Majma uz Zawaid Wa Manba ul Fawaid

3399 - عَنْ أَنَسِ بْنِ مَالِكٍ «أَنَّهُ لَمْ يَرَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - صَلَّى الضُّحَى قَطُّ إِلَّا أَنْ يَخْرُجَ فِي سَفَرٍ أَوْ يَقْدِمَ مِنْ سَفَرٍ». رَوَاهُ أَحْمَدُ وَأَبُو يَعْلَى إِلَّا أَنَّهُ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لَا يُصَلِّي الضُّحَى إِلَّا أَنْ يَقْدِمَ مِنْ سَفَرٍ أَوْ يَخْرُجَ» وَكَّلَاهُمَا رَوَاهُ عُبَيْدُ اللَّهِ بْنُ رَوَّاحَةَ قَالَ: حَدَّثَنِي أَنَسٌ. قُلْتُ: وَلَمْ أَجِدْ مَنْ ذَكَرَهُ، وَأَغْفَلَهُ الشَّرِيفُ.

حضرت انس بن مالک رضی اللہ عنہ بیان کرتے ہیں: انہوں نے کبھی بھی نبی اکرم صلی اللہ علیہ و آلہ و سلم کو چاشت کے وقت نماز ادا کرتے ہوئے نہیں دیکھا البتہ اگر آپ صلی اللہ علیہ و آلہ و سلم کسی سفر پرتشریف لے جانے لگتے یا سفر سے واپس تشریف لاتے( تو اس وقت نماز ادا کر لیتے تھے)۔یہ روایت امام احمد اور امام ابویعلی نقل کی ہے تاہم انہوں نے یہ الفاظ نقل کیے ہیں: نبی اکرم صلی اللہ علیہ و آلہ و سلم چاشت کی نماز ادا نہیں کرتے تھے البتہ اگر آپ کسی سفر سے تشریف لاتے یا سفر پرتشریف لے جانے لگے تو ایسا کر لیتے تھے۔یہ دونوں روایات عبداللہ بن رواحہ نے نقل کی ہیں وہ بیان کرتے ہیں : حضرت انس رضی اللہ عنہ نے مجھے حدیث بیان کی ہے۔(علامہ ہیثمی فرماتے ہیں): میں یہ کہتا ہوں : میں نے کسی کو ان کا ذکر کرتے ہوئے نہیں پایا ہے اور شریف نے بھی ان سے غفلت کی ہے۔

اَنَسِ بْنِ مَالِکٍ،

3400 - وَعَنْ أَبِي هُرَيْرَةَ قَالَ: مَا رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - صَلَّى الضُّحَى إِلَّا مَرَّةً رَوَاهُ أَحْمَدُ وَالْبَزَّارُ إِلَّا أَنَّهُ قَالَ: لَمْ يُصَلِّ الضُّحَى إِلَّا مَرَّةً وَرِجَالُهُ ثِقَاتٌ.

حضرت ابو ہریرہ رضی اللہ عنہ بیان کرتے ہیں: میں نے نبی اکرم صلی اللہ علیہ و آلہ و سلم کو صرف ایک مرتبہ چاشت کی نماز ادا کر تے ہو دیکھا ہےیہ روایت امام احمد اور امام بزارنے نقل کی ہے تاہم انہوں نے یہ الفاظ نقل کیے ہیں:”آپ صلی اللہ علیہ و آلہ و سلم نے صرف ایک مرتبہ چاشت کی نماز ادا کی ۔ اس کے رجال" ثقہ "ہیں۔

مَا رَأَيْتُ رَسُولَ اللَّهِ صَلَّى الضُّحَى إِلَّا مَرَّةً رَوَاهُ أَحْمَدُ وَالْبَزَّارُ إِلَّا ← أَبِي هُرَيْرَةَ،

3401 - وَعَنْ أَبِي عُبَيْدَةَ بْنِ عَبْدِ اللَّهِ بْنِ مَسْعُودٍ أَنَّ أَبَاهُ لَمْ يَكُنْ يُصَلِّي (صَلَاةَ) الضُّحَى. رَوَاهُ الطَّبَرَانِيُّ فِي الْكَبِيرِ وَرِجَالُهُ مُوَثَّقُونَ، إِلَّا أَنَّ أَبَا عُبَيْدَةَ لَمْ يَسْمَعْ مِنْ أَبِيهِ.

ابوعبیدہ بن عبداللہ بن مسعود بیان کرتے ہیں: ان کے والد ( یعنی حضرت عبداللہ بن مسعود رضی اللہ عنہ) چاشت کی نماز ادا نہیں کیا کرتے تھے۔ یہ روایت امام طبرانی نے معجم کبیر میں نقل کی ہے اور اس کے رجال کی توثیق کی گئی ہے۔ البتہ ابوعبیدہ نامی راوی نے اپنے والد حضرت عبداللہ بن مسعود رضی اللہ عنہ) سے سماع نہیں کیا ہے۔

3402 - وَعَنْ أَبِي أُمَامَةَ بْنِ سَهْلِ بْنِ حُنَيْفٍ قَالَ: أَوَّلُ مَنْ صَلَّى الضُّحَى رَجُلٌ مِنْ أَصْحَابِ النَّبِيِّ - صَلَّى اللَّهُ عَلَيْهِ وَسَلَّمَ - يُكْنَى بِأَبِي الزَّوَائِدِ. رَوَاهُ الطَّبَرَانِيُّ فِي الْكَبِيرِ وَرِجَالُهُ مُوَثَّقُونَ وَفِيهِمْ مَعْمَرُ بْنُ بَكَّارٍ قَالَ الذَّهَبِيُّ: صُوَيْلِحٌ، وَقَالَ الْأَزْدِيُّ: فِي حَدِيثِهِ وَهْمٌ وَذَكَرَهُ ابْنُ حِبَّانَ فِي الثِّقَاتِ.

حضرت ابو امامہ بن سہل بن حنیف رضی اللہ عنہ بیان کرتے ہیں : سب سے پہلے جس شخص نے چاشت کی نماز ادا کی تھی وہ نبی اکرم صلی اللہ علیہ و آلہ و سلم کے اصحاب سے تعلق رکھنے والے ایک صاحب ہیں جن کی کنیت ابوزوائد تھی۔یہ روایت امام طبرانی نےمعجم کبیر میں نقل کی ہے اس کے رجال کی توثیق کی گئی ہے اس کے جال میں ایک راوی معمر بن بکار ہے امام ذہبی کہتے ہیں: یہ کم درجہ کا صالح ہے از دی کہتے ہیں: اس کی حدیث میں و ہم پایا جاتا ہے ابن حبان نے اس کاذکرکتاب" الشقات "میں کیا ہے۔

أَبِي أُمَامَةَ بْنِ سَهْلِ بْنِ حُنَيْفٍ،

3403 - وَعَنْ عَائِشَةَ قَالَتْ: «مَا صَلَّى النَّبِيُّ - صَلَّى اللَّهُ عَلَيْهِ وَسَلَّمَ - الضُّحَى إِلَّا يَوْمَ فَتْحِ مَكَّةَ». رَوَاهُ الْبَزَّارُ وَرِجَالُهُ مُوَثَّقُونَ، وَفِي بَعْضِهِمْ كَلَامٌ لَا يَضُرُّ.

سید ہ عائشہ صدیقہ رضی اللہ عنہ بیان کرتی ہیں: نبی اکرم صلی اللہ علیہ و آلہ و سلم نے چاشت کی نماز کبھی ادا نہیں کی صرف فتح مکہ کے دن ادا کی تھی۔یہ روایت امام بزار نے نقل کی ہے اور اس کے رجال کی توثیق کی گئی ہے اس کے رجال کے بارے میں ایسا کلام کیا گیا ہے جو ضرر کا باعث نہیں ہے۔

عَائِشَةَ

3404 - وَعَنْ عَلِيِّ بْنِ أَبِي طَالِبٍ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ يُصَلِّي مِنَ الضُّحَى. رَوَاهُ أَحْمَدُ وَأَبُو يَعْلَى إِلَّا أَنَّهُ قَالَ: كَانَ يُصَلِّي الضُّحَى وَرِجَالُ أَحْمَدَ ثِقَاتٌ.

حضرت علی بن ابو طالب رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم چاشت کی نماز ادا کیا کرتے تھے۔یہ روایت امام احمد اور امام ابو یعلی ٰ نے نقل کی ہے ٗتاہم انہوں نے یہ الفاظ نقل کیے ہیں:"آپ صلی اللہ علیہ و آلہ و سلم چاشت کی نماز ادا کیا کرتے تھے"امام احمد کے رجال "ثقہ "ہیں۔

عَلِيِّ بْنِ أَبِي طَالِبٍ

3405 - وَعَنْ عَبْدِ اللَّهِ بْنِ عَمْرِو بْنِ الْعَاصِ قَالَ: «بَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - سَرِيَّةً فَغَنِمُوا وَأَسْرَعُوا الرَّجْعَةَ فَتَحَدَّثَ النَّاسُ بِقُرْبِ مَغْزَاهُمْ وَكَثْرَةِ غَنِيمَتِهِمْ وَسُرْعَةِ رَجْعَتِهِمْ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:» أَلَا أَدُلُّكُمْ عَلَى أَقْرَبَ مِنْهُمْ مَغْزًى وَأَكْثَرَ غَنِيمَةً وَأَوْشَكَ رَجْعَةً؟ " (مَنْ تَوَضَّأَ ثُمَّ غَدَا إِلَى الْمَسْجِدِ بِسُبْحَةِ الضُّحَى، فَهُوَ أَقْرَبُ مَغْزًى، وَأَكْثَرُ غَنِيمَةً، وَأَوْشَكُ رَجْعَةً). رَوَاهُ أَحْمَدُ وَالْطَبَرَانِيُّ فِي الْكَبِيرِ، وَفِيهِ ابْنُ لَهِيعَةَ وَفِيهِ كَلَامٌ، وَرِجَالُ الطَّبَرَانِيِّ ثِقَاتٌ لِأَنَّهُ جَعَلَ بَدَلَ ابْنِ لَهِيعَةَ ابْنَ وَهْبٍ.

حضرت عبد الله بن عمرو بن العاص رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم نے ایک جنگی مہم روانہ کی انہیں مال غنیمت حاصل ہوا اور وہ لوگ جلدی واپس آگئے تو لوگوں نے اس بارے میں بات چیت کی کہ ان کی جنگ کی جگہ قریب تھی ، مال غنیمت زیادہ حاصل ہوا اور لوگ جلدی بھی واپس آگئے نبی اکرم صلی اللہ علیہ و آلہ و سلم نے ارشادفرمایا: کیا میں تمہاری رہنمائی اس چیز کی طرف نہ کروں کہ جس میں زیادہ دور بھی نہیں جانا پڑتا غنیمت بھی زیادہ حاصل ہوتی ہے اور واپسی بھی جلدی ہو جاتی ہے جوشخص وضو کرنے کے بعد مسجد کی طرف جائے تا کہ چاشت کی نماز ادا کرے تو ایسے شخص کو زیادہ دور بھی نہیں جانا پڑتا غنیمت بھی زیادہ حاصل ہوتی ہے اور واپسی بھی جلدی ہو جاتی ہے۔یہ روایت امام احمد نے اور امام طبرانی نے معجم کبیر میں نقل کی ہے اس کی سند میں ایک راوی ابن لہیعہ ہے اور اس کے بارے میں کلام کیا گیا ہے امام طبرانی کے رجال ثقہ ہیں البتہ انہوں نے ابن لہیعہ کی جگہ ابن وہب کا ذکر کیا ہے۔

عَبْدَ اللَّهِ بْنَ عَمْرِو بْنِ الْعَاصِ

3406 - وَعَنْ أَبِي هُرَيْرَةَ قَالَ: «بَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بَعْثًا فَأَعْظَمُوا الْغَنِيمَةَ وَأَسْرَعُوا الْكَرَّةَ فَقَالَ رَجُلٌ: يَا رَسُولَ اللَّهِ مَا رَأَيْنَا بَعْثًا قَطُّ أَسْرَعَ كَرَّةً وَلَا أَعْظَمَ غَنِيمَةً مِنْ هَذَا الْبَعْثِ! فَقَالَ:» أَلَا أُخْبِرُكُمْ بِأَسْرَعَ كَرَّةً مِنْهُ وَأَعْظَمَ غَنِيمَةً؟ رَجُلٌ تَوَضَّأَ (فِي بَيْتِهِ) فَأَحْسَنَ الْوُضُوءَ ثُمَّ عَمَدَ إِلَى الْمَسْجِدِ فَصَلَّى فِيهِ الْغَدَاةَ ثُمَّ عَقَّبَ بِصَلَاةِ الضَّحْوَةِ فَقَدْ أَسْرَعَ وَأَعْظَمَ الْغَنِيمَةَ ". رَوَاهُ أَبُو يَعْلَى وَرِجَالُهُ رِجَالُ الصَّحِيحِ.

حضرت ابو ہریرہ رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم نے ایک مہم روانہ کی انہیں بہت سارا مال غنیمت حاصل ہوا اور وہ جلدی واپس بھی آگئے تو ایک صاحب نے عرض کیا : یا رسول اللہ صلی اللہ علیہ و آلہ و سلم ! ہم نے ایسی کوئی مہم نہیں دیکھی جواتنی جلدی واپس آگئی ہو جسے ان لوگوں سے زیادہ غنیمت حاصل ہوئی ہو نبی اکرم صلی اللہ علیہ و آلہ و سلم نے ارشاد فر مایا: 'کیا میں تمہیں اس سے زیادہ جلدی واپس والی اور اس سے زیاد غنیمت والی چیز کے بارے میں نہ بتاؤں؟ وہ شخص جو اپنے گھر میں وضو کرے اور اچھی طرح وضوکرے پھر وہ مسجد کی طرف جائے اور اس میں صبح کی نماز ادا کرےپھر اس کے بعد چاشت کی نماز ادا کرے تو وہ جلدی واپس آجاتا ہے اور ز یا د غنیمت حاصل کرتا ہے۔ یہ روایت امام ابو یعلی نے نقل کی ہے اور اس کے رجال"صحیح" کے رجال ہیں۔

بَعَثَ رَسُولُ اللَّهِ بَعْثًا فَأَعْظَمُوا الْغَنِيمَةَ وَأَسْرَعُوا الْكَرَّةَ، فَقَالَ رَجُلٌ: ← وعن ابي هريرة

3407 - وَعَنْ عَائِذِ بْنِ عَمْرٍو قَالَ: «كَانَ فِي الْمَاءِ قِلَّةٌ فَتَوَضَّأَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَنَضَحَنَا قَالَ: وَالسَّعِيدُ فِي أَنْفُسِنَا مَنْ أَصَابَهُ وَلَا نَرَاهُ إِلَّا قَدْ أَصَابَ الْقَوْمَ كُلَّهُمْ قَالَ: ثُمَّ صَلَّى بِنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - الضُّحَى». رَوَاهُ أَحْمَدُ وَالْطَبَرَانِيُّ فِي الْكَبِيرِ إِلَّا أَنَّهُ قَالَ: «أَتَى رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِقَدَحٍ أَوْ بِعَسٍّ وَفِي الْمَاءِ قِلَّةٌ فَتَوَضَّأَ ثُمَّ أَمَرَ فَرَشَّ عَلَيْهِمْ أَوْ نَضَحَ عَلَيْهِمْ وَفِيهِ رَجُلٌ لَمْ يُسَمَّ».

حضرت عائذ بن عمرو رضی اللہ عنہ بیان کرتے ہیں: پانی تھوڑا تھا نبی اکرم صلی اللہ علیہ و آلہ و سلم نے وضو کیا تو وہ پانی آپ صلی اللہ علیہ و آلہ و سلم نے ہمیں دے دیا۔ راوی کہتے ہیں: ہم میں سے خوش نصیب وہ تھا جسے وہ پانی مل گیا اور اس پانی کے بارے میں ہمارا یہ خیال ہے کہ وہ تمام لوگوں کومل گیا تھا راوی بیان کرتے ہیں : اس کے بعد نبی اکرم صلی اللہ علیہ و آلہ و سلم نے ہمیں چاشت کے وقت نماز پڑھائی۔یہ روایت امام احمد نے اور امام طبرانی نےمعجم کبیر میں نقل کی ہے تاہم انہوں نے یہ الفاظ نقل کیے ہیں: نبی اکرم صلی اللہ علیہ و آلہ و سلم کے پاس ایک پیالہ یا ایک برتن لا یا گیا جس میں تھوڑا پانی تھا نبی اکرم صلی اللہ علیہ و آلہ و سلم نے وضو کیا پھر آپ صلی اللہ علیہ و آلہ و سلم کے حکم کے تحت وہ لوگوں پر پھینک دیا گیا ( چھڑکنے کے لئے لفظ کے بارے میں راوی کو شک ہے)۔اس روایت کی سند میں ایک راوی ایسا ہے جس کا نام بیان نہیں کیا گیا ہے۔

عائذ بن عمرو

3408 - وَعَنْ عِتْبَانَ بْنِ مَالِكٍ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - صَلَّى فِي بَيْتِهِ سُبْحَةَ الضُّحَى». قُلْتُ: لَعِتْبَانَ حَدِيثٌ فِي الصَّحِيحِ غَيْرُ هَذَا. رَوَاهُ أَحْمَدُ وَرِجَالُهُ رِجَالُ الصَّحِيحِ.

حضرت عتبان بن مالک رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم نے اپنے گھر میں چاشت کے نوافل ادا کیے تھے۔ (علامہ ہیثمی فرماتے ہیں): میں یہ کہتا ہوں : حضرت عتبان رضی اللہ عنہ کے حوالے سے"صحیح" میں ایک حدیث منقول ہے جو اس حدیث کے علاوہ ہے۔ یہ روایت امام احمد نے نقل کی ہے اور اس کے رجال"صحیح" کے رجال ہیں۔

عِتْبَانَ بْنِ مَالِكٍ:

3409 - وَعَنْ عُقْبَةَ بْنِ عَامِرٍ الْجُهَنِيِّ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " إِنَّ اللَّهَ - عَزَّ وَجَلَّ - يَقُولُ:» يَا ابْنَ آدَمَ اكْفِنِي أَوَّلَ النَّهَارِ بِأَرْبَعِ رَكَعَاتٍ أَكْفِكَ بِهِنَّ آخِرَ يَوْمِكَ ". رَوَاهُ أَحْمَدُ وَأَبُو يَعْلَى وَرِجَالُهُ رِجَالٌ ثِقَاتٌ.

حضرت عقبہ بن عامر جہنی رضی اللہ عنہ بیان کرتے ہیں: نبی اکرم صلی اللہ علیہ و آلہ و سلم نے ارشاد فر مایا:  بے شک اللہ تعالی فرماتا ہے:اے ابن آدم ! تم دن کے ابتدائی حصے میں چار رکعات میرے لئے ادا کر لو میں دن کے آخری حصے تک اس کی وجہ سے تمہاری کفایت کروں گا۔ یہ روایت امام احمد نے امام ابویعلی نےنقل کی ہے اور اس کے رجال" ثقہ "ہیں۔

عُقْبَةَ بْنَ عَامِرٍ الْجُهَنِيَّ،

3410 - وَعَنْ أَبِي الدَّرْدَاءِ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ اللَّهَ - عَزَّ وَجَلَّ - يَقُولُ: ابْنَ آدَمَ لَا تَعْجَزَنَّ مِنْ أَرْبَعِ رَكَعَاتٍ مِنْ أَوَّلِ النَّهَارِ لِأَكْفِكَ آخِرَهُ» ". رَوَاهُ أَحْمَدُ، وَرِجَالُهُ ثِقَاتٌ.

حضرت ابودرداء رضی اللہ عنہ نبی اکرم صلی اللہ علیہ و آلہ و سلم کا فرمان نقل کرتے ہیں: اللہ تعالی فرماتا ہے: اے ابن آدم ! تم دن کے ابتدائی حصے میں چار رکعات سے عاجز نہ رہنا (یعنی انہیں ادا کرلینا) میں اس (دن) کے آخری حصے تک تمہاری کفایت کروں گا۔ یہ روایت امام احمد نے نقل کی ہے اور اس کے رجال" ثقہ" ہیں۔

أَبِي الدَّرْدَاءِ،