Majma uz Zawaid Wa Manba ul Fawaid

3510 - وَعَنْ عَبْدِ اللَّهِ - يَعْنِي ابْنَ مَسْعُودٍ - قَالَ: مَا حَالٌ أَحَبُّ إِلَى اللَّهِ أَنْ يَجِدَ الْعَبْدَ فِيهِ مِنْ أَنْ يَجِدَهُ عَافِرًا وَجْهَهُ. رَوَاهُ الطَّبَرَانِيُّ فِي الْكَبِيرِ، وَفِيهِ عَاصِمُ بْنُ أَبِي النُّجُودِ وَفِيهِ كَلَامٌ.

حضرت عبداللہ بن مسعود رضی اللہ عنہ فرماتے ہیں: کوئی بھی حالت اللہ تعالی کے نزدیک اس سے زیادہ پسند ید ہ نہیں ہے وہ بندے کو ایسی حالت میں پائے کہ اس نے اپنا چہرہ خاک پر رکھا ہوا ہو (یعنی سجدہ کیا ہوا ہو)۔یہ روایت امام طبرانی نےمعجم کبیر میں نقل کی ہے اس کی سند میں ایک راوی عاصم بن ابونجود ہے جس کے بارے میں کلام کیا گیا ہے۔

عبد الله -يعني ابن مسعود-

3511 - «وَعَنْ أَبِي رَيْحَانَةَ قَالَ: أَتَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَشَكَوْتُ إِلَيْهِ تَفَلُّتَ الْقُرْآنِ مِنِّي وَمَشَقَّتَهُ عَلَيَّ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " لَا تَحْمِلْ عَلَيْكَ مَا لَا تُطِيقُ وَعَلَيْكَ بِالسُّجُودِ». رَوَاهُ الطَّبَرَانِيُّ فِي الْكَبِيرِ مِنْ رِوَايَةِ شَيْخِهِ إِبْرَاهِيمَ بْنِ مُحَمَّدِ بْنِ عَرَقِ بْنِ الْحِمْصِيِّ قَالَ الذَّهَبِيُّ: غَيْرُ مُعْتَمَدٍ.

حضرت ابوریحانہ رضی اللہ عنہ بیان کرتے ہیں : میں نبی اکرم صلی اللہ علیہ و آلہ و سلم کی خدمت میں حاضر ہوا میں نے آپ صلی اللہ علیہ و آلہ و سلم کی خدمت میں یہ شکایت کی کہ مجھے قرآن یا دنہیں ہوتا اسے یاد کرنے میں مشقت پیش آتی ہے تو نبی اکرم صلی اللہ علیہ و آلہ و سلم نے ارشادفرمایا:تم اپنے اوپر وہ بوجھ نہ لا دو جس کی تم میں طاقت نہیں ہے تم پر سجدے کرنا لازم ہے۔ یہ روایت امام طبرانی نے معجم کبیر میں اپنے استاد ابراہیم بن محمد بن عرق بن حمصی سے نقل کی ہے امام ذہبی فرماتے ہیں:غیرمعتمدہے۔

أَبِي رَيْحَانَةَ

3512 - وَعَنْ جُبَيْرِ بْنِ نَوْفَلٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَا أَذِنَ اللَّهُ لِعَبْدٍ فِي شَيْءٍ أَفْضَلَ مِنْ رَكْعَتَيْنِ أَوْ أَكْثَرَ، وَالْبِرُّ يَتَنَاثَرُ فَوْقَ رَأْسِ الْعَبْدِ مَا كَانَ فِي صَلَاةٍ، وَمَا تَقَرَّبَ عَبْدٌ إِلَى اللَّهِ - عَزَّ وَجَلَّ - بِأَفْضَلَ مِمَّا خَرَجَ مِنْهُ - يَعْنِي الْقُرْآنَ -» ". رَوَاهُ الطَّبَرَانِيُّ فِي الْكَبِيرِ، وَفِيهِ لَيْثُ بْنُ أَبِي سُلَيْمٍ وَفِيهِ كَلَامٌ.

حضرت جبیر بن نوفل رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم نے ارشاد فر مایا:اللہ تعالی کسی بھی بندے کی کسی بات کو اتنا پسند نہیں کرتاحتنی فضیلت دو رکعات یا اس سے زیادہ (رکعات) ادا کرنے کو حاصل ہے ،نیک بندے کے سر پر چھٹر کی جاتی رہتی ہے جب تک وہ نماز کی حالت میں رہتا ہے اور کوئی بھی بندہ اللہ تعالی کا قرب کسی ایسی چیز کے ذریعے حاصل نہیں کرتا ہے جو اس سے زیادہ فضیلت رکھتی ہو جو چیز اللہ تعالی کی طرف سے آئی ہے (راوی بیان کرتے ہیں: نبی اکرم صلی اللہ علیہ و آلہ و سلم کی مراد قرآن تھا۔یہ روایت امام طبرانی نے معجم کبیر میں نقل کی ہے اس کی سند میں ایک راوی لیث بن ابوسلیم ہے اور اس کے بارے میں کلام کیا گیا ہے۔

جبير بن نوفل

3513 - وَعَنْ سَلَمَةَ بْنِ الْأَكْوَعِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «اسْتَقِيمُوا وَلَنْ تُحْصُوا وَاعْلَمُوا أَنَّ أَفْضَلَ أَعْمَالِكُمُ الصَّلَاةَ، وَلَنْ يُحَافِظَ عَلَى الصَّلَاةِ إِلَّا مُؤْمِنٌ " رَوَاهُ الطَّبَرَانِيُّ فِي الْكَبِيرِ وَفِيهِ: الْوَاقِدِيُّ، وَهُوَ ضَعِيفٌ» ".

حضرت سلمہ بن اکوع رضی اللہ عنہ روایت کرتے ہیں: نبی اکرم صلی اللہ علیہ و آلہ و سلم نے ارشادفرمایا ہے: تم لوگ سیدھے رہو اور شمار نہ کرو اور یہ بات جان لو کہ تمہارے اعمال میں سب سے زیادہ فضیلت نماز کی ہے او نماز کو باقاعدگی کے ساتھ کوئی مومن ہی ادا کرے گا‘‘۔ یہ روایت امام طبرانی نےمعجم کبیر میں نقل کی ہے اس کی سند میں ایک راوی واقدی ہے اور وہ "ضعیف" ہے۔

سَلَمَةَ بْنِ الْأَكْوَعِ

3514 - وَعَنْ عُبَادَةَ بْنِ الصَّامِتِ، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: " «اسْتَقِيمُوا وَنِعِمَّا إِنِ اسْتَقَمْتُمْ وَخَيْرُ أَعْمَالِكُمْ الصَّلَاةُ» " رَوَاهُ الطَّبَرَانِيُّ فِي الْكَبِيرِ عَنْ مُحَمَّدِ بْنِ عُبَادَةَ عَنْ أَبِيهِ، وَلَمْ أَجِدْ مَنْ تَرْجَمَهُ.

حضرت عبادہ بن صامت رضی اللہ عنہ نبی اکرم صلی اللہ علیہ و آلہ و سلم کایہ فرمان نقل کرتے ہیں: تم لوگ مستقیم رہو! اور یہ اچھی بات ہے اگر مستقیم رہو اور تمہارے اعمال میں سب سے بہتر نماز ہے۔یہ روایت امام طبرانی نےمعجم کبیر میں محمد بن عبادہ کے حوالے سے ان کے والد سے نقل کی ہے میں نے کسی کو ان کے حالات بیان کرتے ہوئےنہیں پایا ہے۔

أَبِيهِ، وَلَمْ أَجِدْ مَنْ تَرْجَمَهُ. ← مُحَمَّدُ بْنُ عُبَادَةَ، ← «اسْتَقِيمُوا وَنِعِمَّا إِنِ اسْتَقَمْتُمْ وَخَيْرُ أَعْمَالِكُمْ الصَّلَاةُ» رَوَاهُ الطَّبَرَانِيُّ فِي الْكَبِيرِ ← النَّبِيِّ ← وَعَنْ عُبَادَةَ بْنِ الصَّامِتِ

3515 - وَعَنْ مَالِكِ بْنِ قَيْسٍ قَالَ: «قَدِمَ عُقْبَةُ بْنُ عَامِرٍ عَلَى مُعَاوِيَةَ وَهُوَ بِإِيلِيَاءَ فَلَمْ يَلْبَثْ أَنْ خَرَجَ فَطُلِبَ فَلَمْ يُوجَدْ -[أَوْ] قَالَ: فَطَلَبْنَاهُ فَلَمْ نَجِدْهُ - فَأَتَيْنَاهُ فَإِذَا هُوَ يُصَلِّي بِبِرَازٍ مِنَ الْأَرْضِ قَالَ: فَقَالَ: مَا جَاءَ بِكُمْ؟ قَالُوا: جِئْنَا لِنُحْدِثَ بِكَ عَهْدًا أَوْ نَقْضِيَ مِنْ حَقِّكَ قَالَ: فَعِنْدِي جَائِزَتُكُمْ، كُنَّا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي سَفَرٍ فَكَانَ عَلَى كُلِّ رَجُلٍ مِنَّا رِعَايَةُ الْإِبِلِ يَوْمًا فَكَانَ يَوْمِي الَّذِي أَرْعَى فِيهِ قَالَ: فَرَوَّحْتُ الْإِبِلَ وَانْتَهَيْتُ إِلَى النَّبِيِّ - صَلَّى اللَّهُ عَلَيْهِ وَسَلَّمَ - وَقَدْ طَافَ بِهِ أَصْحَابُهُ وَهُوَ يُحَدِّثُ، قَالَ: فَأَهْمَلْتُ الْإِبِلَ وَتَوَجَّهْتُ نَحْوَهُ فَانْتَهَيْتُ إِلَيْهِ وَهُوَ يَقُولُ: " مَنْ تَوَضَّأَ فَأَحْسَنَ الْوُضُوءَ ثُمَّ صَلَّى رَكْعَتَيْنِ يُرِيدُ بِهِمَا وَجْهَ اللَّهِ غَفَرَ اللَّهُ لَهُ مَا كَانَ قَبْلَهَا " فَقُلْتُ: اللَّهُ أَكْبَرُ، قَالَ فَضَرَبَ رَجُلٌ عَلَى كَتِفِي فَالْتَفَتُّ فَإِذَا أَبُو بَكْرٍ قَالَ: يَا ابْنَ عَامِرٍ مَا كَانَ قَبْلَهَا أَفْضَلُ، قُلْتُ: مَا كَانَ قَبْلَهَا؟ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " مَنْ شَهِدَ أَنْ لَا إِلَهَ إِلَّا اللَّهُ يُصَدِّقُ قَلْبُهُ لِسَانَهُ دَخَلَ مِنْ أَيِّ أَبْوَابِ الْجَنَّةِ شَاءَ». قُلْتُ: لَهُ حَدِيثٌ فِي الصَّحِيحِ غَيْرُ هَذَا. رَوَاهُ أَبُو يَعْلَى، وَمَالِكُ بْنُ قَيْسٍ لَمْ أَجِدْ مَنْ ذَكَرَهُ، وَفِيهِ عَبْدُ الرَّحْمَنِ بْنُ زِيَادِ بْنِ أَنْعَمٍ وَفِيهِ كَلَامٌ كَثِيرٌ وَقَدْ وَثَّقَهُ بَعْضُ النَّاسِ.

مالک بن قیس بیان کرتے ہیں : حضرت عقبہ بن عامر رضی اللہ عنہ حضرت معاویہ رضی اللہ عنہ کے پاس تشریف لائے جو ایلیا میں موجود تھے تھوڑی دیر کے بعد وہ تشریف لے گئے انہیں تلاش کیا گیا تو وہ نہیں ملے (راوی کو شک ہے شاید یہ الفاظ ہیں : ) ہم نے انہیں تلاش کیا تو ہم نے انہیں نہیں پایا پھر ہم ان کے پاس آئے وہ اس وقت ایک کھلی جگہ پر نماز ادا کر رہے تھے انہوں نے دریافت کیا تم لوگ کیوں آئے ہو؟ لوگوں نے بتایا: ہم اس لئے آئے ہیں تا کہ آپ سے دوبارہ ملیں اور آپ کا جوحق ہے اس کو اداکریں (یعنی آپ سے استفادہ کریں) انہوں نے فرمایا: میرے پاس تمہاری ضرورت کی چیز ہے ایک مرتبہ ہم لوگ نبی اکرم صلی اللہ علیہ و آلہ و سلم کے ساتھ سفر کررہے تھے ہم میں سے ہر ایک شخص کے ذمہ اونٹ کی ایک دن کی دیکھ بھال لا زم تھی جب میرا مخصوص دن آیا جس دن میں نے اونٹ کو چرانا تھا تو میں اونٹوں کو چرانے کے لئے لے گیا جب میں نبی اکرم صلی اللہ علیہ و آلہ و سلم کے پاس آیا تو نبی اکرم صلی اللہ علیہ و آلہ و سلم کے اصحاب آپ صلی اللہ علیہ و آلہ و سلم کے پاس آجارہے تھے اور آپ صلی اللہ علیہ و آلہ و سلم بات چیت کررہے تھے میری توجہ اونٹوں سے ہٹ گئی اور نبی اکرم صلی اللہ علیہ و آلہ و سلم کی طرف مبذول ہوئی جب میں آپ صلی اللہ علیہ و آلہ و سلم کے پاس آیا تو آپ صلی اللہ علیہ و آلہ و سلم ارشاد فرمارہے تھےجوشخص وضوکرتے ہوئے اچھی طرح وضو کرے پھر دو رکعات نماز ادا کرے اور ان دونوں کے ذریعے وہ الله تعالی کی رضا کا ارادہ کرے تو الله تعالی اس کے پہلے کے گناہوں کی مغفرت کر دے گا۔ میں نے الله اکبر کہا تو کسی صاحب نے میرےکندھے پر ہاتھ مارا میں نے مڑ کر دیکھا تو وہ حضرت ابو بکر رضی اللہ عنہ تھے انہوں نے فرمایا: اے عامر کے صاحبزادے!اس سے پہلے نبی اکرم صلی اللہ علیہ و آلہ و سلم نے جو بات ارشاد فرمائی تھی وہ زیادہ فضیلت رکھتی ہے میں نے دریافت کیا۔ اس سے پہلے کی بات تھی ؟ انہوں نے بتایا:نبی اکرم ص نے ارشاد فرمایا:جوشخص اس بات کی گواہی دے کہ الله تعالی کے علاوہ اور کوئی معبود نہیں ہے اور اس کا دل اس کی زبان کی تصدیق کرے وہ شخص جنت کے جس بھی دروازے میں سے چاہے گا اندر داخل ہوجائے گا۔(علامہ ہیثمی فر ماتے ہیں): میں یہ کہتا ہوں :"صحیح" میں اس صحابی کے حوالے سے ایک حدیث منقول ہے جو اس روایت کےعلاوہ ہے۔یہ روایت امام ابویعلی نے نقل کی ہے مالک بن قیس نامی راوی کا ذکر کرتے ہوئے میں نے کسی کو نہیں پایا ہے اس روایت کی سند میں ایک راوی عبدالرحمن بن زیاد بن انعم ہے اور اس کے بارے میں بہت زیادہ کلام کیا گیا ہے بعض حضرات نے اسے "ثقہ " قرار دیا ہے۔

قدم عقبة بن عامر على معاوية وهو بإيلياء فلم يلبث ← مَالِكِ بْنِ قَيْسٍ،