Majma uz Zawaid Wa Manba ul Fawaid

14401 - وَعَنْ زِرٍّ قَالَ: كُنْتُ بِالْمَدِينَةِ، فَإِذَا رَجُلٌ آدَمُ، أَعْسَرُ أَيْسَرُ، ضَخْمٌ، إِذَا أَشْرَفَ عَلَى النَّاسِ كَأَنَّهُ عَلَى دَابَّةٍ، فَإِذَا هُوَ عُمَرُ. رَوَاهُ الطَّبَرَانِيُّ، وَإِسْنَادُهُ حَسَنٌ.

زر بن حبیش بیان کرتے ہیں میں مدینہ منورہ میں موجود تھا وہاں ایک گندمی رنگ کے صاحب موجود تھے جن کے سر کے آگے کے بال اڑے ہوئے تھے وہ بھاری بھر کم شخصیت کے مالک تھے وہ جب لوگوں کے درمیان ہوتے تو یوں محسوس ہوتا ہے جیسے کسی سواری پر سوار ہیں۔ وہ حضرت عمر رضی اللہ تعالیٰ عنہ تھے۔ یہ روایت امام طبرانی نے نقل کی ہے‘ اور اس کی سند حسن ہے۔

زِرٍّ

14402 - وَعَنْ عَبْدِ اللَّهِ بْنِ هِلَالٍ قَالَ: رَأَيْتُ عُمَرَ رَجُلًا ضَخْمًا، كَأَنَّهُ مِنْ رِجَالِ سَدُوسٍ. رَوَاهُ الطَّبَرَانِيُّ، وَرِجَالُهُ ثِقَاتٌ.

عبداللہ بن ہلال بیان کرتے ہیں: میں نے حضرت عمر رضی اللہ تعالیٰ عنہ کو دیکھا کہ وہ ایک بھاری بھرکم شخص تھے یوں جیسے وہ سدوس سے تعلق رکھنے والے فرد ہوں۔ یہ روایت امام طبرانی نے نقل کی ہے‘ اور اس کے رجال ثقہ ہیں۔

رَأَيْتُ عُمَرَ رَجُلًا ضَخْمًا، كَأَنَّهُ مِنْ رِجَالِ سَدُوسٍ. رَوَاهُ الطَّبَرَانِيُّ، وَرِجَالُهُ ثِقَاتٌ. ← وَعَنْ عَبْدِ اللَّهِ بْنِ هِلَالٍ

14403 - وَعَنْ سَعِيدِ بْنِ الْمُسَيَّبِ قَالَ: كَانَ عُمَرُ أَصْلَعَ شَدِيدَ الصَّلَعِ. رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ. وَقَدْ تَقَدَّمَ فِي الْخِضَابِ بَعْضُ صِفَاتِهِ وَصِفَاتِ غَيْرِهِ.

سعید بن مسیب بیان کرتے ہیں حضرت عمر رضی اللہ تعالیٰ عنہ کے بال آگے کی طرف سے بالکل اڑے ہوئے تھے۔ یہ روایت امام طبرانی نے نقل کی ہے‘ اور اس کے رجال ’’صحیح‘‘ کے رجال ہیں۔ اس سے پہلے خضاب سے متعلق باب میں ان کا اور دیگر لوگوں کا کچھ حلیہ بیان ہو چکا ہے۔

سَعِيدِ بْنِ الْمُسَيِّبِ،

14404 - عَنْ عَبْدِ اللَّهِ - يَعْنِي ابْنَ مَسْعُودٍ - قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «اللَّهُمَّ أَعِزَّ الْإِسْلَامَ بِعُمَرَ بْنِ الْخَطَّابِ، أَوْ بِأَبِي جَهْلِ بْنِ هِشَامٍ ". فَجَعَلَ اللَّهُ دَعْوَةَ رَسُولِهِ - صَلَّى اللَّهُ عَلَيْهِ وَسَلَّمَ - لِعُمَرَ بْنِ الْخَطَّابِ، فَبَنَى عَلَيْهِ الْإِسْلَامَ، وَهَدَمَ بِهِ الْأَوْثَانَ». رَوَاهُ الطَّبَرَانِيُّ فِي الْكَبِيرِ وَالْأَوْسَطِ بِنَحْوِهِ بِاخْتِصَارٍ، وَقَالَ: " «أَيِّدِ الْإِسْلَامَ» ". وَرِجَالُ الْكَبِيرِ رِجَالُ الصَّحِيحِ غَيْرُ مُجَالِدِ بْنِ سَعِيدٍ، وَقَدْ وُثِّقَ.

حضرت عبداللہ بن مسعود رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’اے اللہ! تو عمر بن خطاب یا ابو جہل بن ہشام کے ذریعے اسلام کو غلبہ عطا فرما‘‘۔ تو اللہ تعالیٰ نے حضرت عمر بن خطاب رضی اللہ تعالیٰ عنہ کے حق میں نبی اکرم صلی اللہ علیہ وآلہ سلم کی دعا کو قبول کیا اور ان کے ذریعے اسلام کو مضبوط کیا اور بتوں کو منہدم کیا۔ یہ روایت امام طبرانی نے معجم کبیر میں نقل کی ہے‘ اور معجم اوسط میں اس کی مانند روایت اختصار کے ساتھ نقل کی ہے‘ جس میں یہ الفاظ ہیں: ’’اسلام کی تائید فرما‘‘۔ معجم کبیر کے رجال ’’صحیح‘‘ کے رجال ہیں صرف مجالد بن سعید کا معاملہ مختلف ہے‘ اور اس کی توثیق کی گئی ہے۔

عبد الله -يعني ابن مسعود-

14405 - وَعَنْ أَبِي بَكْرٍ الصِّدِّيقِ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «اللَّهُمَّ اشْدُدِ الْإِسْلَامَ بِعُمَرَ بْنِ الْخَطَّابِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ مُحَمَّدُ بْنُ الْحَسَنِ بْنِ زَبَالَةَ، وَهُوَ مَتْرُوكٌ.

حضرت ابو بکر صدیق رضی اللہ تعالیٰ عنہ بیان کرتے ہیں : میں نے نبی اکرم صلی اللہ علیہ و الہ سلم کو یہ ارشاد فرماتے ہوئے سنا: ’’اے اللہ ! عمر بن خطاب رضی اللہ تعالیٰ عنہ کے ذریعے اسلام کو مضبوط کر دے‘‘۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی محمد بن حسن بن زبالہ ہے‘ اور وہ متروک ہے۔

رَسُولِ اللَّهِ ← أَبِي بَكْرٍ الصِّدِّيقِ:

14406 - وَعَنْ أَنَسِ بْنِ مَالِكٍ: «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - دَعَا عَشِيَّةَ الْخَمِيسِ فَقَالَ: " اللَّهُمَّ أَعِزَّ الْإِسْلَامَ بِعُمَرَ بْنِ الْخَطَّابِ، أَوْ بِعَمْرِو بْنِ هِشَامٍ ". فَأَصْبَحَ عُمَرُ يَوْمَ الْجُمْعَةِ، فَأَسْلَمَ». رَوَاهُ الطَّبَرَانِيُّ فِي الْأَوْسَطِ، وَفِيهِ الْقَاسِمُ بْنُ عُثْمَانَ الْبَصْرِيُّ، وَهُوَ ضَعِيفٌ.

حضرت انس بن مالک رضی اللہ تعالیٰ عنہ بیان کرتے ہیں: نبی اکرم صلی اللہ علیہ و الہ سلم نے جمعرات کی شام دعا کرتے ہوئے یہ کہا: ’’اے اللہ! عمر بن خطاب یاعمرو بن ہشام کے ذریعے اسلام کوغلبہ عطا فرما‘‘۔ تو اگلے دن جمعہ کے دن حضرت عمر رضی اللہ تعالیٰ عنہ نے اسلام قبول کر لیا۔ یہ روایت امام طبرانی نے معجم اوسط میں نقل کی ہے۔ اس کی سند میں ایک راوی قاسم بن عثمان بصریٰ ہے‘ اور وہ ضعیف ہے۔

اَنَسِ بْنِ مَالِکٍ،

14407 - وَعَنْ عُمَرَ بْنِ الْخَطَّابِ قَالَ: «خَرَجْتُ أَبْغِي رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَبْلَ أَنْ أُسْلِمَ، فَوَجَدْتُهُ قَدْ سَبَقَنِي إِلَى الْمَسْجِدِ، فَقُمْتُ خَلْفَهُ، فَاسْتَفْتَحَ سُورَةَ الْحَاقَّةِ، فَجَعَلْتُ أَعْجَبُ مِنْ تَأْلِيفِ الْقُرْآنِ. قَالَ: فَقُلْتُ: هَذَا وَاللَّهِ شَاعِرٌ كَمَا قَالَتْ قُرَيْشٌ. قَالَ: فَقَرَأَ: {إِنَّهُ لَقَوْلُ رَسُولٍ كَرِيمٍ - وَمَا هُوَ بِقَوْلِ شَاعِرٍ قَلِيلًا مَا تُؤْمِنُونَ} [الحاقة: 40 - 41] قُلْتُ: كَاهِنٌ. قَالَ: {وَلَا بِقَوْلِ كَاهِنٍ قَلِيلًا مَا تَذَكَّرُونَ - تَنْزِيلٌ مِنْ رَبِّ الْعَالَمِينَ} [الحاقة: 42 - 43] إِلَى آخِرِ السُّورَةِ. قَالَ: فَوَقَعَ الْإِسْلَامُ مِنْ قَلْبِي كُلَّ مَوْقِعٍ». رَوَاهُ الطَّبَرَانِيُّ فِي الْأَوْسَطِ، وَرِجَالُهُ ثِقَاتٌ، إِلَّا أَنَّ شُرَيْحَ بْنَ عُبَيْدٍ لَمْ يُدْرِكْ عُمَرَ.

حضرت عمر بن خطاب رضی اللہ تعالیٰ عنہ بیان کرتے ہیں: میں اسلام قبول کرنے سے پہلے نبی اکرم صلی اللہ علیہ و الہ سلم کی تلاش میں نکلا‘ آپ مجھ سے پہلے مسجد میں پہنچے ہوئے تھے میں آپ کے پیچھے کھڑا ہو گیا‘ آپ نے سورت حاقہ پڑھنی شروع کی‘ تو قرآن کے نظم کا حوالے سے میں بہت حیران ہوا حضرت عمر رضی اللہ تعالیٰ عنہ کہتے ہیں: میں نے سوچا للہ کی قسم! یہ صاحب شاعر ہیں جس طرح قریش یہ بات کہتے ہیں حضرت عمر رضی اللہ تعالیٰ عنہ کہتے ہیں: اسی دوران نبی اکرم صلی اللہ علیہ و الہ سلم نے یہ آیت تلاوت کی: ’’یہ معزز رسول کا (نقل کیا ہوا) کلام ہے‘ یہ شاعر کا کلام نہیں ہے (مگر) تم کم ہی یقین رکھتے ہو‘‘۔ میں نے سوچا کہ یہ کاہن ہیں‘ تو نبی اکرم صلی اللہ علیہ و الہ سلم نے یہ آیت تلاوت کی:’’یہ کسی کاہن کا کلام نہیں ہے‘ (مگر) تم کم ہی نصیحت حاصل کرتے ہو‘‘۔ حضرت عمر رضی اللہ تعالیٰ عنہ کہتے ہیں، تو اس وقت اسلام مکمل طور پر میرے دل میں گھر کر گیا۔ یہ روایت امام احمد نے نقل کی ہے‘ اور اس کے رجال ثقہ ہیں البتہ شریح بن عبید نامی راوی نے حضرت عمر رضی اللہ تعالیٰ عنہ کا زمانہ نہیں پایا۔

عُمَرَ بْنِ الْخَطَّابِ،

14408 - وَعَنْ ثَوْبَانَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «اللَّهُمَّ أَعِزَّ الْإِسْلَامَ بِعُمَرَ بْنِ الْخَطَّابِ ". وَقَدْ ضَرَبَ أُخْتَهُ أَوَّلَ اللَّيْلِ وَهِيَ تَقْرَأُ: {اقْرَأْ بِاسْمِ رَبِّكَ الَّذِي خَلَقَ} [العلق: 1] حَتَّى ظَنَّ أَنَّهُ قَتَلَهَا، ثُمَّ قَامَ فِي السَّحَرِ، فَسَمِعَ صَوْتَهَا تَقْرَأُ: {اقْرَأْ بِاسْمِ رَبِّكَ الَّذِي خَلَقَ} [العلق: 1] فَقَالَ: وَاللَّهِ مَا هَذَا بِشِعْرٍ وَلَا هَمْهَمَةٍ، فَذَهَبَ حَتَّى أَتَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَوَجَدَ بِلَالًا عَلَى الْبَابِ، فَدَفَعَ الْبَابَ، فَقَالَ بِلَالٌ: مَنْ هَذَا؟ فَقَالَ: عُمَرُ بْنُ الْخَطَّابِ. فَقَالَ: حَتَّى أَسْتَأْذِنَ لَكَ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ بِلَالٌ: يَا رَسُولَ اللَّهِ، عُمَرُ بِالْبَابِ. فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " إِنْ يُرِدِ اللَّهُ بِعُمَرَ خَيْرًا يُدْخِلْهُ فِي الدِّينِ ". فَقَالَ لِبِلَالٍ: " افْتَحْ ". وَأَخَذَ رَسُولُ اللَّهِ بِضَبْعَيْهِ وَهَزَّهُ، وَقَالَ: " مَا الَّذِي تُرِيدُ؟ وَمَا الَّذِي جِئْتَ؟ ". فَقَالَ لَهُ عُمَرُ: اعْرِضْ عَلَيَّ الَّذِي تَدْعُو إِلَيْهِ. فَقَالَ: " تَشْهَدُ أَنْ لَا إِلَهَ إِلَّا اللَّهَ وَحْدَهُ لَا شَرِيكَ لَهُ، وَأَنَّ مُحَمَّدًا عَبْدُهُ وَرَسُولُهُ ". فَأَسْلَمَ عُمَرُ مَكَانَهُ وَقَالَ: اخْرُجْ». رَوَاهُ الطَّبَرَانِيُّ، وَفِيهِ يَزِيدُ بْنُ رَبِيعَةَ الرَّحَبِيُّ، وَهُوَ مَتْرُوكٌ وَقَالَ ابْنُ عَدِيٍّ: أَرْجُو أَنَّهُ لَا بَأْسَ بِهِ، وَبَقِيَّةُ رِجَالِهِ ثِقَاتٌ.

حضرت ثوبان رضی اللہ تعالیٰ عنہ روایت کرتے ہیں: نبی اکرم صلی اللہ علیہ و الہ سلم نے ارشاد فرمایا:’’اے اللہ! عمربن خطاب کے ذریعے کے ذریعے اسلام کو غلبہ عطا فرما‘‘۔(راوی بیان کرتے ہیں :)رات کے ابتدائی حصے میں حضرت عمر رضی اللہ تعالیٰ عنہ نے اپنی بہن کی پٹائی کی تھی جو یہ آیت پڑھ رہی تھیں:’’تم اپنے پروردگار کے اسم کے ہمراہ پڑھو جس نے پیدا کیا ہے‘‘۔حضرت عمر رضی اللہ تعالیٰ عنہ نے ان کی اتنی پٹائی کی کہ انہیں یہ لگا کہ شاید وہ اس خاتون کو قتل کر دیں گے پھر وہ صبح کے وقت اٹھے تو انہوں نے اس خاتون کو یہ پڑھتے ہوئے سنا:’’تم اپنے پروردگار کے اسم کے ہمراہ پڑھو جس نے پیدا کیا ہے‘‘۔تو حضرت عمر رضی اللہ تعالیٰ عنہ نے کہا: اللہ کی قسم ! یہ نہ تو شعر ہے اور نہ ہی ہمہمہ (یعنی نغمہ) ہے پھر وہ گئے اور نبی اکرم صلی اللہ علیہ وآلہ وسلم کی خدمت میں حاضر ہوئے‘ انہوں نے حضرت بلال رضی اللہ تعالیٰ عنہ کو دروازے پر پایا انہوں نے دروازے پر دستک دی حضرت بلال رضی اللہ تعالیٰ عنہ نے پوچھا: کون ہے؟ انہوں نے جواب دیا: عمر بن خطاب حضرت بلال رضی اللہ تعالیٰ عنہ نے کہا: پہلے میں نبی اکرم صلی اللہ علیہ وآلہ وسلم سے اجازت لے لوں حضرت بلال رضی اللہ تعالیٰ عنہ نے عرض کی: یا رسول الله صلی اللہ علیہ و الہ سلم دروازے پر عمر ہے۔ نبی اکرم صلی اللہ علیہ وآلہ وسلم نے فرمایا: اللہ تعالیٰ نے عمر کے بارے میں اگر بھلائی کا ارادہ کر لیا ہے‘ تو وہ اسے دین میں داخل کروا دے گا آپ نے حضرت بلال رضی اللہ تعالیٰ عنہ سے فرمایا: دروازہ کھول دو نبی اکرم صلی اللہ علیہ وآلہ وسلم نے حضرت عمر رضی اللہ تعالیٰ عنہ کے دونوں پہلوؤں کو پکڑ کرا نہیں ہلایا اور بولے :تم کیا چاہتے ہو اور کس لئے آئے ہو؟ حضرت عمر رضی اللہ تعالیٰ عنہ نے آپ کی خدمت میں عرض کی: آپ میرے سامنے وہ چیز بیان کیجئے جس کی طرف آپ دعوت دیتے ہیں‘ تو نبی اکرم صلی اللہ علیہ وآلہ وسلم نے فرمایا : تم اس بات کی گواہی دو کہ اللہ تعالیٰ کے علاوہ اور کوئی معبود نہیں ہے صرف وہی ایک معبود ہے اس کا کوئی شریک نہیں ہے‘ اور حضرت محمد صلی اللہ علیہ و الہ سلم اس کے بندے‘ اور اس کے رسول ہیں‘ تو حضرت عمر رضی اللہ تعالیٰ عنہ نے اسی جگہ اسلام قبول کر لیا نبی اکرم صلی اللہ علیہ وآلہ وسلم نے فرمایا: اب تم چلے جاؤ (یا حضرت عمر رضی اللہ تعالیٰ عنہ نے دریافت کیا: کیا میں چلا جاؤں)۔یہ روایت امام طبرانی نے نقل کی ہے۔ اس کی سند میں ایک راوی یزید بن ربیعہ رحبی ہے‘ اور وہ متروک ہے ابن عدی کہتے ہیں مجھے یہ امید ہے کہ اس میں کوئی حرج نہیں ہو گا اس روایت کے بغیر جال ثقہ ہیں۔

ثَوْبَانَ،

14409 - وَعَنِ ابْنِ عَبَّاسٍ قَالَ: لَمَّا أَسْلَمَ عُمَرُ قَالَ الْقَوْمُ: انْتَصَفَ الْقَوْمُ مِنَّا. رَوَاهُ الطَّبَرَانِيُّ، وَفِيهِ النَّضْرُ بْنُ عُمَرَ، وَهُوَ مَتْرُوكٌ.

حضرت عبداللہ بن عباس رضی اللہ تعالیٰ عنہ بیان کرتے ہیں: جب حضرت عمر رضی اللہ تعالیٰ عنہ نے اسلام قبول کیا‘ تو قوم (یعنی مشرکین مکہ) نے کہا: اب ہماری تعداد نصف رہ گئی ہے۔یہ روایت امام طبرانی نقل کی ہے۔ اس کی سند میں ایک راوی نضر ابو عمر ہے‘ اور وہ متروک ہے۔

الْقَوْمُ: انْتَصَفَ الْقَوْمُ مِنَّا. رَوَاهُ الطَّبَرَانِيُّ، وَفِيهِ النَّضْرُ بْنُ عُمَرَ، وَهُوَ مَتْرُوكٌ. ← لَمَّا أَسْلَمَ عُمَرُ ← وعن ابن عباس

14410 - وَعَنْ عَبْدِ اللَّهِ - يَعْنِي ابْنَ مَسْعُودٍ - قَالَ: إِنْ كَانَ إِسْلَامُ عُمَرَ لَفَتْحًا، وَهِجْرَتُهُ لَنَصْرًا، وَإِمَارَتُهُ رَحْمَةً، وَاللَّهِ مَا اسْتَطَعْنَا أَنْ نُصَلِّيَ بِالْبَيْتِ حَتَّى أَسْلَمَ عُمَرُ، فَلَمَّا أَسْلَمَ عُمَرُ قَاتَلَهُمْ حَتَّى دَعُونَا فَصَلَّيْنَا. رَوَاهُ الطَّبَرَانِيُّ.

حضرت عبداللہ بن مسعود رضی اللہ تعالیٰ عنہ فر ماتے ہیں: حضرت عمر رضی اللہ تعالیٰ عنہ نے کا اسلام قبول کرنا کشادگی کا باعث تھا‘ ان کی ہجرت مدد کا باعث تھی‘ ان کی حکومت رحمت تھی‘ الله کی قسم! ہم اس وقت تک (کھلے عام) نماز ادا کرنے کی استطاعت نہیں رکھ پائے تھے جب تک حضرت عمر رضی اللہ تعالیٰ عنہ نے اسلام قبول نہیں کر لیا جب حضرت عمر رضی اللہ تعالیٰ عنہ نے اسلام قبول کر لیا تو انہوں نے لوگوں کے ساتھ لڑ ائی کی‘ یہاں تک کہ انہوں نے ہمیں یہ موقع دیا کہ ہم (کھلے عام) نماز ادا کریں۔یہ روایت امام طبرانی نے نقل کی ہے۔

عبد الله -يعني ابن مسعود-

14411 - وَفِيهِ رِوَايَةٌ: مَا اسْتَطَعْنَا أَنْ نُصَلِّيَ عِنْدَ الْكَعْبَةِ ظَاهِرِينَ. وَرِجَالُهُ رِجَالُ الصَّحِيحِ إِلَّا أَنَّ الْقَاسِمَ لَمْ يُدْرِكْ جَدَّهُ ابْنَ مَسْعُودٍ.

ایک روایت میں یہ الفاظ ہیں: ’’ہم یہ استطاعت نہیں رکھتے تھے کہ خانہ کعبہ کے پاس کھلے عام نماز ادا کریں‘‘۔ اس روایت کے رجال’’صحیح‘‘ کے رجال ہیں البتہ قاسم نامی راوی نے اپنے دادا حضرت عبد اللہ بن مسعود رضی اللہ تعالیٰ عنہ کا زمانہ نہیں پایا ہے۔

14412 - وَعَنِ ابْنِ عَبَّاسٍ قَالَ: أَوَّلُ مَنْ جَهَرَ بِالْإِسْلَامِ عُمَرُ بْنُ الْخَطَّابِ. رَوَاهُ الطَّبَرَانِيُّ، وَإِسْنَادُهُ حَسَنٌ.

حضرت عبداللہ بن عباس رضی اللہ تعالیٰ عنہ بیان کرتے ہیں: سب سے پہلے اپنے اسلام کا کھلے عام اظہار حضرت عمر بن خطاب رضی اللہ تعالیٰ عنہ نے کیا تھا۔یہ روایت امام طبرانی نے نقل کی ہے‘ اور اس کی سند حسن ہے۔

أَوَّلُ مَنْ جَهَرَ بِالْإِسْلَامِ عُمَرُ بْنُ الْخَطَّابِ. رَوَاهُ الطَّبَرَانِيُّ، وَإِسْنَادُهُ حَسَنٌ. ← وعن ابن عباس