Majma uz Zawaid Wa Manba ul Fawaid

7008 - عَنِ ابْنِ عُمَرَ قَالَ: وَمَا اتَّخَذَ النَّبِيُّ - صَلَّى اللَّهُ عَلَيْهِ وَسَلَّمَ - قَاضِيًا، وَلَا أَبُو بَكْرٍ، وَلَا عُمَرُ حَتَّى كَانَ فِي آخِرِ زَمَانِهِ قَالَ لِيَزِيدَ ابْنِ أُخْتِ يُمَنٍ: " اكْفِنِي بَعْضَ الْأُمُورِ " يَعْنِي صِغَارَهَا. رَوَاهُ أَبُو يَعْلَى، وَرِجَالُهُ رِجَالُ الصَّحِيحِ.

حضرت عبد الله بن عمررضی اللہ عنہ بیان کرتے ہیں:نبی اکرم صلی اللہ علیہ وسلم نے کوئی قاضی مقر نہیں کیا تھا، حضرت ابوبکر رضی اللہ عنہ نے بھی نہیں کیا تھا، حضرت عمر رضی اللہ عنہ نے بھی نہیں کیا تھا، البتہ انہوں نے اپنے عہد خلافت کے آخری دور میں یزید، جویمن کا بھانجا ہے ، اس سے یہ کہا تھا: تم بعض امور کے بارےمیں ،میری کفایت کروی، یعنی چھوٹے معاملات تم نمٹالیا کرو۔ یہ روایت امام ابویعلیٰ نےنقل کی ہے، اور اس کے رجال صحیح کے رجال ہیں۔

ابْنِ عُمَرَ

7009 - وَعَنِ السَّائِبِ بْنِ يَزِيدَ أَنَّ النَّبِيَّ - صَلَّى اللَّهُ عَلَيْهِ وَسَلَّمَ - وَأَبَا بَكْرٍ لَمْ يَتَّخِذَا قَاضِيًا. وَأَوَّلُ مَنِ اسْتَقْضَى عُمَرُ قَالَ: رُدَّ عَنِّي النَّاسَ فِي الدِّرْهَمِ وَالدِّرْهَمَيْنِ. رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَفِيهِ ابْنُ لَهِيعَةَ، وَفِيهِ ضَعْفٌ، وَحَدِيثُهُ حَسَنٌ، وَبَقِيَّةُ رِجَالِهِ رِجَالُ الصَّحِيحِ. قُلْتُ: قَدْ تَقَدَّمَ: أَنَّ النَّبِيَّ - صَلَّى اللَّهُ عَلَيْهِ وَسَلَّمَ - أَمَرَ عُقْبَةَ بْنَ عَامِرٍ أَنْ يَقْضِيَ بِحَضْرَتِهِ، وَوَرَدَ عَنْ عَمْرِو بْنِ الْعَاصِ كَذَلِكَ.

حضرت سائب بن یزیدرضی اللہ عنہ بیان کرتے ہیں: نبی اکرم صلی اللہ علیہ وسلم اور حضرت ابوبکررضی اللہ عنہ نے کسی کو قاضی نہیں بنایا تھا، سب سے پہلے حضرت عمر رضی اللہ عنہ نے کسی کو قاضی مقررکیا تھا، اور یہ فرمایا: ایک درہم اور دو درہم کے بارے میں ،تم لوگوں کو مجھ سے دور رکھو۔ (یعنی تم ان کے فیصلے کر دیا کرو)۔ یہ روایت امام طبرانی نے معجم کبیر اور معجم اوسط میں نقل کی ہے، اس کی سند میں ایک راوی ابن لہیعہ ہے اور اس میں ضعف پایا جاتا ہے، اس کی نقل کردہ حدیث حسن ہے اس کے بقیہ رجال حسن ہیں۔ (علامہ ہیثمی فرماتے ہیں: )میں یہ کہتا ہوں: اس سے پہلے یہ بات گزر چکی ہے کہ نبی اکرم صلى الله علیہ وسلم نے حضرت عقبہ بن عامر رضی اللہ عنہ کو اپنی موجودگی میں فیصلہ دینے کاحکم دیاتھا، اور یہ بات بھی وارد ہوئی ہے کہ حضرت عمرو بن العاص رضی اللہ عنہ کے ساتھ بھی اسی طرح کا معاملہ پیش آیا تھا۔

السَّائِبَ بْنَ يَزِيدَ

7010 - عَنِ ابْنِ عَبَّاسٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - اسْتَخْلَفَ ابْنَ أُمِّ مَكْتُومٍ عَلَى الصَّلَاةِ، وَغَيْرِهَا مِنْ أَمْرِ الْمَدِينَةِ». رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ، وَفِي بَعْضِهِمْ كَلَامٌ لَا يَضُرُّ.

حضرت عبداللہ بن عباس رضی اللہ عنہ بیان کرتے ہیں: نبی اکرم صلى الله علیہ وسلم نے نماز( کی امامت) اور مدینہ منورہ کے دیگر معاملات کے بارے میں حضرت ابن اُمّ مکتوم رضی اللہ عنہ کو اپنانائب مقرر کیاتھا۔ یہ روایت امام طبرانی نے معجم کبیر میں نقل کی ہے، اور اس کے رجال ثقہ ہیں اور اس کے بعض راویوں کے بارے میں ایسا کلام کیا گیا ہے، جو نقصان دہ نہیں ہے۔

ابْنِ عَبَّاسٍ،

7011 - عَنْ عَائِشَةَ قَالَتْ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «لَا يُقَدِّسُ اللَّهُ أُمَّةً لَا يُؤْخَذُ لِضَعِيفِهَا مِنْ شَدِيدِهَا» ". رَوَاهُ الْبَزَّارُ، وَفِيهِ الْمُثَنَّى بْنُ الصَّبَّاحِ، وَهُوَ ضَعِيفٌ وَوَثَّقَهُ ابْنُ مَعِينٍ فِي رِوَايَةٍ، وَقَالَ فِي رِوَايَةٍ: ضَعِيفٌ يُكْتَبُ حَدِيثُهُ، وَلَا يُتْرَكُ. وَقَدْ تَرَكَهُ غَيْرُهُ.

سیّدہ عائشہ رضی اللہ عنہ صدیقہ بیان کرتی ہیں: نبی اکرم صلى الله علیہ وسلم نے ارشادفرمایا:’’ الله تعالیٰ ایسی امت کو پاک نہیں کرتا، جس میں کمزور شخص کے لئے ،طاقتور سے حق نہیں لیا جاتا‘‘۔ یہ روایت امام بزارنےنقل کی ہے، اس کی سند میں ایک راوی مثنیٰ بن صباح ہے اور وہ ضعیف ہے ایک روایت کے مطابق یحییٰ بن معین نے اسے ثقہ قرار دیا ہے ایک روایت کے مطابق انہوں نے یہ کہا ہے کہ یہ ضعیف ہے اور اس کی حدیث کونوٹ کیا جائے گا ،اسے متروک قرارنہیں دیا جائے گا، حالانکہ ان کے علاوہ دیگر لوگوں نے اسے متروک قرار دیا ہے۔

عَائِشَةَ

7012 - وَعَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «لَا قُدِّسَتْ أُمَّةٌ لَا يُعْطَى الضَّعِيفُ فِيهَا حَقَّهُ غَيْرَ مُتَعْتَعٍ» ". رَوَاهُ أَبُو يَعْلَى، وَرِجَالُهُ رِجَالُ الصَّحِيحِ. قُلْتُ: وَتَأْتِي أَحَادِيثُ بِنَحْوِ هَذَا فِي الْخِلَافَةِ إِنْ شَاءَ اللَّهُ تَعَالَى.

حضرت ابوسعید خدریرضی اللہ عنہ روایت کرتے ہیں: نبی اکرم صلى الله علیہ وسلم نے ارشادفرمایا:’’ایسی امت کو پاک نہیں کیا جاتا، جس میں کمزور کو اس کا حق رکاوٹ (یا دقت) کے بغیرنہیں دیا جاتا‘‘۔ یہ روایت امام ابویعلیٰ نقل کی ہے، اور اس کے رجال صحیح کے رجال ہیں۔(علامہ ہیثمی فرماتے ہیں:) میں یہ کہتا ہوں : اس نوعیت کی دیگر احادیث خلافت سے متعلق باب میں آگے آئیں گی ، اگر اللہ نے چاہا۔

أَبِي سَعِيدٍ الْخُدْرِيِّ،

7013 - وَعَنِ ابْنِ مَسْعُودٍ قَالَ: «لَمَّا قَدِمَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْمَدِينَةَ أَقْطَعَ الدُّورَ، وَأَقْطَعَ ابْنَ مَسْعُودٍ فِيمَنْ أَقْطَعَ، فَقَالَ لَهُ أَصْحَابُهُ: يَا رَسُولَ اللَّهِ نَكِّبْهُ عَنَّا. قَالَ: " فَلِمَ بَعَثَنِي اللَّهُ إِذًا؟ إِنَّ اللَّهَ لَا يُقَدِّسُ أُمَّةً لَا يُعْطُونَ الضَّعِيفَ مِنْهُمْ حَقَّهُ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُ ثِقَاتٌ.

حضرت عبداللہ بن مسعود رضی اللہ عنہ بیان کرتے ہیں: جب نبی اکرم صلی اللہ علیہ وسلم مدینہ منورہ تشریف لائے ،تو آپ نے مختلف گھر عطیہ کے طور پر دیے، جن لوگوں کو آپ نے عطیہ کے طور پر دیے تھے، ان میں آپ نے حضرت عبداللہ بن مسعود رضی اللہ عنہ کو بھی دیا، آپ کے اصحاب نے آپ کی خدمت میں عرض کی: یا رسول اللہ! آپ انہیں ہم سے ہٹادیں ،نبی اکرم صلی اللہ علیہ وسلم نے فرمایا:’’ پھر اللہ تعالیٰ نے مجھے کیوں بھیجا ہے؟ بے شک الله تعالیٰ ایسی امت کو پاک نہیں کرتا ، جولوگ اپنے میں سے ضعیف شخص کو اس کا حق نہیں دیتے ہیں‘‘۔ یہ روایت امام طبرانی نے معجم کبیر اور معجم اوسط میں نقل کی ہے، اور اس کے رجال ثقہ ہیں۔

لَهُ أَصْحَابَهُ: ← «لَمَّا قَدِمَ رَسُولُ اللَّهِ الْمَدِينَةَ أَقْطَعَ الدُّورَ، وَأَقْطَعَ ابْنَ مَسْعُودٍ فِيمَنْ أَقْطَعَ، ← ابْنِ مَسْعُودٍ،

7014 - وَعَنْ قَابُوسَ بْنِ مُخَارِقٍ عَنْ أَبِيهِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «لَا قُدِّسَتْ أُمَّةٌ لَا يُؤْخَذُ فِيهَا لِلضَّعِيفِ حَقُّهُ غَيْرَ مُتَعْتَعٍ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُ ثِقَاتٌ. وَقَدْ تَقَدَّمَتْ أَحَادِيثُ فِي حُسْنِ قَضَاءِ الدَّيْنِ فِي الْبَيْعِ.

قابوس بن مخارق ، اپنے والد کا یہ بیان نقل کرتے ہیں:نبی اکرم صلى الله علیہ وسلم نے ارشادفرمایا:’’ایسی امت کو پاکیزگی عطا نہیں کی جاتی، جس میں کمزورشخص کاحق کسی رکاوٹ (یا دقت) کے بغیر وصول نہیں کیا جاسکتا‘‘۔ یہ روایت امام طبرانی نے معجم کبیر اورمعجم اوسط میں نقل کی ہے، اور اس کے رجال ثقہ ہیں۔ اچھے طریقے سے قرض ادا کرنے سے متعلق احادیث ، خرید وفروخت سے متعلق باب میں پہلے گزر چکی ہیں۔

أَبِيهِ ← وَعَنْ قَابُوسَ بْنِ مُخَارِقٍ

7015 - وَعَنْ مَسْرُوقٍ، قَالَ: كَرِهَ عَبْدُ اللَّهِ لِقَاضِي الْمُسْلِمِينَ أَنْ يَأْخُذَ عَلَيْهِ رِزْقًا، وَلِصَاحِبِ مَغَانِمِهِمْ. رَوَاهُ الطَّبَرَانِيُّ فِي الْكَبِيرِ، وَرِجَالُهُ ثِقَاتٌ.

مسروق بیان کرتے ہیں: حضرت عبداللہ رضی اللہ عنہ نے مسلمانوں کے قاضی کے لئے یہ چیز مکروہ قرار دی ہے کہ وہ اس کا معاوضہ وصول کرے، اسی طرح ان کے مال غنیمت ( کوتقسیم کرنے والے فرد کے لئے بھی معاوضہ لینا مکروہ ہے)۔ یہ روایت امام طبرانی نے معجم کبیر میں نقل کی ہے، اور اس کے رجال ثقہ ہیں۔

مَسْرُوقٍ

7016 - وَعَنْ عَلِيٍّ قَالَ: «نَهَى النَّبِيُّ - صَلَّى اللَّهُ عَلَيْهِ وَسَلَّمَ - أَنْ نُعَنِّفَ أَحَدَ الْخَصْمَيْنِ دُونَ الْآخَرِ». رَوَاهُ الطَّبَرَانِيُّ فِي الْأَوْسَطِ، وَفِيهِ الْهَيْثَمُ بْنُ غُصْنٍ، وَلَمْ أَجِدْ مَنْ ذَكَرَهُ، وَبَقِيَّةُ رِجَالِهِ ثِقَاتٌ.

حضرت علی رضی اللہ عنہ بیان کرتے ہیں:نبی اکرم صلى الله علیہ وسلم نے اس بات سے منع کیا ہے کہ ہم دو مقابل فریقوں میں سے ایک فریق کو چھوڑ کر دوسرے پر سختی کریں۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی ہیثم بن غصن ہے ، میں نے کسی کو اس کا ذکر کرتے ہونے نہیں پایا ہے، اس روایت کے بقیہ رجال ثقہ ہیں۔

فِيهِ الْهَيْثَمُ بْنُ غُصْنٍ، وَلَمْ أَجِدْ مَنْ ذَكَرَهُ، وَبَقِيَّةُ رِجَالِهِ ثِقَاتٌ. ← «نَهَى النَّبِيُّ أَنْ نُعَنِّفَ أَحَدَ الْخَصْمَيْنِ دُونَ الْآخَرِ». رَوَاهُ الطَّبَرَانِيُّ فِي الْأَوْسَطِ، ← عَلِيٍّ،

7017 - وَعَنْ أُمِّ سَلَمَةَ زَوْجِ النَّبِيِّ - صَلَّى اللَّهُ عَلَيْهِ وَسَلَّمَ - قَالَتْ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِذَا ابْتُلِيَ أَحَدُكُمْ فِي الْقَضَاءِ بَيْنَ الْمُسْلِمِينَ فَلَا يَقْضِيَنَّ، وَهُوَ غَضْبَانُ وَلْيُسَوِّ بَيْنَهُمْ بِالنَّظَرِ وَالْمَجْلِسِ وَالْإِشَارَةِ، وَلَا يَرْفَعْ صَوْتَهُ عَلَى أَحَدِ الْخَصْمَيْنِ فَوْقَ الْآخَرِ» ". رَوَاهُ أَبُو يَعْلَى، وَالطَّبَرَانِيُّ فِي الْكَبِيرِ بِاخْتِصَارٍ، وَفِيهِ عَبَّادُ بْنُ كَثِيرٍ الثَّقَفِيُّ، وَهُوَ ضَعِيفٌ.

نبی اکرم صلی اللہ علیہ وسلم کی زوجہ محترمہ سیّدہ اُمّ سلمہ رضی اللہ عنہ رضی اللہ عنہ بیان کرتی ہیں: نبی اکرم صلی اللہ علیہ وسلم نے ارشادفرمایا:’’ جب تم میں سے کوئی ایک شخص مسلمانوں کے درمیان قاضی بننے کی آزمائش میں مبتلاء ہو، تو وہ غصے کی حالت میں ہرگز فیصلہ نہ دے ، د یکھنے، بیٹھنے کی جگہ، اور اشارہ کرنے کے حوالے سے ، وہ لوگوں کے درمیان برابری رکھے، اور دو فریقوں میں سے کسی ایک کے خلاف دوسرے کی بہ نسبت آواز بلند نہ کرے‘‘۔ یہ روایت امام ابویعلیٰ نے نقل کی ہے، اور امام طبرانی نے معجم کبیر میں اختصار کے ساتھ نقل کی ہے اس کی سند میں ایک راوی عباد بن ثقفی ہے اور وہ ضعیف ہے۔

أُمِّ سَلَمَةَ زَوْجِ النَّبِيِّ

7018 - وَعَنْ أَبِي مُوسَى الْأَشْعَرِيِّ أَنَّ مُعَاوِيَةَ بْنَ أَبِي سُفْيَانَ قَالَ لَهُ: «أَمَا عَلِمْتَ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ إِذَا اخْتَصَمَ عِنْدَهُ الرَّجُلَانِ فَاتَّعَدَا الْمَوْعِدَ فَجَاءَ أَحَدُهُمَا، وَلَمْ يَأْتِ الْآخَرُ قَضَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - لِلَّذِي جَاءَ عَلَى الَّذِي لَمْ يَجِئْ، فَقَالَ أَبُو مُوسَى: إِنَّمَا كَانَ ذَلِكَ فِي الدَّابَّةِ وَالشَّاةِ وَالْبَعِيرِ. وَالَّذِي نَحْنُ فِيهِ أَمْرُ النَّاسِ». رَوَاهُ الطَّبَرَانِيُّ فِي الْأَوْسَطِ، وَفِيهِ خَالِدُ بْنُ نَافِعٍ الْأَشْعَرِيُّ. قَالَ أَبُو حَاتِمٍ: لَيْسَ بِقَوِيٍّ يُكْتَبُ حَدِيثُهُ، وَضَعَّفَهُ الْأَئِمَّةُ.

حضرت ابو موسیٰ اشعری رضی اللہ عنہ بیان کرتے ہیں: حضرت معاویہ بن ابوسفیان رضی اللہ عنہ نے ان سے کہا: کیا آپ یہ بات نہیں جانتے کہ جب نبی اکرم صلی اللہ علیہ وسلم کے سامنے دو آدمیوں نے مقدمہ پیش کیا اور دونوں نے مخصوص وقت میں آنے کا وعدہ کیا اور ان میں سے ایک آگیا اور دوسرا نہیں آیا، تو نبی اکرم صلی اللہ علیہ وسلم نے آنے والے شخص کے حق میں اس شخص کے خلاف فیصلہ دے دیا ،جونہیں آیا تھا۔ تو حضرت ابو موسیٰ اشعری رضی اللہ عنہ نے فرمایا: یہ جانور یا اونٹ یا بکری وغیرہ کے مقدمے میں ہوگا، اور ہمارا اور آپ کا اختلاف لوگوں پر حکومت کے بارے میں ہے۔ یہ روایت امام طبرانی نے معجم اوسط میں نقل کی ہے، اس کی سند میں ایک راوی خالد بن نافع اشعری ہے، ابوحاتم کہتے ہیں: وہ قوی نہیں ہے اس کی حدیث کو نوٹ کیا جائے گا، ائمہ نے اسے ضعیف قراردیا ہے۔

لَهُ: «أَمَا عَلِمْتَ ← وَعَنْ أَبِي مُوسَى الْأَشْعَرِيِّ أَنَّ مُعَاوِيَةَ بْنَ أَبِي سُفْيَانَ

7019 - وَعَنْ عِمْرَانَ بْنِ حُصَيْنٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَنْ دُعِيَ إِلَى حَاكِمٍ مِنْ حُكَّامِ الْمُسْلِمِينَ فَلَمْ يَأْتِهِ فَهُوَ ظَالِمٌ» ". - أَوْ قَالَ: " «لَا حَقَّ لَهُ» ". رَوَاهُ الْبَزَّارُ، وَفِيهِ رَوْحُ بْنُ عَطَاءِ بْنِ أَبِي مَيْمُونَةَ، وَهُوَ ضَعِيفٌ، وَقَدْ وَثَّقَهُ ابْنُ عَدِيٍّ.

حضرت عمران بن حصین رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ’’جس شخص کو، کسی مسلمان حکمران کے پاس بلایا جائے ،اور وہ اس کے پاس نہ آئے ،تو وہ ظالم ہوگا‘‘ (راوی کوشک ہے شایدیہ الفاظ ہیں:) آپ نے فرمایا: اس کا کوئی حق نہیں ہوگا‘‘۔ یہ روایت امام بزار نے نقل کی ہے، اس کی سند میں ایک راوی روح بن عطاء بن ابو میمونہ ہے اور وہ ضعیف ہے ، ابن عدی نے اسے ثقہ قراردیاہے۔

عِمْرَانَ بْنِ حُصَيْنٍ