Majma uz Zawaid Wa Manba ul Fawaid

14749 - وَبِسَنَدِهِ: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ لِعَلِيٍّ: " «أَنْتَ وَشِيعَتُكَ تَرِدُونَ عَلَى الْحَوْضِ رُوَاةً مَرْوِيِّينَ، مُبْيَضَّةٌ وُجُوهُكُمْ، وَإِنَّ عَدُوَّكَ يَرِدُونَ عَلَى الْحَوْضِ ظِمَاءً مُقْمَحِينَ» ".

اسی سند کے ساتھ یہ بات منقول ہے: نبی اکرم صلی اللہ علیہ وآلہ وسلم نے حضرت علی رضی اللہ تعالیٰ عنہ سے فرمایا: ’’تم اور تمہارے ساتھی حوض پر میرے پاس ایسی حالت میں آئیں گے کہ تم لوگ سیر ہو جاؤ گے‘ اور تمہارے چہرے روشن ہوں گے‘ اور تمہارا دشمن حوض پر میرے پاس اس کی حالت میں آئے گا کہ وہ پیاسے ہوں گے‘ اور ان کے سر اوپر کی طرف اٹھے ہوئے ہوں گے‘‘۔

14750 - وَبِسَنَدِهِ: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ لِعَلِيٍّ: " «أَمَا تَرْضَى أَنَّكَ أَخِي وَأَنَا أَخُوكَ» ".

اسی سند کے ساتھ یہ بات منقول ہے: نبی اکرم صلى الله علیہ وسلم نے ارشاد فرمایا:’’کیا تم اس بات سے راضی نہیں ہو کہ تم میرے بھائی ہو اور میں تمہارا بھائی ہوں‘‘۔

14751 - وَبِسَنَدِهِ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ أَوَّلَ أَرْبَعَةٍ يَدْخُلُونَ الْجَنَّةَ: أَنَا، وَأَنْتَ، وَالْحَسَنُ، وَالْحُسَيْنُ، وَذَرَارِينَا خَلْفَ ظُهُورِنَا، وَأَزْوَاجُنَا خَلْفَ ذَرَارِينَا، وَشِيعَتُنَا عَنْ أَيْمَانِنَا وَعَنْ شَمَائِلِنَا» ".

اسی سند کے ساتھ یہ بات منقول ہے: نبی اکرم صلى الله علیہ وسلم نے ارشاد فرمایا:’’میں جنت میں داخل ہونے والے پہلے چار افراد میں ایک میں ہوؤں گا‘ تم ہو گے‘ حسن ہو گا‘ حسین ہو گا اور ہماری اولاد ہماری پشت کے پیچھے ہو گی اور تمہاری بیویاں ہماری اولاد کے پیچھے ہوں گی اور ہمارے ساتھی ہمارے دائیں طرف اور بائیں طرف ہوں گے‘‘۔

14752 - وَبِسَنَدِهِ: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ لِعَلِيٍّ: " «وَالَّذِي نَفْسِي بِيَدِهِ لَوْلَا أَنْ يَقُولَ فِيكَ طَوَائِفُ مِنْ أُمَّتِي بِمَا قَالَتِ النَّصَارَى فِي عِيسَى ابْنِ مَرْيَمَ لَقُلْتُ فِيكَ الْيَوْمَ مَقَالًا لَا تَمُرُّ بِأَحَدٍ مِنَ الْمُسْلِمِينَ إِلَّا أَخَذَ التُّرَابَ مِنْ أَثَرِ قَدَمَيْكَ يَطْلُبُ بِهِ الْبَرَكَةَ» ".

اسی سند کے ساتھ یہ بات منقول ہے: نبی اکرم صلى الله علیہ وسلم نے حضرت علی رضی اللہ تعالیٰ عنہ سے فرمایا: ’’اس ذات کی قسم ! جس کے دست قدرت میں میری جان ہے کہ اگر ایسا نہ ہوتا کہ تمہارے بارے میں میری اُمت کے مختلف گروہ وہ بات کریں گے جو عیسائی حضرت عیسیٰ ابن مریم علیہ السلام کے بارے میں کہتے تھے‘ تو میں نے تمہارے بارے میں ایک بات کہنی تھی کہ مسلمانوں میں جو بھی شخص گزرتا وہ تمہارے قدموں کے نیچے سے مٹی لے لیتا اور اس کے ذریعے برکت حاصل کرتا‘‘۔

14753 - عَنِ الْحَسَنِ بْنِ عَلِيٍّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «يَا أَنَسُ، انْطَلِقْ فَادْعُ لِي سَيِّدَ الْعَرَبِ ". - يَعْنِي عَلِيًّا - فَقَالَتْ عَائِشَةُ: أَلَسْتَ سَيِّدَ الْعَرَبِ؟ قَالَ: " أَنَا سَيِّدُ وَلَدِ آدَمَ، وَعَلِيٌّ سَيِّدُ الْعَرَبِ ". فَلَمَّا جَاءَ، أَرْسَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى الْأَنْصَارِ فَأَتَوْهُ، فَقَالَ لَهُمْ: " يَا مَعْشَرَ الْأَنْصَارِ، أَلَا أَدُلُّكُمْ عَلَى مَا إِنْ تَمَسَّكْتُمْ بِهِ لَنْ تَضِلُّوا بَعْدَهُ أَبَدًا؟ ". قَالُوا: بَلَى يَا رَسُولَ اللَّهِ قَالَ: " هَذَا عَلِيٌّ فَأَحِبُّوهُ بِحُبِّي، وَأَكْرِمُوهُ بِكَرَامَتِي؛ فَإِنَّ جِبْرِيلَ - صَلَّى اللَّهُ عَلَيْهِ وَسَلَّمَ - أَمَرَنِي بِالَّذِي قُلْتُ لَكُمْ عَنِ اللَّهِ - عَزَّ وَجَلَّ -» ". رَوَاهُ الطَّبَرَانِيُّ، وَفِيهِ إِسْحَاقُ بْنُ إِبْرَاهِيمَ الضبي (*)، وَهُوَ مَتْرُوكٌ.

حضرت امام حسن بن علی رضی اللہ تعالیٰ عنہ روایت کرتے ہیں: نبی اکرم صلى الله علیہ وسلم نے ارشاد فرمایا: ’’اے انس! جاؤ عربوں کے سردار کو میرے پاس بلا کے لا ؤ۔ نبی اکرم صلی اللہ علیہ وآلہ وسلم کی مراد حضرت علی رضی اللہ تعالیٰ عنہ تھے۔ سیّدہ عائشہ رضی اللہ تعالیٰ عنہا نے عرض کی : کیا آپ عربوں کے سردار نہیں ہیں؟ نبی اکرم صلی اللہ علیہ وآلہ وسلم نے فرمایا: میں اولاد آدم کا سردار ہوں اورعلی ‘ عربوں کا سردار ہے‘‘۔جب وہ آ ئے‘ تو نبی اکرم صلی اللہ علیہ وآلہ وسلم نے انصار کو پیغام بھیجا وہ لوگ نبی اکرم صلی اللہ علیہ وآلہ وسلم کے پاس آئے‘ تو نبی اکرم صلی اللہ علیہ وآلہ وسلم نے ان سے فرمایا: اے انصار کے گروہ! کیا میں تمہاری رہنمائی اس چیز کی طرف نہ کروں کہ جب تم اسے مضبوطی سے تھام لو گے‘ تو اس کے بعد تم کبھی گمراہ نہیں ہو گے ان لوگوں نے عرض کی : جی ہاں یا رسول اللہ! نبی اکرم صلی اللہ علیہ وآلہ وسلم نے ارشاد فرمایا: یہ علی ہے تم میرے ساتھ محبت کی وجہ سے اس سے محبت رکھو اور میری عزت کی وجہ سے اس کی عزت افزائی کرو کیونکہ جبرائیل نے مجھے یہ کہا ہے کہ میں اللہ تعالیٰ کی طرف سے تمہیں یہ بات بتا دوں‘‘۔یہ روایت امام طبرانی نے نقل کی ہے۔ اس کی سند میں ایک راوی اسحاق بن ابراہیم ضبی ہے‘ اور وہ متروک ہے۔

الْحَسَنُ بْنُ عَلِيٍّ

14754 - وَعَنْ سَلْمَانَ: أَنَّ النَّبِيَّ - صَلَّى اللَّهُ عَلَيْهِ وَسَلَّمَ - قَالَ لِعَلِيٍّ: " «مُحِبُّكَ مُحِبِّي، وَمُبْغِضُكَ مُبْغِضِي» ". رَوَاهُ الطَّبَرَانِيُّ، وَفِيهِ عَبْدُ الْمَلِكِ الطَّوِيلُ وَثَّقَهُ ابْنُ حِبَّانَ وَضَعَّفَهُ الْأَزْدِيُّ، وَبَقِيَّةُ رِجَالِهِ وُثِّقُوا. وَرَوَاهُ الْبَزَّارُ بِنَحْوِهِ.

حضرت سلمان رضی اللہ تعالیٰ عنہ بیان کرتے ہیں: نبی اکرم صلى الله علیہ وسلم نے حضرت علی رضی اللہ تعالیٰ عنہ سے فرمایا: ’’تم سے محبت رکھنے والا مجھ سے محبت رکھنے والا ہو گا‘ اور تم سے بغض رکھنے والا مجھ سے بغض رکھنے والا ہو گا“۔ یہ روایت امام طبرانی نقل کی ہے۔ اس کی سند میں ایک راوی عبدالملک طویل ہے‘ جسے ابن حبان نے قرار دیا ہے ازدی نے اسے ضعیف کہا ہے اس روایت کے بقیہ رجال کی‘ توثیق کی گئی ہے۔یہ روایت امام بزار نے اس کی مانند نقل کی ہے۔

سَلْمَانَ

14755 - وَعَنْ أَبِي مَرْيَمَ الثَّقَفِيِّ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ لِعَلِيٍّ: " «يَا عَلِيُّ، طُوبَى لِمَنْ أَحَبَّكَ وَصَدَقَ فِيكَ، وَوَيْلٌ لِمَنْ أَبْغَضَكَ وَكَذَبَ فِيكَ» ". رَوَاهُ الطَّبَرَانِيُّ، وَفِيهِ عَلِيُّ بْنُ الْحَزَوَّرِ، وَهُوَ مَتْرُوكٌ.

حضرت ابو مریم ثقفی رضی اللہ تعالیٰ عنہ بیان کرتے ہیں : میں نے نبی اکرم صلی اللہ علیہ وآلہ وسلم کوحضرت علی رضی اللہ تعالیٰ عنہ سے یہ ارشاد فر ماتے ہوئے سنا: ”اے علی ! اس شخص کے لئے مبارک باد ہے‘ جو تم سے محبت رکھے اور تمہارے بارے میں سچ کہے‘ اور اس شخص کے لئے بربادی ہے‘ جو تم سے بغض رکھے اور تمہارے بارے میں جھوٹ کہے‘‘۔ یہ روایت امام طبرانی نے نقل کی ہے۔ اس کی سند میں ایک راوی علی بن حزور ہے‘ اور وہ متروک ہے۔

رَسُولِ اللَّهِ ← أَبِي مَرْيَمَ الثَّقَفِيِّ

14756 - وَعَنْ عَمَّارِ بْنِ يَاسِرٍ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ لِعَلِيِّ بْنِ أَبِي طَالِبٍ: " «إِنَّ اللَّهَ - تَبَارَكَ وَتَعَالَى - زَيَّنَكَ بِزِينَةٍ لَمْ يُزَيِّنِ الْعِبَادَ بِزِينَةٍ مِثْلِهَا، إِنَّ اللَّهَ تَعَالَى حَبَّبَ إِلَيْكَ الْمَسَاكِينَ وَالدُّنُوَّ مِنْهُمْ، وَجَعَلَكَ لَهُمْ إِمَامًا تَرْضَى بِهِمْ، وَجَعَلَهُمْ لَكَ أَتْبَاعًا يَرْضَوْنَ بِكَ، فَطُوبَى لِمَنْ أَحَبَّكَ وَصَدَّقَ عَلَيْكَ، وَوَيْلٌ لِمَنْ أَبْغَضَكَ وَكَذَبَ عَلَيْكَ. فَأَمَّا مَنْ أَحَبَّكَ وَصَدَّقَ عَلَيْكَ فَهُمْ جِيرَانُكَ فِي دَارِكَ، وَرُفَقَاؤُكَ فِي جَنَّتِكَ، وَأَمَّا مَنْ أَبْغَضَكَ وَكَذَبَ عَلَيْكَ فَإِنَّهُ حَقٌّ عَلَى اللَّهِ - عَزَّ وَجَلَّ - أَنْ يُوقِفَهُمْ مَوَاقِفَ الْكَذَّابِينَ» ". رَوَاهُ الطَّبَرَانِيُّ فِي الْأَوْسَطِ، وَفِيهِ عَلِيُّ بْنُ الْحَزَوَّرِ، وَهُوَ مَتْرُوكٌ.

حضرت عمار بن یاسر رضی اللہ تعالیٰ عنہ بیان کرتے ہیں: میں نے نبی اکرم صلی اللہ علیہ وآلہ وسلم کو حضرت علی بن ابو طالب رضی اللہ تعالیٰ عنہ سے یہ ارشاد فرماتے ہوئے سنا:” بے شک الله تعالیٰ نے تمہیں ایک ایسی زینت کے ذریعے آراستہ کیا ہے کہ اس نے اس جیسی زینت کے ذریعے اپنے بندوں کو آراستہ نہیں کیا بے شک اللہ تعالیٰ نے تمہارے نزدیک مسکینوں کومحبوب کر دیا ہے‘ اور ان کے قریب رہنا محبوب کر دیا ہے اس نے تمہیں ان لوگوں کے لئے امام بنایا ہے تم ان سے راضی ہو اور اس نے ان لوگوں کوتمہارا پیروکار بنایا ہے‘ اور وہ تم سے راضی ہیں‘ تو اس شخص کے لئے مبارک باد ہے‘ جو تم سے محبت رکھتا ہے‘ اور تمہارے بارے میں سچ بولتا ہے‘ اور اس شخص کے لئے بربادی ہے‘ جو تم سے بغض رکھتا ہے‘ اور تمہارے بارے میں جھوٹ بولتا ہے جہاں تک اس شخص کا تعلق ہے‘ جو تم سے محبت رکھتا ہے‘ اور تمہارے بارے میں سچ بولتا ہے‘ تو ایسے لوگ تمہاری جگہ پر تمہار پڑوسی ہوں گے‘ اور جنت میں تمہارے ساتھی ہوں گے جہاں تک ان لوگوں کا تعلق ہے‘ جو تم سے بغض رکھتے ہیں‘ اور جو تمہارے خلاف جھوٹ بولتے ہیں‘ تو الله تعالیٰ کے ذمہ یہ بات لازم ہے کہ انہیں جھوٹے لوگوں کے مقام پر ٹھہرائے‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی علی بن حزور ہے‘ اور وہ متروک ہے۔

رَسُولِ اللَّهِ ← عَمَّارِ بْنِ يَاسِرٍ

14757 - وَعَنْ أُمِّ سَلَمَةَ قَالَتْ: أَشْهَدُ أَنِّي سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَنْ أَحَبَّ عَلِيًّا فَقَدْ أَحَبَّنِي، وَمَنْ أَحَبَّنِي فَقَدْ أَحَبَّ اللَّهَ، وَمَنْ أَبْغَضَ عَلِيًّا فَقَدْ أَبْغَضَنِي، وَمَنْ أَبْغَضَنِي فَقَدْ أَبْغَضَ اللَّهَ» ". رَوَاهُ الطَّبَرَانِيُّ، وَإِسْنَادُهُ حَسَنٌ.

سیّدہ اُم سلمہ رضی اللہ تعالیٰ عنہا بیان کرتی ہیں : میں یہ گواہی دیتی ہوں کہ میں نے نبی اکرم صلی اللہ علیہ وآلہ وسلم کو یہ ارشاد فرماتے ہوئےسنا ہے: ’’جو شخص علی رضی اللہ تعالیٰ عنہ سے محبت رکھے گا‘ وہ مجھ سے محبت رکھے گا‘ اور جو مجھ سے محبت رکھے گا‘ وہ اللہ سے محبت رکھے گا‘ اور جو علی سے بغض رکھے گا‘ وہ مجھ سے بغض رکھے گا‘ اور جو تجھ سے بغض رکھے گا‘ وہ اللہ سے بغض رکھے گا‘‘۔ یہ روایت امام طبرانی نے نقل کی ہے‘ اور اس کی سند حسن ہے۔

رَسُولِ اللَّهِ ← أَشْهَدُ أَنِّي ← أُمِّ سَلَمَةَ

14758 - وَعَنْ فَاطِمَةَ بِنْتِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: «خَرَجَ عَلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَشِيَّةَ عَرَفَةَ، فَقَالَ: " إِنَّ اللَّهَ تَعَالَى بَاهَى بِكُمْ، وَغَفَرَ لَكُمْ عَامَّةً وَلِعَلِيٍّ خَاصَّةً، وَإِنِّي رَسُولُ اللَّهِ إِلَيْكُمْ غَيْرَ مُحَابٍ لِقَرَابَتِي، هَذَا جِبْرِيلُ يُخْبِرُنِي أَنَّ السَّعِيدَ حَقَّ السَّعِيدِ مَنْ أَحَبَّ عَلِيًّا فِي حَيَاتِهِ وَبَعْدَ مَوْتِهِ، وَأَنَّ الشَّقِيَّ كُلَّ الشَّقِيِّ مَنْ أَبْغَضَ عَلِيًّا فِي حَيَاتِهِ وَبَعْدَ مَوْتِهِ» ". رَوَاهُ الطَّبَرَانِيُّ، وَفِيهِ مَنْ لَمْ أَعْرِفْهُمْ.

نبی اکرم صلی اللہ علیہ وآلہ وسلم کی صاحبزادی سیّدہ فاطمہ رضی اللہ تعالیٰ عنہا بیان کرتی ہیں : عرفہ کی شام نبی اکرم صلی اللہ علیہ وآلہ وسلم ہمارے پاس تشریف لائے آپ صلی اللہ علیہ وآلہ وسلم نے ارشاد فرمایا: ’’بے شک اللہ تعالیٰ نے تم پر فخر کا اظہار کیا اور تم لوگوں کی عمومی طور پر اور علی کی بطور خاص مغفرت کر دی ہے میں تم لوگوں کی طرف اللہ کا رسول ہوں‘ میں اپنے رشتے داروں کے لئے امتیازی سلوک کرنے والانہیں ہوں‘ یہ جبرائیل مجھے بتا رہے ہیں کہ وہ شخص حقیقی طور پر سعادت مند ہے‘ جوعلی کے ساتھ اس کی زندگی میں‘ اور اس کے مرنے کے بعد بھی محبت رکھے اور وہ شخص مکمل طور پر بد نصیب ہے‘ جو اس کی زندگی میں اور اس کے مرنے کے بعد بھی علی سے بغض رکھے‘‘۔ یہ روایت امام طبرانی نقل کی ہے۔ اس کی سند میں ایسے راوی ہیں جن سے میں واقف نہیں ہوں۔

خَرَجَ عَلَيْنَا رَسُولُ اللَّهِ عَشِيَّةَ عَرَفَةَ ← فاطمة بنت رسول الله

14759 - وَعَنْ جَابِرِ بْنِ عَبْدِ اللَّهِ قَالَ: وَاللَّهِ مَا كُنَّا نَعْرِفُ مُنَافِقِينَا عَلَى عَهْدِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - إِلَّا بِبُغْضِهِمْ عَلِيًّا. رَوَاهُ الطَّبَرَانِيُّ فِي الْأَوْسَطِ، وَالْبَزَّارُ بِنَحْوِهِ إِلَّا أَنَّهُ قَالَ: مَا كُنَّا نَعْرِفُ مُنَافِقِينَا مَعْشَرَ الْأَنْصَارِ. بِأَسَانِيدَ كُلُّهَا ضَعِيفَةٌ.

حضرت جابر بن عبد الله رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم کے زمانہ اقدس میں ہم اپنے درمیان منافقین کو اس بات کے حوالے سے پہچان لیتے تھے کہ وہ حضرت علی رضی اللہ تعالیٰ عنہ سے بغض رکھتے تھے۔یہ روایت امام طبرانی نے معجم اوسط میں نقل کی ہے امام بزار نے اس کی مانند نقل کی ہے‘ تاہم انہوں نے یہ الفاظ نقل کیے ہیں : ’’ہم انصار کے لوگ منافقین کو اس حوالے سے پہچان لیتے تھے‘‘ اس کی تمام اسناد ضعیف ہیں۔

جَابِرِ بْنِ عَبْدِ اللَّهِ:

14760 - وَعَنِ ابْنِ عَبَّاسٍ قَالَ: «نَظَرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - إِلَى عَلِيٍّ، فَقَالَ: " لَا يُحِبُّكَ إِلَّا مُؤْمِنٌ وَلَا يُبْغِضُكُ إِلَّا مُنَافِقٌ، مَنْ أَحَبَّكَ فَقَدْ أَحَبَّنِي، وَمَنْ أَبْغَضَكَ فَقَدْ أَبْغَضَنِي، وَحَبِيبِي حَبِيبُ اللَّهِ، وَبَغِيضِي بَغِيضُ اللَّهِ، وَيْلٌ لِمَنْ أَبْغَضَكَ بَعْدِي» ". رَوَاهُ الطَّبَرَانِيُّ فِي الْأَوْسَطِ، وَرِجَالُهُ ثِقَاتٌ إِلَّا أَنَّ فِي تَرْجَمَةِ أَبِي الْأَزْهَرِ: أَحْمَدَ بْنِ الْأَزْهَرِ النَّيْسَابُورِيَّ: أَنَّ مَعْمَرًا كَانَ لَهُ ابْنُ أَخٍ رَافِضِيٌّ فَأَدْخَلَ هَذَا الْحَدِيثَ فِي كُتُبِهِ، وَكَانَ مَعْمَرٌ مَهِيبًا لَا يُرَاجَعُ وَسَمِعَهُ عَبْدُ الرَّزَّاقِ.

حضرت عبداللہ بن عباس رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ سلم نے حضرت علی رضی اللہ تعالیٰ عنہ کی طرف دیکھا اور فرمایا: ’’کوئی مومن ہی تم سے محبت رکھے گا‘ اور کوئی منافقت ہی تم سے بغض رکھے گا جو شخص تم سے محبت رکھے گا‘ وہ مجھ سے محبت رکھے گا‘ اور جو شخص تم سے بغض رکھے گا‘ وہ مجھ سے بغض رکھے گا میرا حبیب الله کا حبیب ہے‘ اور میر اناپسندیدہ شخص اللہ کا ناپسندیدہ شخص ہے اس شخص کے لئے بربادی ہے‘ جو میرے بعد تم سے بغض رکھے گا‘‘۔یہ روایت امام طبرانی نے معجم اوسط میں نقل کی ہے۔ اس کے رجال ثقہ ہیں تاہم ابو ازہر احمد بن ازہر نیشا پوری کے حالات میں یہ بات تحریر ہے کہ معمر کا ایک بھتیجا تھا‘ جو رافضی تھا اس نے یہ روایت ان کی تحریروں میں داخل کر دی ہے‘ اور معمر ایک با رُعب شخص تھے۔ انہیں نظر ثانی کے لئے نہیں کہا جاتا تھا امام عبد الرزاق نے ان سے سماع کیا ہے۔

نَظَرَ رَسُولُ اللَّهِ إِلَى عَلِيٍّ، ← ابْنِ عَبَّاسٍ،