثِيرُ الْوَهْمِ، وَبَقِيَّةُ رِجَالِهِ ثِقَاتٌ.

حضرت عبد الله بن عمر و رضی اللہ تعالی عنہ نے نبی اکرم صلی اللہ علیہ وآلہ وسلم کا یہ فرمان نقل کرتے ہیں : قیامت کے دن الله تعالی تین قسم کے لوگوں کی طرف نظر رحمت نہیں کرے گا اور ان کا تز کیہ نہیں کرے گا اور ان لوگوں کے لیے دردناک عذاب ہو گا ( پہلا ) وہ شخص جو کچھ لوگوں کے پاس آئے اور وہ لوگ اسلام پر گامزن ہوں اور پھر وہ ان کے عصا کو چیر دے، یہاں تک کہ وہ لوگ حرام چیزوں کو حلال قرار دیں اور خون بہائیں اور( دوسرا شخص ) وہ ظالم حکمران جو یہ کہے کہ جس نے میری اطاعت کی اس نے اللہ کی اطاعت کی اور جس نے میری نافرمانی کی اس نے اللہ کی نافرمانی کی۔ سفیان نامی راوی نے تیسرے شخص کا ذکر نہیں کیا۔ . یہ روایت امام طبرانی نےمعجم اوسط میں نقل کی ہے اس کی سند میں ایک راوی ابراہیم بن بشار مادی ہے اور وہ صدوق ہے اور بکثرت وہم کا شکار ہونے والاشخص ہے اس روایت کے بقیہ رجال ثقہ ہیں۔

عَبْدِ اللہِ بْنِ عَمْرٍو

9206 - وَعَنْ أَبِي هُرَيْرَةَ عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «سَيَكُونُ بَعْدِي أَئِمَّةٌ يُعْطُونَ الْحِكْمَةَ عَلَى مَنَابِرِهِمْ، فَإِذَا نَزَلُوا نُزِعَتْ مِنْهُمْ، وَأَجْسَادُهُمْ شَرٌّ مِنَ الْجِيَفِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ سَعْدُ بْنُ مَسْلَمَةَ ضَعَّفَهُ الْجُمْهُورُ، وَوَثَّقَهُ ابْنُ حِبَّانَ وَقَالَ: يُخْطِئُ، وَلَيْثٌ مُدَلِّسٌ.

حضرت ابو ہریرہ رضی اللہ تعالی عنہ ، نبی اکرم صلی اللہ علیہ وآلہ وسلم کایہ فرمان نقل کرتے ہیں: عنقریب میرے بعد ایسے حکمران آئیں گے جو منبروں پرحکمت کی باتیں کریں گے اور جب وہ ( منبروں سے )نیچے آئیں گے توحکمت ان سے الگ ہو جائے گی ان کے جسم مردار سے بد تر ہوں گے۔ یہ روایت امام طبرانی نے معجم اوسط میں نقل کی ہے اس کی سند میں ایک راوی سعد بن مسلمہ ہے، جسے جمہور نے ضعیف قرار دیا ہے اور ابن حبان نے اسے ثقہ کہا ہے وہ یہ کہتے ہیں: یہ غلطی کر جاتا ہے اور لیث نامی راوی مدلس ہے۔

أَبِي هُرَيْرَةَ،