Majma uz Zawaid Wa Manba ul Fawaid

3920 - وَعَنْ جَابِرٍ قَالَ: «سَمِعْتُ عُمَرَ يَقُولُ لِطَلْحَةَ بْنِ عُبَيْدِ اللَّهِ: مَا لِي أَرَاكَ شَعِثًا أَغْبَرَ مُنْذُ تُوُفِّيَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لَعَلَّهُ أَنَّ مَا بِكَ أَمَارَةُ ابْنِ عَمِّكَ؟ قَالَ: فَقَالَ: مَعَاذَ اللَّهِ إِنِّي سَمِعْتُهُ يَقُولُ: " إِنِّي لَأَعْلَمُ كَلِمَةً لَا يَقُولُهَا رَجُلٌ يَحْضُرُهُ الْمَوْتُ إِلَّا وَجَدَ رُوحَهُ لَهَا رَوْحَةٌ حَتَّى تَخْرُجَ مَنْ جَسَدِهِ، وَكَانَتْ لَهُ نُورًا يَوْمَ الْقِيَامَةِ "، فَلَمْ أَسْأَلْ رَسُولَ اللَّهِ - صَلَّى اللَّهُ عَلَيْهِ وَسَلَّمَ - عَنْهَا وَلَمْ يُخْبِرْنِي بِهَا! فَذَاكَ الَّذِي دَخَلَنِي!! قَالَ عُمَرُ: فَإِنِّي أَعْلَمُهَا قَالَ: فَلِلَّهِ الْحَمْدُ فَمَا هِيَ قَالَ: الْكَلِمَةُ الَّتِي قَالَهَا لِعَمِّهِ قَالَ: صَدَقْتَ». قُلْتُ: رَوَى ابْنُ مَاجَهْ بَعْضَهُ. رَوَاهُ أَبُو يَعْلَى، وَرِجَالُهُ رِجَالُ الصَّحِيحِ.

حضرت جابر رضی اللہ عنہ بیان کرتے ہیں: میں نے حضرت عمر رضی اللہ عنہ کو حضرت طلحہ بن عبید اللہ رضی اللہ عنہ سے یہ کہتے ہوئے سنا: کیاوجہ ہے نبی اکرم صلی اللہ علیہ وسلم کے وصال کے بعد میں مسلسل تمہیں بکھرے ہوئے بالوں والا اور غبار آلود دیکھ رہا ہوں شاید تمہیں اپنے چچازادکی امارت (یعنی حکومت ) کے حوالے سے کوئی الجھن ہے‘ تو انہوں نے کہا اس بات سے اللہ کی پناہ ہے میں نے نبی اکرم صلی اللہ علیہ وسلم کو یہ ارشادفر ماتے ہوئے سناہے: ’’ میں ایک ایسے کلمہ کے بارے میں جانتا ہوں کہ جسے کوئی شخص موت کے قریب پڑھ لے تو اس کی روح کو اس کی راحت محسوس ہو گی یہاں تک کہ وہ روح اس کے جسم سے نکل جائے اور وہ کلمہ قیامت کے دن اس شخص کے لئے نور ہو گا‘‘۔ حضرت طلحہ رضی اللہ عنہ نے بتایا میں نے نبی اکرم صلی اللہ علیہ وسلم سے اس کلمے کے بارے میں دریافت بھی نہیں کیا ‘ اور آپ نے مجھے اس کے بارے میں بتایا بھی نہیں تو اس چیز نے مجھے پریشان کیا ہوا ہے حضرت عمر رضی اللہ عنہ نے فرمایا: میں اس کلمے کے بارے میں جانتا ہوں تو حضرت طلحہ نے کہا: ہر طرح کی حمد اللہ تعالیٰ کے لئے مخصوص ہے وہ کلمہ کون سا ہے ‘ تو حضرت عمر رضی اللہ عنہ نے فرمایا: یہ وہ کلمہ ہے ‘ جو نبی اکرم صلی اللہ علیہ وسلم نے اپنے چچا کو پڑھنے کے لئے کہاتھا ‘ تو حضرت طلحہ نے کہا: آپ نے ٹھیک کہا ہے۔ (علامہ ہیثمی فرماتے ہیں: ) میں یہ کہتا ہوں : امام ابن ماجہ نے اس روایت کا کچھ حصہ نقل کیا ہے۔ یہ روایت امام ابو یعلی ٰنے نقل کی ہے ‘ اور اس کے رجال’’صحیح‘‘ کے رجال ہیں۔

عُمَرَ، ← جَابِرٍ

3921 - وَعَنْ يَحْيَى بْنَ طَلْحَةَ قَالَ: «رَأَى عُمَرُ طَلْحَةَ بْنَ عُبَيْدِ اللَّهِ حَزِينًا فَقَالَ: مَا لَكَ؟ قَالَ: إِنِّي سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " إِنِّي لَأَعْلَمُ كَلِمَاتٍ لَا يَقُولُهُنَّ عَبْدٌ عِنْدَ الْمَوْتِ إِلَّا نَفَّسَ اللَّهُ عَنْهُ وَأَشْرَقَ لَهُ لَوْنَهُ، [وَرَأَى] مَا يَسُرُّهُ " قَالَ: فَمَا يَمْنَعُنِي أَنْ أَسْأَلَهُ عَنْهَا إِلَّا الْقُدْرَةُ عَلَيْهَا فَقَالَ عُمَرُ: إِنِّي لَأَعْلَمُ مَا هِيَ قَالَ طَلْحَةُ: مَا هِيَ؟ قَالَ: هَلْ تَعْلَمُ كَلِمَةً هِيَ أَفْضَلُ مِنْ كَلِمَةٍ دَعَا إِلَيْهَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَمَّهُ عِنْدَ الْمَوْتِ، قَالَ طَلْحَةُ: هِيَ - وَاللَّهِ - هِيَ [قَالَ عُمَرُ] لَا إِلَهَ إِلَّا اللَّهُ». رَوَاهُ أَبُو يَعْلَى، وَرِجَالُهُ رِجَالُ الصَّحِيحِ.

یحییٰ بن طلحہ بیان کرتے ہیں : حضرت عمر رضی اللہ عنہ نے حضرت طلحہ بن عبیداللہ رضی اللہ عنہ کوغمگین دیکھاتو در یافت کیا: تمہیں کیا ہوا ہے؟ حضرت طلحہ رضی اللہ عنہ نے بتایا میں نے نبی اکرم صلی اللہ علیہ وسلم کو یہ ارشادفر ماتے ہوئے سنا ہے: ”میں کچھ کلمات کے بارے میں جانتا ہوں جنہیں کوئی شخص مرتے وقت پڑھ لے تو اللہ تعالیٰ اس کی پریشانی ختم کر دے گا‘ اور اس کے رنگ کوروشن کر دے گا اور وہ شخص ایسی چیز دیکھے گا‘ جواسے خوش کر دے گی‘‘۔ پھر حضرت طلحہ نے فرمایا: میں نبی اکرم صلی اللہ علیہ وسلم سے اس بارے میں دریافت کر سکتا تھا‘ لیکن میں نے پھر بھی اس بارے میں آپ سے دریافت نہیں کیا‘ تو حضرت عمر رضی اللہ عنہ نے فرمایا: میں جانتا ہوں کہ وہ کلمات کون سے ہیں؟ حضرت طلحہ رضی اللہ عنہ نے دریافت کیا: وہ کون سے ہیں حضرت عمر رضی اللہ عنہ نے دریافت کیا: کیا آپ کسی ایسے کلمے سے واقف ہیں جواس کلمہ سے زیادہ فضیات رکھتا ہو جس کی طرف نبی اکرم صلی اللہ علیہ وسلم نے اپنے چچا( جناب ابوطالب) کوان کے انتقال کے قریب دعوت دی تھی؟ تو حضرت طلحہ نے کہا: وہی ہے اللہ کی قسم وہی ہے حضرت عمر رضی اللہ عنہ نے کہا: وہ لا الہٰ الا اللہ ہے۔ یہ روایت امام ابویعلیٰ نے نقل کی ہے‘ اور اس کے رجال ’’صحیح‘‘ کے رجال ہیں۔

يَحْيَى بْنُ طَلْحَةَ

3922 - وَعَنْ أَنَسٍ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - عَادَ رَجُلًا مِنَ الْأَنْصَارِ فَقَالَ: " يَا خَالِ قُلْ: لَا إِلَهَ إِلَّا اللَّهُ "، فَقَالَ: خَالٌ أَمْ عَمٌّ؟ قَالَ: " لَا بَلْ خَالٌ " [وَقَالَ] خَيْرٌ إِلَيَّ أَنْ أَقُولَهَا قَالَ: " نَعَمْ». رَوَاهُ أَبُو يَعْلَى وَالْبَزَّارُ، وَرِجَالُهُ رِجَالُ الصَّحِيحِ.

حضرت انس رضی اللہ عنہ بیان کرتے ہیں: نبی اکرم صلی اللہ علیہ وسلم انصار سے تعلق رکھنے والے ایک شخص کی عیادت کے لئے تشریف لے گئے آپ نے فرمایا: اے ماموں ! آپ لا الہ الا اللہ پڑھ لیں تو اس شخص نے دریافت کیا: ماموں یا چچا؟ نبی اکرم صلی اللہ علیہ وسلم نے فرمایا: جی نہیں ! بلکہ ماموں‘ اس شخص نے کہا: اگر میں یہ کلمہ پڑھ لوں گا‘ تو کیا مجھے بھلائی نصیب ہو گی نبی اکرم صلی اللہ علیہ وسلم نے ارشادفرمایا : جی ہاں ۔یہ روایت امام ابویعلیٰ اورامام بزار نے نقل کی ہے ‘ اوراس کے رجال’’صحیح‘‘ کے رجال ہیں۔

أَنَسٍ،

3923 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «لَا يَقُولَنَّ أَحَدُكُمْ: اللَّهُمَّ لَقِّنِّي حُجَّتِي، فَإِنَّ الْكَافِرَ يُلَقَّنُ حُجَّتَهُ، وَلَكِنْ لِيَقُلِ: اللَّهُمَّ لَقِّنِّي حُجَّةَ الْإِيمَانِ عِنْدَ الْمَمَاتِ». رَوَاهُ الطَّبَرَانِيُّ فِي الْأَوْسَطِ، وَفِيهِ ابْنُ لَهِيعَةَ وَفِيهِ كَلَامٌ وَفِيهِ السَّكَنُ بْنُ أَبِي كَرِعَةَ وَلَمْ أَعْرِفْهُ.

حضرت ابو ہر یرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا: تم میں سے کوئی ایک شخص یہ ہرگز نہ کہے کہ اے اللہ! مجھے میری حجت کی تلقین کرنا کیونکہ کافر کو اس کی حجت کی تلقین کی جاتی ہے آدمی کو یہ کہنا چاہیے : اے اللہ ! موت کے قریب ایمان کی حجت کی مجھے تلقین کرنا۔ یہ روایت امام طبرانی نے معجم اوسط میں نقل کی ہے۔اس کی سند میں ایک راوی ابن لہیعہ ہے ‘ اور اس کے بارے میں کلام کیا گیا ہے۔ اس کی سند میں ایک راوی سکن بن ابوکرعہ‘ ہے اور میں اس سے واقف نہیں ہوں ۔

أَبِي هُرَيْرَةَ،