Majma uz Zawaid Wa Manba ul Fawaid

14329 - وَعَنْ عُقْبَةَ بْنِ عَامِرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «لَمَّا أُسْرِيَ بِي إِلَى السَّمَاءِ دَخَلْتُ جَنَّةَ عَدْنٍ، فَوَقَعَتْ فِي يَدِي [تُفَّاحَةٌ]، فَلَمَّا وَضَعْتُهَا فِي يَدَيَّ انْفَلَقَتْ عَنْ حَوْرَاءَ، عَيْنَاءَ، مُرْضِيَةٍ، أَشْفَارُ عَيْنَيْهَا كَمَقَادِيمِ أَجْنِحَةِ النُّسُورِ، قُلْتُ لَهَا: لِمَنْ أَنْتِ؟ قَالَتْ: أَنَا لِلْخَلِيفَةِ مِنْ بَعْدِكَ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ عَنْ شَيْخِهِ بَكْرِ بْنِ سَهْلٍ قَالَ الذَّهَبِيُّ: مُقَارِبُ الْحَدِيثِ عَنْ عَبْدِ اللَّهِ بْنِ سُلَيْمَانَ الْعَبْدِيِّ، وَثَّقَهُ ابْنُ حِبَّانَ، وَبَقِيَّةُ رِجَالِهِ رِجَالُ الصَّحِيحِ.

حضرت عقبہ بن عامر رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’جب مجھے آسمان کی طرف معراج کروائی گئی‘ تو میں جنت عدن میں داخل ہوا میرے سامنے ایک سیب آیا جب میں نے اسے اپنے ہاتھ میں رکھا تو وہ ایک حور کی طرف سے آیا تھا‘ جو خوبصورت آنکھوں والی پسندیدہ شخصیت کی مالک تھی‘ اس کی آنکھوں کی پلکیں یوں تھیں جس طرح عقاب کے آگے والے پر ہوتے ہیں میں نے اس سے دریافت کیا: تم کس کو ملوگی ؟ اس نے جواب دیا : میں آپ کے بعد والے خلیفہ کے لئے ہوں‘‘۔یہ روایت امام طبرانی نے معجم کبیر اورمعجم اوسط میں اپنے استاد بکربن سہل کے حوالے سے نقل کی ہے امام ذہبی کہتے ہیں: یہ مقارب الحد بث ہے اس نے سلیمان عبدی کے حوالے سے اس روایت کو نقل کیا ہے‘ جسے ابن حبان نے ثقہ قرار دیا ہے اس روایت کے بقیہ ر جال ’’صحیح‘‘ کے رجال ہیں۔

عُقْبَۃَ بْنِ عَامِرٍ

14330 - وَعَنْ جَابِرٍ: «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - صَلَّى خَلَفَ أَبِي بَكْرٍ». رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَفِيهِ عُبَيْدُ بْنُ هِشَامٍ، وَثَّقَهُ أَبُو حَاتِمٍ وَغَيْرُهُ، وَفِيهِ خِلَافٌ.

حضرت جابر رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے حضرت ابو بکر رضی اللہ تعالیٰ عنہ کے پیچھے نماز ادا کی تھی۔ یہ روایت امام طبرانی نے معجم صغیر اورمعجم اوسط میں نقل کی ہے۔ اس کی سند میں ایک راوی عبید بن ہشام ہے‘ جسے ابو حاتم اور دیگر حضرات نے ثقہ قرار دیا ہے‘ اور اس کے بارے میں اختلاف پایا جاتا ہے۔

جَابِرٍ

14331 - وَعَنِ ابْنِ عَبَّاسٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «يَدْخُلُ الْجَنَّةَ رَجُلٌ لَا يَبْقَى فِي الْجَنَّةِ أَهْلُ دَارٍ وَلَا غُرْفَةٍ إِلَّا قَالُوا: مَرْحَبًا مَرْحَبًا، إِلَيْنَا إِلَيْنَا ". فَقَالَ أَبُو بَكْرٍ: يَا رَسُولَ اللَّهِ، مَا ثَوَابُ هَذَا الرَّجُلِ فِي ذَلِكَ الْيَوْمِ؟ فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " أَجَلْ أَنْتَ هُوَ يَا أَبَا بَكْرٍ» ". رَوَاهُ الطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُ رِجَالُ الصَّحِيحِ، غَيْرُ أَحْمَدَ بْنِ أَبِي بَكْرٍ السَّالِمِيِّ، وَهُوَ ثِقَةٌ.

حضرت عبد الله بن عباس رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’ایک شخص جنت میں داخل ہو گا‘ تو جنت میں موجود ہر گھر اور ہر بالا خانے کے سب لوگ یہ کہیں گے خوش آمدید خوش آمدید ہماری طرف آئیں ہماری طرف آئیں حضرت ابو بکر رضی اللہ تعالیٰ عنہ نے عرض کی: یا رسول اللہ! آپ کیا سمجھتے ہیں۔ وہ شخص آج بھی موجود ہے؟ نبی اکرم صلی اللہ علیہ وآلہ وسلم نے فرمایا: جی ہاں اے ابو بکر وہ تم ہو‘‘۔یہ روایت امام طبرانی نے معجم کبیر اور معجم اوسط میں نقل کی ہے‘ اور اس کے رجال’’صحیح ‘‘ کے رجال ہیں صرف احمد بن ابو بکر ساہی کا معاملہ مختلف ہے‘ اور وہ ثقہ ہے۔

ابْنِ عَبَّاسٍ،

14332 - وَعَنْ صِلَةَ بْنِ زُفَرَ قَالَ: كَانَ عَلِيٌّ إِذَا ذُكِرَ عِنْدَهُ أَبُو بَكْرٍ قَالَ: السَّبَّاقُ، يَذْكُرُونَ السَّبَّاقَ قَالَ: وَالَّذِي نَفْسِي بِيَدِهِ مَا اسْتَبَقْنَا إِلَى خَيْرٍ قَطُّ إِلَّا سَبَقَنَا إِلَيْهِ أَبُو بَكْرٍ .. رَوَاهُ الطَّبَرَانِيُّ فِي الْأَوْسَطِ، وَفِيهِ أَحْمَدُ بْنُ عَبْدِ الرَّحْمَنِ بْنِ الْمُفَضَّلِ الْحَرَّانِيُّ وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.

صلہ بن زفر بیان کرتے ہیں : جب حضرت علی رضی اللہ تعالیٰ عنہ کے سامنے حضرت ابو بکر رضی اللہ تعالیٰ عنہ کا ذکر کیا جاتا تو وہ فرماتے تھے: سبقت لے جانے والے لوگ سبقت لے جانے والوں کا ذکر کرتے ہیں پھر انہوں نے فرمایا: اس ذات کی قسم ! جس کی دست قدرت میں میری جان ہے ہم نے جب بھی کسی بھلائی کی طرف سبقت لے جانے کی کوشش کی‘ تو حضرت ابو بکر رضی اللہ تعالیٰ عنہ اس کی طرف ہم سے سبقت لے جا چکے ہوتے تھے‘‘۔یہ روایت امام طبرانی نے معجم اوسط میں نقل کی ہے۔ اس کی سند میں ایک راوی احمد بن عبدالرحمٰن بن مفضل حرانی ہے‘ اور میں اس سے واقف نہیں ہوں۔ اس روایت کے بقیہ رجال ثقہ ہیں۔

السَّبَّاقُ، يَذْكُرُونَ السَّبَّاقَ ← عِنْدَهُ أَبُو بَكْرٍ ← كَانَ عَلِيٌّ إِذَا ← صِلَۃَ بْنَ زُفَرَ،

14333 - وَعَنْ مُحَمَّدِ بْنِ عَقِيلٍ قَالَ: «خَطَبَنَا عَلِيُّ بْنُ أَبِي طَالِبٍ، فَقَالَ: أَيُّهَا النَّاسُ، أَخْبَرُونِي مَنْ أَشْجَعُ النَّاسِ؟ قَالُوا: - أَوْ قَالَ: - قُلْنَا: أَنْتَ يَا أَمِيرَ الْمُؤْمِنِينَ. قَالَ: أَمَا إِنِّي مَا بَارَزْتُ أَحَدًا إِلَّا انْتَصَفْتُ مِنْهُ، وَلَكِنْ أَخْبَرُونِي بِأَشْجَعِ النَّاسِ. قَالُوا: لَا نَعْلَمُ، فَمَنْ؟ قَالَ: أَبُو بَكْرٍ، إِنَّهُ لَمَّا كَانَ يَوْمُ بَدْرٍ، جَعَلْنَا لِرَسُولِ اللَّهِ - صَلَّى اللَّهُ عَلَيْهِ وَسَلَّمَ - عَرِيشًا، فَقُلْنَا: مَنْ يَكُونُ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لِئَلَّا يَهْوِيَ إِلَيْهِ أَحَدٌ مِنَ الْمُشْرِكِينَ؟ فَوَاللَّهِ مَا دَنَا مِنْهُ أَحَدٌ إِلَّا أَبُو بَكْرٍ شَاهِرًا بِالسَّيْفِ عَلَى رَأْسِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لَا يَهْوِي إِلَيْهِ أَحَدٌ إِلَّا أَهْوَى إِلَيْهِ ; فَهَذَا أَشْجَعُ النَّاسِ. فَقَالَ عَلِيٌّ: وَلَقَدْ رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - وَأَخَذَتْهُ قُرَيْشٌ، فَهَذَا نَحَّاهُ وَهَذَا يُتَلْتِلُهُ، وَهُمْ يَقُولُونَ: أَنْتَ الَّذِي جَعَلْتَ الْآلِهَةَ إِلَهًا وَاحِدًا؟ قَالَ: فَوَاللَّهِ مَا دَنَا مِنَّا أَحَدٌ إِلَّا أَبُو بَكْرٍ، يَضْرِبُ هَذَا، وَيُحَارُّ وَيُتَلْتِلُ هَذَا، وَهُوَ يَقُولُ: وَيْلَكُمُ! أَتَقْتُلُونَ رَجُلًا أَنْ يَقُولَ رَبِّيَ اللَّهُ؟ ثُمَّ رَفَعَ عَلِيٌّ بُرْدَةً كَانَتْ عَلَيْهِ، ثُمَّ بَكَى حَتَّى اخْضَلَّتْ لِحَيَّتُهُ، ثُمَّ قَالَ عَلِيٌّ: أَنْشُدُكُمُ اللَّهَ أَمُؤْمِنُ آلِ فِرْعَوْنَ خَيْرٌ أَمْ أَبُو بَكْرٍ؟ فَسَكَتَ الْقَوْمُ فَقَالَ: أَلَا تُجِيبُونِي؟ فَوَاللَّهِ لَسَاعَةٌ مِنْ أَبِي بَكْرٍ خَيْرٌ مِنْ مِثْلِ مُؤْمِنِ آلِ فِرْعَوْنَ، ذَاكَ رَجُلٌ كَتَمَ إِيمَانَهُ، وَهَذَا رَجُلٌ أَعْلَنَ إِيمَانَهُ». رَوَاهُ الْبَزَّارُ، وَفِيهِ مَنْ لَمْ أَعْرِفْهُ.

محمد بن عقیل بیان کرتے ہیں: حضرت علی بن ابو طالب رضی اللہ تعالیٰ عنہ نے ہمیں خطبہ دیتے ہوئے ارشاد فرمایا: اے لوگو! تم لوگ مجھے بتاؤ کہ لوگوں میں سب سے زیادہ بہادر کون ہے راوی کہتے ہیں: یا شاید یہ الفاظ ہیں۔ ہم نے کہا: اے امیر المومنین آپ ہیں حضرت علی رضی اللہ تعالیٰ عنہ نے فرمایا: جہاں تک میرا تعلق ہے‘ تو میں نے جس کسی کو بھی مقابلے کے لئے للکارا اسے پسپا کر دیا لیکن تم لوگ مجھے یہ بتاؤ کہ سب سے زیادہ بہادر کون ہے؟ لوگوں نے کہا: ہمیں نہیں معلوم کون ہے حضرت علی رضی اللہ تعالیٰ عنہ نے فرمایا: ابو بکر‘ غزوۂ بدر کے دن ہم نے نبی اکرم صلی اللہ علیہ وآلہ وسلم کے لئے ایک چھپر تیار کیا ہم نے سوچا کہ کون نبی اکرم صلی اللہ علیہ وآلہ وسلم کے ساتھ رہے گا تاکہ مشرکین میں سے کوئی شخص آپ کی طرف نہ آ سکے تو اللہ کی قسم! حضرت ابو بکر رضی اللہ تعالیٰ عنہ کے علاوہ اور کوئی نبی اکرم صلی اللہ علیہ وآلہ وسلم کے قریب نہیں ہوا وہ تلوار سونت کر نبی اکرم صلی اللہ علیہ وآلہ وسلم کے سرہانے کھڑے رہے‘ جو بھی شخص نبی اکرم صلی اللہ علیہ وآلہ وسلم کی طرف آنا چاہتا حضرت ابو بکر رضی اللہ تعالیٰ عنہ اس کی طرف چلے جاتے تو وہ سب سے زیادہ بہادر شخص تھے۔ حضرت علی رضی اللہ تعالیٰ عنہ بیان کرتے ہیں : مجھے نبی اکرم صلی اللہ علیہ وآلہ وسلم کے بارے میں یہ بات یاد ہے کہ قریش نے نبی اکرم صلی اللہ علیہ وآلہ وسلم کو پکڑ لیا کوئی شخص آپ کود ھکے دے رہا تھا اور کوئی شخص آپ کو کھینچ رہا تھا اور وہ لوگ یہ کہہ رہے تھے کیا آپ وہ فرد ہیں جو یہ کہتے ہیں کہ معبود صرف ایک ہی ہوتا ہے حضرت علی رضی اللہ تعالیٰ عنہ کہتے ہیں : اللہ کی قسم! اس وقت ہم میں سے کوئی بھی آپ کے قریب نہیں ہوا صرف حضرت ابو بکر رضی اللہ تعالیٰ عنہ آگے بڑھے اور وہ کسی کو مار رہے تھے کسی کو پرے کر رہے تھے کسی کو کھینچ رہے تھے اور یہ کہہ رہے تھے تم لوگوں کا ستیاناس ہو کیا تم ایک ایسے شخص کو قتل کرنا چاہتے ہو جو یہ کہتا ہے کہ میرا پروردگار الله تعالیٰ ہے پھر حضرت علی رضی اللہ تعالیٰ عنہ نے اپنے جسم پر موجود چادر کو اٹھایا اور رونے لگے‘ یہاں تک کہ ان کی داڑھی تر ہو گئی‘ پھر حضرت علی رضی اللہ تعالیٰ عنہ نے ارشاد فرمایا: میں تم لوگوں کو اللہ کا واسطہ دے کر دریافت کرتا ہوں کہ کیا آل ِفرعون سے تعلق رکھنے والا کوئی مومن زیادہ بہتر ہے یا حضرت ابو بکر رضی اللہ تعالیٰ عنہ زیادہ بہتر ہیں؟ تو لوگ خاموش رہے‘ تو حضرت علی رضی اللہ تعالیٰ عنہ نے فرمایا: تم لوگ مجھے جواب کیوں نہیں دیتے؟ ا للہ کی قسم ! حضرت ابو بکر رضی اللہ تعالیٰ عنہ کی ایک گھڑی آل ِفرعون تعلق رکھنے والے کسی مومن جیسے فرد سے زیادہ بہتر ہے‘ کیونکہ ان لوگوں نے اپنے ایمان کو چھپایا تھا اور ان صاحب نے اپنے ایمان کا اعلان کیا تھا‘‘۔یہ روایت امام بزارنقل کیا ہے۔ اس کی سند میں ایسا راوی ہے‘ جس سے میں واقف نہیں ہوں۔

مُحَمَّدُ بْنُ عَقِيلٍ،

14334 - وَعَنْ شَقِيقٍ قَالَ: قِيلَ لَعَلِيٍّ: أَلَا تَسْتَخْلِفُ؟ قَالَ: «مَا اسْتَخْلَفَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَأَسْتَخْلِفُ عَلَيْكُمْ، وَإِنْ يُرِدِ اللَّهُ - تَبَارَكَ وَتَعَالَى - بِالنَّاسِ خَيْرًا، فَسَيَجْمَعُهُمْ عَلَى خَيْرِهِمْ كَمَا جَمَعَهُمْ بَعْدَ نَبِيِّهِمْ عَلَى خَيْرِهِمْ». رَوَاهُ الْبَزَّارُ، وَرِجَالُهُ رِجَالُ الصَّحِيحِ غَيْرُ إِسْمَاعِيلَ بْنِ أَبِي الْحَارِثِ، وَهُوَ ثِقَةٌ.

شقیق بیان کرتے ہیں: حضرت علی رضی اللہ تعالیٰ عنہ سے کہا گیا: آپ کسی کو اپنا جانشین مقرر کیوں نہیں کرتے؟ انہوں نے فرمایا:نبی اکرم صلی اللہ علیہ وآلہ وسلم نے کسی کو اپنا جانشین مقرر کیا تھا کہ میں تم پر اپنا جانشین مقرر کروں اگر الله تعالیٰ لوگوں کے بارے میں بھلائی کاارادہ کرے گا‘ تو ان لوگوں کو ان میں سے سب سے بہتر فرد پر جمع کر دے گا‘ جس طرح اللہ تعالیٰ نے لوگوں کو ان کے نبی کے بعد ان میں سے سب سے بہتر فرد پر جمع کر دیا تھا۔ یہ روایت امام بزار نے نقل کی ہے‘ اور اس کے رجال ’’صحیح‘‘ کے رجال ہیں صرف اسماعیل بن ابو حارث کا معاملہ مختلف ہے‘ اور وہ ثقہ ہے۔

قِيلَ لِعَلِيٍّ: أَلا تَسْتَخْلِفُ؟ ← شَقِيقٍ،

14335 - وَعَنْ أُسَيْدِ بْنِ صَفْوَانَ صَاحِبِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: لَمَّا تُوُفِّيَ أَبُو بَكْرٍ سُجِّيَ بِثَوْبٍ فَارْتَجَّتِ الْمَدِينَةُ بِالْبُكَاءِ، وَدُهِشَ كَيَوْمِ قُبِضَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَجَاءَ عَلِيُّ بْنُ أَبِي طَالِبٍ مُسْرِعًا مُسْتَرْجِعًا، وَهُوَ يَقُولُ: الْيَوْمَ انْقَطَعَتْ خِلَافَةُ النُّبُوَّةِ، حَتَّى وَقَفَ عَلَى بَابِ الْبَيْتِ الَّذِي هُوَ فِيهِ أَبُو بَكْرٍ فَقَالَ: رَحِمَكَ اللَّهُ يَا أَبَا بَكْرٍ ; كُنْتَ أَوَّلَ الْقَوْمِ إِسْلَامًا، وَأَخْلَصَهُمْ إِيمَانًا، وَأَشَدَّهُمْ يَقِينًا، وَأَخْوَفَهُمْ لِلَّهِ، وَأَعْظْمُهُمْ غَنَاءً، وَأَحْوَطَهُمْ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَأَحْدَبَهُمْ عَلَى الْإِسْلَامِ، وَآمَنَهُمْ عَلَى أَصْحَابِهِ، وَأَحْسَنَهُمْ صُحْبَةً، وَأَفْضَلَهُمْ مَنَاقِبَ، وَأَكْثَرَهُمْ سَوَابِقَ، وَأَرْفَعَهُمْ دَرَجَةً، وَأَقْرَبَهُمْ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَأَشْبَهَهُمْ بِهِ هَدْيًا وَخُلُقًا وَسَمْتًا، وَأَوْثَقَهُمْ عِنْدَهُ، وَأَشْرَفَهُمْ مَنْزِلَةً، وَأَكْرَمَهُمْ عَلَيْهِ مَنْزِلَةً ; فَجَزَاكَ اللَّهُ عَنِ الْإِسْلَامِ، وَعَنْ رَسُولِهِ، وَعَنِ الْمُسْلِمِينَ، خَيْرًا صَدَّقْتَ رَسُولَ اللَّهِ - صَلَّى اللَّهُ عَلَيْهِ وَسَلَّمَ - حِينَ كَذَّبَهُ النَّاسُ ; فَسَمَّاكَ اللَّهُ فِي كِتَابِهِ: صِدِّيقًا، فَقَالَ: وَالَّذِي جَاءَ بِالصِّدْقِ مُحَمَّدٌ - صَلَّى اللَّهُ عَلَيْهِ وَسَلَّمَ - وَصَدَّقَ بِهِ أَبُو بَكْرٍ، آسَيْتَهُ حِينَ بَخِلُوا، وَقُمْتَ مَعَهُ حِينَ عَنْهُ قَعَدُوا، وَصَحِبْتَهُ فِي الشِّدَّةِ أَكْرَمَ الصُّحْبَةِ، وَالْمُنَزِّلَ عَلَيْهِ السِّكِّينَةَ، رَفِيقَهُ فِي الْهِجْرَةِ وَمَوَاطِنِ الْكُرْبَةِ، خَلَفْتَهُ فِي أُمَّتِهِ بِأَحْسَنِ الْخِلَافَةِ حِينَ ارْتَدَتِ النَّاسُ فَقُمْتَ بِدِينِ اللَّهِ قِيَامًا لَمْ يَقُمْهُ خَلِيفَةُ نَبِيٍّ قَطُّ، فَوَثَبْتَ حِينَ ضَعُفَ أَصْحَابُكَ، وَنَهَضْتَ حِينَ وَهَنُوا، وَلَزِمْتَ مِنْهَاجَ رَسُولِهِ بِرَغْمِ الْمُنَافِقِينَ وَغَيْظِ الْكَافِرِينَ، فَقُمْتَ بِالْأَمْرِ حِينَ فَشِلُوا، وَمَضَيْتَ بِنُورِ اللَّهِ إِذْ وَقَفُوا. كُنْتَ أَعْلَاهُمْ فَوْقًا، وَأَقَلَّهُمْ كَلَامًا، وَأَصْوَبَهُمْ مَنْطِقًا، وَأَطْوَلَهُمْ صَمْتًا، وَأَبْلَغَهُمْ قَوْلًا، وَكُنْتَ أَكْثَرَهُمْ رَأْيًا وَأَشْجَعَهُمْ قَلْبًا، وَأَشَدَّهُمْ يَقِينًا، وَأَحْسَنَهُمْ عَمَلًا، وَأَعْرَفَهُمْ بِالْأُمُورِ. كُنْتَ لِلدِّينِ يَعْسُوبًا، وَكُنْتَ لِلْمُؤْمِنِينَ أَبًا رَحِيمًا ; إِذْ صَارُوا عَلَيْكَ عِيَالًا فَحَمَلْتَ أَثْقَالَ مَا عَنْهُ ضَعُفُوا، وَحَفِظْتَ مَا أَضَاعُوا، وَرَعَيْتَ مَا أَهْمَلُوا، وَصَبَرْتَ إِذْ جَزِعُوا، فَأَدْرَكْتَ آثَارَ مَا طَلَبُوا، وَنَالُوا بِكَ مَا لَمْ يَحْتَسِبُوا. كُنْتَ عَلَى الْكَافِرِينَ عَذَابًا صَبًّا، وَلِلْمُسْلِمِينَ غَيْثًا وَخِصْبًا، فَطِرْتَ بِغِنَاهَا وَفُزْتَ بِحَيَاهَا، وَذَهَبْتَ بِفَضَائِلِهَا، وَأَحْرَزْتَ سَوَابِقَهَا، لَمْ تُفْلَلْ حُجَّتُكَ، وَلَمْ يُزَغْ قَلْبُكَ، وَلَمْ تَضْعُفْ بَصِيرَتُكَ، وَلَمْ تَجْبُنْ نَفْسُكَ. كُنْتَ كَالْجَبَلِ لَا تُحَرِّكُهُ الْعَوَاصِفُ وَلَا تُزِيلُهُ الْقَوَاصِفُ. كُنْتَ كَمَا قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - «أَمَّنَ النَّاسُ عَلَيْهِ بِصُحْبَتِكَ وَذَاتِ يَدِكَ. وَكَمَا قَالَ: " ضَعِيفًا فِي بَدَنِكَ، قَوِيًّا فِي أَمْرِ اللَّهِ» ". مُتَوَاضِعًا عَظِيمًا عِنْدَ الْمُسْلِمِينَ، جَلِيلًا فِي الْأَرْضِ، لَمْ يَكُنْ لِأَحَدٍ فِيكَ مَهْمَزٌ، وَلَا لِقَائِلٍ فِيكَ مَغْمَزٌ، وَلَا فِيكَ مَطْمَعٌ، وَلَا عِنْدَكَ هَوَادَةٌ لِأَحَدٍ، الضَّعِيفُ الذَّلِيلُ عِنْدَكَ قَوِيٌّ حَتَّى تَأْخُذَ لَهُ بِحَقِّهِ، وَالْقَوِيُّ الْعَزِيزُ عِنْدَكَ ذَلِيلٌ حَتَّى يُؤْخَذَ مِنْهُ الْحَقُّ، وَالْقَرِيبُ وَالْبَعِيدُ عِنْدَكَ فِي ذَلِكَ سَوَاءٌ. شَأْنُكَ الْحَقُّ وَالصِّدْقُ، وَالرِّفْقُ قَوْلُكَ. فَأَقْلَعْتَ وَقَدْ نُهِجَ السَّبِيلُ، وَاعْتَدَلَ بِكَ الدِّينُ، وَقَوِيَ الْإِيمَانُ، وَظَهَرَ أَمْرُ اللَّهِ وَلَوْ كَرِهَ الْكَافِرُونَ، فَسَبَقْتَ وَاللَّهِ سَبْقًا بَعِيدًا، وَأَتْعَبْتَ مَنْ بَعْدَكَ إِتْعَابًا شَدِيدًا. وَفُزْتَ بِالْجَنَّةِ، وَعَظُمَتْ رَزِيَّتُكَ فِي السَّمَاءِ، وَهَدَّتْ مُصِيبَتُكَ الْأَنَامَ - فَإِنَّا لِلَّهِ وَإِنَّا إِلَيْهِ رَاجِعُونَ. رَضِينَا عَنِ اللَّهِ قَضَاءَهُ، وَسَلَّمْنَا لِلَّهِ أَمْرَهُ، فَلَنْ يُصَابَ الْمُسْلِمُونَ بَعْدَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - بِمِثْلِكَ أَبَدًا. كُنْتَ لِلدِّينِ عُدَّةً وَكَهْفًا، وَلِلْمُسْلِمِينَ حِصْنًا وَفَيْئَةً وَأُنْسًا، وَعَلَى الْمُنَافِقِينَ غِلْظَةً وَغَيْظًا، فَأَلْحَقَكَ اللَّهُ بِنَبِيِّهِ، وَلَا حَرَمَنَا اللَّهُ أَجْرَكَ، وَلَا أَضَلَّنَا بَعْدَكَ. قَالَ: وَسَكَتَ النَّاسُ حَتَّى قَضَى كَلَامَهُ. ثُمَّ بَكَى أَصْحَابُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَقَالُوا: صَدَقْتَ يَا ابْنَ عَمِّ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَرَضِيَ عَنْهُمْ. رَوَاهُ الْبَزَّارُ، وَفِيهِ عُمَرُ بْنُ إِبْرَاهِيمَ الْهَاشِمِيُّ الْكُرْدِيُّ، وَهُوَ كَذَّابٌ.

حضرت اُسید بن صفوان رضی اللہ تعالیٰ عنہ جو نبی اکرم صلی اللہ علیہ وآلہ وسلم کے صحابی ہیں۔ وہ بیان کرتے ہیں: جب حضرت ابو بکر رضی اللہ تعالیٰ عنہ کا انتقال ہو گیا‘ تو انہیں ایک چادر میں ڈھانپ دیا گیا مدینہ منورہ میں آہ وزاری شروع ہو گئی لوگ اسی طرح پریشان ہو گئے جس طرح نبی اکرم صلی اللہ علیہ وآلہ وسلم کے وصال کے وقت ہوئے تھے۔ حضرت علی بن ابو طالب رضی اللہ تعالیٰ عنہ رضی اللہ تعالیٰ عنہ تیزی سے چلتے ہوئے اور اناللہ وانا الیہ راجعون پڑھتے ہوئے آئے اور وہ یہ کہہ رہے تھے کہ آج نبوت کی خلافت منقطع ہو گئی ہے‘ یہاں تک کہ وہ اس گھر کے دروازے پر آ کر ٹھہر گئے جس گھر میں حضرت ابو بکر رضی اللہ تعالیٰ عنہ کی میت رکھی ہوئی تھی۔ حضرت علی رضی اللہ تعالیٰ عنہ نے کہا: اے ابو بکر اللہ تعالیٰ آپ پر رحم کرےآپ سب سے پہلے اسلام قبول کرنے والے شخص تھے اور سب سے زیادہ خالص ایمان والے فرد تھے سب سے زیا دہ پختہ یقین رکھنے والے تھے الله تعالیٰ سے سب سے زیادہ ڈرنے والے تھے (دنیا اور لوگوں سے) سب سے زیادہ بے نیاز تھے اور نبی اکرم صلی اللہ علیہ وآلہ وسلم کا سب سے زیادہ خیال رکھنے والے تھے اسلام کے سب سے زیادہ خیر خواہ تھے نبی اکرم صلی اللہ علیہ وآلہ وسلم کے اصحاب پر سب سے زیادہ احسان کرنے والے تھے اور نبی اکرم صلی اللہ علیہ وآلہ وسلم کے ساتھ کے اعتبار سے سب سے زیادہ عمدہ تھے مناقب کے اعتبار سے سب سے زیادہ فضیلت والے تھے سبقت لے جانے والے امور کے حوالے سے سب سے زیادہ کثرت والے تھے درجہ کے اعتبار سے سب سے زیاده بلند مرتبہ تھے نبی اکرم صلی اللہ علیہ وآلہ وسلم کے سب سے زیادہ قریبی تھے اور عادات و اطوار اور طور طریقوں کے حوالے سے نبی اکرم صلی اللہ علیہ وآلہ وسلم کے حوالےسے سب سے زیادہ مشابہت رکھتے تھے نبی اکرم صلی اللہ علیہ وآلہ وسلم کے نزدیک سب سے زیادہ قابل اعتماد تھے نبی اکرم صلی اللہ علیہ وآلہ وسلم کے نزدیک سب سے زیادہ قدرومنزلت کے مالک تھے نبی اکرم صلی اللہ علیہ وآلہ وسلم کے نزدیک سب سے زیادہ معزز تھے‘ تو اللہ تعالیٰ اسلام کی طرف سے اپنے رسول کی طرف سے اور تمام مسلمانوں کی طرف سے آپ کو جزائے خیر عطا کرے جب نبی اکرم صلی اللہ علیہ وآلہ وسلم نے لوگوں کو جھٹلایا تھا‘ تو آپ نے نبی اکرم صلی اللہ علیہ وآلہ وسلم کی تصدیق کی تھی اور آپ وہ فرد ہیں کہ جس کا نام الله تعالیٰ نے اپنی کتاب میں صدیق رکھا ہے‘ اور ارشاد فرمایا ہے: ’’اور وہ جو سچائی لے کے آیا‘‘ اس سے مراد حضرت محمد صلی اللہ علیہ وآلہ وسلم ہیں‘ اور جس نے اس کی تصدیق کی اس سے مراد حضرت ابو بکر رضی اللہ تعالیٰ عنہ ہیں۔’’جب لوگوں نے کنجوسی کا مظاہرہ کیا‘ تو آپ نے نبی اکرم صلی اللہ علیہ وآلہ وسلم کا ساتھ دیا جب لوگ بیٹھے رہے‘ تو آپ نبی اکرم صلی اللہ علیہ وآلہ وسلم کے ساتھ اٹھ کھڑے ہوئے آپ سخت صورت حال میں بھی نبی اکرم صلی اللہ علیہ وآلہ وسلم کے ساتھ رہے‘ اور اچھے طریقےسے ساتھ رہے آپ نے نبی اکرم صلی اللہ علیہ وآلہ وسلم کو سکون پہنچانے کی کوشش کی ہجرت میں آپ نبی اکرم صلی اللہ علیہ وآلہ وسلم کے ساتھی تھے پریشانی کے مقامات میں نبی اکرم صلی اللہ علیہ وآلہ وسلم کے ساتھی تھے اور پھر نبی اکرم صلی اللہ علیہ وآلہ وسلم کی اُمت کے بارے میں آپ نبی اکرم صلی اللہ علیہ وآلہ وسلم کے جانشین بنے تو اچھے طریقے سے خلیفہ ثابت ہوئے اس وقت جب کچھ لوگ مرتد ہو گئے‘ تو آپ نے اللہ تعالیٰ کے دین کو اس طرح قائم رکھا کہ اس طرح کسی نبی کے کسی خلیفہ نے قائم نہیں کیا ہو گا جب آپ کے ساتھی کمزور تھے‘ تو آپ چاک و چوبند تھے جب وہ ہلکے ہورہے تھے‘ تو آپ اٹھ کھڑے ہوئے اور آپ نے اللہ کے رسول کے طریقے کو لازم پکڑ لیا خواہ یہ بات منافقین کو جتنی ہی بری لگے‘ اور کافروں کو کتنا ہی غصہ آئے‘ توجب لوگ پھسل رہے تھے اس وقت آپ نے معاملے کو قائم رکھا اور جب لوگ ٹھہر گئے تھے‘ تو آپ نے اللہ کے نور کو جاری رکھا مرتبے کے اعتبار سے آپ ان میں سب سے بلند تر تھے اور سب سے زیادہ کم کلام کرنے والے تھے اور سب سے زیادہ عمدہ کلام کرنے والے تھے سب سے زیادہ طویل خاموش رہنے والے تھے سب سے زیادہ بلیغ بات کرنے والے تھے سب سے زیادہ اچھی بات کرنے والے تھے سب سے زیادہ بہادر تھے سب سے مضبوط یقین رکھنے والے تھے سب سے بہترعمل کرنے والے تھے معاملات کو سب سے زیادہ بہتر طور پر سمجھنے والے تھے آپ دین کے لیے پیشوا تھے اور مومنین کے لئے مہربان باپ تھے جب وہ لوگ آپ کے عیال بن گئے تھے‘ تو آپ نے اس بوجھ کو اٹھایا‘ جس کے حوالے سے وہ لوگ کمزور ہو گئے تھے اور اس چیز کی حفاظت کی جس کو وہ ضائع کرنے لگے تھے اور اس چیز کا خیال رکھا جس میں وہ تاخیر کر رہے تھے اور اس وقت آپ نے صبر سے کام لیا جب وہ لوگ گریہ وزاری کر رہے تھے اور وہ جو چاہتے تھے اس کے نشانات تک آپ پہنچ گئے اور وہ لوگ آپ کی وجہ سے وہاں تک پہنچے جس کے بارے میں ان کا گمان نہیں تھا آپ کافرین کے لئے انڈیلا جانے والا عذاب تھے اور مسلمانوں کے لیے بادل اور ہریالی تھے آپ کی فطرت میں بے نیازی تھی‘ آپ اس کے کناروں (یا اس کے زیادہ تر حصے) کے ذریغےکامیاب ہوئے‘ اور اس کے فضائل لے گئے‘ آپ نے اس کے سبقت لے جانے والوں کو محفوظ کر لیا‘ آپ کی حجت کم نہیں ہوئی‘ آپ کا دل ٹیڑھا نہیں ہوا‘ آپ کی بصیرت کم نہیں ہوئی‘ آپ کامن بزدل نہیں ہوا‘ آپ اس پہاڑ کی مانند تھے جس کو تیز ہوائیں ہلا نہیں سکتی ہیں اور بجلیاں گرا نہیں سکتی ہیں‘ آپ ویسے ہی تھے جس طرح نبی اکرم صلی اللہ علیہ وآلہ وسلم نے ارشاد فرمایا: نبی اکرم صلی اللہ علیہ وآلہ وسلم کے ساتھ سب سے زیادہ اچھا سلوک اپنے ساتھ کے اعتبارسے‘ آپ نے کیا‘ یا جس طرح نبی اکرم صلی اللہ علیہ وآلہ وسلم نے ارشاد فرمایا: یہ جسمانی طور پر کمزور ہے‘ لیکن اللہ کے معاملے میں طاقتور ہے‘ مسلمانوں کے نزدیک آپ تواضع کرنے والے عظیم فرد تھے‘ زمین میں نمایاں حیثیت کے مالک تھے‘ کسی کو آپ کے بارے میں کوئی الجھن نہیں تھی‘ کوئی شخص آپ کی برائی نہیں کر سکتا تھا‘ اور نہ ہی آپ کے بارے میں کوئی لالچ رکھ سکتا تھا‘ آپ کے نزدیک کسی شخص کے لیے زیادتی نہیں تھی‘ کمزور اور کمتر حیثیت کاشخص آپ کے نزدیک طاقتور تھا کہ آپ اس حق اسے دلوا سکتے تھے‘ اور طاقتور نمایاں حیثیت کا شخص‘ آپ کے نزدیک کمزور تھا‘ جب تک اس سے حق وصول نہیں کیا جاتا‘ اس بارے میں قریب کے لوگ اور دور کے لوگ آپ کے نزدیک برابر کی حیثیت رکھتے تھے آپ کا معاملہ حق کاسچائی کا تھا‘ آپ کے قول میں نرمی پائی جاتی تھی‘ جب آپ دنیا سے رخصت ہوئے‘ تو راستہ طے ہو چکا تھا‘ دین معتدل ہو چکا تھا‘ ایمان قوی ہو چکا تھا‘ اللہ کا معاملہ قوی ہو چکا تھا‘ خواہ یہ بات کافروں کو بری ہی لگے‘ تو الله کی قسم ! آپ زبردست سبقت لے گئے اور آپ نے اپنے بعد والوں کو شدید مشکل کا شکار کر دیا آپ جنت کے حوالے سے کامیاب ہوئے اور آسمان میں آپ کی (وقات) کی تکلیف بڑی سمجھی گئی‘ اور آپ کی مصیبت مخلوق تک یہنچ گئی‘ تو بے شک ہم اللہ تعالیٰ کے لئے ہیں‘ اور بے شک ہم نے اسی کی طرف لوٹ کے جانا ہے‘ اور بے شک ہم اللہ تعالیٰ کے اس کے فیصلے کے حوالے سے اس سے راضی ہیں‘ اور اس کا معاملہ اللہ تعالیٰ کے سپرد کرتے ہیں‘ مسلمانوں کو اللہ کے رسول کے بعد اور کسی کے حوالے سے ایسی مصیبت کا سامنا نہیں کرنا پڑے گا‘ جس طرح کی مصیبت کا سامنا آپ کے (انتقال کی) وجہ سے کرنا پڑا ہے‘ آپ دین کے لئے تیاری اور پناہ گاہ تھے مسلمانوں کے لئے قلعہ اور اجتماعیت اور انسیت کا باعث تھے‘ منافقین کے لئے کی اور شدت کا باعث تھے‘ اللہ تعالیٰ آپ کو‘ اپنے نبی عالم صلی اللہ علیہ وآلہ وسلم کے ساتھ ملائے اور آپ کے اجر سے‘ ہمیں الله تعالیٰ محروم نہ رکھے‘ اور آپ کے بعد ہمیں گمراہ نہ کرے‘‘۔راوی بیان کرتے ہیں لوگ خاموش رہے‘ یہاں تک کہ حضرت علی رضی اللہ تعالیٰ عنہ نے اپنی بات پوری کر لی تو نبی اکرم صلی اللہ علیہ وآلہ وسلم کے اصحاب رونے لگے‘ انہوں نے کہا: اے اللہ کے رسول کے چچا زاد! آپ نےسچ کہا ہے۔ یہ روایت امام بزار نے نقل کی ہے‘ اس کی سند میں ایک راوی عمر بن ابراہیم ہاشمی کردی ہے‘ اور وہ کذاب ہے۔

أُسَيْدِ بْنِ صَفْوَانَ صَاحِبِ رَسُولِ اللَّهِ

14336 - وَعَنْ عَلِيِّ بْنِ أَحْمَدَ السَّدُوسِيِّ، عَنْ أَبِيهِ قَالَ: بَلَغَ عَائِشَةَ أَنَّ نَاسًا يَنَالُونَ مِنْ أَبِي بَكْرٍ، فَبَعَثَتْ إِلَى أَزْفَلَةٍ مِنْهُمْ، فَسَدَلَتْ أَسْتَارَهَا، وَعَذَلَتْ وَقَرَّعَتْ، وَقَالَتْ: أَبِي وَمَا أَبِيهِ، أَبِي لَا تُعْطُوهُ الْأَيْدِي. هَيْهَاتَ وَاللَّهِ، ذَاكَ طَوْدٌ مَنِيفٌ، وَظِلٌّ مَدِيدٌ، أَنْجَحَ وَاللَّهِ إِذْ كَذَّبْتُمْ، وَسَبَقَ إِذْ وَنَيْتُمْ سَبْقَ الْجَوَادِ إِذَا اسْتَوْلَى عَلَى الْأَمَدِ، فَتَى قُرَيْشٍ نَاشِئًا، وَكَهْفًا كَهْلًا. يَفُكُّ عَانِيَهَا، وَيَرِيشُ مُمْلِقَهَا، وَيَرْأَبُ رَوْعَهَا، وَيَلُمُّ شَعَثَهَا حَتَّى حَلِيَتْهُ قُلُوبُهَا، ثُمَّ اسْتَشْرَى فِي دِينِهِ فَمَا بَرِحَتْ شَكِيمَتُهُ فِي ذَاتِ اللَّهِ حَتَّى اتَّخَذَ بِفَنَائِهِ مَسْجِدًا يُحْيِي فِيهِ مَا أَمَاتَ الْمُبْطِلُونَ، وَكَانَ - رَحِمَهُ اللَّهُ - غَزِيرَ الدَّمْعَةِ، وَقِيدَ الْجَوَانِحِ، شَجِيَّ النَّشِيجِ، فَاصْفَقَّتْ إِلَيْهِ نِسْوَانُ مَكَّةَ وَوِلْدَانُهَا يَسْخَرُونَ مِنْهُ وَيَسْتَهْزِئُونَ بِهِ اللَّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ فَأَكْبَرَتْ ذَلِكَ رِجَالَاتُ قُرَيْشٍ ; فَحَنَتْ قِسِيَّهَا، وَفَوَّقَتْ سِهَامَهَا، وَامْتَثَلُوهُ غَرَضًا فَمَا فَلُّوا لَهُ شَبَاةً، وَلَا قَصَفُوا لَهُ قَنَاةً، وَمَرَّ عَلَى سِيسَائِهِ حَتَّى إِذَا ضَرَبَ الدِّينُ بِجِرَانِهِ، وَأَلْقَى بَرْكَهُ، وَرَسَتْ أَوْتَادُهُ، وَدَخَلَ النَّاسُ فِيهِ أَفْوَاجًا، وَمِنْ كُلِّ فِرْقَةٍ أَرْسَالًا وَأَشْتَاتًا ; اخْتَارَ اللَّهُ لِنَبِيِّهِ مَا عِنْدَهُ، فَلَمَّا قَبَضَهُ اللَّهُ - عَزَّ وَجَلَّ - ضَرَبَ الشَّيْطَانُ رِوَاقَهُ، وَنَصَبَ حَبَائِلَهُ، وَمَدَّ طُنُبَهُ، وَأَجْلَبَ بِخَيْلِهِ وَرَجِلِهِ ; فَاضْطَرَبَ حَبْلُ الْإِسْلَامِ، وَمَرَجَ عَهْدُهُ، وَمَاجَ أَهْلُهُ، وَعَادَ مَبْرَمُهُ أَنْكَاثًا، وَبَغَى الْغَوَائِلُ، وَظَنَّتِ الرِّجَالُ أَنْ قَدْ أَكْثَبَتْ أَطْمَاعُهُمْ، وَلَاتَ حِينَ [الَّتِي] يَرْجِعُونَ، وَإِنِّي وَالصِّدِّيقُ بَيْنَ أَظْهُرِهِمْ فَقَامَ حَاسِرًا مُشَمِّرًا، فَرَفَعَ حَاشِيَتَهُ، وَجَمَعَ قَطْرَتَهُ، فَرَدَّ يُسْرَ الْإِسْلَامِ عَلَى غِرَّةٍ، وَلَمَّ شَعَثَهُ بِطَيِّهِ، وَأَقَامَ أَوَدَهُ بِثِقَافِهِ ; فَابْدَعَرَّ النِّفَاقُ بِوَطْأَتِهِ، وَانْتَاشَ الدِّينُ بِنَعْشِهِ. فَلَمَّا رَاحَ الْحَقُّ عَلَى أَهْلِهِ، وَأَقَرَّ الرءُوسَ عَلَى كَوَاهِلِهَا، وَحَقَنَ الدِّمَاءَ فِي أَهَبِهَا، حَضَرَتْ مَنِيَّتُهُ، فَسَدَ ثُلْمَتَهُ بِشَقِيقِهِ فِي الْمَرْحَمَةِ وَنَظِيرِهِ فِي السِّيرَةِ وَالْمَعْدَلَةِ - ذَاكَ ابْنُ الْخَطَّابِ، لِلَّهِ أُمٌُّ حَمَلَتْ بِهِ وَدَرَّتْ عَلَيْهِ لَقَدْ أَوْحَدَتْ بِهِ ; فَفَتَحَ الْكَفَرَةَ وَذَيْخَهَا، وَشَرَّدَ الشِّرْكَ شَذَرَ مَذَرَ، وَبَعَجَ الْأَرْضَ ; فَقَاءَتْ أُكُلَهَا، وَلَفِظَتْ خَبِيئَهَا تَرْأَمُهُ، وَيُصْدِفُ عَنْهَا وَتَصَدَّى لَهُ وَيَأْبَاهَا، ثُمَّ وَرِعَ فِيهَا، ثُمَّ تَرَكَهَا كَمَا صَحِبَهَا، فَأَرُونِي مَاذَا تَقُولُونَ؟ وَأَيَّ يَوْمَيْ أَبِي تَنْقِمُونَ؟! أَيَوْمَ إِقَامَتِهِ إِذْ عَدَلَ فِيكُمْ، أَوْ يَوْمَ ظَعْنِهِ إِذْ نَظَرَ لَكَمْ؟ أَقُولُ قَوْلِي هَذَا وَأَسْتَغْفِرُ اللَّهَ لِي وَلَكُمْ. رَوَاهُ الطَّبَرَانِيُّ، وَأَحْمَدُ السَّدُوسِيُّ لَمْ يُدْرِكْ عَائِشَةَ، وَلَمْ أَعْرِفْهُ وَلَا ابْنَهُ.

علی بن احمد سدوسی‘ اپنے والد کا یہ بیان نقل کرتے ہیں : سیّدہ عائشہ رضی اللہ تعالیٰ عنہا کو یہ اطلاع ملی کہ کچھ لوگ حضرت ابو بکر صدیق رضی اللہ تعالیٰ عنہ پر تنقید کرتے ہیں‘ سیّدہ عائشہ رضی اللہ تعالیٰ عنہا نے ان میں سے کچھ لوگوں کو پیغام بھیج کر بلوایا‘ انہوں نے درمیان میں پردہ کروایا اور پھر غصے کا اظہار کرتے ہوئے اور ملامت کرتے ہوئے‘ یہ ارشاد فرمایا: میرے والد‘ میرے والد کے کیا کہنے ؟ تم لوگ میرے والد پر تنقید نہیں کر سکتے‘ اللہ کی قسم ! وہ بلند پہاڑ تھے اور پھیلا ہوا سایہ تھے‘ جب تم لوگوں نے جھٹلایا‘ تو اللہ کی قسم! اس وقت انہوں نے کامیابی حاصل کی‘ جب تم لوگوں نے کمزوری دکھائی‘ تو انہوں نے سبقت حاصل کی‘ ایک ایسی سبقت‘ جو کی شہسوار کی ہوتی ہے‘ جب اس نے دور تک جاتا ہو‘ وہ اپنی جوانی میں قریش کے نمایاں فرد تھے‘ اور بڑھاپے میں ان کے لئے غار کی حیثیت رکھتے تھے‘ انہوں نے (لوگوں) کے قیدیوں کو آزاد کروایا اور ان (لوگوں) کے غریبوں کو مال دیا‘ وہ ان کے بکھرے ہوئے معاملات کو اکٹھا کرتے تھے‘ اور پریشانیوں کو ختم کرتے تھے‘ یہاں تک کہ ان لوگوں کے دل ان کی طرف مائل ہو گئے‘ پھر حضرت ابو بکر رضی اللہ تعالیٰ عنہ اپنے دین کے بارے میں مضبوطی کا اظہار کیا‘ اور الله کی ذات کے بارے میں‘ ان کی یہ مضبوطی ہمیشہ برقرار رہی‘ یہاں تک کہ انہوں نے اپنے صحن میں مسجد بنا لی‘ جس میں وہ‘ اس چیز (یعنی عبادت) کو زندہ کرتے تھے‘ جسے باطل لوگ نہیں کرتے تھے‘ وہ ایسے (فرد) تھے کہ ان کے آنسو بہتے رہتے تھے‘ اور ان کا دل نرم تھا‘ غم کی وجہ سے ان کی گھٹی ہوئی سی آواز نکلتی تھی‘ مکہ کی خواتین اور ان خواتین کے حضرت ابو بکر رضی اللہ تعالیٰ عنہ کے پاس اکٹھے ہو جاتے تھے اور ان کا مذاق اڑایا کرتے تھے‘ حالانکہ اللہ تعالیٰ اُن (کفار) کے ساتھ استہزاء کرے گا اور انہیں ان کی سرکشی میں رہنے دے گا کہ وہ بھٹکتے ہیں‘ یہ بات قریش سے تعلق رکھنے والے افراد پر بہت گراں گزری‘ انہوں نے اپنی کمانیں سیدھی کر لیں اور تیروں پر پھل لگا لیا‘ اور حضرت ابو بکر رضی اللہ تعالیٰ عنہ کو نشانہ بنا لیا‘ تو قریش کے لوگوں نے حضرت ابو بکر رضی اللہ تعالیٰ عنہ کے لئے نہ تو کوئی پتھر توڑا‘ اور نہ ہی ان کے لئے کوئی نیزہ توڑا‘ حضرت ابو بکر رضی اللہ تعالیٰ عنہ اپنے طریقے پر گامزن رہے‘ یہاں تک کہ دین نے غلبہ حاصل کر لیا‘ دین اپنی جگہ پر جم گیا‘ اور اس نے اپنے کیل ٹھوک دیئے اور لوگ گروپوں کی شکل میں دین میں داخل ہونے لگے‘ ہر گروه‘ کچھ افراد کو بھیج دیتا تھا‘ لوگ متفرق شکلوں میں آتے تھے‘ پھر یہ ہوا کہ اللہ تعالیٰ نے اپنے نبی کے لئے اس چیز کو منتخب کیا‘ جو اس کے پاس ہے‘ جب اللہ تعالیٰ نے انہیں وفات دے دی‘ تو شیطان نے اپنا خیمہ لگا لیا‘ اس نے اپنا جال بچھا لیا‘ اس نے اپنی طنابیں کھینچ لیں‘ اور اپنے گھڑ سواروں اور پیادہ افراد کو لے آیا‘ وہ اسلام کی رسّی میں اضطراب آ گیا‘ اور اس کے عہد میں تنازع آ گیا‘ اور اہل اسلام اختلاف کا شکار ہو گئے‘ اور ان کا اجتماع‘ انتشار میں بدل گیا‘ تو کچھ لوگوں نے یہ گمان کیا کہ شاید وہ اپنے لالچ‘ یا مقاصد کو حاصل کرلیں گے اور اس صورتحال میں مسلمان کا میابی حاصل نہیں کر سکیں گے‘ لیکن یہ بھلا کیسے ہو سکتا تھا‘ جبکہ حضرت صدیق اکبر رضی اللہ تعالیٰ عنہ ان کے درمیان موجود تھے‘ وہ آستینیں چڑھا کر‘ اور تہبند سنبھال کر اٹھ کھڑے ہوئے‘ انہوں نے اپنے لباس کے کنارے کوسی لیا‘ اور دونوں طرف سے اسے اکٹھا کر لیا (یعنی وہ مقابلہ کرنے کے لئے مکمل طور پر تیار ہو گئے) تو انہوں نے اسلام کے غلبے کو لوٹا دیا‘ اور اس کے بکھرے ہوئے امور کو سمیٹ دیا‘ اور اس میں رونما ہونے والے ٹیڑھے پن کو سیدھا کر دیا‘ تو ان کے دبانے کی وجہ سے منافقت پیچھے ہٹ گئی‘ اور ان کے بلند کرنے کی وجہ سے‘ دین اس چیز سے محفوظ ہو گیا‘ جس کے حوالے سے اندیشہ تھا‘ جب انہوں نے حق کو اس کے متعلقہ افراد تک پہنچا دیا‘ اور سروں کو کندھوں پر جما دیا‘ اور پھولوں کو جوڑوں میں محفوظ کر دیا‘ تو ان کا آخری وقت آ گیا‘ تو انہوں نے اپنی ذات کے حوالے سے پیدا ہونے والے خلاء کو اس شخصیت کے ذریعے پر کیا‘ جو رحمت ہونے میں ان کی طرح کے تھے‘ اور طریقہ کار اور عدل کرنے میں ان کی نظیر تھے‘ اور وہ خطاب کے صاحبزادے (حضرت عمر رضی اللہ تعالیٰ عنہ ہیں)۔اس ماں کے کیا کہنے؟ جو اُن کے حوالے سے حاملہ ہوئیں‘ جس نے انہیں دودھ پلایا‘ اور ان جیسے بے مثل شخص کو جنم دیا‘ انہوں نے کافروں کو فتح کیا‘ اور انہیں ذلت کا شکار کیا‘ اور شرک کو یوں پرے کر دیا کہ اس کا ٹھکانہ نہ رہا‘ اور انہوں نے زمین کو چیر ويا (یعنی اسے فتح کر لیا) تو اس (زمین) نے اپنی کھائی ہوئی چیز کوقے کر دیا اور چھپا کر رکھی گئی چیز کو اس نے پھینک دیا (یعنی) حضرت عمر رضی اللہ تعالیٰ عنہ کی وجہ سے زمین میں سے‘ نعمتیں اور دولتیں مسلمانوں کو حاصل ہوئیں)اس (یعنی دنیا) نے حضرت عمر رضی اللہ تعالیٰ عنہ کے سامنے محبت کا اظہار کیا تو حضرت عمر رضی اللہ تعالیٰ عنہ نے اس (دنیا) سے اعتراض کیا‘ وہ (دنیا) ان کے سامنے آئی‘ تو انہوں نے اس کوانکار کیا‘ حضرت عمر رضی اللہ تعالیٰ عنہ نے دنیا کے بارے میں پرہیز گاری کو اختیار کیا‘ اور پھر اسے اسی حالت میں چھوڑا‘ جس حالت میں وہ اس (دنيا) کے ساتھ رہے تھے۔تو اب تم لوگ مجھے بتاؤ! کہ تم کیا کہتے ہو؟ تمہیں میرے والد کے‘ دو دنوں میں سے کون سے دن پر اعتراض ہے؟ ان کی مقیم رہنے والے دن پر اعتراض ہے؟ کہ جب انہوں نے تمہارے درمیان عدل سے کام لیا‘ یا ان کی روانگی کے دن پر اعتراض ہے کہ جب انہوں نے تمہارے لئے سوچ بچار کی؟(پھر سیّدہ عائشہ رضی اللہ تعالیٰ عنہا نے فرمایا:) میں نے اپنی بات کہہ دی ہے‘ اور میں‘ اپنے لیے اور تمہارے لئے‘ اللہ تعالیٰ سے مغفرت طلب کرتی ہوں۔یہ روایت امام طبرانی نقل کی ہے‘ احمد سدوسی نامی راوی نے سیّدہ عائشہ رضی اللہ تعالیٰ عنہا کا زمانہ نہیں پایا ہے‘ میں اس کے اور اس کے بیٹے سے واقف نہیں ہوں۔

بلغ عائشة ← أَبِيهِ ← عَلِيِّ بْنِ أَحْمَدَ السَّدُوسِيِّ،

14337 - وَعَنْ عَائِشَةَ قَالَتْ: قُبِضَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَارْتَدَّتِ الْعَرَبُ، وَاشْرَأَبَّ النِّفَاقُ ; فَنَزَلَ بِأَبِي مَا لَوْ نَزَلَ بِالْجِبَالِ الرَّاسِيَاتِ لَهَاضَهَا. قَالَتْ: فَمَا اخْتَلَفُوا فِي نُقْطَةٍ إِلَّا طَارَ أَبِي بِحَظِّهَا وَسِنَانِهَا. ثُمَّ ذَكَرَتْ عُمَرَ بْنَ الْخَطَّابِ فَقَالَتْ: كَانَ وَاللَّهِ أَحْوَذِيًّا نَسِيجَ وَحْدِهِ، قَدْ أَعَدَّ لِلْأُمُورِ أَقْرَانَهَا. قَالَ الرِّيَاشِيُّ: يُقَالُ لِلرَّجُلِ الْبَارِعِ الَّذِي لَا يُشَبَّهُ بِهِ أَحَدٌ: نَسِيجُ وَحْدِهِ، وَعُيَيْرُ وَحْدِهِ، وَيُقَالُ: جَلِيسُ وَحْدِهِ، وَقَالَ الشَّاعِرُ: جَاءَتْ بِهِ مُعْتَجِرًا بِبُرْدِهِ ... سَفْوَاءَ تُرْدِي بِنَسِيجِ وَحْدِهِ يَقْدَحُ قَيْسًا كُلَّهَا بِزَنْدِهِ ... مَنْ يَلْقَهُ مِنْ بَطَلٍ يَسْرَنْدِهِ. أَيْ يَعْلُوهُ قَالَ الرِّيَاشَيُّ: وَأَنْشَدَنِي الْأَصْمَعِيُّ: مَا بَالُ هَذَا الْيَوْمِ يَغْرَنْدِينِي أَدْفَعُهُ عَنِّي وَيَسْرَنْدِينِي. رَوَاهُ الطَّبَرَانِيُّ فِي الصَّغِيرِ وَالْأَوْسَطِ مِنْ طُرُقٍ، وَرِجَالُ أَحَدِهَا ثِقَاتٌ.

سیّدہ عائشہ صدیقہ رضی اللہ تعالیٰ عنا بیان کرتی ہیں: جب نبی اکرم صلی اللہ علیہ وآلہ وسلم کا وصال ہوا‘ تو عرب مرتد ہو گئے‘ اور نفاق بلند ہو گیا‘ میرے والد کو ایسی صورتحال کا سامنا کرنا پڑا‘ کہ اگر وہ صورتحال مضبوط پہاڑوں پر نازل ہوئی‘ تو انہیں بھی توڑ کے رکھ دیتی۔ سیّدہ عائشہ رضی اللہ تعالیٰ عنہا بیان کرتی ہیں: لوگوں نے جس بھی نقطہ کے بارے میں خلل کا اظہار کیا‘ تو میرےوالد اس کے تمام تر لوازمات کو لے کر وہاں تک پہنچے‘ جن کے ذریعے اسے ٹھیک کیا جا سکے۔پھر سیّدہ عائشہ رضی اللہ تعالیٰ عنہانے حضرت عمر بن خطاب رضی اللہ تعالیٰ عنہ کا ذکر کرتے ہوئے‘ یہ بات کہی: اللہ کی قسم !وہ بڑی ہمت والے تھے‘ اور بے مثل شخصیت کے مالک تھے‘ انہوں نے تمام امور کے لیے مناسب تیاری کی۔یہاں ریاشی نامی راوی نے یہ بات کہی ہے: جب کوئی شخص ایسا ماہر ہو کہ کسی کو اس کے مشابہہ قرار نہ دیا جا سکے‘ تو اس کے لیے یہ لفظ استعمال کیے جاتے ہیں:’’نسیح وحده۔عییر وحده۔ جحیش وحدہ“۔ کسی شاعر نے کہا ہے: ’’و ہ سواری اس شخص کو لے کر آئی‘ جس شخص نے اپنی چادر لپیٹی ہوئی تھی اور وہ سواری چھوٹی پیشانی والی تھی‘ وہ سواری تیزی سے ایک بے مثال شخص کو لے کر آئی‘ وہ پتھر کو رگڑ کر‘ قیس کو آگ لگانے کی کوشش کرتا ہے‘ اور جو بھی سور ما اس کے سامنے آتا ہے‘ وہ اسے سرنگوں کر لیتا ہے‘‘۔راوی بیان کرتے ہیں : یعنی وہ اس پر غالب آ جاتا ہے۔ ریاشی بیان کرتے ہیں : اصمعی نے مجھے یہ اشعار سنائے:’’اس نیند کا کیا معاملہ ہے؟ جو مجھ پر طاری ہو رہی ہے‘ میں اسے اپنے سے پورے کرنے کی کوشش کرتا ہوں اور وہ مجھ پر غالب آ رہی ہے‘‘۔ یہ روایت امام طبرانی نے معجم صغیر اور معجم اوسط میں مختلف طرق کے ساتھ نقل کی ہے‘ جن میں سے ایک کے رجال ثقہ ہیں۔

عَائِشَةَ

14338 - وَعَنِ ابْنِ عَبَّاسٍ: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - «اسْتَعْمَلَ أَبَا بَكْرٍ عَلَى الْحَجِّ، ثُمَّ وَجَّهَ بِبَرَاءَةٍ مَعَ عَلِيٍّ، فَقَالَ أَبُو بَكْرٍ: يَا رَسُولَ اللَّهِ، وَجَدْتَ عَلَيَّ فِي شَيْءٍ؟ قَالَ: " لَا، أَنْتَ صَاحِبِي فِي الْغَارِ وَعَلَى الْحَوْضِ» ". قُلْتُ: رَوَى لَهُ التِّرْمِذِيُّ حَدِيثًا غَيْرَ هَذَا أَطْوَلَ مِنْهُ. وَفِي هَذَا زِيَادَةٌ. رَوَاهُ الْبَزَّارُ، وَرِجَالُهُ رِجَالُ الصَّحِيحِ.

حضرت عبداللہ بن عباس رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے حضرت ابو بکر رضی اللہ تعالیٰ عنہ کو امیر الحج مقرر کیا‘ پھر آپ نے برات (لاتعلقی) کا اعلان دے کر حضرت علی رضی اللہ تعالیٰ عنہ کو بھیجا حضرت ابو بکر رضی اللہ تعالیٰ عنہ نے عرض کی: یا رسول اللہ ! کیا آپ نے میر ے خلاف کوئی چیز محسوسں کی؟ نبی اکرم صلی اللہ علیہ وآلہ وسلم نے فرمایا: جی نہیں! تم غار میں میرے ساتھی رہے ہو اورحوض پر بھی ہو گے‘‘۔ (علامہ ہیثمی فرماتے ہیں:) میں یہ کہتا ہوں امام ترمذی نے ان صحابی کے حوالے سے ایک اور حدیث نقل کی ہے‘ جو اس کے علاوہ ہے‘ اور اس سے زیادہ طویل ہے‘ اور اس روایت میں اضافہ پایا جاتا ہے۔ یہ روایت امام بزار نے نقل کی ہے‘ اور اس کے رجال ’’صحیح ‘‘ کے رجال ہیں۔

ابْنِ عَبَّاسٍ،

14339 - «وَعَنْ أَبِي بَكْرٍ - يَعْنِي الصِّدِّيقَ - قَالَ: جِئْتُ بِأَبِي قُحَافَةَ إِلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " هَلَّا تَرَكْتَ الشَّيْخَ حَتَّى آتِيَهُ؟ " قَالَ: بَلْ هُوَ أَحَقُّ أَنْ يَأْتِيَكَ. قَالَ: " إِنَّا نَحْفَظُهُ لِأَيَادِي ابْنِهِ عِنْدَنَا» ". رَوَاهُ الْبَزَّارُ، وَفِيهِ عَبْدُ اللَّهِ بْنُ عَبْدِ الْمَلِكِ الْفِهْرِيُّ، وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.

حضرت ابو بکر صدیق رضی اللہ تعالیٰ عنہ بیان کرتے ہیں: (میں فتح مکہ کے دن) حضرت ابو قحافہ رضی اللہ تعالیٰ عنہ کو لے کر نبی اکرم صلی اللہ علیہ وآلہ وسلم کے پاس آیا تو نبی اکرم صلی اللہ علیہ وآلہ وسلم نے ارشاد فرمایا: تم نے ان بزرگوار کو (گھر میں) کیوں نہیں رہنے دیا میں ان کے پاس چلا جاتا تو حضرت ابو بکر رضی اللہ تعالیٰ عنہ نے عرض کی: بلکہ یہ اس بات کے زیادہ حق دار ہیں کہ وہ آپ کی خدمت میں آئیں نبی اکرم صلی اللہ علیہ وآلہ وسلم نے ارشاد فرمایا: ہم نے ان کا خیال رکھنا تھا کیونکہ ہمارے نزدیک ان کے صاحبزادے کی بڑی حیثیت ہے‘‘۔یہ روایت امام بزار نے نقل کی ہے۔ اس کی سند میں ایک راوی عبدالله بن عبدالملک فہری ہے‘ اور میں اس سے واقف نہیں ہوں۔ اس روایت کے بقیہ رجال ثقہ ہیں لیکن یہ روایت منقطع ہے۔

بَلْ هُوَ أَحَقُّ أَنْ يَأْتِيَكَ. ← هَلا تَرَكْت الشَّيخَ حَتَّى آتِيَهُ، ← جِئْتُ بِأَبِي قُحَافَةَ إِلَى رَسُولِ اللَّهِ ← أَبِي بَكْرٍ يَعْنِي الصِّدِّيقَ

14340 - وَعَنْ عُرْوَةَ قَالَ: أَعْتَقَ أَبُو بَكْرٍ سَبْعَةً مِمَّنْ كَانَ يُعَذَّبُ فِي اللَّهِ. مِنْهُمْ: بِلَالٌ، وَعَامِرُ بْنُ فُهَيْرَةَ. رَوَاهُ الطَّبَرَانِيُّ، وَرِجَالُهُ إِلَى عُرْوَةَ رِجَالُ الصَّحِيحِ.

عروہ بیان کرتے ہیں: حضرت ابو بکر صدیق رضی اللہ تعالیٰ عنہ نے سات ایسے افراد کو آزاد کروایا تھا جنہیں اللہ کی خاطر عذاب دیا جاتا تھا ان میں ایک حضرت بلال رضی اللہ تعالیٰ عنہ اور حضرت عامر بن فہیرہ رضی اللہ تعالیٰ عنہ ہیں۔یہ روایت امام طبرانی نقل کی ہے‘ اور عروہ تک اس کے رجال ’’صحیح‘‘ کے رجال ہیں۔

عَامِرُ بْنُ فُهَيْرَةَ. رَوَاهُ الطَّبَرَانِيُّ، وَرِجَالُهُ إِلَى عُرْوَةَ رِجَالُ الصَّحِيحِ. ← أَعْتَقَ أَبُو بَكْرٍ سَبْعَةً مِمَّنْ كَانَ يُعَذَّبُ فِي اللَّهِ. مِنْهُمْ: بِلَالٌ، ← عُرْوَةَ